ਰਾਤਾਂ ਦਾ ਰੰਗੀਨ ਨਜ਼ਾਰਾ ਚੇਤੇ ਹੈ-------ਗੁਰਦਿਆਲ ਰੌਸ਼ਨ
www.sabblok.blogspot.com
ਮੈਨੂ ਕੱਲਾ ਕੱਲਾ ਤਾਰਾ ਚੇਤੇ ਹੈ
ਟਿੱਬੇ ਗਲੀਆਂ ਮਿੱਟੀ ਗਾਰਾ ਚੇਤੇ ਹੈ
ਮੈਨੂ ਆਪਣਾ ਬਚਪਨ ਸਾਰਾ ਚੇਤੇ ਹੈ
ਮੈਨੂ ਕੁਝ ਵੀ ਯਾਦ ਨਹੀਂ ਹੈ ਬੀਤੇ ਦੀ
ਬਸ ਉਸਦਾ ਨਾਂ ਪਿਆਰਾ ਪਿਆਰਾ ਚੇਤੇ ਹੈ
ਵੰਗਾਂ ਦੀ ਥਾਂ ਲਾ ਦਿੱਤੀਆਂ ਜਿਸ ਹਥਕੜੀਆਂ
ਮੈਨੂ ਉਹ ਇੱਕ ਠਗ ਵੰਜਾਰਾ ਚੇਤੇ ਹੈ
ਭੁੱਲੀ ਆਪਣੇ ਕਚੇ ਘਰ ਦੀ ਮੈਹਕ ਨਹੀਂ
ਤੇਰਾ ਉਸ ਦੇ ਨਾਲ ਚੁਬਾਰਾ ਚੇਤੇ ਹੈ
ਤੇਰੀ ਕਾਲੀ ਚੁੰਨੀ ਭੁੱਲ ਨਹੀਂ ਸਕਦੀ
ਮੇਨੂ ਤੇਰਾ ਸੁਰਖ ਗਰਾਰਾ ਚੇਤੇ ਹੈ
ਵਿਛਰਨ ਵੇਲੇ ਤੂੰ ਜੋ ਹੰਝੂ ਕੇਰੇ ਸਨ
ਦਰਦ ਉਨ੍ਹਾ ਦੇ ਵਿਚਲਾ ਸਾਰਾ ਚੇਤੇ ਹੈ
No comments:
Post a Comment