ਅਗਵਾ ਹੋਈ ਲੜਕੀ ਵਿਧਾਇਕ ਦੇ ਘਰੋਂ ਬਰਾਮਦ

www.sabblok.blogspot.com

 ਆਗਰਾ: ਗੁੰਡਗਰਦੀ ਤੋਂ ਬਾਜ਼ ਆਉਣ ਦੀਆਂ  ਨਸੀਹਤਾਂ ਦਾ ਸਮਜਾਵਾਦੀ ਪਾਰਟੀ ਦੇ ਨੇਤਾਵਾਂ  ਉਪਰ ਕੋਈ ਅਸਰ ਨਹੀਂ ਹੋ ਰਿਹਾ । ਆਗਰਾ ਦੇ ਸਿਕੰਦਰਾ ਤੋਂ ਸਵਾ ਮਹੀਨਾ  ਪਹਿਲਾਂ ਅਗਵਾ ਨਾਬਾਲਿਗ ਵਿਦਿਆਰਥਣ   ਨੂੰ ਸਿਰਸਾਗੰਜ ਦੇ ਸਮਾਜਵਾਦੀ ਪਾਰਟੀ  ਦੇ ਵਿਧਾਇਕ  ਹਰੀ  ਓਮ  ਯਾਦਵ  ਦੇ ਘਰੋਂ ਬਰਾਮਦ ਹੋਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ ।
ਪੀੜਤ ਲੜਕੀ ਨੇ  ਦੱਸਿਆ ਕਿ ਉਸਨੂੰ ਵਿਧਾਇਕ ਦੇ ਘਰ  ਬੰਦੀ ਬਣਾ ਕੇ ਰੱਖਿਆ ਗਿਆ ਅਤੇ ਉਸਦੇ ਨਾਲ ਬਲਾਤਕਾਰ ਵੀ ਹੋਇਆ । ਹਾਲਾਂਕਿ , ਪੁਲੀਸ ਵਿਧਾਇਕ ਦੇ ਘਰ ਤੋਂ ਬਰਾਮਦਗੀ  ਦੀ ਗੱਲ ਤੋਂ ਇਨਕਾਰ ਕਰ ਰਹੀ ਹੈ।
ਪੁਲੀਸ ਨੇ ਵਿਦਿਆਰਥਣ ਨੂੰ ਸਿ਼ਕੋਹਾਬਾਦ ਦੇ ਰੇਲਵੇ ਸਟੇਸ਼ਨ ਤੋਂ ਬਰਾਮਦ ਕਰਨ ਦੀ ਗੱਲ ਆਖੀ ਹੈ।
ਪੀੜਤ ਲੜਕੀ ਨੇ  ਵਿਧਾਇਕ ਉਪਰ ਦੋਸ਼ ਲਾਇਆ ਕਿ ਉਹ ਅਗਵਾਕਾਰਾਂ ਨੂੰ ਛੱਤਰ ਛਾਇਆ ਮੁਹੱਈਆ ਕਰਵਾ ਰਿਹਾ  ਸੀ ।
ਟੂਲਾ ਖਟੀਕ ਨਿਵਾਸੀ 9ਵੀਂ ਜਮਾਤ ਦੀ  14 ਸਾਲਾ ਲੜਕੀ   ਸਿੰਕਦਰਾਬਾਦ ਦੇ ਕੇਕੇ ਨਗਰ ਵਿੱਚ ਰਹਿਣ ਵਾਲੇ ਆਪਣੇ ਚਾਚਾ ਕੋਲ  ਆਈ ਸੀ ।  ਕਿਸੇ  ਗੱਲ ਨੂੰ ਲੈ ਕੇ ਪੀੜਤ ਲੜਕੀ  ਦਾ  ਚਾਚੇ  ਦਾ ਗੁਆਂਢ ਵਿੱਚ ਰਹਿੰਦੇ ਨੌਜਵਾਨ ਅੰਕੁਰ ਨਾਲ ਝਗੜਾ ਹੋ ਗਿਆ ।  13 ਨਵੰਬਰ ਨੂੰ ਅੰਕੁਰ ਨੇ ਆਪਣੇ ਸਾਥੀਆਂ ਨਾਲ ਮਿਲਕੇ  ਉਸ ਲੜਕੀ ਨੂੰ ਅਗਵਾ ਕਰ ਲਿਆ।
ਇਸਦੀ ਰਿਪੋਰਟ ਸਿਕੰਦਰਾ ਥਾਣੇ ਵਿੱਚ  ਅੰਕੁਰ ਅਤੇ ਉਸਦੇ ਪਰਿਵਾਰ ਖਿਲਾਫ਼ ਦਰਜ ਕਰਵਾਈ ਗਈ । ਪੁਲੀਸ  ਨੇ ਆਗਰਾ ਅਤੇ ਫਿਰੋਜ਼ਾਬਾਦ ਵਿੱਚ ਕਈ ਟਿਕਾਣਿਆਂ ਤੇ  ਛਾਪੇ ਮਾਰੇ ਤਾਂ ਪਤਾ ਲੱਗਿਆ ਕਿ  ਲੜਕੀ ਨੂੰ ਅਗਵਾ ਕਰਕੇ ਵਿਧਾਇਕ ਹਰੀਓਮ ਯਾਦਵ ਦੇ ਸਿ਼ਕੋਹਾਬਾਦ ਸਥਿਤ ਘਰ ਵਿੱਚ ਰੱਖਿਆ ਗਿਆ ਹੈ।
ਪਰਿਵਾਰ ਵਾਲਿਆਂ ਦਾ ਦਾਅਵਾ ਹੈ ਕਿ ਵੀਰਵਾਰ  ਦੁਪਹਿਰ  ਸਿਕੰਦਰਾ ਪੁਲੀਸ ਦੀ ਮੱਦਦ ਨਾਲ ਪੀੜਤ ਲੜਕੀ ਨੂੰ  ਵਿਧਾਇਕ ਦੀ ਕੋਠੀ ਵਿੱਚੋਂ ਮੁਕਤ ਕਰਾਇਆ ਹੈ। ਪੀੜਤ ਕੁੜੀ ਨੇ ਪਰਿਵਾਰ ਨੂੰ ਦੱਸਿਆ ਕਿ  ਅੰਕੁਰ ਨੇ ਉਸਨੂੰ ਵਿਧਾਇਕ ਦਾ ਘਰ ਕਾਫੀ ਦਿਨਾਂ ਤੋਂ ਕੈਦ ਕਰਕੇ ਰੱਖਿਆ ਸੀ ।
ਪਰ ਪੁਲੀਸ ਨੇ  ਵਿਧਾਇਕ ਦੇ ਘਰੋਂ ਬਰਾਮਦਗੀ ਤੋਂ ਇਨਕਾਰ ਕੀਤਾ ਹੈ।
ਜਦੋਂ ਲੜਕੀ ਨੂੰ ਲਿਆਂਦਾ ਗਿਆ ਤਾਂ ਪੀੜਤ ਲੜਕੀ ਦੇ ਪਰਿਵਾਰ ਅਤੇ ਪੁਲੀਸ ਵਾਲਿਆਂ ਵਿਚਕਾਰ ਤਲਖਕਲਾਖੀ ਵੀ ਹੋਈ । ਪੀੜਤ ਲੜਕੀ ਦਾ ਮੈਡੀਕਲ ਕਰਵਾਉਣ ਮਗਰੋਂ  ਮੈਜਿਸਟ੍ਰੇਟ ਦੇ ਸਾਹਮਣੇ ਲਿਜਾ ਕੇ ਉਸਦੇ ਬਿਆਨ ਦਰਜ ਕੀਤੇ ਜਾਣਗੇ।
ਪਰਿਵਾਰ ਵਾਲਿਆਂ ਦਾ ਕਹਿਣਾ ਹੈ ਕਿ  ਲੜਕੀ ਨੂੰ ਵਿਧਾਇਕ  ਦੇ ਘਰ ਬੰਦੀ ਬਣਾ ਰੱਖਣ ਦੀ ਜਾਣਕਾਰੀ 20 ਨਵੰਬਰ ਨੂੰ ਮਿਲ ਗਈ ਸੀ । ਪਰ ਸਿਰਸਾਗੰਜ ਦੇ ਇੱਕ ਗ੍ਰਾਮ ਪ੍ਰਧਾਨ ( ਸਰਪੰਚ) ਨੇ  ਲੜਕੀ ਬਰਾਮਦ ਕਰਾਉਣ  ਬਦਲੇ  ਇੱਕ ਲੱਖ ਰੁਪਏ ਦੀ ਮੰਗ ਕੀਤੀ ਸੀ ।
ਪੀੜਤ ਪਰਿਵਾਰ ਨੂੰ ਸਮਝੌਤਾ ਕਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ ।