ਕਾਹਨ ਸਿੰਘ ਪਨੂੰ ਬਦਸਲੂਕੀ ਕੇਸ ਵਿੱਚ ਲੁਧਿਆਣਾ ਤੋਂ ਬਾਵਾ ਪਨੇਸਰ ਗ੍ਰਿਫਤਾਰ

 

ਲੁਧਿਆਣਾ - 30 ਜੂਨ (ਜੋਤੀ ਡਾਂਗ )--ਪੰਜਾਬ ਦੇ ਆਈ ਏ ਅਫਸਰ ਕਾਹਨ ਸਿੰਘ ਪਨੂੰ ਤੇ ਉਤਰਾਖੰਡ ਵਿਚ ਹੋਏ ਹਮਲੇ ਦੇ ਸਬੰਧ ਵਜੋਂ ਪੰਜਾਬ ਪੁਲਿਸ ਨੇ ਪਹਿਲੀ ਗ੍ਰਿਫਤਾਰੀ ਲੁਧਿਆਣਾ ਤੋਂ ਕੀਤੀ ਹੈ ਅਤੇ ਇਸ ਸਬੰਧ ਵਿਚ ਸਾਈਬਰ ਕਰਾਈਮ ਦੇ ਤਹਿਤ ਗੁਰਵਿੰਦਰ ਸਿੰਘ ਉਰਫ ਬਾਵਾ ਪਨੇਸਰ ਨੂੰ ਗ੍ਰਿਫਤਾਰ ਕਰਕੇ ਉਸਦਾ ਚਾਰ ਦਿਨ ਦਾ ਰਿਮਾਂਡ ਲੈ ਲਿਆ ਹੈ, ਇਸ ਮਾਮਲੇ ਵਿਚ ਪੁਲਿਸ ਨੂੰ ਕਾਫੀ ਕੁਝ ਨਿਕਲਣ ਦੀ ਆਸ ਹੈ।

ਗੋਬਿੰਦ ਘਾਟ 'ਤੇ ਪੰਨੂੰ ਦੀ ਹੋਈ ਕੁੱਟਮਾਰ ਦੇ ਮਾਮਲੇ 'ਤੇ ਜਥੇਦਾਰ ਨੰਦਗੜ੍ਹ ਨੇ ਲਿਆ ਵੱਖਰਾ ਸਟੈਂਡ

www.sabblok.blogspot.com

ਪੱਗ ਉਤਾਰਨੀ ਅਤਿ ਮਾੜੀ ਘਟਨਾ, ਪਰ ਪੱਗ ਉਤਾਰਨ ਦੀ ਨੌਬਤ ਕਿਉਂ ਆਈ : ਜਥੇਦਾਰ ਨੰਦਗੜ੍ਹ

ਬਰਨਾਲਾ, 30 ਜੂਨ, (ਜਗਸੀਰ ਸਿੰਘ ਸੰਧੂ) : ਉਤਰਾਖੰਡ ਵਿੱਚ ਆਈ ਕੁਦਰਤੀ ਆਫਤ ਵਿੱਚ ਫਸੇ ਲੋਕਾਂ ਨੂੰ ਕੱਢਣ ਲਈ ਪੰਜਾਬ ਸਰਕਾਰ ਵੱਲੋਂ ਭੇਜੀ ਟੀਮ ਦੇ ਆਗੂ ਅਤੇ ਆਈ.ਏ.ਐਸ. ਅਫਸ਼ਰ ਕਾਹਨ ਸਿੰਘ ਪੰਨੂੰ ਦੀ ਗੋਬਿੰਦ ਘਾਟ ਵਿਖੇ ਸਿੱਖ ਯਾਤਰੂਆਂ ਦੇ ਇੱਕ ਦਲ ਵੱਲੋਂ ਕੁੱਟਮਾਰ ਕਰਨ ਅਤੇ ਪੱਗ ਉਤਾਰਨ ਦੇ ਮਾਮਲੇ 'ਚ ਵੱਖਰਾ ਸਟੈਂਡ ਲੈਦਿਆਂ ਤਖਤ ਸ਼੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਬਲਵੰਤ ਸਿੰਘ ਨੰਦਗੜ੍ਹ ਨੇ ਕਿਹਾ ਹੈ ਕਿ ਬਿਨਾਂ ਸ਼ੱਕ ਇੱਕ ਸਿੱਖ ਦੀ ਪੱਗ ਉਤਾਰਨਾ ਬਹੁਤ ਹੀ ਨਿੰਦਣਯੋਗ ਅਤੇ ਅਤਿ ਮਾੜੀ ਕਾਰਵਾਈ ਹੈ, ਕਿਉਂਕਿ ਦਸਤਾਰ ਸਿੱਖ ਧਰਮ ਦਾ ਧਾਰਮਿਕ ਚਿੰਨ ਹੈ, ਪਰ ਇਸ ਗੱਲ ਦੀ ਵੀ ਪੜਤਾਲ ਕਰਨੀ ਚਾਹੀਦੀ ਹੈ ਕਿ ਦਸਤਾਰ ਉਤਾਰਨ ਤੱਕ ਨੌਬਤ ਕਿਉਂ ਚਲੀ ਗਈ ਅਤੇ ਹੋਰ ਸਿਵਲ ਅਤੇ ਫੌਜ ਦੇ ਹੋਰ ਕਈ ਅਫਸਰਾਂ ਦੀ ਮੌਜੂਦਗੀ ਸਿਰਫ਼ ਕਾਹਨ ਸਿੰਘ ਪੰਨੂੰ 'ਤੇ ਸਿੱਖ ਸੰਗਤ ਕਿਉਂ ਭੜਕੀ ਅਤੇ ਉਸਦੀ ਹੀ ਕੁੱਟਮਾਰ ਕਰਕੇ ਦਸਤਾਰ ਕਿਉਂ ਉਤਾਰੀ ਗਈ। ਜਥੇਦਾਰ ਨੰਦਗੜ੍ਹ ਨੇ ਕਿਹਾ ਕਿ ਇਸ ਗੱਲ ਦੀ ਵੀ ਪੜਤਾਲ ਜਰੂਰੀ ਹੈ ਕਿ ਕਾਹਨ ਸਿੰਘ ਪੰਨੂੰ ਨੇ ਅਜਿਹਾ ਕੀ ਕਿਹਾ ਸੀ ਕਿ ਜਿਸ ਨੂੰ ਸੁਣਕੇ ਸਿੱਖ ਸੰਗਤਾਂ ਭੜਕ ਗਈਆਂ ਅਤੇ ਨੌਬਤ ਪੱਗ ਲਾਹੁਣ ਤੱਕ ਚਲੀ ਗਈ। ਗਿਆਨੀ ਨੰਦਗੜ ਨੇ ਕਿਹਾ ਕਿ ਉਥੇ ਰਾਹਤ ਕਾਰਜਾਂ ਵਿੱਚ ਸੈਂਕੜੇ ਅਫਸਰ ਅਤੇ ਹਜ਼ਾਰਾਂ ਲੋਕ ਲੱਗੇ ਹੋਏ ਸਨ, ਕਿਸੇ ਨੂੰ ਵੀ ਸਿੱਖ ਸੰਗਤਾਂ ਵੱਲੋਂ ਮੰਦਾ ਬਚਨ ਤੱਕ ਨਹੀਂ ਬੋਲਿਆ ਗਿਆ, ਪਰ ਉਹਨਾਂ ਨੂੰ ਪਤਾ ਲੱਗਿਆ ਹੈ ਕਿ ਕਾਹਨ ਸਿੰਘ ਪੰਨੂੰ ਨੇ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਪ੍ਰਤੀ ਕੋਈ ਮੰਦਾ ਸਬਦ ਬੋਲਿਆ ਹੈ, ਜਿਸ ਕਾਰਨ ਸਿੱਖ ਸੰਗਤਾਂ ਦੀਆਂ ਧਾਰਮਿਕ ਭਾਵਨਾਵਾਂ ਭੜਕ ਗਈਆਂ ਅਤੇ ਇਹ ਘਟਨਾ ਵਾਪਰ ਗਈ ਹੈ। ਜਥੇਦਾਰ ਨੰਦਗੜ ਨੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਅਤੇ ਹੋਰ ਤਖਤ ਸਾਹਿਬਾਨ ਦੇ ਜਥੇਦਾਰ ਸਾਹਿਬਾਨ ਨੂੰ ਵੀ ਕਿਹਾ ਹੈ ਕਿ ਇਸ ਮਾਮਲੇ 'ਤੇ ਕੋਈ ਬਿਆਨ ਦੇਣ ਤੋਂ ਪਹਿਲਾਂ ਇਸ ਮੰਦਭਾਗੀ ਘਟਨਾ ਦੇ ਵਾਪਰਨ ਸਬੰਧੀ ਪੂਰੀ ਜਾਂਚ ਪੜਤਾਲ ਕਰਕੇ ਅਸਲ ਸਚਾਈ ਪਤਾ ਕਰ ਲੈਣੀ ਬਣਦੀ ਹੈ।

ਬਾਦਲ ਵੱਲੋਂ ਕਪਾਹ ਤੇ ਝੋਨੇ ਦਾ ਇਮਦਾਦੀ ਭਾਅ ਰੱਦ

www.sabblok.blogspot.com
 
ਖੇਤੀਬਾੜੀ ਵਿਭਿੰਨਤਾ ਤਹਿਤ ਕਪਾਹ, ਮੱਕੀ ਤੇ ਬਾਸਮਤੀ ਦੇ ਘੱਟੋ-ਘੱਟ ਸਮੱਰਥਨ ਮੁੱਲ ’ਚ ਢੁਕਵੇਂ ਵਾਧੇ ਦੀ ਮੰਗ
ਚੰਡੀਗੜ੍ਹ ਸ. ਰ.-ਪੰਜਾਬ ਸਰਕਾਰ ਦੀ ਝੋਨੇ ਅਤੇ ਕਪਾਹ ਦਾ ਘੱਟੋ-ਘੱਟ ਸਮਰਥਨ ਮੁੱਲ ਕ੍ਰਮਵਾਰ 1800 ਅਤੇ 4674 ਰੁਪਏ ਪ੍ਰਤੀ ਕੁਇੰਟਲ ਕਰਨ ਦੀ ਮੰਗ ਦੀ ਥਾਂ ਕੇਂਦਰ ਸਰਕਾਰ ਵੱਲੋਂ ਝੋਨੇ ਅਤੇ ਕਪਾਹ ’ਚ ਕੇਵਲ 60 ਅਤੇ 100 ਰੁਪਏ ਪ੍ਰਤੀ ਕੁਇੰਟਲ ਵਧਾ ਕੇ ਇਹ ਮੁੱਲ 1310 ਅਤੇ 3700 ਰੁਪਏ ਕਰਨ ਦੀ ਤਿੱਖੀ ਆਲੋਚਨਾ ਕਰਦੇ ਹੋਏ ਪੰਜਾਬ ਦੇ ਮੁੱਖ ਮੰਤਰੀ ਸ. ਪਰਕਾਸ਼ ਸਿੰਘ ਬਾਦਲ ਨੇ ਇਸ ਨਿਗੁਣੇ ਵਾਧੇ ਨੂੰ ਕਿਸਾਨਾਂ ਨਾਲ ਠੱਗੀ ਕਰਾਰ ਦਿੰਦਿਆਂ ਆਖਿਆ ਕਿ ਪਹਿਲਾਂ ਹੀ ਵੱਡੀਆਂ ਮੁਸੀਬਤਾਂ ’ਚ ਫਸੀ ਕਿਸਾਨੀ ਲਈ ਇਸ ਵਾਧੇ ਨੂੰ ਨਿਰਾਸ਼ਾਜਨਕ ਗਰਦਾਨਿਆ ਗਿਆ ਹੈ। ਗੌਰਤਲਬ ਹੈ ਕਿ ਆਰਥਿਕ ਮਾਮਲਿਆਂ ਬਾਰੇ ਕੇਂਦਰੀ ਕੈਬਨਿਟ ਕਮੇਟੀ ਨੇ ਚਾਲੂ ਸਾਉਣੀ ਦੇ ਸੀਜ਼ਨ ਦੌਰਾਨ ਝੋਨੇ ਤੇ ਕਪਾਹ ਦੇ ਭਾਅ ਵਿੱਚ ਕ੍ਰਮਵਾਰ 60 ਅਤੇ 100 ਰੁਪਏ ਪ੍ਰਤੀ ਕੁਇੰਟਲ ਵਾਧਾ ਕੀਤਾ ਹੈ। ਅੱਜ ਜਾਰੀ ਇੱਥੇ ਇੱਕ ਬਿਆਨ ’ਚ ਸ. ਬਾਦਲ ਨੇ ਕਿਹਾ ਕਿ ਕਾਂਗਰਸ ਦੀ ਅਗਵਾਈ ਵਾਲੀ ਯੂ.ਪੀ.ਏ. ਸਰਕਾਰ ਦਾ ਇਹ ਫੈਸਲਾ ਕਿਸਾਨਾਂ ਦੇ ਮਨੋਬਲ ਨੂੰ ਢਾਹ ਲਾਵੇਗਾ ਕਿਉਂਕਿ ਖੇਤੀਬਾੜੀ ਪਹਿਲਾਂ ਹੀ ਡੀਜ਼ਲ, ਬੀਜਾਂ, ਖਾਦਾਂ ਅਤੇ ਕੀੜੇਮਾਰ ਦਵਾਈਆਂ ਆਦਿ ਖੇਤੀਬਾੜੀ ਵਸਤਾਂ ਦੀ ਲਾਗਤ ਵਧਣ ਕਰਕੇ ਲਾਹੇਵੰਦ ਧੰਦਾ ਨਹੀਂ ਰਿਹਾ। ਇਹ ਫੈਸਲਾ ਮੁਸੀਬਤਾਂ ’ਚ ਘਿਰੇ ਹੋਏ ਕਿਸਾਨਾਂ ਦੀ ਹਾਲਤ ਨੂੰ ਹੋਰ ਮਾੜਾ ਕਰੇਗਾ ਜੋ ਕਿ ਪਹਿਲਾਂ ਹੀ ਵੱਡੀਆ ਮੁਸੀਬਤਾਂ ’ਚ ਫਸੇ ਹੋਏ ਹਨ। ਸ. ਬਾਦਲ ਨੇ ਇਸ ਫੈਸਲੇ ਨੂੰ ਕਿਸਾਨ ਵਿਰੋਧੀ ਦੱਸਦੇ ਹੋਏ ਇਸਨੂੰ ਕਿਸਾਨਾਂ ਨਾਲ ਇੱਕ ਘਟੀਆ ਮਜ਼ਾਕ ਦੱਸਿਆ ਹੈ। ਸ. ਬਾਦਲ ਨੇ

ਕਿਹਾ ਕਿ ਯੂ.ਪੀ.ਏ. ਸਰਕਾਰ ਨੇ ਅਜਿਹਾ ਕਰਕੇ ਨਾ ਕੇਵਲ ਕਿਸਾਨਾਂ ਦੇ ਜ਼ਖ਼ਮਾਂ ’ਤੇ ਨਮਕ ਛਿੜਕਿਆ ਹੈ ਸਗੋਂ ਸਖ਼ਤ ਮਿਹਨਤ ਕਰਨ ਵਾਲੇ ਇਸ ਭਾਈਚਾਰੇ ਨੂੰ ਵੱਡੀ ਸੱਟ ਮਾਰੀ ਹੈ ਜਿਨ੍ਹਾਂ ਨੇ ਕਿ ਰਾਸ਼ਟਰੀ ਖੁਰਾਕ ਸੁਰੱਖਿਆ ਵਿੱਚ ਆਪਣਾ ਵਡਮੁੱਲਾ ਯੋਗਦਾਨ ਪਾਇਆ ਹੈ। ਕੇਂਦਰ ’ਤੇ ਵਰ੍ਹਦਿਆਂ ਸ. ਬਾਦਲ ਨੇ ਯੂ.ਪੀ.ਏ. ਸਰਕਾਰ ’ਤੇ ਦੋਹਰੀ ਬੋਲੀ ਬੋਲਣ ਦਾ ਦੋਸ਼ ਲਾਇਆ ਹੈ। ਇੱਕ ਪਾਸੇ ਇਹ ਪੰਜਾਬ ਨੂੰ ਵੱਡੇ ਪੱਧਰ ’ਤੇ ਖੇਤੀ ਵਿਭਿੰਨਤਾ ਅਪਨਾਉਣ ਲਈ ਆਖ ਰਹੀ ਹੈ ਜਦਕਿ ਦੂਜੇ ਪਾਸੇ ਇਹ ਕਿਸਾਨਾਂ ਨੂੰ ਕਪਾਹ, ਮੱਕੀ ਅਤੇ ਬਾਸਮਤੀ ਵਰਗੀਆਂ ਬਦਲਵੀਆਂ ਫਸਲਾਂ ਦਾ ਘੱਟੋ-ਘੱਟ ਸਮਰੱਥਨ ਮੁੱਲ ਦੇਣ ਦੇ ਬਣਦੇ ਅਧਿਕਾਰ ਤੋਂ ਇਨਕਾਰੀ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਉਹਨਾਂ ਨੇ ਨਿੱਜੀ ਤੌਰ ’ਤੇ ਇਹਨਾਂ ਫਸਲਾਂ ਲਈ ਪੱਕੇ ਤੌਰ ’ਤੇ ਖਰੀਦ ਢੰਗ-ਤਰੀਕਾ ਯਕੀਨੀ ਬਨਾਉਣ ਦਾ ਮਾਮਲਾ ਕੇਂਦਰੀ ਖੇਤੀਬਾੜੀ ਮੰਤਰੀ ਸ਼੍ਰੀ ਸ਼ਰਦ ਪਵਾਰ ਅਤੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਕੋਲ ਕਈ ਵਾਰ ਉਠਾਇਆ ਹੈ ਤਾਂ ਜੋ ਕਿਸਾਨਾਂ ਨੂੰ ਕਪਾਹ, ਮੱਕੀ ਅਤੇ ਬਾਸਮਤੀ ਵਰਗੀਆਂ ਫਸਲਾਂ ਦੀ ਖੇਤੀ ਕਰਨ ਵੱਲ ਪ੍ਰੇਰਿਤ ਕੀਤਾ ਜਾਵੇ ਅਤੇ ਮੰਡੀ ਦੀਆਂ ਸਹੂਲਤਾਂ ਉਪਲਬੱਧ ਕਰਵਾ ਕੇ ਉਹਨਾਂ ਦੀ ਵਪਾਰੀਆਂ ਵੱਲੋਂ ਲੁੱਟ ਨੂੰ ਰੋਕਿਆ ਜਾ ਸਕੇ। ਉਨ੍ਹਾਂ ਦੱਸਿਆ ਕਿ ਰਾਜ ਸਰਕਾਰ ਨੇ ਮੱਕੀ ਅਤੇ ਬਾਸਮਤੀ ਦੇ ਪਹਿਲਾਂ ਹੀ ਕ੍ਰਮਵਾਰ 1700 ਅਤੇ 3500 ਰੁਪਏ ਪ੍ਰਤੀ ਕੁਇੰਟਲ ਸਮਰਥਨ ਮੁੱਲ ਦੀ ਮੰਗ ਕੀਤੀ ਹੈ। ਸ. ਬਾਦਲ ਨੇ ਮੰਗ ਕੀਤੀ ਕਿ ਖੇਤੀਬਾੜੀ ਮਾਹਰਾਂ ਅਤੇ ਪੀ.ਏ.ਯੂ. ਦੇ ਆਰਥਿਕ ਮਾਹਿਰਾਂ ਦੀ ਟੀਮ ਦੁਆਰਾ ਇਕੱਤਰ ਕੀਤੇ ਤੱਥਾਂ ਦੇ ਅਨੁਸਾਰ ਇਹਨਾਂ ਫਸਲਾਂ ਦਾ ਤਰਕ ਸੰਗਤ ਰੂਪ ’ਚ ਘੱਟੋ-ਘੱਟ ਸਮਰੱਥਨ ਮੁੱਲ ਨਿਰਧਾਰਤ ਕਰਕੇ ਦੇਸ਼ ਦੇ ਅਨਾਜ ਭੰਡਾਰ ਵਿੱਚ ਆਪਣੀ ਸਖ਼ਤ ਮਿਹਨਤ ਨਾਲ ਵੱਡਾ ਹਿੱਸਾ ਪਾਉਣ ਵਾਲੇ ਪੰਜਾਬ ਦੇ ਕਰਜ਼ੇ ’ਚ ਦੱਬੇ ਹੋਏ ਕਿਸਾਨਾਂ ਨੂੰ ਘੱਟੋ-ਘੱਟ ਇਹ ਲਾਭ ਤਾਂ ਦਿੱਤਾ ਜਾ ਸਕਦਾ ਹੈ। ਸ. ਬਾਦਲ ਨੇ ਕਿਹਾ ਕਿ ਇਹ ਅਹਿਮ ਮੌਕਾ ਹੈ ਜਦੋਂ ਖੇਤੀਬਾੜੀ ਮਾਹਰ ਡਾ. ਐਮ.ਐਸ. ਸਵਾਮੀਨਾਥਨ ਵੱਲੋਂ ਉਤਪਾਦਨ ਦੀ ਲਾਗਤ ਤੋਂ ਇਲਾਵਾ 50 ਫੀਸਦੀ ਲਾਭ ਜੋੜ ਕੇ ਘੱਟੋ-ਘੱਟ ਸਮਰੱਥਨ ਮੁੱਲ ਨਿਰਧਾਰਤ ਕਰਨ ਦਾ ਢੰਗ-ਤਰੀਕਾ ਅਪਣਾ ਲੈਣਾ ਚਾਹੀਦਾ ਹੈ।
ਯੈੱਸ ਬੈਂਕ ਨੂੰ ਵਿਦੇਸ਼ੀ ਹਿੱਸੇਦਾਰੀ ਵਧਾਉਣ ਦੀ ਪ੍ਰਵਾਨਗੀ
ਨਵੀਂ ਦਿੱਲੀ : ਆਰਥਿਕ ਮਾਮਲਿਆਂ ਬਾਰੇ ਕੈਬਨਿਟ ਕਮੇਟੀ ਨੇ ਯੈੱਸ ਬੈਂਕ ਲਿਮਟਿਡ ਦੀ ਆਪਣੀ ਵਿਦੇਸ਼ੀ ਹਿੱਸੇਦਾਰੀ 60 ਫੀਸਦ ਤੱਕ ਵਧਾਏ ਜਾਣ ਦੀ ਤਜਵੀਜ਼ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਪ੍ਰਵਾਸੀ ਨਾਗਰਿਕ ਵਿਦੇਸ਼ੀ ਸਰਮਾਏਕਾਰੀ ਪ੍ਰੋਤਸਾਹਨ ਬੋਰਡ ਦੀ ਸਿਫਾਰਿਸ਼ ਉਤੇ ਇਸ ਬੈਂਕ ਵਿੱਚ ਆਪਣਾ ਹਿੱਸਾ ਪਾ ਸਕਣਗੇ। ਇਸ ਪ੍ਰਵਾਨਗੀ ਨਾਲ ਦੇਸ਼ ਅੰਦਰ 2650 ਕਰੋੜ ਰੁਪਏ ਦੀ ਵਿਦੇਸ਼ੀ ਸਰਮਾਏਕਾਰੀ ਪ੍ਰਾਪਤ ਹੋਵੇਗੀ।

ਭਾਖੜਾ ਡੈਮ ਦੀ ਝੀਲ 'ਚ 12 ਵਿਅਕਤੀ ਡੁੱਬਣੋ ਬਚੇ

www.sabblok.blogspot.com
 
ਬ੍ਰਹਮੀ ਘਾਟ ਕੋਸਰੀਆ ਤੋਂ ਭਾਖੜਾ ਡੈਮ ਆ ਰਹੀ ਇਕ ਕਿਸ਼ਤੀ ਵਿਚ ਸਵਾਰ 12 ਵਿਅਕਤੀ ਅੱਜ 1.30 ਵਜੇ ਤੋਂ ਬਾਅਦ ਗੋਬਿੰਦ ਸਾਗਰ ਝੀਲ ਵਿਚ ਡੱੁਬਣੋ ਬੜੀ ਹੀ ਮੁਸ਼ਕਿਲ ਬਚੇ | ਕਿਸ਼ਤੀ ਜਿਵੇਂ ਵੀ ਭਾਖੜਾ ਡੈਮ ਦੀ ਝੀਲ ਗੋਬਿੰਦ ਸਾਗਰ ਦੇ ਅੱਧ ਵਿਚ ਪਹੁੰਚੀ ਤਾਂ ਇਕਦਮ ਤੇਜ਼ ਮੀਂਹ ਤੇ ਤੂਫਾਨ ਆ ਗਿਆ | ਚਾਲਕ ਦਲ ਦੇ ਦੋਵੇਂ ਮੈਂਬਰਾਂ ਦੇ ਹੋਸ਼ ਉੱਡ ਗਏ ਕਿਉਂਕਿ ਤੇਜ਼ ਤੂਫਾਨ ਕਾਰਨ ਕਿਸ਼ਤੀ ਭਾਖੜਾ ਡੈਮ ਵੱਲ ਨਹੀਂ ਸੀ ਜਾ ਰਹੀ | ਇਕ ਸਮੇਂ ਤਾਂ ਤੂਫਾਨ ਨੇ ਕਿਸ਼ਤੀ ਟੇਡੀ ਹੀ ਕਰ ਦਿੱਤੀ | ਚਾਲਕ ਨੇ ਬੜੀ ਹੀ ਮੁਸ਼ਕਿਲ ਸਥਿਤੀ ਸੰਭਾਲ ਤੇ ਕਿਸ਼ਤੀ ਨੂੰ ਭਾਖੜਾ ਡੈਮ ਦੀ ਥਾਂ ਪਿੰਡ ਖੁਲਵੀਂ ਲੈ ਗਿਆ ਜਿਥੇ ਸਵਾਰੀਆਂ ਨੂੰ ਬੜੀ ਮੁਸ਼ਕਿਲ ਨਾਲ ਉਤਾਰਿਆ ਗਿਆ | ਇਸ ਕਿਸ਼ਤੀ ਵਿਚ ਕਿਲ੍ਹਾ ਚੌਾਕ ਪਟਿਆਲਾ ਦਾ ਇਕ ਨਿਵਾਸੀ (ਪਰਚੂਨ ਕਾਰੋਬਾਰੀ), ਉਸ ਦੀ ਮਾਂ, ਪਤਨੀ, ਧੀ ਤੇ ਪੁੱਤ ਵੀ ਸਵਾਰ ਸਨ | ਘਬਰਾਹਟ ਕਾਰਨ ਇਸ ਕਾਰੋਬਾਰੀ ਦੀ ਬਜ਼ੁਰਗ ਮਾਂ ਦਾ ਬੁਰਾ ਹਾਲ ਹੋ ਗਿਆ ਅਤੇ ਉਸ ਨੂੰ ਝੀਲ ਦੇ ਕੰਢੇ ਤੋਂ ਸੜਕ ਤੱਕ ਲਿਆਉਣ ਲਈ ਬੜੀ ਮੁਸ਼ਕਿਲ ਹੋਈ |

ਭਾਰਤੀ ਕਰੰਸੀ ਦੇ ਨਿਘਾਰ ਲਈ ਕੇਂਦਰ ਦੀਆਂ ਗਲਤ ਨੀਤੀਆਂ ਜਿੰਮੇਵਾਰ- ਪਰਮਿੰਦਰ ਸਿੰਘ ਢੀਂਡਸਾ

www.sabblok.blogspot.com

 
ਪੰਜਾਬ ਦੇ ਵਿੱਤ ਮੰਤਰੀ ਸ: ਪਰਮਿੰਦਰ ਸਿੰਘ ਢੀਂਡਸਾ ਨੇ ਕਿਹਾ ਹੈ ਕਿ ਭਾਰਤੀ ਰੁਪਏ ਦੀ ਕੀਮਤ ਘੱਟ ਜਾਣ ਲਈ ਕੇਂਦਰ ਸਰਕਾਰ ਦੀਆਂ ਗਲਤ ਨੀਤੀਆਂ ਜਿੰਮੇਵਾਰ ਹਨ | ਇਥੇ ਕੁਝ ਚੋਣਵੇਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ: ਢੀਂਡਸਾ ਨੇ ਕਿਹਾ ਕਿ ਆਲਮੀ ਪੱਧਰ 'ਤੇ ਰੁਪਏ ਦਾ ਮਾੜਾ ਹਾਲ ਹੋਣ ਦੇ ਸੰਕੇਤ ਕੇਂਦਰੀ ਬਜਟ ਪੇਸ਼ ਹੋਣ ਮੌਕੇ ਹੀ ਮਿਲਣ ਲੱਗ ਪਏ ਸਨ | ਆਰਥਿਕਤਾ ਨੂੰ ਉਭਾਰਨ ਲਈ ਬਜਟ ਵਿੱਚ ਕੋਈ ਵਿਵਸਥਾ ਨਹੀਂ ਕੀਤੀ ਗਈ | ਉਨ੍ਹਾਂ ਕਿਹਾ ਕਿ ਵੱਧਦੀ ਮਹਿੰਗਾਈ ਨੂੰ ਕੇਂਦਰ ਸਰਕਾਰ ਨੱਥ ਨਹੀਂ ਪਾ ਸਕੀ | ਕੇਂਦਰ ਦੇ ਨੀਤੀਗਤ ਫੈਸਲਿਆਂ ਦੀ ਭਰਮਾਰ ਨੇ ਵੱਡੀਆਂ ਸਮੱਸਿਆਵਾਂ ਖੜੀਆਂ ਕੀਤੀਆਂ | ਉਨ੍ਹਾਂ ਕਿਹਾ ਕਿ ਪਿਛਲੇ ਇੱਕ ਦਹਾਕੇ ਤੋਂ ਦੇਸ਼ ਦੀ ਆਯਾਤ ਤੇ ਨਿਰਯਾਤ ਵਿੱਚ ਪਾੜਾ ਵੱਧ ਰਿਹਾ ਹੈ | ਜਿਸ ਕਾਰਨ ਵਿਦੇਸ਼ੀ ਕਰੰਸੀ ਦੀ ਘਾਟ ਪੈਦਾ ਹੋਈ ਤੇ ਨਿਰਯਾਤ ਘੱਟਣ ਕਾਰਨ ਰੁਪਏ ਦੀ ਕੀਮਤ ਘੱਟਣੀ ਸ਼ੁਰੂ ਹੋਈ | ਜਿਸ ਕਾਰਨ ਰੁਪਏ ਵਿੱਚ ਲਗਾਤਾਰ ਆ ਰਿਹਾ ਨਿਘਾਰ ਠੱਲਿ੍ਹਆ ਨਹੀਂ ਜਾ ਸਕਿਆ | ਕੇਂਦਰ ਸਰਕਾਰ ਦੀਆਂ ਗਲਤ ਨੀਤੀਆਂ ਕਾਰਨ ਵਿਦੇਸ਼ੀ ਕੰਪਨੀਆਂ ਤੇ ਪੂੰਜਵਾਦੀ ਲੋਕਾਂ ਦਾ ਦੇਸ਼ ਅੰਦਰ ਨਿਵੇਸ਼ ਕਰਨ ਦਾ ਹੌਾਸਲਾ ਨਹੀਂ ਪਿਆ | ਆਖਰ ਡਾਲਰ ਦੀ ਕਾਫੀ ਮੰਗ ਵੱਧਣ ਕਾਰਨ ਰੁਪਏ ਦੀ ਕੀਮਤ ਬੇਹੱਦ ਹੇਠਾਂ ਜਾ ਡਿੱਗੀ | ਉਨ੍ਹਾਂ ਕਿਹਾ ਕਿ ਆਗਾਮੀ ਲੋਕ ਸਭਾ ਚੋਣਾਂ ਵਿੱਚ ਯੂ. ਪੀ. ਏ ਨੂੰ ਭਿਆਨਕ ਹਾਰ ਤੋਂ ਕੋਈ ਨਹੀਂ ਬਚਾ ਸਕਦਾ |

ਕਾਂਗਰਸੀ ਪਹਿਲਾਂ ਆਪਣੀ ਪੀੜ੍ਹੀ ਹੇਠ ਸੋਟਾ ਫੇਰਨ : ਰੱਖੜਾ

www.sabblok.blogspot.com
 
ਸੂਬੇ ਦੇ ਪੇਂਡੂ ਵਿਕਾਸ ਤੇ ਪੰਚਾਇਤ ਮੰਤਰੀ ਸੁਰਜੀਤ ਸਿੰਘ ਰੱਖੜਾ ਨੇ ਅੱਜ ਇਥੇ ਕਰਤਾਰ ਵਿਲ੍ਹਾ ਵਿਖੇ ਗੱਲਬਾਤ ਕਰਦਿਆਂ ਕਿਹਾ ਕਿ ਕਾਂਗਰਸੀਆਂ ਨੂੰ ਪੰਚਾਇਤੀ ਚੋਣਾਂ ਵਿਚ ਧੱਕੇਸ਼ਾਹੀ ਬਾਰੇ ਬਿਆਨ ਦੇਣ ਤੋਂ ਪਹਿਲਾਂ ਆਪਣੀ ਪੀੜ੍ਹੀ ਹੇਠ ਸੋਟਾ ਫੇਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਧੱਕੇਸ਼ਾਹੀ ਅਤੇ ਗੁੰਡਾਗਰਦੀ ਕਰਨਾ ਕਾਂਗਰਸੀਆਂ ਦੀ ਫਿਤਰਤ ਹੈ, ਜਦੋਂ ਕਿ ਅਕਾਲੀ-ਭਾਜਪਾ ਗਠਜੋੜ ਤਾਂ ਲੋਕਾਂ ਦਾ ਦਿਲ ਜਿੱਤ ਕੇ ਹੀ ਚੋਣ ਜਿੱਤਦਾ ਹੈ। ਇਹੀ ਵਜ੍ਹਾ ਹੈ ਕਿ ਪੰਜਾਬ ਦੇ ਲੋਕ ਲਗਾਤਾਰ ਕਾਂਗਰਸ ਨੂੰ ਕਰਾਰੀ ਹਾਰ ਦੇ ਕੇ ਅਕਾਲੀ ਦਲ ਨੂੰ ਪੰਜਾਬ ਦੀ ਸੱਤਾ ਸੌਂਪਦੇ ਆ ਰਹੇ ਹਨ।
ਪੱਤਰਕਾਰਾਂ ਦੇ ਸਾਹਮਣੇ ਸਰਬਸੰਮਤੀ ਨਾਲ ਚੁਣੀਆਂ ਗਈਆਂ ਕਈ ਪੰਚਾਇਤਾਂ ਨੂੰ ਪੇਸ਼ ਕਰਦੇ ਹੋਏ ਰੱਖੜਾ ਨੇ ਕਿਹਾ ਕਿ ਕੋਈ ਵੀ ਸਰਬਸੰਮਤੀ ਵਾਲੇ ਪਿੰਡਾਂ ਵਿਚ ਜਾ ਕੇ ਪੁੱਛ ਸਕਦਾ ਹੈ ਕਿ ਉਥੇ ਪਿੰਡਾਂ ਦੇ ਲੋਕਾਂ ਨੇ ਸਰਬਸੰਮਤੀ ਕੀਤੀ ਹੈ ਜਾਂ ਨਹੀਂ। ਕੈਬਨਿਟ ਮੰਤਰੀ ਰੱਖੜਾ ਨੇ ਕਿਹਾ ਕਿ ਅਕਾਲੀ-ਭਾਜਪਾ ਗਠਜੋੜ ਨੇ ਪੰਜਾਬ ਦੇ 1800 ਤੋਂ ਵੱਧ ਸਰਪੰਚ ਅਤੇ 23 ਹਜ਼ਾਰ ਤੋਂ ਵੱਧ ਪੰਚ ਸਰਬਸੰਮਤੀ ਨਾਲ ਬਣਾ ਕੇ ਪਿੰਡਾਂ ਵਿਚ ਆਪਸੀ ਭਾਈਚਾਰਕ ਸਾਂਝ ਮਜ਼ਬੂਤ ਕਰਨ ਦਾ ਇਤਿਹਾਸਕ ਕਦਮ ਚੁੱਕਿਆ ਹੈ, ਜਦੋਂ ਕਿ ਕਾਂਗਰਸ ਪਾਰਟੀ ਸਰਬਸੰਮਤੀ 'ਤੇ ਕਿੰਤੂ-ਪ੍ਰੰਤੂ ਕਰਕੇ ਪੰਜਾਬੀਆਂ ਦੀ ਭਾਈਚਾਰਕ ਸਾਂਝ ਨੂੰ ਤੋੜਨ ਦੀਆਂ ਕੋਝੀਆਂ ਸਾਜ਼ਿਸ਼ਾਂ ਰਚ ਰਹੀ ਹੈ, ਜਿਸ ਨੂੰ ਪੰਜਾਬ ਦੇ ਲੋਕ ਕਿਸੇ ਵੀ ਹਾਲਤ ਵਿਚ ਬਰਦਾਸ਼ਤ ਨਹੀਂ ਕਰਨਗੇ।
ਰੱਖੜਾ ਨੇ ਕਿਹਾ ਕਿ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਤਾਂ ਬਲਾਕ ਸੰਮਤੀ ਤੇ ਜ਼ਿਲਾ ਪ੍ਰੀਸ਼ਦ ਚੋਣਾਂ ਵਿਚ ਵੀ ਦਖਲਅੰਦਾਜ਼ੀ ਨਹੀਂ ਕੀਤੀ ਸੀ। ਉਪ ਮੁੱਖ ਮੰਤਰੀ ਕਿਸੇ ਵੀ ਚੋਣ ਰੈਲੀ ਨੂੰ ਸੰਬੋਧਨ ਕਰਨ ਨਹੀਂ ਗਏ ਜਦੋਂ ਕਿ ਕਾਂਗਰਸ ਦੇ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਜਗ੍ਹਾ-ਜਗ੍ਹਾ 'ਤੇ ਗਏ ਪਰ ਪੰਜਾਬ ਦੇ ਲੋਕਾਂ ਨੇ ਫਿਰ ਵੀ ਕਾਂਗਰਸ ਨੂੰ ਮੂੰਹ ਨਹੀਂ ਲਾਇਆ ਅਤੇ 98 ਫੀਸਦੀ ਜ਼ਿਲਾ ਪ੍ਰੀਸ਼ਦ ਤੇ ਬਲਾਕ ਸੰਮਤੀ ਸੀਟਾਂ ਅਕਾਲੀ-ਭਾਜਪਾ ਗਠਜੋੜ ਦੀ ਝੋਲੀ ਵਿਚ ਪਈਆਂ। ਰੱਖੜਾ ਨੇ ਦੋਸ਼ ਲਾਉਣ ਵਾਲੇ ਕਾਂਗਰਸੀਆਂ ਨੂੰ ਕਿਹਾ ਕਿ ਉਨ੍ਹਾਂ ਦਾ ਸਮਾਂ ਹੁਣ ਖਤਮ ਹੋ ਗਿਆ ਹੈ। ਇਸ ਲਈ ਉਹ 25 ਸਾਲ ਘਰ ਬੈਠਣ। ਦੇਸ਼ ਦੀ ਜਨਤਾ ਜਲਦੀ ਹੀ ਕੇਂਦਰ ਦੀ ਕਾਂਗਰਸ ਨੂੰ ਵੀ ਪੰਜਾਬ ਦੇ ਕਾਂਗਰਸੀਆਂ ਵਾਂਗ ਘਰ ਬਿਠਾ ਦੇਵੇਗੀ। ਇਸ ਮੌਕੇ ਰਣਧੀਰ ਸਿੰਘ ਰੱਖੜਾ, ਪ੍ਰੋ. ਬਲਦੇਵ ਸਿੰਘ ਬਲੂਆਣਾ, ਕਪੂਰ ਚੰਦ ਬਾਂਸਲ ਪ੍ਰਧਾਨ ਨਗਰ ਕੌਂਸਲ ਸਮਾਣਾ, ਅਸ਼ੋਕ ਮੌਦਗਿਲ, ਤਰਲੋਚਨ ਰੱਖੜਾ, ਜਸਪਾਲ ਕਲਿਆਣ ਮੈਂਬਰ ਜ਼ਿਲਾ ਪ੍ਰੀਸ਼ਦ, ਇੰਦਰਜੀਤ ਰੱਖੜਾ, ਮੇਜਰ ਮੂੰਡਖੇੜਾ, ਕੌਂਸਲਰ ਜਸਪਾਲ ਬਿੱਟੂ ਚੱਠਾ, ਕੌਂਸਲਰ ਰਜਿੰਦਰ ਵਿਰਕ, ਕੌਂਸਲਰ ਪਰਮਜੀਤ ਪੰਮਾ, ਜਸਵੰਤ ਟਿਵਾਣਾ ਸਾਬਕਾ ਕੌਂਸਲਰ, ਜਸਵਿੰਦਰ ਚੀਮਾ ਸਿਆਸੀ ਸਲਾਹਕਾਰ, ਗੁਰਜੰਟ ਚਲੈਲਾ, ਮਲਕੀਤ ਡਕਾਲਾ, ਰਤਨ ਖੇੜਕੀ, ਰਣਧੀਰ ਭੈਣੀ, ਨੈਬ ਡਕਾਲਾ, ਸੁਖਜੀਤ ਸਿੰਘ ਬਘੌਰਾ, ਦਰਸ਼ਨ ਕੁਲਬੁਰਛਾਂ, ਸੁਖਜਿੰਦਰ ਸਿੰਘ ਰਾਣਾ ਸੇਖੋਂ ਸਮਾਣਾ, ਤਰਸੇਮ ਲਾਲ ਭੋਲਾ ਗਾਜ਼ੀਪੁਰ ਆਦਿ ਵੀ ਹਾਜ਼ਰ ਸਨ।

ਗੁਰੂ ਸਾਹਿਬਾਨ ਵਿਰੁੱਧ ਫੇਸਬੁੱਕ 'ਤੇ ਭੱਦੀ ਸ਼ਬਦਾਵਲੀ ਵਰਤਣਾ ਬਰਦਾਸ਼ਤ ਨਹੀਂ- ਜਥੇ: ਅਵਤਾਰ ਸਿੰਘ

www.sabblok.blogspot.com

 
ਜਥੇ: ਅਵਤਾਰ ਸਿੰਘ ਪ੍ਰਧਾਨ ਸ਼੍ਰੋਮਣੀ ਕਮੇਟੀ ਨੇ ਫੇਸਬੁੱਕ 'ਤੇ ਸਿੱਖ-ਗੁਰੂ ਸਾਹਿਬਾਨ ਵਿਰੁੱਧ ਭੱਦੀ ਸ਼ਬਦਾਵਲੀ ਵਰਤਣ ਦੀ ਸਖ਼ਤ ਨਿਖੇਧੀ ਕਰਦਿਆਂ ਅਜਿਹੇ ਗੈਰ-ਸਮਾਜਿਕ ਤੱਤਾਂ ਖਿਲਾਫ਼ ਸਖ਼ਤ ਕਾਰਵਾਈ ਕਰਨ ਦੀ ਪੁਲਿਸ ਪ੍ਰਸ਼ਾਸਨ ਤੋਂ ਮੰਗ ਕਰਦਿਆਂ ਕਿਹਾ ਹੈ ਕਿ ਸਿੱਖ ਵਿਰੋਧੀ ਸੰਗਠਨਾਂ ਵੱਲੋਂ ਸੋਚੀ-ਸਮਝੀ ਸਾਜ਼ਿਸ ਤਹਿਤ ਸਿੱਖ-ਗੁਰੂ ਸਾਹਿਬਾਨ ਵਿਰੁੱਧ ਕੂੜ ਪ੍ਰਚਾਰ ਕੀਤਾ ਜਾ ਰਿਹਾ ਹੈ, ਜੋ ਬਰਦਾਸ਼ਤ ਯੋਗ ਨਹੀਂ | ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ 'ਚ ਉਨ੍ਹਾਂ ਨੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਤੇ ਡੀ. ਜੀ. ਪੀ. ਪੰਜਾਬ ਨੂੰ ਫੋਨ ਕਰਕੇ ਮੰਗ ਕੀਤੀ ਹੈ ਕਿ ਮੋਗਾ ਦੇ ਸ਼ੁਭਮ ਕਪੂਰ ਨਾਂਅ ਦੇ ਜਿਹੜੇ ਸ਼ਰਾਰਤੀ ਵਿਅਕਤੀ ਨੇ ਸਿੱਖ ਗੁਰੂ ਸਾਹਿਬਾਨ ਖਿਲਾਫ਼ ਫੇਸਬੁੱਕ 'ਤੇ ਭੱਦੀ ਸ਼ਬਦਾਵਲੀ ਵਰਤੀ ਹੈ, ਉਸ ਖਿਲਾਫ਼ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ |

ਪੰਚਾਇਤ ਚੋਣਾਂ ਤੋਂ ਪਹਿਲਾਂ 1841 ਸਰਪੰਚ ਅਤੇ 23,655 ਪੰਚ ਬਿਨਾਂ ਮੁਕਾਬਲਾ ਚੁਣੇ ਗਏ

www.sabblok.blogspot.com

ਚੰਡੀਗੜ੍ਹ, 28 ਜੂਨ (ਸੁਖਜਿੰਦਰ ਮਾਨ) : 3 ਜੁਲਾਈ ਨੂੰ ਹੋਣ ਵਾਲੀਆਂ ਪੰਚਾਇਤ ਚੋਣਾਂ ਤੋਂ ਪਹਿਲਾਂ 1841 ਸਰਪੰਚ ਅਤੇ 23,655 ਪੰਚ ਬਿਨਾਂ ਮੁਕਾਬਲਾ ਚੁਣੇ ਗਏ ਹਨ। ਇਹ ਵਖਰੀ ਗੱਲ ਹੈ ਕਿ ਮੁੱਖ ਵਿਰੋਧੀ ਧਿਰ ਕਾਂਗਰਸ ਅਤੇ ਪੀਪਲਜ਼ ਪਾਰਟੀ ਸਹਿਤ ਕਈ ਥਾਂ ਵਿਰੋਧੀ ਸੁਰ ਰੱਖਣ ਵਾਲੇ ਅਕਾਲੀਆਂ ਨੇ ਸਰਕਾਰੀ ਧਿਰ ਉਪਰ ਡੰਡੇ ਦੇ ਜ਼ੋਰ ਨਾਲ ਸਰਬਸੰਮਤੀ ਕਰਵਾਉਣ ਦਾ ਦੋਸ਼ ਲਗਾਇਆ ਹੈ। ਹੁਣ ਮੁਕਾਬਲੇ ਵਿਚ ਸਰਪੰਚੀ ਲਈ 30,748 ਅਤੇ ਪੰਚੀ ਲਈ 1,17,928 ਉਮੀਦਵਾਰ ਅਪਣੀ ਕਿਸਮਤ ਅਜਮਾ ਰਹੇ ਹਨ। ਸੱਭ ਤੋਂ ਵੱਧ 228 ਸਰਪੰਚ ਗੁਰਦਾਸਪੁਰ ਜ਼ਿਲ੍ਹੇ ਵਿਚ ਸਰਬਸੰਮਤੀ ਨਾਲ ਚੁਣੇ ਗਏ ਹਨ। ਇਸੇ ਤਰ੍ਹਾਂ ਸਰਪੰਚੀ ਦੀ ਸਰਬਸੰਮਤੀ ਵਿਚ ਪਟਿਆਲਾ ਜ਼ਿਲ੍ਹਾ ਅੱਗੇ ਰਿਹਾ ਹੈ। ਇਥੇ 198 ਸਰਪੰਚਾਂ ਦੀ ਚੋਣ ਬਿਨਾਂ ਵੋਟਾਂ ਤੋਂ ਹੋਈ ਹੈ। ਤੀਜੇ ਨੰਬਰ ਉਪਰ ਜਲੰਧਰ ਜ਼ਿਲ੍ਹੇ ਦੇ 177 ਸਰਪੰਚ ਬਿਨਾਂ ਮੁਕਾਬਲੇ ਚੁਣੇ ਗਏ ਹਨ। ਇਸੇ ਤਰ੍ਹਾਂ ਪੰਚੀ ਵਿਚ ਪਟਿਆਲਾ ਪਹਿਲੇ, ਹੁਸ਼ਿਆਰਪੁਰ ਦੂਜੇ ਅਤੇ ਜਲੰਧਰ ਤੀਜੇ ਸਥਾਨ ‘ਤੇ ਰਿਹਾ ਹੈ। ਚੋਣ ਅਧਿਕਾਰੀਆਂ ਮੁਤਾਬਕ 3 ਜੁਲਾਈ ਨੂੰ ਹੋਣ ਵਾਲੀਆਂ ਚੋਣਾਂ ਵਿਚ ਗੁਰਦਾਸਪੁਰ ਜ਼ਿਲ੍ਹੇ ਵਿਚ 3028 ਉਮੀਦਵਾਰ ਸਰਪੰਚੀ ਲਈ ਅਤੇ 12,091 ਉਮੀਦਵਾਰ ਪੰਚੀ ਲਈ ਮੁਕਾਬਲੇ ਵਿਚ ਹਨ। ਇਸੇ ਜ਼ਿਲ੍ਹੇ ਵਿਚ ਸੱਭ ਤੋਂ ਵੱਧ 328 ਸਰਪੰਚੀ ਦੇ ਉਮੀਦਵਾਰਾਂ ਦੇ ਕਾਗ਼ਜ਼ ਰੱਦ ਹੋਏ ਹਨ ਜਦਕਿ ਹੁਸ਼ਿਆਰਪੁਰ ਜ਼ਿਲ੍ਹੇ ਵਿਚ 2285 ਉਮੀਦਵਾਰਾਂ ਨੇ ਕਾਗ਼ਜ਼ ਵਾਪਸ ਲਏ ਹਨ। ਚੋਣ ਕਮਿਸ਼ਨਰ ਦੇ ਮੈਂਬਰ ਸਕੱਤਰ ਸ੍ਰੀ ਮੋਹਨ ਲਾਲ ਸ਼ਰਮਾ ਮੁਤਾਬਕ ਚੋਣਾਂ ਨੂੰ ਸਾਫ਼ ਸੁਥਰੇ ਤਰੀਕੇ ਨਾਲ ਕਰਵਾਉਣ ਲਈ ਸਾਰੇ ਪ੍ਰਬੰਧ ਕਰ ਲਏ ਗਏ ਹਨ। ਉਨ੍ਹਾਂ ਦਸਿਆ ਕਿ ਜਿੰਨੀਆਂ ਵੀ ਸ਼ਿਕਾਇਤਾਂ ਆ ਰਹੀਆਂ ਹਨ, ਉਨ੍ਹਾਂ ਦਾ ਬਣਦਾ ਹੱਲ ਕਢਿਆ ਜਾ ਰਿਹਾ ਹੈ।

ਇਨਕਮ ਟੈਕਸ ਵਿਭਾਗ ਨੂੰ 2.5 ਕਰੋੜ ਦਾ 'ਚੂਨਾ' ਲਾਉਣ ਵਾਲਾ ਕਾਬੂ

www.sabblok.blogspot.com

ਜਲੰਧਰ- ਸੀ. ਬੀ. ਆਈ. ਨੇ ਜਲੰਧਰ ਇਨਕਮ ਟੈਕਸ ਵਿਭਾਗ ਨਾਲ 2.5 ਕਰੋੜ  ਦੇ ਧੋਖਾਧੜੀ ਦੇ ਮਾਮਲੇ 'ਚ ਸ਼ਾਮਲ ਹਰਿਵੰਦਰ ਸਿੰਘ ਦਿਓਲ ਨੂੰ ਗੁਪਤ ਸੂਚਨਾ ਦੇ ਆਧਾਰ 'ਤੇ ਸੈਕਟਰ 38 ਮਕਾਨ ਨੰਬਰ 5707 'ਚੋਂ ਗ੍ਰਿਫਤਾਰ ਕਰ ਲਿਆ। ਸੀ. ਬੀ. ਆਈ. ਨੇ ਹਰਵਿੰਦਰ ਸਿੰਘ ਦੀ ਗੱਡੀ ਵੀ ਕਬਜ਼ੇ 'ਚ ਲੈ ਲਈ ਹੈ ਜਿਸ 'ਤੇ ਸਰਕਾਰੀ ਬੱਤੀ ਤੇ ਇਨਕਮ ਟੈਕਸ ਵਿਭਾਗ ਦੇ ਡਿਪਟੀ ਕਮਿਸ਼ਨਰ ਦੀ ਨੇਮ ਪਲੇਟ ਲਗਾ ਕੇ ਰੱਖੀ ਸੀ। ਫਿਲਹਾਲ ਸੀ. ਬੀ. ਆਈ. ਦਿਓਲ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਸੀ. ਬੀ. ਆਈ. ਇਸ ਧੋਖਾਧੜੀ ਦੇ ਮਾਮਲੇ 'ਚ ਸ਼ਾਮਲ ਤਿੰਨ ਦੋਸ਼ੀਆਂ ਨੂੰ ਪਹਿਲਾਂ ਹੀ ਗ੍ਰਿਫਤਾਰ ਕਰ ਚੁੱਕੀ ਹੈ। ਸੀ. ਬੀ. ਆਈ. ਨੂੰ ਦਿਓਲ ਦੇ ਕੋਲੋਂ ਕਈ ਸਰਕਾਰੀ ਵਿਭਾਗਾਂ ਦੇ ਦਸਤਾਵੇਜ਼ ਤੇ ਆਈ. ਕਾਰਡ ਮਿਲੇ ਹਨ। ਪੁਲਸ ਨੇ ਉਨ੍ਹਾਂ ਨੂੰ ਵੀ ਕਬਜ਼ੇ 'ਚ ਲੈ ਲਿਆ ਹੈ। ਸੀ. ਬੀ. ਆਈ. ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਹਰਵਿੰਦਰ ਸਿੰਘ ਦਿਓਲ ਅਤੇ ਉਸ ਦੇ ਸਾਥੀਆਂ ਨੇ ਮਿਲ ਕੇ ਜਲੰਧਰ ਇਨਕਮ ਟੈਕਸ ਵਿਭਾਗ ਦੇ ਪੀ. ਐਨ. ਬੀ. ਬੈਂਕ ਤੋਂ ਲਗਭਗ 2.5 ਕਰੋੜ ਦੀ ਧੋਕਾਧੜੀ ਕੀਤੀ ਸੀ ਜਿਸ ਤੋਂ ਬਾਅਦ ਸਾਲ 2012 'ਚ ਹਰਿਵੰਦਰ ਸਿੰਘ ਤੇ ਉਸ ਦੇ ਸਾਥੀਆਂ ਦੇ ਖਿਲਾਫ ਧੋਖਾਧੜੀ ਦਾ ਮੁਕੱਦਮਾ ਦਰਜ ਕੀਤਾ ਸੀ। ਸੀ. ਬੀ. ਆਈ. ਕਾਫੀ ਲੰਮੇਂ ਸਮੇਂ ਤੋਂ ਉਸ ਦੀ ਤਲਾਸ਼ ਕਰ ਰਹੀ ਸੀ। ਸੀ. ਬੀ. ਆਈ. ਨੇ ਹਰਿਵੰਦਰ ਸਿੰਘ ਦਾ ਸੈੱਲ ਫੋਨ ਵੀ ਪੈਰਲਰ ਲੈ ਰੱਖਿਆ ਸੀ। ਸੀ. ਬੀ. ਆਈ. ਮੁਤਾਬਕ ਹਰਵਿੰਦਰ ਸਿੰਘ ਹੁਸ਼ਿਆਰਪੁਰ 'ਚ ਪ੍ਰਾਪਰਟੀ ਡੀਲਰ ਦਾ ਕੰਮ ਕਰਦਾ ਹੈ। ਫਿਲਹਾਲ ਪੁਲਸ ਇਸ ਮਾਮਲੇ 'ਚ ਕਈ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਚੁੱਕੀ ਹੈ।
ਸੀ. ਬੀ. ਆਈ ਮੁਤਾਬਕ ਉਸ ਕੋਲ ਕਈ ਗੱਡੀਆਂ ਹਨ ਜਿਨ੍ਹਾਂ ਨੂੰ ਉਸ ਨੇ ਸਰਕਾਰੀ ਵਿਭਾਗਾਂ 'ਚ ਕਿਰਾਏ 'ਤੇ ਲਗਾਇਆ ਹੋਇਆ ਹੈ। ਸੀ. ਬੀ. ਆਈ. ਦਿਓਲ ਦੀ ਲਗਭਗ ਇਕ ਸਾਲ ਤੋਂ ਭਾਲ ਕਰ ਰਹੀ ਸੀ।

ਸਤਲੁਜ 'ਚ ਵਧੇ ਪਾਣੀ ਕਾਰਨ ਪੰਜਾਬ 'ਚ ਆ ਸਕਦੈ ਹੜ੍ਹ

www.sabblok.blogspot.com

ਚੰਡੀਗੜ੍ਹ—ਉੱਤਰਾਖੰਡ 'ਚ ਜਿੱਥੇ ਭਾਰੀ ਬਾਰਸ਼ ਅਤੇ ਹੜ੍ਹਾਂ ਨਾਲ ਵੱਡੇ ਪੱਧਰ 'ਤੇ ਜਾਨੀ ਅਤੇ ਮਾਲੀ ਨੁਕਸਾਨ ਹੋਇਆ ਹੈ, ਉੱਥੇ ਦੂਜੇ ਪਾਸੇ ਹੁਣ ਭਾਖੜਾ ਬਿਆਸ ਮੈਨਜਮੈਂਟ ਬੋਰਡ ਵੱਲੋਂ ਸਤਲੁਜ ਦੇ ਵਧੇ ਹੋਏ ਪਾਣੀ ਕਾਰਨ ਪੰਜਾਬ 'ਚ ਵੀ ਹੜ੍ਹ ਆਉਣ ਦੀ ਸੰਭਾਵਨਾ ਜ਼ਾਹਰ ਕੀਤੀ ਗਈ ਹੈ। ਇਸ ਸੰਬੰਧੀ ਸਤਲੁਜ ਖੇਤਰ ਦੇ ਨੇੜਲੇ ਇਲਾਕਿਆਂ ਦੇ ਡਿਪਟੀ ਕਮਿਸ਼ਨਰਾਂ ਨੂੰ ਚਿਤਾਵਨੀ ਪੱਤਰ ਵੀ ਭੇਜੇ ਗਏ ਹਨ। ਬੋਰਡ ਦੇ ਮੈਂਬਰ ਐੱਸ. ਐੱਲ. ਅਗਰਵਾਲ ਨੇ ਦੱਸਿਆ ਕਿ ਸਤਲੁਜ ਦਰਿਆ ਦੇ ਪਾਣੀ ਦਾ ਉੱਚ ਪੱਧਰ 1650 ਫੁੱਟ ਦਾ ਹੈ ਅਤੇ ਜੇਕਰ ਪਾਣੀ ਇਸ ਪੱਧਰ ਤੋਂ ਉੱਪਰ ਵਧਦਾ ਹੈ ਤਾਂ ਇਸ ਸਥਿਤੀ 'ਚ ਫਲੱਡ ਗੇਟ ਖੋਲ੍ਹੇ ਜਾਂਦੇ ਹਨ। ਉਨ੍ਹਾਂ ਦੱਸਿਆ ਕਿ ਅਜੇ ਸਤਲੁਜ ਦਰਿਆ ਦੇ ਪਾਣੀ ਦਾ ਪੱਧਰ ਪਿਛਲੇ ਸਾਲ ਦੇ ਮੁਕਾਬਲੇ 'ਚ ਕਰੀਬ 73 ਫੁੱਟ ਉੱਪਰ ਹੈ, ਜੋ ਕਿ ਕਾਫੀ ਚਿੰਤਾ ਦਾ ਵਿਸ਼ਾ ਹੈ।
ਐੱਸ. ਐੱਲ. ਅਗਰਵਾਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਸਾਲ ਪੂਰੀ ਸੰਭਾਵਨਾ ਹੈ ਕਿ ਸਤਲੁਜ 'ਚ ਪਾਣੀ ਦਾ ਪੱਧਰ 1650 ਤੋਂ ਪਾਰ ਹੋਵੇਗਾ ਪਰ ਕਦੋਂ ਹੋਵੇਗਾ, ਇਹ ਨਹੀਂ ਕਿਹਾ ਜਾ ਸਕਦਾ। ਉਨ੍ਹਾਂ ਕਿਹਾ ਕਿ ਅਜੇ ਸਿਰਫ ਟਰਬਾਈਨਾਂ 'ਚ ਪਾਣੀ ਛੱਡਿਆ ਜਾ ਰਿਹਾ ਹੈ ਪਰ ਹੜ੍ਹਾਂ ਦੀ ਸੰਭਾਵਨਾ ਨੂੰ ਮੁੱਖ ਰੱਖਦਿਆਂ ਲੋਕਾਂ ਨੂੰ ਪਹਿਲਾਂ ਹੀ ਸਾਵਧਾਨ ਕਰ ਦਿੱਤਾ ਗਿਆ ਹੈ। ਬੋਰਡ ਅਨੁਸਾਰ ਜੇਕਰ ਅਜਿਹੀ ਸਥਿਤੀ 'ਚ ਸਤਲੁਜ ਦਰਿਆ ਦੇ ਫਲੱਡ ਗੇਟ ਖੋਲ੍ਹੇ ਜਾਂਦੇ ਹਨ ਤਾਂ ਪੰਜਾਬ ਦੇ ਮੋਗਾ, ਜਲੰਧਰ, ਲੁਧਿਆਣਾ, ਫਗਵਾੜਾ ਅਤੇ ਤਰਨਤਾਰਨ ਸਮੇਤ ਸਤਲੁਜ ਦੇ ਨਾਲ ਲੱਗਦੇ ਕਈ ਇਲਾਕਿਆਂ 'ਚ ਹੜ੍ਹ ਆਉਣ ਦੀ ਸੰਭਾਵਨਾ ਹੈ। ਹੜ੍ਹਾਂ ਵਰਗੀ ਸਥਿਤੀ ਨਾਲ ਨਜਿੱਠਣ ਲਈ ਬੋਰਡ ਵੱਲੋਂ ਲਗਾਤਾਰ ਬੈਠਕਾਂ ਕੀਤੀਆਂ ਜਾ ਰਹੀਆਂ ਹਨ। ਇਸ ਸੰਬੰਧੀ ਪਹਿਲਾਂ 25 ਜੂਨ ਨੂੰ ਪੰਜਾਬ, ਹਰਿਆਣਾ, ਰਾਜਸਥਾਨ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਅਧਿਕਾਰੀਆਂ ਨਾਲ ਬੋਰਡ ਵੱਲੋਂ ਬੈਠਕ ਕੀਤੀ ਗਈ ਸੀ ਅਤੇ ਜੇਕਰ ਸਤਲੁਜ ਦਰਿਆ 'ਚ ਪਾਣੀ ਦਾ ਪੱਧਰ ਵਧਦਾ ਹੈ ਤਾਂ ਜੁਲਾਈ ਦੇ ਪਹਿਲੇ ਹਫਤੇ 'ਚ ਫਿਰ ਬੈਠਕ ਬੁਲਾਈ ਜਾਵੇਗੀ।

ਦੇਹ ਵਪਾਰ ਦੇ ਅੱਡੇ ਦਾ ਪਰਦਾਫਾਸ਼, 2 ਲੜਕੀਆਂ ਸਣੇ 4 ਗ੍ਰਿਫਤਾਰ

www.sabblok.blogspot.com

 

ਮਾਲੇਰਕੋਟਲਾ- ਮਾਲੋਰਕੋਟਲਾ ਦੇ ਥਾਣਾ ਅਹਿਮਦਗੜ੍ਹ 'ਚ ਪੁਲਸ ਨੇ ਦੇਹ ਵਪਾਰ ਦਾ ਅੱਡਾ ਚਲਾਉਣ ਵਾਲੇ ਇਕ ਗਿਰੋਹ ਦਾ ਪਰਦਾਫਾਸ਼ ਕਰਕੇ ਦੋ ਨੌਜਵਾਨਾਂ ਅਤੇ ਦੋ ਲੜਕੀਆਂ ਨੂੰ ਇਤਰਾਜ਼ਯੋਗ ਹਾਲਤ 'ਚ ਗ੍ਰਿਫਤਾਰ ਕੀਤਾ ਹੈ। ਇਹ ਗਿਰੋਹ ਕਾਫੀ ਲੰਬੇ ਸਮੇਂ ਤੋਂ ਇਸ ਧੰਦੇ 'ਚ ਲੱਗਾ ਹੋਇਆ ਸੀ। 
ਥਾਣਾ ਅਹਿਮਦਗੜ੍ਹ ਦੇ ਐਸ. ਐਚ. ਓ. ਜਸਵੀਰ ਸਿੰਘ ਨੇ ਦੱਸਿਆ ਕਿ ਗੁਪਤ ਸੂਚਨਾ ਦੇ ਆਧਾਰ 'ਤੇ ਪੁਲਸ ਨੇ ਇਸ ਅੱਡੇ 'ਤੇ ਛਾਪਾ ਕੇ ਉਥੋਂ 2 ਲੜਕੀਆਂ ਅਤੇ 2 ਨੌਜਵਾਨਾਂ ਨੂੰ ਇਤਰਾਜ਼ਯੋਗ ਹਾਲਤ 'ਚ ਕਾਬੂ ਕੀਤਾ। ਉਨ੍ਹਾਂ ਦੱਸਿਆ ਕਿ ਇਹ ਗਿਰੋਹ ਕਾਫੀ ਸਾਲਾਂ ਤੋਂ ਇਹ ਧੰਦਾ ਚਲਾ ਰਿਹਾ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਗਿਰੋਹ 'ਤੇ ਵੱਖ-ਵੱਖ ਧਾਰਾਵਾਂ ਹੇਠ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਬਾਬਾ ਅਮਰਨਾਥ ਲੰਗਰ ਕਮੇਟੀ ਨੇ ਬਾਬਾ ਅਮਰਨਾਥ ਦੀ ਯਾਤਰਾ ਲਈ ਰਵਾਨਾ ਕੀਤੀਆ ਦੋ ਬੱਸਾਂ

www.sabblok.blogspot.com

 

ਲੁਧਿਆਣਾ ( ਸਤਪਾਲ ਸੋਨੀ ) ਬਾਬਾ ਅਮਰਨਾਥ ਲੰਗਰ ਕਮੇਟੀ ਲੁਧਿਆਣਾ ਨੇ ਬਾਬਾ ਅਮਰਨਾਥ ਦੀ ਯਾਤਰਾ ਲਈ ਪੰਜਵੀ ਬਸ ਯਾਤਰਾ ਦਾ ਦੋ ਬੱਸਾ ਭੇਜ ਕੇ ਸ਼ੁ¤ਕਰਵਾਰ ਨੂੰ ਸ਼ੁਭਅਰੰਭ ਕੀਤਾ । ਏਸੀਪੀ ਸਤੀਸ਼ ਮਲਹੋਤਰਾ ਅਤੇ ਕਮੇਟੀ ਦੇ ਪ੍ਰਧਾਨ ਹਰਵਿੰਦਰ ਹੈਪੀ ਨੇ ਤਾਜਪੁਰ ਰੋਡ ਦੇ ਨੇੜੇ ਲੰਗਰ ਵਾਲੀ ਥਾਂ ਤੋਂ ਪਹਿਲੀ ਬਸ ਯਾਤਰਾ ਨੂੰ ਝੰਡੀ ਵਿਖਾ ਕੇ ਬਾਬਾ ਅਮਰਨਾਥ ਦੇ ਦਰਸ਼ਨਾਂ ਲਈ ਰਵਾਨਾ ਕੀਤਾ । ਯਾਤਰਾ ਦੀ ਰੁਪਰੇਖਾ ਦ¤ਸਦੇ ਹੋਏ ਕਮੇਟੀ ਦੇ ਚੇਅਰਮੈਨ ਸਰਵਜੀਤ ਸਿੰਘ ਰੁਬੀ ਅਤੇ ਸ¤ਕਤਰ ਜਨਰਲ ਗੋਪਾਲ ਕ੍ਰਿਸ਼ਨ ਰਾਜੂ ਨੇ ਦ¤ਸਿਆ ਕਿ ਕਮੇਟੀ ਵ¤ਲੋਂ ਪਿਛਲੇ ਪੰਜ ਸਾਲਾਂ ਤੋਂ ਬ¤ਸਾਂ ਰਾਹੀਂ ਅਮਰਨਾਥ ਯਾਤਰੀਆਂ ਨੂੰ ਯਾਤਰਾ ਲਈ ਭੇਜਿਆ ਜਾਂਦਾ ਹੈ । ਯਾਤਰਾ ਦੌਰਾਨ ਭਗਤਜਨਾਂ ਲਈ ਭੋਜਨ ਅਤੇ ਅਰਾਮ ਦੀ ਵਿਵਸਥਾ ਕਮੇਟੀ ਵ¤ਲੋਂ ਕੀਤੀ ਜਾਂਦੀ ਹੈ । ਉਸਦੇ ਲਈ ਦੋ ਸੇਵਾਦਾਰਾਂ ਨੂੰ ਵੀ ਬਸ ਨਾਲ ਭੇਜਿਆ ਜਾਂਦਾ ਹੈ । ਅਮਰਨਾਥ ਦੇ ਦਰਸ਼ਨਾਂ ਲਈ ਭੇਜੀ ਜਾਣ ਵਾਲੀਆਂ ਬ¤ਸਾਂ ਦੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਇਸ ਸਾਲ 25 ਤੋਂ ਜ਼ਿਆਦਾ ਬਸਾਂ ਰਾਹੀਂ ਸੈਂਕੜੇਂ ਸ਼ਿਵ ਭਗਤਾਂ ਨੂੰ ਬਾਬਾ ਅਮਰਨਾਥ ਦੇ ਦਰਸ਼ਨਾਂ ਲਈ ਭੇਜਣ ਦਾ ਪ੍ਰੰਬਧ ਕੀਤਾ ਗਿਆ ਹੈ । ਇਸ ਮੌਕੇ ਤੇ ਹਰਵਿੰਦਰ ਹੈਪੀ, ਵਿਪਨ ਵੈਦ ਮਿੰਟੂ ਭਾਟੀਆ , ਬਿ¤ਟੂ ਸ਼ਰਮਾ, ਦੂਨੀ ਚੰਦ, ਸੁਨੀਲ ਵਰਮਾ, ਸੁਭਾਸ਼ ਮਗਗੋ , ਪ੍ਰਦੀਪ ਟੋਨੀ, ਅਨਿਲ ਕੁਮਾਰ , ਸੁਸ਼ੀਲ ਸ਼ਰਮਾ, ਕ੍ਰਿਸ਼ਨ ਗੋਪਾਲ ਰਾਜੂ , ਰਾਕੇਸ਼ ਜੈਨ,ਜਤਿੰਦਰ ਵਰਮਾ ਸੋਨੂੰ,ਗੋਪਾਲ ਕ੍ਰਿਸ਼ਨ ਪੁਰੀ,ਰਾਜ ਬ¤ਗਾ, ਪ੍ਰਦੀਪ ਤਿ¤ਲੀ, ਰਣਜੋਧ ਕਾਹਲੋ, ਸੋਹਣ ਲਾਲ ਗਰਗ, ਕੁਲਦੀਪ ਵਰਮਾ, ਸ਼ੀਲਾ ਰਾਣੀ ਅਤੇ ਹੋਰ ਵੀ ਮੌਜੂਦ ਸਨ ।

 

ਭਾਰੀ ਮਾਤਰਾ ਵਿੱਚ ਨਸ਼ੀਲੀਆਂ ਦਵਾਈਆਂ ਅਤੇ ਨਕਦੀ ਸਮੇਤ ਦੋਸ਼ੀ ਗ੍ਰਿਫਤਾਰ

www.sabblok.blogspot.com
 
ਲੁਧਿਆਣਾ (ਸਤਪਾਲ ਸੋਨੀ) ਐਂਟੀ ਨਾਰਕੋਟਿਕ ਸੈਲ ਦੇ ਇੰਚਾਰਜ਼ ਇੰਸਪੈਕਟਰ ਹਰਬੰਸ ਸਿੰਘ ਨੇ ਏ.ਐਸ.ਆਈ ਜਸਵਿੰਦਰ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇੜੇ ਚਰਚ ਬਰਾਊਨ ਰੋਡ ਤੇ ਨਾਕਾਬੰਦੀ ਦੌਰਾਨ ਸੀ.ਐਮ.ਸੀ.ਚੌਂਕ ਵਲੋਂ ਆ ਰਹੀ ਇਕ ਵਰਨਾ ਕਾਰ ਪੀ.ਬੀ-05ਯੂ-2098 ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਕਾਰ ਚਾਲਕ ਨੇ ਕਾਰ ਭਜਾਉਣ ਦੀ ਕੋਸ਼ਿਸ਼ ਕੀਤੀ ਜੋ ਲਗਾਏ ਹੋਏ ਬੈਰੀਗੇਟ ਵਿੱਚ ਵੱਜ ਕੇ ਰੁਕ ਗਈ ਜਿਸ ਤੇ ਏ.ਐਸ.ਆਈ ਜਸਵਿੰਦਰ ਸਿੰਘ ਨੇ ਪੁਲਿਸ ਪਾਰਟੀ ਦੀ ਮਦਦ ਨਾਲ ਸੰਦੀਪ ਕੁਮਾਰ ਉਰਫ ਸੋਨੂੰ,ਵਾਸੀ ਨਜਦੀਕ ਹਨੂੰਮਾਨ ਮੰਦਰ,ਮੇਨ ਬਾਜਾਰ ਧਰਮਕੋੇਟ ,ਜਿਲਾ ਮੋਗਾ ਨੂੰ ਕਾਬੂ ਕਰਕੇ ਉਸ ਦੇ ਕਬਜ਼ੇ ਵਿੱਚੋਂ ਤਿੰਨ ਪਲਾਸਟਿਕ ਦੀਆਂ ਬੋਰੀਆਂ ਜਿਨ੍ਹਾਂ ਵਿੱਚੋਂ ਲੋਮੋਟਿਲ ਦੀਆਂ 125000 ਨਸ਼ੀਲੀਆਂ ਗੋਲੀਆਂ ,6000 ਪਾਰਵਨ ਸਪਾਸ ਦੇ ਕੈਪਸੂਲ ਅਤੇ 120 ਸ਼ੀਸ਼ੀਆਂ ਰੇਸਕਾਫ ਕਫ ਸਿਰਿਪ ਜਿਨ੍ਹਾਂ ਦੀ ਕੀਮਤ ਤਕਰੀਬਨ ਡੇਢ ਲੱਖ ਰੁਪਏ ਹੈ ਅਤੇ 1,30,000/- ਰੁਪਏ ਨਕਦ ਬਰਾਮਦ ਕੀਤੇ ਗਏ ।ਦੋਸ਼ੀ ਮੌਕੇ ਤੇ ਦਵਾਈਆਂ ਦਾ ਕੋਈ ਵੀ ਲਾਇਸੰਸ ਜਾਂ ਬਿੱਲ ਵਗੈਰਾ ਪੇਸ਼ ਨ ਕਰ ਸਕਿਆ ।ਸ਼੍ਰੀ ਧਰੁਮਨ ਹਰਸ਼ਦਰਾਯੇ ਨਿੰਬਾਲੇ ਸਹਾਇਕ ਕਮਿਸ਼ਨਰ ਪੁਲਿਸ (ਕ੍ਰਾਈਮ) ਲੁਧਿਆਣਾ ਅਤੇ ਐਂਟੀ ਨਾਰਕੋਟਿਕ ਸੈਲ ਦੇ ਇੰਚਾਰਜ਼ ਇੰਸਪੈਕਟਰ ਹਰਬੰਸ ਸਿੰਘ ਨੇ ਪ੍ਰੈਸ ਨੂੰ ਦਸਿਆ ਕਿ ਦੋਸ਼ੀ ਦੇ ਖਿਲਾਫ ਐਨ ਡੀ ਪੀ ਐਸ ਐਕਟ ਦੇ ਅਧੀਨ ਥਾਨਾ ਡਵੀਜਨ ਨੰ: 2 ਵਿੱਖੇ ਮੁਕਦਮਾ ਦਰਜ ਰਜਿਸਟਰ ਕੀਤਾ ਗਿਆ ਹੈ। ਪੁੱਛ-ਗਿੱਛ ਦੌਰਾਨ ਦੋਸ਼ੀ ਨੇ ਦਸਿਆ ਕਿ ਉਹ ਸ਼ਾਦੀ-ਸ਼ੁਦਾ ਹੈ ਅਤੇ ਪਿਛਲੇ 10 ਸਾਲਾਂ ਤੋਂ ਮੇਨ ਬਾਜਾਰ ਕਿਸ਼ਨਪੁਰਾ ਜਿਲਾ ਮੋਗਾ ਵਿੱਖੇ ਵਰਮਾ ਮੈਡੀਕਲ ਹਾਲ ਦੇ ਨਾਮ ਤੇ ਦਵਾਈਆਂ ਦੀ ਦੁਕਾਨ ਕਰ ਰਿਹਾ ਹੈ । ਦੋਸ਼ੀ ਨੇ ਦਸਿਆ ਕਿ ਉਹ ਇਹ ਨਸ਼ੀਲੀਆਂ ਦਵਾਈਆਂ ਪਿੰਡੀ ਗੱਲੀ ਵਿੱਚੋਂ ਪਰਵੀਨ ਕੁਮਾਰ ਤੋਂ ਬਿਨਾਂ ਬਿੱਲ ਖਰੀਦ ਕੇ ਲਿਆਇਆ ਹੈ ,ਜਿਸ ਬਾਰੇ ਠੋਸ ਸਬੂਤ ਹਾਸਿਲ ਕਰਕੇ ਦੁਕਾਨਦਾਰ ਨੂੰ ਪੁੱਛ-ਗਿੱਛ ਕਰਕੇ ਕਾਨੂੰਨ ਅਨੁਸਾਰ ਬਨਦੀ ਕਾਰਵਾਈ ਕੀਤੀ ਜਾਵੇਗੀ ।ਦੋਸ਼ੀ ਨੂੰ ਅੱਜ ਅਦਾਲਤ ਵਿੱਚ ਪੇਸ਼ ਕਰਕੇ ਪੁਲਿਸ ਰਿਮਾਂਡ ਹਾਸਿਲ ਕਰਕੇ ਇਹ ਪਤਾ ਲਗਾਇਆ ਜਾਵੇਗਾ ਕਿ ਦੋਸ਼ੀ ਇਹ ਨਸ਼ੀਲੀਆਂ ਦਵਾਈਆਂ ਕਿਸ ਨੂੰ ਵੇਚਦਾ ਹੈ ਅਤੇ ਉਸ ਨਾਲ ਇਸ ਧੰਦੇ ਵਿੱਚ ਹੋਰ ਕੌਣ-ਕੌਣ ਸ਼ਾਮਿਲ ਹੈ ।

ਪੰਜਾਬ ਦੇ ਸ਼ਹਿਰਾਂ ਦੇ ਵਿਕਾਸ ਤੇ ਇਸ ਸਾਲ 1914ਕਰੋੜ ਰੁਪਏ ਖਰਚ ਕੀਤੇ ਜਾ ਰਹੇ ਹਨ- ਭਗਤ

www.sabblok.blogspot.com
 
ਲੁਧਿਆਣਾ ( ਸਤਪਾਲ ਸੋਨੀ ) ਪੰਜਾਬ ਸਰਕਾਰ ਨੇ ਜਿੱਥੇ ਸ਼ਹਿਰਾਂ ਵਿੱਚ ਕੰਮ ਕਰਦੇ ਸਫਾਈ ਕਰਮਚਾਰੀਆਂ ਨੂੰ ਪੱਕਿਆ ਕੀਤਾ ਹੈ, ਉਥੇ ਇਹਨਾਂ ਕਰਮਚਾਰੀਆਂ ਦੀਆਂ ਤਨਖਾਹਾਂ ਵਿੱਚ ਵੀ ਵਾਧਾ ਕੀਤਾ ਗਿਆ ਹੈ। ਇਹ ਜਾਣਕਾਰੀ ਸਥਾਨਿਕ ਸਰਕਾਰ ਮੰਤਰੀ ਸ੍ਰੀ ਚੁਨੀ ਲਾਲ ਭਗਤ ਨੇ ਅੱਜ ਇੱਥੇ ਨਗਰ-ਨਿਗਮ ਦੇ ਦਫਤਰ ਵਿਖੇ ਮਿਊਂਸਪਲ ਕਰਮਚਾਰੀ ਦਲ ਪੰਜਾਬ ਵੱਲੋਂ ਭਗਤ ਕਬੀਰ ਜੀ ਦੇ ਪ੍ਰਕਾਸ਼ ਉਤਸਵ ਨੂੰ ਸਮਰਪਿਤ ਸਮਾਗਮ ਨੂੰ ਸੰਬੋਧਨ ਕਰਦਿਆ ਦਿੱਤੀ। ਉਹਨਾਂ ਕਿਹਾ ਕਿ ਸ਼ਹਿਰਾਂ ਦੇ ਵਿਕਾਸ, ਸੁੰਦਰਤਾ, ਸਾਫ-ਸਫਾਈ ਰੱਖਣ ਅਤੇ ਹਰਿਆ-ਭਰਿਆ ਬਨਾਉਣ ਵਿੱਚ ਇਹਨਾਂ ਕਰਮਚਾਰੀਆਂ ਦਾ ਬਹੁਤ ਵੱਡਾ ਯੋਗਦਾਨ ਹੈ। ਉਹਨਾਂ ਦੱਸਿਆ ਕਿ ਸ੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਦੀ ਪਿਛਲੀ ਸਾਂਝੀ ਸਰਕਾਰ ਵੱਲੋਂ ਕੀਤੇ ਗਏ ਬੇਮਿਸਾਲ ਵਿਕਾਸ ਸਦਕਾ ਹੀ ਪੰਜਾਬ ਦੇ ਸੂਝਵਾਨ ਵੋਟਰਾਂ ਨੇ ਮੁੜ ਸਰਕਾਰ ਨੂੰ ਭਰਵਾ ਸਮਰੱਥਨ ਦੇ ਕੇ ਸੱਤਾ ਵਿੱਚ ਲਿਆਂਦਾ ਹੈ। ਉਹਨਾਂ ਆਖਿਆ ਕਿ ਮੌਜੂਦਾ ਸਰਕਾਰ ਸ਼ਹਿਰਾਂ ਦੇ ਲੋਕਾਂ ਨੂੰ ਸਾਰੀਆਂ ਬੁਨਿਆਦੀ ਸਹੂਲਤਾਂ ਉਪਲਭਦ ਕਰਵਾਉਣ ਲਈ ਵਚਨਬੱਧ ਹੈ। ਉਹਨਾਂ ਦੱਸਿਆ ਕਿ ਚਾਲੂ ਮਾਲੀ ਸਾਲ ਦੌਰਾਨ ਸ਼ਹਿਰਾਂ ਦੇ ਵਿਕਾਸ ਲਈ ਬਜਟ ਵਿੱਚ 1914 ਕਰੋੜ 72 ਲੱਖ ਰੁਪਏ ਦੀ ਵਿਵਸਥਾ ਕੀਤੀ ਗਈ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਦੇ ਸਾਰੇ ਸ਼ਹਿਰਾਂ ਦਾ ਯੋਜਨਾਬੱਧ ਤਰੀਕੇ ਨਾਲ ਵਿਕਾਸ ਕਰਨ ਲਈ ਮਾਸਟਰ ਪਲਾਨ ਬਣਾਇਆ ਗਿਆ ਹੈ। ਉਹਨਾਂ ਦੱਸਿਆ ਕਿ ਲੁਧਿਆਣਾ ਸ਼ਹਿਰ ਵਿਖੇ ਦਿੱਲੀ ਵਾਂਗ ਮੈਟਰੋ ਰੇਲਵੇ ਲਾਈਨ ਵਿਛਾਉਣ ਲਈ 9840 ਕਰੋੜ ਰੁਪਏ ਦੀ ਲਾਗਤ ਵਾਲਾ ਲੁਧਿਆਣਾ ਮੈਟਰੋ ਡੀ.ਪੀ.ਆਰ ਪ੍ਰਵਾਨਗੀ ਲਈ ਭਾਰਤ ਸਰਕਾਰ ਨੂੰ ਭੇਜਿਆ ਗਿਆ ਹੈ। ਸਥਾਨਕ ਸਰਕਾਰ ਮੰਤਰੀ ਨੇ ਕਿਹਾ ਕਿ ਦਲਿਤ ਵਰਗ ਦੇ ਵਿਕਾਸ ਲਈ ਵੀ ਪੰਜਾਬ ਸਰਕਾਰ ਵੱਲੋਂ ਅਨੇਕਾਂ ਸਕੀਮਾਂ ਲਾਗੂ ਕੀਤੀਆਂ ਗਈਆਂ ਹਨ ਅਤੇ ਅਨੁਸੂਚਿਤ ਜਾਤੀਆਂ ਤੇ ਪੱਛੜੀਆਂ ਸ੍ਰੈਣੀਆਂ ਦੀ ਭਲਾਈ ਸਕੀਮਾਂ ਨੂੰ ਲਾਗੂ ਕਰਨ ਲਈ ਚਾਲੂ ਮਾਲੀ ਸਾਲ ਦੇ ਬਜਟ ਵਿੱਚ 595 ਕਰੋੜ 61 ਲੱਖ ਰੁਪਏ ਦੀ ਵਿਵਸਥਾ ਕੀਤੀ ਗਈ ਹੈ। ਉਹਨਾਂ ਇਸ ਮੌਕੇ ਕਰਮਚਾਰੀ ਦਲ ਵੱਲੋਂ ਨਗਰ-ਨਿਗਮ ਦੇ ਸੇਵਾ ਮੁਕਤ ਹੋਏ ਕਰਮਚਾਰੀਆਂ ਦਾ ਵੀ ਵਿਸੇਤੌਰ ਤੇ ਸਨਮਾਨ ਕੀਤਾ। ਉਹਨਾਂ ਵੱਡੀ ਗਿਣਤੀ ਵਿੱਚ ਇੱਕਤਰ ਕਰਮਚਾਰੀਆਂ ਦੇ ਪਰਿਵਾਰਾਂ ਨੂੰ ਸੱਦਾ ਦਿੱਤਾ ਕਿ ਉਹ ਆਉਂਦੀਆਂ ਲੋਕ ਸਭਾ ਚੋਣਾਂ ਵਿੱਚ ਕੇਂਦਰ ਵਿੱਚ ਐਨ.ਡੀ.ਏ. ਦੀ ਸਰਕਾਰ ਬਨਾਉਣ ਲਈ ਸ੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਦੇ ਉਮੀਦਵਾਰਾਂ ਨੂੰ ਭਾਰੀ ਬਹੁਮੱਤ ਨਾਲ ਜਿਤਾ ਕੇ ਭੇਜਣ ਤਾਂ ਜੋ ਕੇਂਦਰ ਵਿੱਚੋਂ ਕਾਂਗਰਸ ਦੀ ਭ੍ਰਿਸ਼ਟ ਸਰਕਾਰ ਨੂੰ ਸੱਤਾ ਤੋਂ ਲਾਂਭੇ ਕੀਤਾ ਜਾ ਸਕੇ। ਉਹਨਾਂ ਕਿਹਾ ਕਿ ਭ੍ਰਿਸ਼ਟਾਚਾਰ ਕਰਕੇ ਹੀ ਅੱਜ ਦੇਸ਼ ਦੇ ਰੁਪਏ ਦੀ ਕੀਮਤ ਦਿਨ-ਬਾ-ਦਿਨ ਡਿੱਗਦੀ ਜਾ ਰਹੀ ਹੈ, ਜਿਸ ਕਾਰਨ ਮਹਿੰਗਾਈ ਵਿੱਚ ਹੋਰ ਵਾਧਾ ਹੋ ਰਿਹਾ ਹੈ ਅਤੇ ਆਮ ਤੇ ਗਰੀਬ ਲੋਕ ਹੋਰ ਵਧੇਰੇ ਮਹਿੰਗਾਈ ਦੀ ਚੱਕੀ ਵਿੱਚ ਪਿਸ ਰਹੇ ਹਨ। ਇਸ ਲਈ ਲੋਕਾਂ ਨੂੰ ਇੱਕ-ਜੁੱਟ ਹੋ ਕੇ ਭ੍ਰਿਸ਼ਟਾਚਾਰ ਵਿਰੁੱਧ ਮੁਹਿੰਮ ਚਲਾਉਣੀ ਚਾਹੀਦੀ ਹੈ ਤਾਂ ਂਜੋ ਭਾਰਤ ਦਾ ਹਰ ਨਾਗਰਿਕ ਚੰਗਾ ਜੀਵਨ ਬਤੀਤ ਕਰ ਸਕੇ। ਉਹਨਾਂ ਸਫਾਈ ਕਰਮਚਾਰੀਆਂ ਦੀਆਂ ਸਾਰੀਆਂ ਸਮੱਸਿਆਵਾਂ ਪਹਿਲ ਦੇ ਅਧਾਰ ਤੇ ਹੱਲ ਕਰਨ ਦਾ ਭਰੋਸਾ ਦਿਵਾਇਆ। ਇਸ ਮੌਕੇ ਮਿਊਂਸਪਲ ਕਰਮਚਾਰੀ ਦਲ ਪੰਜਾਬ ਦੇ ਅਹੁਦੇਦਾਰਾਂ ਵੱਲੋਂ ਸਥਾਨਕ ਸਰਕਾਰ ਮੰਤਰੀ ਦਾ ਸਫਾਈ ਕਰਮਚਾਰੀਆਂ ਨੂੰ ਪੱਕੇ ਕਰਨ ਵਿੱਚ ਯੋਗਦਾਨ ਪਾਉਣ ਲਈ ਵਿਸੇਤੌਰ ਤੇ ਸਨਮਾਨ ਕੀਤਾ ਗਿਆ। ਇਸ ਤੋਂ ਪਹਿਲਾਂ ਦਲਿਤ ਵਰਗ ਦੇ ਆਗੂ ਸ੍ਰੀ ਵਿਜੈ ਦਾਨਵ ਅਤੇ ਮਿਊਂਸਪਲ ਕਰਮਚਾਰੀ ਦਲ ਦੇ ਪ੍ਰਧਾਨ ਸ੍ਰੀ ਨਰੋਤਮ ਲਕਸ਼ਮਣ ਦ੍ਰਾਵਿੜ ਨੇ ਕਾਰਪੋਰੇਸ਼ਨਾਂ ਅਤੇ ਨਗਰ ਕੌਸਲਾਂ ਦੇ ਸਫਾਈ ਕਰਮਚਾਰੀਆਂ ਦੀਆਂ ਸਮੱਸਿਆਵਾਂ ਤੋਂ ਮੰਤਰੀ ਨੂੰ ਜਾਣੂ ਕਰਵਾਇਆ। ਇਸ ਸਮਾਗਮ ਨੂੰ ਮੇਅਰ ਸ੍ਰ. ਹਰਚਰਨ ਸਿੰਘ ਗੋਹਲਵੜੀਆ, ਸ੍ਰੀ ਮਹਿੰਦਰ ਭਗਤ, ਸੀਨੀਅਰ ਡਿਪਟੀ ਮੇਅਰ ਸ੍ਰੀਮਤੀ ਸੁਨੀਤਾ ਅਗਰਵਾਲ, ਉਪ-ਚੇਅਰਮੈਨ ਮਿਊਂਸਪਲ ਕਰਮਚਾਰੀ ਦਲ ਚੌਧਰੀ ਯਸ਼ਪਾਲ, ਸ੍ਰੀ ਨਰੇਸ਼ ਧੀਂਗਾਂਨ, ਬੀ.ਜੇ.ਪੀ. ਦੇ ਜਿਲਾ ਪ੍ਰਧਾਨ ਸ੍ਰੀ ਪ੍ਰਵੀਨ ਬਾਂਸਲ ਨੇ ਵੀ ਸੰਬੋਧਨ ਕੀਤਾ। ਇਸ ਸਮਾਗਮ ਵਿੱਚ ਕਰਮਚਾਰੀ ਦਲ ਦੇ ਅਹੁੱਦੇਦਾਰਾਂ ਤੋਂ ਇਲਾਵਾ ਹੋਰ ਪਤਵੰਤੇ ਵੀ ਸ਼ਾਮਲ ਹੋਏ।

ਮਾਮਲਾ ਆਈ.ਏ.ਐਸ. ਅਧਿਕਾਰੀ ਪੰਨੂ ‘ਤੇ ਹਮਲੇ ਦਾ- ਵੀਡੀਓ ਬਣਾਉਣ ਵਾਲੇ ਦੇ ਅਕਾਲੀ ਵਰਕਰ ਹੋਣ ਦੇ ਚਰਚੇ

www.sabblok.blogspot.com

ਅਜੇ ਤੱਕ ਨਹੀਂ ਦਰਜ ਹੋਇਆ ਕੋਈ ਮਾਮਲਾ
ਗੁਰਪ੍ਰੀਤ ਸਿੰਘ ਨਿੱਝਰ
ਚੰਡੀਗੜ੍ਹ, 27 ਜੂਨ-ਆਈ. ਏ. ਐਸ. ਅਧਿਕਾਰੀ ਸ: ਕਾਹਨ ਸਿੰਘ ਪੰਨੂ ‘ਤੇ ਹੋਏ ਹਮਲੇ ਦੀ ਵੀਡੀਓ ਬਣਾਉਣ ਵਾਲੇ ਜ਼ਿਲ੍ਹਾ ਬਠਿੰਡਾ ਦੇ ਪਿੰਡ ਕਣਕਵਾਲ ਨਿਵਾਸੀ ਬਲਜਿੰਦਰ ਸਿੰਘ ਸਿੱਧੂ ਦੇ ਸਰਗਰਮ ਅਕਾਲੀ ਵਰਕਰ ਹੋਣ ਦੇ ਚਰਚਿਆਂ ਕਾਰਨ ਸਥਿਤੀ ਕਸੂਤੀ ਬਣਦੀ ਜਾ ਰਹੀ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਬਲਜਿੰਦਰ ਪਹਿਲਾਂ ਇਲਾਕੇ ਦੇ ਇਕ ਪ੍ਰਮੁੱਖ ਕਾਂਗਰਸੀ ਆਗੂ ਦਾ ਸਮਰਥਕ ਸੀ ਪਰ ਜਦੋਂ ਉਕਤ ਕਾਂਗਰਸੀ ਆਗੂ ਸ਼੍ਰੋਮਣੀ ਅਕਾਲੀ ਦਲ ਦੇ ਹਲਕਾ ਇੰਚਾਰਜ ਦੀ ਪ੍ਰੇਰਨਾ ਨਾਲ ਅਕਾਲੀ ਦਲ ਵਿਚ ਸ਼ਾਮਿਲ ਹੋ ਗਿਆ ਸੀ ਤਾਂ ਬਲਜਿੰਦਰ ਵੀ ਉਸ ਦੇ ਨਾਲ ਹੀ ਅਕਾਲੀ ਦਲ ‘ਚ ਚਲਾ ਗਿਆ ਸੀ | ਇਹ ਗੱਲ ਕੁਝ ਮਹੀਨੇ ਪਹਿਲਾਂ ਦੀ ਹੀ ਦੱਸੀ ਜਾ ਰਹੀ ਹੈ | ਇਹ ਵੀ ਪਤਾ ਲੱਗਾ ਹੈ ਕਿ ਬਲਜਿੰਦਰ ਆਪਣੇ ਪਿੰਡ ਕਣਕਵਾਲ ਦੇ 4 ਨੌਜਵਾਨਾਂ ਸਮੇਤ ਕਾਰ ਵਿਚ ਸ੍ਰੀ ਹੇਮਕੁੰਟ ਸਾਹਿਬ ਲਈ ਰਵਾਨਾ ਹੋਇਆ ਸੀ ਪਰ ਨਾ ਤਾਂ ਬਲਜਿੰਦਰ ਹੀ ਹੁਣ ਤੱਕ ਆਪਣੇ ਘਰ ਪਰਤਿਆ ਹੈ ਅਤੇ ਨਾ ਹੀ ਬਾਕੀ 4 ਨੌਜਵਾਨ ਵਾਪਸ ਪਰਤੇ ਹਨ | ਸਭ ਦੇ ਫੋਨ ਵੀ ਬੰਦ ਆ ਰਹੇ ਹਨ | ਇਸ ਸਬੰਧੀ ਪੁਲਿਸ ਸੂਤਰਾਂ ਤੋਂ ਜਾਣਕਾਰੀ ਮਿਲੀ ਹੈ ਕਿ ਕੁੱਟਮਾਰ ਦੀ ਘਟਨਾ ਵਿਚ ਸ਼ਾਮਿਲ ਲੁਧਿਆਣਾ ਜ਼ਿਲ੍ਹੇ ਦੇ ਜਿਨ੍ਹਾਂ ਦੋ ਵਿਅਕਤੀਆਂ ਦੀ ਸ਼ਨਾਖਤ ਹੋਈ ਹੈ ਉਨ੍ਹਾਂ ‘ਚੋਂ ਇਕ ਅਧਿਆਪਕ ਦੱਸਿਆ ਜਾਂਦਾ ਹੈ ਅਤੇ ਦੂਜਾ ਬਾਬਾ ਪਨੇਸਰ ਨਾਂਅ ਦਾ ਵਿਅਕਤੀ ਹੈ | ਇਹ ਵੀ ਪਤਾ ਲੱਗਾ ਹੈ ਕਿ ਸ: ਪੰਨੂ ‘ਤੇ ਹੋਏ ਹਮਲੇ ਦੀਆਂ ਕੁਝ ਹੋਰ ਮੋਬਾਈਲਾਂ ਨਾਲ ਵੀ ਵੀਡੀਓ ਬਣਾਈਆਂ ਗਈਆਂ ਸਨ ਪਰ ਇੰਟਰਨੈੱਟ ‘ਤੇ ਇਕ ਇਹੋ ਹੀ ਪਾਈ ਗਈ ਹੈ | ਹੁਣ ਇਸ ਘਟਨਾ ਸਬੰਧੀ ਸ. ਪੰਨੂ ਨੇ ਵੀ ਕਿਹਾ ਹੈ ਕਿ ਪਹਿਲਾਂ ਤਾਂ ਅਜਿਹਾ ਨਹੀਂ ਲਗਦਾ ਸੀ ਪਰ ਹੁਣ ਉਨ੍ਹਾਂ ਨੂੰ ਵੀ ਅਜਿਹਾ ਜਾਪਦਾ ਹੈ ਕਿ ਇਹ ਘਟਨਾ ਪਹਿਲਾਂ ਘੜੀ ਗਈ ਸਾਜ਼ਿਸ਼ ਹੋ ਸਕਦੀ ਹੈ |
ਅਜੇ ਤੱਕ ਨਹੀਂ ਹੋਇਆ ਮਾਮਲਾ ਦਰਜ
ਕੱਲ੍ਹ ਤੱਕ ਇਹੀ ਚਰਚੇ ਸਨ ਕਿ ਰਾਜ ਸਰਕਾਰ ਦੇ ਹੁਕਮਾਂ ਉਪਰੰਤ ਰਾਜ ਸਾਈਬਰ ਸੈਲ ਵੱਲੋਂ ਮੁਹਾਲੀ ਵਿਖੇ ਕੁੱਟਮਾਰ ਦੀ ਵੀਡੀਓ ਅਪਲੋਡ ਕਰਨ ਵਾਲੇ ਬਲਜਿੰਦਰ ਵਿਰੁੱਧ ਮਾਮਲਾ ਦਰਜ ਕਰ ਲਿਆ ਹੈ | ਇਸ ਸਬੰਧੀ ਮੀਡੀਆ ਵਿਚ ਖ਼ਬਰਾਂ ਵੀ ਛਪੀਆਂ ਸਨ ਜਿਨ੍ਹਾਂ ਵਿਚ ਮਾਮਲੇ ‘ਚ ਲਾਈਆਂ ਗਈਆਂ ਧਾਰਾਵਾਂ ਤੱਕ ਦਾ ਜ਼ਿਕਰ ਕੀਤਾ ਗਿਆ ਸੀ, ਪਰ ਮਾਮਲੇ ਦੀ ਅਸਲੀਅਤ ਇਹ ਹੈ ਕਿ ਅਜੇ ਤੱਕ ਇਸ ਸਾਰੀ ਘਟਨਾ ਬਾਰੇ ਕੋਈ ਵੀ ਮਾਮਲਾ ਕਿਤੇ ਵੀ ਦਰਜ ਨਹੀਂ ਕੀਤਾ ਗਿਆ ਹੈ | ਇਸ ਸਬੰਧੀ ਵਿਸ਼ੇਸ਼ ਜਾਂਚ ਦਲ ਦੇ ਮੈਂਬਰ ਡੀ. ਆਈ. ਜੀ. ਪੱਧਰ ਦੇ ਇਕ ਪੁਲਿਸ ਅਧਿਕਾਰੀ ਨਾਲ ਗੱਲਬਾਤ ਕਰਨ ‘ਤੇ ਉਨ੍ਹਾਂ ਦੱਸਿਆ ਕਿ ਫਿਲਹਾਲ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਉਪਰੰਤ ਕਾਨੂੰਨੀ ਮਸ਼ੀਰ ਤੋਂ ਸਲਾਹ ਲੈਣ ਉਪਰੰਤ ਮਾਮਲਾ ਦਰਜ ਕੀਤਾ ਜਾਵੇਗਾ | ਉਨ੍ਹਾਂ ਇਹ ਵੀ ਕਿਹਾ ਕਿ ਵਾਕਿਆ ਉਤਰਾਖੰਡ ਦਾ ਹੈ ਜਿਸ ਦਾ ਮਾਮਲਾ ਉਥੇ ਹੀ ਦਰਜ ਹੋਵੇਗਾ ਪੰਜਾਬ ਵਿਚ ਤਾਂ ਇਸ ਮਾਮਲੇ ਦੀ ਵੀਡੀਓ ਫੈਲਾਏ ਜਾਣ ਜਾਂ ਧਾਰਮਿਕ ਭਾਵਨਾਵਾਂ ਸਬੰਧੀ ਮਾਮਲਾ ਹੀ ਦਰਜ ਹੋ ਸਕਦਾ ਹੈ |

ਕਾਹਨ ਸਿੰਘ ਪੰਨੂ ਨੇ ਮੋਹਾਲੀ ’ਚ ਦਰਜ ਕਰਵਾਈ ਰਿਪੋਰਟ

www.sabblok.blogspot.com

ਪੰਨੂ ਉਤੇ ਹਮਲਾ ਕਰਨ ਵਾਲਿਆਂ ਖ਼ਿਲਾਫ਼ ਕੇਸ ਦਰਜ

 ਚੰਡੀਗੜ੍ਹ, 28 ਜੂਨ- ਪੰਜਾਬ ਦੇ ਸੀਨੀਅਰ ਆਈ. ਏ. ਐਸ. ਤੇ ਡੀਜੀਐਸਈ ਕਾਹਨ ਸਿੰਘ ਪੰਨੂ ਨੇ ਉਨ੍ਹਾਂ ਨਾਲ ਉਤਰਾਖੰਡ ਵਿਚ ਹੋਈ ਬਦਸਲੂਕੀ ਦੀ ਅ¤ਜ ਆਖਿਰ ਪੰਜਾਬ ਸਾਇਬਰ ਕਰਾਇਮ ਪੁਲਿਸ ਸਟੇਸ਼ਨ ਮੋਹਾਲੀ ਚ ਐਫ. ਆਈ. ਆਰ. ਦਰਜ ਕਰਵਾ ਦਿਤੀ ਹੈ। ਠਾਣੇ ਚ ਪੰਨੂ ਦੀ ਅਰਜ਼ੀ ਤੇ ਧਾਰਾ 66-ਏ ਆਈਟੀ ਐਕਟ 295-ਏ, 298, 500, 120-ਬੀ ਦੇ ਤਹਿਤ ਕੇਸ ਦਜਰ ਕਰ ਲਿਆ ਗਿਆ ਹੈ। ਪੰਨੂ ਨੇ ਆਪਣੀ ਸ਼ਿਕਾਇਤ ਚ ਲਿਖਿਆ ਹੈ ਕਿ ਸ਼¤ਕੀ ਅਨਸਰਾਂ ਵਲੋਂ ਉਨ੍ਹਾਂ ਨਾਲ ਕਿਸੇ ਡੂੰਘੀ ਗਿਣਤੀ ਮਿ¤ਥੀ ਸਾਜਿਸ਼ ਅਧੀਨ ਕੁ¤ਟਮਾਰ ਕੀਤੀ ਗਈ ਤੇ ਇਸ ਸਾਜਿਸ਼ ਅਧੀਨ ਉਨ੍ਹਾਂ ਵਲੋਂ ਯੂਟਿਊਬ ਤੇ ਫੇਸਬੁ¤ਕ ਵਰਗੀਆਂ ਸੋਸ਼ਲ ਨੈਟਵਰਕਿੰਗ ਸਾਈਟਾਂ ਤੇ ਵੀ ਇਹ ਵੀਡੀਓ ਅਪਲੋਡ ਕਰ ਦਿਤਾ ਗਿਆ। ਉਨ੍ਹਾਂ ਸ਼ਿਕਾਇਤ ਚ ਅ¤ਗੇ ਲਿਖਿਆ ਹੈ ਕਿ ਅਜਿਹਾ ਕਰਕੇ ਉਨ੍ਹਾਂ ਦੀ ਬੇਇਜ਼ਤ ਕੀਤੀ ਗਈ ਹੈ ਤੇ ਉਨ੍ਹਾਂ ਦੀਆਂ ਧਾਰਮਕ ਭਾਵਨਾਵਾਂ ਨੂੰ ਵੀ ਠੇਸ ਪਹੁੰਚਾਈ ਗਈ ਹੈ। ਇਸ ਗ¤ਲ ਦੀ ਜਾਣਕਾਰੀ ਆਈ ਜੀ ਸਿਕਿਊਰਟੀ ਪੰਜਾਬ ਸੰਜੀਵ ਕਾਲੜਾ ਨੇ ਦਿਤੀ ਹੈ।
ਪੰਜਾਬ ਪੁਲੀਸ ਦੇ ਸਾਈਬਰ ਕਰਾਈਮ ਵਿੰਗ ਨੇ ਅੱਜ ਆਈ.ਏ.ਐਸ. ਅਧਿਕਾਰੀ ਕਾਹਨ ਸਿੰਘ ਪੰਨੂ ’ਤੇ ਹਮਲਾ ਕਰਨ ਵਾਲੇ ਵਿਅਕਤੀਆਂ ਵਿਰੁੱਧ ਮੁਹਾਲੀ ’ਚ ਅਪਰਾਧਿਕ ਮਾਮਲਾ ਦਰਜ ਕਰ ਲਿਆ ਹੈ। ਸੂਬਾਈ ਪੁਲੀਸ ਦੇ ਬੁਲਾਰੇ ਨੇ ਦੱਸਿਆ ਕਿ ਇਹ ਮਾਮਲਾ ਸੂਚਨਾ ਤਕਨੀਕ ਕਾਨੂੰਨ ਦੀ ਧਾਰਾ 66 ਏ, ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਣ ਦੀ ਧਾਰਾ 295 ਏ, ਆਈ.ਪੀ.ਸੀ. ਦੀ ਧਾਰਾ 298, 500 ਅਤੇ 120 ਬੀ. ਤਹਿਤ ਦਰਜ ਕੀਤਾ ਗਿਆ ਹੈ। ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਦੋ ਦਿਨ ਪਹਿਲਾਂ ਹੀ ਮਾਮਲਾ ਦਰਜ ਕਰਨ ਦੇ ਆਦੇਸ਼ ਦੇ ਦਿੱਤੇ ਸਨ। ਪੰਜਾਬ ਪੁਲੀਸ ਵੱਲੋਂ ਉੱਤਰਾਖੰਡ ਸਰਕਾਰ ਦਾ ਰੁਖ ਦੇਖਿਆ ਜਾ ਰਿਹਾ ਸੀ। ਪੰਜਾਬ ਪੁਲੀਸ ਦੀ ਇਸ ਕਾਰਵਾਈ ਤੋਂ ਬਾਅਦ ਉੱਤਰਾਖੰਡ ਵਿੱਚ ਪੁਲੀਸ ਕਾਰਵਾਈ ਹੋਣ ਦੀਆਂ ਸੰਭਾਵਨਾਵਾਂ ਘਟ ਗਈਆਂ ਹਨ। ਇਸੇ ਦੌਰਾਨ ਹਮਲੇ ਦੀ ਜਾਂਚ ਲਈ ਗਠਿਤ ਕੀਤੀ ਵਿਸ਼ੇਸ਼ ਜਾਂਚ ਟੀਮ ਨੂੰ ਉਤਰਾਖੰਡ ਤੋਂ ਘਟਨਾ ਨਾਲ ਜੁੜੇ ਅਹਿਮ ਤੱਥ ਹੱਥ ਲੱਗਣ ਦੀ ਉਮੀਦ ਹੈ। ਪੁਲੀਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹਮਲੇ ’ਚ ਸ਼ਾਮਲ ਵਿਅਕਤੀਆਂ ਦੀ ਗ੍ਰਿਫਤਾਰੀ ਨਾਲ ਵੀ ਸਾਰੀ ਤਸਵੀਰ ਸਪੱਸ਼ਟ ਹੋ ਜਾਵੇਗੀ। ਫਿਰ ਵੀ ਘਟਨਾ ਤੋਂ ਤੱਥ ਹਾਸਲ ਕਰਨੇ ਜ਼ਰੂਰੀ ਹਨ।
ਸੂਤਰਾਂ ਮੁਤਾਬਕ ਐਸ.ਆਈ.ਟੀ. ਦੇ ਮੈਂਬਰ ਡੀ.ਆਈ.ਜੀ. ਗੌਤਮ ਚੀਮਾ ਵੱਲੋਂ ਗੋਬਿੰਦ ਘਾਟ ’ਤੇ ਪਿਛਲੇ ਦਿਨਾਂ ਦੌਰਾਨ 15 ਦੇ ਕਰੀਬ ਚਸ਼ਮਦੀਦ ਗਵਾਹਾਂ ਦੇ ਬਿਆਨ ਦਰਜ ਕੀਤੇ ਗਏ ਹਨ। ਇਨ੍ਹਾਂ ਗਵਾਹਾਂ ਨੇ ਪੰਜਾਬ ਪੁਲੀਸ ਦੇ ਅਧਿਕਾਰੀਆਂ ਨੂੰ ਇਹੀ ਦੱਸਿਆ ਹੈ ਕਿ ਚਿੱਟੇ ਅਤੇ ਨੀਲੇ ਚੋਲੇ ਪਹਿਨੇ ਕੁੱਝ ਵਿਅਕਤੀ ਕਾਹਨ ਸਿੰਘ ਪੰਨੂ ’ਤੇ ਹਮਲੇ ਤੋਂ ਪਹਿਲਾਂ ਸ੍ਰੀ ਪੰਨੂ ਨੂੰ ਲੱਭ ਰਹੇ ਸਨ। ਪੁਲੀਸ ਅਧਿਕਾਰੀਆਂ ਦਾ ਇਹ ਵੀ ਕਹਿਣਾ ਹੈ ਕਿ ਗੋਬਿੰਦ ਘਾਟ ’ਤੇ 23 ਜੂਨ ਨੂੰ ਜਿਹੜੇ ਯਾਤਰੀ ਮੌਜੂਦ ਸਨ ਉਹ ਤਾਂ ਵਾਪਸ ਆ ਗਏ। ਇਸ ਲਈ ਦੁਕਾਨਦਾਰਾਂ ਦੀਆਂ ਗਵਾਹੀਆਂ ਹੀ ਅਹਿਮ ਰਹਿ ਜਾਂਦੀਆਂ ਹਨ। ਪੁਲੀਸ ਅਧਿਕਾਰੀਆਂ ਨੇ ਆਈ.ਟੀ.ਬੀ.ਪੀ. ਦੇ ਜਵਾਨਾਂ ਤੇ ਫੌਜੀ ਅਧਿਕਾਰੀਆਂ ਨਾਲ ਵੀ ਜਾਂਚ ’ਚ ਸਹਿਯੋਗ ਲਈ ਰਾਬਤਾ ਬਣਾਇਆ ਹੈ। ਪੁਲੀਸ ਨੂੰ ਇਹ ਜਾਣਕਾਰੀ ਨਹੀਂ ਮਿਲੀ ਕਿ ਹਮਲੇ ਦਾ ਮੁੱਖ ਆਧਾਰ ਕੀ ਸੀ। ਸੂਤਰਾਂ ਮੁਤਾਬਕ ਸ੍ਰੀ ਪੰਨੂ ਅਤੇ ਹਮਲਾਵਰਾਂ ਦਰਮਿਆਨ ਐਤਵਾਰ ਦੀ ਘਟਨਾ ਤੋਂ ਦੋ ਕੁ ਦਿਨ ਪਹਿਲਾਂ ਗੋਬਿੰਦ ਧਾਮ ’ਤੇ ਕੁੱਝ ਵਾਰਤਾਲਾਪ ਹੋਇਆ ਸੀ। ਇਸੇ ਵਾਰਤਾਲਾਪ ਨੂੰ ਆਧਾਰ ਬਣਾ ਕੇ ਆਈ.ਏ.ਐਸ. ਅਧਿਕਾਰੀ ’ਤੇ ਹਮਲਾ ਕੀਤਾ ਗਿਆ। ਸ੍ਰੀ ਪੰਨੂ ਨੇ ਸੂਬੇ ਦੇ ਮੁੱਖ ਸਕੱਤਰ ਰਾਕੇਸ਼ ਸਿੰਘ ਨੂੰ ਰਿਪੋਰਟ ਸੌਂਪ ਦਿੱਤੀ ਹੈ। ਇਸ ਅਧਿਕਾਰੀ ਵੱਲੋਂ ਹਮਲੇ ਸਬੰਧੀ ਕੋਈ ਲਿਖਤੀ ਸ਼ਿਕਾਇਤ ਨਹੀਂ ਸੀ ਕੀਤੀ ਗਈ। ਮੁੱਖ ਸਕੱਤਰ ਨੂੰ ਦਿੱਤੀ ਰਿਪੋਰਟ ਨੂੰ ਹੀ ਸ਼ਿਕਾਇਤ ਬਣਾ ਕੇ ਹੀ ਮਾਮਲਾ ਦਰਜ ਕੀਤਾ ਹੈ। ਪੰਜਾਬ ਪੁਲੀਸ ਦੇ ਅਧਿਕਾਰੀਆਂ ਵੱਲੋਂ ਇਸ ਮਾਮਲੇ ਵਿੱਚ ਭਲਕੇ ਚਮੋਲੀ ਪੁਲੀਸ ਜ਼ਿਲ੍ਹੇ ਦੀ ਪੁਲੀਸ ਨਾਲ ਰਾਬਤਾ ਕਾਇਮ ਕੀਤਾ ਜਾਣਾ ਹੈ।
ਇਸੇ ਦੌਰਾਨ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਗਠਿਤ ਜਾਂਚ ਟੀਮ ਨੇ ਵੀ ਅੱਜ ਕਾਹਨ ਸਿੰਘ ਪੰਨੂ ਦੇ ਚੰਡੀਗੜ੍ਹ ਵਿੱਚ ਬਿਆਨ ਲਏ। ਇਸ ਟੀਮ ਵਿੱਚ ਸ਼੍ਰੋਮਣੀ ਕਮੇਟੀ ਦੇ ਜਨਰਲ ਸਕੱਤਰ ਸੁਖਦੇਵ ਸਿੰਘ ਭੌਰ, ਸਕੱਤਰ ਰੂਪ ਸਿੰਘ ਆਦਿ ਸ਼ਾਮਲ ਸਨ। ਇਹ ਕਮੇਟੀ ਸ਼੍ਰੋਮਣੀ ਕਮੇਟੀ ਰਾਹੀਂ ਅਕਾਲ ਤਖ਼ਤ ਨੂੰ ਰਿਪੋਰਟ ਦੇਵੇਗੀ ਤਾਂ ਜੋ ਅਕਾਲ ਤਖ਼ਤ ਵੱਲੋਂ ਇੱਕ ਸਿੱਖ ਦੀ ਪੱਗ ਰੋਲ਼ਣ ਵਾਲੇ ਵਿਅਕਤੀਆਂ ਵਿਰੁਧ ਧਾਰਮਿਕ ਸਜ਼ਾ ਬਾਰੇ ਫੈਸਲਾ ਲਿਆ ਜਾ ਸਕੇ।
ਮੁਹਾਲੀ (ਦਰਸ਼ਨ ਸਿੰਘ ਸੋਢੀ) ਉੱਤਰਾਖੰਡ ਵਿੱਚ ਮਚੀ ਤਬਾਹੀ ਤੋਂ ਬਾਅਦ ਲੋਕਾਂ ਦੀ ਸਹਾਇਤਾ ਲਈ ਪੰਜਾਬ ਸਰਕਾਰ ਵੱਲੋਂ ਭੇਜੇ ਗਏ ਆਪਣੇ ਨੁਮਾਇੰਦੇ ਆਈ.ਏ.ਐਸ. ਅਧਿਕਾਰੀ ਕਾਹਨ ਸਿੰਘ ਪੰਨੂ ’ਤੇ ਹੋਏ ਹਮਲੇ ਦੇ ਕੇਸ ਦੀ ਵਿਸ਼ੇਸ਼ ਜਾਂਚ ਟੀਮ ਨੇ ਵੱਖ-ਵੱਖ ਪਹਿਲੂਆਂ ’ਤੇ ਜਾਂਚ ਤੇਜ਼ ਕਰ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਸ੍ਰੀ ਪੰਨੂ ਨਾਲ ਹੋਈ ਬਦਸਲੂਕੀ ਦੀ ਵੀਡੀਓ ਫਿਲਮ ਬਣਾਉਣ ਅਤੇ ਯੂਟਿਊਬ ਸਮੇਤ ਹੋਰਨਾਂ ਸੋਸ਼ਲ ਸਾਈਟਾਂ ’ਤੇ ਫਿਲਮ ਅਪਲੋਡ ਕਰਨ ਵਾਲੇ ਪਿੰਡ ਕਣਕਵਾਲ ਦੇ ਵਸਨੀਕ ਬਲਜਿੰਦਰ ਸਿੰਘ ਹਾਲੇ ਤੱਕ ਆਪਣੇ ਘਰ ਨਹੀਂ ਪਰਤਿਆ ਹੈ। ਪੁਲੀਸ ਨੇ ਉਸ ਦੇ ਤਿੰਨ ਚਾਰ ਨਜ਼ਦੀਕੀ ਰਿਸ਼ਤੇਦਾਰਾਂ ਨੂੰ ਪੁੱਛਗਿੱਛ ਲਈ ਹਿਰਾਸਤ ਵਿੱਚ ਲਿਆ ਹੈ।
ਉਧਰ ਪੰਜਾਬ ਪੁਲੀਸ ਦੇ ਆਈ.ਜੀ. (ਸੁਰੱਖਿਆ) ਅਤੇ ਵਿਸ਼ੇਸ਼ ਜਾਂਚ ਟੀਮ ਦੇ ਮੁਖੀ ਸੰਜੀਵ ਕਾਲੜਾ ਨੇ ਕੇਵਲ ਇੰਨਾ ਹੀ ਆਖਿਆ ਹੈ ਕਿ ਕੋਈ ਵੀ ਜਾਣਕਾਰੀ ਡੀ.ਜੀ.ਪੀ. ਸਾਹਿਬ ਹੀ ਦੇਣਗੇ। ਇਸ ਤੋਂ ਇਲਾਵਾ ਅੱਜ ਪੂਰਾ ਦਿਨ ਸਟੇਟ ਸਾਈਬਰ ਕਰਾਈਮ ਸੈੱਲ ਦੇ ਡੀ.ਆਈ.ਜੀ. ਕੁੰਵਰ ਵਿਜੈ ਪ੍ਰਤਾਪ ਸਿੰਘ ਅਤੇ ਇਸ ਕਮੇਟੀ ਦੇ ਮੈਂਬਰ ਤੇ ਮੁਹਾਲੀ ਦੇ ਐਸ.ਐਸ.ਪੀ. ਗੁਰਪ੍ਰੀਤ ਸਿੰਘ ਭੁੱਲਰ ਨੇ ਵੀ ਪੱਤਰਕਾਰਾਂ ਨਾਲ ਫੋਨ ’ਤੇ ਗੱਲ ਕਰਨ ਤੋਂ ਸੰਕੋਚ ਕੀਤਾ। ਉਧਰ ਗੌਰਮਿੰਟ ਟੀਚਰ ਯੂਨੀਅਨ ਪੰਜਾਬ ਦੇ ਸਾਬਕਾ ਜਨਰਲ ਸਕੱਤਰ ਸੁੱਚਾ ਸਿੰਘ ਖੱਟੜਾ ਨੇ ਸ੍ਰੀ ਪੰਨੂ ਨਾਲ ਹੋਈ ਬਦਸਲੂਕੀ ਦੀ ਘਟਨਾ ਦੀ ਨਿਖੇਧੀ ਕੀਤੀ ਹੈ।
ਕਿਸੇ ਸਮੇਂ ਤੇਲ ਸੋਧਕ ਕਾਰਖਾਨੇ ਕਾਰਨ ਸੁਰਖੀਆਂ ਵਿਚ ਰਿਹਾ ਪਿੰਡ ਕਣਕਵਾਲ ਇਨ੍ਹੀਂ ਦਿਨੀਂ ਫਿਰ ਮੁੜ ਚਰਚਾ ਵਿਚ ਹੈ। ਹੁਣ ਪਿੰਡ ਗੁਰਦੁਆਰਾ ਹੇਮਕੁੰਟ ਸਾਹਿਬ ਦੀ ਯਾਤਰਾ ’ਤੇ ਗਏ ਪਿੰਡ ਦੇ 35 ਸਾਲਾ ਨੌਜਵਾਨ ਬਲਜਿੰਦਰ ਸਿੰਘ ਸਿੱਧੂ ਕਰ ਕੇ ਸੁਰਖੀਆਂ ਵਿਚ ਹੈ, ਜਿਸ ਦਾ ਨਾਂ ਉਤਰਾਖੰਡ ਵਿਚ ਰਾਹਤ ਕਾਰਜਾਂ ਲਈ ਪੰਹੁਚੇ ਪੰਜਾਬ ਦੇ ਸੀਨੀਅਰ ਆਈਏਐਸ ਅਫਸਰ ਕਾਹਨ ਸਿੰਘ ਪੰਨੂ ਦੀ ਕੁਝ ਅਨਸਰਾਂ ਵੱਲੋਂ ਖਿਚ ਧੂਹ ਕੀਤੇ ਜਾਣ ਦੀ ਬਣਾਈ ਗਈ ਵੀਡੀਓ ਨਾਲ ਜੋੜਿਆ ਜਾ ਰਿਹਾ ਹੈ। ਪਿੰਡ ਕਣਕਵਾਲ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬਲਜਿੰਦਰ ਸਿੱਧੂ 14 ਜੂਨ ਨੂੰ ਆਪਣੇ ਦੋਸਤ ਓਂਕਾਰ ਸਿੰਘ ਕੁੱਕੂ ਦੀ ਇਨੋਵਾ ਗੱਡੀ ਵਿਚ ਤਿੰਨ ਹੋਰ ਸਾਥੀਆਂ ਸਮੇਤ ਉਤਰਾਖੰਡ ਵਿਖੇ ਹੇਮਕੁੰਟ ਸਾਹਿਬ ਦੇ ਦਰਸ਼ਨਾਂ ਲਈ ਗਿਆ ਸੀ, ਜਿਥੇ ਕੁਦਰਤੀ ਆਫ਼ਤ ਕਾਰਨ ਉਹ ਰਸਤੇ ਵਿਚ ਹੀ ਫਸ ਕੇ ਰਹਿ ਗਏ। ਇਸ ਦੌਰਾਨ ਉਥੇ ਰਾਹਤ ਕਾਰਜਾਂ ਲਈ ਪੰਹੁਚੇ ਸ੍ਰੀ ਪੰਨੂ ਦੀ ਕੁਝ ਅਨਸਰਾਂ ਨੇ ਇਹ ਕਹਿੰਦੇ ਹੋਏ ਖਿਚ ਧੂਹ ਕੀਤੀ ਕਿ ਸ੍ਰੀ ਪੰਨੂ ਨੇ ਸਿੱਖ ਗੁਰੂਆਂ ਖਿਲਾਫ ਮਾੜੀ ਸ਼ਬਦਾਵਲੀ ਵਰਤੀ ਸੀ। ਸ੍ਰੀ ਪੰਨੂ ਨਾਲ ਹੋਈ ਬਦਸਲੂਕੀ ਦੀ ਬਣੀ ਵੀਡੀਉ ਨੂੰ ਬਲਜਿੰਦਰ ਸਿੱਧੂ ਨਾਲ ਜੋੜਿਆ ਜਾ ਰਿਹਾ ਹੈ। ਭਾਵੇਂ ਉਸ ਦਾ ਮੋਬਾਈਲ ਫੋਨ ਤਾਂ ਬੰਦ ਆ ਰਿਹਾ ਹੈ ਪਰ ਹਾਲੇ ਵੀ ਉਹ ਪਰਿਵਾਰਕ ਮੈਂਬਰਾਂ ਦੇ ਸੰਪਰਕ ਵਿਚ ਦੱਸਿਆ ਜਾਂਦਾ ਹੈ। ਉਸ ਦੇ ਭਰਾ ਸੁਰਿੰਦਰ ਸਿੰਘ ਨੇ ਦੱਸਿਆ ਕਿ ਸ੍ਰੀ ਪੰਨੂ ਦੇ ਇਸ ਵੀਡੀਉ ਵਿਚ ਹੋਣ ਬਾਰੇ ਬਲਜਿੰਦਰ ਨੂੰ ਕੋਈ ਪਤਾ ਹੀ ਨਹੀਂ ਸੀ, ਨਾਲ ਹੀ ਉਨ੍ਹਾਂ ਕਿਹਾ ਕਿ ਬਲਜਿੰਦਰ ਜੋ ਸਾਥੀਆਂ ਸਮੇਤ ਹਾਲੇ ਉਥੇ ਹੀ ਫਸਿਆ ਹੈ, ਦੇ ਆਉਂਦੇ ਹੀ ਉਹ ਪ੍ਰਸ਼ਾਸਨ ਨੂੰ ਪੂਰਾ ਸਹਿਯੋਗ ਦੇਣਗੇ।
ਪਰਿਵਾਰਕ ਮੈਂਬਰਾਂ ਦਾ ਦਾਅਵਾ ਹੈ ਕਿ ਇਹ ਵੀਡੀਉ ਬਲਜਿੰਦਰ ਨੇ ਨਹੀਂ ਬਣਾਈ, ਸਗੋਂ ਉਸ ਨੇ ਵੀਡੀਉ ਉਥੇ ਮੌਜੂਦ ਕਿਸੇ ਵਿਅਕਤੀ ਕੋਲੋਂ ਮੋਬਾਈਲ ਤੋਂ ਬਲੂ ਟੁੱਥ ਰਾਹੀਂ ਹਾਸਲ ਕੀਤੀ ਸੀ। ਉਸ ਨੇ ਵੀਡੀਉ ਆਪਣੀ ਆਈਡੀ ਰਾਹੀਂ ਇਸ ਮਕਸਦ ਨਾਲ ਆਪਣੇ ਦੋਸਤਾਂ ਮਿੱਤਰਾਂ ਨੂੰ ਫੇਸਬੁੱਕ ’ਤੇ ਪਾਈ ਸੀ ਤਾਂ ਜੋ ਅਜਿਹੇ ਔਖੇ ਸਮੇਂ ਧਾਰਮਕ ਸਥਾਨਾਂ ’ਤੇ ਘਿਨੌਣੀਆਂ ਕਾਰਵਾਈਆਂ ਕਰਨ ਵਾਲੇ ਲੋਕਾਂ ਦੀ ਸ਼ਨਾਖਤ ਹੋ ਸਕੇ। ਉਸ ਦੇ ਭਰਾ ਸੁਰਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਤਿੰਨ ਚਾਰ ਦਿਨਾਂ ਤੱਕ ਇਥੇ ਪੰਹੁਚ ਜਾਣਗੇ।
ਜਦੋਂ ਕਣਕਵਾਲ ਵਿਚ ਜਾ ਕੇ ਬਲਜਿੰਦਰ ਬਾਰੇ ਪਿੰਡ ਵਾਸੀਆਂ ਨਾਲ ਗੱਲ ਕੀਤੀ ਗਈ ਤਾਂ ਲੋਕਾਂ ਨੇ ਕਿਹਾ ਕਿ ਬਲਜਿੰਦਰ ਮੱਧ ਵਰਗੀ ਕਿਸਾਨ ਪਰਵਿਾਰ ਨਾਲ ਸਬੰਧਤ ਚੰਗੇ ਆਚਰਨ ਵਾਲਾ ਵਿਅਕਤੀ ਹੈ ਜੋ ਪਿੰਡ ਵਿਚ ਚਲਦੇ ਸਮਾਜ ਸੇਵਾ ਦੇ ਕੰਮਾਂ ਵਿਚ ਵਧ ਚੜ੍ਹ ਕੇ ਹਿੱਸਾ ਲੈਂਦਾ ਰਿਹਾ ਹੈ ਅਤੇ ਕਿਸੇ ਸਿਆਸੀ ਪਾਰਟੀ ਨਾਲ ਉਸ ਦਾ ਕੋਈ ਸਬੰਧ ਨਹੀਂ ਹੈ। ਉਸ ਦਾ ਕੋਈ ਅਪਰਾਧਕ ਪਿਛੋਕੜ ਵੀ ਨਹੀਂ ਹੈ। ਪਿੰਡ ਵਾਸੀਆਂ ਨੇ ਕਿਹਾ ਕਿ ਬਲਜਿੰਦਰ ਫੋਟੋਆਂ ਖਿੱਚਣ ਅਤੇ ਵੀਡੀਉ ਵਗੈਰਾ ਬਣਾਉਣ ਦਾ ਸ਼ੌਕੀਨ ਹੈ। ਉਸ ਨੇ ਪਹਿਲਾਂ ਵੀ ਪਿੰਡ ਵਿਚ ਲੱਗੇ ਤੇਲ ਸੋਧਕ ਕਾਰਖਾਨੇ ਵਿਚੋਂ ਨਿਕਲਦੇ ਧੂੰਏਂ ਅਤੇ ਪ੍ਰਦੂਸ਼ਣ ਸਬੰਧੀ ਕਈ ਵੀਡੀਉਜ਼ ਅਤੇ ਫੋਟੋਆਂ ਫੇਸਬੁੱਕ ’ਤੇ ਪਾਈਆਂ ਹਨ। ਪਿੰਡ ਵਾਸੀਆਂ ਅਨੁਸਾਰ ਵੀਡੀਉ ਫੇਸਬੁੱਕ ’ਤੇ ਅਪਲੋਡ ਕਰਨ ਦਾ ਇਹ ਕੰਮ ਉਸ ਤੋਂ ਬਿਲਕੁਲ ਅਣਜਾਣਪੁਣੇ ਵਿਚ ਹੀ ਹੋਇਆ ਹੈ, ਤੇ ਉਸ ਨੂੰ ਇਸ ਦੇ ਗੰਭੀਰ ਨਤੀਜਿਆਂ ਬਾਰੇ ਪਤਾ ਨਹੀਂ ਸੀ। ਪਿੰਡ ਵਾਸੀਆਂ ਅਨੁਸਾਰ ਬਲਜਿੰਦਰ ਕਾਫੀ ਸਮਾਂ ਰਾਮਾਂ ਮੰਡੀ ਵਿਖੇ ਆਪਣੇ ਭਰਾ ਸੁਰਿੰਦਰ ਛਿੰਦਾ ਨਾਲ ਇਕ ਪੇਂਟਰ ਵਜੋਂ ਕੰਮ ਕਰਦਾ ਰਿਹਾ ਅਤੇ ਉਸ ਤੋਂ ਬਾਅਦ ਉਸ ਨੇ ਰਾਮਾਂ ਮੰਡੀ ਵਿਚ ਹੀ ਮੋਬਾਇਲਾਂ ਦੀ ਦੁਕਾਨ ਕੀਤੀ ਅਤੇ ਹੁਣ ਪਿਛਲੇ ਕਈ ਸਾਲਾਂ ਤੋਂਂ ਕਣਕਵਾਲ ਵਿਖੇ ਇਕ ਛੋਟੀ ਜਿਹੀ ਦੁਕਾਨ ਵਿਚ ਮੋਬਾਇਲਾਂ ਦਾ ਕੰਮ ਕਰ ਰਿਹਾ ਹੈ। ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਬਲਜਿੰਦਰ ਕਿਸੇ ਸਾਜ਼ਿਸ਼ ਵਿਚ ਸ਼ਾਮਲ ਨਹੀਂ ਹੈ।
ਸਥਾਨਕ ਪੁਲੀਸ ਉਸ ਦੇ ਘਰ ਛਾਪੇ ਮਾਰ ਰਹੀ ਹੈ ਅਤੇ ਬਲਜਿੰਦਰ ਨੂੰ ਪੇਸ਼ ਕਰਨ ਲਈ ਪਰਿਵਾਰ ਉਤੇ ਕਥਿਤ ਦਬਾਅ ਪਾ ਰਹੀ ਹੈ। ਇਸ ਘਟਨਾ ਦੀ ਵੀਡੀਉ ਇਕ ਟੀ.ਵੀ ਚੈਨਲ ਅਤੇ ਯੂ ਟਿਊਬ ’ਤੇ ਵਿਖਾਈ ਗਈ, ਜਿਸ ਤੋ ਬਾਅਦ ਸ੍ਰੀ ਪੰਨੂ ਨਾਲ ਹੋਈ ਬਦਸਲੂਕੀ ਦਾ ਇਹ ਮਾਮਲਾ ਪੂਰੇ ਰਾਜ ਅੰਦਰ ਭੱਖ ਗਿਆ। ਜਾਨਕਾਰੀ ਇਹ ਵੀ ਮਿਲੀ ਹੈ ਕਿ ਪੁਲੀਸ ਨੇ ਬਲਜਿੰਦਰ ਦੀ ਭਾਲ ਲਈ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਤੱਕ ਦੇ ਪਤੇ ਹਾਸਲ ਕਰ ਲਏ ਹਨ।

ਪੰਨੂ ਦੀ ਸ਼ਿਕਾਇਤ 'ਤੇ ਪੰਜਾਬ ਪੁਲਿਸ ਵੱਲੋਂ ਮਾਮਲਾ ਦਰਜ

www.sabblok.blogspot.com

ਚੰਡੀਗੜ੍ਹ, 28 ਜੂਨ (ਬਿਊਰੋ ਚੀਫ਼)-ਪੰਜਾਬ ਪੁਲਿਸ ਵੱਲੋਂ ਅੱਜ ਰਾਜ ਦੇ ਸੀਨੀਅਰ ਆਈ.ਏ.ਐਸ. ਅਧਿਕਾਰੀ ਅਤੇ ਡੀ.ਜੀ.ਐਸ.ਈ. ਸ: ਕਾਹਨ ਸਿੰਘ ਪੰਨੂ ਦੀ ਸ਼ਿਕਾਇਤ 'ਤੇ ਪੰਜਾਬ ਸਾਈਬਰ ਕਰਾਇਮ ਪੁਲਿਸ ਸਟੇਸ਼ਨ ਮੁਹਾਲੀ ਵਿਖੇ ਸੂਚਨਾ ਤਕਨਾਲੋਜੀ ਐਕਟ ਦੀ ਧਾਰਾ 66-ਏ ਅਤੇ ਆਈ.ਪੀ.ਸੀ. ਦੀਆਂ ਧਾਰਾਵਾਂ 295-ਏ, 120-ਬੀ, 298 ਤੇ 500 ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ | ਸ: ਪੰਨੂ ਵੱਲੋਂ ਰਾਜ ਦੇ ਪ੍ਰਮੁੱਖ ਸਕੱਤਰ ਸ੍ਰੀ ਰਾਕੇਸ਼ ਸਿੰਘ ਨੂੰ 2 ਦਿਨ ਪਹਿਲਾਂ ਉਨ੍ਹਾਂ ਨਾਲ ਗੋਬਿੰਦਘਾਟ ਵਿਖੇ ਵਾਪਰੀ ਘਟਨਾ ਸਬੰਧੀ ਜੋ ਲਿਖਤੀ ਰਿਪੋਰਟ ਅਤੇ ਸ਼ਿਕਾਇਤ ਦਿੱਤੀ ਗਈ ਸੀ, ਉਸ ਨੂੰ ਉਕਤ ਕੇਸ ਦਰਜ ਕਰਨ ਲਈ ਅਧਾਰ ਬਣਾਇਆ ਗਿਆ ਹੈ | ਰਾਜ ਸਰਕਾਰ ਵੱਲੋਂ ਇਸ ਸ਼ਿਕਾਇਤ ਦੀ ਇਕ ਕਾਪੀ ਉਤਰਾਖੰਡ ਸਰਕਾਰ ਨੂੰ ਵੀ ਅਗਲੇਰੀ ਕਾਰਵਾਈ ਲਈ ਭੇਜ ਦਿੱਤੀ ਗਈ ਹੈ, ਤਾਂ ਜੋ ਵਾਪਰੀ ਘਟਨਾ ਨਾਲ ਸਬੰਧਤ ਥਾਂ ਦੇ ਅਧਿਕਾਰ ਖੇਤਰ ਵਾਲੇ ਪੁਲਿਸ ਸਟੇਸ਼ਨ ਵਿਖੇ ਵੀ ਇਸ ਸਬੰਧੀ ਲੋੜੀਂਦਾ ਮਾਮਲਾ ਦਰਜ ਕੀਤਾ ਜਾ ਸਕੇ | ਮੁੱਖ ਮੰਤਰੀ ਵੱਲੋਂ ਭਾਵੇਂ 3 ਦਿਨ ਪਹਿਲਾਂ ਰਾਜ ਦੇ ਡੀ.ਜੀ.ਪੀ. ਨੂੰ ਇਸ ਮਾਮਲੇ ਵਿਚ ਵਿਸ਼ੇਸ਼ ਜਾਂਚ ਦਲ ਕਾਇਮ ਕਰਨ ਅਤੇ ਦੋਸ਼ੀਆਂ ਵਿਰੁੱਧ ਲੋੜੀਂਦੀ ਕਾਰਵਾਈ ਲਈ ਆਦੇਸ਼ ਜਾਰੀ ਕਰ ਦਿੱਤੇ ਗਏ ਸਨ, ਪਰ ਪੁਲਿਸ ਵਿਭਾਗ ਵੱਲੋਂ ਮਾਮਲਾ ਦਰਜ ਕਰਨ ਲਈ ਸ: ਪੰਨੂ ਵੱਲੋਂ ਲਿਖਤੀ ਸ਼ਿਕਾਇਤ ਦੀ ਇੰਤਜ਼ਾਰ ਕੀਤੀ ਜਾਂਦੀ ਸੀ | ਰਾਜ ਸਰਕਾਰ ਦੇ ਸੂਤਰਾਂ ਅਨੁਸਾਰ ਸ: ਪੰਨੂ ਵੱਲੋਂ ਦਿੱਤੀ ਗਈ ਲਿਖਤੀ ਸ਼ਿਕਾਇਤ ਵਿਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਵਿਰੁੱਧ ਇਹ ਹਮਲਾ ਕੁਝ ਸ਼ਰਾਰਤੀ ਅਨਸਰਾਂ ਵੱਲੋਂ ਇਕ ਡੂੰਘੀ ਸਾਜ਼ਿਸ਼ ਤਹਿਤ ਕੀਤਾ ਗਿਆ ਅਤੇ ਗੋਬਿੰਦ ਘਾਟ ਵਿਖੇ ਹੋਈ ਹੱਥੋਪਾਈ ਦੀ ਵੀਡੀਓ ਸ਼ੋਸਲ ਨੈਟਵਰਕਿੰਗ ਸਾਈਟਾਂ ਜਿਵੇਂ ਕਿ ਯੂ ਟਿਊਬ ਅਤੇ ਫੇਸ ਬੁੱਕ 'ਤੇ ਅਪਲੋਡ ਕਰਕੇ ਉਨ੍ਹਾਂ ਨੂੰ ਸਮਾਜ ਵਿਚ ਨੀਵਾਂ ਦਿਖਾਉਣ ਅਤੇ ਬੇਇੱਜ਼ਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਅਤੇ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਵੀ ਠੇਸ ਪਹੁੰਚਾਈ ਗਈ | ਪੁਲਿਸ ਵਿਭਾਗ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਜਾਂਚ ਦਾ ਕੰਮ ਜਾਰੀ ਹੈ |
ਆਖਰ ਕੌਣ ਹੈ ਕੁੱਕੂ ਲੰਬੜ
ਚੰਡੀਗੜ੍ਹ, (ਗੁਰਪ੍ਰੀਤ ਸਿੰਘ ਨਿੱਝਰ)-ਆਈ.ਏ.ਐਸ. ਅਧਿਕਾਰੀ ਸ. ਕਾਹਨ ਸਿੰਘ ਪੰਨੂ ਨਾਲ ਹੋਈ ਕੁੱਟਮਾਰ ਦੇ ਮਾਮਲੇ ਵਿਚ ਏਨੇ ਦਿਨ ਬੀਤ ਜਾਣ 'ਤੇ ਵੀ ਕੋਈ ਠੋਸ ਕਾਰਵਾਈ ਨਾ ਹੋਣ ਤੇ ਪੁਲਿਸ ਦੀ ਕਾਰਗੁਜ਼ਾਰੀ 'ਤੇ ਸੁਆਲ ਉਠਣੇ ਸ਼ੁਰੂ ਹੋ ਗਏ ਹਨ | ਇਸ ਮਾਮਲੇ ਵਿਚ ਮੀਡੀਆ ਹਾਲਾਂਕਿ ਪੁਲਿਸ ਤੋਂ ਅੱਗੇ ਵੱਧ ਕੇ ਨਿੱਤ ਨਵੇਂ ਖੁਲਾਸੇ ਕਰ ਰਿਹਾ ਹੈ, ਪ੍ਰੰਤੂ ਪੁਲਿਸ ਦੀ ਚੁੱਪੀ ਸਾਰਿਆਂ ਲਈ ਹੈਰਾਨੀ ਦਾ ਕਾਰਨ ਬਣਦੀ ਜਾ ਰਹੀ ਹੈ | ਇਸ ਘਟਨਾ ਨਾਲ ਸਬੰਧਤ ਇਕ ਹੋਰ ਅਹਿਮ ਤੱਥ ਸਾਹਮਣੇ ਆ ਰਿਹਾ ਹੈ, ਜਿਸ ਨੂੰ ਮਾਮਲੇ ਦਾ ਸੂਤਰਧਾਰ ਮੰਨਿਆ ਜਾ ਰਿਹਾ ਹੈ | ਸੂਤਰਾਂ ਅਨੁਸਾਰ ਕੁੱਕੂ ਲੰਬੜ ਪਿੰਡ ਕਣਕਵਾਲ ਦਾ ਚੱਲਦਾ ਪੁਰਜਾ ਸਿਆਸੀ ਵਿਅਕਤੀ ਹੈ, ਜਿਸ ਦੇ ਸਥਾਨਕ ਅਕਾਲੀ ਅਤੇ ਕਾਂਗਰਸੀ ਦੋਵਾਂ ਨਾਲ ਚੰਗੇ ਸਬੰਧ ਹਨ | ਬਲਜਿੰਦਰ ਤੋਂ ਇਲਾਵਾ ਕਣਕਵਾਲ ਪਿੰਡ ਦੇ ਹੀ ਸੁਖਵੰਤ ਸਿੰਘ ਉਰਫ਼ ਸੁੱਖਾ, ਬਲਦੇਵ ਸਿੰਘ ਉਰਫ਼ ਦੇਬਾ, ਗੁਰਜੀਤ ਸਿੰਘ ਜੀਤਾ ਅਤੇ ਸਤਵੰਤ ਸਿੰਘ ਨੂੰ ਕੁੱਕੂ ਲੰਬੜ ਹੀ 14 ਜੂਨ ਨੂੰ ਆਪਣੀ ਇਨੋਵਾ ਗੱਡੀ ਵਿਚ ਹੇਮਕੁੰਟ ਸਾਹਿਬ ਲਈ ਲੈ ਕੇ ਗਿਆ ਸੀ | ਬਲਜਿੰਦਰ ਦੇ ਪਿਤਾ ਸੁਖਦੇਵ ਸਿੰਘ ਸਿੱਧੂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਬੇਟਾ ਕੁੱਟਮਾਰ 'ਚ ਸ਼ਾਮਲ ਨਹੀਂ ਹੈ, ਉਸ ਨੇ ਤਾਂ ਸਿਰਫ਼ ਵੀਡੀਓ ਹੀ ਬਣਾਈ ਸੀ | ਸੂਤਰਾਂ ਤੋਂ ਇਹ ਵੀ ਪਤਾ ਲੱਗਾ ਹੈ ਕਿ ਬਲਜਿੰਦਰ ਵੱਲੋਂ ਉਕਤ ਵੀਡਓ ਕਲਿਪ ਗੋਬਿੰਦਘਾਟ ਤੋਂ ਪੰਜਾਬ ਵਿਚ ਭੇਜੇ ਜਾਣ ਤੋਂ ਬਾਅਦ ਉਸ ਨੂੰ ਧੂਰੀ ਦੇ ਕਿਸੇ ਸਾਈਬਰ ਕੈਫ਼ੇ ਤੋਂ ਇੰਟਰਨੈੱਟ 'ਤੇ ਅਪਲੋਡ ਕੀਤਾ ਗਿਆ ਹੈ | ਇਸ ਤੋਂ ਇਲਾਵਾ ਪੁਲਿਸ ਨੂੰ ਉੱਤਰਾਖੰਡ ਤੋਂ ਵੀ ਇਹ ਰਿਪੋਰਟ ਮਿਲੀ ਹੈ ਕਿ ਮਾਮਲਾ ਕਿਸੇ ਸਾਜਿਸ਼ ਦਾ ਸਿੱਟਾ ਵੀ ਹੋ ਸਕਦਾ ਹੈ | ਸ਼ੋ੍ਰਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ. ਅਵਤਾਰ ਸਿੰਘ ਮੱਕੜ ਨੇ ਆਪਣੇ ਤੌਰ 'ਤੇ ਜੋ ਮਾਮਲੇ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ, ਪੁਲਿਸ ਸੂਤਰਾ ਅਨੁਸਾਰ ਕਣਕਵਾਲ ਨਿਵਾਸੀ ਬਲਜਿੰਦਰ ਅਤੇ ਉਸਦੇ ਨਾਲ ਗਏ ਪਿੰਡ ਦੇ ਬਾਕੀ ਨੌਜਵਾਨ ਅਜੇ ਵੀ ਘਰਾਂ ਨੂੰ ਨਹੀਂ ਪਰਤੇ ਹਨ ਅਤੇ ਉਨ੍ਹਾਂ ਦੇ ਫੋਨ ਵੀ ਬੰਦ ਆ ਰਹੇ ਹਨ | ਇਸ ਸਬੰਧੀ ਸ਼ੋ੍ਰਮਣੀ ਕਮੇਟੀ ਦੀ ਜਾਂਚ ਟੀਮ ਨੇ ਅੱਜ ਚੰਡੀਗੜ੍ਹ ਸੈਕਟਰ 5 'ਚ ਪੁੱਜ ਕੇ ਸ. ਕਾਹਨ ਸਿੰਘ ਪੰਨੂ ਦਾ ਪੱਖ ਸੁਣਿਆ ਹੈ |

ਪਤੀ ਦੀ ਬੁਰੀ ਤਰ੍ਹਾਂ ਕੁੱਟ ਮਾਰ ਕਰ ਕੇ ਚਲਦੀ ਕਾਰ ਵਿਚੋਂ ਬਾਹਰ ਸੁੱਟ ਦੇਣ ਤੇ ਉਸ ਦੀ ਪਤਨੀ ਨਾਲ ਬਲਾਤਕਾਰ

www.sabblok.blogspot.com

ਸ਼ਿਵ ਕੁਮਾਰ ਬਾਵਾ
ਮਾਹਿਲਪੁਰ, 28 ਜੂਨ
ਮਾਹਿਲਪੁਰ-ਸੈਲਾ ਖੁਰਦ ਦੇ ਵਿਚਕਾਰ ਅੱਜ ਕਾਰ ਸਵਾਰ ਤਿੰਨ ਨੌਜਵਾਨਾਂ ਵੱਲੋਂ ਰਸਤੇ ਵਿਚ ਖੜ੍ਹੇ  ਇਕ ਜੋੜੇ ਨੂੰ ਕਾਰ ਵਿਚ ਬਿਠਾਉਣ ਪਿੱਛੋਂ ਪਤੀ ਦੀ ਬੁਰੀ ਤਰ੍ਹਾਂ ਕੁੱਟ ਮਾਰ ਕਰ ਕੇ ਚਲਦੀ ਕਾਰ ਵਿਚੋਂ ਬਾਹਰ ਸੁੱਟ ਦੇਣ ਤੇ ਉਸ ਦੀ ਪਤਨੀ ਨਾਲ ਬਲਾਤਕਾਰ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬਾਅਦ ਵਿਚ ਪੀੜਤ ਔਰਤ ਨੂੰ ਕਾਰ ਵਿਚੋਂ ਲਾਹ ਕੇ ਮੁਲਜ਼ਮ ਗੜ੍ਹਸ਼ੰਕਰ ਵੱਲ ਨੂੰ ਫਰਾਰ ਹੋ ਗਏ। ਥਾਣਾ ਮਾਹਿਲਪੁਰ ਦੀ ਪੁਲੀਸ ਨੇ ਪੀੜਤਾ ਦੇ ਬਿਆਨਾਂ ’ਤੇ ਕੇਸ ਦਰਜ ਕਰ ਕੇ ਮੁਲਜ਼ਮਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।  ਮਿਲੀ ਜਾਣਕਾਰੀ ਅਨੁਸਾਰ ਕਪੂਰਥਲਾ ਜ਼ਿਲ੍ਹੇ ਨਾਲ ਸਬੰਧਤ ਪੀੜਤ ਔਰਤ ਨੇ ਥਾਣਾ ਮਾਹਿਲਪੁਰ ਦੀ ਪੁਲੀਸ ਕੋਲ ਬਿਆਨ ਦਰਜ ਕਰਵਾਏ ਕਿ ਉਹ ਆਪਣੇ ਪਤੀ ਅਤੇ ਇਕ ਹੋਰ ਰਿਸ਼ਤੇਦਾਰ ਨਾਲ ਮੋਟਰਸਾਈਕਲ ’ਤੇ ਮਾਹਿਲਪੁਰ ਦੇ ਇਕ ਡਾਕਟਰ ਤੋਂ ਦਵਾਈ ਲੈਣ ਆ ਰਹੇ ਸਨ ਕਿ ਮਾਹਿਲਪੁਰ ਦੇ ਬਾਹਰਵਾਰ ਮੋਟਰਸਾਈਕਲ ਅਚਾਨਕ ਖਰਾਬ ਹੋ ਗਿਆ। ਉਨ੍ਹਾਂ ਦਾ ਰਿਸ਼ਤੇਦਾਰ ਖਰਾਬ ਮੋਟਰਸਾਈਕਲ ਠੀਕ ਕਰਾਉਣ ਲਈ ਮਾਹਿਲਪੁਰ ਸ਼ਹਿਰ ਆ ਗਿਆ ਤੇ ਉਹ ਪਤੀ-ਪਤਨੀ ਸ਼ਹਿਰ ਤੋਂ ਥੋੜ੍ਹਾ ਪਿੱਛੇ ਸੜਕ ’ਤੇ ਖੜ੍ਹ ਗਏ। ਇਸੇ ਦੌਰਾਨ ਉਨ੍ਹਾਂ ਦੀ ਜਾਣ-ਪਛਾਣ ਵਾਲੇ ਤਿੰਨ  ਕਾਰ ਸਵਾਰ ਨੌਜਵਾਨ ਉਹਨਾਂ ਨੂੰ ਖੜ੍ਹੇ ਦੇਖ ਕੇ ਰੁਕ ਗਏ। ਉਹ ਕਹਿਣ ਲੱਗੇ ਕਿ ਉਨ੍ਹਾਂ ਸ਼ਹੀਦ ਭਗਤ ਸਿੰਘ ਨਗਰ ਨੂੰ ਜਾਣਾ ਹੈ ਤੇ ਉਨ੍ਹਾਂ ਨੂੰ ਮਾਹਿਲਪੁਰ ਲਾਹ ਦੇਣਗੇ।
ਉਹ ਭਰੋਸੇ ’ਤੇ ਕਾਰ ਵਿਚ ਬੈਠ ਗਏ। ਔਰਤ ਨੇ ਦੱਸਿਆ ਕਿ ਉਹ ਉਦੋਂ ਹੱਕੀ-ਬੱਕੀ ਰਹਿ ਗਈ ਜਦ ਮੁਲਜ਼ਮਾਂ ਨੇ ਕਾਰ ਤੇਜ਼ੀ ਨਾਲ ਮਾਹਿਲਪੁਰ ਵਿਚੋਂ ਭਜਾ ਕੇ ਸੈਲਾ ਖੁਰਦ ਵਲ ਨੂੰ ਦੌੜਾ ਲਈ ਅਤੇ ਉਸ ਦੇ ਪਤੀ ਦੀ ਕੁੱਟਮਾਰ ਕਰਨ ਲੱਗੇ। ਉਨ੍ਹਾਂ ਉਸ ਦੇ ਪਤੀ ਨੂੰ ਉਸ ਦੇ ਸਾਹਮਣੇ ਬਹੁਤ ਕੁੱਟਿਆ ਜ਼ਖਮੀ ਕਰ ਕੇ ਚਲਦੀ ਕਾਰ ਵਿਚੋਂ ਧੱਕਾ ਦੇ ਕੇ ਬਾਹਰ ਸੁੱਟ ਦਿੱਤਾ। ਫੇਰ ਉਨ੍ਹਾਂ ਤਿੰਨਾਂ ਨੇ ਉਸ ਨਾਲ ਸੈਲਾ ਖੁਰਦ ਲਾਗੇ ਕਾਰ ਵਿਚ ਹੀ ਬਲਾਤਕਾਰ ਕੀਤਾ ਅਤੇ ਉਸ ਨੂੰ ਜਾਨੋਂ ਖਤਮ ਕਰਨ ਦੀਆਂ ਧਮਕੀਆਂ ਦਿੰਦੇ ਹੋਏ ਫਰਾਰ ਹੋ ਗਏ।  ਥਾਣਾ ਮਾਹਿਲਪੁਰ ਦੀ ਪੁਲੀਸ ਨੇ ਪੀੜਤਾ ਦੇ ਬਿਆਨਾਂ ’ਤੇ ਤਿੰਨੇ ਮੁਲਜ਼ਮਾਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਉਨ੍ਹਾਂ ਦੀ ਪਛਾਣ ਜ਼ਹੂਰੀ ਤੇ ਫਿਰੋਜ਼ਦੀਨ ਵਾਸੀ ਗੈਂਡੀ ਕੁੰਡਾ (ਉਤਰ ਪ੍ਰਦੇਸ਼) ਅਤੇ ਸੈਫ ਅਲੀ ਵਾਸੀ ਹਾਜੀਪੁਰ (ਹੁਸ਼ਿਆਰਪੁਰ) ਵਜੋਂ ਹੋਈ ਹੈ। ਪੁਲੀਸ ਨੇ ਧਾਰਾ 376 (2)  ਅਤੇ (ਜੀ) ਤਹਿਤ ਕੇਸ ਦਰਜ ਕਰ ਕੇ ਤਿੰਨਾਂ ਦੀ ਗ੍ਰਿਫਤਾਰੀ  ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ।

ਨਿਊਜ਼ੀਲੈਂਡ ‘ਚ ਭਾਰਤ ਸਮੇਤ ਹੋਰ ਦੇਸ਼ਾਂ ਤੋਂ ਘਟੀਆ ਕਿਸਮ ਦੀਆਂ ਦਵਾਈਆਂ ਦੇ ਦਾਖਲੇ ‘ਤੇ ਲਗਾਈ ਰੋਕ

www.sabblok.blogspot.com 

ਔਕਲੈਂਡ 28 ਜੂਨ (ਹਰਜਿੰਦਰ ਸਿੰਘ ਬਸਿਆਲਾ)- ਨਿਊਜ਼ੀਲੈਂਡ ਦੇ ਵਿਚ 298 ਦਵਾਈਆਂ ਦੇ ਪੈਕਟਾਂ ਨੂੰ ਘਟੀਆ ਕਿਸਮ ਦੇ ਪਾਏ ਜਾਣ ਕਰਕੇ ਸੀਮਾ ਉਤੇ ਹੀ ਰੋਕ ਲਿਆ ਗਿਆ ਹੈ। ਇਨ੍ਹਾਂ ਪੈਕਟਾਂ ਦੇ ਵਿਚ ਸਭ ਤੋਂ ਜਿਆਦਾ ਪੈਕਟ ਭਾਰਤ ਤੋਂ (79) ਆਏ ਸਨ। ਅਮਰੀਕਾ ਤੋਂ 59 ਅਤੇ ਚੀਨ ਤੋਂ 30 ਪੈਕਟ ਪਹੁੰਚੇ। ਇਸ ਤੋਂ ਇਲਾਵਾ ਹੋਰ ਵੀ ਦੇਸ਼ ਹਨ ਅਤੇ ਕੁੱਲ 32 ਦੇਸ਼ਾਂ ਤੋਂ ਇਹ ਦਵਾਈਆਂ ਪਹੁੰਚੀਆਂ ਸਨ। ‘ਨਿਊਜ਼ੀਲੈਂਡ ਮੈਡੀਸਨਜ਼ ਅਤੇ ਮੈਡੀਕਲ ਡਿਵਾਈਸਜ਼ ਅਥਾਰਟੀ’ (ਮੈਡ ਸੇਫ਼) ਨੇ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਉਹ ਆਨ ਲਾਈਨ ਜਾਂ ਦੂਜੇ ਦੇਸ਼ਾਂ ਤੋਂ ਦਵਾਈ ਮੰਗਵਾਉਣ ਤੋਂ ਪਹਿਲਾਂ ਉਸਦੀ ਜਾਂਚ-ਪੜ੍ਹਤਾਲ ਅਤੇ ਉਤਮ ਕੁਆਲਿਟੀ ਦੀ ਤਸੱਲੀ ਜਰੂਰ ਕਰਨ ਤੇ ਬਿਨਾਂ ਡਾਕਟਰ ਦੀ ਸਲਾਹ ਤੋਂ ਕੋਈ ਦਵਾਈ ਨਾ ਖਾਣ। ਇੰਟਰਪੋਲ ਦੀ ਮਦਦ ਦੇ ਨਾਲ ਪਿਛਲੇ ਹਫਤੇ ਤੋਂ ਇਕ ਵਿਸ਼ੇਸ਼ ਅਭਿਆਨ ‘ਆਪ੍ਰੇਸ਼ਨ ਪੈਂਗੀਆ-6′ ਚੱਲ ਰਿਹਾ ਸੀ ਜਿਸ ਦੇ ਤਹਿਤ ਇਹ ਘਟੀਆ ਕਿਸਮ ਦੀਆਂ ਦਵਾਈਆਂ ਫੜੀਆਂ ਗਈਆਂ ਹਨ। ਮੈਡ ਸੇਫ ਨਿਊਜ਼ੀਲੈਂਡ ਨੇ ਦੱਸਿਆ ਕਿ ਬਹੁਤ ਸਾਰੀਆਂ ਦਵਾਈਆਂ ਉਤੇ ਕੋਈ ਲੇਬਲ ਨਹੀਂ ਸੀ ਲੱਗਾ ਹੋਇਆ ਅਤੇ 8774 ਗੋਲੀਆਂ ਖੱਲ੍ਹੀਆ ਹੀ ਪਾਈਆਂ ਗਈਆਂ ਹਨ। ਵਿਸ਼ਵ ਵਿਆਪੀ ਚਲਾਏ ਗਏ ਇਸ ਅਭਿਆਨ ਦੇ ਵਿਚ ਨਿਊਜ਼ੀਲੈਂਡ ਨੇ ਬਾਕੀ ਹੋਰ 99 ਦੇਸ਼ਾਂ ਦੇ ਨਾਲ ਛੇਵੀਂ ਵਾਰ ਭਾਗ ਲਿਆ ਹੈ

ਪਿੰਡ ਚਾਹਲਾਂ (ਟਾਂਡਾ ਉੜਮੁੜ ) ਵਿਖੇ ਸਰਬਸਮਤੀ ਨਾਲ ਬਣੀ ਪੰਚਾਇਤ

www.sabblok.blogspot.com

ਉਤਰਾਖੰਡ ਆਫਤ : ਸਪਾ ਦੇ ਸਾਰੇ ਵਿਧਾਇਕ ਆਪਣੇ ਫੰਡ 'ਚੋਂ ਦੇਣਗੇ 10-10 ਲੱਖ

www.sabblok.blogspot.com

ਲਖਨਊ- ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਅਤੇ ਸੱਤਾਧਾਰੀ ਸਪਾ ਦੇ ਦੇ ਸੂਬਾਈ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਸ਼ੁੱਕਰਵਾਰ ਨੂੰ ਪਾਰਟੀ ਦੇ ਸਾਰੇ ਵਿਧਾਇਕਾਂ ਨੂੰ ਉਤਰਾਖੰਡ ਆਫਤ ਪੀੜਤਾਂ ਲਈ ਆਪਣੇ-ਆਪਣੇ ਫੰਡ 'ਚੋਂ 10-10 ਲੱਖ ਰੁਪਏ ਦੇਣ ਦਾ ਹੁਕਮ ਦਿੱਤਾ ਹੈ। ਮੁੱਖ ਮੰਤਰੀ ਨੇ ਇਥੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਮੈਂ ਉਤਰਾਖੰਡ ਆਫਤ ਰਾਹਤ ਲਈ ਸਪਾ ਦੇ ਸਾਰੇ ਵਿਧਾਇਕਾਂ ਨੂੰ ਆਪਣੇ-ਆਪਣੇ ਖੇਤਰ ਦੇ ਵਿਕਾਸ ਫੰਡ 'ਚੋਂ 10-10 ਲੱਖ ਰੁਪਏ ਦੇਣ ਨੂੰ ਕਿਹਾ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਆਪਣੇ ਵਲੋਂ 50-50 ਹਜ਼ਾਰ ਰੁਪਏ ਅਤੇ ਮੰਤਰੀਆਂ ਤੋਂ 1-1- ਲੱਖ ਰੁਪਏ ਦੀ ਸਹਾਇਤਾ ਦੇਣ ਨੂੰ ਵੀ ਕਿਹਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਉੱਤਰ ਪ੍ਰਦੇਸ਼ ਸਰਕਾਰ ਉਤਰਾਖੰਡ ਨੂੰ ਪਹਿਲਾਂ 25 ਕਰੋੜ ਰੁਪਏ ਅਤੇ ਦੋ ਦਿਨ ਪਹਿਲਾਂ ਪੈਂਸ਼ਨ ਬਟਵਾਰੇ ਦੇ 350 ਕਰੋੜ ਰੁਪਏ ਦੇ ਚੁੱਕੀ ਹੈ। ਅਖਿਲੇਸ਼ ਨੇ ਉਤਰਾਖੰਡ 'ਚ ਰਾਹਤ ਅਤੇ ਬਚਾਅ ਕਾਰਜਾਂ 'ਚ ਜੁਟੇ ਜਵਾਨਾਂ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਆਪਣੇ ਕੰਮ ਨਾਲ ਉਨ੍ਹਾਂ ਨੇ ਦਿਲਾਂ 'ਚ ਆਪਣੇ ਪ੍ਰਤੀ ਸਨਮਾਨ ਨੂੰ ਹੋਰ ਵਧਾ ਲਿਆ ਹੈ।  ਉਨ੍ਹਾਂ ਨੇ ਇਕ ਸਵਾਲ ਦੇ ਜਵਾਬ 'ਚ ਕਿਹਾ ਕਿ ਜੋ ਡਾਕਟਰ ਰਾਹਤ ਕਾਰਜਾਂ 'ਚ ਮਦਦ ਲਈ ਉਤਰਾਖੰਡ ਜਾਣਾ ਚਾਹੁਣਗੇ ਉਨ੍ਹਾਂ ਨੂੰ ਜ਼ਰੂਰ ਭੇਜਿਆ ਜਾਏਗਾ। ਜੇਕਰ ਉਥੋਂ ਦੀ ਸਰਕਾਰ ਇਸ ਦੀ ਮੰਗ ਕਰਦੀ ਹੈ ਤਾਂ ਅਸੀਂ ਉਨ੍ਹਾਂ ਦੀ ਸਹਾਇਤਾ ਕਰਾਂਗੇ।

ਭਾਈ ਬਲਜੀਤ ਸਿੰਘ ਭਊ ਅਤੇ ਭਾਈ ਚੈੜੀਆਂ ਤਿਹਾੜ ਜੇਲ੍ਹ ਚੋਂ ਰਿਹਾਅ ਹੋਕੇ ਸ੍ਰੀ ਹਰਿਮੰਦਰ ਸਾਹਿਬ ਨਤਮਸਤਕ ਹੋਏ

www.sabblok.blogspot.com

ਅੰਮ੍ਰਿਤਸਰ: (27ਜੂਨ,ਨਰਿੰਦਰ ਪਾਲ ਸਿੰਘ):- ਭਾਈ ਜਗਤਾਰ ਸਿੰਘ ਹਵਾਰਾ ਦੇ ਸਾਥੀ ਭਾਈ ਬਲਜੀਤ ਸਿੰਘ ਭਾਊ,ਭਾਈ ਬਲਵਿੰਦਰ ਸਿੰਘ ਚੈੜੀਆਂ ,ਭਾਈ ਹਰਮਿੰਦਰ ਸਿੰਘ ਅਮਲੋਹ ,ਦਿੱਲੀ ਦੀ ਤਿਹਾੜ ਜੇਲ੍ਹ ਚੋਂ ਪੰਜ ਸਾਲਾਂ ਬਾਅਦ ਪੈਰੋਲ ਤੇ ਰਿਹਾਅ ਹੋਕੇ ਸ੍ਰੀ ਹਰਿਮੰਦਰ ਸਾਹਿਬ ਅਤੇ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਨਤਮਸਤਕ ਹੋਏ ।ਸਿੱਖ ਯਨਾਇਟਿਡ ਮੂਵਮੈਂਟ ਦੇ ਪ੍ਰਧਾਨ ਭਾਈ ਮੋਹਕਮ ਸਿੰਘ,ਸਿੱਖ ਯੂਥ ਫੈਡਰੇਸ਼ਨ ਆਫ ਭਿੰਡਰਾਂਵਾਲਾ ਦੇ ਕੌਮੀ ਪ੍ਰਧਾਨ ਭਾਈ ਬਲਵੰਤ ਸਿੰਘ ਗੋਪਾਲਾ,ਸੀਨੀਅਰ ਮੀਤ ਪ੍ਰਧਾਨ ਡਾ:ਗੁਰਜਿੰਦਰ ਸਿੰਘ ਵਲੋਂ ਸਾਥੀਆਂ ਨੂੰ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਾ ਦੀਆਂ ਯਾਦਗਾਰੀ ਤਸਵੀਰਾਂ ਵਾਲੀਆਂ ਸ਼ੀਲਡਾਂ ਤੇ ਸਿਰੋਪਾਉ ਬਖਸ਼ਿਸ਼ ਕੀਤੇ ਗਏ । ਪੈਰੋਲ ਤੇ ਰਹਿਾਅ ਹੋਏ ਸਿੰਘਾਂ ਨੇ ਜੂਨ 84 ਦੀ ਯਾਦਗਾਰ ਵਿਖੇ ਜੇਲ੍ਹਾਂ ਵਿਚ ਬੰਦ ਸਿੰਘਾਂ ਦੀ ਚੜ੍ਹਦੀ ਕਲਾ ਲਈ ਅਰਦਾਸ ਬੇਨਤੀ ਕੀਤੀ ।ਇਸ ਮੌਕੇ ਉਨ੍ਹਾ ਨਾਲ ਭਾਈ ਸੁਖਵਿੰਦਰ ਸਿੰਘ ਹਜੂਰੀ ਰਾਗੀ ਸ੍ਰੀ ਹਰਿਮੰਦਰ ਸਾਹਿਬ ,ਭਾਈ ਨਿਰਮਲ ਸਿੰਘ ਝਬਾਲ,ਭਾਈ ਲਾਲ ਸਿੰਘ ਵੀ ਹਾਜਰ ਸਨ ।

 

ਵਿਸ਼ਵ ਨਸ਼ਾ ਛੱਡੋ ਦਿਵਸ ਸਬੰਧੀ ਸਮਾਗਮ

www.sabblok.blogspot.com

 
ਨਕੋਦਰ, ---(ਟੋਨੀ/ਬਿੱਟੂ )- ਸਥਾਨਕ ਸਿਵਲ ਹਸਪਤਾਲ ਵਿਖੇ ਪੰਜਾਬ ਸਰਕਾਰ, ਸਿਹਤ ਵਿਭਾਗ ਅਤੇ ਸਿਵਲ ਸਰਜਨ ਜਲੰਧਰ ਆਰ ਐਲ ਬੱਸਣ ਦੇ ਦਿਸ਼ਾ ਨਿਰਦੇਸ਼ਾਂ ਅਧੀਨ ਨਸ਼ਿਆਂ ਤੇ ਸ਼ਰਾਬ ਦੀ ਰੋਕ ਥਾਮ ਸਬੰਧੀ ਵਿਸ਼ਵ ਨਸ਼ਾ ਛੇੜੋ ਦਿਵਸ ਦੇ ਸਬੰਧ 'ਚ ਐਸ.ਐਮ.ਓ. ਡਾ. ਪੁਸ਼ਕਰ ਕੁਮਾਰ ਦੀ ਅਗਵਾਈ ਹੇਠ ਸਮਾਗਮ ਕਰਵਾਇਆ ਗਿਆ | ਇਸ ਮੌਕੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਡਾ. ਸੁਰਜੀਤ ਸਿੰਘ ਮੈਡੀਕਲ ਸਪੈਸ਼ਲਿਸਟ ਨੇ ਨਸ਼ਿਆਂ ਅਤੇ ਸ਼ਰਾਬ ਦੇ ਮਾਰੂ ਪ੍ਰਭਾਵਾਂ ਸਬੰਧੀ ਭਰਪੂਰ ਜਾਣਕਾਰੀ ਦਿੱਤੀ ਅਤੇ ਨਸ਼ਿਆਂ ਨੂੰ ਰੋਕਣ ਲਈ ਜ਼ਰੂਰੀ ਸੁਝਾਅ ਦਿੱਤੇ | ਇਸ ਮੌਕੇ ਸਮਾਜ ਸੇਵਕ ਅੰਮਿ੍ਤਪਾਲ ਸਿੰਘ ਟੱਕਰ, ਐਸ.ਐਮ.ਓ. ਡਾ. ਪੁਸ਼ਕਰ ਕੁਮਾਰ, ਕੌਾਸਲਰ ਵਿਜੇ ਪੋਪਲੀ, ਤਰਲੋਚਨ ਸਿੰਘ ਧੀਮਾਨ, ਹਸਪਤਾਲ ਦਾ ਸਟਾਫ਼, ਨਰਸਿੰਗ ਸਕੂਲ ਮਲਸੀਆਂ ਦੀਆਂ ਵਿਦਿਆਰਥਣਾਂ, ਮਰੀਜ਼ ਉਨ੍ਹਾਂ ਦੇ ਰਿਸ਼ਤੇਦਾਰ ਹਾਜ਼ਰ ਸਨ |

ਬਲਾਕ ਨਕੋਦਰ 'ਚ ਪੰਚਾਇਤ ਚੋਣਾਂ 'ਚ 183 ਸਰਪੰਚ 656 ਪੰਚ ਮੈਦਾਨ 'ਚ

www.sabblok.blogspot.com
ਨਕੋਦਰ, ---- (ਟੋਨੀ/ਬਿੱਟੂ ਨ)-ਪੰਚਾਇਤ ਚੋਣਾਂ ਸਬੰਧੀ ਨਾਮਜ਼ਦਗੀ ਪਰਚੇ ਵਾਪਸ ਲੈਣ ਤੋਂ ਬਾਅਦ ਵੱਖ-ਵੱਖ ਪਿੰਡਾਂ 'ਚ ਪੰਚ ਤੇ ਸਰਪੰਚ ਦੀ ਚੋਣ ਲੜ ਰਹੇ ਉਮੀਦਵਾਰਾਂ ਵਲੋਂ ਚੋਣ ਮੁਹਿੰਮ ਨੂੰ ਹੋਰ ਤੇਜ਼ ਕਰ ਦਿੱਤਾ ਹੈ | ਨਕੋਦਰ ਦੇ ਐਸ.ਡੀ.ਐਮ. ਕਮ ਸਬ ਡਵੀਜ਼ਨਲ ਇਲੈਕਟਰੋਲ ਅਫ਼ਸਰ ਹਰਦੀਪ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਨਕੋਦਰ ਬਲਾਕ ਦੀਆਂ 87 ਪੰਚਾਇਤਾਂ ਚੋਂ 18 ਪੰਚਾਇਤਾਂ ਜਿੰਨਾ 'ਚ ਨਵਾਂ ਪਿੰਡ ਮੱਲ੍ਹੀਆਂ, ਜਹਾਂਗੀਰ, ਫਾਜਲਪੁਰ, ਕੋਟਲਾ ਭਾਗੂ, ਬਿੱਲਾ ਨਵਾਬ, ਦਰਗਾਬਾਦ, ਆਧੀ, ਲੱਧੇਵਾਲੀ, ਸਰਾਏ ਖ਼ਾਮ, ਢੱਡਾ ਖ਼ਾਨਪੁਰ, ਢੱਡਾ, ਦਿਲ ਖ਼ਾਨਪੁਰ, ਢੱਡਾ ਹੁੰਦਲ, ਕੰਗ ਸਾਹਬੂ, ਢੱਡਾ ਲਹਿਣਾ, ਚੱਕ ਪੀਰ ਪੁਰ, ਬਜੂਹਾ ਕਲਾਂ, ਆਲੇਵਾਲੀ, ਰਾਏਵਾਲ ਸ਼ਾਮਲ ਹਨ 'ਚ ਸਰਬਸੰਮਤੀ ਨਾਲ ਪੰਚਾਇਤਾਂ ਚੁਣੀਆਂ ਹਨ | ਇਸੇ ਤਰ੍ਹਾਂ 20 ਸਰਪੰਚ ਤੇ 320 ਪੰਚ ਬਿਨਾਂ ਮੁਕਾਬਲਾ ਚੁਣੇ ਗਏ ਹਨ | ਉਨ੍ਹਾਂ ਦੱਸਿਆ ਕਿ 3 ਜੁਲਾਈ ਨੂੰ 183 ਸਰਪੰਚ ਤੇ 656 ਪੰਚ ਚੋਣ ਲਈ ਵੋਟਾਂ ਪੈਣਗੀਆਂ | ਉਨ੍ਹਾਂ ਦੱਸਿਆ ਕਿ ਚੋਣ ਮੈਦਾਨ 'ਚ ਰਹਿ ਗਏ ਉਮੀਦਵਾਰਾਂ ਨੂੰ ਚੋਣ ਨਿਸ਼ਾਨ ਅਲਾਟ ਕਰ ਦਿੱਤੇ ਗਏ ਹਨ | ਇਸ ਮੌਕੇ ਤੇ ਬੀ.ਡੀ.ਪੀ.ਓ. ਧਰਮਪਾਲ ਸਿੱਧੂ ਵੀ ਹਾਜ਼ਰ ਸਨ |   

15 ਕਿੱਲੋ ਚੂਰਾ ਪੋਸਤ ਸਮੇਤ 2 ਕਾਬੂ

www.sabblok.blogspot.com
ਨਕੋਦਰ ---(ਟੋਨੀ/ਬਿੱਟੂ) ਨਕੋਦਰ ਦੇ ਨਾਲ ਲਗਦੇ ਪਿੰਡ ਮੱਲ੍ਹੀਆਂ ਕਲਾਂ  ਦੀ ਪੁਲਿਸ ਚੌਕੀ ਉਗੀ  ਦੇ ਇੰਚਾਰਜ ਸ. ਗੁਰਮੀਤ ਸਿੰਘ ਵਲੋਂ ਆਪਣੀ ਪੁਲਿਸ ਪਾਰਟੀ ਸਮੇਤ ਦੋ ਦੋਸ਼ੀਆਂ ਨੂੰ 15 ਕਿੱਲੋ ਚੂਰਾ ਪੋਸਤ ਸਮੇਤ ਗਿ੍ਫ਼ਤਾਰ ਕਰਨ 'ਚ ਸਫਲਤਾ ਪ੍ਰਾਪਤ ਕੀਤੀ ਹੈ | ਅੱਜ ਇੱਥੇ ਇਹ ਜਾਣਕਾਰੀ ਗੁਰਮੀਤ ਸਿੰਘ ਚੌਕੀ ਇੰਚਾਰਜ ਉੱਗੀ ਨੇ ਦਿੰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੇ ਪਿੰਡ ਰਸੂਲਪੁਰ ਕਲਾਂ ਵਿਖੇ ਇਕ ਨਾਕੇ ਦੌਰਾਨ 2 ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਨੂੰ ਰੋਕਣ ਦਾ ਇਸ਼ਾਰਾ ਕੀਤਾ ਤੇ ਸ਼ੱਕ ਪੈਣ 'ਤੇ ਦੋਸ਼ੀਆਂ ਕੋਲੋਂ 15 ਕਿੱਲੋ ਚੂਰਾ ਪੋਸਤ ਬਰਾਮਦ ਹੋਇਆ | ਦੋਸ਼ੀਆਂ ਦੀ ਪਹਿਚਾਣ ਰਵੀ ਕੁਮਾਰ ਪੁੱਤਰ ਅਮਰਜੀਤ ਸਿੰਘ ਵਾਸੀ ਜਮਸ਼ੇਰ ਖ਼ਾਸ ਤੇ ਮੱਖਣ ਸਿੰਘ ਪੱਤਰ ਮੇਹਰੂ ਵਾਸੀ ਚੱਕ ਚੇਲਾ ਵਜੋਂ ਹੋਈ ਹੈ | ਦੋਸ਼ੀਆਂ ਨੂੰ ਗਿ੍ਫ਼ਤਾਰ ਕਰਕੇ ਮੁਕੱਦਮਾ ਦਰਜ ਕਰਕੇ ਜੇਲ੍ਹ ਭੇਜ ਦਿੱਤਾ ਗਿਆ ਹੈ |

ਜਥੇ. ਸੋਢਾ ਅਗਵਾਈ ਹੇਠ ਕਾਫ਼ਲੇ ਨੇ ਘਰ ਘਰ ਜਾ ਕੇ ਵੋਟਾਂ ਮੰਗੀਆਂ

www.sabblok.blogspot.com

ਮਹਿਲ ਕਲਾਂ,
ਸ਼੍ਰੋਮਣੀ ਅਕਾਲੀ ਦਲ ਦੇ ਹਲਕਾ ਪ੍ਰਧਾਨ ਜਥੇ. ਕਮਿੱਕਰ ਸਿੰਘ ਸੋਢਾ ਮੈਂਬਰ ਬਲਾਕ ਸੰਮਤੀ ਦੀ ਅਗਵਾਈ ਹੇਠ ਵੱਡੀ ਗਿਣਤੀ ਵਿਚ ਸਮਰਥਕਾਂ ਦੇ ਕਾਫ਼ਲੇ ਨੇ ਮਹਿਲ ਕਲਾਂ ਸੋਢੇ ਤੋਂ ਸਰਪੰਚ ਬੀਬੀ ਜੰਗੀਰ ਕੌਰ ਵਾਰਡ ਨੰ. 4 ਤੋਂ ਬੀਬੀ ਪਰਮਜੀਤ ਕੌਰ, ਵਾਰਡ ਨੰ. 3 ਤੋਂ ਹਰਜਿੰਦਰ ਕੌਰ, ਵਾਰਡ ਨੰ 6 ਤੋਂ ਬਘੇਰਾ ਸਿੰਘ, ਵਾਰਡ ਨ.ੰ 8 ਤੋਂ ਜਥੇ. ਕਮਿੱਕਰ ਸਿੰਘ ਸੋਢਾ ਲਈ ਘਰ ਘਰ ਜਾ ਕੇ ਵੋਟਾਂ ਦੀ ਮੰਗ ਕੀਤੀ। ਇਸ ਕਾਫ਼ਲੇ ਵਿਚ ਵੱਡੀ ਗਿਣਤੀ ਵਿੱਚ ਔਰਤਾਂ ਨੇ ਜੋਸ਼ੋ ਖਰੋਸ਼ ਨਾਲ ਸ਼ਮੂਲੀਅਤ ਕੀਤੀ। ਇਸ ਸਮੇਂ ਵੱਖ ਵੱਖ ਵਾਰਡਾਂ ਦੇ ਵੋਟਰਾਂ ਨੇ ਜਥੇ. ਸੋਢਾ ਕੇ ਕਾਫ਼ਲੇ ਦਾ ਸੁਆਗਤ ਕਰਦਿਆਂ ਇਕੱਲੀ ਇਕੱਲੀ ਵੋਟਾਂ ਸਰਪੰਚ ਉਮੀਦਵਾਰ ਬੀਬੀ ਜੰਗੀਰ ਕੌਰ ਪਤਨੀ ਸੁਖਦੇਵ ਸਿੰਘ ਸਮੇਤ ਉਨ•ਾਂ ਦੇ ਵੱਖ ਵੱਖ ਪੰਚ ਉਮੀਦਵਾਰਾਂ ਦੇ ਹੱਕ ਵਿਚ ਭੁਗਤਾਉਣ ਦਾ ਭਰੋਸਾ ਦਿਵਾਇਆ। ਇਸ ਸਮੇਂ ਯੂਥ ਅਕਾਲੀ ਆਗੂ ਸੁਖਵਿੰਦਰ ਸਿੰਘ ਸੁੱਖਾ, ਬ੍ਰਹਮ ਕਿਸ਼ੋਰ ਦੱਤ, ਬਹਾਦਰ ਸਿੰਘ ਜੌਹਲਾਂ ਵਾਲੇ, ਜਗਸੀਰ ਸਿੰਘ ਕੈਲ਼ਾ, ਮਲਕੀਤ ਸਿੰਘ ਦੋਝੀ, ਮੁਖਤਿਆਰ ਸਿੰਘ ਖੰਗੂੜਾ, ਪਿਛੌਰਾ ਸਿੰਘ, ਜਗਰਾਜ ਸਿੰਘ ਮੌੜ, ਬਸੰਤ ਸਿੰਘ ਜੌਹਲਾ, ਬਾਬਾ ਬੂਟਾ ਸਿੰਘ ਸਿੱਧੂ, ਗੁਰਚੇਤ ਸਿੰਘ ਬੱਘੀ, ਨਿਰਪਾਲ ਸਿੰਘ ਫੋਰਮੈਨ, ਕੁਲਵਿੰਦਰ ਕਿੰਦਰ, ਲਛਮਣ ਸਿੰਘ ਖੰਗੂੜਾ, ਤੇਜਾ ਸਿੰਘ ਸਾਬਕਾ ਪੰਚ, ਜਰਨੈਲ ਸਿੰਘ ਭੋਲਾ, ਅਮਨਦੀਪ ਸਿੰਘ ਅਮਨੀ, ਬਲਵੀਰ ਸਿੰਘ ਬੀਰਾ, ਪਿਆਰਾ ਸਿੰਘ, ਪ੍ਰੀਤਮ ਸਿੰਘ, ਮਹਿੰਦਰ ਸਿੰਘ ਨਿਹੰਗ ਆਦਿ ਹਾਜ਼ਰ ਸਨ।

ਸਰਬਸੰਮਤੀ ਨਾਲ ਚੁਣੀਆਂ ਪੰਚਾਇਤਾਂ ਨੂੰ ਗਰਾਂਟਾਂ ਦੇ ਖੁੱਲ੍ਹੇ ਗੱਫੇ ਦਿੱਤੇ ਜਾਣਗੇ-ਖਾਲਸਾ

www.sabblok.blogspot.com

 
ਗੁਰੂਸਰ ਸੁਧਾਰ, 27 ਜੂਨ (ਜਸਵਿੰਦਰ ਸਿੰਘ ਗਰੇਵਾਲ, ਬਲਵਿੰਦਰ ਸਿੰਘ ਧਾਲੀਵਾਲ)-ਵਿਧਾਨ ਸਭਾ ਹਲਕਾ ਰਾਏਕੋਟ ਅੰਦਰ ਹਲਕਾ ਇੰਚਾਰਜ ਬਿਕਰਮਜੀਤ ਸਿੰਘ ਖ਼ਾਲਸਾ ਦੀ ਅਗਵਾਈ ਹੇਠ ਪਾਰਟੀ ਪੱਧਰ ਤੋਂ ਉੱਪਰ ਉੱਠ ਕੇ 10 ਸਰਪੰਚ ਤੇ 50 ਪੰਚਾਂ ਨੂੰ ਸਰਬ ਸੰਮਤੀ ਨਾਲ ਸਰਪੰਚ/ਪੰਚ ਬਣਾਉਣ ਦਾ ਮਾਣ ਹਾਸਿਲ ਕੀਤਾ ਹੈ | ਅੱਜ ਗੁਰੂਸਰ ਸੁਧਾਰ 'ਚ ਨਵੇਂ ਚੁਣੇ ਪੰਚਾਂ/ਸਰਪੰਚਾਂ ਨੂੰ ਸਨਮਾਨਿਤ ਕਰਦਿਆਂ ਸ: ਖ਼ਾਲਸਾ ਨੇ ਕਿਹਾ ਕਿ ਅਕਾਲੀ ਦਲ ਪਾਰਟੀ ਪ੍ਰਧਾਨ ਸ: ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਹੇਠ ਚੋਣਾਂ ਜਿੱਤਣ ਦੀ ਸ਼ੁਰੂ ਕੀਤੀ ਲੜੀ ਨੂੰ ਅੱਗੇ ਵੀ ਜਾਰੀ ਰੱਖੇਗਾ | ਉਨ੍ਹਾਂ ਨਵੇਂ ਚੁਣੇ ਸਰੰਪਚਾਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਸਰਬ ਸੰਮਤੀ ਨਾਲ ਚੁਣੀਆਂ ਪੰਚਾਇਤਾਂ ਨੂੰ ਜਿੱਥੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਉੱਚੇਚੇ ਤੌਰ 'ਤੇ ਵਿਸ਼ੇਸ਼ ਸਮਾਗਮ ਦੌਰਾਨ ਸਨਮਾਨਿਤ ਕਰਨਗੇ, ਉੱਥੇ ਪਿੰਡ ਦੇ ਵਿਕਾਸ ਲਈ ਧੁਰੇ ਵਜੋਂ ਜਾਣੀਆਂ ਜਾਂਦੀਆਂ ਪੰਚਾਇਤਾਂ ਨੂੰ ਉਹ ਪਹਿਲ ਦੇ ਆਧਾਰ 'ਤੇ ਫੰਡ ਜਾਰੀ ਕਰਵਾਉਣਗੇ | ਇਸ ਮੌਕੇ ਉਨ੍ਹਾਂ ਦੇ ਨਾਲ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਮਨਪ੍ਰੀਤ ਸਿੰਘ ਤਲਵੰਡੀ ਚੇਅਰਮੈਨ, ਮਿਹਰ ਸਿੰਘ ਸੁਧਾਰ, ਨਿਰਮਲ ਸਿੰਘ, ਜਸਵਿੰਦਰ ਸਿੰਘ, ਪਰਮਜੀਤ ਸਿੰਘ ਬੜੈਂਚ, ਇਕਬਾਲ ਸਿੰਘ ਹਿੱਸੋਵਾਲ, ਕੈਪਟਨ ਚਰਨ ਸਿੰਘ, ਚੇਅਰਮੈਨ ਜਸਵਿੰਦਰ ਸਿੰਘ ਸਿੱਧੂ ਘੁਮਾਣ, ਮਾ. ਅਵਤਾਰ ਸਿੰਘ ਹਿੱਸੋਵਾਲ ਸਮੇਤ ਹੋਰ ਅਕਾਲੀ ਆਗੂ ਤੇ ਵਰਕਰ ਹਾਜ਼ਰ ਸਨ |

ਸਿੱਖ ਵਿਦਿਆਰਥੀਆਂ ਨੂੰ ਅੰਕਾਂ 'ਚ ਛੂਟ ਨਾ ਦੇਣ ਦੇ ਦਿੱਲੀ ਯੂਨੀਵਰਸਿਟੀ ਦੇ ਆਦੇਸ਼ ਦੀ ਆਲੋਚਨਾ

www.sabblok.blogspot.com

 
ਨਵੀਂ ਦਿੱਲੀ, 27 ਜੂਨ (ਜਗਤਾਰ ਸਿੰਘ)- ਦਿੱਲੀ ਯੂਨੀਵਰਸਿਟੀ ਵੱਲੋਂ ਦਿੱਲੀ ਗੁਰਦੁਆਰਾ ਕਮੇਟੀ ਦੇ ਕਾਲਜਾਂ ਨੂੰ ਇਸ ਵਰ੍ਹੇ ਹੋਣ ਵਾਲੇ ਦਾਖਲਿਆਂ ਦੌਰਾਨ ਸਿੱਖ ਵਿਦਿਆਰਥੀਆਂ ਨੂੰ ਅੰਕਾਂ 'ਚ ਕੋਈ ਛੂਟ ਨਾ ਦੇਣ ਦੇ ਦਿੱਤੇ ਗਏ ਆਦੇਸ਼ ਦੀ ਦਿੱਲੀ ਗੁਰਦੁਆਰਾ ਕਮੇਟੀ ਦੇ ਪ੍ਰਧਾਨ ਮਨਜੀਤ ਸਿੰਘ ਜੀ. ਕੇ. ਨੇ ਸਖਤ ਆਲੋਚਨਾ ਕਰਦਿਆਂ ਇਸ ਆਦੇਸ਼ ਨੂੰ ਕਿਸੇ ਗੁੱਝੀ ਸਾਜਿਸ਼ ਦਾ ਹਿੱਸਾ ਕਰਾਰ ਦਿੱਤਾ ਤੇ ਐਲਾਨ ਕੀਤਾ ਕਿ ਗੁਰਦੁਆਰਾ ਕਮੇਟੀ ਦਿੱਲੀ ਯੂਨੀਵਰਸਿਟੀ ਦੇ ਇਸ ਆਦੇਸ਼ ਦੀ ਪਾਲਣਾ ਨਹੀਂ ਕਰੇਗੀ ਕਿਉਂਕਿ ਇਸ ਸਬੰਧੀ ਮੁਕੱਦਮਾ ਜਾਰੀ ਹੋਣ ਦੇ ਬਾਵਜੂਦ 2012 'ਚ ਵੀ ਖਾਲਸਾ ਕਾਲਜਾਂ ਨੇ ਪੁਰਾਣੀ ਰਵਾਇਤ ਮੁਤਾਬਿਕ ਹੀ ਦਾਖਲੇ ਕੀਤੇ ਸਨ ਤੇ ਦਿੱਲੀ ਯੂਨੀਵਰਸਿਟੀ ਨੇ ਇਨ੍ਹਾਂ ਦਾਖਲਿਆਂ ਨੂੰ ਮਾਨਤਾ ਵੀ ਦਿੱਤੀ ਸੀ | ਅੱਜ ਦਿੱਲੀ ਗੁਰਦੁਆਰਾ ਕਮੇਟੀ ਦੇ ਦਫ਼ਤਰ ਵਿਖੇ ਸੱਦੀ ਗਈ ਪ੍ਰੈਸ ਕਾਨਫਰੰਸ ਦੌਰਾਨ ਜਥੇ ਮਨਜੀਤ ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਦਿੱਲੀ ਗੁਰਦੁਆਰਾ ਕਮੇਟੀ ਅਧੀਨ ਕਾਲਜ ਪਿਛਲੇ 40-45 ਸਾਲਾਂ ਤੋਂ ਸਿੱਖ ਘੱਟ-ਗਿਣਤੀ ਵਰਗ ਜਾਂ 12ਵੀਂ 'ਚ ਪੰਜਾਬੀ ਨੂੰ ਇਕ ਵਿਸ਼ੇ ਦੇ ਤੌਰ 'ਤੇ ਲੈਣ ਵਾਲੇ ਵਿਦਿਆਰਥੀਆਂ ਨੂੰ ਅੰਕਾਂ ਦੀ ਕਟ-ਆਫ਼ ਲਿਸਟ ਤੋਂ 3 ਤੋਂ 5 ਫੀਸਦੀ ਤੱਕ ਦੀ ਰਿਆਇਤ ਪ੍ਰਦਾਨ ਕਰਦੇ ਰਹੇ ਹਨ ਅਤੇ ਕੇਂਦਰੀ ਮਨੁੱਖੀ ਸੰਸਾਧਨ ਮੰਤਰਾਲੇ ਵੱਲੋਂ ਸਥਾਪਿਤ ਕੇਂਦਰੀ ਘੱਟ-ਗਿਣਤੀ ਵਿਦਿਅਕ ਕਮਿਸ਼ਨ ਵੱਲੋਂ ਦਿੱਲੀ ਕਮੇਟੀ ਦੇ ਕਾਲਜਾਂ ਨੂੰ ਜੁਲਾਈ 2011 ਵਿਚ ਘੱਟ-ਗਿਣਤੀ ਵਿਦਿਅਕ ਅਦਾਰਿਆਂ ਦਾ ਦਰਜਾ ਪ੍ਰਦਾਨ ਕਰ ਦਿੱਤਾ ਗਿਆ ਸੀ, ਜਿਸ ਨਾਲ ਕਮੇਟੀ ਦੀ ਇਸ ਰਵਾਇਤ ਨੂੰ ਕਾਨੂੰਨੀ ਮਾਨਤਾ ਮਿਲ ਗਈ ਸੀ ਪਰ ਕੇਂਦਰੀ ਮਨੁੱਖੀ ਸੰਸਾਧਨ ਮੰਤਰਾਲੇ ਅਧੀਨ ਹੀ ਚਲਦੀ ਦਿੱਲੀ ਯੂਨੀਵਰਸਿਟੀ ਦੇ ਅਧਿਕਾਰੀਆਂ ਨੇ ਇਸ ਮਾਨਤਾ ਨੂੰ ਰੱਦ ਕਰਵਾਉਣ ਲਈ ਕਮਿਸ਼ਨ ਦੇ ਉਕਤ ਫੈਸਲੇ ਨੂੰ ਅਦਾਲਤ 'ਚ ਚੁਣੌਤੀ ਦੇ ਦਿੱਤੀ | ਉਨ੍ਹਾਂ ਕਿਹਾ ਕਿ ਇਹ ਮਾਮਲਾ ਹਾਲਾਂ 'ਚ ਅਦਾਲਤ ਵਿਚ ਵਿਚਾਰ ਅਧੀਨ ਹੈ ਅਤੇ ਅਦਾਲਤ ਨੇ ਕਾਲਜਾਂ ਵਿਚ ਦਾਖਲੇ ਸਬੰਧੀ ਦਿੱਲੀ ਕਮੇਟੀ ਤੇ ਕਿਸੇ ਕਿਸਮ ਦੀ ਰੋਕ ਨਹੀਂ ਲਗਾਈ | ਫਿਰ ਵੀ ਦਿੱਲੀ ਯੂਨਿਵਰਸਿਟੀ ਨੇ ਅਚਾਨਕ ਦਾਖਲ ਪ੍ਰਕਿ੍ਆ ਵਿਚ ਵਿਘਨ ਪਾਉਣ ਲਈ ਉਕਤ ਪੱਤਰ ਜਾਰੀ ਕਰ ਦਿੱਤਾ ਹੈ, ਜਿਸ ਨਾਲ ਰਾਜਧਾਨੀ ਦੇ ਹਜਾਰਾਂ ਸਿੱਖ ਵਿਦਿਆਰਥੀਆਂ ਦਾ ਭਵਿੱਖ ਖਤਰੇ ਵਿਚ ਪੈ ਸਕਦਾ ਹੈ | ਦਿੱਲੀ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਦੀ ਭੂਮਿਕਾ 'ਤੇ ਸਵਾਲ ਖੜੇ ਕਰਦਿਆਂ ਜਥੇ: ਮਨਜੀਤ ਸਿੰਘ ਨੇ ਦਾਅਵਾ ਕੀਤਾ ਕਿ ਦਿੱਲੀ ਕਮੇਟੀ ਵੱਲੋਂ ਬਾਰ-ਬਾਰ ਬੇਨਤੀ ਕਰਨ ਦੇ ਬਾਵਜੂਦ, ਵਾਈਸ-ਚਾਂਸਲਰ ਨੇ ਕਮੇਟੀ ਅਹੁਦੇਦਾਰਾਂ ਨੂੰ ਮੁਲਾਕਾਤ ਲਈ ਸਮਾਂ ਨਹੀਂ ਦਿੱਤਾ | ਉਨ੍ਹਾਂ ਕਿਹਾ ਕਿ ਕਮੇਟੀ ਵੱਲੋਂ ਕੇਂਦਰੀ ਮਨੁੱਖੀ ਸੰਸਾਧਨ ਮੰਤਰੀ ਨਾਲ ਮੁਲਾਕਾਤ ਲਈ ਸਮਾਂ ਮੰਗਿਆ ਹੈ | ਉਨ੍ਹਾਂ ਆਸ ਪ੍ਰਗਟਾਈ ਕਿ ਮਨੁੱਖੀ ਸੰਸਾਧਨ ਮੰਤਰਾਲੇ ਆਪਣੇ ਅਧੀਨ ਚਲ ਰਹੀ ਯੂਨਿਵਰਸਿਟੀ ਦੀ ਫਿਰਕਾਪ੍ਰਸਤ ਨੀਤੀਆਂ ਤੇ ਰੋਕ ਲਗਾਉਂਦਿਆਂ, ਉਕਤ ਆਦੇਸ਼ ਨੂੰ ਤੁਰੰਤ ਰੱਦ ਕਰਵਾਏਗਾ |

ਇੰਟਰਨੈੱਟ ‘ਤੇ ਪੰਨੂ ਖਿਲਾਫ਼ ਪਾਈ ਇਕ ਹੋਰ ਵੀਡੀਓ

www.sabblok.blogspot.com

ਚੰਡੀਗੜ੍ਹ, (ਗੁਰਪ੍ਰੀਤ ਸਿੰਘ ਨਿੱਝਰ)-ਸ. ਕਾਹਨ ਸਿੰਘ ਪੰਨੂ ਨਾਲ ਹੋਈ ਕੁੱਟਮਾਰ ਦੀ ਵੀਡੀਓ ਇੰਟਰਨੈਟ ‘ਤੇ ਪਾਏ ਜਾਣ ਦਾ ਮਾਮਲਾ ਅਜੇ ਠੰਡਾ ਨਹੀਂ ਹੋਇਆ ਕਿ ਇੰਟਰਨੈਟ ‘ਤੇ ਸ. ਪੰਨੂ ਖਿਲਾਫ਼ ਇਕ ਹੋਰ ਵੀਡੀਓ ਪਾ ਦਿੱਤੀ ਗਈ ਹੈ, ਜਿਸ ਵਿਚ ਜਲੰਧਰ ਜ਼ਿਲ੍ਹੇ ਨਾਲ ਸਬੰਧਤ ਇਕ ਔਰਤ ਮਲਕੀਅਤ ਕੌਰ ਵਾਰ-ਵਾਰ ਇਹ ਦੋਸ਼ ਲਾ ਰਹੀ ਹੈ ਕਿ ਸ. ਪੰਨੂ ਨੇ ਸੰਗਤ ਸਾਹਮਣੇ ਦਸ਼ਮੇਸ਼ ਪਿਤਾ ਬਾਰੇ ਇਤਰਾਜ਼ਯੋਗ ਟਿੱਪਣੀਆਂ ਕੀਤੀਆਂ | ਉਕਤ ਔਰਤ ਨੇ ਆਪਣਾ ਸਿਰ ਕੱਪੜੇ ਨਾਲ ਬੰਨਿ੍ਹਆਂ ਹੋਇਆ ਹੈ ਅਤੇ ਅੱਖਾਂ ‘ਤੇ ਕਾਲੀਆਂ ਐਨਕਾਂ ਲਾਈਆਂ ਹੋਈਆਂ ਹਨ | ਉਹ ਔਰਤ ਇਹ ਵੀ ਕਹਿੰਦੀ ਹੈ ਕਿ ਉਸ ਨੂੰ ਇਹ ਗੱਲ ਸੰਗਤ ਨੇ ਦੱਸੀ ਹੈ ਅਤੇ ਸੰਗਤ ਨੇ ਸ. ਪੰਨੂ ਵੱਲੋਂ ਕਹੀ ਗਈ ਇਸ ਗੱਲ ਦੀਆਂ ਵੀਡੀਓ ਰਿਕਾਰਡਿੰਗ ਅਤੇ ਤਸਵੀਰਾਂ ਵੀ ਬਣਾਈਆਂ ਹਨ, ਜੋ ਇੰਟਰਨੈਟ ‘ਤੇ ਪਾ ਦਿੱਤੀਆਂ ਜਾਣਗੀਆਂ | ਕਣਕਵਾਲ ਪਿੰਡ ਦੇ 5 ਨੌਜਵਾਨਾਂ ਬਾਰੇ ਪੁੱਛਗਿੱਛ
ਬਠਿੰਡਾ, (ਹੁਕਮ ਚੰਦ ਸ਼ਰਮਾ)-ਸ੍ਰੀ ਹੇਮਕੁੰਟ ਸਾਹਿਬ ਦੀ ਯਾਤਰਾ ‘ਤੇ ਗਏ ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਕਣਕਵਾਲ ਦੇ 5 ਨੌਜਵਾਨਾਂ ਬਲਜਿੰਦਰ ਸਿੰਘ, ਬਲਦੇਵ ਸਿੰਘ, ਗੁਰਜੀਤ ਸਿੰਘ, ਸਤਵੰਤ ਸਿੰਘ ਤੇ ਓਾਕਾਰ ਸਿੰਘ, ਜਿਨ੍ਹਾਂ ਬਾਰੇ ਸੰਦੇਹ ਹੈ ਕਿ ਉਹ ਗੋਬਿੰਦ ਘਾਟ ਵਿਖੇ ਆਈ. ਏ. ਐਸ. ਅਧਿਕਾਰੀ ਸ: ਕਾਹਨ ਸਿੰਘ ਪੰਨੂ ਦੀ ਕੁੱਟਮਾਰ ਕਰਨ ਦੀ ਘਟਨਾ ਵਿਚ ਸ਼ਾਮਿਲ ਸਨ, ਦੇ ਸਬੰਧੀ ਥਾਣਾ ਰਾਮਾ ਮੰਡੀ ਦੀ ਪੁਲਿਸ ਨੇ ਪਿੰਡ ਜਾ ਕੇ ਉਨ੍ਹਾਂ ਬਾਰੇ ਜਾਣਕਾਰੀ ਹਾਸਲ ਕੀਤੀ ਹੈ | ਇਹ ਨੌਜਵਾਨ ਰਸਤਾ ਸਾਫ਼ ਨਾ ਹੋਣ ਕਰਕੇ ਅਜੇ ਗੋਬਿੰਦ ਘਾਟ ਵਿਖੇ ਹੀ ਰੁਕੇ ਹੋਏ ਹਨ | ਬਲਜਿੰਦਰ ਸਿੰਘ ਬਾਰੇ ਸ਼ੱਕ ਕੀਤਾ ਜਾਂਦਾ ਹੈ ਕਿ ਉਸ ਨੇ ਕੁੱਟਮਾਰ ਘਟਨਾ ਦੀ ਫ਼ਿਲਮ ਬਣਾਈ ਤੇ ਇਸ ਨੂੰ ਯੂ-ਟਿਊਬ ‘ਤੇ ਪਾ ਦਿੱਤਾ |

ਐਸ ਪੀ ਮੋਹਨ ਲਾਲ ਨੇ ਨਾਜਾਇਜ਼ ਸਬੰਧਾਂ ਦੀ ਗੱਲ ਮੰਨੀ

www.sabblok.blogspot.com

ਜ਼ੀਰਕਪੁਰ, 27 ਜੂਨ

ਜ਼ੀਰਕਪੁਰ ਪੁਲੀਸ ਮੁਲਜ਼ਮ ਐਸ.ਪੀ. ਮੋਹਨ ਲਾਲ ਨੂੰ ਮੈਡੀਕਲ ਲਈ ਸਿਵਲ ਹਸਪਤਾਲ, ਡੇਰਾਬਸੀ ਵਿਖੇ ਲਿਆਉਂਦੀ ਹੋਈ (ਫੋਟੋ: ਨਿਤਿਨ ਮਿੱਤਲ)

ਫਲੈਟ ’ਚੋਂ ਹੇਠਾਂ ਡਿੱਗ ਕੇ ਲਵਪ੍ਰੀਤ ਕੌਰ ਦੀ ਮੌਤ ਦੇ ਮਾਮਲੇ ’ਚ ਗ੍ਰਿਫ਼ਤਾਰ ਕੀਤੇ ਮੁਲਜ਼ਮ ਬਟਾਲਾ ਦੇ ਐਸ.ਪੀ. ਮੋਹਨ ਲਾਲ ਨੂੰ ਅੱਜ ਜ਼ਿਲ੍ਹਾ ਮੁਹਾਲੀ ਪੁਲੀਸ ਨੇ ਗ੍ਰਿਫ਼ਤਾਰ ਕਰਨ ਦੇ 24 ਘੰਟੇ ਮਗਰੋਂ ਡੇਰਾਬਸੀ ਸਿਵਲ ਹਸਪਤਾਲ ਵਿਖੇ ਲਿਜਾ ਕੇ ਮੈਡੀਕਲ ਕਰਵਾਇਆ। ਇਸ ਦੌਰਾਨ ਮੁਲਜ਼ਮ ਐਸ.ਪੀ. ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਆਪਣੇ ਆਪ ਨੂੰ ਬੇਕਸੂਰ ਹੋਣ ਦਾ ਦਾਅਵਾ ਕਰਨ ਤੋਂ ਇਲਾਵਾ ਕਿਸੇ ਵੀ ਸਵਾਲ ਦਾ ਤਸੱਲੀਬਖ਼ਸ਼ ਜਵਾਬ ਨਹੀਂ ਦਿੱਤਾ।
ਦੂਜੇ ਪਾਸੇ ਇਸ ਮਾਮਲੇ ਨੂੰ ਲੈ ਕੇ ਬਣਾਈ ਗਈ ਵਿਸ਼ੇਸ ਜਾਂਚ ਟੀਮ ਦੀ ਅਗਵਾਈ ਕਰ ਰਹੇ ਐਸ.ਪੀ. (ਡੀ.) ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਪੁੱਛਗਿੱਛ ਦੌਰਾਨ ਮੁਲਜ਼ਮ ਨੇ ਮੰਨਿਆ ਕਿ ਮ੍ਰਿਤਕ ਲੜਕੀ ਕਰੀਬ ਤਿੰਨ ਮਹੀਨੇ ਪਹਿਲਾਂ ਸੰਪਰਕ ’ਚ ਆਈ ਸੀ ਤੇ ਉਨ੍ਹਾਂ ਦੇ ਸਰੀਰਕ ਸਬੰਧ ਬਣ ਗਏ ਸਨ। ਐਸ.ਪੀ. ਬਲਵਿੰਦਰ ਸਿੰਘ ਮੁਤਾਬਕ ਮੁਲਜ਼ਮ ਨੇ ਦੱਸਿਆ ਕਿ ਇਸ ਦੌਰਾਨ ਉਹ ਕਈ ਵਾਰ ਪੰਜਾਬ ਪੁਲੀਸ ਵੱਲੋਂ ਬਟਾਲਾ ਵਿਖੇ ਮਿਲੀ ਸਰਕਾਰੀ ਰਿਹਾਇਸ਼ ’ਤੇ ਲੜਕੀ ਨੂੰ ਮਿਲਦਾ ਰਿਹਾ ਹੈ ਤੇ ਲੜਕੀ ਜ਼ਿਆਦਾਤਰ ਉਥੇ ਹੀ ਰਹਿੰਦੀ ਸੀ। ਇਸ ਦੌਰਾਨ ਲੜਕੀ ਮੁਲਜ਼ਮ ਨਾਲ ਵਿਆਹ ਕਰਵਾਉਣ ਲਈ ਗੰਭੀਰ ਹੋ ਗਈ। ਮਾਮਲਾ ਵਧਦਾ ਵੇਖ ਮੁਲਜ਼ਮ ਨੇ ਇਸ ਦੀ ਜਾਣਕਾਰੀ ਆਪਣੀ ਪਤਨੀ ਪ੍ਰੋਮਿਲਾ ਨੂੰ ਦਿੱਤੀ ਜੋ ਆਪਣੇ ਦੋ ਬੱਚਿਆਂ (ਲੜਕਾ ਤੇ ਲੜਕੀ) ਦੀ ਚੰਡੀਗੜ੍ਹ ਪੜ੍ਹਾਈ ਚੱਲਣ ਕਾਰਨ ਜ਼ੀਰਕਪੁਰ ਵਿਖੇ ਸਥਿਤ ਰਿਸ਼ੀ ਅਪਾਰਟਮੈਂਟ ਦੇ ਫਲੈਟ ’ਚ ਰਹਿ ਰਹੀ ਸੀ। ਉਨ੍ਹਾਂ ਦੱਸਿਆ ਕਿ ਵਾਰਦਾਤ ਤੋਂ ਪਹਿਲੇ ਦਿਨ 16 ਮਈ ਨੂੰ ਐਸ.ਪੀ. ਲੜਕੀ ਨੂੰ ਆਪਣੇ ਨਾਲ ਜ਼ੀਰਕਪੁਰ ਰਿਸ਼ੀ ਅਪਾਰਟਮੈਂਟ ’ਚ ਆਪਣੀ ਪਤਨੀ ਕੋਲ ਲੈ ਕੇ ਆਇਆ ਤਾਂ ਜੋ ਉਸ ਦੀ ਪਤਨੀ ਉਸ ਨੂੰ ਸਮਝਾ ਸਕੇ। ਉਸ ਨੂੰ ਆਪਣੀ ਪਤਨੀ ਕੋਲ ਛੱਡ ਕੇ ਮੁਲਜ਼ਮ ਮੁਹਾਲੀ ਆਪਣੇ ਕਿਸੇ ਦੋਸਤ ਕੋਲ ਚਲਾ ਗਿਆ ਤੇ ਰਾਤ ਨੂੰ ਫਲੈਟ ’ਚ ਉਸ ਦੀ ਪਤਨੀ ਪ੍ਰੋਮਿਲਾ ਅਤੇ ਦੋ ਬੱਚੇ ਤੇ ਲਵਪ੍ਰੀਤ ਮੌਜੂਦ ਸਨ। ਉਨ੍ਹਾਂ ਦੱਸਿਆ ਕਿ ਕਾਫੀ ਸਮਝਾਉਣ ਮਗਰੋਂ ਵੀ ਲਵਪ੍ਰੀਤ ਨਹੀਂ ਮੰਨੀ ਸਗੋਂ ਜ਼ਿੱਦ ’ਤੇ ਅੜੀ ਰਹੀ ਕਿ ਉਹ ਮੋਹਨ ਲਾਲ ਦੀ ਸਰਕਾਰੀ ਰਿਹਾਇਸ਼ ਬਟਾਲਾ ਵਿਖੇ ਹੀ ਰਹੇਗੀ, ਜਿਸ ਲਈ ਐਸ.ਪੀ. ਦੀ ਪਤਨੀ ਰਾਜ਼ੀ ਨਹੀਂ ਹੋਈ। ਲਵਪ੍ਰੀਤ ਮਾਨਸਿਕ ਤਣਾਅ ’ਚ ਰਾਤ ਨੂੰ ਸੁੱਤੀ ਅਤੇ ਸਵੇਰ ਕਰੀਬ ਸਵਾ ਸੱਤ ਵਜੇ ਉਸ ਨੇ ਫਲੈਟ ’ਚੋਂ ਛਲਾਂਗ ਮਾਰ ਕੇ ਖ਼ੁਦਕੁਸ਼ੀ ਕਰ ਲਈ।
ਉਨ੍ਹਾਂ ਨੇ ਦੱਸਿਆ ਕਿ ਲੜਕੀ ਅਤੇ ਮੁਲਜ਼ਮ ਐਸ.ਪੀ. ਮੋਹਨ ਲਾਲ ਦੀ ਮੋਬਾਈਲ ਡਿਟੇਲ ’ਚ ਸਾਹਮਣੇ ਆਇਆ ਕਿ ਦੋਵਾਂ ਵਿਚਕਾਰ ਪਿਛਲੇ ਤਿੰਨ ਮਹੀਨੇ ਤੋਂ ਰੋਜ਼ਾਨਾ ਕਾਫੀ ਦੇਰ ਗੱਲਬਾਤ ਹੋ ਰਹੀ ਸੀ। ਵਾਰਦਾਤ ਵਾਲੀ ਸਵੇਰ ਵੀ ਲੜਕੀ ਨੇ ਆਪਣੇ ਮੋਬਾਈਲ ਤੋਂ ਫੋਨ ਕਰ ਐਸ.ਪੀ. ਮੋਹਨ ਲਾਲ ਨੂੰ ਵਾਪਸ ਬੁਲਾਇਆ ਸੀ ਪਰ ਉਸ ਦੇ ਆਉਣ ਤੱਕ ਲੜਕੀ ਨੇ ਖੁਦਕੁਸ਼ੀ ਕਰ ਲਈ ਸੀ।
ਦੂਜੇ ਪਾਸੇ ਰਿਸ਼ੀ ਅਪਾਰਟਮੈਂਟ ਦੇ ਗੁਆਂਢੀਆਂ ਮੁਤਾਬਕ ਵਾਰਦਾਤ ਵਾਲੀ ਰਾਤ ਫਲੈਟ ’ਚੋਂ ਸਾਰੀ ਰਾਤ ਲੜਾਈ ਝਗੜੇ ਦੀਆਂ ਆਵਾਜ਼ਾਂ ਆਉਣ ਬਾਰੇ ਐਸ.ਪੀ. ਬਲਵਿੰਦਰ ਸਿੰਘ ਨੇ ਕਿਹਾ ਕਿ ਅਜਿਹੀ ਕੋਈ ਗੱਲ ਨਹੀਂ ਸਗੋਂ ਮੁਲਜ਼ਮ ਦੀ ਪਤਨੀ ਆਰਾਮ ਨਾਲ ਲਵਪ੍ਰੀਤ ਨੂੰ ਮਨਾ ਰਹੀ ਸੀ। ਪੋਸਟਮਾਰਟਮ ਰਿਪੋਰਟ ’ਚ ਲੜਕੀ ਦੇ ਸਰੀਰ ’ਤੇ ਮਾਰਕੁੱਟ ਦੇ ਨਿਸ਼ਾਨ ਬਾਰੇ ਜਾਂਚ ਟੀਮ ਦਾ ਕਹਿਣਾ ਹੈ ਕਿ ਲੜਕੀ ਦਾ ਕਿਸੇ ਨਾਲ ਕੋਈ ਝਗੜਾ ਨਹੀਂ ਹੋਇਆ ਸੀ। ਜਾਂਚ ਟੀਮ ਵੱਲੋਂ ਹਾਲੇ ਤੱਕ ਕੋਈ ਵੀ ਅਜਿਹਾ ਸਬੂਤ ਨਹੀਂ ਜੁਟਾਇਆ ਗਿਆ ਜਿਸ ਨਾਲ ਇਹ ਕੇਸ ਮਜ਼ਬੂਤ ਹੋ ਸਕੇ। ਲੜਕੀ ਦੇ ਪਿਤਾ ਵੱਲੋਂ ਲੜਕੀ ਨਾਲ ਵਿਆਹ ਕਰਵਾਉਣ ਦੇ ਦਾਅਵੇ ਬਾਰੇ ਵੀ ਜਾਂਚ ਟੀਮ ਨੇ ਕਿਹਾ ਕਿ ਦੋਵਾਂ ਵਿਚਕਾਰ ਕੋਈ ਵਿਆਹ ਨਹੀਂ ਹੋਇਆ। ਇਸ ਮਾਮਲੇ ’ਚ ਜਾਂਚ ਟੀਮ ਮੁਲਜ਼ਮ ਐਸ.ਪੀ. ਮੋਹਨ ਲਾਲ ਦੀ ਪਤਨੀ ਦਾ ਕੋਈ ਵੀ ਰੋਲ ਨਹੀਂ ਦਿਖਾ ਰਹੇ ਜੋ ਵਾਰਦਾਤ ਵਾਲੀ ਰਾਤ ਫਲੈਟ ’ਚ ਮੌਜੂਦ ਸੀ। ਪੁਲੀਸ ਵੱਲੋਂ ਮੁਲਜ਼ਮ ਦਾ ਦੋ ਦਿਨਾ ਪੁਲੀਸ ਰਿਮਾਂਡ ਖ਼ਤਮ ਹੋਣ ਮਗਰੋਂ ਕੱਲ੍ਹ ਫੇਰ ਡੇਰਾਬਸੀ ਅਦਾਲਤ ’ਚ ਪੇਸ਼ ਕੀਤਾ ਜਾਏਗਾ, ਜਿੱਥੋਂ ਪੁਲੀਸ ਹੋਰ ਪੁਲੀਸ ਰਿਮਾਂਡ ਦੀ ਮੰਗ ਕਰੇਗੀ।

ਰੰਗਰਲੀਆਂ ਮਨਾਉਦੇ ਹੋਏ ਦੋ ਜੋੜੇ ਕਾਬੂ ,

www.sabblok.blogspot.com

ਪੁਲਿਸ਼ ਵੱਲੋਂ ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਿਮ ਨੌਜਵਾਨ ਲੜਕੇ-ਲੜਕੀਆਂ ਪੁਲਿਸ਼ ਪਾਰਟੀ ਨਾਲ।। (ਫੋਟੋ: ਡਿੰਪੀ ਸਟੂਡੀਓ)

ਰੰਗਰਲੀਆਂ ਮਨਾਉਦੇ ਹੋਏ ਦੋ ਜੋੜੇ ਕਾਬੂ
ਦੋਵੇਂ ਲੜਕੀਆਂ ਸਥਾਨਕ ਜਗ੍ਹਾ ਤੇ ਕਰਦੀਆਂ ਸਨ ਦੇਹ ਵਪਾਰ ਦਾ ਧੰਦਾ

 ਕੁੱਪ ਕਲਾਂ (ਸੁਖਵਿੰਦਰ ਡਿੰਪੀ) ਪਿੰਡ ਕੁੱਪ ਕਲਾਂ ਵਿਖੇ ਥਾਣਾ ਅਹਿਮਦਗੜ੍ਹ ਸਦਰ ਦੀ ਪੁਲਿਸ਼ ਨੇ ਛਾਪਾ ਮਾਰੀ ਕਰਕੇ ਦੋ ਨੌਜਵਾਨ ਲੜਕੀਆਂ ਨੂੰ ਦੋ ਲੜਕਿਆਂ ਸਮੇਤ ਦੇਹ ਵਪਾਰ ਦਾ ਧੰਦਾ ਕਰਦਿਆਂ ਰੰਗੇ ਹੱਥੀਂ ਗ੍ਰਿਫਤਾਰ ਕੀਤਾ ਹੈ। ਗ੍ਰਿਫਤਾਰ ਕੀਤੀਆਂ ਗਈਆਂ ਲੜਕੀਆਂ ਮਨਦੀਪ ਕੌਰ ਅਤੇ ਉਸਦੀ ਭੈਣ ਗੁਰਜੀਤ ਕੌਰ, ਵਾਸੀ ਕੁੱਪ ਕਲਾਂ ਅਤੇ ਲੜਕਿਆਂ ਦੀ ਪਛਾਣ ਮੁਹੰਮਦ ਅਜਰ 'ਚਿੱਟਾ' ਪੁੱਤਰ ਮੁਹੰਮਦ ਅਸਰਫ 'ਭੋਲਾ' ਵਾਸੀ ਨੇੜੇ ਛੋਟਾ ਚੌਂਕ ਮਾਲੇਰਕੋਟਲਾ ਤੇ ਦੂਸਰੇ ਦੀ ਪਛਾਣ ਮੁਹੰਮਦ ਰਫੀ 'ਬੀਰਾ' ਪੁੱਤਰ ਰਹਿਮਦੀਨ 'ਰੰਗਸਾਜ' ਵਾਸੀ ਪੁਰਾਣਾ ਮਦਰੱਸਾ, ਕੱਚਾ ਦਰਵਾਜਾ, ਜਮਾਲਪੁਰਾ, ਮਾਲੇਰਕੋਟਲਾ ਵਜੋਂ ਹੋਈ ਹੈ। ਥਾਣਾ ਮੁਖੀ ਜਸਵੀਰ ਸਿੰਘ ਵੱਲੋਂ ਦਿਤੀ ਜਾਣਕਾਰੀ ਅਨੁਸਾਰ ਪੁਲਿਸ਼ ਨੇ ਗੁਪਤ ਸੂਚਨਾ ਦੇ ਅਧਾਰ ਤੇ ਮਹਿਲਾ ਪੁਲਿਸ਼ ਨੂੰ ਨਾਲ ਲੈ ਕੇ ਜਿੱਤਵਾਲ ਕਲਾਂ ਸੜਕ ਤੇ ਇੱਕ ਮਕਾਨ 'ਚ ਛਾਪਾ ਮਾਰੀ ਕੀਤੀ ਜਿਥੋਂ ਦੋ ਨੌਜਵਾਨ ਲੜਕੀਆਂ ਤੇ ਦੋ ਲੜਕਿਆਂ ਨੂੰ ਰੰਗਰਲੀਆਂ ਮਨਾਉਦੇ ਰੰਗੇ ਹੱਥੀਂ ਕਾਬੂ ਕੀਤਾ ਗਿਆ। ਗੁਪਤ ਸੂਚਨਾ ਦੇ ਅਧਾਰ ਤੇ ਮਿਲੀ ਜਾਣਕਾਰੀ ਅਨੁਸਾਰ ਇਹ ਦੋਵੇਂ ਲੜਕੀਆਂ ਸਥਾਨਕ ਜਗ੍ਹਾ ਤੇ ਚਕਲਾ ਚਲਾਉਦੀਆਂ ਸਨ ਅਤੇ ਇਸ ਧੰਦੇ ਕਾਰਨ ਹੀ ਇਸੇ ਸਥਾਨ ਤੇ ਇਹਨਾਂ ਲੜਕੀਆਂ ਦੀ ਮਾਂ ਦਾ ਕਤਲ ਹੋ ਗਿਆ ਸੀ। ਥਾਣੇ ਦੇ ਮੁਖੀ ਅਨੁਸਾਰ ਇਨ੍ਹਾਂ ਲੜਕੀਆਂ ਦੀ ਗ੍ਰਿਫਤਾਰੀ ਨਾਲ ਪਿੰਡ ਵਾਸੀਆਂ ਵੱਲੋਂ ਸੁੱਖ ਦਾ ਸਾਹ ਲਿਆ ਗਿਆ ਹੈ। ਜਿਕਰਯੋਗ ਹੈ ਕਿ ਉਕਤ ਲੜਕੀ ਮਨਦੀਪ ਕੌਰ ਤੇ ਪਹਿਲਾਂ ਵੀ ਪਿੰਡ ਦੇ ਵਿਅਕਤੀ ਦੇ ਕਤਲ ਦੇ ਅਤੇ ਲੁੱਟਾਂ-ਖੋਹਾਂ ਦੇ ਕਈ ਮਾਮਲੇ ਦਰਜ ਹਨ। ਕਾਬੂ ਕੀਤੇ ਗਏ ਨੌਜਵਾਨ ਲੜਕੇ ਤੇ ਲੜਕੀਆਂ ਖਿਲਾਫ ਥਾਣਾ ਅਹਿਮਦਗੜ੍ਹ ਸਦਰ ਵਿਖੇ ਕੇਸ ਨੰ: 83 ਧਾਰਾ 3,4,5 ਇਮਰੈਲ ਟਰੈਫਿਕ ਐਕਟ 1956 ਅਧੀਨ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੇ ਕਥਿਤ ਦੋਸੀਆਂ ਨੂੰ ਮਾਨਯੋਗ ਅਦਾਲਤ 'ਚ ਪੇਸ਼ ਕਰਕੇ ਅਗਲੀ ਕਾਰਵਾਈ ਸ਼ਰੂ ਕਰ ਦਿੱਤੀ ਹੈ। ਮਾਮਲੇ ਦੀ ਤਫਤੀਸ਼ ਏ. ਐੱਸ. ਆਈ. ਜਸਪਾਲ ਸਿੰਘ ਨੂੰ ਸੌਂਪੀ ਗਈ ਹੈ

ਮੇਰੇ ਉੱਪਰ ਹੋਇਆ ਹਮਲਾ ਅਚਾਨਕ ਸੀ

www.sabblok.blogspot.com

ਮਿਸ਼ਨ ਪੂਰਾ ਕਰਕੇ ਵਾਪਸ ਮੁੜੇ ਕਾਹਨ ਸਿੰਘ ਪਨੂੰ
ਉੱਤਰਾਖੰਡ 'ਚ ਫਸੇ 4500 ਯਾਤਰੀ ਘਰਾਂ ਤੱਕ ਸਹੀ ਸਲਾਮਤ ਪਹੁੰਚਾਏ
ਚੰਡੀਗੜ (ਪਰਾਸ਼ਰ)-ਪੰਜਾਬ ਦੇ ਸੀਨੀਅਰ ਆਈ. ਏ. ਐੱਸ. ਅਧਿਕਾਰੀ ਕਾਹਨ ਸਿੰਘ ਪੰਨੂ ਨੇ ਕਿਹਾ ਹੈ ਕਿ ਉਹ ਪੰਜਾਬ ਸਰਕਾਰ ਵਲੋਂ ਨਿਰਧਾਰਿਤ ਕੀਤੇ ਗਏ ਉੱਤਰਾਖੰਡ 'ਚ ਹੇਮਕੁੰਟ ਸਾਹਿਬ ਦੀ ਯਾਤਰਾ 'ਤੇ ਗਏ ਲੋਕਾਂ ਨੂੰ ਸਹੀ ਸਲਾਮਤ ਘਰ ਪਹੁੰਚਾਉਣ ਦੇ ਮਿਸ਼ਨ ਨੂੰ ਪੂਰਾ ਕਰਨ 'ਚ ਸਫਲ ਰਹੇ ਹਨ। ਪਹਾੜੀ ਰਾਜ 'ਚ ਹੜ੍ਹ ਅਤੇ ਜ਼ਮੀਨ ਖਿਸਕਣ ਕਾਰਨ ਵੱਖ-ਵੱਖ ਥਾਵਾਂ 'ਤੇ ਫਸੇ ਲਗਭਗ 4500 ਯਾਤਰੀਆਂ ਨੂੰ ਦੁੱਖ ਤਾਂ ਝੱਲਣੇ ਪਏ ਪਰ ਉਨ੍ਹਾਂ ਨੂੰ ਕੋਈ ਸਰੀਰਕ ਨੁਕਸਾਨ ਨਹੀਂ ਪਹੁੰਚਣ ਦਿੱਤਾ ਗਿਆ। ਉੱਤਰਾਖੰਡ 'ਚ ਪੰਜਾਬ ਸਰਕਾਰ ਵਲੋਂ ਕੀਤੇ ਜਾ ਰਹੇ ਰਾਹਤ ਅਤੇ ਬਚਾਅ ਕਾਰਜਾਂ ਦਾ ਲਗਭਗ 10 ਦਿਨਾਂ ਤੱਕ ਸੰਚਾਲਨ ਕਰਨ ਮਗਰੋਂ ਪੰਨੂ ਬੀਤੀ ਦੇਰ ਰਾਤ ਚੰਡੀਗÎੜ੍ਹ ਮੁੜ ਆਏ। ਅੱਜ ਆਪਣੇ ਦਫਤਰ 'ਚ ਪਹਿਲਾਂ ਵਾਂਗ ਉਨ੍ਹਾਂ ਨੇ ਸਾਰਾ ਦਿਨ ਕੰਮ ਕੀਤਾ। 'ਜਗ ਬਾਣੀ' ਨਾਲ ਇਕ ਵਿਸ਼ੇਸ਼ ਮੁਲਾਕਾਤ 'ਚ ਉਨ੍ਹਾਂ ਦੱਸਿਆ ਕਿ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਆਦੇਸ਼ ਮੁਤਾਬਕ ਪੰਜਾਬ ਦੀ ਟੀਮ ਨੇ ਉੱਤਰਾਖੰਡ 'ਚ ਹੇਮਕੁੰਟ ਸਾਹਿਬ ਯਾਤਰਾ 'ਤੇ ਗਏ ਲੋਕਾਂ ਨੂੰ ਵੱਖ-ਵੱਖ ਥਾਵਾਂ ਤੋਂ ਕੱਢਣ 'ਚ ਪੂਰੀ ਕੋਸ਼ਿਸ਼ ਕੀਤੀ ਅਤੇ ਸੁਰੱਖਿਆ ਬਲਾਂ ਅਤੇ ਉੱਤਰਾਖੰਡ ਸਰਕਾਰ ਦੇ ਸਹਿਯੋਗ ਨਾਲ ਲਗਭਗ ਸਾਰੇ 4500 ਯਾਤਰੀਆਂ ਨੂੰ ਸੁਰੱਖਿਅਤ ਉਨ੍ਹਾਂ ਦੇ ਘਰਾਂ ਤੱਕ ਪਹੁੰਚਾਉਣ 'ਚ ਸਫਲ ਰਹੇ। ਕਿਸੇ ਯਾਤਰੀ ਨੂੰ ਕਿਤੇ ਕੋਈ ਝਰੀਟ ਵੀ ਨਹੀਂ ਆਈ।
ਉਨ੍ਹਾਂ 'ਤੇ ਹੋਏ ਹਮਲੇ ਦਾ ਜ਼ਿਕਰ ਕਰਦਿਆਂ ਪਨੂੰ ਨੇ ਕਿਹਾ ਕਿ ਨਾ ਤਾਂ ਉਨ੍ਹਾਂ ਦਾ ਕਿਸੇ ਨਾਲ ਕੋਈ ਹਿਰਖ ਹੈ ਅਤੇ ਨਾ ਹੀ ਕੋਈ ਦੁਸ਼ਮਣੀ। ਇਸ ਲਈ ਉਹ ਆਪਣੇ ਉੱਪਰ ਗੋਬਿੰਦਘਾਟ 'ਚ ਹੋਏ ਹਮਲੇ ਲਈ ਕਿਸੇ ਵਿਅਕਤੀ ਵਿਸ਼ੇਸ਼ ਨੂੰ ਦੋਸ਼ੀ ਨਹੀਂ ਮੰਨਦੇ। ਉਨ੍ਹਾਂ ਮੁਤਾਬਿਕ ਇਹ ਘਟਨਾ ਅਚਾਨਕ ਐਤਵਾਰ ਨੂੰ ਗੋਬਿੰਦਘਾਟ ਤੇ ਗੋਬਿੰਦਧਾਮ ਵਿਚਕਾਰ ਹੋਈ ਜਿਥੇ ਲਗਭਗ 450 ਦੇ ਕਰੀਬ ਯਾਤਰੀ ਫਸੇ ਸਨ। ਜਦੋਂ ਉਨ੍ਹਾਂ ਨੂੰ ਇਸ ਬਾਰੇ ਸੂਚਨਾ ਪ੍ਰਾਪਤ ਹੋਈ ਤਾਂ ਉਹ ਤੁਰੰਤ ਹੀ ਗੋਬਿੰਦਘਾਟ ਪਹੁੰਚੇ ਤੇ ਘਬਰਾਏ ਹੋਏ ਯਾਤਰੀਆਂ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕਰਨ ਲੱਗੇ ਕਿਉਂਕਿ ਮੌਸਮ ਵਿਭਾਗ ਵੱਲੋਂ ਆਉਂਦੇ ਦੋ-ਤਿੰਨ ਦਿਨਾਂ 'ਚ ਭਾਰੀ ਬਾਰਿਸ਼ ਦੀ ਭਵਿੱਖਬਾਣੀ ਕੀਤੀ ਗਈ ਸੀ।
ਪਨੂੰ ਨੇ ਕਿਹਾ ਕਿ ਰਿਲੀਫ ਅਤੇ ਰੈਸਕਿਊ ਮਿਸ਼ਨ ਦੇ ਨਿਯਮਾਂ ਮੁਤਾਬਿਕ ਸਭ ਤੋਂ ਪਹਿਲਾਂ ਬੀਮਾਰ, ਬਜ਼ੁਰਗਾਂ ਅਤੇ ਬੱਚਿਆਂ ਤੇ ਮਹਿਲਾਵਾਂ ਨੂੰ ਮਦਦ ਪ੍ਰਦਾਨ ਕੀਤੀ ਜਾਂਦੀ ਹੈ ਪਰ ਕਈ ਨੌਜਵਾਨ ਯਾਤਰੀ ਇਸੇ ਗੱਲ 'ਤੇ ਜ਼ੋਰ ਦੇ ਰਹੇ ਸਨ ਕਿ ਉਨ੍ਹਾਂ ਨੂੰ ਤੁਰੰਤ ਹੈਲੀਕਾਪਟਰ ਜ਼ਰੀਏ ਉਥੋਂ ਕੱਢੇ ਜਾਣ ਦਾ ਪ੍ਰਬੰਧ ਕੀਤਾ ਜਾਏ।
ਪਨੂੰ ਨੇ ਕਿਹਾ ਕਿ ਐਮਰਜੈਂਸੀ ਹਾਲਤ 'ਚ ਕਈ ਤਰ੍ਹਾਂ ਦੀਆਂ ਅਫਵਾਹਾਂ ਫੈਲ ਰਹੀਆਂ ਸਨ। ਇਨ੍ਹਾਂ 'ਚ ਕਈ ਉਨ੍ਹਾਂ ਨਾਲ ਸੰਬੰਧਿਤ ਸਨ। ਕਦੇ ਕਿਹਾ ਜਾ ਰਿਹਾ ਸੀ ਕਿ ਉਨ੍ਹਾਂ ਨੇ ਯਾਤਰੀਆਂ ਨਾਲ ਮਾੜਾ ਵਿਵਹਾਰ ਕੀਤਾ ਹੈ, ਕਦੇ ਇਹ ਕਿਹਾ ਜਾ ਰਿਹਾ ਸੀ ਕਿ ਉਨ੍ਹਾਂ ਨੇ ਗੁਰੂ ਸਾਹਿਬਾਨ ਦਾ ਅਪਮਾਨ ਕੀਤਾ ਹੈ ਅਤੇ ਕਦੇ ਇਹ ਕਿ ਉਹ ਆਪਣੇ ਨਾਲ ਪੰਜਾਬ ਸਰਕਾਰ ਵੱਲੋਂ ਭੇਜੇ ਗਏ ਡੀ. ਆਈ. ਜੀ. ਖੂਬੀ ਰਾਮ ਨਾਲ ਉਲਝ ਗਏ ਹਨ। ਇਹ ਸਾਰੀਆਂ ਅਫਵਾਹਾਂ ਬੇਬੁਨਿਆਦ ਹਨ ਕਿਉਂਕਿ ਦੇਹਰਾਦੂਨ ਪਹੁੰਚਣ ਮਗਰੋਂ ਉਹ ਖੂਬੀ ਰਾਮ ਨਾਲ ਮਿਲ ਹੀ ਨਹੀਂ ਸਕੇ।
ਕਾਂਗਰਸ ਵਲੋਂ ਪਨੂੰ 'ਤੇ ਹੋਏ ਹਮਲੇ ਪਿੱਛੇ 'ਡੂੰਘੀ ਸਾਜ਼ਿਸ਼' ਦਾ ਪਰਦਾਫਾਸ਼ ਕਰਨ ਲਈ ਨਿਰਪੱਖ ਜਾਂਚ ਦੀ ਮੰਗ
ਮਲੂਕਾ ਦੇ ਸਮਰਥਕਾਂ ਦਾ ਹਮਲੇ 'ਚ ਹੱਥ
ਪੰਜਾਬ ਕਾਂਗਰਸ ਨੇ ਆਈ. ਏ. ਐੱਸ. ਅਧਿਕਾਰੀ ਕਾਹਨ ਸਿੰਘ ਪਨੂੰ 'ਤੇ ਹੋਏ ਹਮਲੇ ਪਿੱਛੇ ਡੂੰਘੀ ਸਾਜ਼ਿਸ਼ ਦਾ ਪਰਦਾਫਾਸ਼ ਕਰਨ ਲਈ ਇਕ ਆਜ਼ਾਦ ਨਿਰਪੱਖ ਜਾਂਚ ਦੀ ਮੰਗ ਕੀਤੀ ਹੈ। ਅੱਜ ਇਥੇ ਜਾਰੀ ਇਕ ਬਿਆਨ 'ਚ ਪਾਰਟੀ ਦੇ ਬੁਲਾਰੇ ਸੁਖਪਾਲ ਸਿੰਘ ਖਹਿਰਾ ਨੇ ਕਿਹਾ ਕਿ ਸਾਰੇ ਜਾਣਦੇ ਹਨ ਕਿ ਸਿੱਖਿਆ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਦੇ ਭ੍ਰਿਸ਼ਟ ਘੋਟਾਲਿਆਂ ਨੂੰ ਨੰਗਾ ਕਰਨ ਲਈ ਪਨੂੰ ਸਿੱਖਿਆ ਮੰਤਰੀ ਦੀ ਅੱਖਾਂ 'ਚ ਰੜਕ ਰਹੇ ਸਨ ਇਸ ਲਈ ਸੰਭਵ ਹੈ ਕਿ ਸਿੱਖਿਆ ਮੰਤਰੀ ਦੇ ਕੱਟੜ ਸਮਰਥਕ ਜੋ ਫਸੇ ਹੋਏ ਸ਼ਰਧਾਲੂਆਂ ਦਾ ਹਿੱਸਾ ਹੋਣ, ਨੇ ਬਦਲਾ ਲੈਣ ਜਾਂ ਆਪਣੇ ਸਿਆਸੀ ਆਕਾ ਨੂੰ ਖੁਸ਼ ਕਰਨ ਲਈ ਇਹ ਹਮਲਾ ਕੀਤਾ ਹੋਵੇ। ਸਿੱਖਿਆ ਮੰਤਰੀ ਦੇ ਜੱਦੀ ਪਿੰਡ ਜ਼ਿਲਾ ਬਠਿੰਡਾ ਦੇ ਵਸਨੀਕ ਵਲੋਂ ਇਸ ਸਾਰੀ ਘਟਨਾ ਦਾ ਵੀਡੀਓ ਬਣਾਉਣਾ ਇਸ ਸ਼ੱਕ ਨੂੰ ਹੋਰ ਪੁਖਤਾ ਕਰਦਾ ਹੈ। ਖਹਿਰਾ ਨੇ ਕਿਹਾ ਕਿ ਪਿੰਡ ਬਾਲਿਆਂਵਾਲੀ, ਜੋ ਰਾਮਪੁਰਾ ਫੂਲ ਤੋਂ 8 ਕਿਲੋਮੀਟਰ ਦੀ ਦੂਰੀ 'ਤੇ ਹੈ, ਦੇ ਦੋ ਕੱਟੜ ਅਕਾਲੀ ਵਰਕਰਾਂ ਨੇ ਪਨੂੰ 'ਤੇ ਹੋਏ ਹਮਲੇ 'ਚ ਵੱਡੀ ਭੂਮਿਕਾ ਨਿਭਾਈ ਹੈ।
ਪਨੂੰ ਮਾਮਲੇ 'ਚ ਆਈ. ਜੀ. ਕਾਲੜਾ ਦੀ ਅਗਵਾਈ 'ਚ ਜਾਂਚ ਟੀਮ ਗਠਿਤ
ਮੁੱਖ ਮੰਤਰੀ ਦੀਆਂ ਹਦਾਇਤਾਂ 'ਤੇ ਡੀ. ਜੀ. ਪੀ. ਸੁਮੇਧ ਸਿੰਘ ਸੈਣੀ ਨੇ ਸੀਨੀਅਰ ਆਈ. ਏ. ਐੱਸ. ਅਧਿਕਾਰੀ ਕਾਹਨ ਸਿੰਘ ਪਨੂੰ 'ਤੇ ਹੋਏ ਹਮਲੇ ਦੀ ਘਟਨਾ ਦੀ ਜਾਂਚ ਲਈ ਵਿਸ਼ੇਸ਼ ਜਾਂਚ ਟੀਮ (ਐੱਸ. ਆਈ. ਟੀ.) ਦਾ ਗਠਨ ਕਰ ਦਿੱਤਾ ਹੈ।
ਇਹ ਪ੍ਰਗਟਾਵਾ ਕਰਦਿਆਂ ਮੁੱਖ ਮੰਤਰੀ ਦਫ਼ਤਰ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਇਹ ਚਾਰ ਮੈਂਬਰੀ ਵਿਸ਼ੇਸ਼ ਜਾਂਚ ਟੀਮ ਆਈ. ਜੀ. ਸੁਰੱਖਿਆ ਸੰਜੀਵ ਕਾਲੜਾ ਦੀ ਦੇਖ-ਰੇਖ ਹੇਠ ਕੰਮ ਕਰੇਗੀ, ਜਿਨ੍ਹਾਂ ਤੋਂ ਇਲਾਵਾ ਇਸ ਵਿਚ ਡੀ. ਆਈ. ਜੀ. ਗੌਤਮ ਚੀਮਾ, ਜੋ ਪਹਿਲਾਂ ਹੀ ਡੀ. ਜੀ. ਪੀ. ਦੇ ਹੁਕਮਾਂ ਹੇਠ ਐਤਵਾਰ ਤੋਂ ਗੋਬਿੰਦਘਾਟ ਵਿਖੇ ਇਸ ਮੰਦਭਾਗੀ ਘਟਨਾ ਦੀ ਮੁੱਢਲੀ ਜਾਂਚ ਕਰਨ ਲਈ ਗਏ ਹੋਏ ਹਨ, ਡੀ. ਆਈ. ਸਾਈਬਰ ਅਪਰਾਧ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਅਤੇ ਐੱਸ. ਐੱਸ. ਪੀ. ਮੋਹਾਲੀ ਗੁਰਪ੍ਰੀਤ ਸਿੰਘ ਭੁੱਲਰ ਸ਼ਾਮਲ ਹਨ।
ਮੁੱਖ ਮੰਤਰੀ ਨੇ ਏ. ਡੀ. ਜੀ. ਪੀ. ਨੂੰ ਹਦਾਇਤ ਕੀਤੀ ਹੈ ਕਿ ਉਹ ਇਸ ਟੀਮ ਦੀ ਜਾਂਚ 'ਤੇ ਆਧਾਰਿਤ ਉਤਰਾਖੰਡ ਅਥਾਰਟੀ ਨਾਲ ਰਾਬਤਾ ਕਾਇਮ ਕਰੇ ਤਾਂ ਜੋ ਇਸ ਘਟਨਾ ਵਿਚ ਜ਼ਿੰਮੇਵਾਰ ਦੋਸ਼ੀਆਂ ਵਿਰੁੱਧ ਕਾਨੂੰਨ ਦੀਆਂ ਸੰਬੰਧਤ ਧਾਰਾਵਾਂ ਹੇਠ ਐੱਫ. ਆਈ. ਆਰ. ਦਰਜ ਕਰਵਾਈ ਜਾ ਸਕੇ। ਬੁਲਾਰੇ ਨੇ ਅੱਗੇ ਦੱਸਿਆ ਕਿ ਮੁੱਢਲੀਆਂ ਰਿਪੋਰਟਾਂ ਮੁਤਾਬਕ ਹੁਣ ਤੱਕ ਦੋ ਵਿਅਕਤੀਆਂ ਦੀ ਸ਼ਨਾਖਤ ਹੋ ਚੁੱਕੀ ਹੈ। ਇਸ ਦੌਰਾਨ ਇਸ ਹਮਲੇ ਵਿਚ ਸ਼ਾਮਲ ਦੋਸ਼ੀਆਂ ਖਿਲਾਫ਼ ਮੋਹਾਲੀ ਪੁਲਸ ਥਾਣੇ ਵਿਚ ਧਾਰਮਿਕ ਭਾਵਨਾਵਾਂ ਨੂੰ ਭੜਕਾਉਣ ਦੇ ਦੋਸ਼ ਵਿਚ ਆਈ. ਪੀ. ਸੀ. ਦੀ ਧਾਰਾ 295-ਏ ਅਤੇ ਸਾਈਬਰ ਅਪਰਾਧ ਖਿਲਾਫ਼ ਆਈ. ਟੀ. ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਜਾ ਰਿਹਾ ਹੈ।

ਤੂੰ ਪਨੂੰ ਐਂ, 'ਹਾਂ' ਕਹਿਣ 'ਤੇ ਮੈਨੂੰ ਟੁੱਟ ਕੇ ਪੈ ਗਏ, ਸਾਹਮਣੇ ਆਉਣ 'ਤੇ ਪਛਾਣ ਲਵਾਂਗਾ : ਪਨੂੰ

www.sabblok.blogspot.com

ਖਮਾਣੋਂ (ਥਿੰਦ)-ਹੜ੍ਹਾਂ ਦੀ ਕਰੋਪੀ ਤੋਂ ਆਮ ਲੋਕਾਂ ਨੂੰ ਬਚਾਉਣ ਲਈ ਉਤਰਾਖੰਡ ਗਏ ਆਈ. ਏੇ. ਐੱਸ. ਅਧਿਕਾਰੀ ਕਾਹਨ ਸਿੰਘ ਪੰਨੂੰ ਨੇ ਫੋਨ 'ਤੇ ਗੱਲਬਾਤ ਦੌਰਾਨ ਦੱਸਿਆ ਕਿ ਮੇਰੇ 'ਤੇ ਹੋਇਆ ਹਮਲਾ ਵਿਰੋਧੀ ਸਿੱਖੀ ਦੇ ਭੇਸ ਵਿਚ ਲਿਪਟੇ ਲੋਕਾਂ ਦੀ ਗਹਿਰੀ ਸਾਜ਼ਿਸ਼ ਸੀ। ਵੀਡੀਓ ਕਲਿੱਪ 'ਤੇ ਮੇਰੀ ਦਿਸ ਰਹੀ ਪਿੱਠ ਦਾ ਮਤਲਬ ਹਮਲਾਵਰ ਮੇਰੇ ਪਿੱਛੇ ਲੱਗੇ ਸਨ ਤੇ ਅੱਗੇ ਖੜ੍ਹੇ 40-50 ਲੋਕ ਇਸੇ ਲੜੀ ਦਾ ਇਕ ਹਿੱਸਾ ਸਨ। ਮੈਂ ਲੋਕਾਂ ਦਾ ਹਾਲ-ਚਾਲ ਪੁਛਦਾ ਹੋਇਆ ਜਦੋਂ  ਉਨ੍ਹਾਂ ਕੋਲ ਆਇਆ ਤਾਂ ਪੁੱਛਣ 'ਤੇ ਉਨ੍ਹਾਂ ਮੈਨੂੰ ਪੁੱਛਿਆ ਕਿ 'ਤੁਸੀਂ ਪੰਨੂੰ ਹੋ', ਮੈਂ 'ਹਾਂ' ਵਿਚ ਸਿਰ ਹਿਲਾਇਆ ਤੇ ਉਨ੍ਹਾਂ ਸਾਰਿਆਂ ਨੇ ਮੈਨੂੰ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਉਨ੍ਹਾਂ ਦਾ ਮੇਰਾ ਗੁਰੂਆਂ ਨੂੰ ਅਪਸ਼ਬਦ ਬੋਲਣ 'ਤੇ ਖਿੱਚਧੂਹ ਕਰਨ ਨੂੰ ਸਹੀ ਠਹਿਰਾਉਣਾ ਤੇ ਖਿੱਚਧੂਹ ਕਰਨਾ ਕੋਰਾ ਝੂਠ ਹੈ, ਮੈਂ ਸਿੱਖ ਪਰਿਵਾਰ ਵਿਚ ਜੰਮਿਆ ਹਾਂ ਤੇ ਗੁਰੂਆਂ ਦੀ ਬਾਣੀ 'ਤੇ ਪੂਰਾ ਵਿਸ਼ਵਾਸ ਰਖਦਾ ਹਾਂ। ਇਸ ਪਿੱਛੇ  ਕੋਈ ਗਹਿਰੀ ਸਾਜ਼ਿਸ਼ ਹੈ ਤੇ ਕਿਤਾਬ ਘਪਲੇ ਦੀਆਂ ਉੱਧੜੀਆਂ ਪਰਤਾਂ ਦਾ ਕਿਤੇ ਇਸ ਨਾਲ ਸਬੰਧ ਤਾਂ ਨਹੀਂ ? ਤਾਂ ਉਨ੍ਹਾਂ ਕਿਹਾ ਕਿ ਹਾਂ ਇਸ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਉਨ੍ਹਾਂ ਕਿਹਾ ਕਿ ਹਮਲਾਵਰਾਂ ਨੂੰ ਮੈਂ ਸਾਹਮਣੇ ਆਉਣ 'ਤੇ ਪਛਾਣ ਸਕਦਾ ਹਾਂ। ਮੇਰੀ ਵੀਡੀਓ ਬਣਾਉਣ ਵਾਲਾ ਹਮਲਾਵਰਾਂ ਦੇ ਜਾਣ ਤੋਂ ਬਾਅਦ ਵੀ ਮੇਰੀ ਵੀਡੀਓ ਬਣਾਉਂਦਾ ਰਿਹਾ ਤਾਂ ਕਿ ਮਾਮਲੇ ਨੂੰ ਧਾਰਮਿਕ ਰੰਗਤ ਦਿੱਤੀ ਜਾ ਸਕੇ। ਤੁਹਾਡੇ ਸੁਰੱਖਿਆ ਗਾਰਡ ਕਿੱਥੇ ਸਨ? ਤਾਂ ਉਨ੍ਹਾਂ ਕਿਹਾ ਕਿ ਮੈਂ ਕਦੇ ਸੁਰੱਖਿਆ ਲਈ ਗਾਰਡਾਂ ਨੂੰ ਨਾਲ ਨਹੀਂ ਲਿਜਾਂਦਾ, ਵਰਦੀ ਵਿਚ ਪੁਲਸ ਮੁਲਾਜ਼ਮ ਟੀਮ ਨਾਲ ਆਏ ਇਕ ਆਈ. ਜੀ. ਦੇ ਬੰਦੇ ਸਨ ਜਿਨ੍ਹਾਂ ਮੈਨੂੰ ਬਚਾਉਣ ਲਈ ਕੋਈ ਵੀ ਦਖਲਅੰਦਾਜ਼ੀ ਨਹੀਂ ਕੀਤੀ। ਘਟਨਾ ਤੋਂ ਬਾਅਦ ਮੈਂ ਆਈ. ਜੀ. ਪੀ. ਸਾਈਬਰ ਕ੍ਰਾਈਮ ਨੂੰ ਇਸ ਦੀ ਰਿਪੋਰਟ ਦਿੱਤੀ।  ਮੁੱਖ ਮੰਤਰੀ ਵਲੋਂ ਕੀਤੇ ਯਤਨਾਂ 'ਤੇ ਪੁੱਛਣ 'ਤੇ ਕਿਹਾ ਕਿ ਮੈਂ ਸਰਕਾਰ ਦਾ ਇਕ ਆਗਿਆਕਾਰ ਅਧਿਕਾਰੀ ਹਾਂ ਤੇ ਮੁੱਖ ਮੰਤਰੀ ਵਲੋਂ ਇਸ ਸਬੰਧੀ ਗਠਿਤ ਕੀਤੀ ਟੀਮ 'ਤੇ ਮੈਨੂੰ ਪੂਰਨ ਭਰੋਸਾ ਹੈ ਤੇ ਇਨਸਾਫ ਮਿਲੇਗਾ।  ਪਤਾ ਲੱਗਾ ਹੈ ਕਿ ਸਾਈਬਰ ਕ੍ਰਾਈਮ ਵਿਭਾਗ ਨੇ ਇਸ ਘਟਨਾ ਦਾ ਗੰਭੀਰ ਨੋਟਿਸ ਲੈਂਦਿਆਂ ਹਮਲਾਵਰਾਂ 'ਤੇ ਯੂ-ਟਿਊਬ ਤੇ ਵੀਡੀਓ ਕਲਿੱਪ ਪਾਉਣ ਵਾਲੇ ਲੋਕਾਂ ਦਾ ਸੁਰਾਗ ਲਾ ਲਿਆ ਹੈ ਜੋ ਕਿ ਪੰਜਾਬ ਦੇ ਬਠਿੰਡਾ, ਲੁਧਿਆਣਾ ਤੇ ਇਸ ਵਿਚ ਸ਼ਾਮਲ ਕੁਝ ਮਾਸਟਰਾਂ ਨੂੰ ਵੀ ਸ਼ਨਾਖਤ ਕਰ ਲੈਣ ਦਾ ਦਾਅਵਾ ਕੀਤਾ ਹੈ ਜੋ ਕਿ ਸੱਤਾ ਧਿਰ ਦੇ ਬੰਦੇ ਦੱਸੇ ਜਾਂਦੇ ਹਨ ਜਿਹੜੇ ਕਿਤਾਬ ਘਪਲੇ ਤੋਂ ਬਾਅਦ ਸੱਤਾ ਧਿਰ ਦੇ ਹੱਥਠੋਕਾ ਕਥਿਤ ਬਣੇ ਤੇ ਜੁਰਅਤ ਨਾਲ ਕੰਮ ਕਰਨ ਵਾਲੇ ਅਧਿਕਾਰੀ ਨੂੰ ਬਦਨਾਮ ਕਰਨ ਲਈ ਇਸ ਕਦਰ ਰਸਾਤਲ 'ਤੇ ਆ ਗਏ ਕਿ ਮੁਸੀਬਤ ਵਿਚ ਫਸੇ ਲੋਕਾਂ ਦੀ ਜਾਨ-ਮਾਲ ਦੀ ਸਲਾਮਤੀ ਲਈ ਗਏ ਅਧਿਕਾਰੀ 'ਤੇ ਆਪਣੇ ਆਕਾਵਾਂ ਦੇ ਸਿਰ 'ਤੇ ਕਿੜ ਕੱਢਣੋਂ ਬਾਜ਼ ਨਹੀਂ ਆਏ।

ਪੰਨੂ ਮਾਮਲੇ ਦੀ ਵੀਡੀਓ 'ਤੇ ਯੂ-ਟਿਊਬ ਅਤੇ ਹੋਰ ਸੋਸ਼ਲ ਸਾਈਟਾਂ 'ਤੇ ਰੋਕ

www.sabblok.blogspot.com

* ਹੁਣ ਤੱਕ ਨਹੀਂ ਕੋਈ ਗ੍ਰਿਫਤਾਰੀ * ਕੁੱਟਮਾਰ ਕਰਨ ਵਾਲੇ ਜ਼ਿਆਦਾਤਰ ਵਿਅਕਤੀਆਂ ਦੀ ਪਹਿਚਾਣ
ਚੰਡੀਗੜ (ਖੋਖਰ)-ਆਈ. ਏ. ਐੱਸ. ਕਾਹਨ ਸਿੰਘ ਪੰਨੂ ਦੀ ਉੱਤਰਾਖੰਡ 'ਚ ਹੋਈ ਕੁੱਟਮਾਰ ਦੇ ਮਾਮਲੇ ਨੂੰ ਪੰਜਾਬ ਸਰਕਾਰ ਤੇ ਪੁਲਸ ਨੇ ਗੰਭੀਰਤਾ ਨਾਲ ਲਿਆ ਹੈ। ਇਸ ਕਾਰਨ ਪੰਨੂ ਦੀ ਕੁੱਟਮਾਰ ਦਾ ਜੋ ਵੀਡੀਓ ਕਲਿੱਪ ਜਿਨ੍ਹਾਂ ਸੋਸ਼ਲ ਸਾਈਟਸ 'ਤੇ ਅਪਲੋਡ ਕਰਕੇ ਚਲਾਇਆ ਜਾ ਰਿਹਾ ਸੀ, ਨੂੰ ਜ਼ਿਆਦਾਤਰ ਪੰਜਾਬ ਪੁਲਸ ਦੇ ਸਾਈਬਰ ਕ੍ਰਾਈਮ ਵਲੋਂ ਡਿਲੀਟ ਕਰਵਾ ਦਿੱਤਾ ਹੈ। ਫੇਸਬੁੱਕ 'ਤੇ ਯੂ-ਟਿਊਬ ਤੇ ਟਵਿਟਰ ਵਰਗੀਆਂ ਹੋਰਨਾਂ ਸਾਈਟਸ 'ਤੇ ਇਸ ਵੀਡੀਓ ਨੂੰ ਚਲਾਉਣ 'ਤੇ ਰੋਕ ਲਾ ਦਿੱਤੀ ਗਈ ਹੈ ਪਰ ਮੀਡੀਆ ਤੋਂ ਸੰਬੰਧਿਤ ਕੁਝ ਸਾਈਟਾਂ 'ਤੇ ਇਸ ਵੀਡੀਓ ਕਲਿੱਪ ਨੂੰ ਹਟਵਾਉਣ ਲਈ ਯਤਨ ਜਾਰੀ ਹਨ ਕਿਉਂਕਿ ਇਨ੍ਹਾਂ 'ਤੇ ਸਿੱਧੀ ਕਾਰਵਾਈ ਕਰਨਾ ਪੰਜਾਬ ਸਰਕਾਰ ਦੇ ਲਈ ਮੁਸ਼ਕਿਲ ਬਣਿਆ ਹੋਇਆ ਹੈ। ਸਰਕਾਰੀ ਹਲਕਿਆਂ ਵਲੋਂ ਪਿਆਰ ਨਾਲ ਮੀਡੀਆ ਹਿੱਸਿਆਂ ਤੋਂ ਇਹ ਵੀਡੀਓ ਕਲਿੱਪ ਹਟਾਉਣ ਦੀ ਗੱਲ ਆਖੀ ਜਾ ਰਹੀ ਹੈ।
ਵਿਸ਼ੇਸ਼ ਟੀਮ ਫਸੀ ਕਸੂਤੀ : ਪੰਨੂ 'ਤੇ ਹਮਲੇ ਦੇ ਮਾਮਲੇ 'ਚ ਪੰਜਾਬ ਪੁਲਸ ਵੀ ਕਸੂਤੀ ਫਸ ਗਈ ਹੈ ਕਿਉਂਕਿ ਇਸ ਮਾਮਲੇ ਦੀ ਵੀਡੀਓ ਕਲਿੱਪ ਨਸ਼ਰ ਕਰਨ ਦੇ ਦੋਸ਼ ਸਿੱਖਿਆ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਦੇ ਮੁੰਡੇ ਦੇ ਸਾਂਢੂ 'ਤੇ ਲੱਗਣ ਲੱਗੇ ਹਨ। ਇਹ ਪੱਤਰਕਾਰ ਚੰਡੀਗੜ੍ਹ ਤੋਂ ਚਲਾਏ ਜਾ ਰਹੇ ਇਕ ਚੈਨਲ ਦਾ ਬਠਿੰਡਾ ਤੋਂ ਰਿਪੋਰਟਰ ਹੈ। ਇਸ ਰਿਪੋਰਟਰ ਨੇ ਹੀ ਬਠਿੰਡਾ ਦੇ ਹੋਰਨਾਂ ਰਿਪੋਰਟਰਾਂ ਨੂੰ ਇਹ ਕਲਿੱਪ ਦਿੱਤਾ ਸੀ। ਵੀਡੀਓ ਤਿਆਰ ਕਰਨ ਵਾਲੇ ਤਲਵੰਡੀ ਸਾਬੋ ਦੇ ਨਜ਼ਦੀਕੀ ਪਿੰਡ ਕਣਕਵਾਲ ਦੇ ਬਲਜਿੰਦਰ ਸਿੰਘ ਹਾਲੇ ਵੀ ਪੁਲਸ ਗ੍ਰਿਫਤ ਤੋਂ ਬਾਹਰ ਹਨ ਪਰ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਐੱਸ. ਆਈ. ਟੀ. ਨੇ ਪੰਨੂ 'ਤੇ ਹਮਲਾ ਕਰਨ ਵਾਲੇ ਜ਼ਿਆਦਾਤਰ ਦੋਸ਼ੀਆਂ ਦਾ ਪਤਾ ਲਾ ਲਿਆ ਹੈ। ਸੂਤਰਾਂ ਮੁਤਾਬਿਕ ਹਮਲਾ ਕਰਨ ਵਾਲਿਆਂ 'ਚ ਲੁਧਿਆਣਾ ਜ਼ਿਲੇ ਦੇ ਪਿੰਡ ਕੋਹਾੜਾ ਦੇ ਕੁਝ ਕਾਰ ਸੇਵਾ ਵਾਲੇ ਸੇਵਕ, ਬਠਿੰਡਾ ਜ਼ਿਲੇ ਦੇ ਬਾਲਿਆਂਵਾਲੀ ਪਿੰਡ ਦੇ ਅਕਾਲੀ ਵਰਕਰ ਸ਼ਾਮਲ ਹਨ।
ਨਹੀਂ ਕੀਤਾ ਗਿਆ ਹਾਲੇ ਪਰਚਾ ਦਰਜ : ਇਹ ਮਾਮਲਾ ਸੱਤਾ ਪੱਖ ਨਾਲ ਸਿੱਧਾ ਜੁੜ ਗਿਆ ਹੈ ਜਿਸ ਕਾਰਨ ਪੁਲਸ ਵੀ ਫੂਕ-ਫੂਕ ਕੇ ਕਦਮ ਰੱਖ ਰਹੀ ਹੈ। ਜਾਂਚ ਕਰ ਰਹੀ ਵਿਸ਼ੇਸ਼ ਟੀਮ ਦੇ ਮੈਂਬਰ ਤੇ ਪੰਜਾਬ ਪੁਲਸ ਦੇ ਸਾਈਬਰ ਕ੍ਰਾਈਮ ਵਿੰਗ ਦੇ ਡੀ. ਆਈ. ਜੀ. ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਨੇ ਦੱਸਿਆ ਕਿ ਹਾਲੇ ਤੱਕ ਪੰਨੂ 'ਤੇ ਹਮਲੇ ਦੇ ਮਾਮਲੇ 'ਚ ਪੰਜਾਬ 'ਚ ਕੋਈ ਵੀ ਪਰਚਾ ਦਰਜ ਨਹੀਂ ਕੀਤਾ ਗਿਆ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਅਖਬਾਰਾਂ 'ਚ ਪਰਚਾ ਦਰਜ ਹੋਣ ਸਬੰਧੀ ਛਪੀ ਖਬਰ ਸਹੀ ਨਹੀਂ ਹਨ।
 ਜ਼ਿਕਰਯੋਗ ਹੈ ਕਿ ਪੰਜਾਬ ਸਰਕਾਰ ਵਲੋਂ ਪ੍ਰੈੱਸ ਬਿਆਨ ਦੇ ਆਧਾਰ 'ਤੇ ਅਖਬਾਰਾਂ 'ਚ ਸਾਈਬਰ ਕ੍ਰਾਈਮ ਸੈੱਲ ਨੇ ਪਰਚਾ ਦਰਜ ਹੋਣ ਸਬੰਧੀ ਖਬਰਾਂ ਛਾਪੀਆਂ ਸਨ ਅਤੇ ਪਰਚੇ ਦੀਆਂ ਧਾਰਾਵਾਂ ਵੀ ਲਿਖ ਦਿੱਤੀਆਂ ਸਨ। ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਜਾਂਚ ਗੰਭੀਰਤਾ ਨਾਲ ਕੀਤੀ ਜਾ ਰਹੀ ਹੈ। ਜਾਂਚ ਦੇ ਬਾਅਦ ਹੀ ਪਰਚਾ ਦਰਜ ਕੀਤਾ ਜਾਏਗਾ। ਪੰਨੂ ਦੇ ਹਮਲੇ ਸਬੰਧੀ ਉਹ ਇਕ ਦਰਜਨ ਤੋਂ ਜ਼ਿਆਦਾ ਸੋਸ਼ਲ ਸਾਈਟਸ ਤੋਂ ਕਲਿੱਪ ਨੂੰ ਹਟਵਾ ਚੁੱਕੇ ਹਨ। ਜਿਸ ਵਿਅਕਤੀ ਨੇ ਇਸ ਕਲਿੱਪ ਦੇ ਆਧਾਰ 'ਤੇ ਪੰਨੂ ਦੇ ਖਿਲਾਫ ਗਲਤ ਟਿੱਪਣੀਆਂ ਕੀਤੀਆਂ ਹਨ ਜਾਂ ਗਾਲੀ-ਗਲੋਚ ਕੀਤੀ ਹੈ, ਉਸ ਦੇ ਖਿਲਾਫ ਵੀ ਪਰਚਾ ਦਰਜ ਕੀਤਾ ਜਾਵੇਗਾ।
ਪੰਨੂ 'ਤੇ ਹਮਲੇ ਸਬੰਧੀ ਕਿਵੇਂ ਉਕਸਾਇਆ : ਗੋਬਿੰਦ ਘਾਟ 'ਚ ਕਾਹਨ ਸਿੰਘ ਪੰਨੂ 'ਤੇ ਹਮਲਾ ਤਾਂ ਐਤਵਾਰ ਨੂੰ ਕੀਤਾ ਗਿਆ ਸੀ ਪਰ ਉਨ੍ਹਾਂ ਦੇ ਖਿਲਾਫ 2-3 ਦਿਨਾਂ ਤੋਂ ਹੀ ਲੋਕਾਂ ਦਾ ਗੁੱਸਾ ਸਾਹਮਣੇ ਆਉਣ ਲੱਗਾ ਸੀ। ਉਨ੍ਹਾਂ ਦੇ ਬਾਰੇ 'ਚ ਇਹ ਚਰਚਾ ਸੀ ਕਿ ਉਨ੍ਹਾਂ ਨੇ ਮੁਸੀਬਤ 'ਚ ਫਸੇ ਲੋਕਾਂ ਨਾਲ ਗੱਲਬਾਤ ਸਹੀ ਢੰਗ ਨਾਲ ਨਹੀਂ ਕੀਤੀ ਸੀ ਪਰ ਇਹ ਗੱਲ ਵਧਦੀ-ਵਧਦੀ ਇਥੇ ਤੱਕ ਪਹੁੰਚ ਗਈ ਕਿ ਕੁਝ ਲੋਕਾਂ ਨੇ ਇਹ ਕਹਿਣਾ ਸ਼ੁਰੂ ਕਰ ਦਿੱਤਾ ਕਿ ਪੰਨੂ ਨੇ ਗੁਰੂਆਂ ਬਾਰੇ ਗਲਤ ਬੋਲਿਆ ਹੈ। ਗੋਬਿੰਦ ਘਾਟ ਤੋਂ ਪੰਜਾਬ ਪਹੁੰਚੇ ਲੋਕਾਂ ਨੇ ਦੱਸਿਆ ਕਿ ਪੰਨੂ ਵੱਲੋਂ ਗਲਤ ਬੋਲਣ ਸਬੰਧੀ ਚਰਚਾ ਤਾਂ ਸੀ ਪਰ ਕਿਸੇ ਨੇ ਇਹ ਨਹੀਂ ਸੁਣਿਆ ਕਿ ਪੰਨੂ ਨੇ ਕਿਹਾ ਕੀ ਅਤੇ ਨਾ ਹੀ ਹੁਣ ਤੱਕ ਇਸ ਮਾਮਲੇ 'ਚ ਕੋਈ ਸਾਹਮਣੇ ਆਉਣ ਲਈ ਤਿਆਰ ਹੈ। ਇਸ ਮਾਮਲੇ ਪ੍ਰਤੀ ਤੇਜ਼ਤਰਾਰ ਨਿਗਾਹਾਂ ਰੱਖਣ ਵਾਲੇ ਵਿਅਕਤੀਆਂ 'ਚ ਇਹ ਵੀ ਚਰਚਾ ਹੈ ਕਿ ਹਮਲਾ ਯੋਜਨਾਬੱਧ ਢੰਗ ਨਾਲ ਕੀਤਾ ਗਿਆ ਸੀ ਅਤੇ ਇਸ ਹਮਲੇ ਦੀ ਜੋ ਵੀਡੀਓਗ੍ਰਾਫੀ ਕੀਤੀ ਗਈ, ਉਹ ਵੀ ਇਸ ਯੋਜਨਾ ਦਾ ਇਕ ਹਿੱਸਾ ਸੀ।

ਹੇਮਕੁੰਟ ਸਾਹਿਬ ਨੂੰ ਜਾਣ ਵਾਲਾ ਪੁਲ ਟੁੱਟਿਆ, ਗੁਰਦੁਆਰੇ 'ਤੇ ਵੀ ਮੰਡਰਾਅ ਰਹੇ ਖਤਰੇ ਦੇ ਬੱਦਲ

www.sabblok.blogspot.com

ਦੇਹਰਾਦੂਨ:-ਸਿੱਖਾਂ ਦੇ ਪਵਿੱਤਰ ਤੀਰਥ ਅਸਥਾਨ ਹੇਮਕੁੰਟ ਸਾਹਿਬ ਦੇ  ਪ੍ਰਮੁੱਖ ਪੜਾਅ ਗੋਬਿੰਦਘਾਟ ਵਿਚ ਭਾਰੀ ਤਬਾਹੀ ਦੀ ਸੂਚਨਾ ਹੈ। ਜਾਣਕਾਰੀ ਅਨੁਸਾਰ ਹੇਮਕੁੰਟ ਸਾਹਿਬ ਨੂੰ  ਜਾਣ ਵਾਲਾ ਪੁਲ ਟੁੱਟ ਗਿਆ ਹੈ ਤੇ ਨੈਸ਼ਨਲ ਹਾਈਵੇ 'ਤੇ ਸੈਂਕੜੇ ਵਾਹਨ ਫਸ ਗਏ ਹਨ।  ਇਥੇ ਪੰਜ ਮੰਜ਼ਿਲਾ ਗੁਰਦੁਆਰੇ 'ਤੇ ਵੀ ਸੰਕਟ ਦੇ ਬੱਦਲ ਮੰਡਰਾਅ ਰਹੇ ਹਨ ਕਿਉਂਕਿ ਜ਼ਮੀਨ ਖਿਸਕਣ ਨਾਲ  ਗੁਰਦੁਆਰੇ ਦੇ ਢਹਿਣ ਦਾ ਖਤਰਾ ਬਣਿਆ ਹੋਇਆ ਹੈ।