ਪੁਲ ਦੀ ਮੁਰੰਮਤ ਕਰਵਾਉਣ ਦੀ ਮੰਗ

www.sabblok.blogspot.com

ਨਕੋਦਰ/ਮਲਸੀਆਂ, 16 ਜਨਵਰੀ (ਟੋਨੀ/ਬਿੱਟੂ )-ਪੰਜਾਬ ਸਰਕਾਰ ਵਿਕਾਸ ਦੇ ਦਾਅਵਿਆਂ ਦੀ ਫ਼ੂਕ ਕੱਢ ਰਿਹਾ ਹੈ ਪਿੰਡ ਈਸੇਵਾਲ-ਨਿਮਾਜ਼ੀਪੁਰ ਦੇ ਨਾਲ ਵਹਿੰਦੀ ਚਿੱਟੀ ਵੇਈਾ ਤੋਂ ਲੰਘਦਾ ਉਹ ਪੁਲ, ਜਿਸ ਦੀ ਹਾਲਤ ਏਨੀ ਖ਼ਰਾਬ ਹੋ ਚੁੱਕੀ ਹੈ ਕਿ ਉਸ ਪੁਲ ਤੋਂ ਲੰਘਣ ਵੇਲੇ ਰਾਹਗੀਰਾਂ ਨੂੰ ਆਪਣੀ ਜਾਨ ਜ਼ੋਖ਼ਮ 'ਚ ਪਾਉਣੀ ਪੈਂਦੀ ਹੈ | ਚਿੱਟੀ ਵੇਈਾ 'ਤੇ ਬਣਿਆ ਇਹ ਪੁਲ ਕਰੀਬ 40-50 ਸਾਲ ਪੁਰਾਣਾ ਹੈ | ਇਸ ਪੁਲ ਦੀ ਚੌੜਾਈ ਲਗਭਗ 10 ਤੋਂ 12 ਫੁੱਟ ਹੈ, ਜਿਸ ਕਾਰਨ ਪੁਲ ਤੋਂ ਇਕੱਠੇ ਦੋ ਵੱਡੇ ਵਾਹਨਾਂ ਦਾ ਲੰਘਣਾ ਸੰਭਵ ਨਹੀਂ ਹੈ | ਹੋਰ ਤਾਂ ਹੋਰ ਪੁਲ ਦੇ ਦੋਵੇਂ ਪਾਸੇ ਲੱਗੇ ਰੋਕ ਪੋਲ ਵੀ ਟੁੱਟ ਚੁੱਕੇ ਹਨ | ਇਹ ਪੁਲ ਸਬ-ਡਵੀਜ਼ਨ ਸ਼ਾਹਕੋਟ ਦੇ ਅਨੇਕਾਂ ਪਿੰਡਾਂ ਨੂੰ ਆਪਸ 'ਚ ਜੋੜਦਾ ਹੈ ਅਤੇ ਰੋਜ਼ਾਨਾ ਹੀ ਸੈਂਕੜੇ ਵਾਹਨ ਇਸ ਪੁਲ ਤੋਂ ਗੁਜ਼ਰਦੇ ਹਨ | ਹੋਰ ਤਾਂ ਹੋਰ ਬਹੁਤ ਸਾਰੀਆਂ ਸਕੂਲੀ ਬੱਸਾਂ ਵੀ ਇਸ ਵੇੲੀਂ ਦੇ ਨਾਲ ਲਗਦੇ ਪਿੰਡਾਂ ਤੋਂ ਬੱਚੇ ਲੈ ਕੇ ਪੁਲ ਉੱਪਰ ਦੀ ਲੰਘਦੀਆਂ ਹਨ | ਰਾਤ ਸਮੇਂ ਇਸ ਪੁਲ ਨੂੰ ਪਾਰ ਕਰਨਾ ਕਿਸੇ ਵੱਡੇ ਹਾਦਸੇ ਨੂੰ ਸੱਦਾ ਦੇਣਾ ਹੈ ਕਿਉਂਕਿ ਰਾਤ ਸਮੇਂ ਇਸ ਪੁਲ ਦੇ ਆਸ-ਪਾਸ ਕੋਈ ਵੀ ਰੌਸ਼ਨੀ ਦਾ ਪ੍ਰਬੰਧ ਨਹੀਂ ਹੈ | ਲੋਕਾਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਇਸ ਪੁਲ ਦੀ ਪਹਿਲ ਦੇ ਆਧਾਰ 'ਤੇ ਮੁਰੰਮਤ ਕਰਵਾਈ ਜਾਵੇ |