ਦੇਸ਼ ਭਗਤ ਯਾਦਗਾਰ ਕਮੇਟੀ ਜਲੰਧਰ ਵਲੋਂ ਆਰਥਕ ਦਾਬੇ ਅਤੇ ਔਰਤਾਂ ਉਪਰ ਹਿੰਸਾ ਖਿਲਾਫ਼ ਆਵਾਜ਼ ਉਠਾਉਣ ਦਾ ਸੱਦਾ

www.sabblok.blogspot.com
ਜਲੰਧਰ, 21 ਜਨਵਰੀ:       ਦੇਸ਼ ਭਗਤ ਯਾਦਗਾਰ ਕਮੇਟੀ ਜਲੰਧਰ ਨੇ ਗ਼ਦਰ ਸ਼ਤਾਬਦੀ ਦੇ ਪਰਸੰਗ ਵਿੱਚ ਹੀ ਦੇਸ਼ ਵਾਸੀਆਂ ਨੂੰ ਸੱਦਾ ਦਿੱਤਾ ਹੈ ਕਿ ਉਹ ਚੜ•ਦੇ ਸੂਰਜ ਨਵੀਆਂ ਆਰਥਕ ਨੀਤੀਆਂ ਤਹਿਤ, ਲੱਦੇ ਜਾ ਰਹੇ ਆਰਥਕ ਬੋਝ ਦੇ ਪਹਾੜਾਂ, ਔਰਤਾਂ ਉਪਰ ਢਾਹੀ ਜਾ ਰਹੀ ਅਣਮਨੁੱਖੀ ਹਿੰਸਾ, ਬੇਪਤੀਆਂ, ਉਜਾੜੇ, ਸਮਾਜਕ ਦਾਬੇ, ਸਭਿਆਚਾਰਕ ਪ੍ਰਦੂਸ਼ਣ, ਜਮਹੂਰੀ ਮਾਨਵੀ ਅਧਿਕਾਰਾਂ ਉਪਰ ਧਾਵੇ ਅਤੇ ਇਨਸਾਨੀ ਕਦਰਾਂ ਕੀਮਤਾਂ ਦੇ ਕੀਤੇ ਜਾ ਰਹੇ ਘਾਣ ਖਿਲਾਫ਼ ਜ਼ੋਰਦਾਰ ਲੋਕ ਆਵਾਜ਼ ਉਠਾਉਣ ਲਈ ਅੱਗੇ ਆਉਣ।
ਕਮੇਟੀ ਦੇ ਪ੍ਰਧਾਨ ਦਰਬਾਰਾ ਸਿੰਘ ਢਿੱਲੋਂ, ਜਨਰਲ ਸਕੱਤਰ ਡਾ. ਰਘਬੀਰ ਕੌਰ ਅਤੇ ਸਭਿਆਚਾਰਕ ਵਿੰਗ ਦੇ ਕਨਵੀਨਰ ਅਮੋਲਕ ਸਿੰਘ ਨੇ ਲਿਖਤੀ ਪ੍ਰੈਸ ਬਿਆਨ 'ਚ ਕਿਹਾ ਹੈ ਕਿ ਵਤਨ ਦੀ ਅਜ਼ਾਦੀ ਲਈ ਆਪਾ ਵਾਰਨ ਵਾਲੇ ਸੰਗਰਾਮੀਆਂ ਨੂੰ ਮਹਿਜ਼ ਯਾਦ ਕਰਨਾ ਨਹੀਂ ਸਗੋਂ ਉਹਨਾਂ ਨੇ ਸੁਪਨਿਆਂ ਨੂੰ ਦਰੜਕੇ ਲੋਕਾਂ ਦੀ ਕਮਰ ਤੋੜਨ ਵਾਲੇ ਆਰਥਕ ਪਾੜੇ, ਵਿਸ਼ੇਸ਼ ਕਰਕੇ ਔਰਤਾਂ ਦੇ ਉਧਾਲੇ, ਬਲਾਤਕਾਰ ਅਤੇ ਅਸ਼ਲੀਲ ਸਭਿਆਚਾਰ ਖਿਲਾਫ਼ ਲੋਕਾਂ ਨੂੰ ਡਟਕੇ ਆਵਾਜ਼ ਬੁਲੰਦ ਕਰਨ ਲਈ ਜੋਟੀਆਂ ਪਾ ਕੇ ਸੰਘਰਸ਼ ਦੇ ਮੈਦਾਨ 'ਚ ਆਉਣਾ ਚਾਹੀਦਾ ਹੈ।  ਇਹ ਹੀ ਗ਼ਦਰੀ ਦੇਸ਼ ਭਗਤਾਂ ਦੀ ਸ਼ਤਾਬਦੀ ਦੀ ਪ੍ਰਸੰਗਕਤਾ ਦਾ ਮੁੱਲ ਹੋਏਗਾ।