ਮੋਦੀ ਦੀ ਰੈਲੀ ਲਈ 11 ਰੇਲਗੱਡੀਆਂ ਅਤੇ 30 ਫੁੱਟ ਦੇ ਸਕ੍ਰੀਨ ਦਾ ਪ੍ਰਬੰਧ

www.sabblok.blogspot.com

 

ਪਟਨਾ- ਭਾਜਪਾ ਪ੍ਰਧਾਨ ਮੰਤਰੀ ਅਹੁਦੇ ਦੇ ਉਮੀਦਵਾਰ ਨਰਿੰਦਰ ਮੋਦੀ ਦੀ ਉਨ੍ਹਾਂ ਦੇ ਵਿਰੋਧੀ ਅਤੇ ਬਿਹਾਰ ਦੇ ਮੁੱਖ ਮੰਤਰੀ ਨਿਤਿਸ਼ ਕੁਮਾਰ ਦੇ ਘਰੇਲੂ ਮੈਦਾਨ ‘ਚ ਇੱਥੇ 27 ਅਕਤੂਬਰ ਨੂੰ ਹੋਣ ਵਾਲੀ ਪਹਿਲੀ ਰੈਲੀ ਨੂੰ ਸਫਲ ਬਣਾਉਣ ਲਈ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ। ਸਾਬਕਾ ਉੱਪ ਮੁੱਖ ਮੰਤਰੀ ਸੁਸ਼ੀਲ ਕੁਮਾਰ ਮੋਦੀ ਨੇ ਕਿਹਾ ਕਿ ਪਾਰਟੀ ਨੇ ‘ਹੁੰਕਾਰ ਰੈਲੀ’ ਲਈ 11 ਰੇਲਗੱਡੀਆਂ ਰਾਖਵੀਂਆਂ ਕੀਤੀਆਂ ਹਨ। ਰੈਲੀ ਦੌਰਾਨ ਮੰਚ ਦੇ ਪਿੱਛੇ ਇਕ ਵੱਡਾ ਸਕ੍ਰੀਨ ਲਾਇਆ ਜਾਵੇਗਾ ਤਾਂ ਕਿ ਉਸ ਵਿਚ ਗੁਜਰਾਤ ਦੇ ਮੁੱਖ ਮੰਤਰੀ ਦਾ ਇਕ ਵਿਸ਼ਾਲ ਅਕਸ ਨਜ਼ਰ ਆ ਸਕੇ। 30 ਫੁੱਟ ਦੇ ਇਸ ਸਕ੍ਰੀਨ ਦੇ ਰਾਹੀਂ ਨਾਲੰਦਾ ਯੂਨੀਵਰਸਿਟੀ, ਬੋਧ ਗਯਾ ਮੰਦਰ, ਗੋਲ ਘਰ ਸਮੇਤ ਰਾਜ ਦੇ ਪ੍ਰਸਿੱਧ ਇਤਿਹਾਸਕ ਥਾਵਾਂ ਅਤੇ ਮਹਾਨ ਸ਼ਖਸੀਅਤਾਂ ਦੇ ਸਲਾਈਡ ਸ਼ੋਅ ਦਿਖਾਏ ਜਾਣਗੇ।

ਸੁਸ਼ੀਲ ਮੋਦੀ ਨੇ ਦੱਸਿਆ ਕਿ ਜਿਨ੍ਹਾਂ ਸ਼ਖਸੀਅਤਾਂ ਦੀਆਂ ਤਸਵੀਰਾਂ ਦਿਖਾਈਆਂ ਜਾਣਗੀਆਂ ਉਨ੍ਹਾਂ ‘ਚੋਂ 1857 ਦੀ ਕ੍ਰਾਂਤੀ ਦੇ ਨਾਇਕ ਵੀਰ ਕੁੰਵਰ ਸਿੰਘ, ਆਜ਼ਾਦ ਭਾਰਤ ਦੇ ਪਹਿਲੇ ਰਾਸ਼ਟਰਪਤੀ ਰਾਜਿੰਦਰ ਪ੍ਰਸਾਦ ਅਤੇ ਲੋਕਨਾਇਕ ਜੈਪ੍ਰਕਾਸ਼ ਨਾਰਾਇਣ ਜੇਪੀ ਸ਼ਾਮਲ ਹਨ। ਇਹ ਸਾਰੇ ਬਿਹਾਰ ਦੇ ਰਹਿਣ ਵਾਲੇ ਸਨ। ਉਨ੍ਹਾਂ ਨੇ ਕਿਹਾ, ”ਟੀ. ਵੀ. ਚੈਨਲ ਰੈਲੀ ਨੂੰ ਕਵਰ ਕਰਨ ਦਾ ਕੰਮ ਇਕ ਕੈਮਰਾਮੈਨ ਨੂੰ ਹੀ ਸੌਂਪ ਸਕਦੇ ਹਨ ਜੋ ਸਿਰਫ ਇਕ ਪਾਸੇ ਹੀ ਆਪਣੇ ਕੈਮਰੇ ਨੂੰ ਜੂਮ ਕਰ ਸਕਦਾ ਹੈ ਇਸ ਲਈ ਅਸੀਂ 12 ਵੀਡੀਓ ਕੈਮਰਿਆਂ ਜੇ ਲੈਨਜਾਂ ਦੇ ਰਾਹੀਂ ਰੈਲੀ ਦੀਆਂ ਤਸਵੀਰਾਂ ਲੈਣ ਦਾ ਫੈਸਲਾ ਕੀਤਾ ਹੈ।”