ਗੁਰਦਾਸਪੁਰ ਤੋਂ ਹੀ ਚੋਣ ਲੜਾਂਗਾ : ਵਿਨੋਦ ਖੰਨਾ

www.sabblok.blogspot.com

ਬਟਾਲਾ.29 ਦਸੰਬਰ.– ਪ੍ਰਸਿੱਧ ਫਿਲਮ ਸਟਾਰ ਅਤੇ ਸਾਬਕਾ ਐੱਮ. ਪੀ. ਵਿਨੋਦ ਖੰਨਾ ਨੇ ਅੱਜ ਦੇਰ ਸ਼ਾਮ ਜ਼ਿਲਾ ਭਾਜਪਾ ਦਫਤਰ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਜੇਕਰ ਭਾਜਪਾ ਹਾਈਕਮਾਂਡ ਨੇ ਉਨ੍ਹਾਂ ਨੂੰ ਦੁਬਾਰਾ ਮੌਕਾ ਦਿੱਤਾ ਤਾਂ ਉਹ ਗੁਰਦਾਸਪੁਰ ਲੋਕ ਸਭਾ ਹਲਕੇ ਤੋਂ ਹੀ ਆਪਣੀ ਲੋਕ ਸਭਾ ਚੋਣ ਲੜਨਗੇ ਅਤੇ ਜਨਤਾ ਦੀ ਸੇਵਾ ਕਰਨ ਵਿਚ ਕੋਈ ਕਮੀ ਬਾਕੀ ਨਹੀਂ ਛੱਡਣਗੇ। ਵਿਨੋਦ ਖੰਨਾ ਨੇ ਅੱਗੇ ਕਿਹਾ ਕਿ ਉਨ੍ਹਾਂ ਦਾ ਮੁੱਖ ਉਦੇਸ਼ ਚੋਣ ਜਿੱਤਣ ਉਪਰੰਤ ਕੇਵਲ ਜਨਤਾ ਦੀ ਸੇਵਾ ਕਰਨਾ ਹੈ ਪਰ ਪਿਛਲੇ ਕੁਝ ਸਮੇਂ ਤੋਂ ਉਨ੍ਹਾਂ ਦੀ ਸਿਹਤ ਠੀਕ ਨਾ ਰਹਿਣ ਕਰਕੇ ਉਹ ਲੋਕ ਸਭਾ ਹਲਕਾ ਗੁਰਦਾਸਪੁਰ ਦੀ ਜਨਤਾ ਨਾਲ ਸੰਪਰਕ ਨਹੀਂ ਬਣਾ ਸਕੇ। ਵਰਣਨਯੋਗ ਹੈ ਕਿ ਸ਼੍ਰੀ ਵਿਨੋਦ ਖੰਨਾ ਆਪਣੀ ਧਰਮਪਤਨੀ ਨਾਲ ਇਥੇ ਇਕ ਸ਼ਾਦੀ ਸਮਾਰੋਹ ਵਿਚ ਸ਼ਾਮਲ ਹੋਣ ਲਈ ਆਏ ਸਨ। ਇਥੇ ਪਹੁੰਚਣ ‘ਤੇ ਬੀ.ਜੇ.ਪੀ. ਕਾਰਜਕਰਤਾ ਵਲੋਂ ਇਨ੍ਹਾਂ ਦਾ ਸਵਾਗਤ ਵੀ ਕੀਤਾ ਗਿਆ। 
ਪੱਤਰਕਾਰਾਂ ਵਲੋਂ ਪੁੱਛੇ ਗਏ ਸਵਾਲ ਦੇ ਜੁਆਬ ਵਿਚ ਵਿਨੋਦ ਖੰਨਾ ਨੇ ਕਿਹਾ ਕਿ ਇਸ ਵੇਲੇ ਬੀ.ਜੇ.ਪੀ. ਅੰਦਰ ਕਿਸੇ ਵੀ ਤਰ੍ਹਾਂ ਦਾ ਕੋਈ ਮੱਤਭੇਦ ਨਹੀਂ ਹੈ ਅਤੇ ਜੇਕਰ ਸਾਹਮਣੇ ਆਏ ਤਾਂ ਉਸਦਾ ਠੋਸ ਹੱਲ ਲੱਭਿਆ ਜਾਵੇਗਾ ਕਿਉਂਕਿ ਪਾਰਟੀ ਦੀ ਇਕਜੁਟਤਾ ਹੀ ਉਨ੍ਹਾਂ ਦਾ ਮੁੱਖ ਮਨੋਰਥ ਹੈ। ਉਨ੍ਹਾਂ ਕਿਹਾ ਕਿ ਇਸ ਵੇਲੇ ਦੇਸ਼ ਭਰ ਵਿਚ ‘ਮੋਦੀ ਫੈਕਟਰ’ ਚੱਲ ਰਿਹਾ ਹੈ ਅਤੇ ਮੋਦੀ ਹੀ ਇਕ ਅਜਿਹੇ ਨੇਤਾ ਹਨ ਜੋ ਦੇਸ਼ ਦੀ ਵਾਗਡੋਰ ਸੰਭਾਲ ਕੇ ਦੇਸ਼ ਨੂੰ ਇਕ ਨਵੀਂ ਦਿਸ਼ਾ ਵੱਲ ਲਿਜਾਣ ਦਾ ਮਾਦਾ ਰੱਖਦੇ ਹਨ। ਇਸ ਮੌਕੇ ਜ਼ਿਲਾ ਭਾਜਪਾ ਪ੍ਰਧਾਨ ਐਡਵੋਕੇਟ ਸੁਰੇਸ਼ ਭਾਟੀਆ, ਗਿਆਨ ਚੰਦ, ਸ਼ਿਵ ਤ੍ਰਿਪਾਠੀ, ਭੁਵਨੇਸ਼ ਤ੍ਰਿਪਾਠੀ, ਅਜੈ ਰਿਸ਼ੀ ਰਿੰਕੂ, ਦੀਪਕ ਭਾਟੀਆ, ਧੀਰਜ ਕੁੰਦਰਾ, ਰਜੀਵ ਕਾਲੀਆ, ਸ਼ਕਤੀ ਸ਼ਰਮਾ, ਰਾਜ ਕੁਮਾਰ ਮਾਂਡੀ, ਦਰਸ਼ਨ ਸ਼ਿੰਗਾਰੀ, ਮੈਡਮ ਕਮਲੇਸ਼ ਸੇਠ, ਲਵਲੀ ਖੰਨਾ, ਕੁਸੁਮ ਸਾਹਨੀ, ਰਾਧਾ ਰਾਣੀ, ਗੁਰਸ਼ਰਨ ਕੌਰ, ਸੰਤੋਸ਼ ਰਾਣੀ, ਅਨਿਲ ਡੌਲੀ, ਸਤਿੰਦਰ ਸ਼ਰਮਾ, ਧਰਮਵੀਰ ਢੱਲਾ, ਰਵਿੰਦਰ ਸ਼ਰਮਾ, ਅਸ਼ੀਸ਼ ਅਗਰਵਾਲ ਆਦਿ ਬੀ.ਜੇ.ਪੀ. ਕਾਰਜਕਰਤਾ ਮੌਜੂਦ ਸਨ।