ਜਦੋ ਪ੍ਰੋਫ਼ੈਸਰ ਭੁੱਲਰ ਨਾਲ ਕੁਝ ਵਿਦਿਆਰਥਣਾ ਮੁਲਕਾਤ ਕਰਨ ਵਾਸਤੇ ਪਹੁੰਚੀਆੰ ਤਾ ਮਹੋਲ ਬੇਹੱਦ ਭਾਵਕ ਹੋ ਗਿਆ

ਅੰਮ੍ਰਿਤਸਰ, 14 ਜੂਨ (ਚਰਨਜੀਤ ਸਿੰਘ): 
ਅੰਮ੍ਰਿਤਸਰ ਦੇ ਸਵਾਮੀ ਵਿਵੇਕਾਨੰਦ ਨਸ਼ਾ ਛਡਾਓ ਅਤੇ ਮਾਨਸਿਕ ਰੋਗਾਂ ਦੇ ਹਸਪਤਾਲ ਵਿਚ ਮਾਹੌਲ ਉਦੋ ਬੇਹਦ ਭਾਵੁਕ ਹੋ ਗਿਆ ਜਦ ਸਰਕਾਰੀ ਮੈਡੀਕਲ ਕਾਲਜ ਵਿਚ ਬੀ.ਐਸ.ਸੀ ਨਰਸਿੰਗ ਦੀਆ ਕੁਝ ਵਿਦਿਆਰਥਣਾਂ ਨੇ ਪ੍ਰੋਫੈਸਰ ਭੁੱਲਰ ਨਾਲ ਮੁਲਾਕਾਤ ਕਰਨ ਲਈ ਪ੍ਰਸ਼ਾਸਨ ਤੱਕ ਪਹੁੰਚ ਕੀਤੀ। ਕਰੀਨੇ ਨਾਲ ਸਜਾਏ ਹੋਏ ਦੁਮਾਲਿਆ ਵਾਲੀਆ ਇਹਨਾ ਵਿਦਿਆਰਥਣਾਂ ਨੂੰ ਦੇਖ ਕੇ ਪ੍ਰੋਫੈਸਰ ਭੁੱਲਰ ਦੀ ਧਰਮ ਪਤਨੀ ਬੀਬੀ ਨਵਨੀਤ ਕੌਰ ਵੀ ਇਕ ਵਾਰ ਹੈਰਾਨ ਹੋ ਗਈ। ਕਿਉਂਕਿ ਕਿਸੇ ਅਣਜਾਣ ਵਿਅਕਤੀ ਦਾ ਮੁਲਾਕਾਤ ਲਈ ਜ਼ੋਰ ਪਾਉਣਾ ਉਹਨਾ ਦੀ ਹੈਰਾਨਗੀ ਦਾ ਸਬਬ ਸੀ। ਜਿਲਾ ਪ੍ਰਸ਼ਾਸਨ ਅਤੇ ਜੇਲ ਪ੍ਰਸ਼ਾਸਨ ਨੇ ਇਹਨਾ ਵਿਦਿਆਰਥਣਾਂ ਨੂੰ ਪ੍ਰੋਫੈਸਰ ਭੁੱਲਰ ਨਾਲ ਮੁਲਾਕਾਤ ਕਰਨ ਦੀ ਇਜ਼ਾਜਤ ਨਹੀਂ ਦਿੱਤੀ ਕਿਉਂਕਿ ਇਹਨਾ ਕੋਲ ਲੌੜੀਦੇ ਦਸਤਾਵੇਜ਼ ਮੌਜੂਦ ਨਹੀਂ ਸੀ। ਵਿਦਿਆਰਥਣਾਂ ਦੀ ਅਗਵਾਈ ਕਰ ਰਹੀਆਂ ਬੀਬਾ ਪ੍ਰਵਿੱਤਰਪ੍ਰੀਤ ਕੌਰ ਅਤੇ ਰੁਪਿੰਦਰ ਕੌਰ ਨੇ ਪੱਤਰਕਾਰਾ ਸਾਹਮਣੇ ਬੇਬਾਕੀ ਨਾਲ ਜਵਾਬ ਦਿੰਦਿਆ ਹੋਇਆ ਕਿਹਾ ਕਿ ਪ੍ਰੋਫੈਸਰ ਭੁੱਲਰ ਬਾਰੇ ਅਸੀ ਅਖਬਾਰਾ, ਰਸਾਲਿਆ ਅਤੇ ਹੋਰ ਸੰਚਾਰ ਸਾਧਾਨਾ ਰਾਹੀ ਪੜਿਆ ਅਤੇ ਸੁਣਿਆ ਹੈ। ਜਦੋ ਦਾ ਸਾਨੂੰ ਪਤਾ ਲੱਗਾ ਹੈ ਕਿ ਉਹ ਅੰਮ੍ਰਿਤਸਰ ਵਿਚ ਜੇਰੇ ਇਲਾਜ ਹਨ। ਅਸੀ ਉਹਨਾ ਨੂੰ ਮਿਲਣ ਲਈ ਉਤਾਵਲੀਆ ਹਾਂ। ਉਹ ਸਾਡੀ ਕੌਮ ਦੀ ਮਹਾਨ ਹਸਤੀ ਹੈ। ਸਾਨੂੰ ਉਹਨਾ ਤੇ ਮਾਣ ਹੈ। ਇਸ ਸਮੇਂ ਪ੍ਰੋਫੈਸਰ ਭੁੱਲਰ ਨੂੰ ਮੌਰਲ ਅਤੇ ਸ਼ੋਸਲ ਸਪੋਟ ਦੀ ਬਹੁਤ ਜਰੂਰਤ ਹੈ।ਦੋਹਾਂ ਵਿਦਿਆਰਥਣਾਂ ਨੇ ਕਿਹਾ ਕਿ ਪ੍ਰੋਫੈਸਰ ਭੁੱਲਰ ਗੁਰੂ ਕੇ ਸਿੰਘ ਹਨ ਅਤੇ ਅਸੀ ਅਜਿਹੀ ਸ਼ਖਸ਼ੀਅਤ ਦੇ ਦਰਸ਼ਨ ਕਰਨੇ ਵੱਡੇ ਭਾਗ ਸਮਝਦੀਆ ਹਾਂ। ਦੋਹਾ ਬੱਚੀਆ ਨੇ ਕਿਹਾ ਕਿ ਅਸੀ ਖੁਸ਼ਕਿਸਮਤ ਹਾਂ ਕਿ ਸਾਡੀ ਕੌਮ ਕੋਲ ਅਜਿਹੇ ਯੌਧੇ ਹਨ। ਉਹਨਾ ਕਿਹਾ ਕਿ ਸਾਡੇ ਕੋਲ ਮੁਲਾਕਾਤ ਲਈ ਲੌੜੀਦੇ ਦਸਤਾਵੇਜ਼ ਨਾਲ ਹੋਣ ਕਾਰਨ ਅੱਜ ਅਸੀ ਪ੍ਰੋਫੈਸਰ ਭੁੱਲਰ ਦੇ ਦਰਸ਼ਨ ਨਹੀ ਕਰ ਸਕੀਆ ਪਰ ਅਗਲੀ ਵਾਰ ਅਸੀ ਸਾਰੇ ਦਸਤਾਵੇਜਾਂ ਸਮੇਤ ਆ ਕੇ ਪ੍ਰੋਫੈਸਰ ਭੁੱਲਰ ਨੂੰ ਜਰੂਰ ਮਿਲਾਗੇ। ਇਸ ਮੌਕੇ ਤੇ ਬੀਬੀ ਨਵਨੀਤ ਕੌਰ ਦੀਆ ਅੱਖਾਂ ਵਿਚ ਪਿਆਰ ਸਤਿਕਾਰ ਅਤੇ ਸਨਮਾਨ ਦੇ ਹੰਝੂ ਵਹਿ ਰਹੇ ਸਨ ਉਹਨਾ ਭਰੇ ਮੰਨ ਨਾਲ ਇਹਨਾ ਵਿਦਿਆਰਥਣਾਂ ਦਾ ਧੰਨਵਾਦ ਕਰਦਿਆ ਕਿਹਾ ਕਿ ਉਹਨਾ ਦੇ ਇਥੇ ਆਊਣ ਨਾਲ ਉਹਨਾ ਨੂੰ ਬਹੁਤ ਹੌਸਲਾ ਮਿਲਿਆ ਹੈ। ਜਿਸ ਲਈ ਉਹ ਇਹਨਾ ਵਿਦਿਆਰਥਣਾਂ ਦੇ ਰਿਣੀ ਰਹਿਣਗੇ।