www.sabblok.blogspot.com
ਲੰਡਨ- ਬ੍ਰਿਟੇਨ ਦੇ ਸਰੀ ਸ਼ਹਿਰ ਨੇੜਲੇ ਦਿਹਾਤੀ ਖੇਤਰ ਵਿਚ ਕਿਸੇ ਸਮੇਂ ਪਾਕਿਸਤਾਨ ਦੀ ਮਰਹੂਮ ਪ੍ਰਧਾਨ ਮੰਤਰੀ ਬੇਨਜ਼ੀਰ ਅਤੇ ਉਨ੍ਹਾਂ ਦੇ ਪਤੀ ਆਸਿਫ ਅਲੀ ਜ਼ਰਦਾਰੀ ਦੀ ਰਿਹਾਇਸ਼ ਰਹੇ ਬੰਗਲੇ ਵਿਚ ਅੱਜਕਲ ਸੈਕਸ ਪਾਰਟੀਆਂ ਦੇ ਗੁਪਤ ਦੌਰ ਚਲ ਰਹੇ ਹਨ। ਪੰਦਰਾਂ ਸੌਣ ਕਮਰਿਆਂ ਵਾਲਾ ਇਹ ਖੁੱਲ੍ਹਾ-ਡੁੱਲ੍ਹਾ ਮਕਾਨ ਸ਼ਾਮਾਂ ਨੂੰ ਰੰਗੀਨ ਬਣਾਉਣ ਵਾਲੇ ਆਸ਼ਿਕ ਮਿਜ਼ਾਜ ਲੋਕਾਂ ਲਈ ਪਸੰਦੀਦਾ ਸਥਾਨ ਹੈ ਜਿਥੇ ਉਹ ਖੁੱਲ੍ਹ ਕੇ ਖਾ ਪੀ ਅਤੇ ਨਗਨ ਕਿਰਿਆਵਾਂ ਕਰ ਸਕਦੇ ਹਨ।
ਇਥੇ ਕਿਸੇ ਸਮੇਂ ਵਿਸ਼ਵ ਭਰ ਤੋਂ ਨੇਤਾ ਆ ਕੇ ਚਾਹ ਦੀਆਂ ਚੁਸਕੀਆਂ ਲੈਂਦੇ ਹੋਏ ਦੁਨੀਆ ਭਰ ਦੇ ਚਲੰਤ ਮਾਮਲਿਆਂ ‘ਤੇ ਚਰਚਾ ਕਰਦੇ ਸਨ ਪਰ ਅੱਜ ਉਥੇ ਔਰਤਾਂ ਅਤੇ ਪੁਰਸ਼ਾਂ ਨੂੰ ਸੋਫਿਆਂ ਉਪਰ ਗੁਥਮ-ਗੁੱਥਾ ਹੋਣ ਅਤੇ ਲਾਅਨ ਵਿਚ ਪਲਸੇਟੇ ਮਾਰਨ ਦੇ ਸੱਦੇ ਦਿੱਤੇ ਜਾਂਦੇ ਹਨ। ਇਥੇ ਨਗਨ ਟੈਨਿਸ ਖੇਡਣ ਤੋਂ ਇਲਾਵਾ ਮਹਿਮਾਨਾਂ ਨੂੰ ਸ਼ਾਮ ਦੀਆਂ ਪੌਸ਼ਾਕਾਂ ਪਹਿਨ ਕੇ ਮਸਤੀਆਂ ਕਰਨ ਦਾ ਮੌਕਾ ਵੀ ਦਿੱਤਾ ਜਾਂਦਾ ਹੈ। 89 ਲੱਖ ਪੌਂਡ ਦੇ ਰਾਕਵੁੱਡ ਹਾਊਸ ਦੇ ਇਸ ਨਵੇਂ ਰੋਲ ਦਾ ਖੁਲਾਸਾ ਉਦੋਂ ਹੋਇਆ ਜਦੋਂ ਇਸ ਨੂੰ ਵੇਚਣ ਦਾ ਐਲਾਨ ਕੀਤਾ ਗਿਆ।
No comments:
Post a Comment
ਸਬਲੋਕ ਆਨਲਾਈਨ ਨਿਊਜ ਦੀਆਂ ਖਬਰਾਂ ਤੇ ਆਪਣਾ ਪ੍ਰਤੀਕ੍ਰਿਆ/ਸੁਝਾਅ ਏਥੇ ਦੇਵੋ।