ਪਾਕਿ ਗੋਲੀਬਾਰੀ 'ਚ ਬੀ. ਐਸ. ਐਫ਼. ਜਵਾਨ ਸ਼ਹੀਦ-7 ਜ਼ਖ਼ਮੀ

www.sabblok.blogspot.com

ਜੰਮੂ, 23 ਅਕਤੂਬਰ (ਏਜੰਸੀ)-ਕੌਮਾਂਤਰੀ ਸਰਹੱਦ 'ਤੇ ਪਾਕਿਸਤਾਨ ਫੌਜੀਆਂ ਵੱਲੋਂ ਬੀਤੀ ਰਾਤ 50 ਤੋਂ ਵਧੇਰੇ ਸਰਹੱਦੀ ਚੌਕੀਆਂ 'ਤੇ ਗੋਲੀਆਂ ਚਲਾਈਆਂ ਅਤੇ ਗੋਲੀਬਾਰੀ ਕੀਤੀ ਜਿਸ ਕਾਰਨ ਬੀ. ਐਸ. ਐਫ਼. ਦਾ ਇਕ ਹੈੱਡ ਕਾਂਸਟੇਬਲ ਸ਼ਹੀਦ ਹੋ ਗਿਆ ਜਦਕਿ 7 ਹੋਰ ਜਵਾਨ ਜ਼ਖ਼ਮੀ ਹੋ ਗਏ। ਹਾਲੀਆ ਸਮੇਂ ਦੌਰਾਨ ਸਰਹੱਦ 'ਤੇ ਉਕਸਾਉਣ ਵਾਲੀ ਇਹ ਸਭ ਤੋਂ ਵੱਡੀ ਕਾਰਵਾਈ ਹੈ। ਮੰਗਲਵਾਰ ਨੂੰ ਹੀ ਕੇਂਦਰੀ ਗ੍ਰਹਿ ਮੰਤਰੀ ਸ਼ੁਸ਼ੀਲ ਕੁਮਾਰ ਸ਼ਿੰਦੇ ਨੇ ਕੌਮਾਂਤਰੀ ਸਰਹੱਦ ਨਾਲ ਲੱਗਦੇ ਇਲਾਕਿਆਂ ਦਾ ਦੌਰਾ ਕੀਤਾ ਸੀ ਅਤੇ ਕੁਝ ਸਮੇਂ ਬਾਅਦ ਹੀ ਸਰਹੱਦ 'ਤੇ ਗੋਲੀਬੰਦੀ ਦਾ ਮੁੜ ਉਲੰਘਣ ਕੀਤਾ ਗਿਆ। ਬੀ. ਐਸ. ਐਫ਼. ਅਧਿਕਾਰੀਆਂ ਨੇ ਦੱਸਿਆ ਕਿ ਪਾਕਿਸਤਾਨੀ ਰੇਂਜਰਾਂ ਨੇ ਮੰਗਲਵਾਰ ਰਾਤ ਤੋਂ ਜੰਮੂ ਸਰਹੱਦ 'ਤੇ 50 ਤੋਂ ਵਧੇਰੇ ਚੌਕੀਆਂ 'ਤੇ ਸਵੈ-ਚਲਿਤ ਹਥਿਆਰਾਂ ਨਾਲ ਗੋਲੀਆਂ ਚਲਾਈਆਂ ਤੇ ਹਮਲਾ ਕੀਤਾ। ਬੀ. ਐਸ. ਐਫ਼. ਅਧਿਕਾਰੀਆਂ ਮੁਤਾਬਿਕ ਪਾਕਿਸਤਾਨੀ ਰੇਂਜਰਾਂ ਨੇ ਮੰਗਲਵਾਰ ਰਾਤ ਕਰੀਬ 7 ਵੱਜ ਕੇ 40 ਮਿੰਟ 'ਤੇ ਅਰਨੀਆ, ਆਰ. ਐਸ. ਪੁਰਾ ਤੇ ਅਖਨੂਰ ਸੈਕਟਰ ਅਧੀਨ ਆਉਂਦੇ ਪਿੰਡਾਂ 'ਤੇ ਗੋਲੇ ਵੀ ਦਾਗ਼ੇ। ਉਨ੍ਹਾਂ ਦੱਸਿਆ ਕਿ ਬੀ. ਐਸ. ਐਫ. ਦੇ ਜਵਾਨਾਂ ਨੇ ਵੀ ਜਵਾਬੀ ਕਾਰਵਾਈ ਕੀਤੀ ਜਿਸ ਦੌਰਾਨ ਦੋਵਾਂ ਪਾਸਿਆਂ 'ਤੇ ਤੇਜ਼ ਗੋਲੀਬਾਰੀ ਹੋਈ ਜੋ ਅੱਜ ਸਵੇਰ ਤੱਕ ਜਾਰੀ ਰਹੀ। ਇਸ ਦੌਰਾਨ ਸਰਹੱਦੀ ਚੌਕੀ ਚਿਨਾਜ 'ਤੇ ਤਾਇਨਾਤ ਬੀ. ਐਸ. ਐਫ਼. ਦਾ ਹੈੱਡ ਕਾਂਸਟੇਬਲ ਮੁਕੇਸ਼ ਲਾਲ ਮੀਨਾ ਸ਼ਹੀਦ ਹੋ ਗਿਆ ਅਤੇ 7 ਹੋਰ ਜਵਾਨ ਜ਼ਖ਼ਮੀ ਹੋ ਗਏ ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਭੇਜਿਆ ਗਿਆ ਹੈ। ਸ਼ਹੀਦ ਹੋਇਆ ਜਵਾਨ ਮੀਨਾ ਰਾਜਸਥਾਨ ਦੇ ਸਵਾਈਮਾਧੋਪੁਰ ਜ਼ਿਲ੍ਹੇ ਵਿਚ ਮੋਹਾਚਾ ਦੇ ਨਿਪਾਜੀਪੁਰਾ ਪਿੰਡ ਦਾ ਰਹਿਣ ਵਾਲਾ ਸੀ। ਅਧਿਕਾਰੀਆਂ ਵੱਲੋਂ ਮ੍ਰਿਤਕ ਦੇਹ ਸਸਕਾਰ ਲਈ ਉਸ ਦੇ ਜੱਦੀ ਪਿੰਡ ਨਿਪਾਜੀਪੁਰਾ ਵਿਚ ਭੇਜੀ ਜਾ ਰਹੀ ਹੈ। ਜ਼ਖਮੀ ਹੋਏ ਜਵਾਨਾਂ ਵਿਚ ਉਪ-ਨਿਰੀਖਕ ਸੁਰੇਂਦਰ ਸਿੰਘ, ਸਿਪਾਹੀ ਪ੍ਰਦੀਪ ਸਿੰਘ, ਅਸ਼ੋਕ ਕੁਮਾਰ, ਮਨੋਜ ਕੁਮਾਰ, ਸ੍ਰੀਨਿਵਾਸ ਨਾਇਕ ਅਤੇ ਸੰਦੀਪ ਕੁਮਾਰ ਸ਼ਾਮਿਲ ਹਨ।
ਬੀ. ਐਸ. ਐਫ਼. ਵੱਲੋਂ ਮੂੰਹ ਤੋੜ ਜਵਾਬ
ਅਧਿਕਾਰੀਆਂ ਨੇ ਦੱਸਿਆ ਕਿ ਬੀ. ਐਸ. ਐਫ਼. ਦੇ ਜਵਾਨਾਂ ਨੇ ਵੀ ਸਰਹੱਦ 'ਤੇ ਹੋਏ ਹਮਲੇ ਦਾ ਮੂੰਹ ਤੋੜ ਜਵਾਬ ਦਿੱਤਾ ਹੈ ਪਰ ਅਜੇ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਸਰਹੱਦ ਪਾਰ ਕਿੰਨਾ ਨੁਕਸਾਨ ਹੋਇਆ ਹੈ। ਇਸ ਦੌਰਾਨ ਰੱਖਿਆ ਬੁਲਾਰੇ ਨੇ ਦੱਸਿਆ ਕਿ ਪਾਕਿਸਤਾਨੀ ਫ਼ੌਜੀਆਂ ਨੇ ਮੰਗਲਵਾਰ ਰਾਤ 9 ਵੱਜ ਕੇ 30 ਮਿੰਟ ਤੋਂ ਲੈ ਕੇ 9 ਵੱਜ ਕੇ 45 ਮਿੰਟ ਤੱਕ ਹਮੀਰਪੁਰ ਤੇ ਭੀਮਬੇਰ ਗਲੀ ਉਪ-ਸੈਕਟਰਾਂ 'ਤੇ ਕੰਟਰੇੋਲ ਰੇਖਾ 'ਤੇ 7 ਸਰਹੱਦੀ ਚੌਕੀਆਂ 'ਤੇ ਅਤੇ ਦੇਰ ਰਾਤ 12 ਵੱਜ ਕੇ 30 ਮਿੰਟ ਤੋਂ ਲੈ ਕੇ ਇਕ ਵਜੇ ਤੱਕ ਪੁਣਛ ਜਿਲ੍ਹੇ ਦੀ ਮੰਡੀ ਪੱਟੀ 'ਤੇ ਗੋਲੇ ਦਾਗੇ। ਜਵਾਬੀ ਕਾਰਵਾਈ ਕੀਤੀ। ਬੁਲਾਰੇ ਨੇ ਕਿਹਾ ਕਿ ਜਵਾਨਾਂ ਨੇ ਪਾਕਿਸਤਾਨੀ ਕਾਰਵਾਈ ਦਾ ਮੂੰਹ ਤੋੜ ਜਵਾਬ ਦਿੱਤਾ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਦੇਰ ਸ਼ਾਮ ਆਰ. ਐਸ ਪੁਰਾ ਸੈਕਟਰ ਵਿਚ ਤਮਾਮ ਪੋਸਟਾਂ ਉੱਤੇ ਜ਼ੋਰਦਾਰ ਗੋਲਾਬਾਰੀ ਕੀਤੀ। ਰਾਤ ਦੇ 11.30 ਵਜੇઠਦੇ ਕਰੀਬ ਆਰ. ਐਸ ਪੁਰਾ ਸੈਕਟਰ ਵਿਚ ਪਾਕਿ ਫ਼ੌਜੀਆਂ ਨੇ ਮੋਰਟਰ ਦੇ ਗੋਲੇ ਦਾਗੇ। ਪਾਕਿਸਤਾਨੀ ਫ਼ੌਜ ਨੇ ਮਨਕੋਟ, ઠਮੇਂਢਰ ਅਤੇ ਬਾਲਾਕੋਟ ਸੈਕਟਰ ਵਿਚ ਵੀ ਗੋਲਾਬਾਰੀ ਕੀਤੀ। ਗੋਲਾਬਾਰੀ ਦੀ ਆੜ ਵਿਚ ਪਾਕਿਸਤਾਨੀ ਫ਼ੌਜ ਨੇ ਘੁਸਪੈਠ ਕਰਵਾਉਣ ਦੀ ਵੀ ਕੋਸ਼ਿਸ਼ ਕੀਤੀ, ઠਜਿਸ ਨੂੰ ਭਾਰਤੀ ਫ਼ੌਜੀਆਂ ਨੇ ਅਸਫਲ ਬਣਾ ਦਿੱਤਾ। ਕਾਨਾਚੱਕ ਅਤੇ ਪਰਗਵਾਲ ਵਿਚ ਵੀ ਰਾਤ ਦਸ ਵਜੇ ઠਦੇ ਬਾਅਦ ਸ਼ੁਰੂ ਹੋਈ ਗੋਲਾਬਾਰੀ ਅੱਜ ਸਵੇਰ ਤੱਕ ਜਾਰੀ ਰਹੀ । ਉੱਧਰ ਅਰਨੀਆਂ ਸੈਕਟਰ ਦੀ ਅੱਧਾ ਦਰਜਨ ਭਾਰਤੀ ਚੌਕੀਆਂ ਉੱਤੇ ਪਾਕਿ ਰੇਂਜਰਾਂ ਨੇ ਰਾਤ ਅੱਠ ਵਜੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ ਜੋ ਸਾਰੀ ਰਾਤ ਜਾਰੀ ਰਹੀ । ਪਾਕਿ ਰੇਂਜਰਾਂ ਨੇ ਸੁਰੱਖਿਆ ਬਲਾਂ ਦੀਆਂ ਚੌਕੀਆਂ ਸਮੇਤ ਰਿਹਾਇਸ਼ੀ ਇਲਾਕਿਆਂ ਨੂੰ ਵੀ ਨਿਸ਼ਾਨਾ ਬਣਾਇਆ।ઠਪਾਕਿਸਤਾਨ ਨੇ ਸਟਾਪ ਟੂ, ઠਪਿੰਡੀ ਪੋਸਟ, ઠਟੈਂਟ ਗਾਰਡ, ઠਚਿਨਾਜ, ઠਪਿੱਤਲ ਅਤੇ ਕੋਟਕੁੱਬਾ ਚੌਕੀ ਉੱਤੇ ਮੋਰਟਰ ਨਾਲ ਗੋਲੇ ਦਾਗੇ ।ઠਗੋਲੇ ਚੌਕੀਆਂ ઠਦੇ ਆਸ-ਪਾਸ ઠਦੇ ਪਿੰਡ ਪਿੰਡੀ ਚਾਰਕਾ, ઠਪਿੰਡੀ ਕੈਂਪਸ, ઠਕਾਕੇ ઠਦੇ ਕੋਠੇ, ઠਪਿੱਤਲ, ઠਰਖਗਾਂਵ, ઠਪਿੰਡੀ ਕਲਾਂਗ, ઠਚਾਨਨਾ ਕੈਂਪ, ઠਜਗਵਾਲ ਅਤੇ ਕੋਟਲੀ ਕਾਜੀਆਂ ਵਿਚ ਵੀ ਡਿੱਗੇ। ਆਰ. ਐਸ. ਪੁਰਾ ਦੀ ਅਬਦੁਲੀਆਂ ਅਤੇ ਕੁਰਟਾਨਾਖੁਰਦ, ઠਨਿਕੋਵਾਲ ਪੋਸਟਾਂ ਉੱਤੇ ਵੀ ਗੋਲਾਬਾਰੀ ਜਾਰੀ ਰਹੀ । ਕਰੀਬ ਨੌਂ ਵਜੇ ਤਿੰਨ ਗੋਲੇ ਅਰਨਿਆ ઠਦੇ ਵਾਰਡ ਨੰਬਰ ਇੱਕ ਵਿਚ ਡਿੱਗੇ ઠਜਦੋਂਕਿ ਇਕ ਗੋਲਾ ઠਪਰਗਵਾਲ ਵਿਚ ਡਿਗਿਆ । ਹਾਲਾਂਕਿ ਇਸ ਵਿਚ ਕਿਸੇ ઠਦੇ ਵੀ ਜ਼ਖ਼ਮੀ ਹੋਣ ਦੀ ਸੂਚਨਾ ਨਹੀਂ ਹੈ ।
ਉਧਰ ਸਾਂਬਾ ਸੈਕਟਰ ઠਦੇ ਮੰਗੂਚੱਕ ਵਿਚ ਵੀ ਦੇਰ ਰਾਤ ਭਾਰੀ ਗੋਲੀਬਾਰੀ ਕੀਤੀ। ਪਾਕਿਸਤਾਨ ਨੇ ਰਿਹਾਇਸ਼ੀ ਇਲਾਕਿਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ । ਦਹਿਸ਼ਤ ਕਾਰਨ ਜਸੋਚੱਕ ਅਤੇ ਸਾਮਦੂ ઠਦੇ 100 ਤੋਂ ਵੱਧ ਪਿੰਡ ਵਾਸੀਆਂ ਨੇ ਅਬਤਾਲ ਪੰਚਾਇਤ ਵਿਚ ਸ਼ਰਨ ਲਈ ਹੋਈ ਹੈ । ਗੋਲੀਬਾਰੀ ਕਾਰਨ ਪਿੰਡ ਅਬਦੁੱਲੀਆਂ ਦੇ ਲੋਕਾਂ ਨੇ ਫ਼ੌਜ ਦੁਆਰਾ ਬਣਾਏ ਬੰਕਰਾਂ ਵਿਚ ਰਾਤ ਕੱਟੀ।
ਪਾਕਿ ਨੂੰ ਮੂੰਹ ਤੋੜ ਜਵਾਬ ਦੇਵਾਂਗੇ-ਗ੍ਰਹਿ ਮੰਤਰੀ
ਨਵੀਂ ਦਿੱਲੀ, (ਏਜੰਸੀ)-ਸਰਹੱਦ 'ਤੇ ਪਾਕਿਸਤਾਨ ਵੱਲੋਂ ਦਿਨ-ਬ-ਦਿਨ ਵੱਧਦੀ ਗੋਲੀਬਾਰੀ ਦੌਰਾਨ ਕੇਂਦਰੀ ਗ੍ਰਹਿ ਮੰਤਰੀ ਸ਼ੁਸ਼ੀਲ ਕੁਮਾਰ ਸ਼ਿੰਦੇ ਨੇ ਕਿਹਾ ਕਿ ਪਾਕਿਸਤਾਨ ਨੂੰ ਮੂੰਹ ਤੋੜ ਜਵਾਬ ਦਿੱਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਸੀਮਾ ਸੁਰੱਖਿਆ ਬਲ (ਬੀ. ਐਸ. ਐਫ.) ਦੇ ਜਵਾਨਾਂ ਦੀਆਂ ਹੋਰ ਟੁਕੜੀਆਂ ਪਾਕਿਸਤਾਨ ਨਾਲ ਲੱਗਦੀ ਸਰਹੱਦ 'ਤੇ ਭੇਜੀਆਂ ਜਾ ਰਹੀਆਂ ਹਨ। ਜ਼ਿਕਰਯੋਗ ਹੈ ਕਿ 14 ਅਕਤੂਬਰ ਨੂੰ ਵੀ ਪਾਕਿਸਤਾਨ ਵੱਲੋਂ ਕੀਤੀ ਗੋਲੀਬਾਰੀ ਦੀ ਘਟਨਾ ਦੌਰਾਨ ਦੋ ਜਵਾਨ ਸ਼ਹੀਦ ਹੋ ਗਏ ਸਨ ਤੇ 18 ਹੋਰ ਵਿਅਕਤੀ ਜ਼ਖ਼ਮੀ ਹੋ ਗਏ ਸਨ।