ਦਿੱਲੀ ਵਿਚ ਬਿਜਲੀ 50 ਫ਼ੀਸਦੀ ਸਸਤੀ-31 ਮਾਰਚ ਤਕ ਲਾਗੂ ਰਹੇਗਾ ਫ਼ੈਸਲਾ

28 ਲੱਖ ਲੋਕਾਂ ਨੂੰ ਹੋਵੇਗਾ ਲਾਭ-200 ਕਰੋੜ ਦਾ ਪਵੇਗਾ ਬੋਝ

ਨਵੀਂ ਦਿੱਲੀ, 31 ਦਸੰਬਰ (ਏਜੰਸੀਆਂ ਰਾਹੀਂ, ਉਪਮਾ ਡਾਗਾ ਪਾਰਥ)-ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਦਿੱਲੀ ਵਿਚ 50 ਫ਼ੀਸਦੀ ਬਿਚਲੀ ਸਸਤੀ ਕਰਨ ਦਾ ਐਲਾਨ ਕੀਤਾ ਹੈ। 0 ਤੋਂ 200 ਅਤੇ 200-400 ਤਕ ਯੂਨਿਟਾਂ ਦੇ ਅੱਧੇ ਬਿੱਲ ਲਏ ਜਾਣਗੇ ਅਤੇ ਇਹ ਫ਼ੈਸਲਾ 31 ਮਾਰਚ 2014 ਤਕ ਲਾਗੂ ਰਹੇਗਾ। ਸਰਕਾਰ ਦੇ ਇਸ ਫ਼ੈਸਲੇ ਨਾਲ 28 ਲੱਖ ਖਪਤਕਾਰਾਂ ਨੂੰ ਫਾਇਦਾ ਹੋਵੇਗਾ। ਇਸ ਸਬਸਿਡੀ ਨਾਲ ਸਰਕਾਰ 'ਤੇ 200 ਕਰੋੜ ਦਾ ਬੋਝ ਪਵੇਗਾ ਜਿਸ ਵਿਚੋਂ 61 ਕਰੋੜ ਰੁਪਏ ਸਰਕਾਰ ਅਤੇ 139 ਕਰੋੜ ਰੁਪਏ ਬਿਜਲੀ ਕੰਪਨੀਆਂ ਸਹਿਨ ਕਰਨਗੀਆਂ।