ਅਕਾਲੀ-ਭਾਜਪਾ ਗਠਜੋੜ ਹਰ ਮੋਰਚੇ ‘ਤੇ ਨਾਕਾਮ – ਮਨਪ੍ਰੀਤ ਬਾਦਲ

www.sabblok.blogspot.com

ਮੋਗਾ – ਪੀਪਲਜ਼ ਪਾਰਟੀ ਆਫ ਪੰਜਾਬ(ਪੀ. ਪੀ. ਪੀ.) ਦੇ ਪ੍ਰਧਾਨ ਅਤੇ ਸਾਬਕਾ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਨੇ ਸੱਤਾਧਾਰੀ ਅਕਾਲੀ-ਭਾਜਪਾ ਗਠਜੋੜ ‘ਤੇ ਜਾਤੀਵਾਦ ਫੈਲਾ ਕੇ ਦੇਸ਼ ਨੂੰ ਵੰਡਣ ਦਾ ਦੋਸ਼ ਲਗਾਉਂਦੇ ਹੋਏ ਕਿਹਾ ਕਿ ਇਹ ਸਰਕਾਰ ਲੋਕਾਂ ਉਮੀਦਾਂ ਨੂੰ ਪੂਰੀਆਂ ਕਰਨ ਵਿਚ ਅਸਫਲ ਰਹੀ ਹੈ। ਮਨਪ੍ਰੀਤ ਬਾਦਲ ਨੇ ਕਿਹਾ ਕਿ ਅਕਾਲੀ ਸਰਕਾਰ ਨੇ ਚੋਣ ਐਲਾਨ ਪੱਤਰ ‘ਚ ਲੋਕਾਂ ਨਾਲ ਕੀਤੇ ਵਾਅਦੇ ਪੂਰੇ ਨਹੀਂ ਕੀਤੇ ਅਤੇ ਨਾ ਹੀ ਕੋਈ ਸਕੀਮ ਸ਼ੁਰੂ ਕੀਤੀ ਤਾਂ ਜੋਂ ਇਸ ਸਰਕਾਰ ‘ਤੇ ਭਰੋਸਾ ਕੀਤਾ ਜਾ ਸਕੇ। ਸ਼ਗਨ ਸਕੀਮ, ਪੈਨਸ਼ਨ ਸਮੇਤ ਹੋਰ ਸਕੀਮਾਂ ਮਾੜੀ ਕਿਸਮਤ ਨਾਲ ਇਸ ਸਰਕਾਰ ਦੇ ਆਉਂਦੇ ਹੀ ਬੰਦ ਹੋ ਗਈਆਂ ਕਿਉਂਕਿ ਸਰਕਾਰ ਦਾ ਖਜ਼ਾਨਾ ਖਾਲੀ ਹੈ। ਮਨਪ੍ਰੀਤ ਨੇ ਅਡਵਾਂਸ ਟੈਕਸ ਅਤੇ ਇਨਕਮ ਨੀਤੀ ਦੀ ਨਿੰਦਾ ਕਰਦੇ ਹੋਏ ਕਿਹਾ ਕਿ ਕਾਲੋਨਾਈਜਰਸ ‘ਤੇ ਟੈਕਸੇਸ਼ਨ ਸੂਬੇ ਦੇ ਉਦਯੋਗ ਲਈ ਨੁਕਸਾਨਦੇਹ ਅਤੇ ਨਾਜਾਇਜ਼ ਹੋਵੇਗਾ। ਭਾਰੀ ਕਰ ਅਤੇ ਕਰ ਨੀਤੀ ਕਾਰਣ ਸੂਬੇ ਦਾ ਉਦਯੋਗ ਹਿਮਾਚਲ ਪ੍ਰਦੇਸ਼ ਦੇ ਹੱਥਾਂ ‘ਚ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸੂਬੇ ਵਿਚ ਕਰ ਦਾਤਾਵਾਂ ਦੀ ਹਾਲਤ ਦੁੱਖਦਾਈ ਹੈ। ਕਾਂਗਰਸ ਡੁੱਬਦਾ ਜਹਾਜ਼ ਹੈ ਅਤੇ ਪਾਰਟੀ ਦਾ ਕਾਂਗਰਸ ‘ਚ ਟੁੱਟਣਾ ਸੰਭਵ ਨਹੀਂ ਹੈ ਅਤੇ ਮੌਜੂਦਾ ਹਾਲਾਤ ‘ਚ ਚੋਣਾਂ ਦੇ ਤਾਲਮੇਲ ਸਮੇਂ ਦੀ ਲੋੜ ਹੈ। ਪੀ. ਪੀ. ਪੀ. ਦੇ ਬਿਨਾਂ ਕਾਂਗਰਸ ਲਈ ਲੋਕ ਸਭਾ ਚੋਣਾਂ ‘ਚ ਆਪਣੀ ਬੇੜੀ ਪਾਰ ਲਗਾਉਣਾ ਸੌਖਾ ਨਹੀਂ ਹੋਵੇਗਾ।