ਕੋਲਾ ਘੋਟਾਲੇ ਵਿੱਚ ਮੈਂ ਸੀਬੀਆਈ ਦਾ ਸਾਹਮਣਾ ਕਰਨ ਲਈ ਤਿਆਰ ਹਾਂ – ਮਨਮੋਹਨ ਸਿੰਘ

www.sabblok.blogspot.com  

ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਕੋਲਾ ਘੋਟਾਲੇ ਉਪਰ ਇੱਕ ਅਹਿਮ ਬਿਆਨ ਦਿੰਦੇ ਹੋਏ ਕਿਹਾ ਕਿ ਉਹ ਇਸ ਮਾਮਲੇ ਵਿੱਚ ਸੀਬੀਆਈ  ਦੀ ਜਾਂਚ ਦਾ ਸਾਹਮਣਾ ਕਰਨ ਦੇ ਲਈ ਤਿਆਰ ਹਨ । ਉਹਨਾਂ ਕਿਹਾ ਕਿ ਉਹ ਦੇਸ਼ ਦੇ ਕਾਨੂੰਨ ਤੋਂ ਉਪਰ ਨਹੀਂ  ਅਤੇ ਇਸ ਮਾਮਲੇ ਵਿੱਚ ਉਹ  ਸੀਬੀਆਈ ਦੀ ਜਾਂਚ ਦਾ ਸਾਹਮਣਾ ਕਰਨ ਲਈ ਤਿਆਰ ਹਨ।
ਪ੍ਰਧਾਨ ਮੰਤਰੀ ਨੇ ਕਿਹਾ ਮੇਰੇ ਕੋਲ ਛੁਪਾਉਣ ਲਈ ਕੁਝ ਨਹੀਂ । ਮਨਮੋਹਨ ਸਿੰਘ ਨੇ ਚੀਨ ਦੇ ਦੌਰੇ ਤੋਂ ਵਾਪਸ ਆਉਂਦੇ ਸਮੇਂ ਵਿਸ਼ੇਸ਼ ਜਹਾਜ਼ ਵਿਚ  ਪੱਤਰਕਾਰਾਂ ਦੇ ਸਵਾਲਾਂ ਦੇ ਜਵਾਬ ਦਿੰਦੇ ਹੋਏ ਇਹ ਗੱਲ  ਕਹੀ ।
 ਜਿ਼ਕਰਯੋਗ ਹੈ ਕਿ  ਹਿਡਾਲਕੋ ਨੂੰ ਕੋਲ ਬਲਾਕ  ਵੰਡ ਵਿੱਚ ਸਾਬਕਾ ਕੋਲ ਸਕੱਤਰ  ਪੀ ਸੀ ਪਾਰੇਖ ਨੇ ਕਿਹਾ ਸੀ ਕਿ ਜੇ ਸੀਬੀਆਓੀ ਸਮਝਦੀ ਹੈ ਬਿਰਲਾ  ਨੂੰ ਮੱਦਦ ਕਰਨ ਦੇ  ਲਈ ਉਹਨਾਂ  ਨੇ   ਸਾਜਿ਼ਸ ਰਚੀ ਹੈ , ਤਾਂ ਇਸ ਵਿੱਚ  ਪ੍ਰਧਾਨ ਮੰਤਰੀ ਨੂੰ  ਨਾਮਜ਼ਦ ਕੀਤਾ ਜਾਣਾ ਚਾਹੀਦਾ ।  ਕੋਲਾ ਸਕੱਤਰ ਨੇ ਇਸ ਬਿਆਨ ਤੋਂ ਬਾਅਦ ਮਨਮੋਹਨ ਸਿੰਘ ਤੇ ਕਾਫੀ ਦਬਾਅ ਵੱਧ ਗਿਆ ਸੀ ।  ਵਿਰੋਧੀ ਧਿਰ ਲਗਾਤਾਰ  ਉਹਨਾਂ ਉਪਰ ਹਮਲੇ ਕਰ ਰਹੀ ਸੀ ।
ਬੀਜੇਪੀ ਦੇ  ਨੇਤ ਯਸਵੰਤ ਸਿਨਹਾ ਨੇ ਪੀਐਮ ਉਪਰ ਹਮਲਾ ਕਰਦੇ ਹੋਏ  ਹੈਰਾਨੀ ਪ੍ਰਗਟ ਕੀਤੀ ਸੀ ਕਿ  ਕੋਲਾ ਬਲਾਕ  ਵੰਡ ਨੂੰ ਅੰਤਿਮ ਮਨਜੂਰੀ ਦੇਣ ਵਾਲਾ ਵਿਅਕਤੀ ਆਪਣੀ ਜਿੰਮੇਵਾਰੀ ਤੋਂ ਕਿਵੇਂ ਬਚ ਸਕਦਾ ਹੈ।
ਮੀਡੀਆ ਕਰਮੀਆਂ ਨਾਲ ਗੱਲਬਾਤ ਕਰਦੇ ਹੋਏ ਪ੍ਰਧਾਨ ਮੰਤਰੀ  ਨੇ ਸੁਪਰੀਮ ਕੋਰਟ  ਉਪਰ ਕਿਸੇ ਵੀ ਤਰ੍ਹਾਂ ਦੀ ਟਿੱਪਣੀ ਕਰਨ ਤੋਂ ਇਨਕਾਰ ਕਰਦੇ ਹੋਏ ਕਿਹਾ , ‘ ਕੋਰਟ ਕੀ ਕਰਦਾ  ਅਤੇ ਕੀ ਨਹੀਂ ਕਰਦਾ ,  ਇਸ ਬਾਰੇ ਮੈਂ ਕੁਝ ਨਹੀਂ ਕਹਾਂਗਾ।’ ਪਰ , ਉਹਨਾ ਨੇ ਕਿਹਾ ਕਿ ਇਸ ਮਾਮਲੇ ਵਿੱਚ ਹਰ ਤਰ੍ਹਾਂ ਦੀ ਜਾਂਚ ਦੇ ਲਈ ਉਹ ਤਿਆਰ ਹਨ।
ਮੈਂ ਨਵਾਜ਼ ਸ਼ਰੀਫ਼ ਤੋਂ ਨਿਰਾਸ਼ ਹਾਂ
 ਪਾਕਿਸਤਾਨ ਦੀ ਸੀਮਾ ਉਪਰ ਯੁੱਧ ਬੰਦੀ ਦੇ ਲਗਾਤਾਰ ਉਲੰਘਣ ਦਾ ਸਵਾਲ ਉਠਾਏ ਜਾਣ ਤੇ ਡਾ: ਮਨਮੋਹਨ ਸਿੰਘ  ਨੇ ਸਖ਼ਤ ਸ਼ਬਦਾਂ ਵਿੱਚ  ਪਾਕਿਸਤਾਨ ਦੀ ਨਿੰਦਾ ਕੀਤੀ । ਉਹਨਾ ਸਾਫ਼ –ਸਾਫ਼ ਕਿਹਾ , ਕਿ ਪਾਕਿਸਤਾਨੀ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਨੇ ਉਹਨਾ ਨੂੰ ਨਿਰਾਸ਼ ਕੀਤਾ ਹੈ।
ਉਹਨਾ ਕਿਹਾ ਨਿਵਾਜ ਸ਼ਰੀਫ਼ ਆਪਣੀ ਭੂਮਿਕਾ  ਸਹੀ ਢੰਗ ਨਾਲ ਨਿਭਾ ਨਹੀਂ ਪਾਏ।
 ਜਿ਼ਕਰਯੋਗ ਹੈ ਕਿ ਨਵਾਜ ਸ਼ਰੀਫ਼ ਦੀਆਂ ਮਿੱਠੀਆਂ- ਮਿੱਠੀਆਂ ਗੱਲਾਂ ਦੇ ਬਾਵਜੂਦ ਸਰਹੱਦ ਤੇ ਪਾਕਿਸਤਾਨੀ ਫੌਜ ਦੇ ਰਵੱਈਏ ਵਿੱਚ ਨਰਮੀ ਨਹੀਂ ਦਿਸਦੀ