ਗੁਪਤਾ , ਢੀਂਡਸਾ ਅਤੇ ਬਾਘਾ ਵਲੋਂ ਮੇਅਰ ਵਜੋਂ ਹਲਫ ਲਿਆ - ਭਾਰਤੀ ਭਾਈਚਾਰੇ ਲਈ ਮਾਣ ਦੀ ਗੱਲ

www.sabblok.blogspot.com

ਈਲਿੰਗ ਦੇ ਮੇਅਰ ਕਮਲਜੀਤ ਸਿੰਘ ਢੀਂਡਸਾ , ਡਿਪਟੀ ਮੇਅਰ ਤੇਜ ਰਾਮ ਬਾਘਾ , ਹੰਸਲੋ ਦੇ ਮੇਅਰ ਸਚੀਨ ਗੁਪਤਾ

ਲੰਡਨ, 16 ਮਈ (ਸੰਘਾ)- ਲੰਡਨ ਬਾਰੋ ਦੀਆਂ ਦੋ ਕੌਸਲਾਂ ਹੰਸਲੋ ਅਤੇ ਈਲਿੰਗ ਵਿਚ ਪੰਜਾਬੀ ਕਾਸਲਰਾਂ ਦੀ ਤੂਤੀ ਬੋਲਦੀ ਹੈ, ਪੰਜਾਬੀਆਂ ਦੇ ਵੱਡੇ ਗੜ੍ਹ ਇਨ੍ਹਾਂ ਦੋਵਾਂ ਬਾਰੋ ਵਿਚ ਹਨ | ਇਥੋਂ ਦੇ ਹੀ ਦੋ ਪੰਜਾਬੀ ਮੂਲ ਦੇ ਐਮ. ਪੀ. ਵੀ. ਹਨ | ਬੀਤੇ ਦਿਨ ਦੋਵਾਂ ਬਾਰੋ ਵਿਚ ਹੋਏ ਸਹੁੰ ਚੁੱਕ ਸਮਾਗਮ ਦੌਰਾਨ ਬਾਰੋ ਦੇ ਕਾਸਲਰ ਸਚਿਨ ਗੁਪਤਾ ਨੇ ਮੇਅਰ ਵਜੋਂ ਸਹੁੰ ਚੁੱਕੀ | ਉਹ ਪੰਜਾਬ ਦੇ ਅੰਮ੍ਤਿਸਰ ਸ਼ਹਿਰ ਦੇ ਜੰਮਪਲ ਹਨ | 1998 ਤੋਂ ਇੰਗਲੈਂਡ ਵਿਚ ਰਹਿ ਰਹੇ ਸਚਿਨ 2010 ਵਿਚ ਕਾਸਲਰ ਬਣੇ ਅਤੇ ਕੈਬਨਿਟ ਮੈਂਬਰ ਹੁੰਦਿਆਂ ਕਈ ਅਹਿਮ ਵਿਭਾਗਾਂ ਵਿਚ ਕੰਮ ਕੀਤਾ | ਉਹ ਹੰਸਲੋ ਦੇ ਹੁਣ ਤੱਕ ਦੇ ਸਭ ਤੋਂ ਛੋਟੀ ਉਮਰ ਦੇ ਮੇਅਰ ਹਨ |ਜਦ ਕਿ ਈਲਿੰਗ ਕਾਸਲ ਵਿਚ ਸ੍ਰ: ਕਮਲਜੀਤ ਸਿੰਘ ਢੀਂਡਸਾ ਨੇ ਮੇਅਰ ਪਦ ਲਈ ਸੋਂਹ ਚੁੱਕੀ ਹੈ, ਕਾਸਲਰ ਢੀਂਡਸਾ ਲੁਧਿਆਣਾ ਜ਼ਿਲ੍ਹੇ ਦੇ ਪਿੰਡ ਢੀਂਡਸਾ ਦੇ ਹਨ ਪਰ ਜ਼ਿਆਦਾ ਸਮਾਂ ਖੰਨੇ ਵਿਚ ਬੀਤਿਆ ਹੈ | ਉਹ 1998 ਤੋਂ ਬਤੌਰ ਕਾਸਲਰ ਸੇਵਾਵਾਂ ਨਿਭਾਉਂਦੇ ਆ ਰਹੇ ਹਨ | ਜਲੰਧਰ ਜ਼ਿਲ੍ਹੇ ਦੇ ਪਿੰਡ ਜੌਹਲ ਬਲੇਨਾ ਦੇ ਜੰਮਪਲ ਮਾਸਟਰ ਤੇਜ ਰਾਮ ਬਾਘਾ ਨੇ ਅੱਜ ਈਲਿੰਗ ਕਾਸਲ ਦੇ ਬਤੌਰ ਡਿਪਟੀ ਮੇਅਰ ਸਾਹ ਚੁੱਕੀ ਹੈ | ਉਹ 1963 ਤੋਂ ਯੂæ ਕੇæ ਵਿਖੇ ਰਹਿ ਰਹੇ ਹਨ ਅਤੇ 1994 ਤੋਂ ਲਗਾਤਾਰ ਕਾਸਲਰ ਬਣੇ ਹੋਏ ਹਨ |