ਚਾਰ ਰੋਜ਼ਾ ਰੰਗ ਮੰਚ ਉਤਸਵ 25 ਨਵੰਬਰ ਤੋਂ

www.sabblok.blogspot.com

ਜਲੰਧਰ: 23 ਨਵੰਬਰ: ਪੰਜਾਬ ਸੰਗੀਤ ਨਾਟਕ ਅਕਾਦਮੀ, 

ਚੰਡੀਗੜ੍ਹ ਅਤੇ ਮਲਟੀ ਆਰਟ ਕਲਚਰਲ ਸੈਂਟਰ ਕੁਰੂਕਸ਼ੇਤਰ ਵੱਲੋਂ ਦੇਸ਼ ਭਗਤ ਯਾਦਗਾਰ 

ਕਮੇਟੀ, ਜਲੰਧਰ ਦੇ ਸਹਿਯੋਗ ਨਾਲ ਚਾਰ ਰੋਜ਼ਾ ਹਰਿਆਣਵੀ ਰੰਗਮੰਚ ਉਤਸਵ ਸਥਾਨਕ 

ਦੇਸ਼ ਭਗਤ ਯਾਦਗਾਰ ਹਾਲ ਵਿਖੇ 25 ਤੋਂ 28 ਨਵੰਬਰ ਤੱਕ ਮਨਾਇਆ ਜਾ ਰਿਹਾ ਹੈ।

ਪੰਜਾਬ ਸੰਗੀਤ ਨਾਟਕ ਅਕਾਦਮੀ ਦੇ ਪ੍ਰਧਾਨ ਕੇਵਲ ਧਾਲੀਵਾਲ, ਦੇਸ਼ ਭਗਤ 

ਯਾਦਗਾਰ ਕਮੇਟੀ ਦੇ ਜਨਰਲ ਸਕੱਤਰ ਡਾ. ਰਘਬੀਰ ਕੌਰ, ਸਭਿਆਚਾਰਕ ਵਿੰਗ ਦੇ 

ਕਨਵੀਨਰ ਅਮੋਲਕ ਸਿੰਘ ਅਤੇ ਉਤਸਵ ਦੇ ਸਥਾਨਕ ਕੋ-ਕੋਆਰਡੀਨੇਟਰ ਪ੍ਰੋ. ਅੰਕੁਰ 

ਸ਼ਰਮਾ ਨੇ ਪ੍ਰੈਸ ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਚਾਰ ਦਿਨ ਹੀ 

ਰੋਜ਼ਾਨਾ 6 ਵਜੇ ਸ਼ਾਮ ਨਾਟਕ ਦਾ ਮੰਚਣ ਹੋਇਆ ਕਰੇਗਾ।

ਉਨ੍ਹਾਂ ਦੱਸਿਆ ਕਿ 25 ਨਵੰਬਰ ਕਾਮਤਾ ਨਾਥ ਦੀ ਰਚਨਾ 'ਬਾਬੂ ਜੀ ਠੀਕ 

ਕਹਿਤੇ ਥੇ' ਸ੍ਰੀ. ਕੌਸ਼ਲ ਭਾਰਦਵਾਜ ਦੀ ਨਿਰਦੇਸ਼ਨਾ 'ਚ ਮੇਘਦੂਤ ਥੀਏਟਰ 

ਗਰੁੱਪ, ਭਿਵਾਨੀ ਵੱਲੋਂ ਖੇਡਿਆ ਜਾਏਗਾ।

26 ਨਵੰਬਰ ਨੂੰ ਨਾਟਕ 'ਉਜਬਕ ਰਾਜਾ ਤੀਨ ਡਕੈਤ' ਅਲਕਨੰਦਨ ਦੀ ਰਚਨਾ, 

ਸ੍ਰੀ ਉਤਪਲ ਝਾਂ ਦੀ ਨਿਰਦੇਸ਼ਨਾ 'ਚ ਆਨ ਥੀਏਟਰ ਗਰੁੱਪ ਜੀਂਦ ਮੰਚਣ ਕਰੇਗਾ।

27 ਨਵੰਬਰ ਨੂੰ ਗੀਤਾ ਅਗਰਵਾਲ ਸ਼ਰਮਾ ਦਾ ਲਿਖਿਆ ਸ੍ਰੀਮਤੀ ਗੀਤਾ ਅਗਰਵਾਲ 

ਸ਼ਰਮਾ ਦੁਆਰਾ ਹੀ ਨਿਰਦੇਸ਼ਨ ਨਾਟਕ 'ਬਾਬੀ ਬ੍ਰੇਕਰ' ਹੋਏਗਾ।

28 ਨਵੰਬਰ ਮੰਟੋ, ਅੰਮ੍ਰਿਤਾ ਪ੍ਰੀਤਮ ਅਤੇ ਈਸਮਤ ਚੁਗਤਾਈ ਦੀਆਂ 

ਕਹਾਣੀਆਂ 'ਤੇ ਅਧਾਰਤ ਨਾਟਕ 'ਏਕ ਸ਼ਾਮ ਕਹਾਨੀਓਂ ਕੇ ਨਾਮ' ਸ੍ਰੀ ਰਵੀ ਮੋਹਨ 

ਰਾਸ ਦੀ ਨਿਰਦੇਸ਼ਨਾ 'ਚ ਰਾਸ ਕਲਾ ਮੰਚ ਸਫੀਦੋਂ (ਜੀਂਦ) ਖੇਡੇਗਾ।

ਪੰਜਾਬ ਸੰਗੀਤ ਨਾਟਕ ਅਕਾਦਮੀ ਅਤੇ ਸਹਿਯੋਗੀ ਦੇਸ਼ ਭਗਤ ਯਾਦਗਾਰ ਕਮੇਟੀ 

ਨੇ ਸਮੂਹ ਨਾਟ ਪ੍ਰੇਮੀਆਂ ਨੂੰ ਚਾਰ ਦਿਨ ਨਾਟ-ਉਤਸਵ 'ਚ ਪਰਿਵਾਰਾਂ ਸਮੇਤ ਸ਼ਿਰਕਤ ਕਰਨ 

ਦਾ ਖੁੱਲ੍ਹਾ ਸੱਦਾ ਦਿੱਤਾ ਹੈ।

ਟਾਂਡਾ ਪੁਲੀਸ ਵਲੋਂ ਚੋਰੀ ਕੀਤੇ 10 ਮੋਟਰਸਾਈਕਲ ਬਰਾਮਦ

ਟਾਂਡਾ ਉੜਮੁੜ, 24 ਨਵੰਬਰ (ਦੀਪਕ ਬਹਿਲ, ਸੈਣੀ)- ਜ਼ਿਲ੍ਹਾ ਪੁਲਿਸ ਨੂੰ ਇੱਕ ਸਫਲਤਾ ਉਸ ਵੇਲੇ ਹੱਥ ਲੱਗੀ ਜਦੋਂ ਡੀ. ਐੱਸ. ਪੀ. ਟਾਂਡਾ ਪਿਆਰਾ ਸਿੰਘ ਦੀ ਅਗਵਾਈ ਹੇਠ ਪੁਲਿਸ ਨੇ 7 ਮੈਂਬਰੀ ਬਾਈਕ ਚੋਰ ਗਿਰੋਹ ਨੂੰ 10 ਚੋਰੀ ਦੇ ਮੋਟਰ ਸਾਈਕਲਾਂ ਸਮੇਤ ਗਿ੍ਫ਼ਤਾਰ ਕੀਤਾ | ਇਸ ਸਬੰਧੀ ਅੱਜ ਟਾਂਡਾ ਵਿਖੇ ਇੱਕ ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਦੇ ਐੱਸ. ਐੱਸ. ਪੀ. ਹੁਸ਼ਿਆਰਪੁਰ ਸ੍ਰੀ ਨਰਿੰਦਰ ਭਾਰਗਵ ਨੇ ਦੱਸਿਆ ਕਿ ਉਕਤ ਚੋਰ ਗਿਰੋਹ ਦੇ ਮੈਂਬਰ ਸੁਦੇਸ਼ ਕੁਮਾਰ, ਹਰਭਜਨ ਸਿੰਘ, ਨਰਿੰਦਰਪਾਲ, ਸੁਰਿੰਦਰ ਸਿੰਘ, ਸੰਜੇ, ਸੰਦੀਪ ਸਿੰਘ ਸੋਨੂੰ, ਪਰਮ ਹੰਸ ਸਿੰਘ ਜੋ ਕਿ ਪੰਜਾਬ ਦੇ ਵੱਖ-ਵੱਖ ਜ਼ਿਲਿ੍ਹਆਂ ਤੋਂ ਮੋਟਰਸਾਈਕਲ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜ਼ਾਮ ਦਿੰਦੇ ਸਨ ਨੂੰ ਉਸ ਵੇਲੇ ਗਿ੍ਫ਼ਤਾਰ ਕੀਤਾ ਜਦੋਂ ਉਹ ਟਾਂਡਾ ਨੇੜੇ ਕਿਸੇ ਵੱਡੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਦੀ ਤਿਆਰੀ ਕਰ ਰਹੇ ਸਨ | ਸ੍ਰੀ ਭਾਰਗਵ ਦੱਸਿਆ ਕਿ ਇਸ ਗਿਰੋਹ 'ਤੇ ਕਈ ਹੋਰ ਮੁਕੱਦਮੇ ਦਰਜ ਹਨ | ਇਸ ਮੌਕੇ ਡਾ. ਭਾਰਗਵ ਨੇ ਹਰਬੰਸ ਕੌਰ ਪਤਨੀ ਬਰਜਿੰਦਰ ਸਿੰਘ ਵਾਸੀ ਮਿਆਣੀ ਪਾਸੋਂ 20 ਕਿੱਲੋ ਚੂਰਾ ਪੋਸਤ ਬਰਾਮਦ ਕਰਨ ਦਾ ਖ਼ੁਲਾਸਾ ਵੀ ਕੀਤਾ | ਇਸ ਮੌਕੇ ਐਸ. ਐਸ. ਪੀ. ਤੋਂ ਇਲਾਵਾ ਐਸ. ਪੀ. ਅਮਰੀਕ ਸਿੰਘ ਧਾਮੀ, ਡੀ. ਐਸ. ਪੀ. ਪਿਆਰਾ ਸਿੰਘ, ਸਤਵਿੰਦਰ ਸਿੰਘ ਚੱਢਾ ਆਦਿ ਹਾਜ਼ਰ ਸਨ | 

ਏਡਿਡ ਸਕੂਲ ਯੂਨੀਅਨ ਵੱਲੋਂ ਡੀ. ਜੀ. ਐਸ. ਈ. ਨਾਲ ਮਰਜ ਸਬੰਧੀ ਮੀਟਿੰਗ---- ਏਡਿਡ ਸਟਾਫ ਦੇ ਸਰਕਾਰੀ ਸਕੂਲਾਂ ਵਿਚ ਰਲੇਵੇਂ ਨੂੰ ਹੁੰਗਾਰਾ

www.sabblok.blogspot.com
ਅਜੀਤਗੜ, 21 ਨਵੰਬਰ -ਪੰਜਾਬ ਰਾਜ ਸਰਕਾਰੀ ਸਹਾਇਤਾ ਪ੍ਰਾਪਤ ਅਧਿਆਪਕ ਅਤੇ ਹੋਰ ਕਰਮਚਾਰੀ ਯੂਨੀਅਨ ਪੰਜਾਬ ਦੀ ਅੱਜ ਡਾਇਰੈਕਟਰ ਜਨਰਲ ਸਕੂਲੀ ਸਿੱਖਿਆ ਕੁਮਾਰ ਰਹੁਲ ਅਤੇ ਡੀ. ਪੀ. ਆਈ. ਸ੍ਰੀ ਕਮਲ ਕੁਮਾਰ ਗਰਗ ਨਾਲ ਵਿੱਦਿਆ ਭਵਨ ਮੋਹਾਲੀ ਵਿਖੇ ਮੀਟਿੰਗ ਹੋਈ। ਇਸ ਮੀਟਿੰਗ ਵਿਚ ਯੂਨੀਅਨ ਦੇ ਸੂਬਾ ਪ੍ਰਧਾਨ ਗੁਰਚਰਨ ਸਿੰਘ ਚਾਹਲ ਅਤੇ ਸੂਬਾ ਸਕੱਤਰ ਐਨ. ਐਨ. ਸੈਣੀ ਸਮੇਤ ਯੂਨੀਅਨ ਦੀ ਸੂਬਾ ਕਮੇਟੀ ਦੇ ਮੈਂਬਰ ਸ਼ਾਮਲ ਸਨ। ਮੀਟਿੰਗ ਦੀ ਜਾਣਕਾਰੀ ਦਿੰਦਿਆਂ ਸੂਬਾ ਪ੍ਰੈਸ ਸਕੱਤਰ ਹਰਦੀਪ ਸਿੰਘ ਢੀਂਡਸਾ ਨੇ ਦੱਸਿਆ ਕਿ ਇਸ ਮੀਟਿੰਗ ਵਿਚ ਏਡਿਡ ਸਕੂਲਾਂ ਦੇ ਅਧਿਆਪਕਾਂ ਅਤੇ ਹੋਰ ਕਰਮਚਾਰੀਆਂ ਨੂੰ ਸਰਕਾਰੀ ਸਕੂਲਾਂ ਵਿਚ ਸ਼ਾਮਲ ਕੀਤੇ ਜਾਣ ਦੀ ਮੰਗ ਨੂੰ ਜ਼ੋਰ ਸ਼ੋਰ ਨਾਲ ਉਠਾਇਆ ਗਿਆ। ਮੀਟਿੰਗ ਦੌਰਾਨ ਸ੍ਰੀ ਚਾਹਲ ਨੇ ਕਿਹਾ ਕਿ ਏਡਿਡ ਸਕੂਲਾਂ ਦੀ ਹਾਲਤ ਬਹੁਤ ਮਾੜੀ ਹੈ ਅਤੇ ਇਨ•ਾਂ ਦੀਆਂ ਸਾਰੀਆਂ ਸਮੱਸਿਆਵਾਂ ਦਾ ਇਕੋ ਇਕ ਹੱਲ ਸਮੂਹ ਸਟਾਫ ਨੂੰ ਸਰਕਾਰੀ ਸਕੂਲਾਂ ਵਿਚ ਮਰਜ ਕਰਨਾ ਹੈ। ਇਸ ਮੌਕੇ ਡੀ. ਐਸ. ਈ. ਕੁਮਾਰ ਰਹੁਲ ਨੇ ਯੂਨੀਅਨ ਦੀ ਮੰਗ ਪ੍ਰਤੀ ਹਾਂ-ਪੱਖੀ ਹੁੰਗਾਰਾ ਦਿੱਤਾ ਅਤੇ ਕਿਹਾ ਕਿ ਉਹ ਇਸ ਸਬੰਧ ਵਿਚ ਸਿੱਖਿਆ ਮੰਤਰੀ ਅਤੇ ਪੰਜਾਬ ਸਰਕਾਰ ਨਾਲ ਗੱਲ ਕਰਨਗੇ। ਇਸ ਤੋਂ ਪਹਿਲਾਂ ਯੂਨੀਅਨ ਨੇ ਡੀ. ਪੀ. ਆਈ. (ਸੈਕੰਡਰੀ ਸਿੱਖਿਆ) ਸ੍ਰੀ ਕਮਲ ਕੁਮਾਰ ਗਰਗ ਨਾਲ ਵੀ ਮੀਟਿੰਗ ਕੀਤੀ। ਇਸ ਮੀਟਿੰਗ ਵਿਚ ਬੀਤੀ 12 ਅਕਤੂਬਰ ਨੂੰ ਸਿੱਖਿਆ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਨਾਲ ਹੋਈ ਮੀਟਿੰਗ ਦੇ ਫੈਸਲਿਆਂ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਮੀਟਿੰਗ ਵਿਚ ਡੀ. ਪੀ. ਆਈ. ਨੇ ਏਡਿਡ ਸਕੂਲਾਂ ਦੇ ਅਧਿਆਪਕਾਂ ਲਈ ਟਾਈਮ ਟੇਬਲ ਅਤੇ ਪੀਰੀਅਡਾਂ ਦੀ ਵੰਡ ਸਰਕਾਰੀ ਸਕੂਲਾਂ ਦੇ ਕਰਮਚਾਰੀਆਂ ਵਾਂਗੂ ਕਰਨ, ਬਕਾਇਆ ਬੀ. ਟੀ. ਦੀ ਰਾਸ਼ੀ ਅਤੇ ਦਰਜਾ ਚਾਰ ਤੇ ਲੈਬ ਅਟੈਂਡੈਂਟਾਂ ਦੀ ਗਰੇਡ ਪੇ ਦੀ ਚਿੱਠੀ ਜਲਦ ਜਾਰੀ ਕਰਨ ਦਾ ਭਰੋਸਾ ਦਿੱਤਾ। ਡੀ. ਪੀ. ਆਈ. ਨੇ ਏਡਿਡ ਸਕੂਲਾਂ ਵਿਚ ਸੈਕਸ਼ਨ ਵਾਈਜ ਵਿਦਿਆਰਥੀਆਂ ਦੀ ਗਿਣਤੀ 30 ਤੋਂ ਘੱਟ ਕਰਨ, ਪੈਨਸ਼ਨਰੀ ਲਾਭ 25 ਸਾਲ ਦੀ ਸੇਵਾ ਉਪਰੰਤ ਦੇਣ, ਪ੍ਰਾਇਮਰੀ ਸਕੂਲਾਂ ਦੇ ਕਲੇਮ ਸਾਲ ਦੇ ਅਧਾਰ 'ਤੇ ਲੈਣ, ਪੈਨਸ਼ਨਰਾਂ ਦੀ ਪੈਨਸ਼ਨ ਪੋਸਟ ਆਡਿਟ ਕਰਨ ਅਤੇ ਪ੍ਰਾਇਮਰੀ ਸਕੂਲਾਂ ਦੇ ਅਧਿਆਪਕਾਂ ਦੇ ਤਨਖਾਹ ਜਾਰੀ ਕਰਨ ਦਾ ਵੀ ਭਰੋਸਾ ਦਿੱਤਾ। ਮੀਟਿੰਗ ਵਿਚ ਸੂਬਾ ਪ੍ਰਧਾਨ ਗੁਰਚਰਨ ਸਿੰਘ ਚਾਹਲ, ਸੂਬਾ ਸਕੱਤਰ ਐਨ. ਐਨ. ਸੈਣੀ, ਸੂਬਾ ਖਜਾਨਚੀ, ਕੁਲਵੰਤ ਸਿੰਘ ਗਿੱਲ, ਮੈਡਮ ਸ਼ਵਿੰਦਰ ਕੌਰ ਲੁਧਿਆਣਾ, ਰਾਜ ਕੁਮਾਰ ਮਿਸ਼ਰਾ ਅੰਮ੍ਰਿਤਸਰ, ਰਮੇਸ਼ ਦਸੂਹਾ, ਅਮਰਜੀਤ ਸਿੰਘ ਭੁੱਲਰ ਰੋਪੜ, ਹਰਦੀਪ ਸਿੰਘ ਢੀਂਡਸਾ ਤਖਤਗੜ•, ਅਜੇ ਚੌਹਾਨ ਅੰਮ੍ਰਿਤਸਰ, ਯਾਦਵਿੰਦਰ ਕੁਮਾਰ, ਦਲਜੀਤ ਸਿੰਘ ਖਰੜ, ਕ੍ਰਿਸ਼ਨ ਕੁਮਾਰ ਫਰੀਦਕੋਟ, ਸ਼ਵਿੰਦਰ ਮਸ਼ਰਾਲ ਫਿਰੋਜਪੁਰ, ਰਜਿੰਦਰ ਸ਼ਰਮਾ ਨਵਾਂ ਸ਼ਹਿਰ, ਗਗਨਦੀਪ ਕੌਰ ਲੁਧਿਆਣਾ ਅਤੇ ਪ੍ਰਿੰਸੀਪਲ ਐਫ. ਸੀ. ਮਲਹੋਤਰਾ ਆਦਿ ਵੀ ਹਾਜ਼ਰ ਸਨ।

ਸਿੰਘ ਸਹਿਬਾਨ ਨੇ ” ਸਿੰਘ ਸਾਬ ਦੀ ਗ੍ਰੇਟ” ਫਿਲਮ ਤੋਂ ਰੋਕ ਹਟਾਈ, ਸ਼੍ਰੋਮਣੀ ਕਮੇਟੀ ਜੇਲਾਂ ਵਿਚ ਬੰਦ ਸਿਖਾਂ ਨੂੰ ਅਮ੍ਰਿਤ ਛਕਾਉਣ ਦਾ ਪ੍ਰਬੰਧ ਕਰੇ

www.sabblok.blogspot.com

ਅੰਮ੍ਰਿਤਸਰ: (22 ਨਵੰਬਰ,ਨਰਿੰਦਰ ਪਾਲ ਸਿੰਘ) :ਸ੍ਰੀ ਅਕਾਲ ਤਖਤ ਸਾਹਿਬ ਸਕਤਰੇਤ ਵਿਖੇ ਹੋਈ ਇਕ ਇਕਤਰਤਾ ਵਿਚ ਪੇਸ਼ ਵੱਖ ਵੱਖ ਮਾਮਲਿਆਂ ਤੇ ਵਿਚਾਰ ਕਰਦਿਆਂ ਪੰਜ ਸਿੰਘ ਸਾਹਿਬਾਨ ਨੇ ਵਿਵਾਦਤ ਫਿਲਮ ਸਿੰਘ ਸਾਹਿਬ ਦੀ ਗਰੇਟ ਦੇ ਨਿਰਦੇਸ਼ਕ ਵਲੋਂ ਸ਼ਬਦ ‘ਸਾਹਿਬ’ ਦੀ ਬਜਾਏ ‘ਸਾਬ’ ਕਰ ਦਿੱਤੇ ਜਾਣ ਤੇ ਲਗਾਈ ਰੋਕ ਹਟਾ ਲਈ ਹੈ।ਸਿੰਘ ਸਾਹਿਬ ਵਲੋਂ ਦੁਹਰਾਇਆ ਗਿਆ ਹੈ ਕਿ ਗੁਰਦੁਆਰਾ ਸਾਹਿਬਾਨ ਦੀਆਂ ਪ੍ਰਬੰਧਕ ਕਮੇਟੀਆਂ ਦੇ ਮੈਂਬਰ ਸਾਬਤ ਸੂਰਤ ਅੰਮ੍ਰਿਤਧਾਰੀ ਹੀ ਹੋ ਸਕਦੇ ਹਨ ,ਗੁਰੂ ਘਰ ਵਿੱਚ ਗੁਰਬਾਣੀ ਕੀਰਤਨ ਸੁਨਣ ,ਨਮਸਕਾਰ ਕਰਨ ਆਣ ਵਾਲੇ ਕਿਸੇ ਵੀ ਸਤਸੰਗੀ ,ਗੁਰਮੁਖ ਪ੍ਰੇਮੀ ਤੇ ਕੋਈ ਪਾਬੰਦੀ ਨਹੀ ਲਗਾਈ ਜਾ ਸਕਦੀ ,ਗੁਰੂਘਰ ਆਣ ਵਾਲੇ ਬਜੁਰਗਾਂ ਤੇ ਅਪਾਹਜਾਂ ਦੀ ਸਹੂਲਤ ਲਈ ਦਰਬਾਰ ਹਾਲ ਵਿਚ ਬੈਂਚ ਤੇ ਸੋਫੇ ਆਦਿ ਨਾ ਲਗਾਏ ਜਾਣ ਅਤੇ ਨਗਰ ਕੀਰਤਨ ਸਮੇਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਸਵਾਰੀ ਅੱਗੇ ਪ੍ਰਬੰਦਕ ਕਮੇਟੀ ਮੈਂਬਰ ਨਹੀ ਚਲ ਸਕਦੇ ।ਇਕ ਹੋਰ ਫੈਸਲੇ ਰਾਹੀ ਸ਼੍ਰੋਮਣੀ ਕਮੇਟੀ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਉਹ ਪੰਜਾਬ ਦੀਆਂ ਜੇਲ੍ਹਾਂ ਵਿਚ ਬੰਦ ਸਿੱਖ ਕੈਦੀਆਂ ਦੀ ਮੰਗ ਅਨੁਸਾਰ ਅੰਮ੍ਰਿਤ ਛਕਾਉਣ ਲਈ ਪ੍ਰਬੰਧ ਕਰਨ ਹਿੱਤ ਪੰਜਾਬ ਸਰਕਾਰ ਨਾਲ ਰਾਬਤਾ ਕਾਇਮ ਕਰੇ।

ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਸਕਤਰੇਤ ਵਿਖੇ ਹੋਈ ਪੰਜ ਸਿੰਘ ਸਾਹਿਬਾਨ ਦੀ ਇਕਤਰਤਾ ਵਿਚ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ,ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਜਥੇਦਾਰ ਗਿਆਨੀ ਮੱਲ੍ਹ ਸਿੰਘ ,ਤਖਤ ਸ੍ਰੀ ਪਟਨਾ ਸਾਹਿਬ ਦੇ ਜਥੇਦਾਰ ਗਿਆਨੀ ਇਕਬਾਲ ਸਿੰਘ ,ਤਖਤ ਸ੍ਰੀ ਹਜੂਰ ਸਾਹਿਬ ਦੇ ਗਿਆਨੀ ਜੋਤਿ ਇੰਦਰ ਸਿੰਘ ,ਸ੍ਰੀ ਹਰਿਮੰਦਰ ਸਾਹਿਬ ਦੇ ਹੈੱਡ ਗ੍ਰੰਥੀ ਗਿਆਨੀ ਜਗਤਾਰ ਸਿੰਘ ਸ਼ਾਮਿਲ ਹੋਏ ।ਇਕਤਰਤਾ ਬਾਅਦ ਪੱਤਰਕਾਰਾਂ ਨਾਲ ਗਲਬਾਤ ਕਰਦਿਆਂ ਗਿਆਨੀ ਗੁਰਬਚਨ ਸਿੰਘ ਨੇ ਦੱਸਿਆ ਕਿ ਗੁਰਦੁਆਰਾ ਸਾਹਿਬਾਨ ਦੀਆਂ ਪ੍ਰਬੰਧਕ ਕਮੇਟੀਆਂ ਦੇ ਜਿਹੜੇ ਮੈਂਬਰਾਨ ਦੇ ਨਾਮ ਮਗਰ ਸ਼ਬਦ ਸਿੰਘ ਲਗਦਾ ਹੈ ਉਹ ਸਾਬਤ ਸੂਰਤ ਅੰਮ੍ਰਿਤਧਾਰੀ ਹੋਣੇ ਚਾਹੀਦੇ ਹਨ ਤੇ ਇਸ ਪੁਰ ਸਖਤੀ ਨਾਲ ਅਮਲ ਕੀਤਾ ਜਾਵੇ। ਉਨ੍ਹਾਂ ਦੱਸਿਆ ਦੇਸ਼ ਵਿਦੇਸ਼ ਤੋਂ ਪੁਜੀਆਂ ਸ਼ਿਕਾਇਤਾਂ ਤੇ ਵਿਚਾਰ ਕਰਨ ਬਾਅਦ ਫੈਸਲਾ ਲਿਆ ਗਿਆ ਹੈ ਕਿ ਗੁਰੂ ਘਰ ਵਿੱਚ ਗੁਰਬਾਣੀ ਕੀਰਤਨ ਸੁਨਣ ,ਨਮਸਕਾਰ ਕਰਨ ਆਣ ਵਾਲੇ ਕਿਸੇ ਵੀ ਸਤਸੰਗੀ ,ਗੁਰਮੁਖ ਪ੍ਰੇਮੀ ਤੇ ਕੋਈ ਪਾਬੰਦੀ ਨਹੀ ਲਗਾਈ ਜਾ ਸਕਦੀ ਲੇਕਿਨ ਅਗਰ ਕਿਸੇ ਜਗਿਆਸੂ ਨੇ ਸੇਵਾ ਕਰਨੀ ਹੋਵੇ ਤਾਂ ਪ੍ਰਬੰਦਕਾਂ ਦੀ ਆਗਿਆ ਲੈਣੀ ਚਾਹੀਦੀ ਹੈ ।ਉਨ੍ਹਾਂ ਦੱਸਿਆ ਕਿ ਸਾਲ 2009 ਵਿਚ ਸ੍ਰੀ ਅਕਾਲ ਤਖਤ ਸਾਹਿਬ ਵਲੋਂ ਆਦੇਸ਼ ਕੀਤਾ ਗਿਆ ਸੀ ਗੁਰਦੁਆਰਾ ਸਾਹਿਬ ਵਿਖੇ ਆਣ ਵਾਲੇ ਅਪਾਹਜਾਂ ਤੇ ਬਜੁਰਗਾਂ ਦੀ ਸਹੂਲਤ ਲਈ ਬੈਂਚ ਆਦਿ ਲਗਾਏ ਜਾਣ ਲੇਕਿਨ ਕੁਝ ਪ੍ਰਬੰਦਕ ਤੇ ਸੰਗਤਾਂ ਇਸ ਅਦੇਸ਼ ਦੀ ਨਜਾਇਜ ਵਰਤੋਂ ਕਰ ਰਹੇ ਹਨ । ਉਨ੍ਹਾਂ ਕਿਹਾ ਕਿ ਇਹ ਸਤਿਗੁਰੂ ਦੇ ਸਤਿਕਾਰ ਪ੍ਰਤੀ ਕੁਤਾਹੀ ਹੈ । ਇਸ ਲਈ ਦਰਬਾਰ ਹਾਲ ਦੇ ਬਾਹਰ ਬਰਾਂਡੇ ਵਿਚ ਬੈਂਚ ਲਗਾਏ ਜਾਣ ਤੇ ਲੋੜ ਵੰਦਾਂ ਦੀ ਸਹੂਲਤ ਲਈ ਕਮੇਟੀਆਂ ਸਕਰੀਨ ਆਦਿ ਲਗਵਾ ਦੇਣ । ਨਗਰ ਕੀਰਤਨ ਦੀ ਮਰਿਆਦਾ ਜਿਕਰ ਕਰਦਿਆਂ ਗਿਆਨੀ ਗੁਰਬਚਨ ਸਿੰਘ ਨੇ ਦੱਸਿਆ ਕਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਸਵਾਰੀ ਦੇ ਅੱਗੇ ਪੰਜ ਪਿਆਰੇ ,ਉਸਤੋਂ ਅੱਗੇ ਨਿਸ਼ਾਨਚੀ ਜਦਕਿ ਸੰਗਤ ਸਵਾਰੀ ਦੇ ਮਗਰ ਹੋਣ ।ਇਕ ਪੈਸਲੇ ਰਾਹੀ ਪੰਜ ਸਿੰਘ ਸਾਹਿਬਾਨ ਨੇ ਸ੍ਰੀ ਦਰਬਾਰ ਸਾਹਿਬ ਦੀ ਪਰਕ੍ਰਮਾ ਵਿਚ ਫਿਲਮਾਂ ਦੀ ਸ਼ੂਟਿੰਗ ਤੇ ਪਾਬੰਦੀ ਲਗਾ ਦਿੱਤੀ ਹੈ । ਨਾਲ ਹੀ ਸਪਸ਼ਟ ਕੀਤ ਾਗਿਆ ਹੈ ਕਿ ਕਿਸੇ ਧਾਰਮਿਕ ਫਿਲਮ ਦੀ ਸ਼ੂਟਿੰਗ ਲਈ ਕਮੇਟੀ ਪ੍ਰਧਾਨ ਪਾਸੋਂ ਇਜਾਜਤ ਲਈ ਜਾਵੇ । ਅਕਾਲੀ ਦਲ ਬਾਦਲ ਦੇ ਇਕ ਆਗੂ ਦਾ ਨਸ਼ਿਆ ਦੇ ਕਾਰੋਬਾਰ ਵਿਚ ਗਲਤਾਨ ਹੋਣ ਤੇ ਫੜੇ ਜਾਣ ਬਾਰੇ ਪੁਛੇ ਜਾਣ ਤੇ ਸਿੰਘ ਸਾਹਿਬ ਨੇ ਇਸ ਖਬਰ ਪ੍ਰਤੀ ਅਗਿਆਨਤਾ ਪ੍ਰਗਟਾਈ ਲੇਕਿਨ ਬਾਰ ਬਾਰ ਪੁਛੇ ਜਾਣ ਤੇ ਗਿਆਨੀ ਗੁਰਬਚਨ ਸਿੰਘ ਨੇ ਕਿਹਾ ਕਿ ਜੇਕਰ ਅਜੇਹਾ ਹੋਇਆ ਹੈ ਤਾਂ ਅਜੇਹੇ ਸ਼ਖਸ਼ ਤੇ ਲਾਹਨਤ ਹੈ ।ਪੰਜ ਸਿੰਘ ਸਾਹਿਬਾਨ ਇਕ ਹੋਰ ਫੈਸਲੇ ਅਨੁਸਾਰ ਫਿਲਮ ਸਿੰਘ ਸਾਹਿਬ ਦੀ ਗਰੇਟ ਦੇ ਟਾਈਟਲ ਸ਼ਬਦ ਸਾਹਿਬ ਨੂੰ ਨਿਰਦੇਸ਼ਕ ਦੁਆਰਾ ਸਾਬ ਕਰ ਦਿੱਤੇ ਤੇ ਤਸੱਲੀ ਪ੍ਰਗਟਾਈ ਹੈ ।ਇਸੇ ਦੌਰਾਨ ਅੰਮ੍ਰਿਤਸਰ ਦੇ ਚੁਣਿੰਦਾ ਸਿਨੇਮ ਹਾਲ ਮਾਲਕਾਂ ਨੇ ਜਿਥੇ ਫਿਲਮ ਲਗਣੀ ਸੀ ਨੇ ਵੀ ਪੰਜ ਸਿੰਘ ਸਾਹਿਬਾਨ ਪਾਸ ਪੇਸ਼ ਹੋਕੇ ਫਿਲਮ ਬਾਰੇ ਸਪਸ਼ਟੀਕਰਨ ਲਿਆ ।

ਆਈ.ਐਸ.ਓ ਨੇ ਕੀਤਾ ਫਿਲਮ ਸਿੰਘ ਸਾਹਿਬ ਦੀ ਗਰੇਟ ਵਿਰੁੱਧ ਰੋਸ ਪ੍ਰਦਰਸ਼ਨ

ਅੱਧੀ ਦਰਜਨ ਸਿਨੇਮਾਂ ਹਾਲਾਂ ਵਿੱਚ ਨਹੀਂ ਚੱਲਣ ਦਿੱਤੀ ਫਿਲਮ

ਅੰਮ੍ਰਿਤਸਰ:( 22 ਨਵੰਬਰ, ਨਰਿੰਦਰ ਪਾਲ ਸਿੰਘ):ਨੌਜੁਆਨ ਸਿੱਖ ਜਥੇਬੰਦੀ ਇੰਟਰਨੈਸ਼ਨਲ ਸਿੱਖ ਆਰਗੇਨਾਈਜੇਸ਼ਨਦੇ ਸੈਂਕੜੇ ਵਰਕਰਾਂ ਨੇ ਜਥੇਬੰਦੀ ਦੇ ਜਿਲ੍ਹਾ ਪ੍ਰਧਾਨ ਤੇ ਮੈਂਬਰ ਜੇਲ੍ਹ ਬੋਰਡ ਪੰਜਾਬ ਕੰਵਰਬੀਰ ਸਿੰਘ ਗਿੱਲ ਦੀ ਅਗਵਾਈ ਵਿੱਚ ਅੱਜ ਸਮੂੰਹ ਨੌਜਵਾਨਾ ਨੇ ਫਿਲਮ ‘ਸਿੰਘ ਸਾਹਿਬ ਦੀ ਗ੍ਰੇਟ’ ਵਿਰੁੱਧ ਜੋਰਦਾਰ ਰੋਸ ਪ੍ਰਦਰਸ਼ਨ ਕੀਤਾ ਤੇ ਸ਼ਹਿਰ ਦੇ ਸਾਰਿਆਂ ਹੀ ਸਿਨੇਮਿਆਂ ਵਿੱਚ ਫਿਲਮ ਨੂੰ ਚੱਲਣ ਨਹੀਂ ਦਿੱਤਾ ।ਅੱਜ ਸਵੇਰੇ 10 ਵਜੇ ਦੇ ਕਰੀਬ ਜਥੇਬੰਦੀ ਦੇ ਨੌਜੁਆਨ ਹੱਤਾਂ ਵਿਚ ਮਾਟੋ ਤੇ ਬੈਨਰ ਚੁਕੀ ਸਥਾਨਕ ਜੌੜਾ ਫਾਟਕ ਵਿਖੇ ਇਕੱਠੇ ਹੋਏ ਜਿਥੌਂ ਇਹ ਇਕ ਜਲੂਸ ਦੀ ਸ਼ਕਲ ਵਿਚ ਬਿਗ ਸਿਨੇਮਾ ,ਸੈਲੀਬਰੇਸ਼ਨ ਮਾਲ ,ਐਨਮ,ਅਲਫਾ ਵਨ ਵਿਖੇ ਗਏ ਜਿਥੇ ਇਸ ਫਿਲਮ ਦਾ ਅੱਜ ਪਹਿਲਾਂ ਸ਼ੋਅ ਹੋਣਾ ਤੈਅ ਸੀ। ਜਥੇਬੰਦੀ ਦੇ ਵਰਕਰਾਂ ਨੇ ਵਾਰੋ ਵਾਰੀ ਸਾਰੇ ਹੀ ਸਿਨੇਮਾਂ ਹਾਲਾਂ ਵਿਚ ਜਾ ਕੇ ਫਿਲਮ ਦਾ ਪਰਦਰਸ਼ਨ ਰੋਕਿਆ ਤੇ ਸਿਨੇਮਾ ਮਾਲਕਾਂ ਨੂੰ ਵੀ ਦੱਸਿਆ ਕਿ ਉਹ ਫਿਲਮ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਵਲੋਂ ਇਜਾਜਤ ਮਿਲਣ ਬਾਅਦ ਹੀ ਵਿਖਾਉਣ । ਭਾਵੇਂ ਇਹ ਰੋਸ ਪ੍ਰਦਰਸ਼ਨ ਸ਼ਾਂਤਮਈ ਸੀ ਲੇਕਿਨ ਸਿਟੀ ਪੁਲਿਸ ਦੇ ਏ.ਡੀ.ਸੀ.ਪੀ.ਪਰਮਪਾਲ ਸਾਰਾ ਰਸਤਾ ਜਲੂਸ ਦੇ ਨਾਲ ਰਹੇ । ਬਾਅਦ ਵਿਚ ਜਥੇਬੰਦੀ ਨੇ ਫਿਲਮ ਦੇ ਨਾਮ ਸਬੰਧੀ ਇਤਰਾਜ ਕਰਦਾ ਇਕ ਮੰਗ ਪੱਤਰ ਜਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਸ੍ਰ ਰਵੀ ਭਗਤ ਨੂੰ ਦਿੱਤਾ ।

ਇਸ ਸਬੰਧੀ ਕੰਵਰਬੀਰ ਸਿੰਘ ਨੇ ਦੱਸਿਆ ਕਿ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਸਿੰਘ ਸਾਹਿਬ ਗਿਆਨੀ ਗੁਰਬਚਨ ਸਿੰਘ ਜੀ ਦੇ ਫਿਲਮ ਸਬੰਧੀ ਇਤਰਾਜ਼ ਪ੍ਰਗਟ ਕਰਨ ਤੋਂ ਬਾਅਦ ਫਿਲਮਕਾਰਾਂ ਨੂੰ ਫਿਲਮ ਦਾ ਟਾਇਟਲ ਬਦਲਣਾ ਚਾਹੀਦਾ ਸੀ, ਪਰ ਉਹਨਾਂ ਵੱਲੋਂ ਅਜਿਹਾ ਨਾ ਕਰਦਿਆਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਪ੍ਰਵਾਨਗੀ ਤੋਂ ਬਿਨ੍ਹਾ ਫਿਲਮ ਨੂੰ ਰਿਲੀਜ਼ ਕੀਤਾ ਗਿਆ ਜੋ ਬਹੁਤ ਹੀ ਨਿੰਦਨਯੋਗ ਗੱਲ ਹੈ ਅਤੇ ਸਿੱਖ ਕੌਮ ਇਸ ਨੂੰ ਬਰਦਾਸ਼ਤ ਨਹੀਂ ਕਰੇਗੀ। ਉਹਨਾਂ ਕਿਹਾ ਕਿ ਫਿਲਮ ਦੇ ਡਾਇਰੈਟਰ ਤੇ ਪ੍ਰੋਡਿਊਸਰ ਨੂੰ ਸਿੱਖ ਕੋਮ ਦੀਆਂ ਭਾਵਨਾਵਾਂ ਦੀ ਕਦਰ ਕਰਨੀ ਚਾਹੀਦੀ ਸੀ। ਸ੍ਰ. ਗਿੱਲ ਨੇ ਕਿਹਾ ਕਿ ਜਿਥੇ ਉਹਨਾਂ ਦੀ ਜਥੇਬੰਦੀ ਵੱਲੋਂ ਜਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਨੂੰ ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਨ ਮੰਤਰੀ ਸ੍ਰੀ ਮਨੀਸ਼ ਤਿਵਾੜੀ ਦੇ ਨਾਮ ਤੇ ਕਾਰਵਾਈ ਹਿੱਤ ਮੰਗ ਪੱਤਰ ਸੌਪਿਆ ਉਥੇ ਉਹਨਾਂ ਤੋਂ ਮੰਗ ਕੀਤੀ ਗਈ ਕਿ ਜਦੋਂ ਤੱਕ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਫਿਲਮ ਦੇ ਸਬੰਧ ਵਿੱਚ ਕੋਈ ਫੈਸਲਾ ਨਹੀਂ ਲਿਆ ਜਾਂਦਾ, ਉਦੋਂ ਤੱਕ ਫਿਲਮ ਤੇ ਰੋਕ ਲਗਵਾ ਦਿੱਤੀ ਜਾਵੇ, ਜਿਸ ਤੇ ਡਿਪਟੀ ਕਮਿਸ਼ਨਰ ਅੰਮ੍ਰਿਤਸਰ ਨੇ ਜਥੇਬੰਦੀ ਨੂੰ ਵਿਸ਼ਵਾਸ਼ ਦਿਵਾਇਆ ਹੈ ਕਿ ਜਥੇ: ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਫੈਂਸਲੇ ਦੀ ਉਡੀਕ ਕੀਤੀ ਜਾਵੇਗੀ, ਤਾਂ ਜੋ ਸਿੱਖਾਂ ਦੀਆਂ ਭਾਵਨਾਵਾਂ ਸ਼ਾਂਤ ਹੋ ਸਕਣ। ਉਹਨਾਂ ਕਿਹਾ ਕਿ ਫਿਲਮ ਸਬੰਧੀ ਅਖੀਰਲਾ ਫੈਸਲਾ ਸਿੱਖ ਕੌਮ ਦੀ ਸੁਪਰੀਮ ਪਾਵਰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਲਿਆ ਜਾਵੇਗਾ ਜੋ ਕਿ ਸਮੂੰਹ ਸਿੱਖ ਕੌਮ ਨੂੰ ਮਨਜ਼ੂਰ ਹੋਵੇਗਾ। ਇਸ ਮੌਕੇ ਗੁਰਮਨਜੀਤ ਸਿੰਘ ਗਿੱਲ (ਸ਼ਹਿਰੀ ਮੀਤ ਪ੍ਰਧਾਨ), ਮਹਾਂਬੀਰ ਸਿੰਘ ਸੁਲਤਾਨਵਿੰਡ ਅਕਾਲੀ ਆਗੂ, ਮੇਹਰ ਸਿੰਘ ਸੁਪਰਵਾਇਜ਼ਰ, ਗੁਰਪ੍ਰੀਤ ਸਿੰਘ ਖੈਰਾਬਾਦ, ਮਨਜੀਤ ਸਿੰਘ ਪ੍ਰੈਟੀ, ਤਜਿੰਦਰ ਸਿੰਘ ਰਾਣਾ, ਜਤਿੰਦਰ ਸਿੰਘ ਹੈਪੀ, ਪ੍ਰਿਤਪਾਲ ਸਿੰਘ ਟਿੱਕਾ, ਅਜੀਤਪਾਲ ਸਿੰਘ ਕਲੇਰ, ਪ੍ਰਿਤਪਾਲ ਸਿੰਘ, ਸਨਦੀਪ ਸਿੰਘ, ਦਵਿੰਦਰ ਸਿੰਘ ਕਾਕਾ, ਭੁਪਿੰਦਰ ਸਿੰਘ, ਬਾਬਾ ਗੁਰਚਰਨ ਸਿੰਘ, ਬਿਕਰਮਜੀਤ ਸਿੰਘ, ਬਲਵਿੰਦਰ ਸਿੰਘ ਛੇਹਰਟਾ, ਨਵਦੀਪ ਸਿੰਘ, ਰਣਦੀਪ ਸਿੰਘ, ਪ੍ਰੀਤ ਸਿੰਘ, ਰਣਜੀਤ ਸਿੰਘ, ਜਗਮੋਹਨ ਸਿੰਘ ਸ਼ਾਂਤ, ਅੰਮ੍ਰਿਤਪਾਲ ਸਿੰਘ, ਕਰਮਜੀਤ ਸਿੰਘ ਸੋਹਲ, ਪਲਵਿੰਦਰ ਸੁਲਤਾਨਵਿੰਡ, ਮਨਬੀਰ ਸਿੰਘ, ਰਮਿੰਦਰ ਸਿੰਘ, ਅਜੇਪਾਲ ਸਿੰਘ, ਸੁਰਿੰਦਰ ਸਿੰਘ, ਲਖਬੀਰ ਸਿੰਘ ਵਰਪਾਲ, ਯੋਧਾ ਸਿੰਘ, ਪਲਵਿੰਦਰ ਸਿੰਘ ਪੱਪਲ, ਸਤਨਾਮ ਸਿੰਘ, ਮਨਦੀਪ ਸਿੰਘ, ਪਰਦੀਪ ਸਿੰਘ ਗਹਿਰੀ ਸਮੇਤ ਆਈ.ਐਸ.ਓ ਦੇ ਸਮੂਹ ਨੌਜਵਾਨ ਹਾਜ਼ਰ ਸਨ।

3 ਸਮਗਲਰਾਂ ਤੋਂ 108 ਬੋਰੀਆਂ ਭੁੱਕੀ ਬਰਾਮਦ ਕੀਤੀ

www.sabblok.blogspot.com

ਵੱਡੀ ਖੇਪ ਫੜਣ ਵਾਲੀ ਪੁਲਿਸ ਪਾਰਟੀ ਨੂੰ ਪੁਰਸਕਾਰਤ ਕੀਤਾ ਜਾਵੇਗਾ-ਐਸਐਸਪੀ
ਬਠਿੰਡਾ/22 ਨਵੰਬਰ/ ਬੀ ਐਸ ਭੁੱਲਰ

   ਦੋ ਵਾਹਨਾਂ ਚੋਂ 108 ਬੋਰੀਆਂ ਦੀ ਬਰਾਮਦਗੀ ਨਾਲ ਤਿੰਨ ਵਿਅਕਤੀਆਂ ਨੂੰ ਕਾਬੂ ਕਰਕੇ ਸੀ ਆਈ ਏ ਸਟਾਫ ਬਠਿੰਡਾ ਦੀ ਪੁਲਿਸ ਨੇ ਇੱਕ ਅਜਿਹੇ ਪੰਜ ਮੈਂਬਰੀ ਸਮਗਲਰਾਂ ਦੇ ਗਰੋਹ ਨੂੰ ਬੇਨਕਾਬ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ, ਜੋ ¦ਬੇ ਅਰਸੇ ਤੋਂ ਰਾਜਸਥਾਨ ਤੋਂ ਗੰਢਿਆਂ ਹੇਠ ਲੁਕਾ ਕੇ ਲਿਆਂਦੀ ਭੁੱਕੀ ਲੱਗਭੱਗ ਦੁਗਣੇ ਮੁੱਲ ਤੇ ਪੰਜਾਬ ਦੇ ਵੱਖ ਵੱਖ ਹਿੱਸਿਆਂ ’ਚ ਸਪਲਾਈ ਕਰਦਾ ਆ ਰਿਹਾ ਸੀ।

        ਪਲੇਠੀ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਜਿਲ੍ਹਾ ਪੁਲਿਸ ਮੁਖੀ ਸ੍ਰੀ ਗੁਰਪ੍ਰੀਤ ਸਿੰਘ ਭੁੱਲਰ ਨੇ ਅੱਜ ਇੱਥੇ ਦੱਸਿਆ ਕਿ ਖੁਫੀਆ ਸੂਚਨਾ ਮਿਲਣ ਤੇ ਸੀ ਆਈ ਏ ਸਟਾਫ ਦੇ ਇੰਚਾਰਜ ਸ੍ਰੀ ਜਗਦੀਸ ਕੁਮਾਰ ਨੇ ਬਠਿੰਡਾ ਡੱਬਵਾਲੀ ਰੋਡ ਤੇ ਸਥਿਤ ਪਿੰਡ ਮਛਾਣਾ ਲਾਗੇ ਲਸਾੜਾ ਡਰੇਨ ਦੇ ਪੁਲ ਤੇ ਲਾਏ ਨਾਕੇ ਦੌਰਾਨ ਦਸ ਟਾਇਰਾ ਟਰੱਕ ਨੰਬਰ ਆਰ ਜੇ-19 –1ਜੇ-2526 ਅਤੇ ਡੀ ਐਲ 3 ਸੀ ਜੇ ਐਮ 0507 ਨੰਬਰ ਦੀ ਇਨੋਵਾ ਗੱਡੀ ਜਿਸਦੀ ਮਾਲਕੀ ਕਰਮਵਾਰ ਜਗਜੀਤ ਸਿੰਘ ਵਾਸੀ ਕਰਨਪੁਰ ਜਿਲ੍ਹਾ ਗੰਗਾਨਗਰ ਤੇ ਗੁਰਮੀਤ ਸਿੰਘ ਵਾਸੀ ਜੈਮਲ ਸਿੰਘ ਵਾਲਾ ਜਿਲ੍ਹਾ ਮੋਗਾ ਦੇ ਨਾਮ ਤੇ ਹੈ, ਨੂੰ ਰੋਕਿਆ।

        ਡੀ ਐਸ ਪੀ ਡੀ ਸ੍ਰੀ ਰਣਜੀਤ ਸਿੰਘ ਤੂਰ ਨੇ ਕਾਇਦੇ ਅਨੁਸਾਰ ਜਦ ਟਰੱਕ ਦੀ ਤਲਾਸੀ ਕਰਵਾਈ ਤਾਂ ਪਿਆਜ ਦੀਆਂ 100 ਬੋਰੀਆਂ ਦੇ ਹੇਠੋਂ 103 ਬੋਰੀਆਂ ਭੁੱਕੀ ਦੀਆਂ ਬਰਾਮਦ ਹੋ ਗਈਆਂ। ਇਸੇ ਤਰ੍ਹਾਂ ਇਨੋਵਾ ਗੱਡੀ ਚੋਂ ਵੀ 5 ਬੋਰੀਆਂ ਭੁੱਕੀ ਬਰਾਮਦ ਹੋਈ। 40 ਕਿਲੋਗ੍ਰਾਮ ਪ੍ਰਤੀ ਨਗ ਦੇ ਹਿਸਾਬ ਨਾਲ ਇਹਨਾਂ 108 ਬੋਰੀਆਂ ਦਾ ਵਜਨ 4320 ਕਿਲੋਗ੍ਰਾਮ ਬਣਦਾ ਹੈ। ਕਥਿਤ ਦੋਸੀਆਂ ਤੋਂ ਕੀਤੀ ਮੁਢਲੀ ਪੁੱਛਗਿੱਛ ਦਾ ਹਵਾਲਾ ਦਿੰਦਿਆਂ ਸ੍ਰੀ ਭੁੱਲਰ ਨੇ ਦੱਸਿਆ ਕਿ ਰਾਜਸਥਾਨ ਦੇ ਨਸੀਰਾਬਾਦ ਤੋਂ 16 ਹਜਾਰ ਰੁਪਏ ਪ੍ਰਤੀ ਬੋਰੀ ਦੇ ਹਿਸਾਬ ਨਾਲ ਖਰੀਦੀ ਇਸ ਭੁੱਕੀ ਨੂੰ ਪੰਜਾਬ ਵਿੱਚ 26 ਹਜਾਰ ਰੁਪਏ ਪ੍ਰਤੀ ਬੋਰੀ ਵੇਚਿਆ ਜਾਣਾ ਸੀ, ਇਸ ਲਿਹਾਜ ਨਾਲ ਇਸ ਨਸ਼ੀਲੇ ਪਦਾਰਥ ਦੀ ਕੀਮਤ 28 ਲੱਖ 8 ਹਜਾਰ ਰੁਪਏ ਬਣਦੀ ਹੈ।

        ਜਿਲ੍ਹਾ ਪੁਲਿਸ ਮੁਖੀ ਨੇ ਦੱਸਿਆ ਕਿ ਥਾਨਾ ਸੰਗਤ ਵਿਖੇ ਨਸ਼ੀਲੇ ਪਦਾਰਥਾਂ ਨੂੰ ਰੋਕਣ ਵਾਲੇ ਕਾਨੂੰਨ ਤਹਿਤ ਦਰਜ ਕੀਤੇ ਮੁਕੱਦਮੇ ਦੀ ਪੁਲਿਸ ਨੇ ਟਰੱਕ ਚਾਲਕ ਸੁਖਮਿੰਦਰ ਸਿੰਘ ਵਾਸੀ ਸਿਰੀਏਵਾਲਾ ਜਿਲ੍ਹਾ ਬਠਿੰਡਾ ਅਤੇ ਸੂਬਾ ਸਿੰਘ ਸਾਬਕਾ ਸਰਪੰਚ ਵਾਸੀ ਜੈਮਲ ਸਿੰਘ ਵਾਲਾ ਜਿਲ੍ਹਾ ਮੋਗਾ ਤੇ ਇਨੋਵਾ ਗੱਡੀ ਦੇ ਚਾਲਕ ਮਨਦੀਪ ਸਿੰਘ ਵਾਸੀ ਲੁਹਾਰਾ ਜਿਲ੍ਹਾ ਮੋਗਾ ਨੂੰ ਗਿਰਫਤਾਰ ਕਰ ਲਿਐ, ਜਦ ਕਿ ਇਸ ਗਰੋਹ ਦੇ ਦੋ ਹੋਰ ਮੈਂਬਰ ਗੁਰਤੇਜ ਸਿੰਘ ਉਰਫ ਤੇਜੀ ਵਾਸੀ ਕੋਠਾ ਗੁਰੂ ਅਤੇ ਗੱਜਣ ਸਿੰਘ ਵਾਸੀ ਦੌਲੇਵਾਲਾ ਜਿਲ੍ਹਾ ਮੋਗਾ ਜੋ ਫਰਾਰ ਹੋ ਗਏ ਸਨ, ਨੂੰ ਕਾਬੂ ਕਰਨ ਲਈ ਪੁਲਿਸ ਟੀਮਾਂ ਭੇਜੀਆਂ ਜਾ ਚੁੱਕੀਆਂ ਹਨ।
 ਇਸ ਗਰੋਹ ਦੀ ਕਾਰਜਸ਼ੈਲੀ ਬਾਰੇ ਜਾਣਕਾਰੀ ਦਿੰਦਿਆਂ ਸ੍ਰੀ ਭੁੱਲਰ ਨੇ ਦੱਸਿਆ ਕਿ ¦ਘਣ ਤੋਂ ਪਹਿਲਾਂ ਇਹ ਇਸ ਮਕਸਦ ਨਾਲ ਰਸਤਿਆਂ ਦੀ ਨਿਗਰਾਨੀ ਕਰਦੇ ਸਨ, ਤਾਂ ਕਿ ਫੜੇ ਜਾਣ ਤੋਂ ਬਚ ਸਕਣ, ਲੇਕਿਨ ਇਹ ਸੀ ਆਈ ਏ ਸਟਾਫ ਦੀ ਮੁਸਤੈਦੀ ਹੀ ਸੀ, ਕਿ ਉਸਦੇ ਮੈਂਬਰਾਂ ਨੇ ਉਹਨਾਂ ਦੇ ਯਤਨਾਂ ਨੂੰ ਨਾਕਾਮ ਬਣਾ ਦਿੱਤਾ। ਸ੍ਰੀ ਭੁੱਲਰ ਨੇ ਦਾਅਵਾ ਕੀਤਾ ਕਿ ਇਸ ਵੱਡੀ ਖੇਪ ਨੂੰ ਫੜਣ ਵਾਲੀ ਪੁਲਿਸ ਪਾਰਟੀ ਦੇ ਸਾਰੇ ਮੈਂਬਰਾਂ ਨੂੰ ਨਿਯਮਾਂ ਅਨੁਸਾਰ ਪੁਰਸਕਾਰਤ ਕੀਤਾ ਜਾਵੇਗਾ। ਇਸ ਮੌਕੇ ਡੀ ਐਸ ਪੀ ਡੀ ਸ੍ਰੀ ਰਣਜੀਤ ਸਿੰਘ ਤੂਰ ਵੀ ਮੌਜੂਦ ਸਨ।

ਚੀਨ 'ਚ ਤੇਲ ਪਾਈਪ ਲਾਈਨ 'ਚ ਧਮਾਕਾ, 22 ਮਰੇ

www.sabblok.blogspot.com

ਬੀਜਿੰਗ, 22 ਨਵੰਬਰ (ਏਜੰਸੀਆਂ)-ਚੀਨ ਦੇ ਕਿੰਗਦਾਓ ਸ਼ਹਿਰ 'ਚ ਅੱਜ ਪੈਟਰੋਲ ਦੀ ਪਾਈਪ ਲਾਈਨ ਨੂੰ ਅੱਗ ਲੱਗ ਜਾਣ ਤੋਂ ਬਾਅਦ ਹੋਏ ਧਮਾਕੇ 'ਚ 22 ਲੋਕਾਂ ਦੀ ਮੌਤ ਹੋ ਗਈ। ਸੂਤਰਾਂ ਨੇ ਦੱਸਿਆ ਕਿ ਇਸ ਧਮਾਕੇ 'ਚ ਜ਼ਖ਼ਮੀ ਹੋਏ ਲੋਕਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਉਨ੍ਹਾਂ ਦੱਸਿਆ ਕਿ ਜ਼ਖ਼ਮੀਂ ਲੋਕਾਂ ਨੂੰ ਸਥਾਨਕ ਹਸਪਤਾਲਾਂ 'ਚ ਮੁੱਢਲੀ ਸਹਾਇਤਾ ਲਈ ਦਾਖਲ ਕਰਵਾ ਦਿੱਤਾ ਗਿਆ ਹੈ। ਸੂਤਰਾਂ ਨੇ ਦੱਸਿਆ ਕਿ ਇਹ ਧਮਾਕਾ ਅੱਜ ਸਵੇਰੇ ਕਰੀਬ 10 ਵੱਜ ਕੇ 30 ਮਿੰਟ 'ਤੇ ਹੋਇਆ, ਜਦੋਂ ਮਜ਼ਦੂਰ ਪੈਟਰੋਲ ਪਾਈਪ ਲਾਈਨ ਦੀ ਮੁਰੰਮਤ ਕਰ ਰਹੇ ਸਨ। ਠੀਕ ਕਰਦਿਆਂ ਅਚਾਨਕ ਪਾਈਪ ਨੂੰ ਅੱਗ ਲੱਗ ਜਾਣ ਮਗਰੋਂ ਧਮਾਕਾ ਹੋ ਗਿਆ, ਜਿਸ 'ਚ 22 ਲੋਕਾਂ ਦੀ ਮੌਤ ਹੋ ਗਈ। ਪੁਲਿਸ ਨੇ ਦੱਸਿਆ ਕਿ ਇਸ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਹੁਣ ਗੂਗਲ ਦੇ ਜਰੀਏ ਏਟੀਐਮ ਤੋਂ ਕੱਢਵਾਈ ਜਾ ਸਕੇਗੀ ਰਕਮ

www.sabblok.blogspot.com

ਸੈਨ ਫਰਾਂਸਿਸਕੋ, 22 ਨਵੰਬਰ (ਏਜੰਸੀ) - ਗੂਗਲ ਨੇ ਇੱਕ ਅਜਿਹਾ ਪ੍ਰੀਪੇਡ ਡੇਬਿਟ ਕਾਰਡ ਲਾਂਚ ਕੀਤਾ ਹੈ, ਜਿਸ ਦੇ ਨਾਲ ਗਾਹਕ ਨਾ ਕੇਵਲ ਖ੍ਰੀਦਾਰੀ ਕਰ ਸਕਣਗੇ, ਬਲਕਿ ਇਸ ਦੇ ਜਰੀਏ ਏਟੀਐਮ ਮਸ਼ੀਨ ਤੋਂ ਰੁਪਏ ਵੀ ਕੱਢ ਸਕਣਗੇ। ਇਹ ਕਾਰਡ ਫਿਲਹਾਲ ਅਮਰੀਕਾ 'ਚ ਲਾਂਚ ਕੀਤਾ ਗਿਆ ਹੈ। ਇਸ ਕਾਰਡ ਦੇ ਜਰੀਏ ਗਾਹਕ ਆਪਣੇ ਗੂਗਲ ਅਕਾਉਂਟ 'ਚ ਜਮਾਂ ਰੁਪਏ ਦਾ ਜ਼ਰੂਰਤ ਦੇ ਮੁਤਾਬਕ ਇਸਤੇਮਾਲ ਕਰ ਸਕਣਗੇ। ਇਹ ਇੱਕ ਸਮਾਰਟਫੋਨ ਐਪ ਹੈ, ਜੋ ਲੋਕਾਂ ਨੂੰ ਆਨਲਾਈਨ ਪੇਮੇਂਟ ਸਹੂਲਤ ਉਪਲੱਬਧ ਕਰਵਾਏਗਾ। ਗੂਗਲ ਨੇ ਦੱਸਿਆ ਕਿ ਇਹ ਨਵਾਂ ਡੇਬਿਟ ਕਾਰਡ ਉਨ੍ਹਾਂ ਸਾਰੀਆਂ ਥਾਂਵਾਂ 'ਤੇ ਸਵੀਕਾਰ ਕੀਤਾ ਜਾਵੇਗਾ ਜਿੱਥੇ ਮਾਸਟਰ ਕਾਰਡ ਸਵੀਕਾਰ ਕੀਤੇ ਜਾਂਦੇ ਹਨ। ਗਾਹਕ ਇਸ ਨਵੇਂ ਵਾਲੇਟ ਕਾਰਡ ਨੂੰ ਆਪਣੇ ਆਨਲਾਈਨ ਅਕਾਉਂਟ ਨਾਲ ਜੋੜ ਕੇ ਇਸ 'ਚ ਰਕਮ ਪਾ ਸਕਣਗੇ। ਨਾਲ ਹੀ ਕਿਸੇ ਹੋਰ ਵਾਲੇਟ ਕਾਰਡ ਤੋਂ ਵੀ ਰਕਮ ਟਰਾਂਸਫਰ ਕੀਤੀ ਜਾ ਸਕਦੀ ਹੈ। ਗੂਗਲ ਨੇ ਦੱਸਿਆ ਦੀ ਇਹ ਪੂਰੀ ਤਰ੍ਹਾਂ ਨਾਲ ਮੁਫਤ ਹੋਵੇਗਾ ਤੇ ਇਸ ਦੇ ਲਈ ਕੰਪਨੀ ਵਲੋਂ ਕੋਈ ਵੀ ਫੀਸ ਨਹੀਂ ਲਈ ਜਾਵੇਗੀ।

ਸੈਮਸੰਗ ਐਪਲ ਨੂੰ 29 ਕਰੋੜ ਡਾਲਰ ਦਾ ਭੁਗਤਾਨ ਕਰੇ-ਅਮਰੀਕੀ ਅਦਾਲਤ

www.sabblok.blogspot.com

ਕੈਲੀਫੋਰਨੀਆ, 22 ਨਵੰਬਰ (ਏਜੰਸੀਆਂ)-ਇਲੈਕਟ੍ਰਾਨਿਕ ਉਪਕਰਣ ਬਣਾਉਣ ਵਾਲੀ ਦੱਖਣੀ ਕੋਰੀਆ ਦੀ ਕੰਪਨੀ ਸੈਮਸੰਗ ਨੂੰ ਅਮਰੀਕੀ ਅਦਾਲਤ ਨੇ ਐਪਲ ਦੇ ਆਈਫੋਨ ਤੇ ਆਈਪੈਡ ਦੀ ਪੈਟੈਂਟ ਤਕਨੀਕ ਦਾ ਇਸਤੇਮਾਲ ਕਰਨ ਦੇ ਦੋਸ਼ 'ਚ 29 ਕਰੋੜ ਡਾਲਰ ਦਾ ਭੁਗਤਾਨ ਐਪਲ ਨੂੰ ਕਰਨ ਦੇ ਆਦੇਸ਼ ਦਿੱਤੇ ਹਨ। ਅਦਾਲਤ ਦੇ ਇਸ ਫੈਸਲੇ 'ਚ ਸੈਮਸੰਗ ਦੇ 13 ਪੁਰਾਣੇ ਉਪਕਰਣਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਜਾਂਚ ਦੌਰਾਨ ਪਾਇਆ ਗਿਆ ਸੀ ਕਿ ਸੈਮਸੰਗ ਦੇ 26 ਉਤਪਾਦਾਂ 'ਚ ਐਪਲ ਦੁਆਰਾ ਪੈਟੈਂਟ ਕਰਵਾਈ ਗਈ ਤਕਨੀਕ ਦਾ ਇਸਤੇਮਾਲ ਹੋਇਆ ਹੈ। ਇਸ ਤੋਂ ਪਹਿਲਾਂ ਵੀ ਮਾਮਲੇ ਦੀ ਸੁਣਵਾਈ ਕਰ ਰਹੀ ਅਦਾਲਤ ਨੇ ਸੈਮਸੰਗ ਨੂੰ 1.05 ਅਰਬ ਡਾਲਰ ਦਾ ਭੁਗਤਾਨ ਕਰਨ ਦਾ ਆਦੇਸ਼ ਦਿੱਤਾ ਸੀ ਪਰ ਅਮਰੀਕੀ ਜੱਜ ਲੂਸੀ ਕੋਹ ਨੇ ਸੁਣਵਾਈ ਦੌਰਾਨ 45 ਕਰੋੜ ਡਾਲਰ ਦਾ ਜ਼ੁਰਮਾਨਾ ਲਾਇਆ ਸੀ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ ਅਗਲੇ ਸਾਲ ਮਾਰਚ 'ਚ ਹੋਵੇਗੀ। ਅਦਾਲਤ 'ਚ ਸੁਣਵਾਈ ਦੌਰਾਨ ਐਪਲ ਨੇ ਕਿਹਾ ਕਿ ਸੈਮਸੰਗ ਦੇ ਐਂਡਰਾਇਡ ਫੋਨ 'ਚ ਉਸ ਦੇ ਆਈਫੋਨ ਤਕਨੀਕ ਦਾ ਇਸਤੇਮਾਲ ਕੀਤਾ ਗਿਆ ਹੈ, ਜਦ ਕਿ ਸੈਮਸੰਗ 'ਤੇ ਪਹਿਲਾਂ ਵੀ ਐਪਲ ਦੀ ਤਕਨੀਕ ਚੁਰਾਉਣ ਦਾ ਦੋਸ਼ ਲੱਗਦਾ ਰਿਹਾ ਹੈ। ਸੈਮਸੰਗ ਦੋ ਵਾਰ ਇਸ ਮਾਮਲੇ ਦੀ ਸੁਣਵਾਈ ਬੰਦ ਕਰਨ ਦੀ ਅਪੀਲ ਕਰ ਚੁੱਕਾ ਹੈ ਪਰ ਅਦਾਲਤ ਨੇ ਉਸ ਦੀ ਪਟੀਸ਼ਨ ਨੂੰ ਹਰ ਵਾਰ ਖਾਰਜ ਕੀਤਾ ਹੈ।

ਨਕਦੀ ਬਦਲੇ ਵੋਟ ਘੁਟਾਲੇ 'ਚ ਅਮਰ ਸਿੰਘ, ਕੁਲਕਰਨੀ ਤੇ ਹੋਰ ਬਰੀ

www.sabblok.blogspot.com

ਨਵੀਂ ਦਿੱਲੀ 22 ਨਵੰਬਰ (ਏਜੰਸੀ)-ਸਮਾਜਵਾਦੀ ਪਾਰਟੀ ਦੇ ਸਾਬਕਾ ਜਨਰਲ ਸਕੱਤਰ ਅਮਰ ਸਿੰਘ, ਐਲ.ਕੇ ਅਡਵਾਨੀ ਦੇ ਸਾਬਕਾ ਸਹਾਇਕ ਸੁਧੀਂਦਰ ਕੁਲਕਰਨੀ, ਭਾਜਪਾ ਦੇ 2 ਸੰਸਦ ਮੈਂਬਰਾਂ ਤੇ 2 ਹੋਰਨਾਂ ਨੂੰ ਉਸ ਵੇਲੇ ਵੱਡੀ ਰਾਹਤ ਮਿਲੀ ਜਦੋਂ 2008 'ਚ ਵਾਪਰੇ ਨਕਦੀ ਬਦਲੇ ਵੋਟ ਘੁਟਾਲੇ 'ਚ ਦਿੱਲੀ ਦੀ ਇਕ ਅਦਾਲਤ ਨੇ ਉਨ੍ਹਾਂ ਨੂੰ ਬਰੀ ਕਰ ਦਿੱਤਾ। ਵਿਸ਼ੇਸ਼ ਜੱਜ ਨਰੋਤਮ ਕੌਸ਼ਲ ਨੇ ਆਈ.ਪੀ.ਸੀ ਤੇ ਭ੍ਰਿਸ਼ਟਾਚਾਰ ਵਿਰੋਧੀ ਕਾਨੂੰਨ ਦੀਆਂ ਵੱਖ ਵੱਖ ਧਰਾਵਾਂ ਤਹਿਤ ਅਮਰ ਸਿੰਘ ਤੇ ਕੁਲਕਰਨੀ ਤੋਂ ਇਲਾਵਾ ਹੋਰ ਜਿਨ੍ਹਾਂ ਨੂੰ ਬਰੀ ਕੀਤਾ ਹੈ, ਉਨ੍ਹਾਂ 'ਚ ਭਾਜਪਾ ਦੇ ਸੰਸਦ ਮੈਂਬਰ ਅਸ਼ੋਕ ਅਰਗਾਲ ਤੇ ਫਾਗਨ ਸਿੰਘ ਕੁਲਸਤੇ, ਸਾਬਕਾ ਭਾਜਪਾ ਸੰਸਦ ਮੈਂਬਰ ਮਹਾਬੀਰ ਸਿੰਘ ਭਗੋਰਾ ਤੇ ਭਾਜਪਾ ਕਾਰਕੁੰਨ ਸੋਹੇਲ ਹਿੰਦੋਸਤਾਨੀ ਸ਼ਾਮਿਲ ਹਨ। ਅਦਾਲਤ ਨੇ ਅਪਰਾਧ ਲਈ ਉਕਸਾਉਣ ਵਾਸਤੇ ਅਮਰ ਸਿੰਘ ਦੇ ਸਾਬਕਾ ਸਹਾਇਕ ਸੰਜੀਵ ਸਕਸੈਨਾ ਵਿਰੁੱਧ ਭ੍ਰਿਸ਼ਟਾਚਾਰ ਵਿਰੋਧੀ ਕਾਨੂੰਨ ਤਹਿਤ ਦੋਸ਼ ਆਇਦ ਕਰਨ ਦਾ ਆਦੇਸ਼ ਦਿੱਤਾ ਹੈ।

ਆਸਾਰਾਮ ਦੇ ਆਸ਼ਰਮ 'ਚ ਮਿਲਿਆ ਤਹਿਖਾਨਾ, ਇੱਥੇ ਮਨਾਉਂਦੇ ਸਨ ਬਾਪ - ਬੇਟਾ ਰੰਗਰਲੀਆਂ

www.sabblok.blogspot.com

ਅਹਿਮਦਾਬਾਦ, 22 ਨਵੰਬਰ (ਏਜੰਸੀ) - ਆਸਾਰਾਮ ਦੇ ਆਸ਼ਰਮ 'ਚ ਅੱਜ ਸੂਰਤ ਪੁਲਿਸ ਨੂੰ ਛਾਪੇਮਾਰੀ ਦੇ ਵਕਤ ਇੱਕ ਤਹਿਖਾਨਾ ਮਿਲਿਆ ਹੈ। ਪੁਲਿਸ ਨੂੰ ਤਹਿਖਾਨੇ ਤੋਂ ਕਈ ਅਹਿਮ ਦਸਤਾਵੇਜ਼ ਵੀ ਮਿਲੇ ਹਨ। ਲੋਕਾਂ ਦੀ ਮੰਨੀਏ ਤਾਂ ਇਹ ਉਹੀ ਤਹਿਖਾਨਾ ਹੈ, ਜਿੱਥੇ ਆਸਾਰਾਮ ਕਈ ਵਾਰ ਇਕਾਂਤਵਾਸ 'ਚ ਵੀ ਜਾਂਦੇ ਸਨ। ਪੁਲਿਸ ਨੂੰ ਮਿਲੇ ਆਸਾਰਾਮ ਦੇ ਤਹਿਖਾਨੇ 'ਚ ਕਈ ਵੱਖ - ਵੱਖ ਕਮਰੇ ਬਣਾਏ ਗਏ ਹਨ। ਲੋਕਾਂ ਦੇ ਅਨੁਸਾਰ ਆਸਾਰਾਮ ਜਦੋਂ ਵੀ ਅਹਿਮਦਾਬਾਦ 'ਚ ਸਤਸੰਗ ਰੱਖਦੇ ਸਨ, ਪੈਸੇ ਇੱਥੇ ਰੱਖੇ ਜਾਂਦੇ ਸਨ। ਇਹੀ ਨਹੀਂ ਕਈ ਵਾਰ ਆਸਾਰਾਮ ਤਹਿਖਾਨੇ 'ਚ ਇਕਾਂਤਵਾਸ ਲਈ ਔਰਤਾਂ ਨੂੰ ਵੀ ਬੁਲਾਉਂਦੇ ਸਨ। ਇਸ ਤਹਿਖਾਨੇ ਦੀ ਖਾਸ ਗੱਲ ਇਹ ਹੈ ਕਿ ਇਸ ਦਾ ਰਸਤਾ ਵੀ ਅਹਿਮਦਾਬਾਦ ਦੀ ਸਾਬਰਮਤੀ ਨਦੀ 'ਚ ਨਿਕਲਦਾ ਹੈ, ਜਿਸ ਨੂੰ ਖਾਸ ਤੌਰ 'ਤੇ ਬਣਾਇਆ ਗਿਆ ਹੈ। ਪੁਲਿਸ ਦੇ ਅਨੁਸਾਰ, ਆਸਾਰਾਮ ਦੇ ਹਰ ਆਸ਼ਰਮ 'ਚ ਖਾਸ ਤਰ੍ਹਾਂ ਦੇ ਤਹਿਖਾਨੇ ਬਣਾਏ ਜਾਂਦੇ ਹਨ। ਆਸਾਰਾਮ ਤੇ ਨਾਰਾਇਣ ਆਪਣੇ ਇਕਾਂਤਵਾਸ ਦੇ ਨਾਮ 'ਤੇ ਇੱਥੇ ਔਰਤ ਸਾਧਕਾਂ ਦੇ ਨਾਲ ਰੰਗਰਲੀਆ ਵੀ ਮਨਾਉਂਦੇ ਸਨ। ਇੰਨਾ ਹੀ ਨਹੀਂ ਆਸਾਰਾਮ ਦੇ ਖਾਸ ਲੋਕ ਇਸ ਤਹਿਖਾਨੇ ਦੇ ਬਾਹਰ ਤੈਨਾਤ ਰਹਿੰਦੇ ਹਨ, ਜੋ ਕਈ ਵਾਰ ਕਿਸੇ ਦੇ ਆਉਣ 'ਤੇ ਖਾਸ ਤਰ੍ਹਾਂ ਦੇ ਸੰਕੇਤ ਆਸਾਰਾਮ ਤੇ ਉਸ ਦੇ ਬੇਟੇ ਨੂੰ ਦਿੰਦੇ ਸਨ, ਤਾਂਕਿ ਉਹ ਉੱਥੋਂ ਭੱਜ ਸਕਣ। ਇਸ ਤਹਿਖਾਨੇ 'ਚ ਖਾਸ ਤਰ੍ਹਾਂ ਦੇ ਕਮਰੇ ਬਣੇ ਹੋਏ ਹਨ, ਜਿਸ 'ਚ ਬਕਾਇਦਾ ਇੱਕ ਬੈੱਡ ਦੇ ਨਾਲ ਟਾਇਲਟ ਬਾਥਰੂਮ ਵੀ ਰੱਖਿਆ ਗਿਆ ਹੈ।

ਸੋਨੀਆ ਖ਼ਿਲਾਫ਼ ਪਟੀਸ਼ਨ ਲਈ ਸਿੱਖ ਜਥੇਬੰਦੀ ਨੂੰ ਮਿਲਿਆ ਸਮਾਂ

www.sabblok.blogspot.com  

ਸੋਨੀਆ ਖ਼ਿਲਾਫ਼ ਪਟੀਸ਼ਨ ਲਈ ਸਿੱਖ ਜਥੇਬੰਦੀ ਨੂੰ ਮਿਲਿਆ ਸਮਾਂ

ਨਿਊਯਾਰਕ : ਅਮਰੀਕਾ ਦੀ ਇਕ ਸੰਘੀ ਅਦਾਲਤ ਨੇ ਸਿੱਖ ਜਥੇਬੰਦੀ ਸਿਖਸ ਫਾਰ ਜਸਟਿਸ (ਐਸਐਫਜੇ) ਨੂੰ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਖ਼ਿਲਾਫ਼ ਕਥਿਤ ਮਨੁੱਖੀ ਅਧਿਕਾਰ ਉਲੰਘਣਾ ਮਾਮਲੇ 'ਚ ਸੋਧੀ ਸ਼ਿਕਾਇਤ ਪਟੀਸ਼ਨ ਦਾਇਰ ਕਰਨ ਲਈ ਤਿੰਨ ਦਸੰਬਰ ਤਕ ਦਾ ਸਮਾਂ ਦੇ ਦਿੱਤਾ ਹੈ। ਸੋਨੀਆ ਦੇ ਵਕੀਲ ਦੇ ਵਿਰੋਧ ਦੇ ਬਾਵਜੂਦ ਅਦਾਲਤ ਨੇ ਸੋਮਵਾਰ ਨੂੰ ਸਿੱਖ ਅਧਿਕਾਰਾਂ ਲਈ ਆਵਾਜ਼ ਉਠਾਉਣ ਵਾਲੀ ਜਥੇਬੰਦੀ ਨੂੰ ਸ਼ਿਕਾਇਤ ਪਟੀਸ਼ਨ 'ਚ ਸੁਧਾਰ ਲਈ ਹੋਰ ਸਮਾਂ ਦੇ ਦਿੱਤਾ। ਜਥੇਬੰਦੀ ਨੇ 1984 ਦੇ ਸਿੱਖ ਵਿਰੋਧੀ ਦੰਗਿਆਂ 'ਚ ਸ਼ਾਮਲ ਕਾਂਗਰਸੀ ਆਗੂਆਂ ਨੂੰ ਸੁਰੱਖਿਆ ਮੁਹੱਈਆ ਕਰਵਾਉਣ 'ਚ ਸੋਨੀਆ ਦੀ ਕਥਿਤ ਭੂਮਿਕਾ 'ਤੇ ਅਦਾਲਤ 'ਚ ਸ਼ਿਕਾਇਤ ਪਟੀਸ਼ਨ ਦਾਇਰ ਕੀਤੀ ਸੀ।

ਜਲੰਧਰ ਦੇ ਨਿਊ ਰੂਬੀ ਹਸਪਤਾਲ ਦਾ ਕਿਡਨੀ ਟਰਾਂਸਪਲਾਂਟ ਲਾਇਸੈਂਸ ਰੱਦ

www.sabblok.blogspot.com

ਜਲੰਧਰ ਦੇ ਨਿਊ ਰੂਬੀ ਹਸਪਤਾਲ ਦਾ ਕਿਡਨੀ ਟਰਾਂਸਪਲਾਂਟ ਲਾਇਸੈਂਸ ਰੱਦ

ਅੰਮਿ੍ਰਤਸਰ : ਨਾਜਾਇਜ਼ ਢੰਗ ਨਾਲ ਕਿਡਨੀ ਟਰਾਂਸਪਲਾਂਟ ਦੇ ਮਾਮਲੇ 'ਚ ਜਲੰਧਰ ਸਥਿਤ ਨਿਊ ਰੂਬੀ ਹਸਪਤਾਲ ਦਾ ਕਿਡਨੀ ਟਰਾਂਸਪਲਾਂਟ ਲਾਇਸੈਂਸ ਰੱਦ ਹੋ ਗਿਆ। ਇਹ ਲਾਇਸੈਂਸ ਡਾਇਰੈਕਟਰ ਆਫ ਰਿਸਰਚ ਐਂਡ ਮੈਡੀਕਲ ਐਜੂਕੇਸ਼ਨ (ਡੀਆਰਐਮਈ) ਵੱਲੋਂ ਰੱਦ ਕੀਤਾ ਗਿਆ ਹੈ। ਨਿਊ ਰੂਬੀ ਹਸਪਤਾਲ ਦੇ ਮਾਲਿਕ ਡਾ. ਐਸਪੀਐਸ ਗ੍ਰੋਵਰ ਤੇ ਇਸੇ ਹਸਪਤਾਲ 'ਚ ਕੰਮ ਕਰ ਰਹੇ ਡਾ. ਅਰਜਿੰਦਰ ਸਿੰਘ ਤੇ ਡਾ. ਐਚਐਸ ਭੂਟਾਨੀ ਨੂੰ ਬੀਤੀ 8 ਨਵੰਬਰ ਨੂੰ ਅੰਮਿ੍ਰਤਸਰ ਦੀ ਅਦਾਲਤ ਵੱਲੋਂ ਸਜ਼ਾ ਸੁਣਾਉਣ ਤੋਂ ਬਾਅਦ ਡੀਆਰਐਮਈ ਨੇ ਇਹ ਕਦਮ ਚੁੱਕਿਆ ਹੈ। ਇਸ ਤੋਂ ਇਲਾਵਾ ਡੀਆਰਐਮਈ ਵੱਲੋਂ ਮੋਹਾਲੀ ਸਥਿਤ ਇਕ ਹੋਰ ਕਿਡਨੀ ਹਸਪਤਾਲ ਦਾ ਲਾਇਸੈਂਸ ਵੀ ਰੱਦ ਕਰ ਦਿੱਤਾ। ਇਹ ਜਾਣਕਾਰੀ ਡੀਆਰਐਮਈ ਦਫ਼ਤਰ ਦੇ ਇਕ ਮੁਲਾਜ਼ਮ ਨੇ ਵੀਰਵਾਰ ਨੂੰ ਦਿੱਤੀ। ਇਹ ਮੁਲਾਜ਼ਮ ਵੀਰਵਾਰ ਨੂੰ ਕਿਡਨੀ ਕਾਂਡ ਦੇ ਇਕ ਹੋਰ ਮਾਮਲੇ 'ਚ ਅੰਮਿ੍ਰਤਸਰ ਦੀ ਅਦਾਲਤ 'ਚ ਚੱਲ ਰਹੀ ਸੁਣਵਾਈ ਦੌਰਾਨ ਰਿਕਾਰਡ ਪੇਸ਼ ਕਰਨ ਪੁੱਜਾ ਸੀ। ਇਸ ਮੁਲਾਜ਼ਮ ਦੀ ਵੀਰਵਾਰ ਨੂੰ ਅਦਾਲਤ 'ਚ ਗਵਾਹੀ ਤਾਂ ਨਹੀਂ ਹੋ ਸਕੀ ਪਰ ਉਸ ਨੇ ਇਹ ਜਾਣਕਾਰੀ ਦਿੱਤੀ ਕਿ ਵਿਭਾਗ ਵਲੋਂ ਨਿਊ ਰੂਬੀ ਹਸਪਤਾਲ ਦੇ ਕਿਡਨੀ ਟਰਾਂਸਪਲਾਂਟ ਲਾਇਸੈਂਸ ਨੂੰ ਰੱਦ ਕਰ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਟਰਾਂਸਪਲਾਂਟੇਸ਼ਨ ਆਫ ਹਿਊਮਨ ਆਰਗਨ ਐਕਟ ਤਹਿਤ ਡੀਆਰਐਮਈ ਵੱਲੋਂ ਟਰਾਂਸਪਲਾਂਟੇਸ਼ਨ ਦਾ ਲਾਇਸੈਂਸ ਜਾਰੀ ਕੀਤਾ ਜਾਂਦਾ ਹੈ। ਇਹ ਲਾਇਸੈਂਸ ਸਿਰਫ ਉਨ੍ਹਾਂ ਹਸਪਤਾਲਾਂ ਨੂੰ ਦਿੱਤਾ ਜਾਂਦਾ ਹੈ ਜਿਹੜੇ ਐਕਟ ਦੀਆਂ ਸਾਰੀਆਂ ਸ਼ਰਤਾਂ ਤੇ ਨਿਯਮਾਂ 'ਤੇ ਖ਼ਰੇ ਉਤਰਦੇ ਹਨ।

ਵ੍ਹਾਈਟ ਹਾਊਸ ‘ਚ ਧੂਮ-ਧਾਮ ਨਾਲ ਮਨਾਇਆ ਗਿਆ ਗੁਰਪੁਰਬ

www.sabblok.blogspot.com

ਵਾਸ਼ਿੰਗਟਨ—ਵ੍ਹਾਈਟ ਹਾਊਸ ਵਿਚ ਪੂਰੇ ਅਮਰੀਕਾ ਤੋਂ ਆਏ ਪ੍ਰਸਿੱਧ ਸਿੱਖ-ਅਮਰੀਕੀ ਅਧਿਕਾਰੀਆਂ ਦੀ ਹਾਜ਼ਰੀ ਵਿਚ ਸਿੱਖ ਧਰਮ ਦੇ ਸੰਸਥਾਪਕ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਜਯੰਤੀ ਧੂਮ-ਧਾਮ ਅਤੇ ਉਤਸ਼ਾਹ ਨਾਲ ਮਨਾਈ ਗਈ

ਰਾਸ਼ਟਰਪਤੀ ਦੀ ਵਿਸ਼ੇਸ਼ ਸਹਾਇਕ ਮੇਲਿਸਾ ਰੋਜਰਸ ਦੀ ਅਗਵਾਈ ਵਿਚ ਓਬਾਮਾ ਪ੍ਰਸ਼ਾਸਨ ਦੇ ਸੀਨੀਅਰ ਅਧਿਕਾਰੀ ਰਵਾਇਤੀ ਪੰਜਾਬੀ ਪਹਿਰਾਵੇ, ਰੰਗੀਨ ਪਗੜੀਆਂ ਵਿਚ ਸਜੇ ਸਿੱਖਾਂ ਦੇ ਸੁਆਗਤ ਲਈ ਇਕੱਠੇ ਹੋਏ ਸਨ।

ਵ੍ਹਾਈਟ ਹਾਊਸ ਵਿਚ ਹਾਜ਼ਰ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਭਾਰਤੀ ਦੂਤਘਰ ਦੇ ਮੁਖੀ ਤਰਨਜੀਤ ਸਿੰਘ ਸੰਧੂ ਨੇ ਗੁਰਪੁਰਬ ਦੇ ਮੌਕੇ ‘ਤੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦਾ ਸ਼ੁਭਕਾਮਨਾ ਸੰਦੇਸ਼ ਪੜ੍ਹ ਕੇ ਸੁਣਾਇਆ।

ਸਮਾਗਮ ਵਿਚ ਸੰਸਦ ਮੈਂਬਰ ਜੋਏ ਕ੍ਰਾਉਲੇ ਨੇ ਵੀ ਲੋਕਾਂ ਨੂੰ ਸੰਬੋਧਨ ਕੀਤਾ। ਉੱਥੇ ਹਾਜ਼ਰ ਲੋਕਾਂ ਵਿਚ ਵ੍ਹਾਈਟ ਹਾਊਸ ਦੇ ਜਨ ਸੰਪਰਕ ਪ੍ਰੋਗਰਾਮ ਦੇ ਸਲਾਹਕਾਰ ਗੌਤਮ ਰਾਘਵਨ ਵੀ ਸ਼ਾਮਲ ਸਨ।

ਪਿਛਲੇ ਹਫਤੇ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਪੂਰੇ ਅਮਰੀਕਾ ਅਤੇ ਵਿਸ਼ਵ ਭਰ ਦੇ ਸਿੱਖਾਂ ਨੂੰ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਜਯੰਤੀ ‘ਤੇ ਵਧਾਈ ਸੰਦੇਸ਼ ਦਿੱਤਾ ਸੀ।

ਨਵਾਂ ਤੋਹਫਾ : 6 ਮਹੀਨਿਆਂ ਤੱਕ ਡੀਜ਼ਲ ਦਾ ਭਾਅ ਵੀ ਤੇਲ ਕੰਪਨੀਆਂ ਤਹਿ ਕਰਨਗੀਆਂ

www.sabblok.blogspot.com

ਨਵੀਂ ਦਿੱਲੀ 
ਪੈਟਰੋਲੀਅਮ ਮੰਤਰੀ ਐਮ. ਵੀਰੱਪਾ ਮੋਇਲੀ ਨੇ ਕਿਹਾ ਹੈ ਕਿ ਡੀਜ਼ਲ ਦੀਆਂ ਕੀਮਤਾਂ ਵਿਚ ਲਗਾਤਾਰ ਇਜ਼ਾਫ਼ਾ ਕਰਕੇ ਇਨ੍ਹਾਂ ਨੂੰ ਆਗਾਮੀ ਛੇ ਮਹੀਨਿਆਂ ਤਕ ਕੰਟਰੋਲ ਮੁਕਤ ਕਰ ਦਿੱਤਾ ਜਾਵੇਗਾ। ਉਨ੍ਹਾਂ ਇਹ ਗੱਲ ਇੱਥੇ ਇਕ ਸਮਾਗਮ  ਦੌਰਾਨ ਕਹੀ।
ਗੌਰਤਲਬ ਹੈ ਕਿ ਸਰਕਾਰ ਤੇਲ ਕੰਪਨੀਆਂ, ਜਿਨ੍ਹਾਂ ਕੋਲ ਦੇਸ਼ ਦੇ 95 ਫੀਸਦੀ ਪੈਟਰੋਲ ਪੰਪਾਂ ਦਾ ਕੰਟਰੋਲ ਹੈ, ਵੱਲੋਂ ਡੀਜ਼ਲ ਦੀ ਵਿਕਰੀ ਸਰਕਾਰੀ ਸਬਸਿਡੀ ਆਧਾਰਤ ਕੀਮਤਾਂ ਉੱਤੇ ਕੀਤੀ ਜਾਂਦੀ ਹੈ ਜੋ ਲਾਗਤ ਤੋਂ ਘੱਟ ਹਨ। ਬੀਤੀ ਜਨਵਰੀ ਵਿਚ ਸਰਕਾਰ ਨੇ ਕੰਪਨੀਆਂ ਨੂੰ ਹਰ ਮਹੀਨੇ ਡੀਜ਼ਲ 50 ਪੈਸੇ ਪ੍ਰਤੀ ਲਿਟਰ ਮਹਿੰਗਾ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਸੀ। ਸ੍ਰੀ ਮੋਇਲੀ ਨੇ ਕਿਹਾ, ‘‘ਕੀਮਤ ਵਧਣ ਸਦਕਾ ਕੰਪਨੀਆਂ ਦਾ ਡੀਜ਼ਲ ਉੱਤੇ ਘਾਟਾ ਪ੍ਰਤੀ ਲਿਟਰ ਘਟ ਕੇ 2.50 ਰੁਪਏ ਰਹਿ ਗਿਆ ਸੀ, ਪਰ ਇਸ ਦੌਰਾਨ ਰੁਪਏ ਵਿਚ ਭਾਰੀ ਗਿਰਾਵਟ ਕਰਕੇ ਇਹ ਵਧ ਕੇ 14 ਰੁਪਏ ਤਕ ਪੁੱਜ ਗਿਆ। ਇਸ ਵੇਲੇ ਵੀ ਡੀਜ਼ਲ ਉੱਤੇ ਘਾਟਾ ਕਰੀਬ 9.28 ਰੁਪਏ ਪ੍ਰਤੀ ਲਿਟਰ ਚੱਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਡੀਜ਼ਲ ਦੀ ਕੀਮਤ ਵਿਚ ਹਰ ਮਹੀਨੇ ਕੀਤਾ ਜਾਣਾ ਵਾਲਾ ਇਹ ਵਾਧਾ ਜਾਰੀ ਰਹੇਗਾ ਅਤੇ ਇਕਦਮ ਤਿੰਨ-ਚਾਰ ਰੁਪਏ ਕੀਮਤ ਵਧਾ ਕੇ ਘਾਟਾ ਪੂਰਾ ਕਰਨ ਦੀ ਉਨ੍ਹਾਂ ਦੀ ਕੋਈ ਯੋਜਨਾ ਨਹੀਂ ਹੈ। ਹਾਲਾਂਕਿ ਮੌਜੂਦਾ ਕੀਮਤ ਮੁਤਾਬਕ ਇਸ ਕੀਮਤ ਵਾਧੇ ਨਾਲ ਡੀਜ਼ਲ ਦਾ ਘਾਟਾ ਪੂਰਾ ਕਰਨ ਨੂੰ ਕਰੀਬ 19 ਮਹੀਨੇ ਲੱਗ ਜਾਣ ਦੇ ਆਸਾਰ ਹਨ, ਪਰ ਸ੍ਰੀ ਮੋਇਲੀ ਨੇ ਉਮੀਦ ਜ਼ਾਹਿਰ ਕੀਤੀ ਕਿ ਰੁਪਏ ਦੀ ਕੀਮਤ ਵਧਣ ਸਦਕਾ ਇਹ ਘਾਟਾ ਛੇ ਮਹੀਨਿਆਂ ਵਿਚ ਹੀ ਪੂਰਾ ਹੋ ਜਾਵੇਗਾ।

ਨਸਿਆਂ ਦਾ ਨੈੱਟਵਰਕ : ਜਥੇਦਾਰ ਅਜਨਾਲਾ ਤੇ ਬੋਨੀ ਦਾ ਨਾਂਮ ਗੂੰਜਣ ਲੱਗਾ , ਅਕਾਲੀਆਂ ਨੇ ਮੌਨ ਧਾਰਿਆ

www.sabblok.blogspot.com

ਬੇਸੱਕ ਪੰਜਾਬ ਸਰਕਾਰ ਨਸ਼ੇ ਰੋਕਣ ਲਈ ਕਾਫੀ ਜੱਦੋਜਹਿਦ ਕਰ ਰਹੀ ਪਰ ਜਦੋਂ  ਇਸ ਕਾਰੋਬਾਰ ਵਿੱਚ ਜੁੜੇ ਅਕਾਲੀ ਦਲ ਨਾਲ ਸਬੰਧਤ ਵਿਅਕਤੀਆਂ ਦੇ ਨਾਂਮ ਨਸ਼ਰ ਹੋਣ ਲੱਗਦੇ ਤਾਂ  ਮਾਮਲਾ ਠੰਡੇ ਬਸਤੇ ਵਿੱਚ ਪਾਉਣ ਦੀ ਤਿਆਰੀ ਹੋ ਜਾਂਦੀ ।  ਨਸਿ਼ਆਂ ਦੇ ਅੰਤਰਰਾਸ਼ਟਰੀ ਡਰੱਗ ਡੀਲਰ ਵਜੋਂ ਗ੍ਰਿਫ਼ਤਾਰ ਕੀਤੇ ਪੰਜਾਬ ਪੁਲੀਸ ਦੇ ਸਾਬਕਾ ਡੀਐਸਪੀ ਜਗਦੀਸ਼ ਭੋਲਾ ਦੀ  ਗ੍ਰਿਫ਼ਤਾਰੀ ਤੋਂ ਬਾਅਦ  ਵਿੱਚ  ਪੁਲੀਸ ਜਦੋਂ ਇਸ  ਨੈਟਵਰਕ ਦੀ ਪੈੜ ਨੱਪੀ ਹੈ ਤਾਂ ਅਕਾਲੀ ਦੀ ਸਰਪ੍ਰਸਤੀ ਵਾਲੇ ਕੁਝ  ਪੁਲੀਸ ਹੱਥ ਲੱਗੇ ਹਨ।
ਹੁਣ  ਖਡੂਰ ਸਾਹਿਬ ਤੋਂ ਅਕਾਲੀ ਦਲ ਦੇ ਮੈਂਬਰ ਪਾਰਲੀਮੈਂਟ ਡਾ: ਰਤਨ ਸਿੰਘ ਅਜਨਾਲਾ ਅਤੇ ਉਨ੍ਹਾਂ ਦਾ ਵਿਧਾਇਕ ‘ਸਪੁੱਤਰ’  ਅਮਰਪਾਲ ਸਿੰਘ ਬੋਨੀ ਦਾ ਨਾਂਮ ਜੁੜਿਆ ਹੈ।  ਬੀਤੇ ਇੱਕ ਹਫ਼ਤੇ ਤੋਂ ਦੋਵੇਂ ਪਿਉ –ਪੁੱਤ ਨੇ ਇਸ ਮਾਮਲੇ ਵਿੱਚ ਚੁੱਪ ਧਾਰੀ ਹੋਈ ਹੈ  ਅਤੇ ਹੁਣ  ਉਹਨਾ ਨੇ ਆਪਣੀਆਂ ਸਾਰੀਆਂ ਸਿਆਸੀ ਗਤੀਵਿਧੀਆਂ ਨੂੰ ਵਿਰਾਮ ਲਾ ਦਿੱਤਾ ਹੈ ਅਤੇ ਮੀਡੀਆ ਤੋਂ ਕਿਨਾਰਾ ਕਰ ਲਿਆ ਹੈ।

ਪਟਿਆਲਾ ਪੁਲੀਸ ਨੇ 14 ਨਵੰਬਰ ਨੂੰ ਅੰਮ੍ਰਿਤਸਰ ਜ਼ਿਲ੍ਹੇ ਵਿੱਚੋਂ ਦੋ ਨੌਜਵਾਨਾਂ ਮਨਜਿੰਦਰ ਸਿੰਘ ਬਿੱਟੂ ਔਲਖ ਅਤੇ ਜਗਜੀਤ ਸਿੰਘ ਚਾਹਲ ਨੂੰ ਜਗਦੀਸ਼ ਸਿੰਘ ਭੋਲਾ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਸੀ। ਦੋਵਾਂ ਕੋਲੋਂ ਪੁਲੀਸ ਨੇ ਕਰੋੜਾਂ ਰੁਪਏ ਦੇ ਸਿੰਥੈਟਿਕ ਨਸ਼ੇ ਬਰਾਮਦ ਕੀਤੇ ਸਨ। ਗ੍ਰਿਫ਼ਤਾਰੀ ਤੋਂ ਬਾਅਦ ਖ਼ੁਲਾਸਾ ਹੋਇਆ ਸੀ ਕਿ ਇਹ ਦੋਵੇਂ ਸੱਤਾਧਾਰੀ ਧਿਰ ਸ਼੍ਰੋਮਣੀ ਅਕਾਲੀ ਦਲ ਵਿੱਚ ਸਰਗਰਮ ਹਨ ਅਤੇ ਇਨ੍ਹਾਂ ਦੇ ਕਈ ਸਿਆਸੀ ਸ਼ਖ਼ਸੀਅਤਾਂ ਨਾਲ ਨੇੜੇ ਦੇ ਸਬੰਧ ਹਨ। ਖ਼ਾਸ ਕਰਕੇ ਬਿੱਟੂ ਔਲਖ ਦੀ ਅਕਾਲੀ ਵਿਧਾਇਕ ਅਮਰਪਾਲ ਸਿੰਘ ਬੋਨੀ ਅਜਨਾਲਾ ਅਤੇ ਸੰਸਦ ਮੈਂਬਰ ਡਾ। ਰਤਨ ਸਿੰਘ ਅਜਨਾਲਾ ਨਾਲ ਕਾਫੀ ਨੇੜਤਾ ਹੈ।
ਇਹ ਵੀ ਖ਼ੁਲਾਸਾ ਹੋਇਆ ਸੀ ਕਿ ਅਜਨਾਲਾ ਪਰਿਵਾਰ ਵੱਲੋਂ ਮਿਲੀ ਸ਼ਹਿ ਕਾਰਨ ਇਹ ਨੌਜਵਾਨ ਲਾਲ ਬੱਤੀ ਵਾਲੀ ਗੱਡੀ ਅਤੇ ਗੰਨਮੈਨਾਂ ਦੀ ਵਰਤੋਂ ਕਰਦਾ ਸੀ। ਇਸ ਦੌਰਾਨ ਸਾਬਕਾ ਅਕਾਲੀ ਵਿਧਾਇਕ ਵੀਰ ਸਿੰਘ ਲੋਪੋਕੇ ਨੇ ਵੀ ਪੱਤਰਕਾਰ ਸੰਮੇਲਨ ਦੌਰਾਨ ਖ਼ੁਲਾਸਾ ਕੀਤਾ ਕਿ ਬਿੱਟੂ ਔਲਖ, ਜੋ ਕਿ ਯੂਥ ਅਕਾਲੀ ਦਲ ਦਾ ਜਨਰਲ ਸਕੱਤਰ ਸੀ ਅਤੇ ਅਜਨਾਲਾ ਪਰਿਵਾਰ ਦਾ ਸਮਰਥਨ ਪ੍ਰਾਪਤ ਸੀ, ਨੂੰ ਨਵੰਬਰ 2011 ਵਿੱਚ ਪਾਰਟੀ ਵਿਰੋਧੀ ਗਤੀਵਿਧੀਆਂ ਕਾਰਨ ਪਾਰਟੀ ਵਿੱਚੋਂ ਕੱਢ ਦਿੱਤਾ ਗਿਆ ਸੀ। ਇਸਦੇ ਬਾਵਜੂਦ ਅਜਨਾਲਾ ਪਰਿਵਾਰ ਵੱਲੋਂ ਉਸਨੂੰ ਸਮਰਥਨ ਦਿੱਤਾ ਜਾ ਰਿਹਾ ਸੀ। ਉਸਨੂੰ ਸ਼੍ਰੋਮਣੀ ਅਕਾਲੀ ਦਲ ਦੀ ਦਿਹਾਤੀ ਇਕਾਈ ਵਿੱਚ ਖ਼ਜ਼ਾਨਚੀ ਬਣਾ ਦਿੱਤਾ ਗਿਆ ਸੀ। ਅਜਿਹਾ ਸਿਰਫ ਲੋਪੋਕੇ ਪਰਿਵਾਰ ਨੂੰ ਸਿਆਸਤ ਵਿੱਚ ਦਬਾਉਣ ਲਈ ਕੀਤਾ ਜਾ ਰਿਹਾ ਸੀ। ਸ੍ਰੀ ਲੋਪੋਕੇ, ਜੋ ਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਵੀ ਹਨ, ਵੱਲੋਂ ਇਸ ਬਾਰੇ ਪਾਰਟੀ ਪ੍ਰਧਾਨ ਨੂੰ ਵੀ ਜਾਣੂ ਕਰਵਾਇਆ ਗਿਆ ਸੀ। ਉਨ੍ਹਾਂ ਪ੍ਰੈਸ ਕਾਨਫਰੰਸ ਦੌਰਾਨ ਕੁਝ ਅਜਿਹੀਆਂ ਤਸਵੀਰਾਂ ਵੀ ਮੀਡੀਆ ਸਾਹਮਣੇ ਰੱਖੀਆਂ ਸਨ, ਜਿਨ੍ਹਾਂ ਤੋਂ ਅਜਨਾਲਾ ਪਰਿਵਾਰ ਅਤੇ ਬਿੱਟੁ ਔਲਖ ਦੀ ਨੇੜਤਾ ਜੱਗ ਜ਼ਾਹਰ ਹੁੰਦੀ ਸੀ। ਇਹ ਤਸਵੀਰ ਹਾਲ ਹੀ ਵਿੱਚ 25 ਸਤੰਬਰ ਨੂੰ ਉਸ ਵੇਲੇ ਖਿੱਚੀ ਗਈ ਸੀ ਜਦੋਂ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਅਜਨਾਲਾ ਹਲਕੇ ਦਾ ਦੌਰਾ ਕੀਤਾ ਸੀ। ਇਸ ਤਸਵੀਰ ਵਿੱਚ ਬਿੱਟੂ ਔਲਖ ਵੱਲੋਂ ਉਪ ਮੁੱਖ ਮੰਤਰੀ ਦਾ ਸਵਾਗਤ ਕੀਤਾ ਜਾ ਰਿਹਾ  ਹੈ ਅਤੇ ਨਾਲ ਹੀ ਡਾ। ਅਜਨਾਲਾ ਅਤੇ ਵਿਧਾਇਕ ਬੋਨੀ ਅਜਨਾਲਾ ਵੀ ਖੜ੍ਹੇ ਹਨ। ਉਨ੍ਹਾਂ ਦੇ ਨਾਲ ਕੈਬਨਿਟ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਅਤੇ ਮੁੱਖ ਸੰਸਦੀ ਸਕੱਤਰ ਇੰਦਰਬੀਰ ਸਿੰਘ ਬੁਲਾਰੀਆ ਵੀ ਮੌਜੂਦ ਹਨ। ਇਹ ਖ਼ੁਲਾਸਾ ਹੋਣ ਮਗਰੋਂ ਅਜਨਾਲਾ ਪਰਿਵਾਰ ਨੇ ਚੁੱਪੀ ਧਾਰ ਲਈ ਹੈ
ਇਸ ਸਬੰਧੀ ਸੰਸਦ ਮੈਂਬਰ ਅਤੇ ਵਿਧਾਇਕ ਨਾਲ ਕਈ ਵਾਰ ਸੰਪਰਕ ਕਰਨ ਦਾ ਯਤਨ ਕੀਤਾ ਗਿਆ ਪਰ ਉਨ੍ਹਾਂ ਨੇ ਕੋਈ ਹੁੰਗਾਰਾ ਨਹੀਂ ਦਿੱਤਾ। ਸੰਸਦ ਮੈਂਬਰ ਦੇ ਨਿੱਜੀ ਸਕੱਤਰ ਨੇ ਹਰ ਵਾਰ ਇਹੀ ਜਵਾਬ ਦਿੱਤਾ ਕਿ ਉਹ ਦੂਜੇ ਨੰਬਰ ’ਤੇ ਹੋਣਗੇ ਜਦਕਿ ਦੂਜਾ ਫੋਨ ਨੰਬਰ ਬੰਦ ਕੀਤਾ ਹੋਇਆ ਹੈ। ਹਾਲ ਹੀ ਵਿੱਚ ਮੀਡੀਆ ਦੇ ਇੱਕ ਹਿੱਸੇ ਵਿੱਚ ਇਹ ਖ਼ਬਰਾਂ ਵੀ ਆਈਆਂ ਹਨ ਕਿ ਜਗਦੀਸ਼ ਭੋਲਾ ਮਾਮਲੇ ਵਿੱਚ ਡਾ। ਰਤਨ ਸਿੰਘ ਅਜਨਾਲਾ ਅਤੇ ਬੋਨੀ ਅਜਨਾਲਾ ਕੋਲੋਂ ਵੀ ਪੁੱਛਗਿੱਛ ਹੋ ਸਕਦੀ ਹੈ। ਇਸ ਬਾਰੇ ਪੰਜਾਬ ਪੁਲੀਸ ਦੇ ਬਾਰਡਰ ਰੇਂਜ ਦੇ ਆਈ।ਜੀ। ਇਸ਼ਵਰ ਚੰਦਰ ਨੇ ਆਖਿਆ ਕਿ ਇਸ ਮਾਮਲੇ ਵਿੱਚ ਅੰਮ੍ਰਿਤਸਰ ਪੁਲੀਸ ਵੱਲੋਂ ਕੋਈ ਪੁੱਛਗਿੱਛ ਨਹੀਂ ਕੀਤੀ ਜਾ ਰਹੀ ਕਿਉਂਕਿ ਇਹ ਸਮੁੱਚਾ ਮਾਮਲਾ ਪਟਿਆਲਾ ਪੁਲੀਸ ਕੋਲ ਹੈ ਅਤੇ ਉਸ ਵੱਲੋਂ ਹੀ ਸਾਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਦੂਜੇ ਪਾਸੇ ਪੰਜਾਬ ਕਾਂਗਰਸ ਵੱਲੋਂ ਅਜਨਾਲਾ ਪਰਿਵਾਰ ਦੀ ਨਸ਼ਿਆਂ ਦੇ ਕਾਰੋਬਾਰ ਕਰਨ ਵਾਲਿਆਂ ਨਾਲ ਨੇੜਤਾ ਸਾਹਮਣੇ ਆਉਣ ਮਗਰੋਂ ਉੱਥੇ ਰੋਸ ਪ੍ਰਦਰਸ਼ਨ ਕਰਕੇ ਮਾਮਲੇ ਦੀ ਜਾਂਚ  ਸੀ।ਬੀ।ਆਈ। ਤੋਂ ਕਰਾਉਣ ਦੀ ਮੰਗ ਕੀਤੀ ਗਈ ਹੈ। ਕਾਂਗਰਸ ਵੱਲੋਂ ਚੋਣ ਕਮਿਸ਼ਨ ਨੂੰ ਵੀ ਅਪੀਲ ਕੀਤੀ ਗਈ ਹੈ ਕਿ ਦੋਵਾਂ ਅਕਾਲੀ ਆਗੂਆਂ ਦੇ ਚੋਣ ਲੜਨ ’ਤੇ ਰੋਕ ਲਾਈ ਜਾਵੇ।

ਤਹਿਲਕਾ ਤੇ ਤਹਿਲਕਾ : ਤਰੁਣ ਤੇਜਪਾਲ ਦੇ ਖਿਲਾਫ਼ ਐਫ਼ ਆਈ ਆਰ ਦਰਜ਼

www.sabblok.blogspot.com

ਗੋਆ ਪੁਲੀਸ ਨੇ ਤਹਿਲਕਾ ਦੇ ਸੰਪਾਦਕ ਤਰੁਣ ਤੇਜਪਾਲ  ਦੇ ਖਿਲਾਫ਼  ਐਫਆਈਆਰ ਦਰਜ਼ ਕੀਤੀ ਹੈ।
 ਗੋਆ ਪੁਲੀਸ ਦੇ ਏਡੀਜੀਪੀ ਓ ਪੀ ਮਿਸ਼ਰਾ ਨੇ  ਦੱਸਿਆ ਕਿ ਐਫਆਈਆਰ ਦਰਜ਼ ਕਰ ਲਈ ਗਈ ਹੈ। ਜਦਕਿ  ਡੀਜੀਪੀ ਕਿਸ਼ਨ ਕੁਮਾਰ ਨੇ ਕਿਹਾ  ਅਪਰਾਧ ਸ਼ਾਖਾ ਅੱਗੇ ਦੀ ਜਾਂਚ ਲਈ  ਅਧਿਕਾਰੀਆਂ ਦੇ ਇੱਕ ਦਲ ਨੂੰ ਦਿੱਲੀ ਭੇਜ ਸਕਦੀ ਹੈ।
ਡੀਆਈਜੀ ਨੇ ਕਿਹਾ , '  ਅਸੀਂ ਸਾਰੇ ਤੱਥਾਂ ਦੀ ਜਾਂਚ ਕਰਾਂਗੇ, ਜੇ  ਪੀੜਤ  ਲੜਕੀ ਦੀ ਸਿ਼ਕਾਇਤ ਦੀ ਪੁਸ਼ਟੀ ਹੋ ਗਈ ਤਾਂ ਅਸੀਂ ਉਸਦੇ ਖਿਲਾਫ਼  ਬਲਾਤਕਾਰ ਦੲਾ ਮਾਮਲਾ ਦਰਜ ਕਰਾਂਗੇ।'
ਮਿਸ਼ਰਾ ਨੇ ਕਿਹਾ ਕਿ ਹੋਟਲ ਵਿੱਚ ਸੀਸੀਟੀਵੀ ਫੁਟੇਜ ਵੀਰਵਾਰ ਸ਼ਾਮ ਨੂੰ ਮਿਲ ਗਈ ਹੈ ਅਤੇ ਇਸ ਉਸਨੂੰ ਸੁਰੱਖਿਅਤ ਰੱਖ ਲਿਆ ਗਿਆ ਹੈ। ਉਹਨਾਂ ਕਿਹਾ ਕਿ ਇਸ ਮਾਮਲੇ ਦੇ ਬਾਰੇ ਵਿੱਚ ਜਿ਼ਆਦਾ ਜਾਣਕਾਰੀ ਫੁਟੇਜ ਦੇਖਣ ਤੋਂ ਬਾਅਦ ਹੀ ਮਿਲ ਸਕੇਗੀ ।

ਪੁਲੀਸ ਪਹਿਲਾਂ  ਹੀ ਈਮੇਲ ਕਰਕੇ ਤਹਿਲਕਾ ਮੈਨੇਜਮੈਂਟ ਤੋਂ ਪੀੜਤ ਲੜਕੀ ਦੀ ਈੇਮਲੇ ਅਤੇ ਤੇਜਪਾਲ ਦੇ ਬਿਆਨ ਦੀ ਮੰਗ ਕਰ ਚੁੱਕੀ ਹੈ।
ਤਹਿਲਕਾ ਰਸਾਲੇ ਵੱਲੋਂ  ਇੱਕ ਮਹਿਲਾ ਪੱਤਰਕਾਰ  ਨਾਲ ਬਾਨੀ ਸੰਪਾਦਕ  ਤਰੁਣ ਤੇਜਪਾਲ  ਨੂੰ ਕਥਿਤ  ਯੌਨ ਦੁਰਵਿਵਹਾਰ ਦੇ ਮਾਮਲੇ ਦੀ ਜਾਂਚ ਦੇ ਲਈ  ਇੱਕ ਸੰਮਤੀ  ਗਠਿਤ ਕੀਤੀ ਹੈ।
ਤਹਿਲਕਾ ਦੀ ਪ੍ਰਬੰਧ ਨਿਰਦੇਸ਼ਕ  ਸ਼ੋਮਾ ਚੌਧਰੀ ਨੇ ਸੁੱਕਰਵਾਰ ਨੂੰ ਦੱਸਿਆ ਕਿ ਇਸ ਮਾਮਲੇ ਦੀ ਜਾਂਚ ਕਰਨ ਲਈ   ਇੱਕ ਸਿ਼ਕਾਇਤ ਕਮੇਟੀ ਦੀ ਗਠਨ ਕੀਤਾ ਗਿਆ ਹੈ ਜਿਸਦੀ ਅਗਵਾਈ  ਪ੍ਰਸਿੱਧ ਮਹਿਲਾ ਅਧਿਕਾਰ ਕਾਰਕੁੰਨ ਅਤੇ ਪ੍ਰਕਾਸ਼ਕ  ਉਰਵਸੀ਼ ਬੁਟਾਲਿਆ ਕਰੇਗੀ ।
 ਸੋ਼ਮਾ ਚੌਧਰੀ ਨੇ ਕਿਹਾ ,'  ਇਸ ਮਾਮਲੇ ਵਿੱਚ ਪੀੜਤ ਪੱਤਰਕਾਰ ਦੀ ਸਾਰੀਆਂ ਮੰਗਾਂ ਮੰਨੀਆਂ ਜਾ ਰਹੀਆਂ ਹਨ, ਉਹ ਚਾਹੁੰਦੀ ਸੀ ਕਿ ਅਦਾਰਾ  ਇਸ ਮਾਮਲੇ ਵਿੱਚ ਕਾਰਵਾਈ ਕਰੇ, ਅਸੀਂ ਅਜਿਹਾ ਕੀਤਾ ਹੈ। ਪਰ ਇਹ ਮਾਮਲਾ ਲੀਕ ਹੋ ਗਿਆ ਅਤੇ ਇਸ ਆਧਾਰ ਉਪਰ ਮੀਡੀਆ  ਇਸ ਬਾਰੇ ਆਪਣੀ ਕਹਾਣੀ ਬਣਾ ਰਿਹਾ ਹੈ। ਤਿੰਨ ਦਿਨ ਵਿੱਚ ਬਿਨਾ ਸ਼ਰਤ ਮੁਆਫ਼ੀ ਮੰਗੀ ਜਾ ਚੁੱਕੀ ਹੈ, ਤਰੁਣ ਆਪਣੇ  ਅਹੁਦੇ ਤੋਂ ਹੱਟ ਗਏ ਹਨ ਅਤੇ ਮਾਮਲੇ ਦੀ ਜਾਂਚ ਲਈ  ਕਮੇਟੀ ਗਠਿਤ ਕਰ ਦਿੱਤੀ ਹੈ।'
ਉਹਨਾ ਵੀ ਕਿਹਾ ਕਿ  ਤਰੁਣ  ਜਾਂਚ ਕਮੇਟੀ ਨੂੰ  ਪੂਰਾ ਸਹਿਯੋਗ ਦੇਣਗੇ। ਇਸ ਗੱਲ ਵਿੱਚ  ਕੋਈ ਸੱਚਾਈ ਨਹੀਂ ਕਿ ਉਹ ਦੇਸ਼ ਵਿੱਚੋਂ ਭੱਜ  ਗਏ ਹਨ।'
ਇਸ ਦੌਰਾਨ ਭਾਜਪਾ  ਨੇ ਜਾਨਣਾ ਚਾਹਿਆ ਹੈ ਕਿ ਕਿਤੇ ਸਿ਼ਕਾਇਤਕਰਤਾ  ਉਪਰ ਮਾਮਲਾ ਨਾ ਦਰਜ ਕਰਵਾਉਣ ਦੇ ਲਈ ਦਬਾਅ ਤੇ ਨਹੀਂੰ ਪਾਇਆ ਜਾਵੇਗਾ ਕਿਉਂਕਿ  ਤਹਿਲਕਾ ਦੇ ਸੰਪਾਦਕ ਦੇ ਕਾਂਗਰਸ ਨਾਲ ਸਬੰਧ ਹਨ।
ਭਾਜਪਾ ਨੇਤਾ  ਅਰੁਣ ਜੇਟਲੀ ਨੇ  ਕਿਹਾ ਕਿ ਇਸ ਮਾਮਲੇ ਵਿੱਚ ਭਾਰਤੀ ਮੀਡੀਆ ਕਸੌਟੀ ਉਪਰ ਹੈ ਕਿਉਂਕਿ ਤੇਜਪਾਲ  ਦੇ ਖਿ਼ਲਾਫ਼ ਉਸ ਅਪਰਾਧ ਦੇ ਲਈ ਕੋਈ ਕਾਨੂੰਨੀ ਕਾਰਵਾਈ ਸੁਰੂ ਨਹੀਂ ਕੀਤੀ ਗਈ  ਅਤੇ ਜੋ   ਸੋਧੇ ਹੋਏ ਕਾਨੂੰਨ ਤਹਿਤ ਬਲਾਤਕਾਰ ਹੈ।'
ਉਹਨਾ ਕਿਹਾ ਕਿ ਸੰਸਦ ਨੇ ਬਲਾਤਕਾਰ ਦੀ ਪਰਿਭਾਸ਼ਾ ਵਿੱਚ ਸੋਧ ਕਰਦੇ ਹੋਏ ਜੋ ਨਵੀਂ ਪਰਿਸਥਿਤੀਆਂ ਜੋੜੀਆਂ ਹਨ ਉਸਦੇ ਆਧਾਰ ਉਪਰ ਪੀੜਤ ਨੇ ਈਮੇਲ ਦੇ ਜ਼ਰੀਏ ਮਾਮਲੇ  ਦਰਜ  ਕਰਾਉਣ ਲਈ ਲੋੜੀਂਦਾ ਆਧਾਰ ਮੰਨਿਆ ਜਾ ਸਕਦਾ ਹੈ। ਪਰ ਹਾਲੇ ਤੱਕ ਇਸ ਮਾਮਲੇ  ਨੂੰ ਦਰਜ ਕਿਉਂ ਨਹੀਂ ਕੀਤਾ ਗਿਆ ?  ਕੀ ਪੀੜਤ ਮਹਿਲਾ ਉਪਰ ਮਾਮਲਾ ਦਰਜ ਨਾ ਕਰਵਾਉਣ ਦਾ ਦਬਾਅ ਹੈ ?
ਪ੍ਰੈਸ ਕਲੱਬ ਆਫ ਇੰਡੀਆ ਨੇ ਵੀ ਇੱਕ ਬਿਆਨ ਵਿੱਚ ਮੰਗ ਕੀਤੀ ਹੈ ਕਿ ਕਾਨੂੰਨ  ਨੂੰ ਇਸ ਮਾਮਲੇ  ਵਿੱਚ  ਖੁਦ   ਫੈਸਲੇ ਲੈਂਦੇ ਹੋਏ ਆਪਣਾ ਕੰਮ ਕਰਨਾ ਚਾਹੀਦਾ ਚਾਹੇ ਮਹਿਲਾ ਪੱਤਰਕਾਰ ਨੇ ਪੁਲੀਸ ਕੋਲ ਸਿ਼ਕਾਇਤ ਦਰਜ਼ ਕਰਵਾਈ ਹੈ ਜਾਂ ਨਹੀਂ ।

`ਆਪ` ਨੇ ਵੈੱਬਸਾਈਟ ਤੋਂ ਮੰਗੀ ਸਟਿੰਗ ਦੀ ਫੁਟੇਜ , ਨਾ ਦਿੱਤੀ ਤਾਂ ਕਾਨੂੰਨ ਦਾ ਸਹਾਰਾ ਲੈਣਗੇ

www.sabblok.blogspot.com

 ਦਿੱਲੀ ਵਿਧਾਨ ਸਭਾ ਚੋਣਾਂ  ਤੋਂ ਕਰੀਬ ਦੋ ਹਫ਼ਤੇ ਪਹਿਲਾਂ  ਵਿਧਾਨ ਸਭਾ  ਚੋਣ ਲੜ ਰਹੀ   ਆਮ ਆਦਮੀ ਪਾਰਟੀ ਦੇ ਕੁਝ ਨੇਤਾਵਾਂ ਦਾ ਸਟਿੰਗ ਅਪਰੇਸ਼ਨ ਸਾਹਮਣੇ ਆਉਣ ਤੋਂ ਬਾਅਦ  ਪਾਰਟੀ ਨੇ ਜਾਂਚ ਵਿੱਚ ਸੱਚਾਈ ਸਾਹਮਣੇ ਲਿਆਉਣ ਤੋਂ ਬਾਅਦ ਕਾਰਵਾਈ ਕਰਨ ਦੀ ਗੱਲ ਆਖੀ ਹੈ ।
 ਦਿੱਲੀ ਚੈਨਲਾਂ ਤੇ ਪ੍ਰਸਾਰਿਤ ਕੀਤੇ ਗਏ ਸਟਿੰਗ ਅਪਰੇਸ਼ਨ ਵਿੱਚ ਆਮ ਆਦਮੀ ਪਾਰਟੀ ਕੁਝ ਉਮੀਦਵਾਰ ਬਿਨਾ  ਰਸੀਦ ਦੇ ਕੈਸ਼  ਲੈਣ ਦੀ ਗੱਲ ਕਰਦੇ ਦਿਖਾਏ ਗਏ ਹਨ।
ਹਾਲਾਂਕਿ ਆਮ ਆਦਮੀ ਪਾਰਟੀ ਨੇ ਸਟਿੰਗ ਅਪਰੇਸ਼ਨ ਬਾਰੇ ਉਪਰ ਸਵਾਲ ਖੜ੍ਹ ਕਰ ਦਿੱਤੇ ਹਨ। ਆਮ ਆਦਮੀ ਪਾਰਟੀ ਨੇ ਸਟਿੰਗ ਅਪਰੇਸ਼ਨ  ਜਾਰੀ ਕਰਨ ਵਾਲੀ ਵੈੱਬਸਾਈਟ ਉਪਰ ਕਾਨੂੰਨੀ  ਕਾਰਵਾਈ ਦੀ  ਗੱਲ ਵੀ ਆਖੀ ਹੈ।
ਇੱਕ ਵੈੱਬਸਾਈਟ  ਵੱਲੋਂ ਜਾਰੀ ਕੀਤੇ ਗਏ ਸਟਿੰਗ ਅਪਰੇਸ਼ਨ  ਵੀਡਿਓ ਵਿੱਚ ਪਾਰਟੀ ਦੇ ਉਮੀਦਵਾਰ  ਸਾਜਿ਼ਆ ਇਲਮੀ, ਕੁਮਾਰ ਵਿਸ਼ਵਾਸ ਅਤੇ ਹੋਰ ਆਗੂਆਂ ਨੂੰ ਜ਼ਮੀਨ ਦੇ ਸੌਦੇ ਕਰਵਾਉਣ, ਲੋਕਾਂ ਦੇ ਪੈਸੇ   ਵਾਪਸ ਕਰਵਾਉਣ ਅਤੇ ਵਿਰੋਧ ਪ੍ਰਦਰਸ਼ਨ ਵਿੱਚ ਸ਼ਾਮਿਲ  ਹੋਣ ਦੇ ਬਦਲੇ ਨਕਦ ਚੰਦਾ ਲੈਣ ਦੀ ਗੱਲ  ਕਰਦੇ ਦਿਸ ਰਹੇ ਹਨ।
ਆਮ ਆਦਮੀ ਪਾਰਟੀ ਨੇ ਸਟਿੰਗ ਅਪਰੇਸ਼ਨ ਦੀ ਪੂਰੀ ਫੁਟੇਜ ਮੰਗੀ ਸੀ , ਆਪਣੇ ਉਮੀਦਵਾਰਾਂ ਉਪਰ ਕੋਈ  ਕਾਰਵਾਈ ਕਰਨ ਤੋਂ ਪਹਿਲਾਂ ਆਮ ਆਦਮੀ ਪਾਰਟੀ ਨੇ ਤਰਕ ਦਿੱਤਾ ਸੀ ਕਿ ਉਹ ਪਹਿਲਾਂ ਸਟਿੰਗ ਅਪਰੇਸ਼ਨ ਦੀ ਸਾਰੀ ਵੀਡਿਓ ਦੇਖਣਗੇ।
 ਆਪ ਪਾਰਟੀ ਨੇ ਸਟਿੰਗ ਵਾਲੀ ਸਾਈਟ ਨੂੰ ਸੁੱਕਰਵਾਰ 11 ਵਜੇ ਤੱਕ ਸਟਿੰਗ ਦੀ ਪੂਰੀ ਫੁਟੇਜ ਉਪਲਬੱਧ ਕਰਵਾਉਣ ਦਾ ਸਮਾਂ ਦਿੱਤਾ ਸੀ । 11  ਵਜੇ ਤੱਕ   ਫੁਟੇਜ ਨੇ ਮਿਲਣ  ਤੋਂ ਬਾਅਦ ਪਾਰਟੀ ਨੇ  4 ਘੰਟਿਆਂ ਦਾ ਹੋਰ ਸਮਾਂ ਦਿੱਤਾ ਹੈ।
 ਪਾਰਟੀ ਦੇ ਆਗੂਆਂ ਦਾ ਕਹਿਣਾ ਹੈ ਕਿ   ਆਮ ਆਦਮੀ ਪਾਰਟੀ ਦਾ ਅਕਸ ਖਰਾਬ ਕਰਨ ਦੇ ਲਈ ਅਜਿਹਾ ਕੀਤਾ ਗਿਆ ਹੈ। ਜੇਕਰ ਸਟਿੰਗ ਜਨਤਕ ਹੈ ਤਾਂ ਇਸਦੀ ਫੁਟੇਜ ਉਪਲਬੱਧ ਕਰਵਾਉਣਾ ਵੀ ਜਨਤਕ ਫਰਜ਼ ਹੈ। ਉਹਨਾ ਦਾ ਦੋਸ਼ ਹੈ ਕਿ ਕੁਝ  ਕਾਰਪੋਰੇਟ ਘਰਾਣੇ,   ਰਾਜਨੀਤਕ ਪਾਰਟੀਆਂ ਅਤੇ ਮੀਡੀਆ ਦੇ ਕੁਝ  ਵਿਅਕਤੀ ਅਜਿਹੇ ਹੱਥ ਕੰਡੇ ਵਰਤ ਰਹੇ ਹਨ।

ਸਟਿੰਗ ਅਪਰੇਸ਼ਨ : ਕੇਜਰੀਵਾਲ ਦੀ ਟੀਮ ਦੇ ਕਈ ਨੇਤਾਵਾਂ ਤੇ ਨਜ਼ਾਇਜ਼ ਚੰਦਾ ਉਗਰਾਹੀ ਦੇ ਦੋਸ਼

www.sabblok.blogspot.com  

ਆਮ ਆਦਮੀ ਪਾਰਟੀ ( ਆਪ) ਦੇ  9 ਵੱਡੇ ਨੇਤਾਵਾਂ ਉਪਰ ਇੱਕ ਟੀਵੀ ਚੈਨਲ ਨੇ ਸਟਿੰਗ  ਅਪਰੇਸ਼ਨ   ਵਿੱਚ   ਚੰਦੇ ਦੀ ਨਜ਼ਾਇਜ਼ ਉਗਰਾਹੀ ਦੇ ਦੋਸ਼ ਲਾਏ ਹਨ।
ਆਰ ਕੇ ਪੁਰਮ  ਤੋਂ ‘ਆਪ’ ਦੇ  ਉਮੀਦਵਾਰ ਸਾਜਿ਼ਆ ਇਲਮੀ ਅਤੇ ਕੁਮਾਰ ਵਿਸ਼ਵਾਸ ਉਪਰ ਕੀਤੇ ਗਏ  ਸਟਿੰਗ ਅਪਰੇਸਨ  ਵਿੱਚ ਦੋਵਾਂ ਉਪਰ  ਨਕਦੀ ਲੈਣ ਦਾ ਦੋਸ਼ ਲਾਇਆ।
ਆਪਣੇ ਨੇਤਾਵਾਂ ਨੂੰ ਸਟਿੰਗ ਆਪਣੇ ਵਿੱਚ ਫਸਦੇ ਦੇਖ ਪਾਰਟੀ ਨੇ ਯੋਗਿੰਦਰ ਯਾਦਵ ਅਤੇ ਸੰਜੈ  ਸਿੰਘ ਨੂੰ ਦੋ ਮੈਂਬਰੀ ਕਮੇਟੀ  ਵਿੱਚ ਸ਼ਾਮਿਲ ਕਰਕੇ ਇਸਦੀ ਜਾਂਚ ਦਾ ਜਿੰਮਾ ਸੌਂਪਦੇ ਹੋਏ 24 ਘੰਟੇ ਦੇ ਅੰਦਰ ਫੈਸਲਾ ਸੁਣਾਉਣ ਦੀ ਗੱਲ ਆਖੀ ਹੈ।

ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਸਫਾਈ ਦਿੰਦੇ ਹੋਏ ਸੁਰੂਆਤੀ ਜਾਂਚ ਵਿੱਚ ਸਟਿੰਗ ਦੀ ਸੀਡੀ ਨਾਲ ਛੇੜਛਾੜ ਹੋਣ ਦੀ  ਗੱਲ ਕਰਦੇ ਹੋਏ ਯੋਂਗਿੰਦਰ ਯਾਦਵ ਨੇ ਕਿਹਾ ਕਿ ਉਹਨਾ ਨੇ ਚੈਨਲ ਤੋਂ ਸਟਿੰਗ ਦੀ ਅਸਲੀ ਸੀਡੀ ਮੰਗੀ ਹੈ।  ਇਸਦੀ ਜਾਂਚ ਤੋਂ 24 ਘੰਟੇ ਦੇ ਅੰਦਰ ਫੈਸਲਾ ਸੁਣਾ ਦਿੱਤਾ ਜਾਵੇਗਾ।  ਉਹਨਾ ਕਿਹਾ ਜੇ ਉਮੀਦਵਾਰ ਦੋਸ਼ੀ ਪਾਏ ਗਏ ਤਾਂ ਉਹਨਾਂ ਨੂੰ ਹਟਾਉਣ ਤੋਂ ਨਹੀਂ ਝਿਜਕਣਗੇ । ਅਰਵਿੰਦ ਕੇਜ਼ਰੀਵਾਲ ਨੇ ਵੀ ਕਿਹਾ ਕਿ ਉਸ ਦੋਸ਼ੀਆਂ ਨਾਲ ਲਿਹਾਜ਼ ਨਹੀਂ ਕਰਨਗੇ।
ਇਸ ਮਾਮਲੇ ਵਿੱਚ ਕੁਮਾਰ ਵਿਸ਼ਵਾਸ਼ ਨੇ ਸਫਾਈ ਦਿੰਦੇ ਹੋਏ ਕਿਹਾ ਕਿ  ਉਸਨੇ ਕੈਸ਼ ਦੀ ਰਸੀਦ ਵੀ ਦਿੱਤੀ ਹੈ ਅਤੇ ਉਹਨਾਂ ਪੈਸਿਆਂ ਦੀ ਖਾਤੇ ਵਿੱਚ ਐਂਟਰੀ ਵੀ ਹੋਈ ਹੈ।ਉਸਨੇ ਸ਼ਾਜੀਆ ਦਾ ਬਚਾਅ ਕਰਦੇ ਹੋਏ ਵੀ ਕਿਹਾ ਕਿ ਸ਼ਾਜੀਆ  ਨੇ ਵੀ ਕੈਸ ਦੇ ਇਵਜ ਵਿੱਚ  ਰਸੀਦ ਦਿੱਤੀ ਹੈ।
ਦਰਅਸਲ  ਇੱਕ ਟੀਵੀ ਚੈਨਲ ਦੇ ਲਈ ‘ਮੀਡੀਆ ਸਰਕਾਰ’ ਵੱਲੋਂ ਕਰਾਏ ਗਏ ਸਟਿੰਗ ਵਿੱਚ ਆਰ ਕੇ ਪੁਰਮ ਵਿੱਚ ‘ਆਪ’ ਦੀ ਉਮੀਦਵਾਰ ਸ਼ਾਜੀਆ ਇਲਮੀ ਇੱਕ ਧਰਨਾ ਪ੍ਰਦਰਸ਼ਨ ਵਿੱਚ ਸ਼ਾਂਮਿਲ ਹੋਣ ਦੇ ਲਈ 25 ਲੱਖ ਰੁਪਏ  ਦਾ ਬੇਨਾਮੀ ਚੰਦਾ ਲੈਣ ਦੀ ਗੱਲ ਕਰਦੀ ਦਿਸਦੀ ਹੈ। ਇਸੇ ਤਰ੍ਹਾਂ  ਕੁਮਾਰ ਵਿਸ਼ਵਾਸ ਆਪਣੇ ਇੱਕ ਪ੍ਰੋਗਰਾਮ ਦੇ ਲਈ ਚੈੱਕ ਦੀ ਬਜਾਏ ਕੈਸ਼ ਲੈਣ ਦੀ ਗੱਲ ਕਰਦੇ ਹਨ।
ਕੁਮਾਰ ਵਿਸ਼ਵਾਸ ਦੇ ਸਕੱਤਰ 50 ਹਜ਼ਾਰ ਰੁਪਏ ਕੈਸ਼ ਲੈ ਵੀ ਲੈਂਦੇ ਹਨ। ਇਹ  ਸਟਿੰਗ ਸੰਗਮ ਵਿਹਾਰ ਤੋਂ ਆਪ ਦੇ ਉਮੀਦਵਾਰ ਦਿਨੇਸ ਮੋਹਾਨਿਆ, ਪਾਲਮ ਤੋਂ ਭਾਵਨਾ ਗੌਰ, ਅਤੇ ਓਖਲਾ ਤੋਂ ਇਰਫਾਨ ਉਲਾਹ ਖਾਨ ਸਮੇਤ ਪਾਰਟੀ ਕੁਝ ਹੋਰ ਵਰਕਰਾਂ ਉਪਰ ਵੀ ਕੀਤਾ ਗਿਆ ਹੇ।
 ਇਸ ਸਟਿੰਗ ਅਪਰੇਸ਼ਨ ਵਿੱਚ ਰਿਪੋਰਟਰ  ਸ਼ਾਜੀਆ ਨੂੰ ਇੱਕ ਪ੍ਰਾਈਵੇਟ ਕੰਪਨੀ ਦੇ ਕਰਮਚਾਰੀ ਦੇ ਰੂਪ ਵਿੱਚ ਮਿਲਦਾ ਅਤੇ ਵਿਰੋਧੀ ਕੰਪਨੀ  ਦੇ ਖਿਲਾਫ਼  ਐਕਸ਼ਨ  ਦੀ ਗੱਲ ਕਰਦਾ ਹੈ। ਸਾਜੀਆ ਕੁਝ ਦਸਤਾਵੇਜਾਂ ਦੇ ਇਵਜ਼ ਵਿੱਚ  ਮੱਦਦ ਲਈ ਰਾਜ਼ੀ ਹੋ ਜਾਂਦੀ ਹੈ।  ਸਟਿੰਗ ਵਿੱਚ ਸ਼ਾਜਿਆ ਕੈਸ਼ ਲੈਣ ਲਈ ਵੀ ਤਿਆਰ ਹੋ ਜਾਂਦੀ ਹੈ। ਸਟਿੰਗ ਵਿੱਚ ਸ਼ਾਜੀਆ ਕੈਸ਼ ਲੈਣ ਦੇ ਲਈ ਵੀ ਤਿਆਰ ਹੋ ਜਾਂਦੀ ਹੈ ਅਤੇ ਵਿਰੋਧੀ  ਕੰਪਨੀ ਦ ੇਅਕਸ ਨੂੰ ਖਰਾਬ ਕਰਨ ਦੇ ਲਈ  ਕੈਸ  ਲੈਣ ਦੀ ਗੱਲ ਵੀ ਕਰਦੀ ਹੈ। ਇਸੇ ਤਰ੍ਹਾਂ  ਦਿਨੇਸ਼ ਮੋਹਾਨਿਆ  ਚੋਣ ਤੋਂ ਬਾਅਦ ਪ੍ਰਾਪਰਟੀ ਅਤੇ ਪੈਸੇ ਦੇ ਵਿਵਾਦ ਨੂੰ ਸੈਟਲ ਕਰਨ  ਵਿੱਚ ਮੱਦਦ ਦਾ ਵਾਅਦਾ ਕਰਦੇ ਦਿਸਦੇ ਹਨ 

ਨੂੰਹ ਦੀ ਮੌਤ ਦਾ ਮਾਮਲਾ : ਹਾਈਕੋਰਟ ਨੇ ਮੰਗੀ ਪਟਿਆਲਾ ਦੇ ਸਾਬਕਾ ਮੇਅਰ ਦੀਆਂ ਫੋਨ ਕਾਲਾਂ ਦੀ ਡਿਟੇਲ

www.sabblok.blogspot.

ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ   ਪਟਿਅਲਾ ਦੇ ਸਾਬਕਾ ਮੇਅਰ ਅਤੇ ਅਕਾਲੀ ਆਗੂ ਜਸਪਾਲ ਸਿੰਘ   ਦੀ ਨੂੰਹ  ਪਰਮਜੀਤ ਕੌਰ ਦੀ ਮੌਤ  ਸਬੰਧੀ ਪੰਜਾਬ ਪੁਲੀਸ ਵੱਲੋਂ ਕੀਤੀ ਪੜਤਾਲ ਤੋਂ ਅਸੰਤੁਸ਼ਟ ਹੁੰਦਿਆਂ ‘ਵਿਸ਼ੇਸ਼ ਜਾਂਚ ਟੀਮ ’ ਨੂੰ ਮੁੜ  ਇਸ ਆਗੂ  ਦੇ ਮੋਬਾਈਲ ਫੌਨ ਦੀ ਡਿਟੇਲ ਘੋਖ ਰਕੇ ਅਤੇ  28 ਨਵੰਬਰ ਤੱਕ ਹਾਈਕੋਰਟ ਵਿੱਚ ਪੇਸ਼ ਕਰਨ ਦੇ ਹੁਕਮ ਦਿੱਤੇ ਹਨ ।
ਸ਼ੱਕੀ ਹਾਲਤਾਂ ਵਿੱਚ  ਹੋਈ ਪਰਮਜੀਤ ਕੌਰ ਦੇ ਵਾਰਿਸਾਂ ਵੱਲੋਂ ਕਤਲ  ਕੀਤੇ ਜਾਣ ਦਾ ਦੋਸ਼ ਲਗਾ ਕਿ  ਇਸ  ਮਾਮਲੇ ਦੀ ਪੜਤਾਲ ਸੀਬੀਆਈ ਤੋਂ ਕਰਵਾਏ ਜਾਣ ਦੀ ਮੰਗ ਕਰਦੀ ਹੋਈ ਇੱਕ ਪਟੀਸ਼ਨ ਹਾਈਕੋਰਟ ਵਿੱਚ ਪਾਈ ਹੋਈ ਹੈ।
 ਜਿ਼ਕਰਯੋਗ ਹੈ 23 ਫਰਵਰੀ ਨੂੰ  ਅਕਾਲੀ ਆਗੂ ਅਤੇ ਤਤਕਾਲੀ ਮੇਅਰ  ਜਸਪਾਲ ਸਿੰਘ ਨੂੰਹ  ਦੀ ਮੌਤ ਹੋ ਗਈ ਸੀ । ਜਿਸ ਨੂੰ ਮੇਅਰ ਦਾ ਪਰਿਵਾਰ ਖੁਦਕਸ਼ੀ ਅਤੇ  ਮ੍ਰਿਤਕ ਦੇ ਵਾਰਿਸ  ‘ਕਤਲ’ ਕਹਿ ਰਹੇ ਸਨ।

ਭਾਈ ਖਾਲਸਾ ਦੇ ਮਾਤਾ ਸਤਵੰਤ ਕੌਰ ਦੇ ਅੰਤਿਮ ਸੰਸਕਾਰ ਮੌਕੇ ਕਈ ਸ਼ਖ਼ਸੀਅਤਾਂ ਪੁੱਜੀਆਂ

www.sabblok.blogspot.com
ਲੁਧਿਆਣਾ, 21 ਨਵੰਬਰ (ਪੁਨੀਤ ਬਾਵਾ, ਗੁਰਿੰਦਰ ਸਿੰਘ)-ਸਿੱਖ ਸਟੂਡੈਂਟਸ ਫੈਡਰੇਸ਼ਨ (ਮਹਿਤਾ) ਦੇ ਪ੍ਰਧਾਨ ਭਾਈ ਪਰਮਜੀਤ ਸਿੰਘ ਖਾਲਸਾ, ਸਮਾਜ ਸੇਵਕ ਸ: ਜਸਬੀਰ ਸਿੰਘ ਯੂ. ਐਸ. ਏ, ਅਮਰਜੀਤ ਸਿੰਘ ਅਤੇ ਕੁਲਜੀਤ ਸਿੰਘ ਦੇ ਮਾਤਾ ਸਰਦਾਰਨੀ ਸਤਵੰਤ ਕੌਰ ਜੋ 19 ਨਵੰਬਰ ਨੂੰ ਅਕਾਲ ਚਲਾਣਾ ਕਰ ਗਏ ਸਨ, ਦਾ ਅੰਤਿਮ ਸੰਸਕਾਰ ਅੱਜ ਸਵੇਰੇ ਸਵਰਗ ਆਸ਼ਰਮ ਪਿੱਛੇ ਅਰੋੜਾ ਪੈਲੇਸ ਨਜ਼ਦੀਕ ਦਾਣਾ ਮੰਡੀ ਗਿੱਲ ਰੋਡ ਵਿਖੇ ਕੀਤਾ ਗਿਆ | ਮਾਤਾ ਸਤਵੰਤ ਕੌਰ ਦੇ ਅੰਗੀਠਾ ਸਾਂਭਣ ਦੀ ਰਸਮ 23 ਨਵੰਬਰ ਨੂੰ ਸਵੇਰੇ 8 ਵਜੇ ਹੋਵੇਗੀ, ਜਦਕਿ ਪਾਠ ਦੇ ਭੋਗ ਉਪਰੰਤ ਕੀਰਤਨ ਅਤੇ ਅੰਤਿਮ ਅਰਦਾਸ 29 ਨਵੰਬਰ ਨੂੰ ਦੁਪਹਿਰ 1 ਤੋਂ 2:30 ਵਜੇ ਤੱਕ ਗੁਰਦੁਆਰਾ ਸਿੰਘ ਸਭਾ ਮਾਡਲ ਟਾਊਨ ਐਕਸਟੈਨਸ਼ਨ ਲੁਧਿਆਣਾ ਵਿਖੇ ਹੋਵੇਗੀ | ਮਾਤਾ ਸਤਵੰਤ ਕੌਰ ਦੇ ਅੰਤਿਮ ਸੰਸਕਾਰ ਤੋਂ ਪਹਿਲਾਂ ਅਰਦਾਸ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਮੱਲ ਸਿੰਘ ਨੇ ਕੀਤੀ | ਇਸ ਮੌਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਨੇ ਸਿੰਘ ਸਾਹਿਬਾਨ ਵੱਲੋਂ ਮਿ੍ਤਕ ਦੇਹ ਉਪਰ ਦੁਸ਼ਾਲਾ ਭੇਂਟ ਕੀਤਾ | ਅੰਤਿਮ ਸੰਸਕਾਰ ਮੌਕੇ ਜਥੇ: ਅਵਤਾਰ ਸਿੰਘ, ਗਿਆਨੀ ਜਗਤਾਰ ਸਿੰਘ, ਬਾਬਾ ਜਸਵੰਤ ਸਿੰਘ ਨਾਨਕਸਰ, ਸੰਤ ਅਮੀਰ ਸਿੰਘ ਜਵੱਦੀ ਟਕਸਾਲ, ਮਾਤਾ ਵਿਪਨਪ੍ਰੀਤ ਕੌਰ, ਬੀਬੀ ਬਲਜੀਤ ਕੌਰ ਖਾਲਸਾ, ਪਿ੍ਤਪਾਲ ਸਿੰਘ, ਗਿਆਨੀ ਪਿੰਦਰਪਾਲ ਸਿੰਘ, ਸਵਰਨ ਸਿੰਘ ਅਕਾਲਗੜ੍ਹ, ਗੁਰਮੀਤ ਸਿੰਘ ਕਲਗੀਧਰ, ਭਾਈ ਗਗਨਦੀਪ ਸਿੰਘ ਰਾਜਸਥਾਨੀ, ਭਾਈ ਦਵਿੰਦਰ ਸਿੰਘ ਸੋਢੀ, ਰਜਿੰਦਰ ਸਿੰਘ ਬਿੰਦਰਾ, ਪਿ੍ੰ: ਸੁਖਵੰਤ ਸਿੰਘ, ਭਾਈ ਬਲਦੇਵ ਸਿੰਘ ਬੁਲੰਦਪੁਰੀ, ਭਾਈ ਅਮਨਪ੍ਰੀਤ ਸਿੰਘ, ਭਾਈ ਹਰਜਿੰਦਰ ਸਿੰਘ ਸ੍ਰੀਨਗਰ, ਭਾਈ ਹਰਵਿੰਦਰ ਸਿੰਘ ਲਿਟਲ, ਵਿਧਾਇਕ ਰਣਜੀਤ ਸਿੰਘ ਢਿੱਲੋਂ, ਰਜਿੰਦਰ ਸਿੰਘ ਮਹਿਤਾ, ਭਾਈ ਅਮਰਜੀਤ ਸਿੰਘ ਚਾਵਲਾ, ਸਤਪਾਲ ਗੁਸਾਈਾ, ਕੰਵਲਇੰਦਰ ਸਿੰਘ ਠੇਕੇਦਾਰ, ਭਾਈ ਮਨਦੀਪ ਸਿੰਘ ਲਾਚੋਵਾਲ, ਹਰਦਿਆਲ ਸਿੰਘ ਸੁਲਤਾਨਵਿੰਡ, ਭਾਈ ਰਾਮ ਸਿੰਘ, ਉਪਕਾਰ ਸਿੰਘ ਸੰਧੂ, ਅਮਰਬੀਰ ਸਿੰਘ ਢੋਟ, ਗੁਰਮਿੰਦਰ ਸਿੰਘ ਚਾਵਲਾ, ਮਨਦੀਪ ਸਿੰਘ ਖਾਲਸਾ, ਗੁਰਦੀਪ ਸਿੰਘ ਗੋਸ਼ਾ, ਜਸਪਾਲ ਸਿੰਘ ਮੀਰਾਂਕੋਟ, ਮਨਜੀਤ ਸਿੰਘ ਬਾਠ ਅਜਨਾਲਾ, ਰਛਪਾਲ ਸਿੰਘ ਲੁਹਾਰਕੇ, ਗੁਰਦੀਪ ਸਿੰਘ ਸੁਰਸਿੰਘ ਵਾਲਾ, ਭਾਈ ਮੇਜਰ ਸਿੰਘ, ਜਥੇ: ਅਮਰਜੀਤ ਸਿੰਘ ਭਾਟੀਆ, ਬਲਵਿੰਦਰ ਸਿੰਘ ਲਾਇਲਪੁਰੀ, ਪ੍ਰਲਾਦ ਸਿੰਘ ਢੱਲ, ਕੁਲਵੰਤ ਸਿੰਘ ਦੁਖੀਆ, ਹਾਕਮ ਸਿੰਘ ਗਿਆਸਪੁਰਾ, ਬਾਬਾ ਅਜੀਤ ਸਿੰਘ, ਜਥੇ: ਉਜਾਗਰ ਸਿੰਘ ਛਾਪਾ, ਮਨੋਹਰ ਸਿੰਘ ਮੱਕੜ, ਸੋਹਣ ਸਿੰਘ ਗੋਗਾ, ਜਤਿੰਦਰਪਾਲ ਸਿੰਘ ਸਲੂਜਾ, ਮਨਜੀਤ ਸਿੰਘ ਖਾਲਸਾ, ਤੇਜਿੰਦਰ ਸਿੰਘ ਡੰਗ, ਰਣਜੋਧ ਸਿੰਘ ਜੀ. ਐਸ, ਸੁਰਜੀਤ ਸਿੰਘ ਦੁੱਗਰੀ, ਬੀਬੀ ਗੁਰਦੀਪ ਕੌਰ, ਨਰਿੰਦਰ ਕੌਰ ਲਾਂਬਾ, ਜਸਵਿੰਦਰ ਕੌਰ ਮੱਕੜ, ਬੀਬੀ ਸੁਰਿੰਦਰ ਕੌਰ ਦਿਆਲ, ਅਮਰਜੀਤ ਸਿੰਘ, ਹਰਭਜਨ ਸਿੰਘ ਡੰਗ, ਸਵਰਨ ਸਿੰਘ ਮਹੌਲੀ, ਹੇਮਰਾਜ ਅੱਗਰਵਾਲ, ਗੁਰਪ੍ਰੀਤ ਸਿੰਘ ਖੁਰਾਣਾ, ਮਨਵਿੰਦਰਪਾਲ ਸਿੰਘ ਮੱਕੜ, ਰਾਕੇਸ਼ ਪਰਾਸ਼ਰ, ਸੰਜੇ ਤਲਵਾੜ, ਤਨਵੀਰ ਸਿੰਘ ਧਾਰੀਵਾਲ, ਪਾਲ ਸਿੰਘ ਗਰੇਵਾਲ, ਮਨਜੀਤ ਸਿੰਘ ਨਾਗਪਾਲ, ਕੁਲਦੀਪ ਸਿੰਘ ਦੂਆ, ਭੁਪਿੰਦਰ ਸਿੰਘ ਨਾਗੋਕੇ, ਰਵਿੰਦਰ ਦੀਵਾਨਾ, ਰਵਿੰਦਰ ਵਰਮਾ, ਕਈ ਧਾਰਮਿਕ, ਸਮਾਜਿਕ ਜਥੇਬੰਦੀਆਂ ਦੇ ਆਗੂਆਂ ਨੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ |

BIG BOSS

Tanisha Mukherjee Armaan Kohli CAUGHT NUDE In... by BollywoodNow

ਇਕ ਹੋਰ ਖਲੀ ਤਿਆਰ

www.sabblok.blogspot.com

ਮੋਹਾਲੀ.21 ਨਵੰਬਰ.ਪੰਜਾਬੀ ਟੀਵੀ ਪ੍ਰੈਸ – ਰੈਸਲਿੰਗ ਦੇ ਖੇਤਰ ‘ਚ ਇਕ ਹੋਰ ਨਿਊ ਖਲੀ ਆ ਰਿਹਾ ਹੈ। ਹਰਿਆਣਾ ਦੇ ਪਿੰਡ ਧਨੌਰਾ (ਨਾਰਾਇਣਗੜ੍ਹ) ਦਾ ਰਹਿਣ ਵਾਲਾ ਭੀਮ ਡਬਲਿਊ. ਡਬਲਿਊ. ਈ. ‘ਚ ਹਿੱਸਾ ਲੈਣ ਲਈ ਟ੍ਰੇਨਿੰਗ ਲੈਣ ਜਾਪਾਨ ਜਾ ਰਿਹਾ ਹੈ।
7 ਫੁੱਟ ਸਾਢੇ ਚਾਰ ਇੰਚ ਕੱਦ ਅਤੇ 152 ਕਿੱਲੋ ਭਾਰ ਦੇ ਭੀਮ ਨੇ ਮੋਹਾਲੀ ‘ਚ ਗੁਰਦੁਆਰਾ ਸ੍ਰੀ ਅੰਬ ਸਾਹਿਬ ਅਤੇ ਗੁਰਦੁਆਰਾ ਸਿੰਘ ਸ਼ਹੀਦਾਂ ਵਿਖੇ ਮੱਥਾ ਟੇਕਿਆ। ਹਿਮਾਚਲ ਯੂਥ ਬ੍ਰਿਗੇਡ ਦੇ ਪ੍ਰਧਾਨ ਪਰਮਿੰਦਰ ਸਿੰਘ ਦੀ ਅਗਵਾਈ ਹੇਠ ਮੋਹਾਲੀ ਪੁੱਜੇ ਭੀਮ ਨੇ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ ਕਿ ਉਹ ਖਲੀ ਨੂੰ ਆਪਣਾ ਆਦਰਸ਼ ਮੰਨਦਾ ਹੈ ਅਤੇ ਉਸਨੇ ਡੇਢ ਸਾਲ ਦੀ ਰੈਸਲਿੰਗ ਦੀ ਟ੍ਰੇਨਿੰਗ ਜਲੰਧਰ ਦੇ ਕੋਚ ਡਾ. ਰਣਧੀਰ ਅਸਥਿਰ ਤੋਂ ਲਈ ਹੈ। ਉਸਨੇ ਦੱਸਿਆ ਕਿ ਉਹ ਰੋਜ਼ਾਨਾ 7 ਕਿੱਲੋ ਚਿਕਨ ਅਤੇ 40 ਅੰਡੇ ਖਾਂਦਾ ਹੈ ਅਤੇ 7 ਲੀਟਰ ਦੁੱਧ ਪੀਂਦਾ ਹੈ, ਜੋ ਕਿ ਲਗਭਗ ਇਕ ਦਰਜਨ ਲੋਕਾਂ ਦਾ ਖਾਣਾ ਹੈ। ਉਸਦੇ ਖਾਣ-ਪੀਣ ਦੀ ਸਾਰੀ ਜ਼ਿੰਮੇਵਾਰੀ ਹਿਮਾਚਲ ਯੂਥ ਬ੍ਰਿਗੇਡ ਨੇ ਲਈ ਹੈ ਅਤੇ ਬ੍ਰਿਗੇਡ ਦਾ ਕਹਿਣਾ ਹੈ ਕਿ ਉਹ ਇਸ ਨਿਊ ਖਲੀ ਨੂੰ ਉਸਦੀ ਮੰਜ਼ਿਲ ਤੱਕ ਪਹੁੰਚਾਉਣ ਲਈ ਹਰ ਤਰ੍ਹਾਂ ਦੀ ਮਦਦ ਕਰੇਗੀ। ਇਕ ਗਰੀਬ ਪਰਿਵਾਰ ਨਾਲ ਸਬੰਧਤ ਰਾਜੇਸ਼ ਕੁਮਾਰ ਉਰਫ ਭੀਮ ਉਰਫ ਨਿਊ ਖਲੀ ਨੇ ਕਿਹਾ ਕਿ ਦੁਬਈ ‘ਚ ਸਰਬੱਤ ਦਾ ਭਲਾ ਸੰਸਥਾ ਦੇ ਚੇਅਰਮੈਨ ਸੁਰਿੰਦਰਪਾਲ ਸਿੰਘ ਓਬਰਾਏ ਉਸਦੀ ਬਹੁਤ ਮਦਦ ਕਰ ਰਹੇ ਹਨ।

ਸਿੱਧੂ ਮਤਰੇਆ ਨਹੀਂ ਸਕਾ ਪੁੱਤ ਈ ਐ: ਬਾਦਲ

www.sabblok.blogspot.com
Share on fac

Share on twitterShare on emailShare on printMore Sharing Se

ਸੰਗਤ ਦਰਸ਼ਨ ਦੌਰਾਨ ਲੋਕਾਂ ਦੀਆਂ ਮੁਸ਼ਕਲਾਂ ਸੁਣਦੇ ਹੋਏ ਮੁੱਖ ਮੰਤਰੀ ਪੰਜਾਬ। (ਤਸਵੀਰ: ਗੁਰੂਸਰੀਆ)

ਕੇਂਦਰ ਸਾਡੇ ਕੋਲੋਂ ਪੈਸੇ ਨਾ ਲਵੇ, ਸਾਨੂੰ ਉਨਾਂ ਤੋਂ ਲੈਂਣ ਦੀ ਲੋੜ ਹੀ ਨਾ ਪਵੇ:

 ਮੁੱਖ ਮੰਤਰੀ nਰਾਹੁਲ ਗਾਂਧੀ ਮਰਿਆਦਾ 'ਚ ਰਹੇ ਮੁੱਖ ਮੰਤਰੀ ਦਾ ਲੰਬੀ ਦੌਰਾ ਸਮਾਪਤ 

ਮਲੋਟ (ਮਿੰਟੂ ਗੁਰੂਸਰੀਆ): ਭਈ ! ਮੈਂ ਸਿੱਧੂ ਨੂੰ ਮਤਰੇਆ ਨਹੀਂ ਆਪਣਾ ਸਕਾ ਪੁੱਤ ਸਮਝਦੈਂ। ਇਹ ਬੋਲ ਸਨ ਸੂਬੇ ਦੇ ਮੁੱਖ ਮੰਤਰੀ ਸ੍ਰੀ ਪਰਕਾਸ਼ ਸਿੰਘ ਬਾਦਲ ਦੇ, ਜੋ ਅੱਜ ਦੋ ਦਿਨਾਂ ਲੰਬੀ ਹਲਕੇ ਦੇ ਦੌਰੇ ਦੌਰਾਨ ਆਖਰੀ ਦਿਨ ਪਿੰਡਾਂ ਵਿਚ ਸੰਗਤ ਦਰਸ਼ਨ ਕਰਨ ਪੁੱਜੇ ਹੋਏ ਸਨ। ਪੱਤਰਕਾਰ ਵਾਰਤਾ ਵਿਚ ਜਦੋਂ ਪੱਤਰਕਾਰਾਂ ਨੇ ਸ੍ਰੀ ਬਾਦਲ ਨੂੰ ਉਸ ਬਿਆਨ ਬਾਰੇ ਸਵਾਲ ਕੀਤਾ, ਜਿਸ ਵਿਚ ਅਮ੍ਰਿਤਸਰ ਤੋਂ ਭਾਜਪਾ ਸਾਂਸਦ ਨਵਜੋਤ ਸਿੱਧੂ ਨੇ ਇਹ ਆਖਿਆ ਸੀ ਕਿ ਬਾਦਲ ਮੈਨੂੰ ਆਪਣਾ ਪੁੱਤ ਤਾਂ ਮੰਨਦੇ ਹਨ ਪਰ ਸਕਾ ਨਹੀਂ ਮਤਰੇਆ। ਤਾਂ ਇਸ ਦੇ ਜਵਾਬ ਵਿਚ ਬਾਦਲ ਨੇ ਹਲਕੀ ਜਿਹੀ ਮੁਸਾਕਨ ਫੈਲਾ ਕੇ ਆਖਿਆ ਕਿ ਉਹ ਸਿੱਧੂ ਨੂੰ ਮਤਰੇਆ ਨਹੀਂ ਸਕਾ ਪੁੱਤ ਸਮਝਦੇ ਹਨ। ਜਦੋਂ ਮੁੱਖ ਮੰਤਰੀ ਨੂੰ ਇਹ ਪੁੱਛਿਆ ਗਿਆ ਕਿ ਕਾਂਗਰਸ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਇਹ ਕਹਿ ਰਹੇ ਹਨ ਕਿ 'ਕਾਲੀ ਸਰਕਾਰ ਕੇਂਦਰ ਦੀਆਂ ਯੋਜਨਾਵਾਂ ਦਾ ਪੈਸਾ ਸੰਗਤ ਦਰਸ਼ਨਾਂ ਵਿਚ ਵੰਡ ਕੇ ਖੁਦ ਨੂੰ ਚਮਕਾ ਰਹੀ ਹੈ, ਕੀ ਇਹ ਦੋਸ਼ ਠੀਕ ਹਨ? ਤਾਂ ਮੁੱਖ ਮੰਤਰੀ ਨੇ ਕਿਹਾ ਕਿ ਸੰਗਤ ਦਰਸ਼ਨਾਂ ਵਿਚ ਵੰਡਿਆ ਜਾਣ ਵਾਲਾ ਪੈਸਾ ਪੰਜਾਬ ਦਾ ਹੀ ਹੈ, ਕੇਂਦਰ ਸਰਕਾਰ ਪੰਜਾਬ ਕੋਲੋਂ 100 ਰੁਪਿਆ ਲੈ ਕੇ 30 ਮੋੜਦੀ ਹੈ, ਜੇ ਕੇਂਦਰ ਸਾਡੇ ਕੋਲੋਂ ਪੈਸਾ ਨਾ ਲਵੇ ਤਾਂ ਸਾਨੂੰ ਲੋੜ ਹੀ ਨਾ ਪਵੇ ਕੇਂਦਰੀ ਯੋਜਨਾਵਾਂ ਦੇ ਪੈਸੇ ਦੀ। ਰਾਹੁਲ ਗਾਂਧੀ ਵੱਲੋਂ ਭਾਜਪਾ ਨੂੰ 'ਚੋਰ' ਜਮਾਤ ਕਹਿਣ ਦੀ ਨਿਖੇਧੀ ਕਰਦਿਆਂ ਸ੍ਰੀ ਬਾਦਲ ਨੇ ਕਿਹਾ ਕਿ ਰਾਹੁਲ ਨੂੰ ਮਰਿਆਦਾ 'ਚ ਰਹਿਣਾ ਚਾਹੀਦਾ ਹੈ, ਕਿਸੇ ਪਾਰਟੀ ਪ੍ਰਤੀ ਗੈਰ-ਸਭਿਅਕ ਟਿੱਪਣੀ ਨਹੀਂ ਕਰਨੀ ਚਾਹੀਦੀ, ਮੈਂ ਆਪਣੇ ਸਿਆਸੀ ਜੀਵਨ ਵਿਚ ਕਿਸੇ ਸਿਆਸੀ ਪਾਰਟੀ ਪ੍ਰਤੀ ਇਸ ਤਰਾਂ ਦੀ ਕਦੇ ਟਿੱਪਣੀ ਨਹੀਂ ਕੀਤੀ। ਵਿਰੋਧੀ ਧਿਰ ਦੇ ਨੇਤਾ ਸੁਨੀਲ ਜਾਖੜ ਵੱਲੋਂ ਉਠਾਈ ਇਸ ਮੰਗ ਦੇ ਜਵਾਬ ਵਿਚ ਕਿ ਡਰੱਗਜ਼ ਸਕੈਂਡਲ 'ਚ ਸ਼ਮੂਲੀਅਤ ਵਾਲੇ ਕੁਝ ਅਕਾਲੀ ਨੇਤਾਵਾਂ ਨੂੰ ਸਰਕਾਰ ਬਚਾਉਂਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਇਸ ਲਈ ਮਾਮਲੇ ਦੀ ਜਾਂਚ ਕੇਂਦਰ ਦੀ ਕਿਸੇ ਏਜੰਸੀ ਕੋਲੋਂ ਕਰਵਾਈ ਜਾਵੇ ਤਾਂ ਸ੍ਰ: ਬਾਦਲ ਨੇ ਕਿਹਾ ਕਿ ਇਹ ਸਾਰੇ ਦੋਸ਼ ਨਿਰਮੂਲ ਹਨ, ਇਸ ਮਾਮਲੇ ਵਿਚ ਨਿਰਪੱਖ ਕਾਰਵਾਈ ਕੀਤੀ ਜਾ ਰਹੀ ਹੈ ਤੇ ਜਿਸ ਕਿਸੇ ਦੀ ਇਸ ਸਕੈਂਡਲ ਵਿਚ ਸ਼ਮੂਲੀਅਤ ਪਾਈ ਗਈ ਉਸ ਖਿਲਾਫ਼ ਕਾਰਵਾਈ ਹਰ ਹੀਲੇ ਹੋਵੇਗੀ। ਇਸ ਤੋਂ ਪਹਿਲਾਂ ਮੁੱਖ ਮੰਤਰੀ ਨੇ ਸੰਗਤ ਦਰਸ਼ਨ ਪ੍ਰੋਗਰਾਮਾਂ ਵਿਚ ਸੰਬੋਧਨ ਕਰਦਿਆਂ ਕਿਹਾ ਕਿ ਗੁਜ਼ਰਦੇ ਵਕਤ ਨਾਲ ਕਿਸਾਨਾਂ ਕੋਲ ਜ਼ਮੀਨਾਂ ਘੱਟ ਰਹਿ ਗਈਆਂ ਹਨ, ਉੱਤੋਂ ਕੁਦਰਤੀ ਕਰੋਪੀਆਂ ਅਤੇ ਵਧੀ ਲਾਗਤ ਨੇ ਖੇਤੀ ਸਨਅਤ ਨੂੰ ਘਾਟੇਵੰਦ ਬਣਾ ਦਿੱਤਾ ਹੈ। ਉਨਾਂ ਕਿਹਾ ਕਿ ਸੇਮ ਪ੍ਰਭਾਵਿਤ ਇਸ ਇਲਾਕੇ ਵਿਚ ਕਿਸਾਨਾਂ ਨੂੰ ਰਕਬਾ ਜੰਗਲਾਤ ਹੇਠ ਲਿਆਉਂਣਾ ਚਾਹੀਦਾ ਹੈ, ਇਸ ਲਈ ਪਾਪੂਲਰ ਅਤੇ ਸਫੈਦੇ ਦੇ ਬੂਟੇ ਉੱਤਮ ਹਨ, ਇਸ ਕਾਰਜ ਲਈ ਜਿੱਥੇ ਸਰਕਾਰ ਮੁਫ਼ਤ ਬੂਟੇ ਮੁਹੱਈਆ ਕਰਵਾਉਂਦੀ ਹੈ, ਉੱਥੇ ਇਕ ਸਾਲ ਦਾ ਸਾਰਾ ਖਰਚ ਸਰਕਾਰ ਉਠਾਉਂਦੀ ਹੈ। ਉਨਾਂ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਮੱਛੀ ਪਾਲਣ ਅਤੇ ਸੂਰ ਪਾਲਣ ਜਿਹੇ ਸਹਾਇਕ ਧੰਦੇ ਵੀ ਕਿਸਾਨਾਂ ਨੂੰ ਅਪਨਾਉਂਣੇ ਚਾਹੀਦੇ ਹਨ। ਮੁੱਖ ਮੰਤਰੀ ਦੀ ਇਸ ਅਪੀਲ ਤੋਂ ਪ੍ਰਭਾਵਿਤ ਹੋ ਕੇ ਦਰਜ਼ਨਾ ਕਿਸਾਨਾਂ ਨੇ ਸਹਾਇਕ ਧੰਦਿਆਂ ਨੂੰ ਅਪਨਾਉਂਣ ਦੀ ਹਾਮੀ ਵੀ ਭਰੀ। ਇਸ ਤੋਂ ਪਹਿਲਾਂ ਅੱਜ ਸਵੇਰੇ ਮੁੱਖ ਮੰਤਰੀ ਨੇ ਲੰਬੀ ਹਲਕੇ ਦੇ ਪਿੰਡ ਕੱਟਿਆਂਵਾਲੀ ਤੋਂ ਦੌਰੇ ਦੀ ਸ਼ੁਰੂਆਤ ਕਰਕੇ ਪੱਕੀ ਟਿੱਬੀ, ਗੁਰੂਸਰ ਯੋਧਾ, ਢਾਣੀ ਬਰਕੀ, ਢਾਣੀ ਕੁੰਦਨ ਸਿੰਘ, ਕੋਲਿਆਂਵਾਲੀ, ਛਾਪਿਆਂਵਾਲੀ ਅਤੇ ਡੱਬਵਾਲੀ ਢਾਬ ਪਿੰਡਾਂ ਵਿਚ ਸੰਗਤ ਦਰਸ਼ਨ ਕੀਤਾ। ਜਿੱਥੇ ਮੁੱਖ ਮੰਤਰੀ ਨੇ ਲੋਕਾਂ ਦੀਆਂ ਮੁਸ਼ਕਲਾਂ ਸੁਣੀਆਂ ਅਤੇ ਸਕੂਲਾਂ, ਗਲੀਆਂ-ਨਾਲਿਆਂ, ਖੇਡਾਂ, ਸੇਮ ਨਾਲਿਆਂ, ਸੜਕਾਂ, ਧਰਮਸ਼ਾਲਾਵਾਂ ਦੇ ਵਿਕਾਸ ਕਾਰਜਾਂ ਲਈ ਗ੍ਰਾਟਾਂ ਦੀ ਬਰਸਾਤ ਕੀਤੀ। ਉਨਾਂ ਕੁਝ ਲੋੜਵੰਦਾਂ ਨੂੰ ਨਗਦ ਰਾਸ਼ੀ ਵੀ ਤਕਸੀਮ ਕੀਤੀ। ਇਸ ਮੌਕੇ 'ਤੇ ਡਿਪਟੀ ਕਮਿਸ਼ਨਰ ਪਰਮਜੀਤ ਸਿੰਘ, ਮੁੱਖ ਮੰਤਰੀ ਦੇ ਪ੍ਰਿੰਸੀਪਲ ਸਕੱਤਰ ਕੇ ਜੇ ਐਸ ਚੀਮਾ, ਜੱਥੇਦਾਰ ਦਿਆਲ ਸਿੰਘ ਕੋਲਿਆਂਵਾਲੀ ਕਾਰਜਕਾਰਨੀ ਮੈਂਬਰ ਐਸ.ਜੀ.ਪੀ.ਸੀ., ਚੇਅਰਮੈਨ ਲਖਵਿੰਦਰ ਸਿੰਘ ਰੋਹੀ ਵਾਲਾ, ਕਾਕਾ ਭਾਈ ਕੇਰਾ ਚੇਅਰਮੈਨ ਪਨਕੋਫੈੱਡ, ਪ੍ਰਮਿੰਦਰ ਸਿੰਘ ਕੋਲਿਆਂਵਾਲੀ, ਜਗਦੀਸ਼ ਸਿੰਘ ਬੁਰਜ ਸਿੱਧਵਾਂ ਚੇਅਰਮੈਨ ਸਹਿਕਾਰੀ ਬੈਂਕ, ਸੁਖਪਾਲ ਸਿੰਘ ਸਰਪੰਚ ਦਾਨੇਵਾਲਾ, ਦੀਪਾ ਕੋਲਿਆਂਵਾਲੀ, ਦਲਜਿੰਦਰ ਬਿੱਲਾ (ਸਰਾਵਾਂ), ਰੂਬੀ ਬਰਾੜ ਆਦਿ ਹਾਜ਼ਰ ਸਨ।

ਕਾਊਂਟਰ ਇੰਟੈਲੀਜੈਂਸ ਨੇ 55 ਕਿਲੋ ਅਫੀਮ ਦਾ ਦੁੱਧ ਬਰਾਮਦ ਕੀਤਾ, ,ਗਰੋਹ ਦੇ ਸਰਗਨੇ ਰਾਜ ਮੋਦਰ ਸਮੇਤ ਤਿੰਨ ਕਾਬੂ

www.sabblok.blogspot.com

ਬਠਿੰਡਾ/20 ਨਵੰਬਰ/ ਬੀ ਐਸ ਭੁੱਲਰਅਫੀਮ ਦੇ 55 ਕਿਲੋਗ੍ਰਾਮ ਦੁੱਧ ਦੀ ਬਰਾਮਦਗੀ ਨਾਲ ਕਾਉਂਟਰ ਇੰਟੈਲੀਜੈਂਸ ਨੇ ਤਿੰਨ ਮੈਂਬਰੀ ਇੱਕ ਅਜਿਹੇ ਗਰੋਹ ਨੂੰ ਗਿਰਫਤਾਰ ਕੀਤੈ, ਜਿਸਦਾ ਸਰਗਨਾ ਰਾਜ ਮੋਦਰ 1976 ਤੋਂ ਸਮਗਲਿੰਗ ਦੇ ਧੰਦੇ ਨਾਲ ਹੀ ਜੁੜਿਆ ਨਹੀਂ ਬਲਕਿ ਤਿੰਨ ਸਾਲ ਦੇ ਕਰੀਬ ਕੌਫੀ ਪੋਸਾ ਐਕਟ ਤਹਿਤ ਜੇਲ੍ਹ ਬੰਦ ਰਹਿਣ ਤੋਂ ਇਲਾਵਾ ਅੱਜ ਕੱਲ੍ਹ ਅਫੀਮ ਦੇ ਮੁਕੱਦਮੇ ਚੋਂ ਜਮਾਨਤ ਤੇ ਆਇਆ ਹੋਇਆ ਸੀ।

 ਅੱਜ ਇੱਥੇ ਇੱਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਕਾਊਂਟਰ ਇੰਟੈਲੀਜੈਂਸ ਦੇ ਇੰਸਪੈਕਟਰ ਜਨਰਲ ਡਾ: ਜਤਿੰਦਰ ਜੈਨ ਨੇ ਦੱਸਿਆ ਕਿ ਉਹਨਾਂ ਦੀ ਇੱਕ ਟੀਮ ਨੇ ਆਰ ਜੇ 31 ਜੀ- 5018 ਨੰਬਰ ਦੇ ਇੱਕ ਅਜਿਹੇ ਟਰੱਕ ਨੂੰ ਥਾਨਾ ਸੰਗਤ ਦੀ ਹਦੂਦ ਚੋਂ ਕਾਬੂ ਕਰਕੇ ਜਦ ਉਸਦੀ ਤਲਾਸੀ ਲਈ, ਤਾਂ ਡੀਜਲ ਵਾਲੀ ਟੈਂਕੀ ਵਿੱਚ ਬਣਾਏ ਹੋਏ ਇੱਕ ਖਾਸ ਰਖਣੇ ਚੋਂ ਅਫੀਮ ਦਾ 55 ਕਿਲੋਗ੍ਰਾਮ ਦੁੱਧ ਬਰਾਮਦ ਹੋ ਗਿਆ। ਥਾਨਾ ਸੰਗਤ ਵਿਖੇ ਐਨ ਡੀ ਪੀ ਐਸ ਐਕਟ ਅਧੀਨ ਦਰਜ ਕੀਤੇ ਮੁਕੱਦਮੇ ਰਾਹੀਂ ਰਾਮਪੁਰਾ ਦੇ ਰਾਜ ਕੁਮਾਰ ਉਰਫ ਮੋਦਰ, ਦਲਵਿੰਦਰ ਸਿੰਘ ਉਰਫ ਕਾਕਾ ਅਤੇ ਬਿੱਟੂ ਸਿੰਘ ਨੂੰ ਗਿਰਫਤਾਰ ਕਰ ਲਿਆ।

ਉਹਨਾਂ ਦੱਸਿਆ ਕਿ ਇਹ ਅਫੀਮ ਰਾਜਸਥਾਨ ਦੇ ਭੀਲਵਾੜਾ ਤੋਂ ਲਿਆਂਦੀ ਜਾ ਰਹੀ ਸੀ, ਇਸ ਗਰੋਹ ਦੀ ਕਾਰਜਸ਼ੈਲੀ ਬਾਰੇ ਜਾਣਕਾਰੀ ਦਿੰਦਿਆਂ ਡਾ: ਜੈਨ ਨੇ ਕਿਹਾ ਕਿ ਮੁਢਲੀ ਪੁੱਛਗਿੱਛ ਦੌਰਾਨ ਕਥਿਤ ਦੋਸੀਆਂ ਨੇ ਇਹ ਇਕਬਾਲ ਕੀਤਾ ਹੈ, ਕਿ ਇਸ ਸਾਲ ਦੌਰਾਨ ਚਾਰ ਖੇਪਾਂ ਰਾਹੀਂ ਉਹ ਹੁਣ ਤੱਕ ਡੇਢ ਸੌ ਕਿਲੋਗ੍ਰਾਮ ਅਫੀਮ ਲਿਆ ਕੇ ਵੇਚ ਚੁੱਕੇ ਹਨ। ਇੱਥੇ ਇਹ ਜਿਕਰਯੋਗ ਹੈ ਕਿ ਗਰੋਹ ਦਾ ਸਰਗਨਾ ਰਾਜ ਮੋਦਰ 1976 ਤੋਂ ਅਫੀਮ ਦੇ ਧੰਦੇ ਨਾਲ ਜੁੜਿਆ ਹੋਇਆ ਹੈ। ਉਸ ਵਿਰੁੱਧ ਅਫੀਮ ਦੀ ਸਮਗ¦ਿਗ ਦੇ ਅੱਧੀ ਦਰਜਨ ਮੁਕੱਦਮੇ ਦਰਜ ਹੋ ਚੁੱਕੇ ਹਨ।

 ਮੋਦਰ ਤੋਂ 6 ਦਸੰਬਰ 2000 ਨੂੰ ਥਾਨਾ ਸੰਗਤ ਦੀ ਪੁਲਿਸ ਨੇ 75 ਕਿਲੋਗ੍ਰਾਮ ਅਫੀਮ ਬਰਾਮਦ ਕੀਤੀ ਸੀ, ਜਿਸ ਵਿੱਚ ਉਸਨੂੰ 12 ਸਾਲ ਦੀ ਕੈਦ ਅਤੇ ਇੱਕ ਲੱਖ ਰੁਪਏ ਦਾ ਜੁਰਮਾਨਾ ਹੋਇਆ ਸੀ, ਜਦ ਕਿ 2 ਨਵੰਬਰ 2007 ਨੂੰ ਥਾਨਾ ਸਰਦੂਲਗੜ੍ਹ ਦੀ ਪੁਲਿਸ ਵੱਲੋਂ ਬਰਾਮਦ ਕੀਤੀ 20 ਕਿਲੋਗ੍ਰਾਮ ਅਫੀਮ ਦੇ ਦੋਸ ਤਹਿਤ 10 ਸਾਲ ਦੀ ਕੈਦ ਅਤੇ ਇੱਕ ਲੱਖ ਰੁਪਏ ਦਾ ਜੁਰਮਾਨਾ ਹੋ ਚੁੱਕਾ ਹੈ। 2002 ਤੋਂ 2005 ਤੱਕ ਉਹ ਕੌਫੀ ਪੋਸਾ ਐਕਟ ਤਹਿਤ ਬਠਿੰਡਾ ਜੇਲ੍ਹ ਵਿੱਚ ਬੰਦ ਰਹਿ ਚੁੱਕਾ ਹੈ। ਜਦ ਉਹ ਜੇਲ੍ਹ ਵਿੱਚ ਬੰਦ ਸੀ, ਤਾਂ ਦਲਵਿੰਦਰ ਉਰਫ ਕਾਕਾ ਅਤੇ ਬਿੱਟੂ ਸਿੰਘ ਰਾਜਸਥਾਨ ਤੋਂ ਸਪਲਾਈ ਹੋਣ ਵਾਲੀ ਉਸਦੀ ਅਫੀਮ ਬਠਿੰਡਾ ਬਰਨਾਲਾ ਰਾਮਪੁਰਾ ਮੋਗਾ ਜ¦ਧਰ ਅਤੇ ਲੁਧਿਆਣਾ ਜਿਲ੍ਹਿਆਂ ਵਿੱਚ ਵੇਚਿਆ ਕਰਦੇ ਸਨ।

ਰਾਜ ਮੋਦਰ ਇਸ ਵਰ੍ਹੇ ਦੇ ਅਕਤੂਬਰ ਮਹੀਨੇ ਵਿੱਚ ਹੀ ਅਫੀਮ ਦੇ ਕੇਸ ਅਧੀਨ ਹੋਈ ਕੈਦ ਚੋਂ ਬਠਿੰਡਾ ਦੀ ਕੇਂਦਰੀ ਜੇਲ੍ਹ ਚੋਂ ਰਿਹਾਅ ਹੋਇਆ ਸੀ, ਬਾਹਰ ਆਉਂਦਿਆਂ ਹੀ ਉਹ ਮੁੜ ਸਮਗਲਿੰਗ ਦੇ ਕਾਰੋਬਾਰ ਵਿੱਚ ਜੁਟ ਗਿਆ। ਇੱਥੇ ਇਹ ਵੀ ਜਿਕਰਯੋਗ ਹੈ ਕਿ 75 ਕਿਲੋ ਅਫੀਮ ਦੀ ਬਰਾਮਦਗੀ ਵੀ ਡਾ: ਜੈਨ ਦੇ ਐਸ ਐਸ ਪੀ ਵਜੋਂ ਬਠਿੰਡਾ ਕਾਰਜਕਾਲ ਦੌਰਾਨ ਹੀ ਹੋਈ ਸੀ ਅਤੇ ਹੁਣ ਵੀ ਉਹਨਾਂ ਦੀ ਅਗਵਾਈ ਹੇਠਲੀ ਕਾਊਂਟਰ ਇੰਟੈਲੀਜੈਂਸ ਨੇ ਉਸਤੋਂ ਇਸ ਸਾਲ ਦੀ ਸਭ ਤੋਂ ਵੱਡੀ ਖੇਪ ਬਰਾਮਦ ਕਰਨ ਵਿੱਚ ਸਫ਼ਲਤਾ ਹਾਸਲ ਕੀਤੀ ਹੈ।