ਬਾਬਾ ਰਾਮਦੇਵ ਨੇ ਕੇਂਦਰ ਸਰਕਾਰ 'ਤੇ ਸਾਧਿਆ ਨਿਸ਼ਾਨਾ

www.sabblok.blogspot.com

ਨਵੀਂ ਦਿੱਲੀ, 4 ਜਨਵਰੀ (ਏਜੰਸੀ)- ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਇਕ ਵਾਰ ਫਿਰ ਕੇਂਦਰ ਸਰਕਾਰ 'ਤੇ ਨਿਸ਼ਾਨਾ ਵਿਨ੍ਹਦਿਆਂ ਕਿਹਾ ਹੈ ਕਿ ਕਾਂਗਰਸ ਦੀ ਗਲਤ ਨੀਤੀਆਂ ਕਾਰਨ ਮਹਿੰਗਾਈ ਵਧੀ ਹੈ। ਉਨ੍ਹਾਂ ਨੇ ਪ੍ਰੈਸ ਕਾਨਫਰੰਸ ਦੇ ਦੌਰਾਨ ਕਿਹਾ ਕਿ ਦੇਸ਼ ਨੂੰ ਅੱਜ ਵੀ ਆਰਥਿਕ ਅਜ਼ਾਦੀ ਨਹੀਂ ਮਿਲੀ ਹੈ। ਦੇਸ਼ ਦੇ ਵਜ਼ੀਰ ਨੂੰ ਨਹੀਂ ਦਿਖਦਾ ਤਾਂ ਫਕੀਰ ਨੂੰ ਹੱਲ ਦੇਣਾ ਪੈਂਦਾ ਹੈ। ਰਾਮਦੇਵ ਨੇ ਕਾਂਗਰਸ ਦੀ ਆਰਥਿਕ ਨੀਤੀਆਂ 'ਤੇ ਹਮਲਾ ਕਰਦੇ ਹੋਏ ਕਿਹਾ ਕਿ ਦੇਸ਼ 'ਚ ਆਰਥਿਕ ਤਾਨਾਸ਼ਾਹੀ ਕਾਇਮ ਹੈ, 20 ਰੁਪਏ ਦਾ ਪਟਰੋਲ 250 ਰੁਪਏ 'ਚ ਮਿਲ ਰਿਹਾ ਹੈ। 250 ਦਾ ਸਿਲੰਡਰ 1200 ਰੁਪਏ 'ਚ ਮਿਲ ਰਿਹਾ ਹੈ। ਕਾਂਗਰਸ ਦੀ ਆਰਥਿਕ ਨੀਤੀਆਂ ਨੇ ਜਨਾਜ਼ਾ ਕੱਢ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਦੇਸ਼ 'ਚ ਸਾਰੇ ਟੈਕਸ ਖਤਮ ਹੋਣੇ ਚਾਹੀਦੇ ਹਨ, ਪੂਰੇ ਦੇਸ਼ 'ਚ ਸਿੰਗਲ ਟੈਕਸ ਵਿਵਸਥਾ ਲਾਗੂ ਹੋਣੀ ਚਾਹੀਦੀ ਹੈ। ਵੱਡੀ ਕਰੰਸੀ ਵਾਪਸ ਲੈਣ ਦੀ ਜਰੂਰਤ ਹੈ। ਆਰਥਿਕ ਨੀਤੀਆਂ 'ਚ ਸੁਧਾਰ ਹੋਣ ਨਾਲ ਵਸਤਾਂ ਅੱਧੀਆਂ ਕੀਮਤਾਂ 'ਤੇ ਹੋਣਗੀਆਂ। ਟੈਕਸ ਜਿਆਦਾ ਹੁੰਦਾ ਹੈ ਤਾਂ ਜਨਤਾ ਗਰੀਬ ਹੋ ਜਾਂਦੀ ਹੈ। ਉਨ੍ਹਾਂ ਨੇ ਭਾਜਪਾ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੇ ਉਮੀਦਵਾਰ ਨੂੰ ਵੀ ਨਸੀਹਤ ਦਿੰਦੇ ਹੋਏ ਕਿਹਾ ਕਿ ਮੋਦੀ ਨੂੰ ਮੁੱਦਿਆਂ 'ਤੇ ਸਮਰਥਨ ਦਿੰਦੇ ਹਾਂ ਜੇ ਉਹ ਕਾਲੇ ਧਨ 'ਤੇ ਨੀਤੀ ਬਣਾਉਣ ਤਾਂ ਉਨ੍ਹਾਂ ਦਾ ਸਮਰਥਨ ਕਰਨਗੇ।