ਨੌਜਵਾਨ ਬੇਟੇ ਅਰਸ਼ ਜਾਂਗੜਾ ਦੀ ਅੰਤਿਮ ਅਰਦਾਸ ਸਮੇ ਬਾਵਾ, ਸ਼ੀਹ, ਟਪਾਰੀਆਂ, ਸੱਗੂ, ਸੋਖੀ, ਕਲਸੀ ਨੇ ਹਾਜਰੀ ਲਗਵਾਈ ਅਤੇ ਪ੍ਰੀਵਾਰ ਨਾਲ ਦੁੱਖ ਸਾਝਾਂ ਕੀਤਾ

www.sabblok.blogspot.com

ਲੁਧਿਆਣਾ ( ਸਤਪਾਲ ਸੋਨੀ )ਬਾਬਾ ਗੁਰਮੁੱਖ ਸਿੰਘ ਯਾਦਗਾਰੀ ਹਾਲ ਵਿਚ ਪਿਛਲੇ ਦਿਨੀਂ ਘਨੌਣਾ ਕਤਲ ਕਰਕੇ ਮਾਰੇ ਗਏ ਨੌਜਵਾਨ ਬੇਟੇ ਅਰਸ਼ ਜਾਂਗੜਾ ਦੀ ਅੰਤਿਮ ਅਰਦਾਸ ਵਿਚ ਹਾਜਰ ਹਜਾਰਾਂ ਲੋਕਾਂ ਨੇ ਸੇਜਲ ਅੱਖਾਂ ਨਾਲ ਪਿਆਰੇ ਬੇਟੇ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਅਤੇ ਪਰਿਵਾਰ ਨਾਲ ਦੁੱਖ ਸਾਝਾਂ ਕੀਤਾ। ਅੰਤਿਮ ਅਰਦਾਸ ਵਿਚ ਸ਼ਾਮਲ ਹੋਣ ਤੋ ਬਾਅਦ ਸ਼ੋਕ ਪ੍ਰਗਟ ਕਰਦੇ ਹੋਏ ਸੀਨੀਅਰ ਕਾਂਗਰਸੀ ਨੇਤਾ ਕ੍ਰਿਸ਼ਨ ਕੁਮਾਰ ਬਾਵਾ ਸਾਬਕਾ ਪ੍ਰਧਾਨ ਜਿਲ•ਾ ਕਾਂਗਰਸ ਲੁਧਿਆਣਾ ਸ਼ਹਿਰੀ, ਲੀਨਾ ਟਪਾਰੀਆਂ ਪ੍ਰਧਾਨ ਮਹਿਲਾ ਕਾਂਗਰਸ ਲੁਧਿਆਣਾ, ਮੱਖਣ ਸਿੰਘ ਸੀਂਹ ਸੀਨੀਅਰ ਕਾਂਗਰਸੀ ਨੇਤਾ, ਯੂਥ ਨੇਤਾ ਗੁਰਜੀਤ ਸਿੰਘ ਸ਼ੀਂਹ, ਰਾਕੇਸ਼ ਸ਼ਰਮਾਂ ਬਲਾਕ ਕਾਂਗਰਸ ਪ੍ਰਧਾਨ, ਰੇਸ਼ਮ ਸਿੰਘ ਸੱਗੂ, ਹਰਵਿੰਦਰ ਸਿੰਘ ਸੋਖੀ ਅਤੇ ਅਮ੍ਰਿਤਪਾਲ ਸਿੰਘ ਕਲਸੀ ਨੇ ਕਿਹਾ ਕਿ ਦੁੱਖ ਦੀ ਗੱਲ ਹੈ ਅੱਜ ਪੰਜਾਬ ਵਿਚ ਲਾਅ ਐਡ ਆਰਡਰ ਨਾਮ ਦੀ ਕੋਈ ਚੀਜ਼ ਨਹੀ ਹੈ। ਦਿਨ ਦਿਹਾੜੇ ਕਤਲ ਹੋਣੇ ਅਕਾਲੀ ਭਾਜਪਾ ਸਰਕਾਰ ਦੀ ਨਲਾਇਕੀ ਅਤੇ ਪੱਖਪਾਤ ਸਾਫ ਦਿਖਾਈ ਦੇ ਰਿਹਾ ਹੈ। ਉਹਨਾਂ ਕਿਹਾ ਕਿ ਸਰਕਾਰ ਦਾ ਸੰਵਿਧਾਨ ਵਿਚ ਪਹਿਲਾ ਫਰਜ ਲੋਕਾ ਦੇ ਜਾਨ ਅਤੇ ਮਾਲ ਦੀ ਰੱਖਿਆ ਕਰਨਾ ਹੁੰਦਾ ਹੈ ਪਰ ਅੱਜ ਪੰਜਾਬ ਵਿਚ ਕੋਈ ਵੀ ਵਿਅਕਤੀ ਆਪਣੇ ਆਪ ਨੂੰ ਸੁਰੱਖਿਅਤ ਮਹਿਸੂਸ ਨਹੀ ਕਰ ਰਿਹਾ ਅਤੇ ਨਾ ਹੀ ਕਿਸੇ ਦੀ ਪ੍ਰਾਪਰਟੀ (ਜਾਇਦਾਦ) ਸੁਰੱਖਿਅਤ ਹੈ, ਹਰ ਪਾਸੇ ਡਰ ਅਤੇ ਸਹਿਮ ਦਾ ਮਾਹੌਲ ਹੈ। ਉਹਨਾ ਕਿਹਾ ਕਿ ਹੁਣ ਤਾਂ ਪਰਸ ਖੋਣਾ, ਚੈਨੀ ਉਤਾਰਨਾ, ਕੜਾ ਉਤਾਰਨਾ, ਬੈਕਾਂ ‘ਚੋ ਕੈਸ਼ ਲੁੱਟਣਾ, ਬੱਚੇ ਅਗਵਾਹ ਕਰਨਾ, ਇਥੋ ਤੱਕ ਕਿ ਪੁਲਿਸ ਕਰਮਚਾਰੀਆਂ ਤੋ ਹਥਿਆਰ ਖੋਹ ਲੈਣਾ ਆਮ ਗੱਲ ਹੋ ਗਈ ਹੈ ਜੋ ਹਰ ਪੰਜਾਬੀ ਲਈ ਦੁੱਖ ਅਤੇ ਚਿੰਤਾ ਦਾ ਵਿਸ਼ਾ ਹੈ।