ਮਨਪ੍ਰੀਤ ਬਾਦਲ ਨੇ ਬਠਿੰਡਾ ਹਲਕੇ ਲਈ ਕਾਗਜ ਦਾਖਲ ਕੀਤੇ

www.sabblok.blogspot.com

ਸਰਕਾਰੀ ਮਸੀਨਰੀ ਦੀ ਬਾਦਲ ਪਰਿਵਾਰ ਵੱਲੋਂ ਰੱਜ ਕੇ ਦੁਰਵਰਤੋਂ ਕੀਤੀ ਜਾ ਰਹੀ ਹੈ

ਬਠਿੰਡਾ/4 ਅਪਰੈਲ/ ਬੀ ਐਸ ਭੁੱਲਰ

        ਆਪਣੇ ਸਹਿਯੋਗੀਆਂ ਆਗੂਆਂ ਇੱਥੋਂ ਤੱਕ ਕਿ ਰਾਜਸੀ ਗੁਰੂ ਨੂੰ ਠਿੱਬੀ ਲਾ ਕੇ ਸੱਤ੍ਹਾ ਦੇ ਸਿਖ਼ਰ ਤੇ ਪੁੱਜੇ ਸ੍ਰ: ਪ੍ਰਕਾਸ ਸਿੰਘ ਬਾਦਲ ਨੇ ਆਪਣਾ ਮਸਲਾ ਤਾਂ ਕੋਈ ਰਹਿਣ ਨਹੀਂ ਦਿੱਤਾ, ਲੇਕਿਨ ਆਮ ਜਨਤਾ ਦੀਆਂ ਮੁਸਕਿਲਾਂ ਬਰਕਰਾਰ ਹਨ। ਇਹ ਵਿਚਾਰ ਪ੍ਰਗਟ ਕਰਦਿਆਂ ਲੋਕ ਸਭਾ ਹਲਕਾ ਬਠਿੰਡਾ ਤੋਂ ਪੀਪਲਜ ਪਾਰਟੀ, ਕਾਂਗਰਸ ਅਤੇ ਸੀ ਪੀ ਆਈ ਦੇ ਸਾਂਝੇ ਉਮੀਦਵਾਰ ਮਨਪ੍ਰੀਤ ਬਾਦਲ ਨੇ ਚੋਣ ਕਮਿਸਨ ਤੋਂ ਮੰਗ ਕੀਤੀ ਕਿ ਇਸ ਅਤੀ ਸੁਖਮ ਹਲਕੇ ਦੀਆਂ ਵੋਟਾਂ ਪਵਾਉਣ ਲਈ ਸਲਿੱਪਾਂ ਵਾਲੀਆਂ ਇਲੈਕਟਰੋਨਿਕ ਮਸੀਨਾਂ ਇਸਤੇਮਾਲ ਕੀਤੀਆਂ ਜਾਣ।

* ਵੋਟਾਂ ਲਈ ਸਲਿੱਪਾਂ ਵਾਲੀਆਂ ਇਲੈਕਟਰੋਨਿਕ ਮਸੀਨਾਂ ਇਸਤੇਮਾਲ ਕੀਤੀਆਂ ਜਾਣ

* ਚੋਣ ਕਮਿਸਨ ਦਿਖਾਵੇ ਵਾਲੇ ਦੰਦਾਂ ਦੀ ਸਖ਼ਤੀ ਨਾਲ ਵਰਤੋਂ ਕਰ

* ਲੋਕਾਂ ਨੂੰ ਜਾਲਮ ਰਾਜ ਦੇ ਖੂਨੀ ਪੰਜਿਆਂ ਤੋਂ ਬਚਾਉਣ ਲਈ ਜੱਦੋਜਹਿਦ ਸੁਰੂ ਕੀਤੀ ਹੋਈ ਹੈ

* ਜਹਿਰੀ ਸੱਪ ਦੇ ਖਾਤਮੇ ਲਈ ਉਸਦੀ ਪੂਛ ਨਾਲੋਂ ਕਿਤੇ ਵੱਧ ਜਰੂਰੀ ਸਿਰੀ ਕੁੱਟਣਾ ਹੈ

* ਸੋਨੀਆਂ, ਰਾਹੁਲ, ਪ੍ਰਿਯਕਾ, ਕੈਪਟਨ, ਬਾਜਵਾ, ਦਿਆਲ, ਬਰਨਾਲਾ ਪੁੱਜਣਗੇ

   ਨਾਮਜਦਗੀ ਕਾਗਜ ਦਾਖਲ ਕਰਨ ਉਪਰੰਤ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਮਨਪ੍ਰੀਤ ਨੇ ਕਿਹਾ ਕਿ ਉਹਨਾਂ ਦੀ ਲੜਾਈ ਸਿਰਫ ਅਕਾਲੀ ਦਲ ਨਾਲ ਹੀ ਨਹੀਂ ਬਲਕਿ ਸਮੁੱਚੀ ਪੰਜਾਬ ਸਰਕਾਰ ਨਾਲ ਹੈ, ਕਿਉਂਕਿ ਸੂਬੇ ਦੀ ਸਾਰੀ ਸਰਕਾਰੀ ਮਸੀਨਰੀ ਦੀ ਉਹਨਾਂ ਦੇ ਵਿਰੋਧੀ ਬਾਦਲ ਪਰਿਵਾਰ ਵੱਲੋਂ ਰੱਜ ਕੇ ਦੁਰਵਰਤੋਂ ਕੀਤੀ ਜਾ ਰਹੀ ਹੈ। ਮਲੋਟ ਨੇੜਲੇ ਛਾਪਿਆਂਵਾਲੀ ਪੋਲੀਟੈਕਨਿਕ ਕਾਲਜ ਦੇ ਸਕੱਤਰ ਦੇ ਅਹੁਦੇ ਤੋਂ ਅਸਤੀਫਾ ਦੇ ਚੁੱਕੇ ਬਲਵਿੰਦਰ ਸਿੰਘ ਨੂੰ ਪੇਸ ਕਰਦਿਆਂ ਉਹਨਾਂ ਦੱਸਿਆ ਕਿ ਉਸਨੂੰ ਇਸ ਰੁਤਬੇ ਤੋਂ ਇਸ ਲਈ ਅਲਹਿਦਾ ਹੋਣਾ ਪੈ ਗਿਐ, ਕਿਉਂਕਿ ਖ਼ੁਦ ਮੁੱਖ ਮੰਤਰੀ ਸ੍ਰ: ਬਾਦਲ ਨੇ ਇਹ ਸੁਨੇਹਾ ਭੇਜਿਆ ਸੀ ਕਿ ਅਗਰ ਉਸਨੇ ਅਜਿਹਾ ਨਾ ਕੀਤਾ ਤਾਂ ਸਾਂਝੇ ਮੋਰਚੇ ਦੇ ਉਮੀਦਵਾਰ ਦੀ ਮੱਦਦ ਕਰਨ ਬਦਲੇ ਭਿਆਨਕ ਨਤੀਜੇ ਭੁਗਤਣੇ ਪੈਣਗੇ।

        ਵਾਰ ਵਾਰ ਸਿਕਾਇਤਾਂ ਕਰਨ ਦੇ ਬਾਵਜੂਦ ਵੀ ਅਹੁਦੇ ਦੀ ਦੁਰਵਰਤੋਂ ਕਰਨ ਵਾਲੇ ਸਰਕਾਰੀ ਅਧਿਕਾਰੀਆਂ ਵਿਰੁੱਧ ਕੋਈ ਕਾਰਵਾਈ ਨਾ ਕਰਨ ਤੇ ਨਿਰਾਸ਼ਾ ਪ੍ਰਗਟ ਕਰਦਿਆਂ ਮਨਪ੍ਰੀਤ ਨੇ ਅਪੀਲ ਕੀਤੀ ਕਿ ਲੋਕ ਰਾਜ ਨੂੰ ਸੱਦਾਮ ਹੁਸੈਨਾ ਤੇ ਹੋਸੀ ਮੁਬਾਰਕਾਂ ਦੀ ਮੁਥਾਜੀ ਤੋਂ ਬਚਾਉਣ ਲਈ ਚੋਣ ਕਮਿਸਨ ਨੂੰ ਚਾਹੀਦਾ ਹੈ ਕਿ ਉਹ ਦਿਖਾਵੇ ਵਾਲੇ ਦੰਦਾਂ ਦੀ ਸਖ਼ਤੀ ਨਾਲ ਵਰਤੋਂ ਕਰੇ। ਰਾਜਨੀਤਕ ਦਾਦਾਗਿਰੀ ਦੇ ਚਲਦਿਆਂ ਬਠਿੰਡਾ ਨੂੰ ਦੇਸ ਦੇ ਪੰਦਰਾਂ ਅਤੀ ਸੰਗੀਨ ਹਲਕਿਆਂ ਚੋਂ ਇੱਕ ਹੋਣ ਨੂੰ ਲੋਕਤੰਤਰ ਲਈ ਮੰਦਭਾਗਾ ਮਨਦਿਆਂ ਉਹਨਾਂ ਮੰਗ ਕੀਤੀ ਕਿ ਸਾਫ਼ ਸੁਥਰੀਆਂ ਚੋਣਾਂ ਕਰਵਾਉਣ ਲਈ ਸਲਿੱਪਾਂ ਵਾਲੀਆਂ ਇਲੈਕਟਰੋਨਿਕ ਮਸ਼ੀਨਾਂ ਇਸਤੇਮਾਲ ਕੀਤੀਆਂ ਜਾਣ।

        ਮੁੱਖ ਮੰਤਰੀ ਵਲੋਂ ਉਹਨਾਂ ਤੇ ਵਾਰ ਵਾਰ ਲਾਏ ਜਾ ਰਹੇ ਇਸ ਦੋਸ ਕਿ ਉਹਨਾਂ ਆਪਣੀ ਮਾਂ ਪਾਰਟੀ ਅਕਾਲੀ ਦਲ ਨਾਲ ਬੇਵਫ਼ਾਈ ਕੀਤੀ ਹੈ, ਨੂੰ ਸਿਰੇ ਤੋਂ ਰੱਦ ਕਰਦਿਆਂ ਮਨਪ੍ਰੀਤ ਨੇ ਸੁਆਲ ਕੀਤੀ ਕਿ ਸੱਤ੍ਹਾ ’ਚ ਹੁੰਦਿਆਂ ਉਹਨਾਂ ਜੇਕਰ ਭ੍ਰਿਸਟਾਚਾਰ ਜਾਂ ਇਖਲਾਕਹੀਣਤਾ ਵਾਲਾ ਕੋਈ ਕੰਮ ਕੀਤੈ ਤਾਂ ਉਹ ਬੇਝਿਜਕ ਅਜਿਹੇ ਦੋਸ਼ ਨੂੰ ਮੰਨਣ ਲਈ ਤਿਆਰ ਹਨ, ਲੇਕਿਨ ਹਕੀਕਤ ਇਹ ਹੈ ਕਿ ਅਹਿਮ ਵਜਾਰਤ ਨੂੰ ਠੋਕਰ ਮਾਰਦਿਆਂ ਉਹਨਾਂ ਉਹ ਰਾਹ ਅਪਣਾਇਆ ਹੈ, ਜਿਸਤੇ ਨੰਗੇ ਧੜ ਤੁਰ ਕੇ ਲੋਕਾਂ ਨੂੰ ਜਾਲਮ ਰਾਜ ਦੇ ਖੂਨੀ ਪੰਜਿਆਂ ਤੋਂ ਬਚਾਉਣ ਲਈ ਜੱਦੋਜਹਿਦ ਸੁਰੂ ਕੀਤੀ ਹੋਈ ਹੈ।

        ਬਾਦਲ ਪਰਿਵਾਰ ਵੱਲੋਂ ਬਠਿੰਡਾ ਨੂੰ ਪੈਰਿਸ ਤੇ ਕੈਲੇਫੋਰਨੀਆਂ ’ਚ ਤਬਦੀਲ ਕਰਨ ਦੇ ਦਾਅਵਿਆਂ ਤੇ ਸੁਆਲ ਖੜਾ ਕਰਦਿਆਂ ਉਹਨਾਂ ਪੁੱਛਿਆ ਕਿ ਉਹ ਜਰਾ ਇਹ ਤਾਂ ਦੱਸਣ ਕਿ ਇਸ ਇਲਾਕੇ ਨੂੰ ਕੈਂਸਰ ਅਤੇ ਨਸ਼ਿਆਂ ਵਰਗੀਆਂ ਅਲਾਮਤਾਂ ਤੋਂ ਇਲਾਵਾ ਉਹਨਾਂ ਨੇ ਹੋਰ ਦਿੱਤਾ ਹੀ ਕੀ ਹੈ। ਵੋਟਰਾਂ ਨੂੰ ਭਾਵੁਕ ਅਪੀਲ ਕਰਦਿਆਂ ਮਨਪ੍ਰੀਤ ਨੇ ਸੱਦਾ ਦਿੱਤਾ ਕਿ ਜਹਿਰੀ ਸੱਪ ਦੇ ਖਾਤਮੇ ਲਈ ਉਸਦੀ ਪੂਛ ਤੇ ਸੱਟ ਮਾਰਨ ਨਾਲੋਂ ਕਿਤੇ ਵੱਧ ਜਰੂਰੀ ਸਿਰੀ ਕੁੱਟਣਾ ਹੈ। ਮਨਪ੍ਰੀਤ ਨੇ ਦੱਸਿਆ ਕਿ ਕਿਸੇ ਹੋਰ ਮਨਪ੍ਰੀਤ ਬਾਦਲ ਦੇ ਕਾਗਜ ਭਰਵਾ ਕੇ ਪਤੰਗ ਚੋਣ ਨਿਸਾਨ ਹਥਿਆਉਣ ਲਈ ਬਾਦਲਾਂ ਦੇ ਹੱਥਕੰਡਿਆਂ ਨੂੰ ਅਸਫਲ ਬਣਾਉਣ ਵਾਸਤੇ ਉਹਨਾਂ ਨੇ ਕਾਂਗਰਸ ਪਾਰਟੀ ਦੇ ਚੋਣ ਨਿਸਾਨ ਪੰਜੇ ਤੇ ਚੋਣ ਲੜਣ ਦਾ ਫੈਸਲਾ ਲਿਆ ਹੈ।

        ਇਹ ਵਿਚਾਰ ਪ੍ਰਗਟ ਕਰਦਿਆਂ ਕਿ ਰਾਜਨੀਤਕ ਆਗੂਆਂ ਨੂੰ ਕਿਸੇ ਵਿਅਕਤੀ ਵਿਸੇਸ਼ ਨਾਲੋਂ ਧਰਤੀ ਮਾਂ ਅਤੇ ਕੌਮ ਪ੍ਰਤੀ ਵਫ਼ਾਦਾਰੀ ਨਿਭਾਉਣੀ ਚਾਹੀਦੀ ਹੈ, ਮਨਪ੍ਰੀਤ ਨੇ ਸੀਨੀਅਰ ਬਾਦਲ ਨੂੰ ਸੁਆਲ ਕੀਤਾ ਕਿ ਉਹ ਉਸ ਉਪਰ ਦਗਾ ਕਮਾਉਣ ਦੇ ਦੋਸ ਲਾਉਣ ਤੋਂ ਪਹਿਲਾਂ ਆਪਣੀ ਜਮੀਰ ਤੋਂ ਇਹ ਤਾਂ ਪੁੱਛਣ ਕਿ ਸੱਤ੍ਹਾ ਦੇ ਸਿਖ਼ਰਲੇ ਟੰਬੇ ਤੇ ਚੜਣ ਲਈ ਉਹਨਾਂ ਜਥੇਦਾਰ ਮੋਹਨ ਸਿੰਘ ਤੁੜ, ਜਗਦੇਵ ਸਿੰਘ ਤਲਵੰਡੀ, ਸੰਤ ਹਰਚੰਦ ਸਿੰਘ ਲੌਂਗੋਵਾਲ, ਜ: ਗੁਰਚਰਨ ਸਿੰਘ ਟੌਹੜਾ ਇੱਥੋਂ ਤੱਕ ਕਿ ਆਪਣੇ ਰਾਜਸੀ ਗੁਰੂ ਸ੍ਰ: ਤੇਜਾ ਸਿੰਘ ਬਾਦਲ ਨੂੰ ਵੀ ਠਿੱਬੀ ਲਾਉਣ ਤੋਂ ਗੁਰੇਜ ਕਿਉਂ ਨਾ ਕੀਤਾ।

        ਸਰਕਾਰੀ ਅਫ਼ਸਰਾਂ ਨੂੰ ਨਿਰਪੱਖਤਾ ਨਾਲ ਡਿਉਟੀ ਨਿਭਾਉਣ ਦੀ ਅਪੀਲ ਕਰਦਿਆਂ ਮਨਪ੍ਰੀਤ ਨੇ ਉਹਨਾਂ ਨੂੰ ਪੁੱਛਿਆ ਕਿ ਅਹੁਦਾ ਪ੍ਰਾਪਤ ਕਰਨ ਵੇਲੇ ਉਹਨਾਂ ਭਾਰਤੀ ਸੰਵਿਧਾਨ ਦੀ ਕਸਮ ਖਾਧੀ ਸੀ ਜਾਂ ਸੁਖਬੀਰ ਬਾਦਲ ਦੀ। ਸਹਿਯੋਗੀ ਪਾਰਟੀਆਂ ਅਤੇ ਆਮ ਲੋਕਾਂ ਤੋਂ ਮਿਲ ਰਹੇ ਮਿਲਵਰਤਨ ਦਾ ਹਵਾਲਾ ਦਿੰਦਿਆਂ ਮਨਪ੍ਰੀਤ ਨੇ ਦਾਅਵਾ ਕੀਤਾ ਕਿ ਉਹਨਾਂ ਦੀ ਜਿੱਤ ਯਕੀਨੀ ਹੈ। ਇੱਕ ਸੁਆਲ ਦੇ ਜਵਾਬ ਵਿੱਚ ਮਨਪ੍ਰੀਤ ਨੇ ਦੱਸਿਆ ਕਿ ਉਹ ਕਾਂਗਰਸ ਪ੍ਰਧਾਨ ਸ੍ਰੀਮਤੀ ਸੋਨੀਆਂ ਗਾਂਧੀ, ਉਪ ਪ੍ਰਧਾਨ ਰਾਹੁਲ ਗਾਂਧੀ, ਪ੍ਰਿਯੰਕਾ ਗਾਂਧੀ ਵਾਡਰਾ, ਕੈਪਟਨ ਅਮਰਿੰਦਰ ਸਿੰਘ, ਪ੍ਰਤਾਪ ਸਿੰਘ ਬਾਜਵਾ, ਡਾ: ਜੁਗਿੰਦਰ ਦਿਆਲ ਅਤੇ ਸੁਰਜੀਤ ਸਿੰਘ ਬਰਨਾਲਾ ਨੂੰ ਚੋਣ ਮੁਹਿੰਮ ਵਿੱਚ ਸਾਮਲ ਹੋਣ ਲਈ ਸੱਦਾ ਦਿੱਤਾ ਹੈ। ਉਹਨਾਂ ਉਮੀਦ ਪ੍ਰਗਟ ਕੀਤੀ ਕਿ ਇਹ ਆਗੂ 15 ਅਪਰੈਲ ਤੋਂ ਬਾਅਦ ਬਠਿੰਡਾ ਦੌਰੇ ਤੇ ਆਉਣਗੇ।

        ਭੁੱਚੋ ਕਲਾਂ ਤੋਂ ਕਾਂਗਰਸ ਦੇ ਵਿਧਾਇਕ ਸ੍ਰੀ ਅਜਾਇਬ ਸਿੰਘ ਭੱਟੀ ਨੇ ਕਿਹਾ ਕਿ ਉਹਨਾਂ ਦੀ ਪਾਰਟੀ ਦਾ ਮੁੱਖ ਨਿਸਾਨਾ ਅਕਾਲੀ ਦਲ ਨੂੰ ਹਰਾਉਣਾ ਹੈ। ਸੀ ਪੀ ਆਈ ਦੇ ਜਿਲ੍ਹਾ ਸਕੱਤਰ ਕਾ: ਜਗਜੀਤ ਜੋਗਾ ਨੇ ਦੱਸਿਆ ਕਿ ਉਹਨਾਂ ਦੀ ਪਾਰਟੀ ਨੇ ਦਹਿਸ਼ਤ ਦੇ ਰਾਜ ਦੇ ਖਾਤਮੇ ਅਤੇ ਲੋਕਤੰਤਰ ਨੂੰ ਭ੍ਰਿਸਟਾਚਾਰ ਤੋਂ ਬਚਾਉਣ ਲਈ ਮਨਪ੍ਰੀਤ ਨੂੰ ਹਿਮਾਇਤ ਦਿੱਤੀ ਹੈ, ਸ੍ਰੀ ਜੋਗਾ ਅਨੁਸਾਰ ਸਿਆਸੀ ਫ਼ਿਜਾ ਇਸ ਕਦਰ ਤਬਦੀਲ ਹੋ ਚੁੱਕੀ ਹੈ ਕਿ ਬਾਦਲਾਂ ਦੀ ਹਾਰ ਅਟੱਲ ਹੈ। ਇਸ ਮੌਕੇ ਸਰਵ ਸ੍ਰੀ ਹਰਮੰਦਰ ਸਿੰਘ ਜੱਸੀ, ਗੁਰਾ ਸਿੰਘ ਤੁੰਗਵਾਲੀ, ਗੁਰਮੀਤ ਸਿੰਘ ਖੁੱਡੀਆਂ, ਸੁਖਦੇਵ ਸਿੰਘ ਚਹਿਲ, ਕਾ: ਕ੍ਰਿਸਨ ਚੌਹਾਨ, ਹਨੀ ਫੱਤਣਵਾਲਾ, ਕੁਲਬੀਰ ਸਿੰਘ ਸਿੱਧੂ, ਸੱਤਪਾਲ ਮੂਲੇਵਾਲ, ਨਰਿੰਦਰ ਭਲੇਰੀਆ ਅਤੇ ਰੁਪਿੰਦਰ ਬਿੰਦਰਾ ਵੀ ਮੌਜੂਦ ਸਨ।

ਮਨਪ੍ਰੀਤ ਬਾਦਲ ਨੇ ਸ਼ਹੀਦਾਂ ਦੀ ਪਿੱਠ ਵਿੱਚ ਛੁਰਾ ਘੋਪਿਆ-ਅਭੈ ਸੰਧੂ

www.sabblok.blogspot.com

ਲੁਧਿਆਣਾ 4 ਅਪ੍ਰੈਲ ( ਸਤਪਾਲ ਸੋਨੀ ) ਮਨਪ੍ਰੀਤ ਬਾਦਲ ਨੇ ਆਪਣੇ ਨਿੱਜੀ ਹਿੱਤਾਂ ਦੀ ਪੂਰਤੀ  ਲਈ ਸ਼ਹੀਦਾਂ ਦੀ ਪਿੱਠ ਵਿੱਚ ਛੁਰਾ ਘੋਪਿਆ । ਉਪਰੋਕਤ  ਸ਼ਬਦ ਪੰਜਾਬ ਪੀਪਲਜ਼ ਪਾਰਟੀ ਦੀ ਸੈਂਟਰਲ ਕਮੇਟੀ ਦੇ ਮੈਂਬਰ ਅਤੇ ਸ਼ਹੀਦੇ-ਏ-ਆਜ਼ਮ ਭਗਤ ਸਿੰਘ ਦੇ ਭਤੀਜੇ ਅਭੈ ਸਿੰਘ ਸੰਧੂ ਨੇ ਫਰੈਂਡਜ਼ ਹੋਟਲ ਵਿੱਖੇ ਬੁਲਾਈ ਗਈ ਪ੍ਰੈਸ ਕਾਨਫਰੰਸ ਦੌਰਾਨ ਕਹੇ । ਅਭੈ ਸਿੰਘ ਸੰਧੂ ਨੇ ਕਿਹਾ ਕਿ 27-03-2011 ਨੂੰ ਪੀਪਲਜ਼ ਪਾਰਟੀ ਆਫ ਪੰਜਾਬ ਦੀ ਸਥਾਪਨਾ ਮੌਕੇ ਮਨਪ੍ਰੀਤ ਬਾਦਲ ਅਤੇ ਹਾਜਿਰ ਮੈਂਬਰਾਂ ਨੇ ਸ਼ਹੀਦਾਂ ਦੀ ਸਮਾਧੀ ਤੇ ਸੁੰਹ ਚੁੱਕੀ ਸੀ ਕਿ ਪੀਪਲਜ਼ ਪਾਰਟੀ ਆਫ ਪੰਜਾਬ ਸ਼ਹੀਦਾਂ ਦੀ ਕੁਰਬਾਨੀ ਤੇ ਪਹਿਰਾ ਦੇਵੇਗੀ ਅਤੇ ਦੱਬੇ ਕੁਚੱਲੇ ਲੋਕਾਂ ਦੇ ਹੱਕਾਂ ਦੀ ਰਾਖੀ ਦੇ ਲਈ ਲੜੇਗੀ । ਕਾਂਗਰਸ, ਭਾਜਪਾ ਅਤੇ ਅਕਾਲੀ ਦੱਲ ਨਾਲ ਲੋਕਾਂ ਦੇ ਹਿੱਤਾਂ ਨੂੰ ਗਿਰਵੀ ਰੱਖਕੇ ਕਿਸੇ ਤਰ੍ਹਾਂ ਦਾ ਸਮਝੌਤਾ ਨਹੀਂ ਕੀਤਾ ਜਾਵੇਗਾ ।
    ਇਸ ਮੌਕੇ ਅਭੈ ਸਿੰਘ ਸੰਧੂ ਨੇ ਕਿਹਾ ਕਿ ਮਨਪ੍ਰੀਤ ਸਿੰਘ ਬਾਦਲ ਦਾ ਇਹ ਕਹਿਣਾ ਕਿ ਉਨ੍ਹਾਂ ਵਲੋਂ ਕਾਂਗਰਸ ਪਾਰਟੀ ਦੇ ਚੋਣ ਨਿਸ਼ਾਨ ਤੇ ਚੋਣ ਲੜਣ ਦਾ ਫੈਸਲਾ ਪੀਪਲਜ਼ ਪਾਰਟੀ ਆਫ ਪੰਜਾਬ ਦੀ ਸੈਂਟਰਲ ਕਮੇਟੀ ਦੇ ਵਿੱਚ ਹੋਇਆ ਹੈ ਆਮ ਲੋਕਾਂ ਨੂੰ ਗੁੰਮਰਾਹ ਕਰਨ ਵਾਲਾ ਹੈ ਕਿਉਂ ਕਿ ਸੈਂਟਰਲ ਕਮੇਟੀ ਮੈਂਬਰ ਹੋਣ ਦੇ ਬਾਵਜੂਦ ਉਨ੍ਹਾਂ ਨਾਲ ਮਨਪ੍ਰੀਤ ਬਾਦਲ ਦੀ ਕਾਂਗਰਸ ਚੋਣ ਨਿਸ਼ਾਨ ਤੇ ਚੋਣ ਲੜਣ ਬਾਰੇ ਕਦੇ ਵੀ ਗਲਬਾਤ ਨਹੀਂ ਹੋਈ । ਅਭੈ ਸਿੰਘ ਸੰਧੂ ਨੇ ਕਿਹਾ ਕਿ ਮਨਪ੍ਰੀਤ ਸਿੰਘ ਬਾਦਲ ਨੇ ਪੀਪਲਜ਼ ਪਾਰਟੀ ਆਫ ਪੰਜਾਬ ਦੇ ਨਾਮ ਨੂੰ ਹੀ ਧੱਬਾ ਨਹੀਂ ਲਗਾਇਆ ਸਗੋਂ ਲੈਫਟ ਪਾਰਟੀਆਂ ਅਤੇ ਤੀਜੇ ਮੋਰਚੇ ਨੂੰ ਵੀ ਧੋਖਾ ਦਿੱਤਾ ਹੈ । ਇਸ ਮੌਕੇ ਅਭੈ ਸਿੰਘ ਸੰਧੂ, ਗੁਰਜੀਤ ਸਿੰਘ ਅਜਾਦ,ਰਵਿੰਦਰ ਸਿਆਨ, ਰਾਜੇਸ਼ ਗਾਂਧੀ, ਮਨਦੀਪ ਸਿੰਘ ਅਜਾਦ ਅਤੇ ਜਸਕਿਰਤ  ਸਿੰਘ ਸਰਗੋਧਾ ਆਦਿ ਹਾਜਿਰ ਸਨ ।

ਸੰਤੋਸ਼ ਚੋਧਰੀ ਦੀ ਨਰਾਜ਼ਗੀ ਨੂੰ ਮਹਿੰਦਰ ਸਿੰਘ ਕੇ ਪੀ ਗਰੁੱਪ ਬਹੁਤੀ ਅਹਿਮੀਅਤ ਨਹੀਂ ਦੇ ਰਿਹਾ

www.sabblok.blogspot.com

 

  ਅਕਾਲੀ ਦਲ ਅਤੇ ਭਾਜਪਾ ਆਗੂਆਂ ਦਾ ਕਾਟੋ ਕਲੇਸ਼ ਵਿਜੈ ਸਾਂਪਲਾ ਲਈ  ਨਵੀਂ ਮੁਸੀਬਤ

ਹੁਸ਼ਿਆਰਪੁਰ,4 ਅਪ੍ਰੈਲ (ਸ਼ਿਵ ਕੁਮਾਰ ਬਾਵਾ)-ਹੁਸ਼ਿਆਰਪੁਰ ਤੋਂ ਮੌਜੂਦਾ ਲੋਕ ਸਭਾ ਮੈਂਬਰ ਅਤੇ ਕੇਂਦਰੀ ਮੰਤਰੀ ਬੀਬੀ ਸੰਤੌਸ਼ ਚੋਧਰੀ ਦੀ ਨਰਾਜ਼ਗੀ ਦਾ ਸਾਹਮਣਾਂ ਕਰ ਰਹੇ ਕਾਂਗਰਸ ਪਾਰਟੀ ਦੇ ਹੁਸ਼ਿਆਰਪੁਰ ਲੋਕ ਸਭਾ ਹਲਕੇ ਦੇ ਮੌਜੂਦਾ ਉਮੀਦਵਾਰ ਮਹਿੰਦਰ ਸਿੰਘ ਕੇ ਪੀ ਅਤੇ ਉਹਨਾਂ ਦੇ ਸਮਰਥਕ ਪਿੰਡਾਂ ਵਿੱਚ ਕੀਤੇ ਜਾ ਰਹੇ ਚੋਣ ਜਲਸਿਆਂ ਵਿੱਚ ਬਹੁਤਾ ਬੀਬੀ ਦੀ ਗੈਰਹਾਜ਼ਰੀ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੇ। ਚੋਣ ਲੜ ਰਹੇ ਮਹਿੰਦਰ ਸਿੰਘ ਕੇ ਪੀ ਦਾ ਦਾਅਵਾ ਹੈ ਕਿ ਉਸਨੂੰ ਕਾਂਗਰਸ ਦੇ ਸਮੂਹ ਅਹੁੱਦੇਦਾਰਾਂ, ਪ੍ਰਧਾਨਾਂ, ਵਿਧਾਇਕਾਂ ਸਮੇਤ ਵਰਕਰਾਂ ਦਾ ਪੂਰਾ ਸਮਰਥਨ ਹਾਸਿਲ ਹੋ ਚੁੱਕਾ ਹੈ। ਉਕਤ ਖੇਮੇ ਦੇ ਆਗੂਆਂ ਦਾ ਕਹਿਣ ਹੈ ਕਿ ਵਿਧਾਨ ਸਭਾ ਹਲਕਾ ਚੱਬੇਵਾਲ ਸਮੇਤ ਹੋਰ ਵਿਧਾਨ ਸਭਾ ਹਲਕਿਆਂ ਦੇ ਬਹੁਤੇ ਪਿੰਡਾਂ ਦੇ ਲੋਕ ਬੀਬੀ ਦੇ ਕੰਮ ਢੰਗ ਅਤੇ ਬੋਲ ਬਾਣੀ ਤੋਂ ਦੁੱਖੀ ਸਨ । ਇਸੇ ਕਰਕੇ ਕਾਂਗਰਸ ਹਾਈ ਕਮਾਂਡ ਵਲੋਂ ਉਕਤ ਸੀਟ ਗਵਾਉਣ ਦੀ ਬਜ਼ਾਏ ਭਾਜਪਾ ਉਮੀਦਵਾਰ ਵਿਜੇ ਸਾਂਪਲਾ ਨੂੰ ਕਰਾਰੀ ਹਾਰ ਦੇਣ ਲਈ ਮਹਿੰਦਰ ਸਿੰਘ ਕੇ ਪੀ ਨੂੰ ਉਮੀਦਵਾਰ ਬਣਾਇਆ ਜਿਸਦਾ ਸਮੂਹ ਕਾਂਗਰਸੀਆਂ ਨੇ ਸਵਾਗਤ ਕੀਤਾ ਹੈ।  ਬੀਬੀ ਸੰਤੌਸ਼ ਚੋਧਰੀ ਇਥੇ ਚੋਣ ਪ੍ਰਚਾਰ ਵਿੱਚ ਹਿੱਸਾ ਨਾ ਵੀ ਲੈਣ ਤਾਂ ਵੀ ਉਹ ਉਕਤ ਸੀਟ ਦੀ ਜਿੱਤ ਹਾਰ ਤੇ ਕੋਈ ਵੱਡਾ ਕ੍ਰਿਸ਼ਮਾਂ ਨਹੀਂ ਕਰ ਸਕਣਗੇ। ਪਾਰਟੀ ਵਲੋਂ ਇਥੋਂ ਦੋਵੇਂ ਚੋਣ ਲੜ ਰਹੇ ਮੁੱਖ ਉਮੀਦਵਾਰ ਜ¦ਧਰ ਦੇ ਵਾਸੀ ਹੋਣ ਕਾਰਨ ਇੱਕ ਦੂਸਰੇ ਸਾਹਮਣੇ ਖੜੇ ਕਰਕੇ ਮੁਕਾਬਲੇ ਨੂੰ ਦਿਲਚਸਪ ਬਣ੍ਯਾਇਆ ਹੈ। ਮਹਿੰਦਰ ਸਿੰਘ ਕੇ ਪੀ ਦਾ ਦੋਆਬੇ ਦੇ ਦਲਿਤਾਂ ਵਿੱਚ ਕਾਫੀ ਪ੍ਰਭਾਵ ਹੈ । ਇਸ ਤੋਂ ਇਲਾਵਾ ਉਹ ਕਾਂਗਰਸ ਦੇ ਦੂਸਰੇ ਅਜਿਹੇ ਦਲਿਤ ਆਗੂ ਹਨ ਜਿਹੜੇ ਚੌਧਰੀ ਜਗਜੀਤ ਸਿੰਘ ਤੋਂ ਬਾਅਦ ਦੋਆਬੇ ਦੇ ਦਲਿਤ ਡੇਰਿਆਂ ਵਿੱਚ ਹਰਮਨ ਪਿਆਰੇ ਹਨ। ਉਹਨਾਂ ਦੀਆਂ ਇਸ ਹਲਕੇ ਦੇ ਪਿੰਡਾਂ ਵਿੱਚ ਰਿਸ਼ਤੇਦਾਰੀਆਂ  ਤਾਂ ਸੋਨੇ ਤੇ ਸੁਹਾਗੇ ਵਾਲੀ ਗੱਲ ਸਾਬਤ ਹੋ ਰਹੀਆਂ ਹਨ। ਉਹਨਾ ਦੀ ਭਾਜਪਾ ਉਮੀਦਵਾਰ ਵਿਜੇ ਸਾਂਪਲਾ ਨਾਲ ਟੱਕਰ ਬਹੁਤ ਸਖਤ ਹੈ ਪ੍ਰੰਤੂ ਵਿਜੈ ਸਾਂਪਲਾ ਦਾ ਜਿੰਨਾ ਭਾਜਪਾ ਵਿੱਚ ਵਿਰੋਧ ਚੱਲ ਰਿਹਾ ਹੈ ਉਨਾ ਕਾਂਗਰਸ ਵਿੱਚ ਇਥੇ ਨਹੀਂ ਹੈ। ਸਾਂਪਲਾ ਰਾਜ ਸਭਾ ਮੈਂਬਰ ਅਵਿਨਾਸ਼ ਰਾਏ ਖੰਨਾ ਗੁੱਟ ਦੇ ਹੋਣ ਕਰਕੇ ਸਾਬਕਾ ਕੈਬਨਿਟ ਮੰਤਰੀ ਤੀਕਸ਼ਣ ਸੂਦ ਅਤੇ ਉਹਨਾਂ ਦੇ ਸਮਰਥਕ ਦਿਖਾਵੇ ਲਈ ਪਿੰਡਾਂ ਦੀਆਂ ਗਲੀਆਂ ਵਿੱਚ ਘੁੰਮ ਰਹੇ ਹਨ ਪ੍ਰੰਤੂ ਉਹਨਾਂ ਵਲੋਂ ਕਰਵਾਏ ਜਾ ਰਹੇ ਚੋਣ ਜਲਸਿਆਂ ਵਿੱਚ ਕੁਰਸੀਆਂ ਖਾਲੀ ਹੀ ਦਿਖਾਈ ਦਿੰਦੀਆਂ ਹਨ। ਸ਼੍ਰੋਮਣੀ ਅਕਾਲੀ ਦਲ ਦੇ ਸਮੂਹ ਆਗੂ ਅਤੇ ਵਿਧਾਇਕ ਸਾਂਪਲਾ ਦੀ ਚੋਣ ਮੁਹਿੰਮ ਨੂੰ ਤਨ ਮਨ ਅਤੇ ਧੰਨ ਨਾਲ ਚਲਾ ਰਹੇ ਹਨ ਪ੍ਰੰਤੂ ਭਾਜਪਾ ਦੇ ਸੀਨੀਅਰ ਆਗੂਆਂ ਦਾ ਉਹਨਾਂ ਨੂੰ ਕੋਈ ਵੀ ਸਹਿਯੋਗ ਨਾ ਮਿਲਣ ਕਾਰਨ ਉਹ ਵੀ ਅੰਦਰਖਾਤੇ ਬਹੁਤ ਦੁੱਖੀ ਹਨ। ਇਸ ਸਬੰਧ ਵਿੱਚ ਅਕਾਲੀ ਦਲ ਦੇ ਬਹੁਤ ਸਾਰੇ ਸੀਨੀਅਰ ਆਗੂ ਭਾਜਪਾ ਦੀ ਸੀਂਨੀਅਰਲੀਡਰਸਿੱਪ ਕੋਲ ਸ਼ਿਕਾਇਤਾਂ ਵੀ ਕਰ ਚੁੱਕੇ ਹਨ। ਇੱਕ ਅਦਾਲਤ ਵਲੋਂ ਭਾਜਪਾ ਉਮੀਦਵਾਰ ਸਾਂਪਲਾ ਵਲੋਂ ਕੋਠੀ ਤੇ ਕੀਤੇ ਗਏ ਕਥਿੱਤ ਨਜਾਇਜ਼ ਕਬਜ਼ੇ ਦੇ ਮਾਮਲੇ ਕਾਰਨ ਸੰਮਣ ਕੱਢਣ ਨਾਲ ਭਾਜਪਾ ਉਮੀਦਵਾਰ ਦੇ ਅਕਸ ਨੂੰ ਠੇਸ ਪੁੱਜੀ ਹੈ।
                ਹੁਸ਼ਿਆਰਪੁਰ ਲੋਕ ਸਭਾ ਹਲਕੇ ਅੰਦਰ ਚੋਣਾਂ ਲੜ ਰਹੇ ਲੱਗਭਗ ਸਾਰੀਆਂ ਸਿਆਸੀ ਪਾਰਟੀਆਂ ਦੇ ਉਮੀਦਵਾਰਾਂ ਦਾ ਉਹਨਾਂ ਦੀਆਂ ਪਾਰਟੀਆਂ ਦੇ ਆਗੂ ਵਿਰੋਧ ਕਰ ਰਹੇ ਹਨ। ਲੋਕਾਂ ਵਿੱਚ ਆਮ ਆਦਮੀ ਪਾਰਟੀ ਵਲੋਂ ਇਥੋਂ ਆਪਣਾ ਉਮੀਦਵਾਰ ਬਣਾਉਣ ਨੂੰ ਲੈ ਕੇ ਉਤਸੁਕਤਾ ਸੀ ਪ੍ਰੰਤੂ ਜਦ ਆਪ ਵਲੋਂ ਇਥੋਂ ਪਾਰਟੀ ਟਿਕਟ ਦਿੱਲੀ ਵਾਸੀ ਯਾਮਿਨੀ ਗੋਮਰ ਨੂੰ ਦੇ ਕੇ ਚੋਣ ਮੈਦਾਨ ਵਿੱਚ ਉਤਾਰ ਦਿੱਤਾ ਤਾਂ ਆਪ ਨਾਲ ਜੁੜੇ ਸਮਰਥਕਾਂ ਦੇ ਮੂੰਹ ਵੀ ਪੀਲੇ ਪੈ ਗਏ। ਬੀਬੀ ਗੋਮਰ ਬੇਸ਼ੱਕ ਹੁਸ਼ਿਆਰਪੁਰ ਨਾਲ ਜੁੜੇ ਹੋਏ ਹਨ ਪ੍ਰੰਤੂ ਇਸ ਤੋਂ ਪਹਿਲਾਂ ਆਪਦੇ ਆਗੂ ਉਹਨਾਂ ਦਾ ਨਾਮ ਤੱਕ ਨਹੀਂ ਜਾਣਦੇ ਸਨ। ਆਪ ਦੀ ਉਮੀਦਵਾਰ ਬੇਸ਼ੱਕ ਨਵਾਂ ਚਿਹਰਾ ਹੈ ਪ੍ਰੰਤੂ ਉਹ ਆਪਣੀ ਚੋਣ ਮੁਹਿੰਮ ਬੜੇ ਨਿਵੇਕਲੇ ਤਰੀਕੇ ਨਾਲ ਅਰੰਭ ਕਰਕੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਣ ਵਿੱਚ ਕਾਮਯਾਬ ਹੋ ਗਈ ਹੈ। ਇਸ ਤੋਂ ਇਲਾਵਾ ਇਥੇ ਬਸਪਾ ਵਲੋਂ ਭਗਵਾਨ ਸਿੰਘ ਚੌਹਾਨ ਚੋਣ ਮੈਦਾਨ ਵਿੱਚ ਹਨ। ਚੋਹਾਨ ਪੜੇ ਲਿਖੇ ਅਤੇ ਵਧੀਆ ਬੁਲਾਰੇ ਹਨ ਪ੍ਰੰਤੂ ਜੇਕਰ ਇਥੇ ਆਪ ਪਾਰਟੀ ਦੀ ਉਮੀਦਵਾਰ ਦਲਿਤ ਵੋਟ ਬੈਂਕ ਤੋਂ ਇਲਾਵਾ ਜਨਰਲ ਵੋਟ ਨੂੰ ਆਪਣੇ ਵਲ ਖਿੱਚਣ ਵਿੱਚ ਕਾਮਯਾਬ ਹੋ ਗਈ ਤਾਂ ਇਸਦਾ ਸਿੱਧਾ ਨੁਕਸਾਨ ਕਾਂਗਰਸ ਹੋਵੇਗਾ। ਬਸਪਾ , ਆਪ ਅਤੇ ਕਾਂਗਰਸ ਦੇ ਮੁਕਾਬਲੇ ਵਿੱਚ ਵਿਜੈ ਸਾਂਪਲਾ ਦੀ ਹਾਲਤ ਵਿੱਚ ਸੁਧਾਰ ਆਉਣ ਦੇ ਅਸਾਰ ਹਨ। ਹਿੰਦੂ ਵੋਟਰ ਵੰਡਵਾਂ ਅਤੇ ਬਸਪਾ ਅਤੇ ਅਕਾਲੀ ਦਲ ਦਾ ਵੋਟ ਬੈਂਕ ਇਥੇ ਹਰ ਵਾਰ ਵਧਿਆ ਹੀ ਹੈ ਕਦੇ ਟੁੱਟਿਆ ਨਹੀਂ ਹੈ। ਮੁੱਖ ਮੁਕਾਬਲਾ ਕਾਂਗਰਸ, ਭਾਜਪਾ ਅਤੇ ਬਸਪਾ ਦਰਿਮਿਆਨ ਹੀ ਹੋਣ ਦੇ ਅਸਾਰ ਹਨ। ਹਲਕੇ ਦੇ ਲੋਕ ਆਪਣੀਆਂ ਪਾਰਟੀਆਂ ਦੇ ਉਮੀਦਵਾਰਾਂ ਦਾ ਵਿਰੋਧ ਕਰਨ ਵਾਲੇ ਆਗੂਆਂ ਨੂੰ ਮੂੰਹ ਨਹੀਂ ਲਾਉਂਦੇ ਇਸੇ ਕਰਕੇ ਬੀਬੀ ਸੰਤੋਸ਼ ਚੋਧਰੀ ਸਿਰਫ ਅਖਬਾਰੀ ਵਿਰੋਧ ਕਰਕੇ ਆਪਣਾ ਰੋਸ ਪ੍ਰਗਟਾ ਰਹੀ ਹੈ ਤੇ ਉਹ ਖੁੱਲਕੇ ਜਾਂ ਅੰਦਰਖਾਤੇ ਵਿਰੋਧ ਕਰਨ ਲਈ ਹਲਕੇ ਵਿੱਚ ਨਹੀਂ ਵਿਚਰ ਰਹੀ।  ਲੋਕ ਸਭਾ ਹਲਕਾ ਹੁਸ਼ਿਆਰਪੁਰ ਅਧੀਨ ਚੱਬੇਵਾਲ, ਸ਼ਾਮ ਚੋਰਾਸੀ, ਫਗਵਾੜਾ, ਦਸੂਹਾ, ਹਰਗੋਬਿੰਦਪੁਰ ਸਾਹਿਬ, ਭੁਲੱਥ, ਉੜਮੁੜ ਅਤੇ ਮੁਕੇਰੀਆਂ ਵਿਧਾਨ ਸਭਾ ਹਲਕੇ ਪੈਂਦੇ ਹਨ। ਪਿਛੱਲੀ ਵਾਰ ਬੀਬੀ ਸੰਤੋਸ਼ ਚੋਧਰੀ ਵਲੋਂ ਭਾਜਪਾ ਦੇ ਸੋਮ ਪ੍ਰਕਾਸ਼ ਨੂੰ 366 ਵੋਟਾਂ ਦੇ ਮਾਮੂਲੀ ਫਰਕ ਨਾਲ ਹਰਾਕੇ ਜਿੱਤ ਪ੍ਰਾਪਤ ਕੀਤੀ ਸੀ। ਇਸ ਹਲਕੇ ਵਿੱਚ ਸੀ ਪੀ ਆਈ ਅਤੇ ਸੀ ਪੀ ਐਮ ਦੀ ਵੋਟ ਦਾ ਵੱਡਾ ਭੰਡਾਰ ਹੈ। ਜਿਹੜੀ ਵੀ ਪਾਰਟੀ ਉਕਤ ਵੋਟ ਬੈਂਕ ਆਪਣੇ ਵੱਲ ਖਿੱਚਦੀ ਹੈ ਉਸਨੂੰ ਵੱਡਾ ਲਾਭ ਹੋਵੇਗਾ।  ਇਸ ਹਲਕੇ ਦੇ 9 ਵਿਧਾਨ ਸਭਾ ਹਲਕਿਆਂ ਦੇ ਕੁੱਲ ਵੋਟਰਾਂ ਦੀ ਗਿਣਤੀ 15 ਲੱਖ ਤੋਂ ਕੁੱਝ ਵੱਧ ਹੈ। ਦੋ ਸਾਲ ਪਹਿਲਾਂ ਵਿਧਾਨ ਸਭਾ ਚੋਣਾਂ ਦੌਰਾਨ ਇਥੇ 7ਲੱਖ 41 ਹਜ਼ਾਰ 259 ਮਰਦ ਅਤੇ 706840 ਔਰਤ ਵੋਟਰ ਹਨ।  ਅਕਾਲੀ  ਦਲ ਅਤੇ ਭਾਜਪਾ ਆਗੂਆਂ ਵਿੱਚ ਰੱਜਕੇ ਗੁੱਟਬੰਦੀ , ਬਸਪਾ ਦਾ ਪੱਕੀ ਵੋਟ ਬੈਂਕ ਤੇ ਨਿਰੰਤਰ ਕਬਜ਼ਾ ਅਤੇ ਨਵੀਂ ਹੋਂਦ ਵਿੱਚ ਆਈ ਆਮ ਆਦਮੀ ਪਾਰਟੀ ਕਾਂਗਰਸ ਦੇ ਤਜ਼ਰਬੇਕਾਰ ਉਮੀਦਵਾਰ ਮਹਿੰਦਰ ਸਿੰਘ ਕੇ ਪੀ ਨੂੰ ਠਿੱਬੀ ਲਾਉਣ ਲਈ ਕਿਹੜਾ ਦਾਅ ਵਰਤਣ ਵਾਲੇ ਹਨ ਇਸਦਾ ਹਫਤੇ ਕੁ ਤੱਕ ਪਤਾ ਲੱਗ ਜਾਵੇਗਾ ਪ੍ਰੰਤੂ  ਮੁਕਾਬਲਾ ਗਹਿਗੱਚ ਬਣ ਚੁੱਕਾ ਹੈ।
 

ਕਾਂਗਰਸ ਪਾਰਟੀ ਨੂੰ ਭਾਰੀ ਝਟਕਾ ---ਬੀਬੀ ਦਲਬੀਰ ਕੌਰ ਭਿੱਖੀਵਿੰਡ ਦੀ ਪ੍ਰੇਰਨਾ ਸਦਕਾ ਦਰਜਨ ਦੇ ਕਰੀਬ ਕਾਂਗਰਸੀ ਪਰਿਵਾਰ ਅਕਾਲੀ ਦਲ ਵਿੱਚ ਸ਼ਾਮਲ

www.sabblok.blogspot.com

ਭਿੱਖੀਵਿੰਡ :- 4 ਅਪ੍ਰੈਲ (ਭੁਪਿੰਦਰ ਸਿੰਘ)- ਕਾਂਗਰਸ ਪਾਰਟੀ ਨੂੰ ਉਸ ਵਕਤ ਭਾਰੀ ਝਟਕਾ ਲੱਗਾ, ਜਦੋ ਬੀਬੀ ਦਲਬੀਰ ਕੌਰ ਭਿੱਖੀਵਿੰਡ ਦੀ ਪ੍ਰੇਰਨਾ ਸਦਕਾ ਦਰਜਨ ਦੇ ਕਰੀਬ ਕਾਂਗਰਸੀ ਪਰਿਵਾਰ ਮਹਿੰਦਰ ਸਿੰਘ ਹਲਵਾਈ,ਨਿਸ਼ਾਨ ਸਿੰਘ ਭੱਲੂ,ਅਮਰੀਕ ਸਿੰਘ,ਗੋਲਡੀ ਸਿੰਘ,ਜਤਿੰਦਰ ਸਿੰਘ,ਅਵਤਾਰ ਸਿੰਘ,ਗੁਰਜੰਟ ਸਿੰਘ, ਸੁਖਦੇਵ ਸਿੰਘ, ਗੁਰਸਾਹਿਬ ਸਿੰਘ, ਸਤਿੰਦਰ ਸਿੰਘ,ਸ਼ੇਰ ਸਿੰਘ,ਮੇਜਰ ਸਿੰਘ ਆਦਿ ਸੀ.ਪੀ.ਐਸ.ਵਿਰਸਾ ਸਿੰਘ ਵਲਟੋਹਾ ਦੀ ਹਾਜ਼ਰੀ 'ਚ ਅਕਾਲੀ ਦਲ ਵਿੱਚ ਸ਼ਾਮਲ ਹੋ ਗਏ। ਇਸ ਸਮੇ ਸ੍ਰ:ਵਲਟੋਹਾ ਨੇ ਇਹਨਾ ਕਾਂਗਰਸੀ ਲੋਕਾਂ ਨੂੰ ਸਿਰਪਾਉ ਦੇ ਕੇ ਸਨਮਾਨਿਤ ਕੀਤਾ ਤੇ ਆਖਿਆਂ ਕਿ ਇਹਨਾਂ ਲੋਕਾਂ ਦੇ ਪਾਰਟੀ ਵਿੱਚ ਸ਼ਾਮਲ ਹੋਣ ਤੇ ਪਾਰਟੀ ਨੂੰ ਸ਼ਕਤੀ ਮਿਲੀ ਹੈ। ਇਸ ਸਮੇ ਸੀਨੀਅਰ ਅਕਾਲੀ ਆਗੂ ਵਿਰਸਾ ਸਿੰਘ ਠੇਕੇਦਾਰ,ਅਮਰਜੀਤ ਸਿੰਘ ਢਿੱਲੋ, ਸਰਪੰਚ ਸ਼ਰਨਜੀਤ ਸਿੰਘ,ਗੁਰਦਿਆਲ ਸਿੰਘ ਬੇਦੀ,ਬੱਬਲੂ ਧਵਨ, ਪੀ.ਏ.ਗੁਰਭੇਜ ਸਿੰਘ, ਪੀ.ਏ.ਹਰਪਾਲ,ਜਤਿੰਦਰ ਸਿੰਘ ਬਿੱਟੂ, ਗੁਰਪ੍ਰੀਤ ਸਿੰਘ,ਚਰਨਜੀਤ ਸਿੰਘ ਲਹੋਰਾ ਸਿੰਘ ਸਮੇਤ ਸੈਕੜਿਆਂ ਦੀ ਤਾਦਾਤ ਵਿੱਚ ਲੋਕ ਹਾਜ਼ਰ ਸਨ।

Kanchan Chaudhary | AAP candidate from Haridwar | First Woman DGP

ਚੋਣ ਕਮਿਸ਼ਨ ਵਲੋਂ ਡੀ.ਜੀ.ਪੀ. ਸੁਮੇਧ ਸੈਣੀ ਨੂੰ ਬਦਲਣ ਦੇ ਹੁਕਮ

www.sabblok.blogspot.com

ਚੰਡੀਗੜ੍ਹ, (2 ਅਪਰੈਲ, ਦਵਿੰਦਰ ਪਾਲ)- ਚੋਣ ਕਮਿਸ਼ਨ ਨੇ ਅੱਜ ਰਾਤ ਸਖਤ ਕਾਰਵਾਈ ਕਰਦਿਆਂ ਪੰਜਾਬ ਪੁਲੀਸ ਦੇ ਡਾਇਰੈਕਟਰ ਜਨਰਲ ਸੁਮੇਧ ਸੈਣੀ ਨੂੰ ਅਹੁਦੇ ਤੋਂ ਬਦਲੇ ਜਾਣ ਅਤੇ ਉਨ੍ਹਾਂ ਦੀ ਥਾਂ ਤਿੰਨ ਸੀਨੀਅਰ ਪੁਲੀਸ ਅਧਿਕਾਰੀਆਂ ਦਾ ਪੈਨਲ ਤੁਰੰਤ ਭੇਜੇ ਜਾਣ ਦੇ ਹੁਕਮ ਦਿੱਤੇ ਹਨ। ਕਮਿਸ਼ਨ ਨੇ ਇਹ ਕਾਰਵਾਈ ਪੰਜਾਬ ਵਿੱਚ ਮੁੱਖ ਵਿਰੋਧੀ ਪਾਰਟੀ ਕਾਂਗਰਸ ਅਤੇ ਹੋਰਨਾਂ ਸਿਆਸੀ ਧਿਰਾਂ ਦੀਆਂ ਸ਼ਿਕਾਇਤਾਂ ਦੇ ਆਧਾਰ ਉਤੇ ਕੀਤੀ ਹੈ।

ਸ੍ਰੀ ਸੈਣੀ ਨੂੰ ਹੁਕਮਰਾਨ ਅਕਾਲੀ ਦਲ, ਖਾਸ ਕਰਕੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਦੇ ਬਹੁਤ ਕਰੀਬ ਮੰਨਿਆ ਜਾਂਦਾ ਹੈ। ਸਰਕਾਰ ਵੱਲੋਂ ਡੀ.ਜੀ.ਪੀ.ਰੈਂਕ ਦੇ ਤਿੰਨ ਸੀਨੀਅਰ ਅਧਿਕਾਰੀਆਂ ਦਾ ਪੈਨਲ ਭੇਜਿਆ ਜਾ ਰਿਹਾ ਹੈ, ਜਿਨ੍ਹਾਂ ਵਿਚ ਵਿਜੀਲੈਂਸ ਬਿਊਰੋ ਦੇ ਮੁਖੀ-ਕਮ-ਡੀ.ਜੀ.ਪੀ. ਸੁਰੇਸ਼ ਅਰੋੜਾ, ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਦੇ ਡੀ.ਜੀ.ਪੀ.ਸੰਜੀਵ ਗੁਪਤਾ ਅਤੇ ਪੰਜਾਬ ਹੋਮਗਾਰਡਜ਼ ਵਿਚ ਤਾਇਨਾਤ ਡੀ.ਜੀ.ਪੀ.ਸ੍ਰੀ ਜੀ.ਡੀ.ਪਾਂਡੇ ਦੇ ਨਾਂ ਸ਼ਾਮਲ ਹਨ।

ਜ਼ਿਕਰਯੋਗ ਹੈ ਕਿ ਪੰਜਾਬ ਕਾਂਗਰਸ ਨੇ ਚੋਣਾਂ ਦਾ ਐਲਾਨ ਹੁੰਦਿਆਂ ਹੀ ਸ੍ਰੀ ਸੈਣੀ ਨੂੰ ਡੀ.ਜੀ.ਪੀ.ਦੇ ਅਹੁਦੇ ਤੋਂ ਬਦਲਣ ਦੀ ਮੰਗ ਕੀਤੀ ਸੀ। ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਹੋਲਾ ਮਹੱਲਾ ਮੌਕੇ ਆਨੰਦਪੁਰ ਸਾਹਿਬ ਵਿੱਚ ਕੀਤੀ ਗਈ ‘ਸਿਆਸੀ ਕਾਨਫਰੰਸ’ ਦੇ ਮਾਮਲੇ ’ਤੇ ਚੋਣ ਕਮਿਸ਼ਨ ਨੇ ਨੋਟਿਸ ਜਾਰੀ ਕਰ ਦਿੱਤਾ ਹੈ। ਕਮਿਸ਼ਨ ਨੇ ਰੂਪਨਗਰ ਦੇ ਡਿਪਟੀ ਕਮਿਸ਼ਨਰ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਪਾਰਟੀ ਦੇ ਬੁਲਾਰੇ ਡਾ. ਦਲਜੀਤ ਸਿੰਘ ਚੀਮਾ ਨੂੰ ਨੋਟਿਸ ਜਾਰੀ ਕਰਕੇ ਜਵਾਬਤਲਬੀ ਕੀਤੀ ਜਾਵੇ।

ਚੋਣ ਕਮਿਸ਼ਨ ਨੇ ਮਾਲ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਵੱਲੋਂ ਕੈਪਟਨ ਅਮਰਿੰਦਰ ਸਿੰਘ ਅਤੇ ਕਾਂਗਰਸੀ ਆਗੂਆਂ ਖ਼ਿਲਾਫ਼ ਵਰਤੀ ਗਈ ਭੱਦੀ ਭਾਸ਼ਾ ’ਤੇ ਵੀ ਨੋਟਿਸ ਜਾਰੀ ਕੀਤਾ ਹੈ। ਰਾਜ ਦੇ ਮੁੱਖ ਚੋਣ ਅਧਿਕਾਰੀ ਵੀ.ਕੇ. ਸਿੰਘ ਦਾ ਕਹਿਣਾ ਹੈ ਕਿ ਮਾਲ ਮੰਤਰੀ ਦੇ ਮਾਮਲੇ ’ਤੇ ਅੰਤਿਮ ਫ਼ੈਸਲਾ ਕਮਿਸ਼ਨ ਵੱਲੋਂ ਸੀ.ਡੀ. ਦੀ ਘੋਖ਼ ਕਰਨ ਤੋਂ ਬਾਅਦ ਲਿਆ ਜਾਵੇਗਾ।

ਉਂਜ ਸੂਤਰਾਂ ਦਾ ਦੱਸਣਾ ਹੈ ਕਿ ਮਾਲ ਮੰਤਰੀ ਵੱਲੋਂ ‘ਕਾਂਗਰਸੀਆਂ ਦੀ ਧੌਣ’ ਮਰੋੜਨ ਵਾਲੀ ਕਹੀ ਗਈ ਗੱਲ ਦੀ ਸੀ.ਡੀ. ਵਿੱਚ ਪੁਸ਼ਟੀ ਹੁੰਦੀ ਹੈ। ਇਸੇ ਤਰ੍ਹਾਂ ਲੁਧਿਆਣਾ ਤੋਂ ਅਕਾਲੀ ਦਲ ਦੇ ਉਮੀਦਵਾਰ ਮਨਪ੍ਰੀਤ ਸਿੰਘ ਇਯਾਲੀ ਦਾ ਮਾਮਲਾ ਵੀ ਮੁੱਖ ਚੋਣ ਅਧਿਕਾਰੀ ਨੇ ਚੋਣ ਕਮਿਸ਼ਨ ’ਤੇ ਛੱਡ ਦਿੱਤਾ ਹੈ। ਸ੍ਰੀ ਸਿੰਘ ਨੇ ਕਿਹਾ ਕਿ ਡੀ.ਸੀ. ਲੁਧਿਆਣਾ ਦੀ ਰਿਪੋਰਟ ਮਿਲ ਗਈ ਹੈ, ਜਿਸ ਮੁਤਾਬਕ ਅਕਾਲੀ ਉਮੀਦਵਾਰ ਨੇ ਸੀ.ਡੀ. ਨੂੰ ਫਰਜ਼ੀ ਕਰਾਰ ਦਿੱਤਾ ਅਤੇ ਇਹ ਮਾਮਲਾ ਕਮਿਸ਼ਨ ਨੂੰ ਭੇਜਿਆ ਜਾ ਰਿਹਾ ਹੈ। ਸ੍ਰੀ ਇਯਾਲੀ ਅਤੇ ਸ੍ਰੀ ਮਜੀਠੀਆ ਦੇ ਮਾਮਲੇ ’ਤੇ ਕਮਿਸ਼ਨ ਅੰਤਿਮ ਕਾਰਵਾਈ ਕਰੇਗਾ। ਚੋਣ ਕਮਿਸ਼ਨ ਨੇ ਹੋਲਾ ਮਹੱਲਾ ਕਾਨਫਰੰਸ ਦੇ ਮਾਮਲੇ ’ਤੇ ਮੁੱਖ ਚੋਣ ਅਧਿਕਾਰੀ ਦੀ ਰਿਪੋਰਟ ਨੂੰ ਰੱਦ ਕੀਤਾ ਹੈ। ਮੁੱਖ ਚੋਣ ਅਧਿਕਾਰੀ ਨੂੰ ਕਮਿਸ਼ਨ ਦੇ ਨਿਰਦੇਸ਼ ਅੱਜ ਹੀ ਹਾਸਲ ਹੋਏ। ਇਸ ਵਿੱਚ ਸਪੱਸ਼ਟ ਕਿਹਾ ਗਿਆ ਹੈ ਕਿ ਅਕਾਲੀ ਦਲ ਦੇ ਬੁਲਾਰੇ ਡਾ. ਦਲਜੀਤ ਸਿੰਘ ਚੀਮਾ ਨੂੰ ਨੋਟਿਸ ਜਾਰੀ ਕਰਕੇ ਪੁੱਛਿਆ ਜਾਵੇ ਕਿ ਜਦੋਂ ਕਮਿਸ਼ਨ ਨੇ ਕਾਨਫਰੰਸ ਵਾਲੀ ਮਿਤੀ ਤੋਂ ਇੱਕ ਦਿਨ ਪਹਿਲਾਂ ਜਾਣਕਾਰੀ ਦੇ ਦਿੱਤੀ ਸੀ ਫਿਰ ਕਾਨਫਰੰਸ ਕਿਉਂ ਕੀਤੀ ਗਈ।

ਜ਼ਿਕਰਯੋਗ ਹੈ ਕਿ ਕਮਿਸ਼ਨ ਨੇ ਹੋਲਾ ਮਹੱਲਾ ਮੌਕੇ ਸਿਆਸੀ ਕਾਨਫਰੰਸਾਂ ਕਰਨ ’ਤੇ ਰੋਕ ਲਾ ਦਿੱਤੀ ਸੀ। ਚੋਣ ਅਫਸਰਾਂ ਦਾ ਕਹਿਣਾ ਹੈ ਕਿ ਡਾ. ਚੀਮਾ ਨੂੰ ਇਸ ਕਰਕੇ ਨੋਟਿਸ ਜਾਰੀ ਕੀਤਾ ਜਾ ਰਿਹਾ ਹੈ ਕਿਉਂਕਿ ਕਾਨਫਰੰਸ ਕਰਨ ਦੀ ਇਜਾਜ਼ਤ ਇਸੇ ਅਕਾਲੀ ਆਗੂ ਵੱਲੋਂ ਹੀ ਮੰਗੀ ਗਈ ਸੀ। ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ 16 ਮਾਰਚ ਨੂੰ ਆਨੰਦਪੁਰ ਸਾਹਿਬ ਵਿਖੇ ਕਾਨਫਰੰਸ ਤਾਂ ਕੀਤੀ ਗਈ ਪਰ ਕੋਈ ਰਾਜਸੀ ਭਾਸ਼ਣ ਨਹੀਂ ਕੀਤਾ ਗਿਆ ਸੀ। ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੱਲੋਂ ਆਪਣੇ ਸੰਬੋਧਨ ਵਿੱਚ ਚੋਣ ਕਮਿਸ਼ਨ ਵੱਲੋਂ ਐਮਰਜੈਂਸੀ ਲਾਏ ਜਾਣ ਦੀ ਗੱਲ ਕਹੇ ਜਾਣ ’ਤੇ ਕਾਂਗਰਸ ਨੇ ਸ਼ਿਕਾਇਤ ਕਰਦਿਆਂ ਕਾਰਵਾਈ ਦੀ ਮੰਗ ਕੀਤੀ ਸੀ।

ਸਾਨੂੰ ਨਹੀਂ ਸਮਝ ਸਵਰਾਜ ਸੁਵਰੂਜ ਦੀ ਅਸੀਂ ਤਾਂ ਛਿੱਤਰ ਖਾਣ ਦੇ ਆਦੀ ਹਾਂ,,(ਜਰੂਰ ਪੜਿੳੁ)

www.sabblok.blogspot.com

ਕੌਣ ਆ ਇਹ ਆਮ ਆਦਮੀ, ਸੁਣਿਆ ਇਹ 1984 ਦੇ ਇਨਸਾਫ਼ ਦੀ ਗੱਲ ਤਾ ਕਰਦੇ ਆ ਪਰ ਸਿਰ ਤੇ ਪੱਗ ਤਾ ਹੈਨੀ ਟੋਪੀਆਂ ਜੀਆਂ ਪਾਈ ਫਿਰਦੇ ਆ.....ਅਸੀਂ ਤਾ ਧਰਮਾਂ ਦੇ ਮਸਲੇ ਤੇ ਭਗਤ ਸਿੰਘ ਨੂੰ ਟੋਪੀ-ਪੱਗ ਦੇ ਮਸਲੇ ਵਿਚ ਵੇਚ ਦਿੱਤਾ ਸੀ ਇਹਨਾਂ ਦੀ ਕੀ ਔਕਾਤ ਆ ??
ਇਹ ਕਹਿੰਦੇ ਆ "ਸਾਡਾ ਰਾਮ ਕਿਸੇ ਦੀ ਮਸਜਿਦ ਢਾਹ ਕੇ ਆਵਦਾ ਮੰਦਿਰ ਨੀ ਉਸਾਰ ਸਕਦਾ" ਨਾ ਭਾਈ ਅਸੀਂ ਨੀ ਇਹਦੇ ਹੱਕ ਵਿਚ ਇਹਨੂੰ ਕੀ ਪਤਾ ਮੰਦਿਰ ਮਸਜਿਦ ਵਿੱਚ ਕਿੰਨਾ ਫਰਕ ਆ ?? ਇਹ ਰਾਮ ਦਾ ਅਸਲੀ ਵਾਰਸ ਨੀ ਜਿਹੜਾ ਏਹੋ ਜੀਆਂ ਗੱਲ੍ਹਾਂ ਕਰਦਾ !!
67 ਸਾਲ ਹੋਗੇ ਕਾਂਗਰਸ ਨੂੰ ਤੇ 34 ਸਾਲ ਭਾਜਪਾ ਨੂੰ ਦੇਸ਼ ਚਲਾਉਂਦਿਆਂ ਨੂੰ ਓਹਨਾਂ ਨੂੰ ਜਿਆਦਾ ਵਧੀਆ ਤਰੀਕੇ ਨਾਲ ਰਾਜਨੀਤੀ ਕਰਨੀ ਆਉਂਦੀ ਆ ਓਹ ਵਧੀਆ ਤਰੀਕੇ ਨਾਲ ਮੁਸਲਮਾਨ ਤੇ ਹਿੰਦੂ ਸ਼ਬਦ ਦਾ ਇਸਤੇਮਾਲ ਕਰਦੇ ਆ......ਅਸੀਂ ਨੀ ਇਕੱਠੇ ਹੋ ਸਕਦੇ ਇੱਕ ਮੰਚ ਤੇ ਅਸੀਂ ਤਾ ਹਿੰਦੂ/ਮੁਸਲਮ/ਸਿੱਖ ਬਣਨਾ ਪਸੰਦ ਆ "ਭਾਰਤੀ" ਸ਼ਬਦ ਤਾ ਸਿਰਫ ਕਾਗਜੀ ਆ ........ਅਸੀਂ ਤਾ ਕੱਟੜ ਹਿੰਦੂ ਆ ਕੱਟੜ ਸਿੱਖ ਆ ਕੱਟੜ ਮੁਸਲਮਾਨ ਅਸੀਂ ਤਾ ਆਵਦੇ ਧਰਮ ਦੇ ਨੇਤਾ ਨੂੰ ਹੀ ਵੋਟ ਦੇਵਾਗੇ.....ਨਾਲੇ ਅਸੀਂ ਨੀ ਹਰੇਕ ਮਸਲੇ 'ਚ ਦਖਲ ਦੇ ਸਕਦੇ ਇੱਕ ਵਾਰ ਵੋਟ ਦੇਤਾ ਫੇਰ ਨੇਤਾ ਜੋ ਮਰਜ਼ੀ ਕਰੇ, ਆ ਆਮ ਆਦਮੀ ਵਾਲੇ ਤਾ ਨਿੱਕੀ-ਨਿੱਕੀ ਗੱਲ ਤੇ ਲੋਕ ਇਕੱਠੇ ਕਰਕੇ ਫੈਸਲੇ ਲੈਂਦੇ ਆ ਸਾਨੂੰ ਤਾ ਆਦਤ ਹੋਗੀ ਆ ਹੁਣ ਨੇਤਾ ਦੇ ਹੁਕਮ ਮੰਨਣ ਦੀ, ਸਾਡੀ ਸਲਾਹ ਨਾ ਲਿਆ ਕਰੋ !!
ਜਦੋਂ ਸਰਕਾਰ ਦੀਆਂ ਗਲਤ ਨੀਤੀਆਂ ਕਾਰਨ ਨੌਕਰੀ ਨੀ ਮਿਲਦੀ ਜਾਂ ਧਰਮਾਂ ਦੇ ਨਾਮ ਤੇ ਕੋਈ 19-21 ਹੋ ਜਾਂਦੀ ਆ ਜਾਂ ਨਾਜਾਇਜ ਗੁੰਡਾਗਰਦੀ ਕਰਕੇ ਮਰੇ ਸਾਡੇ ਸਾਥੀ ਦੀ ਮੌਤ ਤੇ ਓਹਦੀ ਲਾਸ਼ ਚੁੱਕ ਕੇ ਧਰਨਾ ਲਾ ਸਕਦੇ ਆ ਬੱਸ......ਓਹਨਾਂ ਧਰਨਿਆਂ ਵਿੱਚ ਵੀ ਹੁਲੱਡਬਾਜ਼ੀ ਕਰਦੇ ਹਾਂ...ਅਸੀਂ ਅਜੇ ਇਨੇ ਗੰਭੀਰ ਨਹੀ ਹੋਏ !!! ਅਜੇ ਤਾ 67 ਸਾਲ ਹੀ ਹੋਏ ਆ ਸਾਨੂੰ ਤਾ 100-200 ਸਾਲ ਗੁਲਾਮੀ ਸਹਿਣ ਦੀ ਆਦਤ ਹੈ !!
ਸਾਨੂੰ ਪਸੰਦ ਆ ਹੈਲੀਕਾਪਟਰ ਤੋਂ ਲੰਘਦਾ ਨੇਤਾ ਜਿਸ ਕਾਰਨ ਸੜਕਾ ਵੀ 24 ਘੰਟੇ ਲਈ ਬੰਦ ਕਰ ਦਿੱਤੀਆਂ ਜਾਂਦੀਆਂ ਕਿਉਕਿ ਜਨਤਾ ਵਿੱਚ ਫਿਰਦੇ ਬੇਕਸੂਰ ਨੇਤਾ ਤੇ ਅਸੀਂ ਅੰਡੇ-ਸਿਆਹੀ-ਜੁੱਤੀਆਂ ਸੁੱਟ ਕੇ ਆਵਦੀ ਔਕਾਤ ਦਿਖਾਉਣ ਤੋਂ ਬਾਜ਼ ਨਹੀ ਆਉਂਦੇ.....ਸਾਡੇ ਕੋਲ ਨਾ ਕਰਿਆ ਕਰੋ ਸਵਰਾਜ-ਸਵਰੁਜ਼ ਦੀਆਂ ਗੱਲਾਂ ਅਸੀਂ ਤਾ ਜੁੱਤੀ ਦੇ ਯਾਰ ਹਾਂ ਪੁਲਿਸ ਦੇ ਲਾਠੀਚਾਰਜ਼ ਸਹਿਣਾ ਤਾ ਸਾਡਾ ਜਨਮ ਸਿੱਧ ਅਧਿਕਾਰ ਹੈ...ਜੇ ਕੇਜਰੀਵਾਲ ਦੇਸ਼ ਬਦਲਣਾ ਚਾਉਂਦਾ ਤਾਂ ਇਹ ਓਹਦੇ ਮਨ ਦਾ ਵਹਿਮ ਹੈ ਕਿਉਕਿ ਅਸੀਂ ਤਾ ਖੁਦ ਰਿਸ਼ਵਤ ਦੇਕੇ ਕੰਮ ਕਰਵਾਉਣ ਦੇ ਹਮਾਇਤੀ ਹਾਂ....ਅਸੀਂ ਤਾ ਪਾਸਪੋਰਟ ਦੀ enquiry ਦੀ ਸਰਕਾਰੀ ਫੀਸ 100 ਰੁਪਈਏ ਬਾਰੇ ਨੀ ਜਾਣਦੇ ਸਾਨੂੰ ਤਾ 700 ਦੇਣਾ ਸੌਖਾ ਲੱਗਦਾ ਕਿਉਕਿ ਪੁਲਿਸ ਤਾਈ ਪਤਾ ਨੀ ਕਦੋਂ ਪੁਠਾ-ਸਿਧਾ ਕੰਮ ਪੈ ਜਾਂਦਾ.....ਨਾਲੇ ਇਹੀ ਅਕਾਲੀ/ਭਾਜਪਾ/ਕਾਂਗਰਸੀ ਸਾਡੇ ਕੰਮ ਆਉਂਦੇ ਆ ਜਦੋਂ ਸਾਡਾ ਮੁੰਡੇ ਭੁੱਕੀ ਸਮੈਕ ਦੇ ਚੱਕਰ 'ਚ ਫਸ ਜਾਂਦਾ....ਇਹਨਾ ਨੇ ਸਾਨੂੰ ਕੀ ਦੇਣਾ ਝਾੜੂ ਆਲਿਆ ਨੇ ਇਹ ਤਾ ਸ਼ਰਾਬ ਦੇ ਠੇਕੇ ਵੀ ਜਨਾਨੀਆਂ ਤੋਂ ਵੋਟਾਂ ਪਵਾ ਕੇ ਖੋਲਣ ਦੇ ਹੱਕ ਵਿੱਚ ਨੇ !!
ਵੈਸੇ ਟਿਕਟ ਤਾ ਇਹਨਾਂ ਨੇ ਸਾਰੇ ਚੰਗਿਆ ਨੂੰ ਦਿੱਤੀ ਆ ਪਰ ਸਾਨੂੰ ਕੀ ਆਸਰਾ ਇਮਾਨਦਾਰ ਦਾ ਸਾਨੂੰ ਤਾ ਗੁੜਤੀ ਵੀ ਮਿਲਾਵਟੀ ਗੁੜ ਦੀ ਮਿਲੀ ਸੀ ਇਹ ਫਾਸਲੇ ਨੂੰ ਖਤਮ ਕਰਨ ਲਈ 133 ਸਾਲ ਹੋਰ ਲੱਗਣਗੇ, ਅਜੇ ਤਾ 67 ਸਾਲ ਹੀ ਹੋਏ....ਇਨੀ ਛੇਤੀ ਨੀ ਇਹ ਸਭ ਹੋਣਾ ਨਾ ਹੀ ਅਸੀਂ ਇਨੇ ਪੜ੍ਹੇ ਲਿਖੇ ਹਾਂ ਨਾ ਸਾਨੂੰ ਪੜ੍ਹੇ ਲਿਖੇ ਲੀਡਰ ਚਾਹੀਦੇ ਆ,
ਪੁਰਾਣਿਆ ਵਿਚੋਂ ਹੀ ਇੱਕ ਅੱਧਾ ਚੁਣ ਲਓ ਨਵੇਂ ਤਾ ਹੋਰ ਹੀ ਗੱਲਾ ਕਰਦੇ ਆ ਸਵਰਾਜ-ਸਵਰੁਜ਼ ਦੀਆ!!

ਵੋਟਾਂ ਮੰਗਣ ਆਏ ਅਕਾਲੀਆਂ ਦਾ ਕਾਲੀਆਂ ਝੰਡੀਆਂ ਨਾਲ ਸਵਾਗਤ

www.sabblok.blogspot.com

ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਅਤੇ ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਵਲੋਂ ਅਪਣੀਆਂ ਮੰਨੀਆਂ ਹੋਈਆਂ ਮੰਗਾਂ ਨੂੰ ਲਾਗੂ ਕਰਵਾਉਣ ਲਈ, ਪੰਜਾਬ ਸਰਕਾਰ ਦਾ ਪਿੰਡਾਂ ਵਿਚ ਵਿਰੋਧ ਲਗਾਤਾਰ ਜਾਰੀ ਰੱਖਣ ਦੇ ਸੱਦੇ ਤਹਿਤ ਅੱਜ ਭੀਖੀ ਬਲਾਕ ਦੇ ਪਿੰਡ ਫਫੜੇ ਭਾਈਕੇ ਦੇ ਕਿਸਾਨਾਂ ਅਤੇ ਮਜ਼ਦੂਰਾਂ ਵਲੋਂ ਪੰਜਾਬ ਸਰਕਾਰ ਵਿਰੁਧ ਕਾਲੀਆਂ ਝੰਡੀਆਂ ਵਿਖਾ ਕੇ ਰੋਸ ਜ਼ਾਹਰ ਕੀਤਾ ਗਿਆ।
ਇਸ ਸਬੰਧੀ ਜਾਣਕਾਰੀ ਦੇਂਦਿਆਂ ਕਿਸਾਨ ਆਗੂ ਇਕਬਾਲ ਸਿੰਘ ਫਫੜੇ ਨੇ ਕਿਹਾ ਕਿ ਅਕਾਲੀ ਆਗੂਆਂ ਨੇ ਵੋਟਾਂ ਸਬੰਧੀ ਪਿੰਡ ਦੇ ਵਾਰਡਾਂ ਵਿਚ ਮੀਟਿੰਗਾਂ ਕਰਨੀਆਂ ਸਨ ਪਰ ਕਿਸਾਨ ਅਤੇ ਮਜ਼ਦੂਰ ਇਸ ਦੇ ਵਿਰੋਧ ਵਿਚ ਪਿੰਡ ਦੀ ਅਨਾਜ ਮੰਡੀ ਵਿਚ ਇਕੱਠੇ ਹੋ ਰਹੇ ਸਨ। ਇਸ ਦੌਰਾਨ ਪਿੰਡ ਵਿਚ ਅਕਾਲੀਆਂ ਦੀਆਂ ਮੀਟਿੰਗਾਂ ਵਿਚ ਇਕੱਠ ਨਾ ਹੋਣ ਕਾਰਨ ਬੁਖਲਾਹਟ ਵਿਚ ਆ ਕੇ ਅਕਾਲੀ ਆਗੂ ਕਿਸਾਨਾਂ ਅਤੇ ਮਜ਼ਦੂਰਾਂ ਦੇ ਇਕੱਠ ਵਿਚ ਆ ਕੇ ਧਮਕੀਆਂ ਦੇਣ ਲੱਗ ਪਏ ਤੇ ਕਿਹਾ ਕਿ ਸਰਕਾਰ ਵਲੋਂ ਜੋ ਤੁਹਾਨੂੰ ਕੋਈ ਨਿਗੁਣੀਆਂ ਸਹੂਲਤਾਂ ਮਿਲ ਰਹੀਆਂ ਹਨ, ਜੇ ਵੋਟਾਂ ਅਕਾਲੀ ਉਮੀਦਵਾਰ ਨੂੰ ਨਾ ਪਾਈਆਂ ਤਾਂ ਉਹ ਵੀ ਬੰਦ ਕਰਵਾ ਦਿਤੀਆਂ ਜਾਣਗੀਆਂ। ਇਸ ਤੋਂ ਭੜਕੇ ਕਿਸਾਨਾਂ-ਮਜ਼ਦੂਰਾਂ ਨੇ ਸਰਕਾਰ ਵਿਰੁਧ ਜ਼ੋਰਦਾਰ ਨਾਹਰੇਬਾਜ਼ੀ ਕੀਤੀ। ਕਿਸਾਨਾਂ-ਮਜ਼ਦੂਰਾਂ ਦੇ ਵਿਰੋਧ ਕਾਰਨ ਇਕੱਠ ਵਿਚੋਂ ਅਕਾਲੀ ਜਥੇਦਾਰ ਵਾਰੋ-ਵਾਰੀ ਨਿਕਲ ਪਏ ਅਤੇ ਕਿਸਾਨ ਆਗੂਆਂ ਦੀ ਸੂਝ-ਬੂਝ ਕਾਰਨ ਇਕ ਵਾਰ ਤਾਂ ਟਕਰਾਅ ਹੁੰਦਾ-ਹੁੰਦਾ ਬਚ ਗਿਆ। ਇਸ ਮੌਕੇ ਕਿਸਾਨ ਆਗੂ ਦਿਲਬਾਗ ਸਿੰਘ, ਬੱਲਮ ਸਿੰਘ, ਮਜ਼ਦੂਰ ਆਗੂ ਜਸਪਾਲ ਕੌਰ ਫਫੜੇ, ਰਾਣੀ ਕੌਰ, ਬਲਵੀਰ ਕੌਰ, ਜੈਲੋ ਕੌਰ, ਗੋਰਾ ਸਿੰਘ, ਬਲਕਾਰ ਸਿੰਘ, ਗੁਰਮੇਲ ਸਿੰਘ, ਦਰੋਗਾ ਸਿੰਘ ਵੀ ਹਾਜ਼ਰ ਸਨ।

ਡਰੱਗ ਰੈਕੇਟ `ਚ ਸਨਸਨੀਖੇਜ਼ ਖ਼ੁਲਾਸਾ, ਐਨਆਰਆਈ ਅੌਰਤ ਨੇ ਐਸਐਸਪੀ ਮਾਨ `ਤੇ ਲਾਏ ਇਕ ਕਰੋੜ ਰਿਸ਼ਵਤ ਲੈਣ ਦੇ ਦੋਸ਼

www.sabblok.blogspot.com

ਚੰਡੀਗੜ੍ਹ : ਬਹੁਚਰਚਿਤ ਅੰਤਰਰਾਸ਼ਟਰੀ ਡਰੱਗ ਰੈਕੇਟ ਜਗਦੀਸ਼ ਭੋਲਾ ਤੇ ਅਨੂਪ ਸਿੰਘ ਕਾਹਲੋਂ ਮਾਮਲੇ 'ਚ ਇਕ ਐਨਆਰਆਈ ਅੌਰਤ ਨੇ ਸਨਸਨੀਖੇਜ਼ ਖ਼ੁਲਾਸਾ ਕਰਕੇ ਮਾਮਲੇ ਨੂੰ ਨਵਾਂ ਮੋੜ ਦੇ ਦਿੱਤਾ ਹੈ। ਅਮਰਜੀਤ ਕੌਰ ਨਾਂ ਦੀ ਇਸ ਅੌਰਤ ਨੇ ਦੋਸ਼ ਲਾਇਆ ਹੈ ਕਿ ਐਸਐਸਪੀ ਹਰਦਿਆਲ ਸਿੰਘ ਮਾਨ ਨੇ 1 ਕਰੋੜ ਰੁਪਏ ਰਿਸ਼ਵਤ ਲੈਣ ਦੇ ਬਾਵਜੂਦ ਉਸ ਦੇ ਪਤੀ ਮਨਪ੍ਰੀਤ ਸਿੰਘ ਗਿੱਲ ਨੂੰ ਜ਼ਬਰੀ ਇਸ ਮਾਮਲੇ 'ਚ ਫਸਾਇਆ ਹੈ। ਅਮਰਜੀਤ ਕੌਰ ਨੇ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਅਧਿਕਾਰੀ ਦਲਬੀਰ ਗਰੇਵਾਲ ਤੇ ਕੁਝ ਹੋਰ ਅਫਸਰਾਂ ਦਾ ਇਕ ਸਟਿੰਗ ਵੀ ਕਰਨ ਦਾ ਦਾਅਵਾ ਕੀਤਾ ਹੈ। ਇਸ ਸਟਿੰਗ 'ਚ ਇਹ ਅਫਸਰ ਮੰਨ ਰਹੇ ਹਨ ਕਿ ਮਨਪ੍ਰੀਤ ਤੋਂ 1 ਕਰੋੜ ਰੁਪਏ ਲਏ ਗਏ ਹਨ ਤੇ ਉਸ ਨੂੰ ਝੂਠਾ ਫਸਾ ਵੀ ਦਿਤਾ ਗਿਆ। ਚੰਡੀਗੜ੍ਹ 'ਚ ਪ੍ਰੈਸ ਕਾਨਫਰੰਸ ਦੌਰਾਨ ਅਮਰਜੀਤ ਕੌਰ ਨੇ ਦੱਸਿਆ ਕਿ 2 ਮਾਰਚ 2013 ਨੂੰ ਫਤਿਹਗੜ੍ਹ ਪੁਲਸ ਪੱਖੋਵਾਲ ਰੋਡ ਲੁਧਿਆਣਾ ਸਥਿਤ ਉਨ੍ਹਾਂ ਦੇ ਘਰੋਂ ਉਨ੍ਹਾਂ ਦੇ ਪਤੀ ਮਨਪ੍ਰੀਤ ਗਿੱਲ ਤੇ ਉਨ੍ਹਾਂ ਦੇ ਇਕ ਦੋਸਤ ਰੌਬਿਨ ਗਰੇਵਾਲ ਨੂੰ ਜਬਰੀ ਚੁੱਕ ਕੇ ਲੈ ਗਏ। ਪੁਲਸ ਨੇ ਉਨ੍ਹਾਂ ਨੂੰ ਇਸ ਘਟਨਾ ਬਾਰੇ ਕਿਸੇ ਨੂੰ ਨਾ ਦੱਸਣ ਬਾਰੇ ਕਿਹਾ। ਇਸ ਤੋਂ ਬਾਅਦ ਰੌਬਿਨ ਨੂੰ 5 ਮਾਰਚ ਨੂੰ ਦਿੱਲੀ ਦੇ ਇੰਦਰਾ ਗਾਂਧੀ ਹਵਾਈ ਅੱਡੇ 'ਤੇ ਛੱਡ ਦਿਤਾ ਗਿਆ। ਜਿੱਥੋਂ ਉਹ ਕੈਨੇਡਾ ਚਲਾ ਗਿਆ ਪਰ ਮਨਪ੍ਰੀਤ ਨੂੰ ਨਾ ਛੱਡਿਆ ਗਿਆ। ਉਨ੍ਹਾਂ ਦੱਸਿਆ ਕਿ ਪੁਲਸ ਨੇ ਡਰੱਗ ਮਾਮਲੇ 'ਚ ਫੜੇ ਗਏ ਅਨੂਪ ਕਾਹਲੋਂ ਵੱਲੋਂ ਉਨ੍ਹਾਂ ਦੇ ਦੇ ਇਕ ਰਿਸ਼ਤੇਦਾਰ ਗੱਬਰ ਸਿੰਘ (ਹੁਸ਼ਿਆਰਪੁਰ ਵਾਸੀ) ਦਾ ਨਾਂ ਲਏ ਜਾਣ ਕਾਰਨ ਸਾਡੇ ਘਰ ਰੇਡ ਕੀਤੀ ਸੀ।ਅਮਰਜੀਤ ਕੌਰ ਨੇ ਦੋਸ਼ ਲਾਇਆ ਕਿ ਪੁਲਸ ਨੇ ਮਨਪ੍ਰੀਤ ਨੂੰ ਛੱਡਣ ਬਦਲੇ 1 ਕਰੋੜ ਦੀ ਮੰਗ ਕੀਤੀ। ਪੈਸੇ ਵੀ ਸਿੱਧੇ ਬਾਹਰੋਂ ਮੰਗਵਾਉਣ ਨੂੰ ਕਿਹਾ ਗਿਆ। ਮਨਪ੍ਰੀਤ ਨੇ ਕੈਨੇਡਾ ਤੋਂ ਪੈਸੇ ਮੰਗਵਾਏ। 7 ਮਾਰਚ ਨੂੰ ਜਾਂਚ ਅਫਸਰ ਦਲਬੀਰ ਗਰੇਵਾਲ ਨਾਲ ਦਿੱਲੀ ਜਾ ਕੇ ਮਨਪ੍ਰੀਤ ਨੇ 50 ਲੱਖ ਰੁਪਏ ਮੁਕਰਬਲਾ ਚੌਕ 'ਚ ਪੁਲਸ ਨੂੰ ਦਿੱਤੇ। ਬਾਕੀ 50 ਲੱਖ 8 ਮਾਰਚ ਨੂੰ ਲੁਧਿਆਣਾ ਦੇ ਫੁਹਾਰਾ ਚੌਕ 'ਚ ਦਿੱਤੇ ਗਏ। ਇਸ ਤੋਂ ਬਾਅਦ ਮਾਨ ਨੂੰ ਮਿਲਾਉਣ ਦਾ ਕਹਿ ਕੇ ਉਹ ਮਨਪ੍ਰੀਤ ਨੂੰ ਫਤਿਹਗੜ੍ਹ ਸਾਹਿਬ ਲੈ ਗਏ¢ਜਿੱਥੇ 50 ਲੱਖ ਹੋਰ ਮੰਗ ਲਏ।
ਅਮਰਜੀਤ ਨੇ ਦੋਸ਼ ਲਾਇਆ ਕਿ 1 ਕਰੋੜ ਲੈਣ ਉਪਰੰਤ ਹੋਰ 50 ਲੱਖ ਨਾ ਦੇਣ ਕਾਰਨ ਉਸ ਦੇ ਪਤੀ ਮਨਪ੍ਰੀਤ ਤੇ ਉਨ੍ਹਾਂ ਦੇ ਰਿਸ਼ਤੇਦਾਰ ਗੱਬਰ ਸਿੰਘ ਦੀ 8 ਮਾਰਚ ਨੂੰ ਹੀ ਮੰਡੀ ਗੋਬਿੰਦਗੜ੍ਹ ਕੋਲੋਂ ਗਿ੍ਰਫਤਾਰੀ ਦਿਖਾਕੇ ਉਨ੍ਹਾਂ ਤੋਂ 1 ਕਿਲੋ ਹੈਰੋਇਨ ਤੇ 20 ਕਿਲੋ ਸਿੰਥੈਟਿਕ ਡਰੱਗ ਦੀ ਰਿਕਵਰੀ ਦਿਖਾ ਦਿਤੀ ਗਈ। ਉਨ੍ਹਾਂ ਦੇ ਪਤੀ 'ਤੇ ਅਣਮਨੁੱਖੀ ਤਸ਼ੱਦਦ ਕੀਤਾ ਗਿਆ ਤੇ ਉਸ ਨੂੰ ਇਸ ਝੂਠੇ ਮਾਮਲੇ 'ਚ ਫਸਾ ਦਿਤਾ ਗਿਆ। ਉਹ 1 ਸਾਲ ਤੋਂ ਆਪਣੇ ਪਤੀ ਦੀ ਰਿਹਾਈ ਲਈ ਭਟਕ ਰਹੀ ਹੈ ਪਰ ਕਿਤੇ ਕੋਈ ਸੁਣਵਾਈ ਨਹੀਂ ਹੋ ਰਹੀ।
ਅਮਰਜੀਤ ਕੌਰ ਨੇ ਇਸ ਬਾਬਤ ਮਾਮਲੇ ਦੀ ਜਾਂਚ ਕਰ ਰਹੇ ਪੁਲਸ ਅਫਸਰਾਂ ਦੀ ਕਾਲ ਡਿਟੇਲ ਵੀ ਮੀਡੀਆ ਸਾਹਮਣੇ ਪੇਸ਼ ਕੀਤੀ। ਦੋ ਮਾਰਚ ਨੂੰ ਮਨਪ੍ਰੀਤ ਗਿੱਲ ਦੇ ਘਰ ਰੇਡ ਕਰਨ ਵਾਲੇ ਅਫਸਰਾਂ 'ਚ ਇੰਸਪੈਕਟਰ ਰਮਨਦੀਪ ਸਿੰਘ, ਇੰਸਪੈਕਟਰ ਅਵਤਾਰ ਸਿੰਘ, ਇੰਸਪੈਕਟਰ ਸੁਖਵੀਰ ਸਿੰਘ ਆਦਿ ਸ਼ਾਮਲ ਸਨ।ਅਮਰਜੀਤ ਨੇ ਇਹ ਵੀ ਦੋਸ਼ ਲਾਇਆ ਕਿ ਉਸ ਦੀ ਜਾਨ ਨੂੰ ਖਤਰਾ ਹੈ ਪਰ ਉਹ ਆਪਣੀ ਲੜਾਈ ਜਾਰੀ ਰੱਖੇਗੀ।

ਸ਼ਹੀਦੀ ਖੂਹ ਅਜਨਾਲਾ 'ਚੋਂ ਖੋਜ਼ੀਆਂ ਅਸਥੀਆਂ ਦੀ ਮਿੱਟੀ ਰਾਵੀ ਕੰਢੇ ਜਲ ਪ੍ਰਵਾਹ ---ਮਾਰਚ 'ਚ ਸ਼ਾਮਲ ਹੋਣ ਦਾ ਸੱਦਾ

www.sabblok.blogspot.com


ਜਲੰਧਰ: 2 ਅਪ੍ਰੈਲ:     1857 ਦੇ ਗ਼ਦਰ ਮੌਕੇ ਬਗ਼ਾਵਤ ਕਰਨ ਵਾਲੇ ਫੌਜ਼ੀਆਂ ਦੀਆਂ ਅਸਥੀਆਂ ਜੋ ਅਜਨਾਲਾ ਵਾਲੇ ਸ਼ਹੀਦੀ ਖੂਹ 'ਚੋਂ ਖੋਜ਼ੀਆਂ ਗਈਆਂ, ਉਹਨਾਂ ਦੀ ਲਹੂ ਰੱਤੀ ਮਿੱਟੀ ਅਤੇ ਚੂਰ ਭੂਰ ਬਣੀਆਂ ਅਸਥੀਆਂ ਨੂੰ 13 ਅਪ੍ਰੈਲ ਵਿਸਾਖੀ ਅਤੇ ਜੱਲਿ•ਆਂਵਾਲਾ ਬਾਗ਼ ਦੇ ਖੂਨੀ ਸਾਕੇ ਵਾਲੇ ਦਿਨ ਉਸ ਰਾਵੀ ਦਰਿਆ 'ਤੇ ਜਾ ਕੇ ਹਜ਼ਾਰਾਂ ਲੋਕ ਜਲ-ਪ੍ਰਵਾਹ ਕਰਨਗੇ, ਜਿਥੇ ਇਨ•ਾਂ ਦੇ 150 ਦੇ ਕਰੀਬ ਸੰਗੀ ਸਾਥੀ ਗੋਲੀਆਂ ਮਾਰਕੇ ਅਤੇ ਰਾਵੀ ਦਰਿਆ ਵਿੱਚ ਰੋੜਕੇ ਸ਼ਹੀਦ ਕਰ ਦਿੱਤੇ ਸਨ।
ਗੁਰਦੁਆਰਾ ਸ਼ਹੀਦੀ ਗੰਜ ਸ਼ਹੀਦਾਂ ਵਾਲਾ ਖੂਹ ਅਜਨਾਲਾ ਕਮੇਟੀ ਦੇ ਮੁਖੀਆਂ ਅਮਰਜੀਤ ਸਰਕਾਰੀਆ, ਕਾਬਲ ਸਿੰਘ ਸਾਹਪੁਰ ਅਤੇ ਉੱਘੇ ਇਤਿਹਾਸਕਾਰ ਖੋਜ਼ਕਾਰ ਡਾ. ਸੁਰਿੰਦਰ ਕੋਛੜ ਵੱਲੋਂ ਦਿੱਤੇ ਸੱਦੇ 'ਤੇ ਫੁੱਲ ਚੜ•ਾਉਦਿਆਂ ਅੱਜ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋਂ, ਜਨਰਲ ਸਕੱਤਰ ਡਾ. ਰਘਬੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਦੱਸਿਆ ਕਿ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੀ ਅਗਵਾਈ 'ਚ ਵਿਸ਼ੇਸ਼ ਜੱਥਾ ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ ਤੋਂ 13 ਅਪ੍ਰੈਲ ਸਵੇਰੇ 8 ਵਜੇ ਸ਼ਹੀਦੀ ਖੂਹ ਅਜਨਾਲਾ ਵੱਲ ਰਵਾਨਾ ਹੋਏਗਾ।  ਇਥੋਂ ਵਿਸ਼ਾਲ ਮਾਰਚ ਵਿੱਚ ਸ਼ਾਮਲ ਹੋ ਕੇ ਰਾਵੀ ਕੰਢੇ ਪਹੁੰਚਕੇ ਸੂਹੀ ਮਿੱਟੀ ਜਲ-ਪ੍ਰਵਾਹ ਕਰਨ ਦੀ ਰਸਮ 'ਚ ਸ਼ਾਮਲ ਹੋ ਕੇ ਸ਼ਹੀਦਾਂ ਨੂੰ ਅਕੀਦਤ ਪੇਸ਼ ਕਰੇਗਾ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਪੰਜਾਬ ਅਤੇ ਦੇਸ਼-ਵਿਦੇਸ਼ ਵਸਦੇ ਗ਼ਦਰੀਆਂ ਦੇ ਸਮੂਹ ਵਾਰਸਾਂ ਨੂੰ ਜ਼ੋਰਦਾਰ ਅਪੀਲ ਕੀਤੀ ਹੈ ਕਿ ਉਹ ਪੰਜਾਬ ਅਤੇ ਕੇਂਦਰ ਸਰਕਾਰ ਉਪਰ ਦਬਾਅ ਬਣਾਉਣ ਲਈ ਆਵਾਜ਼ ਉਠਾਉਣ ਤਾਂ ਜੋ ਅਸਥੀਆਂ ਦੇ ਸਾਂਭਣਯੋਗ ਮੁੱਖ ਹਿੱਸੇ ਨੂੰ ਬਕਾਇਦਾ ਪੁਰਾਤਤਵ ਵਿਭਾਗ ਰਾਹੀਂ ਵਿਗਿਆਨਕ ਵਿਧੀ ਰਾਹੀਂ ਸੰਭਾਲਿਆ ਜਾ ਸਕੇ, ਕਿਉਂਕਿ ਅਸਥੀਆਂ ਦੀ ਦਸ਼ਾ ਖਰਾਬ ਹੋਣ ਜਾ ਰਹੀ ਹੈ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਸਮੂਹ ਦੇਸ਼ ਭਗਤ, ਲੋਕ-ਪੱਖੀ, ਅਗਾਂਹਵਧੂ, ਤਰਕਸ਼ੀਲ, ਜਮਹੂਰੀ, ਲੇਖਕ, ਜੱਥੇਬੰਦੀਆਂ ਅਤੇ ਮਿਹਨਤਕਸ਼ ਤਬਕਿਆਂ ਦੀਆਂ ਸੰਸਥਾਵਾਂ ਨੂੰ 13 ਅਪ੍ਰੈਲ ਅਜਨਾਲਾ ਵਿਖੇ ਮਾਰਚ ਵਿਖੇ ਹੁੰਮ ਹੁਮਾਕੇ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਹੈ।

ਜਥੇਦਾਰ ਬਲਦੀਪ ਸਿੰਘ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਨੇ ਚੋਣ ਪ੍ਰਚਾਰ ਕੀਤਾ

www.sabblok.blogspot.com

ਭਿੱਖੀਵਿੰਡ ਦੇ ਮੇਂਨ ਚੌਕ ਵਿਖੇ ਗਲੱਬਾਤ ਕਰਦੇ ਆਪ ਦੇ ਉਮੀਦਵਾਰ ਜਥੇਦਾਰ ਬਲਦੀਪ ਸਿੰਘ ਤੇ ਦੁਕਾਨਦਾਰਾਂ ਕੋਲੋ ਸਹਿਯੋਗ ਦੀ ਮੰਗ ਕਰਦੇ ਹੋਏ ਜਥੇਦਾਰ ਬਲਦੀਪ ਸਿੰਘ ਆਦਿ।  

ਭਿੱਖੀਵਿੰਡ 1 ਅਪ੍ਰੈਲ (ਭੁਪਿੰਦਰ ਸਿੰਘ)- ਲੋਕ ਸਭਾ ਹਲਕਾ ਖਡੂਰ ਸਾਹਿਬ ਤੋਂ ਚੋਣ ਲੜ੍ਹ ਰਹੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਜਥੇਦਾਰ ਬਲਦੀਪ ਸਿੰਘ ਆਪਣੇ ਸਾਥੀਆਂ ਸਮੇਤ  ਜਿਹਨਾਂ ਵਿੱਚ ਬਿਕਰਮਜੀਤ ਸਿੰਘ ਜੰਡਿਆਲਾ ਗੁਰੂ, ਸੱਜਣ ਸਿੰਘ ਉਬੋਕੇ, ਮਨਜਿੰਦਰ ਸਿੰਘ, ਬਲਰਾਜ ਸਿੰਘ ਬਾਜਵਾ,ਰਵਿੰਦਰ ਸਿੰਘ ਕਰਣ, ਰਣਜੀਤ ਸਿੰਘ ਭਿੱਖੀਵਿੰਡ (ਸ਼ੌਰੀਆਂ ਵਿਜੇਤਾ) ਸਮੇਤ ਭਿੱਖੀਵਿੰਡ ਪਹੁੰਚੇ ਤੇ ਦੁਕਾਨਦਾਰਾਂ ਦੇ ਪਾਸੋਂ ਵੋਟਾਂ ਦੀ ਮੰਗ ਕੀਤੀ ਤੇ ਆਖਿਆਂ ਕਿ ਹੁਣ ਆਮ ਆਦਮੀ ਪਾਰਟੀ ਸੜਕ ਤੋਂ ਲੈ ਕੇ ਸੰਸਦ ਤੱਕ ਭ੍ਰਿਸ਼ਟਾਚਾਰ ਦੀ ਸਫਾਈ ਤੁਹਾਡੇ ਸਹਿਯੋਗ ਨਾਲ ਕਰਕੇ ਹੀ ਦਮ ਲਵੇਗੀ। ਉਹਨਾਂ ਆਖਿਆਂ ਕਿ ਆਮ ਆਦਮੀ ਪਾਰਟੀ ਦਾ ਉਦੇਸ਼ ਦੇਸ਼ ਵਿੱਚੋਂ ਭ੍ਰਿਸ਼ਟਾਚਾਰ, ਨਸ਼ੇ ਤੋਂ ਮੁਕਤ ਭਾਰਤ ਦਾ ਨਿਰਮਾਣ, ਲਾਲ ਬੱਤੀ ਕਲਚਰ ਖਤਮ ਕਰਨਾ, ਮਹਿਲਾਵਾਂ ਤੇ ਬੱਚਿਆਂ ਤੇ ਬਜੁਰਗਾਂ ਨੂੰ ਸਰੁੱਖਿਆ ਵਿੱਚ ਪਹਿਲ, ਬਿਜਲੀ ਦੀਆਂ ਵੱਧ ਰਹੀਆਂ ਕੀਮਤਾਂ ਤੇ ਰੋਕ, ਸਰਕਾਰੀ ਹਸਪਤਾਲਾਂ ਵਿੱਚ ਪ੍ਰਾਈਵੇਟ ਹਸਪਤਾਲਾਂ ਵਰਗੀਆਂ ਸਿਹਤ ਸਹੂਲਤਾਂ, ਪੰਜਾਬ ਵਿੱਚ ਪੈਟਰੋਲ ਤੇ ਟੈਕਸ ਘੱਟ ਕਰਵਾਉਣਾ ਜਿਹੜਾ ਕਿ ਹਰਿਆਣਾ ਨਾਲੋਂ ੭ ਰੁਪਏ ਵੱਧ ਲੱਗ ਰਿਹਾ ਹੈ, ਕਿਸਾਨਾਂ, ਬੇਰੋਜਗਾਰਾਂ, ਮਜਦੂਰਾਂ, ਦੁਕਾਨਦਾਰਾਂ ਦੀਆਂ ਮੁਸ਼ਕਿਲਾਂ ਨੂੰ ਹੱਲ ਕਰਨਾ ਆਦਿ ਹੋਵੇਗਾ। 

ਚੋਣਾਂ ਦੇ ਨੇੜਿਉਂ ਤੇੜਿਉਂ---ਮੈਦਾਨ ਚ ਕਾਂਗਰਸ ਦੀਆਂ ਵੱਡੀਆਂ ਤੋਪਾਂ ਆਉਣ ਨਾਲ ਪੰਜਾਬ ਦਾ ਸਿਆਸੀ ਦ੍ਰਿਸ਼ ਬਦਲਿਆ

www.sabblok.blogspot.com

ਗੁਰਭੇਜ ਸਿੰਘ ਚੌਹਾਨ
ਸੰਪਾਦਕ ਰਾਜਨੀਤਕ ਮਾਮਲੇ
ਪੰਜਾਬੀ ਨਿਊਜ਼ ਆਨਲਾਈਨ
98143 06545

ਲੋਕ ਸਭਾ ਚੋਣਾਂ ਦੀ ਵੋਟਿੰਗ ਵਿਚ ਅਜੇ ਇਕ ਮਹੀਨੇ ਤੋਂ ਉੱਪਰ ਦਾ ਸਮਾਂ ਪਿਆ ਹੈ ਜਿਸ ਕਰਕੇ ਚੋਣ ਪ੍ਰਚਾਰ ਮੱਠੀ ਰਫਤਾਰ ਨਾਲ ਹੀ ਚੱਲ ਰਿਹਾ ਸੀ ਅਤੇ ਪੰਜਾਬ ਵਿਚ ਅਕਾਲੀ ਭਾਜਪਾ ਗਠਜੋੜ ਵੱਲੋਂ ਆਪਣੇ ਉਮੀਦਵਾਰ ਪਹਿਲਾਂ ਐਲਾਨ ਕੇ ਚੋਣ ਮੈਦਾਨ ਵਿਚ ਭਲਵਾਨੀ ਗੇੜੇ ਮਾਰਕੇ ਮਾਹੌਲ ਤੇ ਆਪਣਾ ਪ੍ਰਭਾਵ ਬਣਾਉਣ ਦਾ ਯਤਨ ਕੀਤਾ ਜਾ ਰਿਹਾ ਸੀ ਕਿਉਂ ਕਿ ਕਾਂਗਰਸ ਸਮੇਤ ਬਾਕੀ ਪਾਰਟੀਆਂ ਇਸ ਕੰਮ ਵਿਚ ਪਛੜੀਆਂ ਹੋਈਆਂ ਸਨ ਅਤੇ ਅਕਾਲੀ ਭਾਜਪਾ ਗਠਜੋੜ ਆਪਣਾ ਹੱਥ ਉੱਪਰ ਸਮਝ ਰਿਹਾ ਸੀ ਪਰ ਜਿਸ ਰਣਨੀਤੀ ਤਹਿਤ ਕਾਂਗਰਸ ਪਾਰਟੀ ਨੇ ਆਪਣੀਆਂ ਵੱਡੀਆਂ ਤੋਪਾਂ ਨੂੰ ਚੋਣਾਂ ਦੇ ਮੈਦਾਨ ਏ ਜੰਗ ਵਿਚ ਲਿਆ ਖੜ•ਾ ਕੀਤਾ ਹੈ ਇਸ ਨਾਲ ਇਕ ਦਮ ਪੰਜਾਬ ਦਾ ਸਿਆਸੀ ਦ੍ਰਿਸ਼ ਬਦਲ ਗਿਆ ਹੈ ਅਤੇ ਨਿਰਜਿੰਦ ਹੋਈ ਕਾਂਗਰਸ ਪਾਰਟੀ ਵਿਚ ਨਵਾਂ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ। ਜਿੱਥੇ ਅਕਾਲੀ ਭਾਜਪਾ ਗਠਜੋੜ ਇਹ ਪ੍ਰਚਾਰ ਰਿਹਾ ਸੀ ਕਿ ਕਾਂਗਰਸੀ ਚੋਣਾਂ ਲੜਨ ਤੋਂ ਭੱਜ ਰਹੇ ਹਨ, ਉੰਥੇ ਹੁਣ ਅੰਮ੍ਰਿਤਸਰ ਤੋਂ ਕੈਪਟਨ ਅਮਰਿੰਦਰ ਸਿੰਘ, ਫਿਰੋਜ਼ਪੁਰ ਤੋਂ ਸੁਨੀਲ ਕੁਮਾਰ ਜਾਖੜ, ਫਤਿਹਗੜ• ਸਾਹਿਬ ਤੋਂ ਸਾਧੂ ਸਿੰਘ ਧਰਮਸੋਤ, ਫਰੀਦਕੋਟ ਤੋਂ ਜੋਗਿੰਦਰ ਸਿੰਘ ਪੰਜਗਰਾਂਈ, ਹੁਸ਼ਿਆਰਪੁਰ ਤੋਂ ਮਹਿੰਦਰ ਸਿੰਘ ਕੇ ਪੀ, ਲੁਧਿਆਣਾ ਤੋਂ ਰਵਨੀਤ ਸਿੰਘ ਬਿੱਟੂ, ਜਲੰਧਰ ਤੋਂ ਚੌਧਰੀ ਸੰਤੋਖ ਸਿੰਘ ਵਰਗੇ ਕੱਦਾਵਰ ਆਗੂਆਂ ਨੂੰ ਮੈਦਾਨ ਚ ਲਿਆਕੇ ਵਿਰੋਧੀ ਧਿਰ ਨੂੰ  ਕਾਂਗਰਸ ਪਾਰਟੀ ਨੇ ਇਕ ਵਾਰ ਭਾਜੜਾਂ ਪਾ ਦਿੱਤੀਆਂ ਹਨ। ਇਸ ਪ੍ਰਭਾਵ ਨੂੰ ਘੱਟ ਕਰਨ ਲਈ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਨੇ ਟਿੱਪਣੀ ਕਰਦਿਆਂ ਕਿਹਾ ਹੈ ਕਿ ਘੋੜੇ ਬਦਲਕੇ ਜੰਗ ਨਹੀਂ ਜਿੱਤੀ ਜਾ ਸਕਦੀ। ਇਸੇ ਤਰਾਂ ਡਿਪਟੀ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਨੇ ਪੁਰਾਣੇ ਕਾਂਗਰਸੀਆਂ ਨੂੰ ਇਨ•ਾਂ ਚੋਣਾਂ ਵਿਚ ਝੋਕਣ ਦਾ ਦੋਸ਼ ਰਾਹੁਲ ਗਾਂਧੀ ਸਿਰ ਮੜ•ਦਿਆਂ ਉਸਦੀ ਆਪਣੀ ਸਿਆਸੀ ਚਾਲ ਦੱਸਿਆ ਹੈ ਅਤੇ ਇਸਨੂੰ ਰਾਹੁਲ ਫਾਰਮੂਲਾ ਦੱਸਿਆ ਹੈ ਜਿਸ ਨਾਲ ਉਹ ਪੁਰਾਣੇ ਕਾਂਗਰਸੀਆਂ ਨੂੰ ਲਾਂਭੇ ਕਰਕੇ ਆਪਣੀ ਮਨਪਸੰਦ ਲੀਡਰਸ਼ਿਪ ਨੂੰ ਅੱਗੇ ਲਿਆਉਣਾਂ ਚਾਹੁੰਦਾ ਹੈ। ਪਰ ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਕਾਂਗਰਸ ਦੇ ਇਨ•ਾਂ ਪੁਰਾਣੇ ਲੀਡਰਾਂ ਦੇ ਮੈਦਾਨ ਵਿਚ ਆਉਣ ਨਾਲ ਮੁਕਾਬਲਾ ਸਖਤ ਅਤੇ ਦਿਲਚਸਪ ਬਣ ਗਿਆ ਹੈ ਜਿਸ ਨਾਲ ਆਮ ਲੋਕਾਂ ਵਿਚ ਵੀ ਇਨ•ਾਂ ਚੋਣਾਂ ਪ੍ਰਤੀ ਉਤਸ਼ਾਹ ਹੋਰ ਵਧ ਗਿਆ ਹੈ। 

ਵਿਸ਼ਵ ਰੰਗ ਮੰਚ ਦਿਹਾੜੇ ਨੂੰ ਸਮਰਪਤ ----ਨਾਟਕ 'ਮਿਊਜ਼ਿਅਮ' ਅਤੇ 'ਦਵੰਦ' ਦਾ ਮੰਚਨ

www.sabblok.blogspot.com

ਜਲੰਧਰ:    ਦੇਸ਼ ਭਗਤ ਯਾਦਗਾਰ ਕਮੇਟੀ ਵੱਲੋਂ ਦੇਸ਼ ਭਗਤ ਯਾਦਗਾਰ ਹਾਲ ਵਿੱਚ ਵਿਸ਼ਵ ਰੰਗ ਮੰਚ ਦਿਹਾੜੇ 'ਤੇ ਦੋ ਨਾਟਕ 'ਮਿਊਜ਼ੀਅਮ' ਅਤੇ 'ਦਵੰਦ' ਪੇਸ਼ ਕੀਤੇ ਗਏ।
ਯੁਵਾ ਥੀਏਟਰ ਵੱਲੋਂ ਪੇਸ਼ ਮਿਊਜ਼ੀਅਮ ਨਾਟਕ ਦੇ ਲੇਖਕ ਮੁੰਬਈ ਦੇ ਸੁਮੇਧ ਅਤੇ ਰਸਿਕਾ ਹਨ ਅਤੇ ਇਸਨੂੰ ਨਿਰਦੇਸ਼ਿਤ ਕੀਤਾ ਯੁਵਾ ਥੀਏਟਰ ਦੇ ਨਿਰਦੇਸ਼ਕ ਡਾ. ਅੰਕੁਰ ਸ਼ਰਮਾ ਨੇ।  ਇਹ ਨਾਟਕ ਵਿਸ਼ੇਸ਼ ਤੌਰ 'ਤੇ ਇਕ ਰੰਗ-ਕਰਮੀ ਦੀ ਪ੍ਰਤੀਕਿਰਿਆ ਹੈ ਸਾਡੇ ਸਮਾਜ ਵਿੱਚ ਔਰਤਾਂ ਦੇ ਵਿਰੁੱਧ ਲਗਾਤਾਰ ਵਧਦੇ ਅਤਿਆਚਾਰ ਤੇ ਅਪਰਾਧ ਦੇ ਵਿਰੁੱਧ।  ਇਸ ਵਿੱਚ ਤਿੰਨ ਔਰਤ ਅਭਿਨੇਤਰੀਆਂ 12 ਅਲੱਗ-ਅਲੱਗ ਇਸਤਰੀਆਂ ਨਾਂਲ ਦਰਸ਼ਕਾਂ ਨੂੰ ਜਾਣੂ ਕਰਵਾਉਂਦੀਆਂ ਹਨ।  ਇਹ 12 ਇਸਤਰੀਆਂ ਸਮੇਂ ਸਮੇਂ ਲਿਖੇ ਗ੍ਰੰਥਾਂ ਦੀਆਂ ਨਾਇਕਾਵਾਂ ਤੋਂ ਲੈ ਕੇ ਵਰਤਮਾਨ ਸਮੇਂ ਵਿੱਚ ਸ਼ੋਸ਼ਣ ਅਤੇ ਹਿੰਸਾ ਦੀਆਂ ਸ਼ਿਕਾਰ ਇਸਤਰੀਆਂ ਹਨ।  ਨਾਟਕ ਬਹੁਤ ਹੀ ਮਨੋਰੰਜਕ ਪਰ ਸਟੀਕ ਪੇਸ਼ਕਾਰੀ 'ਚ ਇਹ ਸੁਨੇਹਾ ਦੇਣ ਵਿੱਚ ਕਾਮਯਾਬ ਰਿਹਾ ਕਿ ਕਿਸ ਤਰ•ਾਂ ਸਾਡੇ ਸਮਾਜਿਕ ਢਾਂਚੇ ਦੀ ਬਣਤਰ ਔਰਤ ਦੀ ਹੋਂਦ ਖੁਦਮੁਖ਼ਤਾਰੀ, ਸਵੈਮਾਣ ਨੂੰ ਹਮੇਸ਼ਾਂ ਦਬਾਕੇ ਰੱਖਦੀ ਹੈ।
ਨਾਲ ਹੀ ਨਾਲ ਨਾਟਕ ਕਰਾਰੀ ਚੋਟ ਕਰਦਾ ਹੈ ਕਿ ਅਜੋਕੇ ਸਮਾਜਕ ਪ੍ਰਬੰਧ ਅੰਦਰ ਔਰਤ ਨੂੰ ਇੱਕ ਬਾਜ਼ਾਰ ਦੀ ਵਸਤੂ ਬਣਾ ਧਰਿਆ ਹੈ।  ਚਰਮਸੀਮਾ 'ਤੇ ਪਹੁੰਚਕੇ ਨਾਟਕ ਸੁਨੇਹਾ ਦਿੰਦਾ ਹੈ ਕਿ: 'ਬਸ ਹੁਣ ਹੋਰ ਨਹੀਂ', 'ਔਰਤ ਕੋਈ ਮਿਊਜ਼ੀਅਮ 'ਚ ਰੱਖੀ ਜਾਣ ਵਾਲੀ ਵਸਤੂ ਨਹੀਂ।'
ਨਾਟਕ ਸੂਖ਼ਮਤਾ ਭਰੇ ਕਲਾਤਮਕ ਅੰਦਾਜ਼ 'ਚ ਔਰਤਾਂ ਉਪਰ ਢਾਹੀ ਜਾ ਰਹੀ ਬਹੁ-ਵੰਨਗੀ ਹਿੰਸਾ, ਆਰਥਕ, ਸਮਾਜਕ, ਮਾਨਸਿਕ ਲੁੱਟ-ਖਸੁੱਟ ਦੇ ਅਸਲ ਕਾਰਨਾਂ ਤੋਂ ਸੂਖ਼ਮ ਅਤੇ ਕਲਾਤਮਈ ਅੰਦਾਜ਼ 'ਚ ਪਰਦਾ ਚੁੱਕਦਾ ਹੈ।
ਨਾਟਕ ਵਿਚ ਖੂਬਸੁਰਤ ਅਦਾਕਾਰੀ ਨਿਭਾਈ ਅੰਜਲੀ ਮਿਸ਼ਰਾ, ਮਨਦੀਪ ਕੌਰ, ਹਿਨਾ ਸ਼ਰਮਾ, ਹਰੀਸ਼ ਡੋਗਰਾ ਅਤੇ ਅੰਕੁਰ ਸ਼ਰਮਾ ਨੇ।  ਸਮੂਹ-ਗਾਇਨ ਅਤੇ ਸੰਗੀਤ ਵਿੱਚ ਇਨ•ਾਂ ਦਾ ਸਾਥ ਦਿੱਤਾ ਅੰਕੁਰ ਸ਼ਰਮਾ, ਹਰੀਸ਼ ਡੋਗਰਾ, ਵਿਸ਼ੇਸ਼ ਅਰੋੜਾ, ਵਿਕਾਸ ਸਭਰਵਾਲ, ਮਨਪ੍ਰੀਤ, ਧਰੁਵ ਅਤੇ ਕਰਨ ਬਿਸ਼ਤ ਨੇ।  ਰੌਸ਼ਨੀ ਦੇ ਬਾਖ਼ੂਬ ਪ੍ਰਭਾਵ ਸਿਰਜੇ ਹਰਜੀਤ ਸਿੰਘ ਨੇ। 
ਨੀਰਜ ਕੌਸ਼ਿਕ ਦੀ ਕਲਮ ਤੋਂ ਲਿਖੇ ਅਤੇ ਨਿਰਦੇਸ਼ਤ ਕੀਤੇ ਨਾਟਕ 'ਦਵੰਦ' ਨੇ ਪੀੜ•ੀ-ਪਾੜੇ ਦੀਆਂ ਅੰਤਰ-ਵਿਰੋਧਤਾਈਆਂ ਨੂੰ ਬਾਖ਼ੂਬੀ ਬਿਆਨ ਕੀਤਾ।  ਪਰਿਵਾਰਕ ਉਲਝਣਾਂ, ਟਕਰਾਵਾਂ, ਸੰਕਿਆਂ, ਮਾਨਸਿਕ-ਤਣਾਵਾਂ ਦੀ ਤਸਵੀਰ ਪੇਸ਼ ਕਰਦਾ ਨਾਟਕ 'ਦਵੰਦ' ਇਹ ਦਰਸਾਉਂਦਾ ਹੈ ਕਿ 'ਸੌ ਫੁੱਲ ਖਿੜਨ ਦਿਓ, ਸੌ ਵਿਚਾਰ ਭਿੜਨ ਦਿਓ'।
ਪੀੜੀਆਂ ਦਰਮਿਆਨ ਸੰਵਾਦ ਸਿਰਜਦਾ 'ਦਵੰਦ' ਇਹ ਦਰਸਾਉਂਦਾ ਹੈ ਕਿ ਹਕੀਕਤਾਂ ਦੀ ਤਲਾਸ਼ ਵਿੱਚ ਸਫ਼ਰ 'ਤੇ ਰਹਿਣ ਅਤੇ ਸਵੈ-ਮੰਥਨ ਦੀ ਵਿਧੀ ਹੀ ਜ਼ਿੰਦਗੀ ਦੀਆਂ ਹਕੀਕੀ ਰਾਹਾਂ ਵੱਲ ਤੋਰ ਸਕਦੀ ਹੈ।  ਇਸ ਮੌਕੇ ਦੱਖਣੀ ਅਫ਼ਰੀਕਾ ਦੇ ਉੱਘੇ ਨਾਟਕਕਾਰ ਬ੍ਰੈਟ ਬੈਲੀ ਦਾ ਰੰਗ ਮੰਚ ਦਿਹਾੜੇ 'ਤੇ ਸੰਦੇਸ਼ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਪੜਿ•ਆ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਮੰਚ ਸੰਚਾਲਨ ਕਰਦੇ ਹੋਏ ਨਾਟਕਾਂ ਦੀ ਸਫ਼ਲ ਪੇਸ਼ਕਾਰੀ ਤੇ ਕਲਾਕਾਰਾਂ ਨੂੰ ਮੁਬਾਰਕ ਦਿੰਦਿਆਂ ਕਿਹਾ ਕਿ ਯਾਦਗਾਰ ਹਾਲ ਅੰਦਰ ਬੇਹਤਰੀਨ ਨਾਟਕਾਂ ਦੇ ਮੰਚਣ ਲਈ ਹੋਰ ਵੀ ਵਿਸ਼ੇਸ਼ ਉੱਦਮ ਜੁਟਾਏ ਜਾਣਗੇ।
ਇਸ ਮੌਕੇ ਕਮੇਟੀ ਦੇ ਜਨਰਲ ਸਕੱਤਰ ਡਾ. ਰਘਬੀਰ ਕੌਰ, ਕਮੇਟੀ ਦੇ ਟਰੱਸਟੀ ਮੰਗਤ ਰਾਮ ਪਾਸਲਾ, ਕਮੇਟੀ ਮੈਂਬਰ ਡਾ. ਕਰਮਜੀਤ ਸਿੰਘ ਨੇ ਸੰਬੋਧਨ ਕੀਤਾ।  ਨਾਟਕ ਮੰਚਣ ਮੌਕੇ ਸਟੇਜ 'ਤੇ ਕਲਾਕਾਰਾਂ ਦੀ ਹੌਸਲਾ ਅਫ਼ਜਾਈ ਲਈ ਕਮੇਟੀ ਦੇ ਖਜ਼ਾਨਚੀ ਸੀਤਲ ਸਿੰਘ ਸੰਘਾ, ਕਮੇਟੀ ਮੈਂਬਰ ਦੇਵਰਾਜ ਨਈਅਰ ਵੀ ਹਾਜ਼ਰ ਸਨ।  ਨਾਟਕ ਮੰਚਣ 'ਚ ਪੀਪਲਜ਼ ਵਾਇਸ ਨੇ ਵਿਸ਼ੇਸ਼ ਸਹਿਯੋਗ ਦਿੱਤਾ।

2 ਅਪ੍ਰੈਲ ਨੂੰ ਜਨਮ ਦਿਨ ਸੰਬੰਧੀ ਸਮਾਗਮ ਤੇ ਵਿਸ਼ੇਸ਼ ----ਸੰਘਰਸ਼ ਭਰੀ ਸਦੀ ਦਾ ਮਹਾਂ ਨਾਇਕ ਬਾਬਾ ਭਗਤ ਸਿੰਘ ਬਿਲਗਾ

www.sabblok.blogspot.com

ਗ਼ਦਰ ਲਹਿਰ ਦੇ ਆਖ਼ਰੀ ਜਰਨੈਲ ਅਤੇ ਉੱਘੇ ਚਿੰਤਕ ਬਾਬਾ ਭਗਤ ਸਿੰਘ ਬਿਲਗਾ ਦੁਆਬੇ ਦੇ ਪ੍ਰਸਿੱਧ ਪਿੰਡ ਬਿਲਗਾ, ਜ਼ਿਲ੍ਹਾ ਜਲੰਧਰ ਦੇ ਜੰਮਪਲ ਸਨ।ਉਹਨਾਂ ਦਾ ਜਨਮ ਇਸੇ ਪਿੰਡ ਵਿੱਚ 2 ਅਪ੍ਰੈਲ 1907 ਨੂੰ ਨੰਬਰਦਾਰ ਹੀਰਾ ਸਿੰਘ ਸੰਘੇੜਾ ਪੱਤੀ ਭਲਾਈ ਦੇ ਘਰ ਮਾਤਾ ਮਾਲਣ ਦੀ ਕੁੱਖੋਂ ਹੋਇਆ। ਆਪ ਆਪਣੇ ਭੈਣਾਂ ਭਰਾਵਾਂ 'ਚਂੋਂ ਸਭ ਤੋਂ ਛੋਟੇ ਸਨ। ਇਹਨਾਂ ਤੋਂ ਵੱਡੇ ਇਹਨਾਂ ਦੇ ਇੱਕ ਭਰਾ ਚੌਧਰੀ ਰਾਮ ਬਖਸ਼ ਤੇ ਇਹਨਾਂ ਦੇ ਬਾਪ ਦੇ ਪਹਿਲੇ ਵਿਆਹ ਤੋਂ ਦੋ ਭੈਣਾਂ ਸਨ। ਇਹ ਅਜੇ ਦੋ ਸਾਲਾਂ ਦੇ ਵੀ ਨਹੀਂ ਸਨ ਹੋਏ ਕਿ ਇਹਨਾਂ ਦੇ ਬਾਪ ਦੀ ਅਕਾਲ ਮ੍ਰਿਤੂ ਦਾ ਕਹਿਰ ਪਰਿਵਾਰ 'ਤੇ ਟੁੱਟ ਪਿਆ। ਘਰ ਦਾ ਕਮਾਊ ਅੱਧਵਾਟੇ ਛੱਡ ਕੇ ਤੁਰ ਗਿਆ ਤਾਂ ਇਹਨਾਂ ਦੀ ਮਾਤਾ ਨੂੰ ਪਰਿਵਾਰ ਦੀ ਪਰਵਰਿਸ਼ ਲਈ ਸਖ਼ਤ ਮਿਹਨਤ ਕਰਨੀ ਪਈ ਪਰ ਫੇਰ ਵੀ ਪੂਰੀ ਨਾ ਪਈ ਅਤੇ ਅਖੀਰ ਘਰ ਘਾਟ ਤਕ ਵੀ ਗਰਵੀ ਰੱਖਣਾ ਪਿਆ। ਭਗਤ ਸਿੰਘ ਬਿਲਗਾ ਬਚਪਨ ਵਿੱਚ ਮਾਲਵੇ ਦੇ ਪਿੰਡ ਅਜੀਤ ਵਾਲ ਆਪਣੀ ਮਾਸੀ ਕੋਲ ਰਹਿ ਕੇ ਨੇੜਲੇ ਪਿੰਡ ਚੂਹੜ ਚੱਕ ਪੜ੍ਹਦੇ ਰਹੇ। ਉੱਥੋਂ ਮਿਡਲ ਪਾਸ ਕਰਕੇ ਉਹਨਾਂ ਨੇ ਲੁਧਿਆਣੇ ਦੇ ਮਾਲਵਾ ਖਾਲਸਾ ਹਾਈ ਸਕੂਲ ਤੋਂ ਮੈਟ੍ਰਿਕ ਕੀਤੀ। ਘਰ ਦੀ ਗ਼ਰੀਬੀ ਕੱਟਣ ਖਾਤਿਰ ਵਿਦੇਸ਼ ਕਮਾਈ ਕਰਨ ਲਈ ਉਹ ਪਹਿਲਾਂ ਜਪਾਨ ਤੇ ਫਿਰ ਅਰਜਨਟਾਈਨਾ ਪਹੁੰਚੇ ਪਰ ਉਥੇ ਵੱਸਦੇ ਪੰਜਾਬੀ ਦੇਸ਼ ਭਗਤਾਂ ਦੇ ਅਸਰ ਨੇ ਘਰ ਦੀ ਗ਼ਰੀਬੀ ਦੀ ਥਾਂ ਦੇਸ਼ ਦੀ ਗੁਲਾਮੀ ਦੀਆਂ ਜੰਜੀਰਾਂ ਕੱਟਣ ਵਾਲੇ ਪਾਸੇ ਤੋਰ ਲਿਆ।

ਬਾਬਾ ਭਗਤ ਸਿੰਘ ਬਿਲਗਾ 2 ਅਪ੍ਰੈਲ 1907 ਤੋਂ 22 ਮਈ 2009 ਤੱਕ ਦੀ ਲੰਮੀ ਸਰਗਰਮ ਜ਼ਿੰਦਗੀ ਜੀਉ ਕੇ ਗੁਜ਼ਰੇ ਹਨ। ਬਾਬਾ ਜੀ ਦੇ ਬਰਤਾਨਵੀ ਸਾਮਰਾਜ ਖਿਲਾਫ਼ ਵਿਦਰੋਹੀ ਜੀਵਨ ਦਾ ਆਗਾਜ਼ ਉਹਨਾਂ ਦੇ ਵਿਦਿਆਰਥੀ ਜੀਵਨ ਵਿੱਚ ਭਾਵ ਲੁਧਿਆਣੇ ਪੜ੍ਹਦੇ ਸਮੇਂ ਹੀ ਹੋ ਗਿਆ ਸੀ ਜਦ ਵਾਇਸਰਾਏ ਦੀ ਸਕੂਲ ਫੇਰੀ 'ਤੇ ਇਹਨਾਂ ਨੇ ੍ਹਪਿ ੍ਹਪਿ ੍ਹੁਰਰaੇ ਕਹਿਣ ਦੀ ਥਾਂ ਵਾਇਸਰਾਏ ਹਾਏ ਹਾਏ ਕਹਿ ਕੇ ਸਕੂਲ ਹੈੱਡਮਾਸਟਰ ਦੀ ਬੈਂਤਾਂ ਦੀ ਸਜ਼ਾ ਕਬੂਲ ਕੀਤੀ। ਘਰ ਦੀ ਗ਼ਰੀਬੀ ਧੋਣ ਲਈ ਕਮਾਈ ਕਰਨ ਲਈ ਉਹ ਵੇਦਸ਼ ਗਏ ਤੇ 21 ਸਾਲ ਦੀ ਉਮਰ ਵਿੱਚ 1928 ਨੂੰ ਸ. ਅਜੀਤ ਸਿੰਘ (ਚਾਚਾ ਸ਼ਹੀਦ ਭਗਤ ਸਿੰਘ) ਦੀ ਪ੍ਰਧਾਨਗੀ ਵਾਲੀ ਅਰਜਨਟਾਈਨਾ ਦੀ ਗ਼ਦਰ ਪਾਰਟੀ ਦੇ ਜਨਰਲ ਸਕੱਤਰ ਬਣ ਕੇ ਭਾਰਤੀਆਂ  ਨੂੰ ਦੇਸ਼ ਦੀ ਗ਼ੁਲਾਮੀ ਦਾ ਜੂਲਾ ਗਲੋਂ ਲਾਹੁਣ ਲਈ ਜੱਥੇਬੰਦ ਕਰਨ ਲੱਗ ਪਏ। ਅਰਜਨਟਾਈਨਾ ਤੋਂ ਪਾਰਟੀ ਦੇ ਆਦੇਸ਼ ਮੁਤਾਬਕ ਬਿਲਗਾ ਜੀ ਮਾਰਕਸਵਾਦ ਅਤੇ ਫੌਜੀ ਵਿਦਿਆ ਦੀ ਉਚੇਰੀ ਟਰੇਨਿੰਗ ਲੈਣ ਲਈ ਰੂਸ ਦੀ ਟੋਆਇਲਰ ਯੂਨੀਵਰਸਿਟੀ ਮਾਸਕੋ ਗਏ। ਉਥੋਂ ਉਹ 60 ਕ੍ਰਾਂਤੀਕਾਰੀਆਂ ਦਾ ਗੁਰੱਪ ਤਿਆਰ ਕਰਕੇ ਆਜ਼ਾਦੀ ਦੀ ਲੜਾਈ ਵਿੱਚ ਸ਼ਾਮਿਲ ਹੋਣ ਲਈ ਭਾਰਤ ਪਰਤੇ। ਉਹਨਾਂ ਨੇ 1934 ਤੋਂ 1936 ਤੱਕ ਕਲੱਕਤੇ, ਕਾਨਪੁਰ ਅਤੇ ਪੰਜਾਬ ਦੀਆਂ ਕ੍ਰਾਂਤੀਕਾਰੀ ਸੰਸਥਾਵਾਂ ਵਿੱਚ ਤਨਦੇਹੀ ਨਾਲ ਕੰਮ ਕੀਤਾ। ਬਾਬਾ ਜੀ ਨੂੰ ਗ੍ਰਿਫਤਾਰੀ ਤੋਂ ਬਾਅਦ ਲਾਹੌਰ ਦੇ ਕਿਲੇ ਵਿੱਚ ਦੋ ਮਹੀਨੇ ਅਣ ਮਨੁੱਖੀ ਤਸੀਹੇ ਦਿੱਤੇ ਗਏ ਅਤੇ ਰਿਹਾਈ ਉਪਰੰਤ ਇੱਕ ਸਾਲ ਲਈ ਪਿੰਡ ਬਿਲਗਾ ਵਿੱਚ ਨਜ਼ਰਬੰਦ ਕਰ ਦਿੱਤਾ ਗਿਆ। ਬਾਬਾ ਬਿਲਗਾ ਜੀ ਨੂੰ 1938 ਵਿੱਚ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦਾ ਸਕੱਤਰ, ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਲਾਹੌਰ ਦਾ ਮੈਂਬਰ, ਆਲ ਇੰਡੀਆ ਕਾਂਗਰਸ ਕਮੇਟੀ ਦਾ ਮੈਂਬਰ ਚੁਣਿਆ ਗਿਆ ਅਤੇ ਉਹਨਾਂ ਨੇ ਕਾਂਗਰਸ ਦੇ ਗੁਜਰਾਤ ਸੈਸ਼ਨ ਵਿੱਚ ਸ਼ਮੂਲੀਅਤ ਕੀਤੀ। ਉਹਨਾਂ ਨੂੰ 1939 ਵਿੱਚ ਕੈਂਬਲਪੁਰ ਜੇਲ੍ਹ ਵਿੱਚ ਤਿੰਨ ਸਾਲ ਬਤੌਰ ਜੰਗੀ ਕੈਦੀ ਰੱਖਿਆ ਗਿਆ। 1942 ਵਿੱਚ ਰਿਹਾ ਹੋਣ 'ਤੇ ਲੁਧਿਆਣੇ ਸਰਕਾਰ ਵਿਰੁੱਧ ਭੜਕਾਊ ਭਾਸ਼ਣ ਦੇਣ ਦੇ ਦੋਸ਼ ਵਿੱਚ ਉਹਨਾਂ ਨੂੰ ਇੱਕ ਸਾਲ ਲਈ ਮੁੜ ਜੇਲ੍ਹ ਵਿੱਚ ਬੰਦ ਕਰ ਦਿੱਤਾ। 1947-48 ਵਿੱਚ ਫਿਰਕੂ ਵੰਡ ਦਾ ਵਿਰੋਧ ਕਰਨ 'ਤੇ ਆਜ਼ਾਦ ਭਾਰਤ ਦੀ ਸਰਕਾਰ ਨੇ ਬਾਬਾ ਭਗਤ ਸਿੰਘ ਬਿਲਗਾ ਜੀ ਨੂੰ ਇੱਕ ਸਾਲ ਲਈ ਧਰਮਸ਼ਾਲਾ ਦੀ ਯੋਲ ਕੈਂਪ ਜੇਲ੍ਹ ਵਿੱਚ ਡੱਕ ਦਿੱਤਾ। 1959 ਵਿਚ ਖੁਸ਼ ਹੈਸੀਅਤੀ ਟੈਕਸ ਦੇ ਵਿਰੋਧ ਵਿੱਚ ਸੰਘਰਸ਼ ਕਰਨ 'ਤੇ ਪੰਜਾਬ ਦੀ ਕੈਰੋਂ ਸਰਕਾਰ ਨੇ ਫਿਰ ਬਾਬਾ ਬਿਲਗਾ ਜੀ ਨੂੰ ਗ੍ਰਿਫਤਾਰ ਕਰਕੇ ਜੇਲ੍ਹ ਅੰਦਰ ਬੰਦ ਕਰ ਦਿੱਤਾ। ਉਹਨਾਂ ਨੂੰ 1971 ਵਿੱਚ ਨਕਸਲੀ ਨੌਜਵਾਨਾਂ ਦੇ ਝੂਠੇ ਪੁਲਿਸ ਮੁਕਾਬਲਿਆਂ ਦਾ ਵਿਰੋਧ ਕਰਨ 'ਤੇ 4 ਮਹੀਨੇ ਪਟਿਆਲੇ ਜੇਲ਼੍ਹ ਵਿੱਚ ਕੈਦ ਰੱਖਿਆ ਗਿਆ। ਉਹਨਾਂ ਦੇ ਆਖਰੀ ਵਾਰੰਟ ਐਮਰਜੈਂਸੀ ਦਾ ਵਿਰੋਧ ਕਰਨ 'ਤੇ ਨਿਕਲੇ ਅਤੇ 6 ਅਕਤੂਬਰ 2008 ਵਿੱਚ ਜਲ੍ਹਿਆਂ ਵਾਲੇ ਬਾਗ ਦੇ ਅਸਲੀ ਸਰੂਪ ਨੂੰ ਬਚਾਉਣ, ਕਾਮਾਗਾਟਾਮਾਰੂ ਦੇ ਮੁਸਾਫਰਾਂ ਤੇ ਨਾਮਧਾਰੀ ਦੇਸ਼ ਭਗਤਾਂ ਨੂੰ ਮਾਨਤਾ ਦਿਵਾਉਣ ਸੰਬੰਧੀ ਕੀਤੇ ਰੋਸ ਮਾਰਚ ਨੂੰ ਉਹਨਾਂ ਦੇ ਵਿਦਰੋਹੀ ਜੀਵਨ ਦਾ ਆਖਰੀ ਅੰਦੋਲਨ ਮੰਨਿਆ ਜਾ ਸਕਦਾ ਹੈ, ਜਿਸ ਮਾਰਚ ਦੀ ਅਗਵਾਈ ਇਸ 101 ਸਾਲਾ ਬਜ਼ੁਰਗ ਇਨਕਲਾਬੀ ਨੇ ਵੀਲ੍ਹ ਚੇਅਰ 'ਤੇ ਬੈਠ ਕੇ ਕੀਤੀ। ਬਾਬਾ ਜੀ ਨੇ ਹਰ ਪ੍ਰਕਾਰ ਦੀ ਗੁਲਾਮੀ, ਨਾਬਰਾਬਰੀ, ਬੇਗਾਨਗੀ ਤੇ ਸ਼ੋਸ਼ਣ ਦੇ ਖਿਲਾਫ਼ ਸੰਘਰਸ਼ ਕਰਨ ਦੇ ਨਾਲ ਨਾਲ ਉਮਰ ਭਰ ਰੰਗ, ਨਸਲ, ਧਰਮ ਤੇ ਜਾਤੀ ਵਿਤਰਕੇ ਦੇ ਖਿਲਾਫ਼ ਵੀ ਨਿਰੰਤਰ ਅਤੇ ਪੂਰੀ ਤਨਦੇਹੀ ਨਾਲ ਜੱਦੋ-ਜਹਿਦ ਕੀਤੀ।ਬਾਬਾ ਜੀ ਨੇ ਦੇਸ਼ ਦੀ ਆਜ਼ਾਦੀ ਖਾਤਿਰ ਕੀਤੀਆਂ ਮਹਾਨ ਕੁਰਬਾਨੀਆਂ ਅਤੇ ਸਮੁੱਚੇ ਮਾਨਵੀ ਸਮਾਜ ਪ੍ਰਤੀ ਦਿੱਤੀਆਂ ਵੱਡਮੁਲੀਆਂ ਸੇਵਾਵਾਂ ਦੇ ਇਵਜ਼ ਵਿੱਚ ਕੋਈ ਵੀ ਸਰਕਾਰੀ ਪੈਨਸ਼ਨ ਜਾਂ ਕੋਈ ਹੋਰ ਸੁਵਿਧਾ ਪ੍ਰਵਾਨ ਨਹੀਂ ਕੀਤੀ ਪਰ ਉੇਹਨਾਂ ਨੂੰ ਦੁਨੀਆਂ ਭਰ ਵਿੱਚੋਂ ਕਈ ਗ਼ੈਰ ਸਰਕਾਰੀ ਸੰਸਥਾਵਾਂ ਵੱਲੋਂ ਸਨਮਾਨ ਅਤੇ ਸਨਮਾਨਜਨਕ ਖਿਤਾਬ ਮਿਲਦੇ ਰਹੇ। ਉਹਨਾਂ ਨੇ ਇੱਕ ਰਾਸ਼ਟਰੀ ਅਵਾਰਡ 'ਸਦੀ ਦਾ ਹੌਸਲਾ ਅਤੇ ਬਹਾਦੁਰੀ ਦਾ ਸਨਮਾਨ' ਸਿਰਫ਼ ਆਪਣੇ ਪਿਆਰਿਆਂ ਦੇ ਜ਼ੋਰ ਦੇਣ ਤੇ ਇਸ ਕਰਕੇ ਪ੍ਰਵਾਨ ਕੀਤਾ ਕਿ ਇਸ ਨਾਲ ਕੋਈ ਵਿੱਤੀ ਲਾਭ ਨਹੀਂ ਸੀ ਜੁੜਿਆ। ਇਸੇ ਤਰ੍ਹਾਂ ਪੰਜਾਬ ਸਰਕਾਰ ਨੇ ਉਹਨਾਂ ਨੂੰ ਮਰਨ ਉਪਰਾਂਤ 'ਪੰਜਾਬ ਰਤਨ' ਦਾ ਖਿਤਾਬ ਦੇਕੇ ਸਨਮਾਨਿਤ ਕੀਤਾ। ਇਸ ਵਿੱਚ ਵੀ ਕੋਈ ਨਕਦ ਰਾਸ਼ੀ ਨਾ ਸ਼ਾਮਿਲ ਹੋਣ ਕਰਕੇ ਹੀ ਉਹਨਾਂ ਦੇ ਪਰਿਵਾਰ ਨੇ ਇਸ ਨੂੰ ਸਵੀਕਾਰ ਕੀਤਾ। 

ਬਾਬਾ ਭਗਤ ਸਿੰਘ ਬਿਲਗਾ ਜੀ ਨੇ ਆਜ਼ਾਦੀ ਉਪਰੰਤ ਆਜ਼ਾਦੀ ਸੰਗਰਾਮੀਏ ਗ਼ਦਰੀ ਯੋਧਿਆਂ ਦੀ ਯਾਦਗਾਰ 'ਦੇਸ਼ ਭਗਤ ਯਾਦਗਾਰ ਹਾਲ ਜਲੰਧਰ' ਦੀ ਉਸਾਰੀ ਲਈ ਦਿਨ-ਰਾਤ ਇੱਕ ਕਰ ਦਿੱਤਾ । ਦੇਸ਼ਾਂ-ਵਿਦੇਸ਼ਾਂ ਤੋਂ ਉਗਰਾਹੀਆਂ ਕੀਤੀਆਂ ਤੇ ਆਪਣੀ ਨਿਗਰਾਨੀ ਹੇਠ ਇਸ ਵਿਸ਼ਾਲ ਯਾਦਗਾਰ ਦਾ ਨਿਰਮਾਣ ਕਰਵਾਇਆ ਤੇ ਫਿਰ ਇਸ ਨੂੰ ਅਗਾਂਹਵਧੂ ਤੇ ਧਰਮ ਨਿਰਪੱਖ ਲੋਕਾਂ ਦੇ ਮੰਚ ਵਜੋਂ ਸਥਾਪਿਤ ਕੀਤਾ। ਉਨ੍ਹਾਂ ਨੇ ਆਪ ਸੈਮੀਨਾਰ ਕਰਵਾ ਕੇ, ਕਾਨਫਰੰਸਾਂ ਕਰਵਾ ਕੇ, ਨਾਟਕ ਮੇਲੇ ਕਰਵਾ ਕੇ ਤੇ ਚੇਤਨਾ ਰੈਲੀਆਂ ਕੱਢ ਕੇ ਦੇਸ਼ ਵਾਸੀਆਂ ਨੂੰ ਜਾਗਰੂਕ ਕੀਤਾ। 

ਬਾਬਾ ਜੀ ਨੇ ਜਿਥੇ ਸਮੁੱਚੇ ਦੇਸ਼ ਅਤੇ ਸਮੁੱਚੀ ਅਗਾਂਹਵਧੂ ਲਹਿਰ ਲਈ ਸੁਹਿਰਦਤਾ ਨਾਲ ਕੰਮ ਕੀਤਾ ਉੱਥੇ ਉਹਨਾਂ ਨੇ ਆਪਣੇ ਆਲੇ-ਦੁਆਲੇ ਦੇ ਸਰਵਪੱਖੀ ਵਿਕਾਸ ਲਈ ਵੀ ਸ਼ਲਾਘਾਯੋਗ ਉਪਰਾਲੇ ਕੀਤੇ। ਉਹਨਾਂ ਨੇ ਆਪਣੀ ਜਵਾਨੀ ਵਿੱਚ ਹੀ ਭਾਵ 1935-36 ਵਿੱਚ ਬਿਲਗੇ ਦੇ ਬੱਚਿਆਂ ਲਈ ਆਪਣੇ ਸਾਥੀਆਂ ਦੇ ਸਹਿਯੋਗ ਨਾਲ ਲੜਕੀਆਂ ਦਾ ਸਕੂਲ ਖੁੱਲ੍ਹਵਾਇਆ ਅਤੇ ਖੁਦ ਉਸਦੀ ਨਿਗਰਾਨੀ ਕੀਤੀ।ਉਹਨਾਂ ਨੇ 1953 ਵਿੱਚ ਬਿਲਗੇ ਵਿਖੇ ਲੜਕਿਆਂ ਦਾ ਹਾਈ ਸਕੂਲ ਖੁੱਲ੍ਹਵਾਇਆ। ਉਹ ਲੜਕੀਆਂ ਦੇ ਕਾਲਜ ਦੀ ਲੋੜ ਨੂੰ ਬੜੀ ਸ਼ਿੱਦਤ ਨਾਲ ਮਹਿਸੂਸ ਕਰਦੇ ਰਹੇ ਉਹਨਾਂ ਨੇ ਇਲਾਕੇ ਵਿੱਚ 1969 ਈ. ਵਿੱਚ ਗੁਰੂ ਨਾਨਕ ਦੇਵ ਜੀ ਦੀ ਪੰਜਵੀਂ ਜਨਮ ਸ਼ਤਾਬਦੀ ਦੇ ਅਵਸਰ 'ਤੇ ਖੁੱਲ੍ਹੇ 'ਗੁਰੂ ਨਾਨਕ ਗਰਲਜ਼ ਕਾਲਜ ਬਾਬਾ ਸੰਗ ਢੇਸੀਆਂ'  ਤੇ ਗੁਰੂ ਗੋਬਿੰਦ ਸਿੰਘ ਕਾਲਜ, ਜੰਡਿਆਲਾ, ਮੰਜਕੀ ਦੇ ਨਿਰਮਾਣ ਤੇ ਸੰਚਾਲਨ ਵਿੱਚ ਯੋਗਦਾਨ ਪਾਇਆ। ਉਹਨਾਂ ਆਪਣੀ ਉਮਰ ਦੇ ਆਖਰੀ ਪੜਾਅ ਵਿੱਚ ਕਾਮਰੇਡ ਕਰਤਾਰ ਸਿੰਘ ਦੀ ਬਹੁ ਕੀਮਤੀ ਜ਼ਮੀਨ ਤੋਂ ਨਾਜਾਇਜ਼ ਕਬਜ਼ਾ ਛੁਡਵਾ ਕੇ ਵਿਦੇਸ਼ੀ ਵੀਰਾਂ ਦੀ ਸਹਾਇਤਾ ਨਾਲ ਕਰੋੜਾਂ ਰੁਪਇਆਂ ਦੀ ਲਾਗਤ ਵਾਲਾ ਵੱਡ ਆਕਾਰੀ 'ਜਨਰਲ ਹਸਪਤਾਲ ਬਿਲਗਾ' ਬਿਲਗਾ ਨੂਰਮਹਿਲ ਰੋਡ 'ਤੇ ਬਾਬਾ ਰਹਿਮਤ ਸ਼ਾਹ ਦੀ ਦਰਗਾਹ ਦੇ ਨਜ਼ਦੀਕ ਬਣਵਾਉਣ ਵਿੱਚ ਯੋਗਦਾਨ ਪਾਇਆ, ਜਿਸਦਾ ਨੀਂਹ ਪੱਥਰ 13 ਅਪ੍ਰੈਲ 2000 ਈ. ਨੂੰ ਵਿਸਾਖੀ ਵਾਲੇ ਦਿਨ ਰੱਖਿਆ ਗਿਆ।

ਬਾਬਾ ਬਿਲਗਾ ਜੀ ਨੇ ਜਿੱਥੇ ਆਜ਼ਾਦੀ ਦੀ ਲੜਾਈ ਅਤੇ ਲੋਕ ਹਿਤਾਇਸ਼ੀ ਲਹਿਰ ਵਿੱਚ ਵੱਡਮੁੱਲਾ ਯੋਗਦਾਨ ਪਾਇਆ, ਉੱਥੇ ਉਹਨਾਂ ਨੇ ਲੋਕ ਹਿਤਾਇਸ਼ੀ ਲਹਿਰ ਅਤੇ ਇਸਦੇ ਨਾਇਕਾਂ ਨਾਲ ਸੰਬੰਧਿਤ ਇਤਿਹਾਸਿਕ ਮਹੱਤਵ ਵਾਲੀਆਂ ਪੁਸਤਕਾਂ ਦੀ ਰਚਨਾ ਵੀ ਕੀਤੀ। ਉਹਨਾਂ ਦੀਆਂ ਪੁਸਤਕਾਂ 'ਗਦਰ ਲਹਿਰ ਦੇ ਅਣਫੋਲੇ ਵਰਕੇ', 'ਮੇਰਾ ਵਤਨ, ਮੇਰੀ ਸਮਝ ਮੇਰੀ ਸੋਚ ਅਤੇ 'ਜੀਵਨੀ ਨਿਰਭੈ-ਯੋਧਾ, ਬਾਬਾ ਗੁਰਮੁਖ ਸਿੰਘ ਲਲਤੋਂ' ਅਤੇ ਅਖ਼ਬਾਰਾਂ ਰਸਾਲਿਆਂ ਵਿੱਚ ਛੱਪਣ ਵਾਲੇ ਉਹਨਾਂ ਦੇ ਲੇਖ ਆਜ਼ਾਦੀ ਸੰਗਰਾਮ ਦੇ ਇਤਿਹਾਸ ਦੇ ਨਾਲ ਸੰਬੰਧਿਤ ਮਹੱਤਵਪੂਰਨ ਦਸਤਾਵੇਜ ਹਨ। ਆਪਣੇ ਲੋਕਾਂ ਦੇ ਬਿਹਤਰ ਭਵਿੱਖ ਲਈ ਇੱਕ ਸਦੀ ਲੰਬਾ ਸੰਘਰਸ਼ ਕਰਨ ਵਾਲੇ ਮਹਾਂ ਨਾਇਕ ਬਾਬਾ ਭਗਤ ਸਿੰਘ ਬਿਲਗਾ ਜੀ ਨੂੰ ਅਸੀਂ ਉਨ੍ਹਾਂ ਦੇ ਇੱਕ ਸੌ ੬ਵੇ ਜਨਮ ਦਿਨ ਦੇ ਅਵਸਰ 'ਤੇ ਸ਼ਰਧਾ ਦੇ ਫੁੱਲ ਭੇਂਟ ਕਰਦੇ ਹਾਂ।

ਪ੍ਰੋਗਰੈਸਿਵ ਪੀਪਲਜ਼ ਫਾਊਂਡੇਸ਼ਨ ਐਡਮਿੰਟਨ ਕਨੇਡਾ ਵੱਲੋਂ ਆਧੁਨਿਕ ਕੰਪਿਊਟਰ ਸਮੱਗਰੀ ਕਮੇਟੀ ਨੂੰ ਭੇਂਟ

www.sabblok.blogspot.com

ਜਲੰਧਰ,  ਮਾਰਚ:      ਪ੍ਰੋਗਰੈਸਿਵ ਪੀਪਲਜ਼ ਫਾਊਂਡੇਸ਼ਨ ਐਡਮਿੰਟਨ, ਕਨੇਡਾ ਤੋਂ ਜਸਬੀਰ ਦਿਓਲ ਅਤੇ ਕਸ਼ਮੀਰ ਬਦੇਸ਼ਾ ਦੀ ਅਗਵਾਈ 'ਚ ਆਏ ਵਫ਼ਦ ਨੇ ਅੱਜ ਦੇਸ਼ ਭਗਤ ਯਾਦਗਾਰ ਹਾਲ ਪਹੁੰਚਕੇ, ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਨੂੰ ਹਾਲ ਦੀ ਸੇਵਾ ਹਿੱਤ ਮੁਕੰਮਲ ਕੰਪਿਊਟਰ, ਫੋਟੋ ਸਟੇਟ ਮਸ਼ੀਨ, ਪ੍ਰਿੰਟਰ ਅਤੇ ਸਕੈਨਰ ਭੇਂਟ ਕਰਕੇ ਗ਼ਦਰ ਲਹਿਰ ਦੇ ਪੂਰਵਜਾਂ ਅਤੇ ਵਿਸ਼ੇਸ਼ ਕਰਕੇ ਕਾਮਾਗਾਟਾ ਮਾਰੂ-ਬਜਬਜ ਘਾਟ ਸਾਕੇ ਦੀ 100ਵੀਂ ਵਰੇ•ਗੰਢ ਮੌਕੇ ਨਿਵੇਕਲੇ ਅਦਬ ਭਰੇ ਅੰਦਾਜ਼ 'ਚ ਸ਼ਰਧਾਂਜ਼ਲੀ ਭੇਂਟ ਕੀਤੀ।
ਇਸ ਮੌਕੇ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋਂ, ਜਨਰਲ ਸਕੱਤਰ ਡਾ. ਰਘਬੀਰ ਕੌਰ, ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ, ਖਜ਼ਾਨਚੀ ਸੀਤਲ ਸਿੰਘ ਸੰਘਾ, ਟਰੱਸਟੀ ਮੰਗਤ ਰਾਮ ਪਾਸਲਾ ਅਤੇ ਡਾ. ਕਰਮਜੀਤ ਸਿੰਘ ਨੇ ਆਏ ਵਫ਼ਦ ਨੂੰ ਜੀ ਆਇਆ ਕਿਹਾ।
ਕਮੇਟੀ ਦੇ ਆਗੂਆਂ ਨੇ ਆਪਣੇ ਸੰਬੋਧਨ 'ਚ ਕਿਹਾ ਕਿ ਸਾਡੇ ਲਈ ਇਹ ਗੌਰਵਮਈ ਗੱਲ ਹੈ ਕਿ ਵਤਨੋਂ ਦੂਰ ਬੈਠੇ ਪ੍ਰੋਗਰੈਸਿਵ ਪੀਪਲਜ਼ ਫਾਊਂਡੇਸ਼ਨ ਅਤੇ 'ਨਵੀਂ ਦੁਨੀਆਂ' ਪੱਤ੍ਰਿਕਾ ਦਾ ਪਰਿਵਾਰ, ਗ਼ਦਰੀ ਸੰਗਰਾਮੀਆਂ ਦੇ ਮਹਾਨ ਵਿਰਸੇ ਨੂੰ ਅਜੋਕੇ ਪ੍ਰਸੰਗ 'ਚ ਪ੍ਰਫੁੱਲਤ ਕਰਨ ਲਈ ਸੰਘਰਸ਼ਸ਼ੀਲ ਹੈ।  
ਉਨ•ਾਂ ਕਿਹਾ ਕਿ ਆਪਣੀ ਮਿਹਨਤ ਵਿੱਚੋਂ ਅਜੇਹਾ ਯੋਗਦਾਨ ਪਾਉਣਾ ਦੇਸ਼ ਭਗਤ ਯਾਦਗਾਰ ਹਾਲ ਵਰਗੀ ਸੰਸਥਾ ਦੇ ਚੱਲ ਰਹੇ ਕਾਰਜਾਂ ਨੂੰ ਬੜਾਵਾ ਦੇਣ 'ਚ ਅਮੁੱਲਾ ਯੋਗਦਾਨ ਹੈ।
ਕੈਨੇਡਾ ਤੋਂ ਆਏ ਜਸਬੀਰ ਦਿਓਲ ਅਤੇ ਕਸ਼ਮੀਰ ਬਦੇਸ਼ਾ ਨੇ ਇਸ ਮੌਕੇ ਦੇਸ਼ ਭਗਤ ਕਮੇਟੀ ਨੂੰ ਵਿਸ਼ਵਾਸ ਦੁਆਇਆ ਕਿ ਉਹਨਾਂ ਦੀ ਸੰਸਥਾ, ਕਮੇਟੀ ਦੀ ਅਗਵਾਈ 'ਚ ਅਜੇਹੇ ਉੱਦਮ ਅਤੇ ਕਨੇਡਾ ਦੀ ਧਰਤੀ ਤੇ ਸਰਗਰਮੀਆਂ ਵਿੱਚ ਤਾਲਮੇਲ ਬਣਾਈ ਰੱਖਣ ਲਈ ਹਰ ਸੰਭਵ ਯਤਨ ਕਰੇਗੀ।
ਇਸ ਮੌਕੇ ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਗੁਰਮੀਤ ਢੱਡਾ, ਚਰੰਜੀ ਲਾਲ ਕੰਗਣੀਵਾਲ, ਇਤਿਹਾਸਕ ਦਰਸ਼ਨ ਸਿੰਘ ਤਾਤਲਾ, ਕਵੀ ਹਰਭਜਨ ਹੁੰਦਲ, ਸੁਲੱਖਣ ਸਰਹੱਦੀ, ਮੱਖਣ ਕੁਹਾੜ ਅਤੇ ਕੁਲਤਾਰ ਸਿੰਘ ਕੁਲਤਾਰ ਮੌਜੂਦ ਸਨ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਜਸਬੀਰ ਦਿਓਲ ਅਤੇ ਕਸ਼ਮੀਰ ਬਦੇਸ਼ਾ ਨੂੰ ਪੁਸਤਕਾਂ ਦੇ ਸੈਟ ਨਾਲ ਸਨਮਾਨਤ ਕੀਤਾ।

ਵਿਸ਼ਵ ਰੰਗ ਮੰਚ ਦਿਹਾੜੇ 'ਤੇ ਗੀਤਾਂ ਦੀ ਸੀ.ਡੀ. 'ਜਾਗੋ' ਕੀਤੀ ਲੋਕ-ਅਰਪਣ

www.sabblok.blogspot.com

ਜਲੰਧਰ, ਮਾਰਚ:      ਪੰਜਾਬ ਲੋਕ ਸਭਿਆਚਾਰਕ ਮੰਚ (ਪਲਸ ਮੰਚ) ਵੱਲੋਂ ਲੋਕ-ਸਰੋਕਾਰਾਂ ਅਤੇ ਲੋਕ-ਸੰਗਰਾਮ ਨੂੰ ਸਮਰਪਤ ਗੀਤਾਂ ਦੀ ਆਡੀਓ ਸੀ.ਡੀ. 'ਜਾਗੋ' ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ 'ਚ ਲੋਕ-ਅਰਪਣ ਕੀਤੀ ਗਈ।
ਅੱਜ ਵਿਸ਼ਵ ਰੰਗ ਮੰਚ ਦਿਹਾੜੇ 'ਤੇ ਪੰਜਾਬ ਲੋਕ ਸਭਿਆਚਾਰਕ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਦੀ ਕਲਮ ਤੋਂ ਲਿਖੇ ਸੱਤ ਗੀਤਾਂ ਨਾਲ ਪਰੋਈ 'ਜਾਗੋ' ਸੀ.ਡੀ. ਜਾਰੀ ਕਰਨ ਸਮੇਂ ਅਮੋਲਕ ਸਿੰਘ, ਬਲਵਿੰਦਰ ਮੰਗੂਵਾਲ, ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋਂ, ਜਨਰਲ ਸਕੱਤਰ ਡਾ. ਰਘਬੀਰ ਕੌਰ, ਖਜ਼ਾਨਚੀ ਸੀਤਲ ਸਿੰਘ ਸੰਘਾ, ਟਰੱਸਟੀ ਮੰਗਤ ਰਾਮ ਪਾਸਲਾ, ਗੁਰਮੀਤ ਢੱਡਾ, ਚਰੰਜੀ ਲਾਲ ਕੰਗਣੀਵਾਲ, ਡਾ. ਕਰਮਜੀਤ ਸਿੰਘ, ਬਲਵਿੰਦਰ ਕੌਰ ਬਾਂਸਲ, ਗੁਰਦੀਪ ਸਿੰਘ, ਪ੍ਰੋਗਰੈਸਿਵ ਪੀਪਲਜ਼ ਫਾਊਂਡੇਸ਼ਨ ਐਡਮਿੰਟਨ ਕੈਨੇਡਾ ਤੋਂ ਜਸਬੀਰ ਦਿਓਲ ਅਤੇ ਕਸ਼ਮੀਰ ਬਦੇਸ਼ਾਂ ਤੋਂ ਇਲਾਵਾ ਉੱਘੇ ਕਵੀ ਹਰਭਜਨ ਹੁੰਦਲ, ਸੁਲੱਖਣ ਸਰਹੱਦੀ, ਮੱਖਣ ਕੁਹਾੜ, ਕੁਲਤਾਰ ਸਿੰਘ ਕੁਲਤਾਰ, ਇਤਿਹਾਸਕਾਰ ਦਰਸ਼ਨ ਸਿੰਘ ਤਾਤਲਾ ਹਾਜ਼ਰ ਸਨ।
'ਜਾਗੋ' ਸੀ.ਡੀ. 'ਚ 'ਜਾਗੋ ਪਿੰਡ ਪਿੰਡ ਆਈ, ਇਹ ਸੁਨੇਹਾ ਲੈ ਕੇ ਆਈ, ਸੁੱਤੀ ਜਾਗੇ ਇਹ ਲੋਕਾਈ, ਰੁੱਤ ਜਾਗਣੇ ਦੀ ਆਈ, ਗੂਹੜੀ ਨੀਂਦ ਸੁੱਤੇ ਲੋਕਾਂ ਨੂੰ ਜਗਾ ਦਿਓ, ਪਿੰਡਾਂ ਨੂੰ ਜਗਾਓ ਪਿੰਡਾਂ ਨੂੰ ਹਿਲਾ ਦਿਓ' ਨਾਲ ਗੀਤ-ਮਾਲਾ ਦਾ ਆਗਾਜ਼ ਹੁੰਦਾ ਹੈ।
'ਦਮ ਰੱਖਕੇ ਪਵੇਗਾ ਤੁਰਨਾ, ਲੰਮੀ ਵਾਟ ਮੰਜ਼ਲਾਂ ਦੀ', 'ਉੱਠੋ! ਜਾਗੋ ਪੱਗ ਨੂੰ ਸੰਭਾਲੀਏ', 'ਉਹ ਤਾਰਾ ਬਣਿਆ ਅੰਬਰਾਂ ਦਾ, ਉਹਨੂੰ ਕੌਣ ਕਹੇ ਉਹ ਮੋਇਆ ਏ', 'ਤੇਰੇ ਖ਼ੂਨ 'ਚ ਰੰਗੀ ਧਰਤੀ 'ਤੇ ਅਸੀਂ ਬੰਨ• ਕਾਫ਼ਲੇ ਆਵਾਂਗੇ', 'ਖੇਤਾਂ ਦੇ ਪੁੱਤ ਜਾਗ ਪਏ' ਅਤੇ 'ਤੋੜਕੇ ਸ਼ਿਕਾਰੀਆਂ ਦੇ ਜਾਲ ਨੂੰ, ਅੰਬਰਾਂ ਨੂੰ ਉਡ ਚੱਲੀਏ' ਗੀਤਾਂ ਨਾਲ ਸ਼ਿੰਗਾਰੀ ਕੈਸਿਟ ਲੋਕ-ਪੀੜਾ, ਲੋਕ-ਸੰਗਰਾਮ, ਲੋਕ-ਧੁੰਨਾਂ ਅਤੇ ਲੋਕ-ਸੰਗੀਤ ਦਾ ਬੇਹਤਰੀਨ ਨਮੂਨਾ ਪੇਸ਼ ਕਰਦੀ ਹੈ।
'ਜਾਗੋ' ਦੇ ਗੀਤਾਂ ਨੂੰ ਆਵਾਜ਼ ਨਵਦੀਪ ਧੌਲਾ ਅਤੇ ਜਸਵੰਤ ਦੀਵਾਨਾ ਨੇ ਦਿੱਤੀ ਹੈ।  ਇਨ•ਾਂ ਮੁੱਖ ਆਵਾਜ਼ਾਂ ਨਾਲ ਸੰਗਤ ਕੀਤੀ ਹੈ ਜਗਰਾਜ ਧੌਲਾ, ਆਸ਼ਮੀਨ, ਜੈਸਮੀਨ, ਸੰਜਨਾ, ਮੱਦੀ ਮਾਹਲ ਅਤੇ ਗੁਰੀ ਸਿੰਘ ਨੇ।
'ਜਾਗੋ' ਦੀਆਂ ਧੁੰਨਾਂ ਤਿਆਰ ਕੀਤੀਆਂ ਲੋਕ ਬੰਧੂ, ਨਵਦੀਪ ਧੌਲਾ ਅਤੇ ਜਸਵੰਤ ਦੀਵਾਨਾ ਨੇ।
''ਪਲਸ ਮੰਚ ਦੇ ਬਾਨੀ ਪ੍ਰਧਾਨ ਸ੍ਰੀ ਗੁਰਸ਼ਰਨ ਸਿੰਘ ਅਕਸਰ ਹੀ 'ਕਲਾ; ਲੋਕਾਂ ਲਈ' ਦੇ ਜਿਸ ਵਿਚਾਰ ਉਪਰ ਜ਼ੋਰ ਦਿਆ ਕਰਦੇ ਸਨ, 'ਜਾਗੋ' ਉਹਨਾਂ ਬੋਲਾਂ ਉਪਰ ਖ਼ਰੇ ਉਤਰਨ ਦਾ ਮੂੰਹ ਬੋਲਦਾ ਸਬੂਤ ਹੈ।''  ਰਿਲੀਜ਼ ਸਮਾਰੋਹ 'ਚ ਇਹ ਕਹਿਣਾ ਸੀ ਪਲਸ ਮੰਚ ਦੇ ਪ੍ਰਧਾਨ ਅਮੋਲਕ ਸਿੰਘ ਦਾ।  ਪਲਸ ਮੰਚ ਦੀ ਇਕਾਈ ਬਠਿੰਡਾ ਅਤੇ ਧੌਲਾ ਦੇ ਆਗੂਆਂ ਲੋਕ ਬੰਧੂ ਅਤੇ ਨਵਦੀਪ ਧੌਲਾ ਦਾ ਕਹਿਣਾ ਸੀ ਕਿ 'ਜਾਗੋ' ਹੱਥੋ ਹੱਥੀ ਘਰ ਘਰ ਜਾਏਗੀ ਕਿਉਂਕਿ ਲੋਕ-ਮਾਰੂ ਸਭਿਆਚਾਰ ਦੇ ਪ੍ਰਦੂਸ਼ਣ ਦੇ ਬਦਲ 'ਚ ਇਹ ਸਫ਼ਲ ਉੱਦਮ ਹੈ।

ਵਿਸ਼ਵ ਰੰਗ ਮੰਚ ਦਿਹਾੜੇ ਨੂੰ ਸਮਰਪਤ ਨਾਟਕ 'ਮਿਊਜ਼ੀਅਮ' ਅਤੇ 'ਦਵੰਦ' 30 ਨੂੰ

www.sabblok.blogspot.com

ਜਲੰਧਰ,  ਮਾਰਚ:      ਵਿਸ਼ਵ ਰੰਗ ਮੰਚ ਦਿਹਾੜੇ ਨੂੰ ਸਮਰਪਤ ਦੋ ਨਾਟਕ 'ਮਿਊਜ਼ੀਅਮ' ਅਤੇ 'ਦਵੰਦ' ਸਥਾਨਕ ਦੇਸ਼ ਭਗਤ ਯਾਦਗਾਰ ਹਾਲ 'ਚ 30 ਮਾਰਚ, ਸ਼ਾਮ 7 ਵਜੇ ਖੇਡੇ ਜਾ ਰਹੇ ਹਨ।  ਅੱਜ ਇਸ ਸਮਾਗਮ ਦੀਆਂ ਤਿਆਰੀਆਂ ਨੂੰ ਅੰਤਿਮ ਛੋਹਾਂ ਦਿੱਤੀਆਂ ਗਈਆਂ।  ਵਿਸ਼ਵ ਭਰ ਵਿੱਚ ਮਨਾਏ ਜਾਣ ਵਾਲੇ ਇਸ ਦਿਹਾੜੇ ਦਾ ਯਾਦਗਾਰ ਹਾਲ 'ਚ ਆਪਣਾ ਨਿਵੇਕਲਾ ਰੰਗ ਹੋਏਗਾ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋਂ, ਜਨਰਲ ਸਕੱਤਰ ਡਾ. ਰਘਬੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਪ੍ਰੈਸ ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਸਾਡੇ ਸਮਾਜ ਅੰਦਰ ਭਖ਼ਦੇ ਵਿਸ਼ਿਆਂ ਨੂੰ ਕਲਾਵੇ 'ਚ ਲੈਂਦੇ ਇਹ ਨਾਟਕ ਨਵੀਂ ਨਰੋਈ ਸੇਧ ਅਤੇ ਸੁਨੇਹਾ ਦੇਣ ਦਾ ਸਫ਼ਲ ਕਾਰਜ ਅਦਾ ਕਰਨਗੇ।
ਉਹਨਾਂ ਦੱਸਿਆ ਕਿ ਸੁਮੇਧ ਅਤੇ ਸਾਰਿਕਾ ਦੇ ਕਨਸੈਪਟ 'ਤੇ ਅਧਾਰਤ ਨਾਟਕ 'ਮਿਊਜ਼ੀਅਮ' ਅੰਕੁਰ ਸ਼ਰਮਾ (ਡਾ.) ਦੀ ਨਿਰਦੇਸ਼ਨਾ 'ਚ ਯੁਵਾ ਥੀਏਟਰ ਜਲੰਧਰ  ਅਤੇ ਨੀਰਜ ਕੌਸ਼ਿਕ ਦੀ ਰਚਨਾ ਅਤੇ ਨਿਰਦੇਸ਼ਨਾ 'ਚ ਨਾਟਕ 'ਦਵੰਦ' ਸਟਾਈਲ ਆਰਟਸ ਐਸੋਸੀਏਸ਼ਨ ਜਲੰਧਰ ਵਲੋਂ 30 ਮਾਰਚ ਸ਼ਾਮ 7 ਵਜੇ ਖੇਡੇ ਜਾਣਗੇ।
ਦੇਸ਼ ਭਗਤ ਯਾਦਗਾਰ ਕਮੇਟੀ ਨੇ ਸਮੂਹ ਨਾਟ-ਪ੍ਰੇਮੀ ਪਰਿਵਾਰਾਂ ਨੂੰ ਨਾਟਕ ਸਮਾਗਮ 'ਚ ਸ਼ਾਮਲ ਹੋਣ ਦੀ ਪੁਰਜ਼ੋਰ ਅਪੀਲ ਕੀਤੀ ਹੈ।

ਸਲਾਨਾ ਜੋੜ ਮੇਲੇ ਸੰਬੰਧ ਵਿੱਚ ਲੰਗਰ ਲਾਇਆਂ

www.sabblok.blogspot.com

ਲੰਗਰ ਵਰਤਾਂਉਦੇ ਹੋਏ ਦੁਕਾਨਦਾਰ ਵੀਰ

ਭਿੱਖੀਵਿੰਡ  ਮਾਰਚ (ਭੁਪਿੰਦਰ ਸਿੰਘ)- ਹਜ਼ਰਤ ਪੀਰ ਬਾਬਾ ਸ਼ੇਰ ਸਾਹ ਵਲੀ ਜੀ ਦੇ ਸਲਾਨਾ ਜੋੜ ਮੇਲੇ ਸੰਬੰਧ ਵਿੱਚ ਅੱਜ ਕਸਬਾ ਭਿੱਖੀਵਿੰਡ ਦੇ ਪੱਟੀ ਰੋਡ ਸਥਿਤ ਦੁਕਾਨਦਾਰ ਨਵੀ ਡੇਂਟਿੰਗ ਪੇਟਿੰਗ,ਜਗਤਾਰ ਸਿੰਘ ਬਿੱਟੂ,ਲਖਵਿੰਦਰ ਸਿੰਘ,ਜਤਿੰਦਰ ਸਿੰਘ,ਰਵੀ,ਰਿੱਕੀ,ਚਰਨਜੀਤ ਸਿੰਘ ਆਦਿ ਵਲੋ ਸੰਗਤਾ ਦੀ ਸੇਵਾ ਲਈ ਚਾਹ ਪਕੌੜੇ,ਛੋਲੇ ਪੂੜੀਆਂ,ਕੜਾਹ ਆਦਿ ਲੰਗਰ ਲਾਇਆਂ ਗਿਆਂ, ਜੋ ਸੰਗਤਾ ਨੇ ਪਿਆਰ-ਸਤਿਕਾਰ ਨਾਲ ਛਕਿਆਂ। ਇਸ ਸਮੇ ਪ੍ਰੈਸ ਨਾਲ ਗੱਲਬਾਤ ਕਰਦਿਆਂ ਦੁਕਾਨਦਾਰ ਜਗਤਾਰ ਸਿੰਘ ਭਿੱਖੀਵਿੰਡ ਨੇ ਆਖਿਆਂ ਕਿ ਸਾਨੂੰ ਆਪਣੇ ਗੁਰੂਆਂ-ਪੀਰਾ ਦੇ ਦਿਨ ਉੱਤੇ ਕੁਝ ਭਲੇ ਦੇ ਕੰਮ ਕਰਕੇ ਆਪਣਾ ਜੀਵਨ ਸਫਲਾ ਕਰਨਾ ਚਾਹੀਦਾ ਹੈ।

Narendra Modi ke khilaf subut -Shocking video- We demand Justice

BJP's video ad shows that Modi is scared of AAP

Former Miss India 'AAP' Gul panag interview On P7 News

AAP is a movement, other parties have failed to deliver: Gul Panag

Aam Aadmi Party Anandpur Sahib Seat Candidate Lawyer Himant Singh

AAP Candidate Gul Panag Campaign In Chandigarh

ਕੁਮਾਰ ਵਿਸ਼ਵਾਸ ਅਤੇ ਸਮ੍ਰਿਤੀ ਈਰਾਨੀ ਵਿਚਕਾਰ ਛਿੜੀ ਸ਼ਬਦੀ ਜੰਗ

                                                      www.sabblok.blogspot.com

ਨਵੀਂ ਦਿੱਲੀ, 1 ਅਪ੍ਰੈਲ: (ਜਸਮੀਤ ਕੌਰ )ਅਦਾਕਾਰੀ ਦੇ ਖੇਤਰ 'ਚੋਂ ਸਿਆਸਤ 'ਚ ਆਈ ਸਮ੍ਰਿਤੀ ਇਰਾਨੀ ਦੇ ਅਮੇਠੀ ਤੋਂ ਉਮੀਦਵਾਰ ਬਣਨ ਦੇ ਨਾਲ ਹੀ ਉਨ੍ਹਾਂ ਦੇ ਅਤੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਕੁਮਾਰ ਵਿਸ਼ਵਾਸ ਵਿਚਕਾਰ ਸ਼ਬਦੀ ਜੰਗ ਛਿੜ ਗਈ ਹੈ। ਇਹ ਸ਼ਬਦੀ ਜੰਗ ਉਦੋਂ ਸ਼ੁਰੂ ਹੋਈ ਜਦੋਂ ਵਿਸ਼ਵਾਸ ਨੇ ਅੱਜ ਕਿਹਾ ਕਿ 'ਇਰਾਨੀ ਜਾਂ ਪਾਕਿਸਤਾਨੀ' ਨਾਲ ਅਮੇਠੀ ਚੋਣ ਹਲਕੇ 'ਤੇ ਕੋਈ ਅਸਰ ਨਹੀਂ ਹੋਵੇਗਾ। ਵਿਸ਼ਵਾਸ ਨੇ ਕਿਹਾ, ''ਪਿੰਡਾਂ ਤਕ ਸੰਦੇਸ਼ ਪੁੱਜ ਚੁਕਾ ਹੈ। ਹੁਣ ਭਾਵੇਂ ਇਰਾਨੀ ਆਵੇ, ਪਾਕਿਸਤਾਨੀ ਆਵੇ ਜਾਂ ਇਟਾਲੀਅਨ ਜਾਂ ਅਮਰੀਕੀ, ਪਰ ਅਮੇਠੀ ਨੇ ਪਹਿਲਾਂ ਹੀ ਫ਼ੈਸਲਾ ਕਰ ਲਿਆ ਹੈ।''
ਭਾਜਪਾ ਨੇ ਕਲ ਕਾਂਗਰਸ ਮੀਤ ਪ੍ਰਧਾਨ ਰਾਹੁਲ ਗਾਂਧੀ ਵਿਰੁਧ ਅਮੇਠੀ ਤੋਂ ਸਮ੍ਰਿਤੀ ਇਰਾਨੀ ਨੂੰ ਖੜਾ ਕਰਨ ਦਾ ਫ਼ੈਸਲਾ ਕੀਤਾ ਸੀ। ਵਿਸ਼ਵਾਸ ਨੇ ਦੋਸ਼ ਲਾਇਆ ਹੈ ਕਿ ਭਾਜਪਾ ਅਤੇ ਕਾਂਗਰਸ ਵਿਚਕਾਰ ਵਾਰਾਣਸੀ ਅਤੇ ਅਮੇਠੀ ਸੀਟਾਂ 'ਤੇ ਕੋਈ ਸਹਿਮਤੀ ਨਹੀਂ ਹੈ। ਉਨ੍ਹਾਂ ਕਿਹਾ, ''ਮੈਨੂੰ ਲਗਦਾ ਹੈ ਕਿ ਭਾਜਪਾ ਜਾਂ ਤਾਂ ਅਪਣਾ ਚਿਹਰਾ ਲੁਕਾਉਣ ਲਈ ਜਾਂ ਅਹਿਮਦ (ਪਟੇਲ) ਅੰਕਲ ਦੇ ਜ਼ਰੀਏ ਕੋਈ ਗੱਠਜੋੜ ਕਰ ਰਹੀ ਹੈ ਕਿ ਤੁਸੀਂ ਸਾਨੂੰ ਵਾਰਾਣਸੀ ਦੇ ਦਵੋ, ਅਸੀਂ ਤੁਹਾਨੂੰ ਅਮੇਠੀ ਦੇ ਦੇਵਾਂਗੇ।''

ਇਸ ਟਿਪਣੀ 'ਤੇ ਮੋੜਵਾਂ ਵਾਰ ਕਰਦਿਆਂ ਸਮ੍ਰਿਤੀ ਨੇ ਕਿਹਾ, ''ਆਪ ਅਤੇ ਕਾਂਗਰਸ ਵਿਚਕਾਰ ਸਹਿਮਤੀ ਤਾਂ ਜੱਗ ਜਾਹਰ ਹੈ ਅਤੇ ਦਿੱਲੀ 'ਚ ਜਦੋਂ ਉਨ੍ਹਾਂ ਨੇ ਸਰਕਾਰ ਬਣਾਈ ਤਾਂ ਸੱਭ ਲੋਕਾਂ ਨੇ ਵੇਖ ਲਿਆ ਸੀ।''
ਵਿਸ਼ਵਾਸ ਨੂੰ ਲੰਮੇ ਹੱਥੀਂ ਲੈਂਦਿਆਂ ਉਨ੍ਹਾਂ ਕਿਹਾ, ''ਜਿੱਥੇ ਤਕ ਵਿਸ਼ਵਾਸ ਦੀ ਗੱਲ ਹੈ ਤਾਂ ਮੈਨੂੰ ਉਨ੍ਹਾਂ ਤੋਂ ਮਾੜੀ ਜਿਹੀ ਵੀ ਇੱਜ਼ਤ ਮਿਲਣ ਦੀ ਉਮੀਦ ਨਹੀਂ ਹੈ। ਖ਼ਾਸ ਕਰ ਕੇ ਔਰਤ ਹੋਣ ਦੇ ਨਾਤੇ। ਔਰਤਾਂ ਪ੍ਰਤੀ ਇੱਜ਼ਤ ਨਾ ਦਿਖਾਉਣ ਦਾ ਉਨ੍ਹਾਂ ਦਾ ਇਤਿਹਾਸ ਰਿਹਾ ਹੈ। ਇਹ ਗੱਲ ਕਈ ਚੈਨਲਾਂ 'ਤੇ ਚਰਚਾ ਦਾ ਵਿਸ਼ਾ ਰਹੀ ਸੀ।''
ਉਨ੍ਹਾਂ ਕਿਹਾ, ''ਜਿੱਥੇ ਤਕ ਮੈਨੂੰ ਇਰਾਨੀ ਜਾਂ ਪਾਕਿਸਤਾਨੀ ਕਹਿਣ ਦੀ ਗੱਲ ਹੈ ਤਾਂ ਮੈਨੂੰ ਯਕੀਨ ਹੈ ਕਿ ਮੇਰੀ ਪਿੱਠਭੂਮੀ ਬਾਰੇ ਉਨ੍ਹਾਂ ਦੀ ਜਾਣਕਾਰੀ ਬਹੁਤ ਘੱਟ ਹੈ। ਮੈਨੂੰ ਨਹੀਂ ਪਤਾ ਕਿ ਵਿਸ਼ਵਾਸ ਵਿਕਾਸ ਦੇ ਮੁੱਦਿਆਂ 'ਤੇ ਚੋਣ ਲੜਨਾ ਚਾਹੁੰਦੇ ਹਨ ਜਾਂ ਨਹੀਂ। ਮੈਂ ਤਾਂ ਇਹੀ ਕਹਾਂਗੀ ਕਿ ਮੁਕਾਬਲਾ ਕਾਂਗਰਸ ਅਤੇ ਭਾਜਪਾ ਵਿਚਕਾਰ ਹੈ ਅਤੇ ਕਾਂਗਰਸ ਦੀ ਕਿਸੇ ਬੀ ਟੀਮ ਵਿਚਕਾਰ ਨਹੀਂ।''