ਵੇਈਂ 'ਚੋਂ ਅਣਪਛਾਤੀ ਲਾਸ਼ ਬਰਾਮਦ

www.sabblok.blogspot.com

ਨਕੋਦਰ  (ਟੋਨੀ )-   ਨਕੋਦਰ ਨਜ਼ਦੀਕੀ ਪਿੰਡ ਤਲਵੰਡੀ ਭਰੋਂ (ਜਲੰਧਰ) ਦੀ ਪਿੰਡੋਂ
ਬਾਹਰਵਾਰ ਪਿੰਡ ਹੇਰਾਂ ਦੇ ਨੇੜੇ ਵੇਈਂ ਦੇ ਪੁਲ ਨੇੜਿਉਂ ਅਣਪਛਾਤੀ ਗਲੀ-ਸੜੀ ਲਾਸ਼
ਬਰਾਮਦ ਹੋਣ ਦਾ ਸਮਾਚਾਰ ਹੈ। ਜਾਣਕਾਰੀ ਅਨੁਸਾਰ ਸਤਨਾਮ ਸਿੰਘ ਪੁੱਤਰ ਗੁਲਬਦਲ ਸਿੰਘ
ਵਾਸੀ ਤਲਵੰਡੀ ਭਰੋਂ ਜੋ ਵੇਈਂ ਦੇ ਨਾਲ ਲਗਦੇ ਆਪਣੇ ਖੇਤਾਂ ਨੂੰ ਪਾਣੀ ਲਗਾ ਰਿਹਾ ਸੀ।
ਨੇ ਵੇਈਂ ਦੇ ਪੁਲ ਦੇ ਨੇੜੇ ਇਕ ਅਣਪਛਾਤੀ ਗਲੀ-ਸੜੀ ਲਾਸ਼ ਦੇਖੀ ਤੇ ਉਕਤ ਵਿਅਕਤੀ ਨੇ
ਤੁਰੰਤ ਇਸ ਦੀ ਸੂਚਨਾ ਪਿੰਡ ਦੇ ਸਰਪੰਚ ਸ: ਅਜੀਤ ਸਿੰਘ ਹੁੰਦਲ ਨੂੰ ਟੈਲੀਫੋਨ 'ਤੇ
ਦਿੱਤੀ, ਜਿਸ ਨੇ ਤੁਰੰਤ ਇਸ ਲਾਸ਼ ਦੀ ਜਾਣਕਾਰੀ ਨਕੋਦਰ ਪੁਲਿਸ ਨੂੰ ਦਿੱਤੀ ਤੇ ਮੌਕੇ
'ਤੇ ਏ. ਐਸ. ਆਈ. ਸ੍ਰੀ ਮਹਿੰਦਰਪਾਲ ਘਟਨਾ ਸਥਾਨ 'ਤੇ ਪਹੁੰਚ ਗਏ ਜਿਨ੍ਹਾਂ ਨੇ ਲਾਸ਼
ਨੂੰ ਵੇਈਂ ਵਿਚੋਂ ਕੱਢਵਾ ਕੇ ਆਪਣੇ ਕਬਜ਼ੇ ਵਿਚ ਲੈ ਲਿਆ। ਮ੍ਰਿਤਕ ਦੀ ਉਮਰ ਕਰੀਬ 30-32
ਸਾਲ ਕੱਦ 5 ਫੁੱਟ 7 ਇੰਚ ਰੰਗ ਕਣਕ ਵੰਨਾ, ਜ਼ੀਨ ਦੀ ਪੈਂਟ, ਲਾਲ ਤੇ ਚਿੱਟੀ ਧਾਰੀਦਾਰ
ਕਮੀਜ਼ ਪਹਿਨੀ ਹੋਈ। ਸ: ਹਰਪ੍ਰੀਤ ਸਿੰਘ ਐਸ. ਐਚ. ਓ. ਨਕੋਦਰ ਵੀ ਘਟਨਾ ਸਥਾਨ 'ਤੇ
ਪਹੁੰਚੇ, ਨਕੋਦਰ ਪੁਲਿਸ ਨੇ ਲਾਸ਼ ਨੂੰ 72 ਘੰਟੇ ਲਈ ਸਿਵਲ ਹਸਪਤਾਲ ਨਕੋਦਰ ਵਿਖੇ ਸ਼ਨਾਖਤ
ਲਈ ਭੇਜ ਦਿੱਤਾ ਗਿਆ ਹੈ।