ਮੁੰਬਈ- ਰਿਐਲਿਟੀ ਸ਼ੋਅ 'ਬਿਗ ਬੌਸ' ਸੀਜ਼ਨ ਅੱਠ ਨੇ ਕੱਲ੍ਹ ਟੀ.ਵੀ. 'ਤੇ ਧਮਾਕੇਦਾਰ ਐਂਟਰੀ ਕੀਤੀ। ਸ਼ੋਅ 'ਚ ਸਾਰੇ 15 ਪ੍ਰਤੀਭਾਗੀਆਂ ਨੇ ਆਪਣੀ ਪਰਫਾਰਮੈਂਸ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ ਪਰ ਇਨ੍ਹਾਂ ਸਾਰਿਆਂ 'ਚੋਂ ਜਿਸ ਪ੍ਰਤੀਭਾਗੀ ਨੇ ਸਭ ਦੀਆਂ ਨਜ਼ਰਾਂ ਆਪਣੇ ਵੱਲ ਖਿੱਚ ਲਈਆਂ ਉਹ ਸੀ ਸਰਬੀਆ ਦੀ ਨਤਾਸ਼ਾ ਸਟੈਨਕੋਵਿਕ। ਸ਼ੋਅ 'ਚ ਨਤਾਸ਼ਾ ਦੀ ਹੌਟ ਪਰਫਾਰਮੈਂਸ ਨੇ ਸਟੇਜ 'ਤੇ ਅੱਗ ਲਗਾ ਦਿੱਤੀ ਸੀ। 'ਬਿਗ ਬੌਸ 8' ਦੇ ਪ੍ਰੀਮੀਅਰ 'ਤੇ ਨਤਾਸ਼ਾ ਨੇ ਸੰਨੀ ਲਿਓਨ ਦੇ 'ਬੇਬੀ ਡੋਲ' ਅਤੇ ਕੈਟਰੀਨਾ ਕੈਫ ਦੇ 'ਕਮਲੀ' ਗੀਤ 'ਤੇ ਪਰਫਾਰਮ ਕੀਤਾ।
ਨਤਾਸ਼ਾ ਦੀ ਇਸ ਹੌਟ ਪਰਫਾਰਮਰ ਨੂੰ ਦੇਖ ਦੇ ਸਲਮਾਨ ਵੀ ਹੈਰਾਨ ਰਹਿ ਗਏ ਸਨ। ਨਤਾਸ਼ਾ ਨੇ ਪਰਫਾਰਮਰ ਤੋਂ ਬਾਅਦ ਸਲਮਾਨ ਖਾਨ ਦੇ ਨਾਲ ਸੈਲਫੀ ਵੀ ਲਈ।
ਪ੍ਰੀਮੀਅਰ ਦੌਰਾਨ ਸਲਮਾਨ ਖਾਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਜਿਹੀ ਫੀਲਿੰਗ ਆ ਰਹੀ ਹੈ ਕਿ ਨਾਤਾਸ਼ਾ ਦਾ ਹਾਲ ਬਿਲਕੁੱਲ ਉਸ ਤਰ੍ਹਾਂ ਦਾ ਹੋਵੇਗਾ ਜਿਸ ਤਰ੍ਹਾਂ ਪਿਛਲੇ ਸਾਲ ਏਮੀ ਅਵਰਾਮ ਦਾ ਸੀ। ਇਥੋਂ ਤੱਕ ਕਿ ਸਲਮਾਨ ਨੂੰ ਇਹ ਵੀ ਲੱਗਦਾ ਹੈ ਕਿ ਨਤਾਸ਼ਾ ਬਾਕੀ ਪ੍ਰਤੀਭਾਗੀਆਂ ਦੀ ਤੁਲਨਾ ਨਾਲੋਂ ਸਭ ਤੋਂ ਵੱਧ ਅਤੇ ਸਭ ਤੋਂ ਪਹਿਲਾਂ ਹੰਝੂ ਵਹਾਉਣ ਵਾਲੀ ਹੈ।
ਸਾਲ 2012 'ਚ ਸਰਬੀਆ ਤੋਂ ਭਾਰਤ ਆਈ ਨਤਾਸ਼ਾ ਨੇ ਕੁਝ ਟੈਲੀਵੀਜ਼ਨ ਵਿਗਿਆਪਨਾਂ 'ਚ ਵੀ ਕੰਮ ਕੀਤਾ ਹੈ। ਇੰਨਾ ਹੀ ਨਹੀਂ ਕੁਝ ਹੀ ਮਹੀਨੇ ਪਹਿਲਾਂ ਉਹ ਇਕ ਵਿਗਿਆਪਨ 'ਚ ਰਣਵੀਰ ਸਿੰਘ ਦੇ ਨਾਲ ਨਜ਼ਰ ਆਈ ਸੀ। ਨਤਾਸ਼ਾ ਪ੍ਰਕਾਸ਼ ਝਾ ਦੀ ਫਿਲਮ 'ਸੱਤਿਆਗ੍ਰਹਿ' ਦੇ ਆਈਟਮ ਨੰਬਰ 'ਚ ਨਜ਼ਰ ਆਈ ਸੀ। ਨਤਾਸ਼ਾ ਆਪਣੇ ਪਰਿਵਾਰ 'ਚੋਂ ਇਕਮਾਤਰ ਅਜਿਹੀ ਮੈਂਬਰ ਹੈ ਜਿਸ ਨੇ ਗਲੈਮਰ ਇੰਡਸਟਰੀ 'ਚ ਕੈਰੀਅਰ ਬਣਾਇਆ ਹੈ।