ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ ਬਲਾਤਕਾਰ ਦੀਆਂ ਘਟਨਾਵਾਂ ਹਾਲ ਹੀ ਵਿਚ ਕੀਤੇ ਤੱਤਕਾਲੀਨ ਅਦਾਲਤੀ ਫੇਸਲੇ ਤਸੱਲੀਬਖਸ਼

www.sabblok.blogspot.com
ਗੁਰਭੇਜ ਸਿੰਘ ਚੌਹਾਨ
ਸੰਪਾਦਕ ਰਾਜਨੀਤਕ ਮਾਮਲੇ
ਪੰਜਾਬੀ ਨਿਊਜ਼ ਆਨਲਾਈਨ
98143 06545
ਦੇਸ਼ ਵਿਚ ਖਾਸ ਕਰਕੇ ਪੰਜਾਬ ਵਿਚ ਬਲਾਤਕਾਰ ਦੀਆਂ ਘਟਨਾਵਾਂ ਰੁਕਣ ਦੀ ਬਜਾਏ ਵਧਦੀਆਂ ਜਾ ਰਹੀਆਂ ਹਨ। ਰੋਜ਼ਾਨਾਂ ਹੀ ਬਲਾਤਕਾਰ ਨਾਲ ਸੰਬੰਧਤ ਦੋ ਚਾਰ ਖਬਰਾਂ ਅਖਬਾਰਾਂ ਦੀਆਂ ਸੁਰਖੀਆਂ ਦਾ ਸ਼ਿੰਗਾਰ ਬਣਦੀਆਂ ਹਨ। ਲੜਕੀਆਂ ਅਤੇ ਔਰਤਾਂ ਦਾ ਸਮਾਜ ਵਿਚ ਜੀਉਣਾ ਦੁੱਭਰ ਹੋ ਚੁੱਕਿਆ ਹੈ। ਸਰਕਾਰ ਗੁੰਡਾਗਰਦੀ ਨੂੰ ਸਖਤੀ ਨਾਲ ਨੱਥ ਨਹੀਂ ਪਾ ਸਕੀ ਜਿਸ ਕਾਰਨ ਮੁਸ਼ਟੰਡਿਆਂ ਦੇ ਹੌਸਲੇ ਵਧੇ ਹੋਏ ਹਨ। ਇਸ ਆਤੰਕਵਾਦ ਦੀ ਮਾਰ ਵਿਚ ਆਈਆਂ ਨਮੋਸ਼ੀ ਵਿਚ ਬਹੁਤ ਸਾਰੀਆਂ ਲੜਕੀਆਂ ਖੁਦਕਸ਼ੀਆਂ ਵੀ ਕਰ ਚੁੱਕੀਆਂ ਹਨ। ਇਸ ਗੁੰਡਾਗਰਦੀ ਨੂੰ ਤਾਂ ਹੀ ਰੋਕਿਆ ਜਾ ਸਕਦਾ ਹੈ ਜੇਕਰ ਲੋਕ ਹੀ ਥਾਂ ਪੁਰ ਥਾਂ ਸੰਜੀਦਾ ਹੋਣ। ਲੜਕੀਆਂ ਨੂੰ ਵੀ ਬੁਜ਼ਦਿਲ ਨਹੀਂ ਹੋਣਾ ਚਾਹੀਦਾ ਅਤੇ ਹੌਸਲੇ ਨਾਲ ਅਜਿਹੇ ਗੁੰਡਿਆਂ ਨੂੰ ਮੂੰਹ ਤੋੜ ਜਵਾਬ ਦੇਣਾ ਚਾਹੀਦਾ ਹੈ। ਕਈ ਥਾਈਂ ਲੜਕੀਆਂ ਨੇ ਅਜਿਹਾ ਹੌਸਲਾ ਵਿਖਾਇਆ ਵੀ ਹੈ। ਇਸ ਦੇ ਨਾਲ ਨਾਲ ਅਦਾਲਤਾਂ ਨੂੰ ਵੀ ਸਖਤ ਰੁਖ ਅਪਨਾਉਣਾ ਚਾਹੀਦਾ ਹੈ ਅਤੇ ਅੱਜ ਦੀਆਂ ਸੁਰਖੀਆਂ ਵਿਚ ਮਾਨਯੋਗ ਅਦਾਲਤਾਂ ਨੇ ਅਜਿਹੇ ਕੇਸਾਂ ਵਿਚ ਤੱਤਕਾਲੀਨ ਫੈਸਲੇ ਦੇ ਕੇ ਆਰੋਪੀਆਂ ਨੂੰ ਸਖਤ ਸਜ਼ਾ ਸੁਣਾਈ ਹੈ। ਅਸੀਂ ਮਾਨਯੋਗ ਅਦਾਲਤ ਵੱਲੋਂ ਚੁੱਕੇ ਇਸ ਕਦਮ ਦੀ ਸ਼ਲਾਘਾ ਕਰਦੇ ਹਾਂ। ਹੁਸ਼ਿਆਰ ਜਿਲ•ੇ ਦੀ ਅਦਾਲਤ ਨੇ ਨਬਾਲਗ ਨੂੰ ਵਰਗਲਾਉਣ ਅਤੇ ਉਸ ਨਾਲ ਵਿਆਹ ਕਰਵਾਉਣ ਦੇ ਮਾਮਲੇ ਚ ਵਧੀਕ ਸ਼ੈਸ਼ਨ ਜੱਜ ਮਨਜਿੰਦਰ ਸਿੰਘ ਦੀ ਅਦਾਲਤ ਨੇ ਸਿਰਫ ਦੋ ਦਿਨਾਂ ਵਿਚ ਫੈਸਲਾ ਦੇ ਕੇ ਦੋਸ਼ੀ ਨੂੰ 7 ਸਾਲ ਦੀ ਸਖਤ ਜ਼ਜਾ ਸੁਣਾਈ ਹੈ। ਇਸ ਤੋਂ ਪਹਿਲਾਂ ਇਸ ਜਿਲ•ੇ ਦੇ ਹੀ ਸ਼ੈਸ਼ਨ ਜੱਜ ਜੇ ਐਸ ਭਿੰਡਰ ਨੇ ਅਗਵਾ ਅਤੇ ਜਬਰ ਜਿਨਾਹ ਦੇ ਮਾਮਲੇ ਚ ਸਿਰਫ 8 ਦਿਨ ਵਿਚ ਸੁਣਵਾਈ ਮੁਕੰਮਲ ਕਰਕੇ ਸਜਾ ਸੁਣਾ ਦਿੱਤੀ ਹੈ। ਇਸੇ ਤਰਾਂ ਸੰਗਰੂਰ ਦੇ ਵਧੀਕ ਸ਼ੈਸ਼ਨ ਜੱਜ ਵਰਿੰਦਰ ਅਗਰਵਾਲ ਦੀ ਅਦਾਲਤ ਨੇ ਨਬਾਲਗ ਨਾਲ ਜਬਰ ਜਿਨਾਹ ਦੇ ਮਾਮਲੇ ਚ ਸਿਰਫ ਸਾਢੇ ਤਿੰਨ ਮਹੀਨਿਆਂ ਦੀ ਸੁਣਵਾਈ ਤੋਂ ਬਾਅਦ 10 ਸਾਲ ਦੀ ਸਖਤ ਕੈਦ ਸੁਣਾਈ ਹੈ। ਇਸ ਇਕ ਅਦਾਲਤਾਂ ਵੱਲੋਂ ਸਹੀ ਦਿਸ਼ਾ ਵਿਚ ਚੁੱਕਿਆ ਕਦਮ ਹੈ ਅਤੇ ਸਾਨੂੰ ਸਾਰਿਆਂ ਨੂੰ ਇਸਦੀ ਜਿੰਨੀ ਵੀ ਸ਼ਲਾਘਾ ਹੋਵੇ ਕਰਨੀ ਚਾਹੀਦੀ ਹੈ।