ਕਲੋਨ
12 ਮਈ (ਸਮੇਂ ਦੀ ਅਵਾਜ਼) :- ਗੁਰਦੁਆਰਾ ਸ੍ਰੀ ਦਸ਼ਮੇਸ਼ ਸਿੰਘ ਸਭਾ ਕਲੋਨ ਵਲੋਂ ਹਫਤਾਵਾਰੀ
ਪ੍ਰੋਗਰਾਮ ਮਨਾਉਂਦਿਆਂ ਹੋਇਆ ਜਰਮਨ ਤੋਂ ਬੀਬੀ ਕਰਤਾਰ ਕੌਰ ਜੀ ਦੇ ਜਥੇ ਵਲੋਂ ਬਹੁਤ ਹੀ
ਵਧੀਆ ਢੰਗ ਨਾਲ ਪੱਕੇ ਰਾਗਾਂ ਵਿੱਚ ਕੀਰਤਨ ਕੀਤਾ । ਜਿਸਨੂੰ ਵੱਖਰੇ – ਵੱਖਰੇ ਰਾਗਾਂ
ਵਿੱਚ ਗਾ ਕੇ ਅਤੇ ਰਾਗਾਂ ਦੀ ਪ੍ਰੀਭਾਸ਼ਾ ਨੂੰ ਵੀ ਜਰਮਨ ਵਿੱਚ ਸੰਗਤਾਂ ਦੇ ਰੂ – ਬਰੂ
ਕੀਤਾ । ਜਿਸਨੂੰ ਸੰਗਤਾਂ ਨੇ ਬਹੁਤ ਹੀ ਪਸੰਦ ਕੀਤਾ ।
ਅੱਜ
ਦੇ ਪ੍ਰੋਗਰਾਮ ਦੀ ਸੇਵਾ ਬਲਰਾਜ ਸਿੰਘ ਦੇ ਪ੍ਰਵਾਰ ਵਲੋਂ ਆਪਣੇ ਬੱਚਿਆਂ ਦੇ ਜਨਮਦਿਨ ਦੀ
ਖੁਸ਼ੀ ਵਿੱਚ ਸ੍ਰੀ ਸੁਖਮਨੀ ਸਾਹਿਬ ਜੀ ਪਾਠ ਦੇ ਜਾਪ ਕਰਵਾਏ ਗਏ ਅਤੇ ਸੰਗਤਾਂ ਦੀ ਚਾਹ –
ਪਾਣੀ ਦੀ ਸੇਵਾ ਦੇ ਨਾਲ – ਨਾਲ ਮਠਿਆਈਆਂ ਅਤੇ ਪਕੌੜਿਆਂ - ਸਮੋਸਿਆਂ ਦੀ ਸੇਵਾ ਨਾਲ ਹੋਰ
ਵੀ ਖੁਸ਼ੀਆਂ ਲਈਆਂ ਗਈਆਂ ।
ਜਥੇਦਾਰ
ਰੇਸ਼ਮ ਸਿੰਘ ਬੱਬਰ ਵਲੋਂ ਜਿੱਥੇ ਰੈਣਿ ਸਬਾਈ ਕੀਰਤਨ ਦੇ ਪ੍ਰੋਗਰਾਮ ਦੀ ਵਿਸਥਾਰ ਸਹਿਤ
ਜਾਣਕਾਰੀ ਦਿੱਤੀ ਅਤੇ ਨਾਲ ਹੀ 18 ਮਈ ਸ਼ਾਮ ਨੂੰ ਹੋਣ ਜਾ ਰਹੇ ਅੰਮ੍ਰਿਤ ਸੰਚਾਰ ਬਾਰੇ
ਸਮੂਹ ਸੰਗਤਾਂ ਨੂੰ ਬੇਨਤੀ ਕੀਤੀ ਕਿ ਜਿਨ੍ਹਾਂ ਪ੍ਰਾਣੀਆਂ ਅਜੇ ਤੱਕ ਅੰਮ੍ਰਿਤਪਾਨ ਨਹੀਂ
ਕੀਤਾ, ਉਹ ਗੁਰੂ ਵਾਲੇ ਬਣਕੇ ਆਪਣੇ ਪੰਥ ਦੀ ਸੇਵਾ ਵਿੱਚ ਹੋਰ ਵੀ ਵੱਧ ਚੜ੍ਹਕੇ ਹਿੱਸਾ
ਪਾਉਣ । ਜਿੱਥੇ ਉਨ੍ਹਾਂ ਇਨ੍ਹਾਂ ਬੀਬੀਆਂ ਦੇ ਕੀਰਤਨ ਦੀ ਵਡਿਆਈ ਕੀਤੀ, ਉਥੇ ਉਨ੍ਹਾਂ
ਬਲਰਾਜ ਸਿੰਘ ਦੇ ਬੱਚਿਆਂ ਨੂੰ ਲੰਬੇਰੀ ਉਪਰ ਦੀ ਕਾਮਨਾ ਵੀ ਕੀਤੀ । ਸ੍ਰ: ਹਰਪਾਲ ਸਿੰਘ
ਸਟੇਜ ਸਕੱਤਰ ਅਗਲੇ ਹਫਤੇ ਦੇ ਪ੍ਰੋਗਰਾਮ ਨੂੰ ਤਫਸੀਲ ਸਹਿਤ ਦੱਸਿਆ । ਉਸੇ ਦਿਨ ਹੀ 12 ਮਈ
2013 ਨੂੰ ਜਰਮਨੀ ਦੇ ਸ਼ਹਿਰ ਕਲੋਨ ਵਿਖੇ ਪੰਜਾਬੀ ਫਿਲਮ ਸਾਡਾ ਹੱਕ ਜੋ ਜਰਮਨ ਥਿਏਟਰ
ਵਿੱਚ ਲਗਾਈ ਜਾਣੀ ਸੀ ਬਾਰੇ ਵੀ ਸੰਗਤਾਂ ਨੂੰ ਜਾਣਕਾਰੀ ਦਿੱਤੀ ।
ਸਾਰਾ ਪ੍ਰੋਗਰਾਮ ਬਹੁਤ ਹੀ ਚੜ੍ਹਦੀ ਕਲਾ ਵਿੱਚ ਹੋਇਆ ਅਤੇ ਗੁਰੂ ਕੇ ਲੰਗਰ ਅਤੁੱਟ ਵਰਤਾਏ ਗਏ ।
No comments:
Post a Comment