ਨਕੋਦਰ (ਟੋਨੀ/ਬਿੱਟੂ) ਸਥਾਨਕ ਨਕੋਦਰ ਸ਼ਹਿਰ ਕਈ ਸਮੱਸਿਆਵਾਂ ਨਾਲ ਜੁੱਝ ਰਿਹਾ ਹੈ, ਪਰ ਨਕੋਦਰ ਵੱਲ ਕੋਈ ਵੀ ਧਿਆਨ ਨਹੀਂ ਦੇ ਰਿਹਾ। ਨਕੋਦਰ ਸ਼ਹਿਰ ਸਿਆਸਤ ਦੀ ਭੇਂਟ ਚੜ੍ਹ ਰਿਹਾ ਹੈ। ਜਿਸ ਕਾ ਖਮਿਆਜ਼ਾ ਨਕੋਦਰ ਨਿਵਾਸੀਆਂ ਨੂੰ ਭੁਗਤਨਾ ਪੈ ਰਿਹਾ ਹੈ। ਕਈ ਸਮੱਸਿਆਵਾਂ ਵਿੱਚੋਂ ਇੱਕ ਸਮੱਸਿਆ ਜੋ ਕਾਫੀ ਲੰਬੇ ਸਮੇਂ ਤੋਂ ਲੱਟਕ ਰਹੀ ਮੰਗ ਨਕੋਦਰ ਤੋਂ ਦਿੱਲੀ ਰੇਲ ਚੱਲਾਉਣ ਦੀ ਹੈ, ਪਰ ਸਰਕਾਰ ਇਸ ਵੱਲ ਧਿਆਨ ਨਹੀਂ ਦੇ ਰਹੀ, ਪਰ ਨਕੋਦਰ ਦੇ ਸਮਾਜ ਸੇਵੀ ਗੌਰਵ ਜੈਨ ਵੀ ਆਪਣਾ ਪੂਰਾ ਜ਼ੋਰ ਲਾ ਰਹੇ ਹਨ, ਨਕੋਦਰ ਤੋਂ ਦਿੱਲੀ ਰੇਲ ਚਲਾਉਣ ਲਈ। ਗੌਰਵ ਜੈਨ ਨੇ ਕਿਹਾ ਕਿ ਜਿੰਨ੍ਹੀ ਦੇਰ ਤੱਕ ਮੇਰੇ ਸਾਹ ਵਿੱਚ ਸਾਹ ਹਨ, ਮੈਂ ਵੀ ਨਕੋਦਰ ਤੋਂ ਦਿੱਲੀ ਤੱਕ ਗੱਡੀ ਚਲਾਉਣ ਲਈ ਸੰਘਰਸ਼ ਜਾਰੀ ਰੱਖਾਂਗਾ। ਪਿੱਛਲੀ ਦਿਨੀਂ ਸਮਾਜ ਸੇਵੀ ਗੌਰਵ ਜੈਨ ਦੇ ਨਾਲ ਸੈਂਕੜੇ ਲੋਕਾਂ ਦਾ ਵੱਫ਼ਦ ਰੇਲਵੇ ਦੇ ਡੀ.ਆਰ.ਐਮ. ਗੋਇਲ ਨੂੰ ਨਕੋਦਰ ਰੇਲਵੇ ਸਟੇਸ਼ਨ ਤੇ ਮਿਲਿਆ, ਪਰ ਗੋਇਲ ਸਾਹਿਬ ਨੇ ਮਿਲਣ ਲਈ ੧ ਘੰਟੇ ਦਾ ਇੰਤਜ਼ਾਰ ਕਰਵਾਇਆ। ਜਦੋਂ ਡੀ.ਆਰ.ਐਮ. ਆਪਣੇ ਡੱਬੇ 'ਚੋ ਬਾਹਰ ਆਏ ਤਾਂ ਗੌਰਵ ਜੈਨ ਨੇ ਆਪਣੀ ਮੰਗ ਬਾਰੇ ਜਾਣੂ ਕਰਵਾਇਆ। ਜਿਨ੍ਹਾਂ ਵਿੱਚ ਪਹਿਲੀ ਮੰਗ ਵਾਇਆ ਨਕੋਦਰ ਤੋਂ ਦਿੱਲੀ ਰੇਲ ਗੱਡੀ ਚਲਾਉਣ ਬਾਰੇ। ਦੂਜੀ ਓਵਰ ਬ੍ਰਿਜ ਬਨਾਉਣ ਬਾਰੇ, ਤੀਜੀ ਯਾਤਰੀਆਂ ਲਈ ਅਰਾਮ ਘਰ ਖਾਲੀ ਕਰਵਾਉਣ ਸਬੰਧੀ ਮੁੱਖ ਮੰਗ ਰੱਖੀ, ਪਰ ਡੀ.ਆਰ.ਐਮ. ਕੋਲੋਂ ਇਨ੍ਹਾਂ ਤਿੰਨ੍ਹੇ ਮੰਗਾਂ ਬਾਰੇ ਕੋਈ ਤਸੱਲੀ ਬਖਸ਼ ਜਵਾਬ ਨਹੀਂ ਸੀ। ਡੀ.ਆਰ.ਐਮ. ਨੇ ਕਿਹਾ ਕਿ ਮੈਂ ਹਾਲੇ ੭-੮ ਮਹੀਨੇ ਤੋਂ ਇਸ ਅਹੁਦੇ ਤੇ ਆਇਆ ਹਾਂ, ਪਰ ਗੌਰਵ ਜੈਨ ਨੇ ਕਿਹਾ ਕਿ ਯਾਤਰੀਆਂ ਦੇ ਅਰਾਮ ਘਰ ਦੀ ਮੰਗ ਤਾਂ ਪਿਛਲੇ ਕੁੱਝ ਮਹੀਨਿਆਂ ਤੋਂ ਕੀਤੀ ਗਈ ਹੈ। ਜਿਸ ਤੇ ਹਾਈ ਕੋਰਟ ਨੇ ਅਰਾਮ ਘਰ ਖਾਲੀ ਕਰਵਾਉਣ ਦੇ ਆਦੇਸ਼ ਵੀ ਦਿੱਤੀ ਹਨ। ਜੈਨ ਨੇ ਹਾਈ ਕੋਰਟ ਦੇ ਹੁਕਮਾਂ ਦੀ ਨੱਕਲਾਂ ਮੰਗ ਪੱਤਰ ਦੇ ਨਾਲ ਜੋੜਦੇ ਡੀ.ਐਰ.ਆਮ. ਨੂੰ ਦਿੱਤੀਆਂ। ਵੱਫ਼ਦ ਵਿੱਚ ਇੰਦਰਜੀਤ ਕਾਲੜਾ, ਮਾਸਟਰ ਪ੍ਰੇਮ ਸਾਗਰ ਸ਼ਰਮਾ, ਜੁਗਲ ਕਿਸ਼ੋਰ, ਕਮਲ ਪਹਿਲਵਾਨ, ਹਰੀ ਰਾਮ ਰੱਤੂ, ਰਮੇਸ਼ ਖੋਸਲਾ ਅਤੇ ਹੋਰ ਵੀ ਸ਼ਹਿਰੀ ਪਤਵੰਤੇ ਸੱਜਣ ਹਾਜ਼ਰ ਸਨ
No comments:
Post a Comment