ਜਲੰਧਰ ਪੁਲਸ ਨੇ ਗਰੀਬ ਨਾਲ ਕੀਤੀ ਧੱਕੇਸ਼ਾਹੀ

www.sabblok.blogspot.com

 

ਜਲੰਧਰ.31 ਮਈ  – ਅੱਜ ਦੇ ਸਮੇਂ ‘ਚ ਘਰੇਲੂ ਝਗੜੇ ਇੰਨੇ ਵਧ ਗਏ ਹਨ ਕਿ ਇਹ ਝਗੜੇ ਹੁਣ ਘਰ ਦੀਆਂ ਹੱਦਾਂ ਨੂੰ ਲੰਘ ਕੇ ਸਮਾਜ ਤੱਕ ਪਹੁੰਚ ਗਏ ਹਨ। ਅਜਿਹੇ ਝਗੜਿਆਂ ਦੇ ਮਾਮਲੇ ਜਦੋਂ ਪੁਲਸ ਤੱਕ ਪਹੁੰਚਦੇ ਹਨ ਤਾਂ ਅਕਸਰ ਗਰੀਬ ਆਦਮੀ ਪੁਲਸ ਦੀ ਧੱਕੇਸ਼ਾਹੀ ਦਾ ਸ਼ਿਕਾਰ ਹੋ ਜਾਂਦਾ ਹੈ। ਅਜਿਹਾ ਹੀ ਇਕ ਮਾਮਲਾ ਅਜੈ ਦਾ ਹੈ, ਜਿਸ ਨੂੰ ਜ਼ਬਰਦਸਤੀ ਪੁਲਸ ਨੇ ਜੇਲ ‘ਚ ਰੱਖਿਆ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਰਤਨ ਲਾਲ ਦੇ ਪੁੱਤਰ ਅਜੈ ਦਾ ਕਹਿਣਾ ਹੈ ਕਿ ਉਸ ਦੀ ਪਤਨੀ ਦਾ ਉਸ ਨਾਲ ਝਗੜਾ ਹੋ ਗਿਆ, ਜਿਸ ਕਾਰਨ ਉਹ ਆਪਣੇ ਦੋਹਾਂ ਬੱਚਿਆਂ ਨੂੰ ਛੱਡ ਕੇ ਪੇਕੇ ਚਲੀ ਗਈ। ਇਸ ਮਾਮਲੇ ‘ਚ ਬਾਵਾ ਖੇਲ ਥਾਣੇ ਦੀ ਪੁਲਸ ਨੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਬਿਨਾਂ ਕਿਸੇ ਕਾਰਨ ਉਸ ਨੂੰ ਜ਼ਬਰਦਸਤੀ ਤਿੰਨ ਦਿਨਾਂ ਤੱਕ ਜੇਲ ਅੰਦਰ ਰੱਖਿਆ। ਅਜੈ ਨੇ ਦੋਸ਼ ਲਗਾਇਆ ਹੈ ਕਿ ਉਸ ਦਾ ਥਾਣਾ ਨੰਬਰ ਕੁੱਝ ਹੋਰ ਪੈਂਦਾ ਹੈ, ਜਦੋਂ ਕਿ ਉਸ ਨੂੰ ਕਿਸੇ ਹੋਰ ਬਲਾਕ ਦੇ ਥਾਣੇ ਵਾਲੇ ਫੜ੍ਹ ਕੇ ਲੈ ਗਏ ਅਤੇ ਪੁਲਸ ਵਾਲਿਆਂ ਨੇ ਉਸ ਦੀ ਜੇਬ ‘ਚੋਂ 10,000 ਰੁਪਏ ਵੀ ਕੱਢ ਲਏ।
ਅਜੈ ਕੁਮਾਰ ਨੇ ਕਿਹਾ ਕਿ ਇਹ ਸਾਡਾ ਪਤੀ-ਪਤਨੀ ਦਾ ਝਗੜਾ ਸੀ, ਜਿਸ ਦੀ ਸ਼ਿਕਾਇਤ ਬਾਰਾਦਰੀ ਥਾਣਾ ‘ਚ ਕੀਤੀ ਗਈ ਸੀ ਪਰ ਉਸ ਨੂੰ ਬਸਤੀ ਬਾਵਾ ਖੇਲ ਲਿਜਾਇਆ ਗਿਆ, ਜਿੱਥੇ ਉਸ ਨੂੰ ਜ਼ਬਰਦਸਤੀ ਤਿੰਨ ਦਿਨਾਂ ਤੱਕ ਜੇਲ ਅੰਦਰ ਰੱਖਿਆ ਅਤੇ ਉਸ ਦੇ ਪੈਸੇ ਵੀ ਉਸ ਤੋਂ ਖੋਹ ਲਏ ਗਏ। ਅਜੈ ਦਾ ਕਹਿਣਾ ਹੈ ਕਿ ਪੁਲਸ ਨੇ ਇਸ ਮਾਮਲੇ ‘ਚ ਉਸ ਨਾਲ ਧੱਕੇਸ਼ਾਹੀ ਕੀਤੀ ਹੈ। ਪੀੜਤ ਵਿਅਕਤੀ ਨੇ ਇਸ ਮਾਮਲੇ ਸੰਬੰਧੀ ਇਨਸਾਫ ਦੀ ਗੁਹਾਰ ਲਗਾਈ ਹੈ।

ਭਾਖੜਾ ਡੈਮ ਵਿੱਚ ਜਲ ਪੱਧਰ ਪਿਛਲੇ ਸਾਲ ਨਾਲੋਂ 33 ਫੁੱਟ ਵਧਿਆ

www.sabblok.blogspot.com

ਪੌਂਗ ਡੈਮ ਦੇ ਜਲ ਭੰਡਾਰ ਵਿੱਚ ਮਾਮੂਲੀ ਕਮੀ * ਵੱਧ ਬਿਜਲੀ ਪੈਦਾ ਹੋਣ ਦੇ ਆਸਾਰ

  

ਚੰਡੀਗੜ੍ਹ/ਨੰਗਲ.31 ਮਈ. - ਉੱਤਰੀ ਭਾਰਤ ਵਿਚ ਕਰੀਬ ਇਕ ਮਹੀਨੇ ਤੋਂ ਚੱਲ ਰਹੀਆਂ ਗਰਮ ਹਵਾਵਾਂਦੇ ਬਾਵਜੂਦ ਭਾਖੜਾ ਡੈਮ ਵਿਚ ਪਾਣੀ ਦਾ ਪੱਧਰ ਪਿਛਲੇ ਸਾਲ ਨਾਲੋਂ 33 ਫੁੱਟ ਵੱਧ ਹੈ। ਡੈਮ ਵਿਚ ਅੱਜ1571.30 ਫੁੱਟ ਪਾਣੀ ਮਾਪਿਆ ਗਿਆ ਜੋ ਪਿਛਲੇ ਸਾਲ ਦੇ ਇਸ ਸਮੇਂ ਦੇ ਪੱਧਰ 15.38 ਫੁੱਟ ਦੇ ਮੁਕਾਬਲੇ 33 ਫੁੱਟ ਵੱਧ ਹੈ। ਇਹ ਜਾਣਕਾਰੀ ਇਕ ਅਧਿਕਾਰੀ ਨੇ ਦਿੱਤੀ ਹੈ।ਦੂਜੇ ਪਾਸੇ ਪੌਂਗ ਡੈਮ ਵਿਚ ਪਾਣੀ ਦਾ ਪੱਧਰ ਕੁਝ ਘਟਿਆ ਹੈ। ਇਸ ਡੈਮ ’ਚ ਅੱਜ 1311.11 ਫੁੱਟ ਪਾਣੀ ਮਾਪਿਆ ਗਿਆ ਜਦੋਂਕਿ ਪਿਛਲੇ ਸਾਲ ਦੇ ਇਸ ਸਮੇਂ ਦੌਰਾਨ ਇਹ 1313.33 ਫੁੱਟ ਸੀ। ਡੈਮ ਨੂੰ ਭਰਨ ਵਿਚ ਬਰਫ਼ ਦਾ ਪਿਘਲਣਾ ਤੇ ਬਾਰਸ਼ਾਂ ਦਾ ਅਹਿਮ ਰੋਲ ਹੁੰਦਾ ਹੈ। ਭਾਖੜਾ ਡੈਮ ਵਿਚ ਪਾਣੀ ਵਧਣ ਦਾ ਸਮਾਂ 21 ਮਈ ਤੋਂ ਸ਼ੁਰੂ ਹੋਇਆ ਜੋ 20 ਸਤੰਬਰ ਤਕ ਚੱਲੇਗਾ। ਪੌਂਗ ਡੈਮ ਵਿਚ ਪਾਣੀ ਭਰਨ ਦਾ ਸਮਾਂ 21 ਜੂਨ ਤੋਂ ਸ਼ੁਰੂ ਹੋਵੇਗਾ।ਇਸ ਸਮੇਂ ਭਾਖੜਾ ਡੈਮ ਅੰਦਰ ਰੋਜ਼ਾਨਾ ਤੀਹ ਹਜ਼ਾਰ ਕਿਊਸਿਕ ਪਾਣੀ ਦਾਖਲ ਤੇ 29000 ਕਿਊਸਿਕ ਖਾਰਜ ਹੋ ਰਿਹਾ ਹੈ। ਪੌਂਗ ਡੈਮ ਵਿਚ ਰੋਜ਼ਾਨਾ 3300 ਕਿਊਸਿਕਪਾਣੀ ਦਾਖਲ ਤੇ 3700 ਕਿਊਸਿਕ ਖਾਰਜ ਹੋ ਰਿਹਾ ਹੈ। ਪੰਜਾਬ, ਹਰਿਆਣਾ ਤੇ ਰਾਜਸਥਾਨ ਨੂੰ ਸਿੰਚਾਈ ਅਤੇ ਹੋਰ ਕਾਰਜਾਂ ਲਈ ਪਾਣੀ ਭਾਖੜਾ ਡੈਮ ਤੇ ਪੌਂਗ ਡੈਮ ਤੋਂ ਮਿਲਦਾ ਹੈ। ਪਿਛਲੇ ਸਾਲ ਮੌਨਸੂਨ ਦੌਰਾਨ ਬਾਰਸ਼ ਘੱਟ ਹੋਣ ਕਾਰਨ ਦੋਵਾਂ ਡੈਮਾਂ ਵਿਚ ਪਾਣੀ ਦਾ ਪੱਧਰ ਘੱਟ ਰਿਹਾ, ਜਿਸ ਕਾਰਨ ਭਾਖੜਾ-ਬਿਆਸ ਪ੍ਰਾਜੈਕਟ ਨੂੰ ਪਾਣੀ  ਉਪਰ ਦਸ ਫੀਸਦੀ ਕਟੌਤੀ ਲਾਉਣੀ ਪਈ ਸੀ।

1984 ਸਿੱਖ ਵਿਰੋਧੀ ਦੰਗੇ—ਟਾਈਟਲਰ ਦੀ ਸੁਣਵਾਈ ਤੋਂ ਪਿੱਛੇ ਹਟੇ ਜੱਜ

www.sabblok.blogspot.com

 

 ਨਵੀਂ ਦਿੱਲੀ. 31 ਮਈ. – 1984 ‘ਚ ਹੋਏ ਸਿੱਖ ਵਿਰੋਧੀ ਦੰਗਿਆਂ ਦੇ ਮਾਮਲੇ ‘ਚ ਕਾਂਗਰਸੀ ਨੇਤਾ ਜਗਦੀਸ਼ ਟਾਈਟਲਰ ਦੇ ਕੇਸ ‘ਚ ਜੱਜ ਨੇ ਆਪਣੇ ਆਪ ਨੂੰ ਵੱਖ ਕਰ ਲਿਆ ਹੈ ਹਾਲਾਂਕਿ ਉਨ੍ਹਾਂ ਨੇ ਅਜੇ ਇਸ ਗੱਲ ਦਾ ਖੁਲਾਸਾ ਨਹੀਂ ਕੀਤਾ ਕਿ ਉਨ੍ਹਾਂ ਨੇ ਅਜਿਹਾ ਕਿਉਂ ਕੀਤਾ ਹੈ। ਜਗਦੀਸ਼ ਟਾਈਲਟਰ ਨੇ ਸਿੱਖ ਵਿਰੋਧੀ ਦੰਗਿਆਂ ਦੇ ਮਾਮਲੇ ਸੰਬੰਧੀ ਫਿਰ ਤੋਂ ਜਾਂਚ ਕਰਨ ਦੇ ਹੇਠਲੀ ਅਦਾਲਤ ਦੇ ਆਦੇਸ਼ ਖਿਲਾਫ ਹਾਈਕੋਰਟ ‘ਚ ਅਰਜ਼ੀ ਦਿੱਤੀ ਸੀ ਪਰ ਹੁਣ ਟਾਈਟਲਰ ਦੀ ਅਰਜ਼ੀ ਦੀ ਸੁਣਵਾਈ ਕਰਨ ਵਾਲੇ ਜੱਜ ਕੈਲਾਸ਼ ਗੰਭੀਰ ਇਸ ਕੇਸ ਤੋਂ ਵੱਖ ਹੋ ਗਏ ਹਨ। ਜ਼ਿਕਰਯੋਗ ਹੈ ਕਿ ਟਾਈਟਲਰ ‘ਤੇ ਦਿੱਲੀ ‘ਚ ਹੋਏ 1984 ਦੇ ਸਿੱਖ ਦੰਗਿਆਂ ਨੂੰ ਭੜਕਾਉਣ ਦਾ ਦੋਸ਼ ਹੈ। ਦਿੱਲੀ ਦੀ ਕੜਕੜਡੂਮਾ ਅਦਾਲਤ ਨੇ ਟਾਈਟਲਰ ਦੇ ਖਿਲਾਫ ਫਿਰ ਤੋਂ ਜਾਂਚ ਕਰਨ ਦੇ ਸੀ. ਬੀ. ਆਈ. ਆਦੇਸ਼ ਦਿੱਤੇ ਹਨ। ਆਪਣੀ ਅਰਜ਼ੀ ‘ਚ ਕਾਂਗਰਸੀ ਨੇਤਾ ਨੇ ਕਿਹਾ ਕਿ ਹੇਠਲੀ ਅਦਾਲਤ ਦਾ ਆਦੇਸ਼ ਸੀ. ਆਰ. ਪੀ. ਸੀ. ਦੀ ਧਾਰਾ ਦੇ ਉਲਟ ਹੈ। ਜਾਂਚ ਏਜੰਸੀ ਦੀ ਜਾਂਚ ਦਾ ਤਰੀਕਾ ਪੂਰੀ ਤਰ੍ਹਾਂ ਨਾਲ ਏਜੰਸੀ ਦਾ ਵਿਸ਼ੇਸ਼ ਅਧਿਕਾਰ ਹੁੰਦਾ ਹੈ। ਅਦਾਲਤ ਏਜੰਸੀ ਨੂੰ ਇਹ ਨਿਰਦੇਸ਼ ਨਹੀਂ ਦੇ ਸਕਦੀ ਕਿ ਕਿਸੇ ਗਵਾਹ ਨਾਲ ਬਹਿਸ ਕੀਤੀ ਜਾਵੇ।

ਨਿਊਜ਼ੀਲੈਂਡ ਵਿੱਚ ਬਲਾਤਕਾਰ ਦੇ ਕੇਸ ’ਚੋਂ ਤਿੰਨ ਭਾਰਤੀ ਨੌਜਵਾਨ ਬਰੀ

www.sabblok.blogspot.com

ਮੈਲਬਰਨ, 30 ਮਈ
ਨਿਊਜ਼ੀਲੈਂਡ ਵਿੱਚ ਦੋ ਸਾਲ ਪਹਿਲਾਂ ਦਰਜ ਹੋਏ ਬਲਾਤਕਾਰ ਦੇ ਇਕ ਕੇਸ ’ਚ ਫਸੇ ਤਿੰਨ ਭਾਰਤੀ ਨੌਜਵਾਨਾਂ ਨੂੰ ਹੈਮਿਲਟਨ ਅਦਾਲਤ ਨੇ ਬਰੀ ਕਰ ਦਿੱਤਾ ਹੈ। ਅਦਾਲਤ ਨੇ ਤਿੰਨਾਂ ਨੌਜਵਾਨਾਂ ਹਰਵਿੰਦਰ ਸਿੰਘ (22 ਸਾਲ), ਕਮਲਜੀਤ ਸਿੰਘ (27 ਸਾਲ) ਅਤੇ ਸੁਮਿਤ ਵਰਮਨੀ (26 ਸਾਲ) ਨੂੰ ਤੁਰੰਤ ਭਾਰਤ ਭੇਜਣ ਦਾ ਹੁਕਮ ਦਿੱਤਾ ਹੈ।
ਸ਼ਿਕਾਇਤਕਰਤਾ (19) ਦਾ ਦੋਸ਼ ਸੀ ਕਿ ਤਿੰਨਾਂ ਮੁਲਜ਼ਮਾਂ ਨਾਲ ਉਨ੍ਹਾਂ ਦੀ ਹੈਮਿਲਟਨ ਵਿੱਚ ਦੌੜਾਂ ਦੇ ਮੁਕਾਬਲੇ ਦੌਰਾਨ ਮੁਲਾਕਾਤ ਹੋਈ ਸੀ। ਤਿੰਨਾਂ ਨੇ ਉਸ ਨੂੰ ਪਾਰਟੀ ’ਤੇ ਬੁਲਾਇਆ ਜਿੱਥੇ ਰਾਤ ਵੇਲੇ ਉਸ ਨਾਲ ਬਲਾਤਕਾਰ ਕੀਤਾ ਗਿਆ।
ਨਿਊਜ਼ੀਲੈਂਡ ਦੇ ਇਕ ਰੇਡੀਓ ਦੀ ਰਿਪੋਰਟ ਅਨੁਸਾਰ ਹੈਮਿਲਟਨ ਹਾਈ ਕੋਰਟ ਦੀ ਇਕ ਜਿਊਰੀ ਦੇ ਸੱਤ ਮਹਿਲਾਵਾਂ ਤੇ ਪੰਜ ਪੁਰਸ਼ ਮੈਂਬਰਾਂ ਨੇ ਅੱਜ ਸੇਵਾਮੁਕਤ ਹੋਣ ਤੋਂ ਪਹਿਲਾਂ ਇਸ ਮਾਮਲੇ ’ਚ ਫੈਸਲੇ ’ਤੇ ਪਹੁੰਚਣ ਲਈ ਚਾਰ ਘੰਟੇ ਲਾਏ। ਜਿਊਰੀ ਇਸ ਨਿਰਣੇ ’ਤੇ ਪਹੁੰਚੀ ਕਿ ਤਿੰਨੇ ਭਾਰਤੀ ਨੌਜਵਾਨ ਕਸੂਰਵਾਰ ਨਹੀਂ ਹਨ।  ਹੈਮਿਲਟਨ ਹਾਈ ਕੋਰਟ ਦੇ ਜੱਜ ਵੈਨਿੰਗ ਨੇ ਜਦੋਂ ਫੈਸਲਾ ਸੁਣਾਇਆ ਤਾਂ ਉਸ ਵੇਲੇ ਤਿੰਨਾਂ ਨੌਜਵਾਨਾਂ ਦੀਆਂ ਅੱਖਾਂ ’ਚ ਹੰਝੂ ਸਨ। ਫੈਸਲੇ ਤੋਂ ਬਾਅਦ ਤਿੰਨੇ ਨੌਜਵਾਨ ਜਿਵੇਂ ਹੀ ਅਦਾਲਤ ’ਚੋਂ ਬਾਹਰ ਆਏ। ਪੁਲੀਸ ਨੇ ਉਨ੍ਹਾਂ ਦੇ ਹੱਥ ਬੰਨ੍ਹ ਦਿੱਤੇ ਅਤੇ ਉਨ੍ਹਾਂ ਨੂੰ ਪੁਲੀਸ ਸਟੇਸ਼ਨ ਲਿਜਾਇਆ ਗਿਆ। ਸ੍ਰੀ ਵਰਮਨੀ ਦੇ ਵਕੀਲ ਮਾਈਕ ਰੌਬ ਨੇ ਦੱਸਿਆ ਕਿ ਉੱਥੋਂ ਉਨ੍ਹਾਂ ਨੂੰ ਭਾਰਤ ਭੇਜ ਦਿੱਤਾ ਜਾਵੇਗਾ। ਪਿਛਲੇ ਹਫਤੇ ਆਮੀਰ ਚੰਦ ਨਾਂ ਦਾ ਚੌਥਾ ਮੁਲਜ਼ਮ ਰਿਹਾਅ ਕਰਕੇ ਭਾਰਤ ਵਾਪਸ ਭੇਜਿਆ ਗਿਆ ਸੀ।
- ਪੀ.ਟੀ.ਆਈ.

inShare

ਬੈਂਕ ਆਫ ਕੈਨੇਡਾ ਨੇ ਵਿਆਜ ਦਰ ਇੱਕ ਫੀ ਸਦੀ ਹੀ ਰੱਖੀ

www.sabblok.blogspot.com

ਕੈਨੇਡਾ, 30 ਮਈ  ਬੈਂਕ ਆਫ ਕੈਨੇਡਾ ਦਾ ਗਵਰਨਰ ਹੋਣ ਨਾਤੇ ਵਿਆਜ ਦਰਾਂ ਬਾਰੇ ਕੀਤੇ ਗਏ ਆਪਣੇ ਆਖਰੀ ਐਲਾਨ ਵਿੱਚ ਮਾਰਕ ਕਾਰਨੇ ਨੇ ਬੈਂਕ ਵੱਲੋਂ ਦਿੱਤੇ ਜਾਣ ਵਾਲੇ ਉਧਾਰ ਉੱਤੇ ਵਿਆਜ ਦਰ ਇੱਕ ਫੀ ਸਦੀ ਹੀ ਰੱਖੀ। ਕਾਰਨੇ ਪਹਿਲੀ ਜੁਲਾਈ ਤੋਂ ਆਪਣਾ ਕੈਨੇਡਾ ਦਾ ਅਹੁਦਾ ਛੱਡ ਕੇ ਬੈਂਕ ਆਫ ਇੰਗਲੈਂਡ ਦੇ ਮੁਖੀ ਦਾ ਅਹੁਦਾ ਸਾਂਭ ਲੈਣਗੇ। ਇਸ ਐਲਾਨ ਨਾਲ ਲਗਾਤਾਰ 22ਵੇਂ ਮਹੀਨੇ ਵਿਆਜ ਦਰ ਇੱਕ ਫੀ ਸਦੀ ਰੱਖੀ ਗਈ ਹੈ ਤੇ ਇਹ ਸਿਲਸਿਲਾ ਸਤੰਬਰ 2010 ਵਿੱਚ ਸੁ਼ਰੂ ਹੋਇਆ ਸੀ। ਆਰਬੀਸੀ ਗਲੋਬਲ ਅਸੈਟ ਮੈਨੇਜਮੈਂਟ ਦੇ ਚੀਫ ਇਕਨਾਮਿਸਟ ਐਰਿਕ ਲੈਸੈਲਸ ਨੇ ਆਖਿਆ ਕਿ ਇੱਕ ਵਾਰੀ ਮੁੜ ਯਥਾ ਸਥਿਤੀ ਨੂੰ ਬਰਕਰਾਰ ਰੱਖਿਆ ਗਿਆ ਹੈ। ਕਾਰਨੇ ਨੇ ਆਪਣਾ ਅਹੁਦਾ ਛੱਡਦੇ ਸਮੇਂ ਵੀ ਕੋਈ ਤਬਦੀਲੀ ਨਹੀਂ ਕੀਤੀ। ਇਸ ਕਾਰਨ ਨਵੇਂ ਗਵਰਨਰ ਸਟੀਫਨ ਪੋਲੋਜ਼ ਕਾਫੀ ਹੱਦ ਤੱਕ ਕਾਰਨੇ ਦੇ ਸੁ਼ਕਰਗੁਜ਼ਾਰ ਹੋਣਗੇ। ਬੁੱਧਵਾਰ ਸਵੇਰੇ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਬੈਂਕ ਆਫ ਕੈਨੇਡਾ ਨੇ ਆਖਿਆ ਕਿ ਅਪਰੈਲ ਵਿੱਚ ਮਾਨੇਟਰੀ ਪਾਲਿਸੀ ਰਿਪੋਰਟ ਦੇ ਹਿਸਾਬ ਨਾਲ ਜਿਹੜੀਆਂ ਕਿਆਸਅਰਾਈਆਂ ਲਾਈਆਂ ਗਈਆਂ ਸਨ ਉਨ੍ਹਾਂ ਦੇ ਹਿਸਾਬ ਨਾਲ ਵਿਸ਼ਵਵਿਆਪੀ ਆਰਥਿਕ ਵਿਕਾਸ ਸਹੀ ਲੀਹ ਉੱਤੇ ਚੱਲ ਰਿਹਾ ਹੈ। ਬੈਂਕ ਨੇ ਆਖਿਆ ਕਿ ਕੈਨੇਡਾ ਦੀ ਵਿਕਾਸ ਦਰ ਵਿੱਚ ਥੋੜ੍ਹੀ ਮਜ਼ਬੂਤੀ ਆਈ ਹੈ ਤੇ ਮਹਿੰਗਾਈ ਨੂੰ ਥੋੜ੍ਹੀ ਠੱਲ੍ਹ ਪਈ ਹੈ। ਇਸ ਲਈ ਬੈਂਕ ਨੇ ਇਹ ਆਖਿਆ ਹੈ ਕਿ ਵਿਆਜ ਦਰਾਂ ਵਿੱਚ ਹੌਲੀ ਹੌਲੀ ਵਾਧਾ ਹੋਵੇਗਾ। ਪਰ ਇਸ ਬਿਆਨ ਵਿੱਚ ਸ਼ਬਦ ਹੌਲੀ ਹੌਲੀ ਆਇਆ ਹੈ ਤੇ ਇੰਜ ਲੱਗਦਾ ਹੈ ਕਿ ਵਿਆਜ ਦਰਾਂ ਨੇੜ ਭਵਿੱਖ ਵਿੱਚ ਵੀ ਵਧਾਉਣ ਦੀ ਬੈਂਕ ਨੂੰ ਕੋਈ ਕਾਹਲ ਨਹੀਂ ਹੈ।

inShare

ਚੌਟਾਲਾ ਦਾ ਪਲਾਟ ਜ਼ਬਤ

www.sabblok.blogspot.com

ਨਵੀਂ ਦਿੱਲੀ, 30 ਮਈ
ਅਧਿਆਪਕ ਘੁਟਾਲੇ ਵਿਚ ਕੈਦ ਦੀ ਸਜ਼ਾ ਦਾ ਸਾਹਮਣਾ ਕਰ ਰਹੇ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਓ.ਪੀ. ਚੌਟਾਲਾ ਦੀ ਇਕ ਰਿਹਾਇਸ਼ੀ ਜਾਇਦਾਦ ਐਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਜ਼ਬਤ ਕਰ ਲਈ ਹੈ। ਏਜੰਸੀ ਨੇ ਇਹ ਕਾਰਵਾਈ ਕਾਲੇ ਧਨ ਨੂੰ ਚਿੱਟਾ ਬਣਾਉਣ ਦੇ ਇਕ ਕੇਸ ਵਿਚ ਕੀਤੀ ਹੈ। ਏਜੰਸੀ ਨੇ ਪੰਜ ਵਾਰ ਮੁੱਖ ਮੰਤਰੀ ਰਹੇ ਚੌਟਾਲਾ ਖ਼ਿਲਾਫ਼ ਜਾਇਦਾਦ ਜ਼ਬਤ ਕਰਨ ਦੀ ਇਹ ਪਹਿਲੀ ਕਾਰਵਾਈ ਕੀਤੀ ਹੈ ਜਿਸ ਤਹਿਤ ਗੁੜਗਾਓਂ ਸਥਿਤ ਇਕ ਪਲਾਟ ਜ਼ਬਤ ਕੀਤਾ ਗਿਆ ਹੈ। ਇਸ ਪਲਾਟ ਦੀ ਕੀਮਤ 46,96000 ਹੈ। ਇਸੇ ਦੌਰਾਨ ਦਿੱਲੀ ਦੀ ਇਕ ਅਦਾਲਤ ਨੇ ਆਈਐਨਐਲਡੀ ਦੇ ਵਿਧਾਇਕ ਅਜੇ ਚੌਟਾਲਾ ਨੂੰ ਨਿਰਦੇਸ਼ ਦਿੱਤਾ ਹੈ ਕਿ ਦੋ ਸਰਕਾਰੀ ਗਵਾਹਾਂ ਦਾ ਸਫ਼ਰੀ ਖਰਚਾ ਉਹ ਭਰੇ। ਵਿਸ਼ੇਸ਼ ਜੱਜ ਮੰਨੂ ਰਾਏ ਸੇਠੀ ਨੇ ਕਿਹਾ ਕਿ ਸਰੋਤਾਂ ਤੋਂ ਜ਼ਿਆਦਾ ਜਾਇਦਾਦ ਮਾਮਲੇ ਵਿਚ ਚੌਟਾਲਾ ਦਾ ਵਕੀਲ ਨਾ ਆਉਣ ਕਰਕੇ ਜਿਰ੍ਹਾ ਨਹੀਂ ਹੋ ਸਕੀ, ਜਿਸ ਕਰਕੇ ਅਦਾਲਤ ’ਚ ਪੁੱਜੇ ਸਰਕਾਰੀ ਗਵਾਹਾਂ ਦਾ ਖਰਚਾ ਚੌਟਾਲਾ ਅਦਾ ਕਰੇ।
-ਪੀ.ਟੀ.ਆਈ.

inShare

1984: ਜਾਂਚ ਮੁੜ ਖੋਲ੍ਹਣ ਖ਼ਿਲਾਫ਼ ਟਾਈਟਲਰ ਹਾਈ ਕੋਰਟ ਪਹੁੰਚਿਆ ,

www.sabblok.blogspot.com

ਕਲੀਨ ਚਿੱਟ’ ਰੱਦ ਕਰਨ ਦੇ ਅਦਾਲਤੀ ਫ਼ੈਸਲੇ ਨੂੰ ਚੁਣੌਤੀ
ਨਵੀਂ ਦਿੱਲੀ, 30 ਮਈ ਕਾਂਗਰਸੀ ਆਗੂ ਜਗਦੀਸ਼ ਟਾਈਟਲਰ ਨੇ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਸਬੰਧੀ ਇਕ ਕੇਸ ਵਿੱਚ ਆਪਣੇ ਖ਼ਿਲਾਫ਼ ਜਾਂਚ ਮੁੜ ਖੋਲ੍ਹੇ ਜਾਣ ਦੇ ਹੁਕਮਾਂ ਵਿਰੁੱਧ ਦਿੱਲੀ ਹਾਈ ਕੋਰਟ ਵਿੱਚ ਅਪੀਲ ਦਾਇਰ ਕੀਤੀ ਹੈ। ਇਹ ਕੇਸ 29 ਸਾਲ ਪਹਿਲਾਂ ਹੋਏ ਦੰਗਿਆਂ ਦੌਰਾਨ ਤਿੰਨ ਸਿੱਖਾਂ ਦੇ ਮਾਰੇ ਜਾਣ ਨਾਲ ਸਬੰਧਤ ਹੈ। ਟਾਈਟਲਰ ਨੇ ਇਸ ਕੇਸ ਵਿੱਚ ਉਸ ਨੂੰ ਕਲੀਨਚਿੱਟ ਦੇਣ ਸਬੰਧੀ ਸੀਬੀਆਈ ਦੀ ਕਲੋਜ਼ਰ ਰਿਪੋਰਟ ਨੂੰ ਖ਼ਾਰਜ ਕਰਨ ਦੇ ਸੁਣਵਾਈ ਅਦਾਲਤ ਦੇ ਫ਼ੈਸਲੇ ਨੂੰ ਚੁਣੌਤੀ ਦਿੱਤੀ ਹੈ। ਇਸ ਅਪੀਲ ਉੱਤੇ ਅਦਾਲਤ ਵੱਲੋਂ ਸ਼ੁੱਕਰਵਾਰ ਨੂੰ ਗ਼ੌਰ ਕੀਤੇ ਜਾਣ ਦੇ ਆਸਾਰ ਹਨ। ਪਟੀਸ਼ਨ ਵਿੱਚ ਕਿਹਾ ਗਿਆ ਹੈ, ‘‘ਸੁਣਵਾਈ ਅਦਾਲਤ ਦੇ ਹੁਕਮ ਸੀਆਰਪੀਸੀ ਕੋਡ ਦੀ ਧਾਰਾ ਦੇ ਖ਼ਿਲਾਫ਼ ਹਨ। ਜਾਂਚ ਲਈ ਅਪਣਾਇਆ ਜਾਣ ਵਾਲਾ ਤਰੀਕਾ ਚੁਣਨ ਦਾ ਜਾਂਚ ਏਜੰਸੀ ਨੂੰ ਪੂਰਾ ਅਖ਼ਤਿਆਰ ਹੈ ਅਤੇ ਇਹ ਅਦਾਲਤ ਦਾ ਕੰਮ ਨਹੀਂ ਹੈ ਕਿ ਉਹ ਜਾਂਚ ਏਜੰਸੀ ਨੂੰ ਦੱਸੇ ਕਿ ਉਸ ਨੂੰ ਕਿਸ ਗਵਾਹ ਦੀ ਗਵਾਹੀ ਲੈਣੀ ਚਾਹੀਦੀ ਹੈ।’’ ਪਟੀਸ਼ਨ ਵਿੱਚ ਅਦਾਲਤ ਦੇ ਇਨ੍ਹਾਂ ਹੁਕਮਾਂ ਨੂੰ ਵੀ ਚੁਣੌਤੀ ਦਿੱਤੀ ਗਈ ਹੈ, ਜਿਨ੍ਹਾਂ ਵਿੱਚ ਸੀਬੀਆਈ ਨੂੰ ਚਸ਼ਮਦੀਦਾਂ ਅਤੇ ਉਨ੍ਹਾਂ ਹੋਰ ਵਿਅਕਤੀਆਂ ਤੋਂ ਪੁੱਛਗਿੱਛ ਕਰਨ ਲਈ ਕਿਹਾ ਗਿਆ ਹੈ, ਜੋ ਇਸ ਮਾਮਲੇ ਸਬੰਧੀ ਜਾਣਕਾਰੀ ਹੋਣ ਦਾ ਦਾਅਵਾ ਕਰਦੇ ਹਨ। ਅਦਾਲਤ ਨੇ ਇਹ ਹੁਕਮ ਜਾਂਚ ਏਜੰਸੀ ਵੱਲੋਂ ਟਾਈਟਲਰ ਨੂੰ ਕਲੀਨਚਿੱਟ ਦੇਣ ਅਤੇ ਕਲੋਜ਼ਰ ਰਿਪੋਰਟ ਦਾਖ਼ਲ ਕਰਨ ਖ਼ਿਲਾਫ਼ ਪੀੜਤਾਂ ਵੱਲੋਂ ਦਾਇਰ ਅਪੀਲ ਦੇ ਆਧਾਰ ਉੱਤੇ ਦਿੱਤੇ ਸਨ। ਪਟੀਸ਼ਨਰ ਲਖਵਿੰਦਰ ਕੌਰ ਵੱਲੋਂ ਪੇਸ਼ ਸੀਨੀਅਰ ਵਕੀਲ ਐਚ.ਐਸ. ਫੂਲਕਾ ਨੇ ਕਿਹਾ ਸੀ ਕਿ ਜਾਂਚ ਦੌਰਾਨ ਏਜੰਸੀ ਨੇ ਅਹਿਮ ਹਾਲਾਤ ਤੇ ਸਬੂਤਾਂ ਨੂੰ ਨਜ਼ਰਅੰਦਾਜ਼ ਕੀਤਾ ਹੈ ਅਤੇ ਅਜਿਹੇ ਸਬੂਤ ਅਦਾਲਤ ਅੱਗੇ ਪੇਸ਼ ਵੀ ਕੀਤੇ ਗਏ ਸਨ। ਦੂਜੇ ਪਾਸੇ ਸੀਬੀਆਈ ਨੇ ਇਹ ਕਹਿੰਦਿਆਂ ਪਟੀਸ਼ਨ ਦਾ ਵਿਰੋਧ ਕੀਤਾ ਸੀ ਕਿ ਉਸ ਦੀ ਜਾਂਚ ਵਿੱਚ ਪਾਇਆ ਗਿਆ ਹੈ ਕਿ ਟਾਈਟਲਰ ਪਹਿਲੀ ਨਵੰਬਰ, 1984 ਨੂੰ ਦੰਗਿਆਂ ਵੇਲੇ ਉੱਤਰੀ ਦਿੱਲੀ ਦੇ ਗੁਰਦੁਆਰਾ ਪੁਲਬੰਗਸ਼ ਵਿੱਚ ਹਾਜ਼ਰ ਨਹੀਂ ਸੀ। ਮੌਕੇ ਦੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਕਤਲ ਪਿੱਛੋਂ ਹੋਏ ਇਸ ਕਤਲੇਆਮ ਵਿੱਚ ਗੁਰਦੁਆਰਾ ਪੁਲਬੰਗਸ਼ ਵਿਖੇ ਬਾਦਲ ਸਿੰਘ, ਠਾਕੁਰ ਸਿੰਘ ਅਤੇ ਗੁਰਚਰਨ ਸਿੰਘ ਨਾਮੀ ਤਿੰਨ ਸਿੱਖ ਮਾਰੇ ਗਏ ਸਨ। ਮੈਜਿਸਟਰੇਟੀ ਅਦਾਲਤ ਨੇ ਦਸੰਬਰ 2007 ਵਿੱਚ ਸੀਬੀਆਈ ਦੀ ਕਲੋਜ਼ਰ ਰਿਪੋਰਟ ਖ਼ਾਰਜ ਕਰਦਿਆਂ ਉਸ ਨੂੰ ਮੁੜ ਜਾਂਚ ਦਾ ਹੁਕਮ ਦਿੱਤਾ ਸੀ, ਪਰ ਏਜੰਸੀ ਨੇ 2 ਅਪਰੈਲ, 2009 ਨੂੰ ਮੁੜ ਟਾਈਟਲਰ ਨੂੰ ਕਲੀਨਚਿੱਟ ਦੇ ਦਿੱਤੀ ਸੀ ਤੇ ਇਹ ਰਿਪੋਰਟ ਅਦਾਲਤ ਨੇ 27 ਅਪਰੈਲ, 2010 ਨੂੰ ਮਨਜ਼ੂਰ ਕਰ ਲਈ ਸੀ। ਹੁਣ ਸੈਸ਼ਨ ਅਦਾਲਤ ਨੇ ਮੁੜ ਇਸ ਕਲੋਜ਼ਰ ਰਿਪੋਰਟ ਨੂੰ ਖ਼ਾਰਜ ਕਰ ਦਿੱਤਾ ਹੈ, ਜਿਸ ਖ਼ਿਲਾਫ਼ ਟਾਈਟਲਰ ਨੇ ਹਾਈ ਕੋਰਟ ਵਿੱਚ ਅਪੀਲ ਕੀਤੀ ਹੈ।

ਬਦਲਾ ਲੈਣ ਲਈ ਫੇਸਬੁੱਕ 'ਤੇ ਪਾਈ ਅਸ਼ਲੀਲ ਫੋਟੋ ,

www.sabblok.blogspot.com

ਲੁਧਿਆਣਾ- ਲੁਧਿਆਣਾ 'ਚ ਇਕ ਕਰਮਚਾਰੀ ਨੇ ਖੁਦ ਨੂੰ ਨੌਕਰੀ 'ਚੋਂ ਕੱਢੇ ਜਾਣ ਦੀ ਰੰਜਿਸ਼ ਨੂੰ ਲੈ ਕੇ ਬਦਲਾ ਲੈਣ ਲਈ ਸੋਸ਼ਲ ਨੈੱਟਵਰਕਿੰਗ ਸਾਈਟ ਫੇਸਬੁੱਕ  ਦਾ ਸਹਾਰਾ ਲਿਆ। ਦੋਸ਼ੀ ਨੇ ਆਪਣੀ ਮਲਕਿਨ ਦਾ ਚੇਹਰਾ ਕੁਝ ਅਸ਼ਲੀਲ ਤਸਵੀਰਾਂ ਉੱਪਰ ਲਗਾ ਕੇ ਕਾਰਨਾਮੇ ਨੂੰ ਅੰਜਾਮ ਦਿੱਤਾ। ਦੋਸ਼ੀ ਕਰਮਚਾਰੀ ਨੇ ਫੇਸਬੁੱਕ ਤੋਂ ਆਪਣੀ ਮਾਲਕਿਨ ਦੀ ਆਈ. ਡੀ. 'ਚੋਂ ਫੋਟੋਆਂ ਡਾਊਨਲੋਡ ਕੀਤੀਆਂ ਅਤੇ ਫਿਰ ਸਾਫਟਵੇਅਰ ਦੀ ਮਦਦ ਨਾਲ ਉਨ੍ਹਾਂ ਨੂੰ ਅਸ਼ਲੀਲ ਬਣਾਇਆ ਅਤੇ ਮਾਲਕਿਨ ਦੇ ਨਾਂ 'ਤੇ ਇਕ ਜਾਅਲੀ ਫੇਸਬੁੱਕ ਆਈ. ਡੀ. ਬਣਾ ਕੇ ਉਨ੍ਹਾਂ ਅਸ਼ਲੀਲ ਤਸਵੀਰਾਂ ਨੂੰ ਅਪਲੋਡ ਕਰ ਦਿੱਤਾ। ਸਿਰਫ ਇੰਨਾ ਹੀ ਨਹੀਂ ਦੋਸ਼ੀ ਨੇ ਉਨ੍ਹਾਂ ਅਸ਼ਲੀਲ ਤਸਵੀਰਾਂ ਨੂੰ ਆਪਣੀ ਮਾਲਕਿਨ ਦੇ ਰਿਸ਼ਤੇਦਾਰਾਂ ਦੀ ਫੇਸਬੁੱਕ ਆਈ. ਡੀ. 'ਤੇ ਵੀ ਟੈਗ ਕਰ ਦਿੱਤਾ। ਦੋਸ਼ੀਆਂ ਨੇ ਆਪਣੀ ਮਾਲਕਣ ਦੀ ਜਾਅਲੀ ਆਈ. ਡੀ. 'ਤੇ ਉਸ ਦੇ ਮੋਬਾਇਲ ਦਾ ਨੰਬਰ ਵੀ ਪਾ ਦਿੱਤਾ ਜਿਸ ਤੋਂ ਬਾਅਦ ਉਸ ਦੀ ਮਾਲਕਣ ਨੂੰ ਫੋਨ ਆਉਣੇ ਸ਼ੁਰੂ ਹੋ ਗਏ। ਜਦੋਂ ਦੋਸ਼ੀ ਦੀ ਇਸ ਹਰਕਤ ਦਾ ਪਤਾ ਪੀੜਤਾ ਅਤੇ ਉਸ ਦੇ ਪਤੀ ਨੂੰ ਚੱਲਿਆ ਤਾਂ ਉਨ੍ਹਾਂ ਨੇ ਇਸ ਦੀ ਸ਼ਿਕਾਇਤ ਸਥਾਨਕ ਪੁਲਸ ਨੂੰ ਦਿੱਤੀ ਜਿਸ ਤੋਂ ਬਾਅਦ ਪੁਲਸ ਨੇ ਜਾਂਚ ਤੋਂ ਬਾਅਦ ਦੋਸ਼ੀ ਦਾ ਪਤਾ ਲਗਾਇਆ ਅਤੇ ਫਿਰ ਉਸ ਦੇ ਖਿਲਾਫ ਅਪਰਾਧਕ ਧਾਰਾਵਾਂ ਹੇਠ ਮਾਮਲਾ ਦਰਜ ਕਰ ਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਸ ਮੁਤਾਬਕ ਦੋਸ਼ੀ ਕਢਾਈ-ਸਿਲਾਈ ਦਾ ਕਾਰੀਗਰ ਹੈ ਜੋ ਪਿਛਲੇ 8-9 ਮਹੀਨਿਆਂ ਤੋਂ ਘਰ 'ਚ ਹੀ ਬਣੇ ਬੁਟੀਕ 'ਤੇ ਸਿਲਾਈ-ਕਢਾਈ ਦਾ ਕੰਮ ਕਰਦਾ ਸੀ। ਦੋਸ਼ੀ ਨੇ ਬੁਟੀਕ ਮਾਲਕਿਨ ਵਲੋਂ ਖੁਦ ਨੂੰ ਨੌਕਰੀ 'ਚੋਂ ਕੱਢੇ ਜਾਣ ਦੀ ਰੰਜਿਸ਼ ਨੂੰ ਲੈ ਕੇ ਅਜਿਹਾ ਕਾਰਨਾਮਾ ਕੀਤਾ। ਉਧਰ ਜਦੋਂ ਇਸ ਸੰਬੰਧੀ ਪੀੜਤ ਮਹਿਲਾ ਅਤੇ ਉਸ ਦੇ ਪਰਿਵਾਰ ਵਾਲਿਆਂ ਨਾਲ ਗੱਲ ਕਰਨੀ ਚਾਹੀ ਤਾਂ ਉਨ੍ਹਾਂ ਨੇ ਕੈਮਰੇ ਅੱਗੇ ਕੁਝ ਵੀ ਬੋਲਣ ਤੋਂ ਸਾਫ ਇਨਕਾਰ ਕਰ ਦਿੱਤਾ।

ਰਿਜ਼ੋਰਟ ‘ਚ ਹੋ ਰਿਹਾ ਸੀ ਨੇਕਡ ਡਾਂਸ, ਪੁਲਸ ਦੇ ਵੀ ਉਡੇ ਹੋਸ਼!

www.sabblok.blogspot.com

ਬੰਗਲੌਰ, 30 ਮਈ (ਏਜੰਸੀ) ਬੰਗਲੌਰ ਨੇੜਲੇ ਇਕ ਦਿਹਾਤੀ ਰਿਜ਼ੋਰਟ ‘ਚ ਹੋ ਰਹੇ ਨੇਕਡ ਡਾਂਸ ਪਾਰਟੀ ਦੀਆਂ ਤਸਵੀਰਾਂ ਸਾਹਮਣੇ ਆਉਣ ਨਾਲ ਬੰਗਲੌਰ ਵਿਚ ਸਨਸਨੀ ਫੈਲ ਗਈ ਹੈ। ਪੁਲਸ ਨੇ ਰਿਜ਼ੋਰਟ ਦੇ ਮਾਲਕ ਨੂੰ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਪਾਰਟੀ ਕਰਨ ਵਾਲੇ ਲੋਕਾਂ ਨੂੰ ਗ੍ਰਿਫਤਾਰ ਕਰਨ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ। ਇਹ ਪਾਰਟੀ 2 ਦਸੰਬਰ 2009 ਨੂੰ ਇਸ ਰਿਜ਼ੋਰਟ ਵਿਚ ਹੋਈ ਸੀ ਪਰ ਇਹ ਤਸਵੀਰਾਂ ਦੋ ਦਿਨ ਪਹਿਲਾਂ ਬੰਗਲੌਰ ਦਿਹਾਤੀ ਪੁਲਸ ਨੂੰ ਮਿਲੀਆਂ ਹਨ। ਇਕ ਸੋਸ਼ਲ ਵਰਕਰ ਨੇ ਇਹ ਸੀ. ਡੀ. ਪੁਲਸ ਨੂੰ ਦਿੱਤੀ ਅਤੇ ਨਾਲ ਦੋਸ਼ ਲਗਾਇਆ ਕਿ ਇਸ ਰਿਜ਼ੋਰਟ ਵਿਚ ਅਜਿਹੀਆਂ ਪਾਰਟੀਆਂ ਅਕਸਰ ਹੁੰਦੀਆਂ ਰਹਿੰਦੀਆਂ ਹਨ। ਪੁਲਸ ਨੇ ਰਿਜ਼ੋਰਟ ਦੇ ਮਾਲਕ ਸੰਪੰਗੀ ਰਮੱਈਆ ਅਤੇ ਉਸ ਦੇ ਬੇਟਿਆਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਸ ਤੋਂ ਇਲਾਵਾ ਪਾਰਟੀ ਕਰਨ ਵਾਲੇ ਲੋਕਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।

inShare

ਸਰਕਾਰ ਹੱਥੋਂ ਲੁੱਟਿਆ ਜਾ ਰਿਹਾ ਬੇਰੁਜ਼ਗਾਰ-------ਗੁਰਭੇਜ ਸਿੰਘ ਚੌਹਾਨ

www.sabblok.blogspot.com

 ਗੁਰਭੇਜ ਸਿੰਘ ਚੌਹਾਨ--98143 06545

 
ਸਰਕਾਰ ਹਮੇਸ਼ਾ ਆਪਣੀ ਪਰਜਾ ਲਈ ਮਾਂ ਬਾਪ ਦਾ ਰੋਲ ਅਦਾ ਕਰਦੀ ਹੈ। ਪਰਜਾ ਦੀ ਹਰ ਦੁੱਖ ਤਕਲੀਫ ਦੂਰ ਕਰਨਾਂ ਸਰਕਾਰ ਦਾ ਪਹਿਲਾ ਫਰਜ਼ ਹੈ ਪਰ ਹੁਣ ਸਰਕਾਰ ਵਿਚ ਸ਼ਾਮਲ ਲੋਕ ਆਪਣੇ ਲਈ ਸਭ ਕੁੱਝ ਕਰਦੇ ਹਨ , ਲੋਕ ਪੈਣ ਢੱਠੇ ਖੂਹ ਚ। ਪਿਛਲੇ ਸਮੇਂ ਤੋਂ ਸਰਕਾਰ ਦੀ ਅਣਦੇਖੀ ਕਾਰਨ ਪੰਜਾਬ ਵਿਚ 40 ਲੱਖ ਤੋਂ ਉੱਪਰ ਨੌਜਵਾਨ ਬੇਰੁਜ਼ਗਾਰ ਫਿਰ ਰਿਹਾ ਹੈ ਜਿਸਦਾ ਭਵਿੱਖ ਕੋਈ ਵੀ ਨਹੀਂ। ਉਹ ਦਿਸ਼ਾਹੀਣ ਅੱਕੀਂ ਪਲਾਹੀਂ ਹੱਥ ਮਾਰ ਰਿਹਾ ਹੈ। ਕਿਸੇ ਨੇ ਇੰਜਨੀਅਰਿੰਗ ਕੀਤੀ ਹੈ, ਉਹ ਵੀ ਵਿਹਲਾ ਹੈ, ਡਾਕਟਰ ਵੀ ਵਿਹਲੇ ਹਨ, ਬੀ ਐੱਡ, ਐਮ ਏ ਵਾਲੇ ਵੀ ਵਿਹਲੇ ਹਨ। ਮੁੱਕਦੀ ਗੱਲ ਕਿ ਕਿਸੇ ਵੀ ਖੇਤਰ ਵਿਚ ਨੌਕਰੀਆਂ ਨਹੀਂ।  ਜਿਸ ਕਾਰਨ ਮਾਪੇ ਵੀ ਤੇ ਬੱਚੇ ਵੀ ਡਿਪਰੈਸ਼ਨ ਵਿਚ ਹਨ। ਜੇ ਕਿਸੇ ਅਦਾਰੇ ਵਿਚ ਨੌਕਰੀਆਂ ਨਿੱਕਲਦੀਆਂ ਹਨ ਤਾਂ ਉਹ ਸਰਕਾਰ ਵਿਚ ਸ਼ਾਮਲ ਲੋਕਾਂ ਦੇ ਚਹੇਤੇ ਵਿੰਗੇ ਟੇਢੇ ਢੰਗ ਨਾਲ ਉਸਤੇ ਕਾਬਜ਼ ਹੋ ਜਾਂਦੇ ਹਨ। ਜਦੋਂ ਸਰਕਾਰ ਕਦੇ ਥੋੜ•ੀਆਂ ਬਹੁਤੀਆਂ ਨੌਕਰੀਆਂ ਕੱਢਦੀ ਹੈ ਤਾਂ  ਉਸਦੇ ਨਾਲ ਫੀਸ ਦਾ ਡਰਾਫਟ ਮੰਗਿਆ ਜਾਂਦਾ ਹੈ ਅਤੇ ਇਸ ਬਹਾਨੇ ਸਰਕਾਰ ਬੇਰੁਜ਼ਗਾਰਾਂ ਦੀ ਲੁੱਟ ਕਰਕੇ ਕਰੋੜਾਂ ਰੁਪਏ ਇਕੱਠੇ ਕਰ ਲੈਂਦੀ ਹੈ। ਅਧਿਆਪਨ ਕਿੱਤੇ ਵਿਚ ਸ਼ਾਮਲ ਹੋਣ ਵਾਲੇ ਬੇਰੁਜ਼ਗਾਰਾਂ ਨੂੰ ਸਰਕਾਰ ਨੇ ਲੁੱਟਣ ਦਾ ਇਕ ਹੋਰ ਢੰਗ ਈਜਾਦ ਕਰ ਲਿਆ ਹੈ। ਉਨ•ਾਂ ਦੀ 14 ਸਾਲ ਜਾਂ 16 ਸਾਲ ਕੀਤੀ ਪੜ•ਾਈ ਦੀ ਕੋਈ ਅਹਿਮੀਅਤ ਨਹੀਂ ਜੋ ਉਨ•ਾਂ ਨੇ ਪਹਿਲਾਂ ਲੱਖਾਂ ਰੁਪਏ ਲੁਟਾਕੇ ਪ੍ਰਾਈਵੇਟ ਅਦਾਰਿਆਂ ਤੋਂ ਕੀਤੀ ਹੈ। ਉਨ•ਾਂ ਦੀ ਯੋਗਤਾ ਪਰਖਣ ਲਈ ਸੰਨ 2011 ਵਿਚ ਇਕ ਟੀ ਈ ਟੀ ਟੈਸਟ ਰੱਖਿਆ ਗਿਆ ਜਿਸ ਵਿਚ 2 ਲੱਖ 50 ਹਜ਼ਾਰ ਬੇਰੁਜ਼ਗਾਰ ਅਧਿਆਪਕਾਂ ਨੇ 1000 ਰੁਪਏ ਪ੍ਰਤੀ ਵਿਅਕਤੀ ਇਹ ਟੈਸਟ ਲੈਣ ਵਾਲੀ ਕੰਪਨੀ ਨੂੰ ਪੇ ਕੀਤਾ। ਕੰਪਨੀ ਨੇ ਚੁਟਕੀ ਨਾਲ ਕਰੋੜਾਂ ਰੁਪਏ ਇਕੱਠੇ ਕਰ ਲਏ ਅਤੇ ਇਨ•ਾਂ ਵਿਚੋਂ ਬਹੁਤ ਹੀ ਘੱਟ ਨੂੰ ਰੁਜ਼ਗਾਰ ਦਾ ਮੌਕਾ ਮਿਲਿਆ ਕਿਉਂ ਕਿ ਇਕ ਤਾਂ ਪੇਪਰ ਬਹੁਤ ਔਖਾ ਪਾਇਆ ਗਿਆ ਅਤੇ ਦੂਸਰਾ 150 ਚੋਂ 90 ਅੰਕ ਪਾਪਤ ਕਰਨ ਦੀ ਸ਼ਰਤ ਰੱਖੀ ਗਈ ਅਤੇ ਪੇਪਰ ਹੱਲ ਕਰਨ ਲਈ ਸਮਾਂ ਵੀ ਬਹੁਤ ਘੱਟ ਦਿੱਤਾ ਗਿਆ। ਇਸ ਵਾਰ ਵੀ ਇਹ ਟੇਸਟ 9 ਜੂਨ ਨੂੰ ਹੋ ਰਿਹਾ ਹੈ ਅਤੇ ਇਸ ਵਿਚ 2 ਲੱਖ 7 ਹਜ਼ਾਰ 315 ਬੇਰੁਜ਼ਗਾਰ ਅਧਿਆਪਕ ਸ਼ਾਮਲ ਹੋ ਰਹੇ ਹਨ ਜਿਨ•ਾਂ ਨੇ ਪ੍ਰਾਇਮਰੀ ਅਤੇ ਉੱਚ ਜਮਾਤਾਂ ਲਈ ਟੈਸਟ ਵਾਸਤੇ ਫਿਰ ਪ੍ਰਤੀ ਵਿਅਕਤੀ 1000 ਰੁਪਏੇ ਕੰਪਨੀ ਨੂੰ ਪੇ ਕੀਤੇ ਹਨ। ਬੇਰੁਜ਼ਗਾਰਾਂ ਨੂੰ ਲੁੱਟਣ ਲਈ ਕੰਪਨੀ ਨੇ 10+2 ਅਤੇ ਬੀ ਏ ਵਾਲਿਆਂ ਨੂੰ ਵੀ ਇਹ ਪੇਪਰ ਦੇਣ ਦੀ ਇਜ਼ਾਜਤ ਦਿੱਤੀ ਹੈ ਜਦੋਂ ਕਿ 10+2 ਵਾਲਾ ਈ ਟੀ ਟੀ ਅਤੇ ਬੀਏ ਵਾਲਾ ਬੀ ਐੱਡ ਕਰਕੇ ਹੀ ਅਧਿਆਪਕ ਲੱਗ ਸਕਦਾ ਹੈ । ਇਨ•ਾਂ ਨੂੰ ਸ਼ਾਮਲ ਕਰਨਾਂ ਸਿਰਫ ਪੈਸਾ ਲੁੱਟਣਾ ਹੈ। ਸਰਕਾਰ ਨੇ ਕੰਪਨੀ ਨੂੰ ਇਹ ਵੀ ਹਦਾਇਤ ਕੀਤੀ ਹੈ ਕਿ ਪੇਪਰ ਔਖਾ ਪਾਇਆ ਜਾਵੇ। ਇਹ ਤਰੀਕਾ ਨਾਲੇ ਪੈ ਸਾ ਲੁੱਟਣ ਅਤੇ ਨਾਲੇ ਬੇਰੁਜ਼ਗਾਰਾਂ ਨੂੰ ਮਗਰੋਂ ਲਾਹੁਣ ਵਾਲਾ ਹੈ ਤਾਂ ਕਿ ਉਹ ਕੱਲ• ਨੂੰ ਸੜਕਾਂ ਤੇ ਆਕੇ ਨੌਕਰੀ ਨਾਂ ਮੰਗ ਸਕਣ। ਇਨ•ਾਂ ਬੱਚਿਆਂ ਦੇ ਮਾਪੇ ਬੇਹੱਦ ਦੁਖੀ ਹਨ ਜਿਨ•ਾਂ ਨੇ ਲੱਖਾਂ ਖਰਚ ਕਰਕੇ ਇਨ•ਾਂ ਨੂੰ ਪੜ•ਾਇਆ ਹੈ ਅਤੇ ਹੁਣ ਨੌਕਰੀ ਦੀ ਕੋਈ ਆਸ ਨਹੀਂ । ਵਿਦੇਸ਼ਾਂ ਵਿਚ ਸਰਕਾਰਾਂ ਬੇਰੁਜ਼ਗਾਰਾਂ ਨੂੰ ਭੱਤਾ ਦਿੰਦੀਆਂ ਹਨ ਅਤੇ ਇੱਥੇ ਬੇਰੁਜ਼ਗਾਰਾਂ ਨੂੰ ਕਿਸੇ ਨਾਂ ਕਿਸੇ ਬਹਾਨੇ ਸਰਕਾਰ ਲੁੱਟ ਰਹੀ ਹੈ। 

ਨਕਸਲੀਆਂ ਨੇ ਜਾਰੀ ਕੀਤੀ ਤਾਜ਼ਾ ਹਿਟ ਲਿਸਟ

www.sabblok.blogspot.com

 ''ਅਸੀਂ ਸਲਵਾ ਜੁਡੂਮ ਦੇ ਕਾਰਕੁਨਾਂ ਅਤੇ ਪੁਲਿਸ ਨੂੰ ਸਜ਼ਾ ਦੇਵਾਂਗੇ। ਉਨ੍ਹਾਂ ਲੋਕਾਂ ਨੂੰ ਵੀ ਨਹੀਂ ਬਖ਼ਸ਼ਿਆ ਜਾਵੇਗਾ ਜੋ ਸਲਵਾ ਜੁਡੂਮ ਲਹਿਰ ਵਿਚ ਸਹਾਇਕ ਵਜੋਂ ਕੰਮ ਕਰਦੇ ਰਹੇ। ਤੁਸੀਂ ਚਾਹੇ ਸਾਰੇ ਫ਼ੌਜ ਤੈਨਾਤ ਕਰ ਦਿਉ, ਉਨ੍ਹਾਂ ਨੂੰ ਨਹੀਂ ਬਚਾ ਸਕੋਗੇ।'' 

ਰਾਏਪੁਰ- ਛੱਤੀਸਗੜ੍ਹ 'ਚ ਕਾਂਗਰਸੀ ਕਾਫ਼ਲੇ ਉਪਰ ਘਾਤਕ ਹਮਲਾ ਕਰਨ ਤੋਂ ਬਾਅਦ ਨਕਸਲੀਆਂ ਨੇ ਤਾਜ਼ਾ ਹਿਟ ਲਿਸਟ ਜਾਰੀ ਕੀਤੀ ਹੈ ਜਿਸ ਵਿਚ ਕਈ ਸੀਨੀਅਰ ਕਾਂਗਰਸੀ ਆਗੂਆਂ ਦੇ ਨਾਮ ਸ਼ਾਮਲ ਹਨ। ਸੁਕਮਾ ਜ਼ਿਲ੍ਹੇ ਦੇ ਕਲੈਕਟਰ ਨੂੰ ਭੇਜੇ ਗਏ ਪੱਤਰ ਵਿਚ ਨਕਸਲੀਆਂ ਨੇ ਧਮਕੀ ਦਿਤੀ ਹੈ ਕਿ ਉਹ ਸਲਵਾ ਜੁਡੂਮ (ਨਕਸਵਾਦ ਵਿਰੋਧੀ ਲਹਿਰ) ਵਿਚ ਸ਼ਾਮਲ ਰਹੇ ਘਟੋ-ਘੱਟ 15 ਵਿਅਕਤੀਆਂ ਨੂੰ ਨਹੀਂ ਛੱਡਣਗੇ। ਇਹ ਪੱਤਰ ਸੀ.ਪੀ.ਆਈ. (ਮਾਉਵਾਦੀ) ਦੀ ਦਰਭਾ ਡਵੀਜ਼ਨਲ ਕਮੇਟੀ ਵਲੋਂ ਲਿਖਿਆ ਗਿਆ ਹੈ। ਇਸ ਵਿਚ ਬਸਤਰ ਇਲਾਕੇ ਵਿਚੋਂ ਨੀਮ ਫ਼ੌਜੀ ਬਲਾਂ ਦੀ ਵਾਪਸੀ, ਬੇਕਸੂਰ ਲੋਕਾਂ ਦਾ ਕਤਲ ਅਤੇ ਅਪਰੇਸ਼ਨ ਗਰੀਨ ਹੰਟ ਬੰਦ ਕਰਨ ਦੀ ਮੰਗ ਰੱਖੀ ਗਈ ਹੈ। 

ਇਸ ਦੇ ਨਾਲ ਹੀ ਸਿਆਸਤਦਾਨਾਂ ਨੂੰ ਕਿਹਾ ਗਿਆ ਹੈ ਕਿ ਉਹ ਅਪਣੀ ਵਿਕਾਸ ਯਾਤਰਾ ਜਾਂ ਪ੍ਰਵਰਤਨ ਯਾਤਰਾ ਨਾ ਕੱਢਣ। 

ਪੱਤਰ ਮੁਤਾਬਕ, ''ਅਸੀਂ ਸਲਵਾ ਜੁਡੂਮ ਦੇ ਕਾਰਕੁਨਾਂ ਅਤੇ ਪੁਲਿਸ ਨੂੰ ਸਜ਼ਾ ਦੇਵਾਂਗੇ। ਉਨ੍ਹਾਂ ਲੋਕਾਂ ਨੂੰ ਵੀ ਨਹੀਂ ਬਖ਼ਸ਼ਿਆ ਜਾਵੇਗਾ ਜੋ ਸਲਵਾ ਜੁਡੂਮ ਲਹਿਰ ਵਿਚ ਸਹਾਇਕ ਵਜੋਂ ਕੰਮ ਕਰਦੇ ਰਹੇ। ਤੁਸੀਂ ਚਾਹੇ ਸਾਰੇ ਫ਼ੌਜ ਤੈਨਾਤ ਕਰ ਦਿਉ, ਉਨ੍ਹਾਂ ਨੂੰ ਨਹੀਂ ਬਚਾ ਸਕੋਗੇ।'' ਇਸੇ ਦਰਮਿਆਨ ਮਾਮਲੇ ਦੀ ਪੜਤਾਲ ਕਰ ਰਹੀ ਕੌਮੀ ਜਾਂਚ ਏਜੰਸੀ ਨੇ ਹਮਲਾਵਰਾਂ ਦੀ ਭਾਲ ਲਈ ਸਾਰੀਆਂ ਆਸਾਂ 119 ਮੋਬਾਈਲ ਫ਼ੋਨਾਂ 'ਤੇ ਲਾ ਦਿੱਤੀਆਂ ਹਨ ਜੋ ਨਕਸਲੀ ਅਪਣੇ ਨਾਲ ਲੈ ਗਏ ਸਨ। ਅਜੇ ਤੱਕ ਐਨ.ਆਈ. ਏ. ਨੂੰ ਕੋਈ ਵੱਡਾ ਸੁਰਾਗ਼ ਨਹੀਂ ਮਿਲਿਆ ਹੈ ਪਰ ਮੋਬਾਈਲ ਫ਼ੋਨਾਂ ਰਾਹੀਂ ਹਮਲਾਵਰਾਂ ਬਾਰੇ ਕਾਫ਼ੀ ਜਾਣਕਾਰੀ ਮਿਲਣ ਦੀ ਸੰਭਾਵਨਾ ਹੈ।

ਮਲੂਕਾ ਦੀ ਨੂੰਹ ਦੇ ਮਾਮਲੇ 'ਚ ਵਿਚਕਾਰਲਾ ਰਾਹ ਲੱਭ ਰਹੀ ਸਰਕਾਰ

www.sabblok.blogspot.com

ਚੰਡੀਗੜ੍ਹ (ਪਰਾਸ਼ਰ) - ਗ੍ਰਾਮੀਣ ਵਿਕਾਸ ਅਤੇ ਪੰਚਾਇਤ ਵਿਭਾਗ ਤੋਂ ਸਿੱਖਿਆ ਵਿਭਾਗ 'ਚ ਡੈਪੂਟੇਸ਼ਨ 'ਤੇ ਬਤੌਰ ਐਡੀਸ਼ਨਲ ਪ੍ਰਾਜੈਕਟ ਡਾਇਰੈਕਟਰ (ਸਰਬ ਸਿੱਖਿਆ ਅਭਿਆਨ) ਨਿਯੁਕਤ ਕੀਤੀ ਗਈ ਸਿੱਖਿਆ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਦੀ ਨੂੰਹ ਪਰਮਪਾਲ ਕੌਰ ਨੂੰ ਉਥੋਂ ਕਿਵੇਂ ਬੁਲਾਇਆ ਜਾਵੇ, ਇਸ ਪ੍ਰਸ਼ਨ ਨੂੰ ਲੈ ਕੇ ਬਾਦਲ ਸਰਕਾਰ ਪਸ਼ੋ-ਪੇਸ਼ 'ਚ ਹੈ। ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਬੀਤੇ ਦਿਨੀਂ ਸੰਕੇਤ ਦਿੱਤਾ ਸੀ ਕਿ ਪਰਮਪਾਲ ਕੌਰ ਨੂੰ ਸਿੱਖਿਆ ਵਿਭਾਗ ਤੋਂ ਹਟਾਉਣ ਦੇ ਸਿਲਸਿਲੇ 'ਚ ਉਹ ਮਲੂਕਾ ਨਾਲ ਗੱਲਬਾਤ ਕਰਨਗੇ। ਸਰਕਾਰ ਨੇ ਪਰਮਪਾਲ ਕੌਰ ਨੂੰ ਸਿੱਖਿਆ ਵਿਭਾਗ ਤੋਂ ਹਟਾਉਣ ਦਾ ਮਨ ਤਾਂ ਬਣਾ ਲਿਆ ਹੈ ਪਰ ਇਸਦੇ ਲਈ ਕੀ ਉਸਦੀ ਡੈਪੂਟੇਸ਼ਨ ਰੱਦ ਕੀਤੀ ਜਾਵੇ ਜਾਂ ਕੋਈ ਹੋਰ ਰਾਹ ਅਖਤਿਆਰ ਕੀਤੀ ਜਾਵੇ, ਇਸ ਗੱਲ ਨੂੰ ਲੈ ਕੇ ਸਰਕਾਰ 'ਚ ਵੱਖੋ-ਵੱਖਰੇ ਵਿਚਾਰ ਪਾਏ ਜਾ ਰਹੇ ਹਨ। ਪੰਚਾਇਤ ਮੰਤਰੀ ਸੁਰਜੀਤ ਸਿੰਘ ਰੱਖੜਾ ਨੇ ਅੱਜ ਜਗ ਬਾਣੀ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਮੁੱਖ ਮੰਤਰੀ ਨੂੰ ਇਹ ਸੁਝਾਅ ਦਿੱਤਾ ਹੈ ਕਿ ਪਰਮਪਾਲ ਕੌਰ ਦੀ ਡੈਪੂਟੇਸ਼ਨ ਨੂੰ ਰੱਦ ਕਰਨ ਦੀ ਥਾਂ ਪਰਮਪਾਲ ਕੌਰ ਤੋਂ ਹੀ ਆਪਣੇ ਪੈਰੇਂਟਸ ਵਿਭਾਗ 'ਚ ਵਾਪਸ ਜਾਣ ਦੀ ਅਰਜ਼ੀ ਲੈ ਲਈ ਜਾਵੇ ਅਤੇ ਉਸ ਦੇ ਅਨੁਸਾਰ ਆਦੇਸ਼ ਜਾਰੀ ਕਰ ਦਿੱਤੇ ਜਾਣ। ਇਸ ਸਿਲਸਿਲੇ 'ਚ ਅੰਤਿਮ ਫੈਸਲਾ ਛੇਤੀ ਹੀ ਲੈ ਲਿਆ ਜਾਵੇਗਾ। ਓਧਰ ਮਲੂਕਾ ਦੀ ਬਤੌਰ ਸਿੱਖਿਆ ਮੰਤਰੀ ਕਾਰਗੁਜ਼ਾਰੀ ਨੂੰ ਲੈ ਕੇ ਬਾਦਲ ਸਰਕਾਰ ਦੇ ਅੰਦਰ ਤੇ ਬਾਹਰ ਕਈ ਤਰ੍ਹਾਂ ਦੀਆਂ ਚਰਚਾਵਾਂ ਛਿੜੀਆਂ ਹੋਈਆਂ ਹਨ। ਸਰਕਾਰੀ ਹਲਕਿਆਂ 'ਚ ਇਹ ਆਮ ਕਿਹਾ ਜਾ ਰਿਹਾ ਹੈ ਕਿ ਮੁੱਖ ਮੰਤਰੀ ਨੇ ਮਲੂਕਾ ਦੇ ਮਾਮਲੇ ਤੋਂ ਨਿਪਟਣ ਲਈ ਉਹ ਮਾਪਦੰਡ ਨਹੀਂ ਅਪਣਾਇਆ, ਜੋ ਉਨ੍ਹਾਂ ਨੇ ਹੋਰਨਾਂ ਮੰਤਰੀਆਂ ਖਾਸ ਕਰਕੇ ਪਸ਼ੂਪਾਲਣ ਮੰਤਰੀ ਗੁਲਜਾਰ ਸਿੰਘ ਰਣੀਕੇ ਦੇ ਮਾਮਲੇ 'ਚ ਅਖਤਿਆਰ ਕੀਤਾ ਸੀ। ਕੋਰਟ ਕੇਸਾਂ 'ਚ ਕਨਵਿਕਸ਼ਨ ਹੋਣ ਦੇ ਬਾਅਦ ਪਹਿਲਾਂ ਬੀਬੀ ਜਾਗੀਰ ਕੌਰ ਅਤੇ ਫਿਰ ਜਥੇਦਾਰ ਤੋਤਾ ਸਿੰਘ ਨੂੰ ਆਪਣੇ ਮੰਤਰੀ ਪੱਦ ਤੋਂ ਹੱਥ ਧੋਣਾ ਪਿਆ। ਪਰ ਰਣੀਕੇ ਦਾ ਮਾਮਲਾ ਮਲੂਕਾ ਦੇ ਮਾਮਲੇ ਨਾਲ ਮਿਲਦਾ-ਜੁਲਦਾ ਹੈ। ਰਣੀਕੇ ਦੇ ਮਾਮਲੇ 'ਚ ਮੁੱਖ ਮੰਤਰੀ ਨੇ ਉਨ੍ਹਾਂ ਤੋਂ ਅਸਤੀਫਾ ਲੈ ਕੇ ਬਾਰਡਰ ਏਰੀਆ ਡਿਵੈੱਲਪਮੈਂਟ ਫੰਡ ਦੀ ਵੰਡ 'ਚ ਉਨ੍ਹਾਂ 'ਤੇ ਲੱਗੇ ਭ੍ਰਿਸ਼ਟਾਚਾਰ ਅਤੇ ਬੇਨਿਯਮੀਆਂ ਦੇ ਦੋਸ਼ਾਂ 'ਤੇ ਵਿਜੀਲੈਂਸ ਦੀ ਜਾਂਚ ਬਿਠਾ ਦਿੱਤੀ ਪਰ ਮਲੂਕਾ ਦੇ ਕੇਸ 'ਚ ਉਨ੍ਹਾਂ ਦਾ ਅਸਤੀਫਾ ਨਹੀਂ ਲਿਆ ਗਿਆ। ਹਾਲਾਂਕਿ ਮੁੱਖ ਮੰਤਰੀ ਨੇ ਸਿੱਖਿਆ ਵਿਭਾਗ 'ਚ ਕਿਤਾਬਾਂ ਤੇ ਨੋਟਬੁਕਾਂ ਆਦਿ ਦੀ ਸਪਲਾਈ 'ਚ ਕਥਿਤ ਘਪਲਿਆਂ ਦੀ ਜਾਂਚ ਦਾ ਮਾਮਲਾ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਸਾਬਕਾ ਚੀਫ ਜਸਟਿਸ ਦੇ ਹਵਾਲੇ ਕੀਤਾ ਹੈ। ਸਪੱਸ਼ਟ ਹੈ ਕਿ ਮੁੱਖ ਮੰਤਰੀ ਆਪਣੇ ਮੰਤਰੀ ਮੰਡਲ ਦੇ ਅਕਸ ਨੂੰ ਬਚਾਉਣ ਦੇ ਯਤਨ ਕਰ ਰਹੇ ਹਨ।

ਪੰਜਾਬ 'ਚ ਟੋਲ ਦਰਾਂ ਘਟਣਗੀਆਂ

www.sabblok.blogspot.com

ਚੰਡੀਗੜ੍ਹ, (ਭੁੱਲਰ)-ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਸੋਧੀ ਹੋਈ ਟੋਲ ਨੀਤੀ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਸ ਦਾ ਉਦੇਸ਼ ਰਾਜ ਵਿਚ ਟੋਲ ਦਰਾਂ ਨੂੰ ਤਰਕਸੰਗਤ ਬਣਾਉਣ ਤੋਂ ਇਲਾਵਾ ਸੜਕਾਂ ਦੀ ਵਰਤੋਂ ਕਰਨ ਵਾਲਿਆਂ ਉੱਤੇ ਬੋਝ ਨੂੰ ਘਟਾਉਣਾ ਹੈ। ਇਸ ਦਾ ਪ੍ਰਗਟਾਵਾ ਕਰਦੇ ਹੋਏ ਅੱਜ ਇੱਥੇ ਮੁੱਖ ਮੰਤਰੀ ਦਫ਼ਤਰ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਬਾਦਲ ਨੇ ਆਪਣੇ ਨਿਵਾਸ ਸਥਾਨ ਉੱਤੇ ਪੰਜਾਬ ਬੁਨਿਆਦੀ ਢਾਂਚਾ ਵਿਕਾਸ ਬੋਰਡ (ਪੀ. ਆਈ. ਡੀ. ਬੀ.) ਦੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦੇ ਹੋਏ ਇਹ ਫ਼ੈਸਲਾ ਲਿਆ ਜਿਸ ਵਿਚ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਵੀ ਹਾਜ਼ਰ ਸਨ। ਸੋਧੀ ਹੋਈ ਟੋਲ ਨੀਤੀ ਅਨੁਸਾਰ ਘੱਟੋ-ਘੱਟ ਸੜਕ ਟੋਲ ਟੈਕਸ ਘਟਾ ਕੇ 15 ਰੁਪਏ ਕੀਤਾ ਜਾਵੇਗਾ ਜੋ ਪਹਿਲਾਂ 31 ਰੁਪਏ ਹੈ। ਇਸੇ ਤਰ੍ਹਾਂ ਹੀ ਢਾਂਚਿਆਂ (ਫਲਾਈਓਵਰ ਜਾਂ ਅੰਡਰਬ੍ਰਿਜਾਂ) ਦੀ ਦਰ ਨੂੰ ਹੁਣ ਢਾਂਚੇ ਦੀ ਲਾਗਤ ਨਾਲ ਜੋੜਿਆ ਗਿਆ ਹੈ ਜੋ ਕਿ ਪਹਿਲਾਂ ਲੰਬਾਈ ਨਾਲ ਜੋੜਿਆ ਗਿਆ ਸੀ। ਇਸ ਨਾਲ ਟੋਲ ਦਰਾਂ ਵੱਡੀ ਪੱਧਰ 'ਤੇ ਘਟਣਗੀਆਂ। ਹਰ ਸਾਲ ਤੋਂ ਬਾਅਦ ਟੋਲ ਦਰਾਂ ਨੂੰ ਸੋਧਦੇ ਹੋਏ ਹੁਣ ਸਿਰਫ਼ ਥੋਕ ਸੂਚਕ ਅੰਕ (ਡਬਲਯੂ. ਟੀ. ਆਈ.) ਦਾ ਸਿਰਫ਼ 40 ਫ਼ੀਸਦੀ ਨੂੰ ਇਸ ਵਾਧੇ ਦੀ ਪ੍ਰਕਿਰਿਆ ਵਿਚ ਹਿੱਸਾ ਬਣਾਇਆ ਜਾਵੇਗਾ। ਇਸ ਤੋਂ ਇਲਾਵਾ ਵਾਧੇ ਵਿਚ ਸਾਲਾਨਾ 3 ਫ਼ੀਸਦੀ ਜੋੜਿਆ ਜਾਵੇਗਾ ਜੋ ਪਹਿਲੀ ਨੀਤੀ ਵਿਚ 10 ਫ਼ੀਸਦੀ ਜੋੜਿਆ ਜਾਂਦਾ ਸੀ। ਮੌਜੂਦਾ ਨੀਤੀ ਵਿਚ ਰੋਜ਼ਾਨਾ ਪਾਸ ਦੀ ਵਿਵਸਥਾ ਇਕ ਕੈਲੰਡਰ ਦਿਨ ਦੇ ਆਧਾਰਿਤ ਹੈ ਅਤੇ ਹੁਣ ਟੋਲ ਸਲਿੱਪ ਜਾਰੀ ਹੋਣ ਤੋਂ ਬਾਅਦ 24 ਘੰਟੇ ਦੇ ਸਮੇਂ ਇਸ ਸਲਿੱਪ ਦੀ ਵੈਧਤਾ ਪ੍ਰਵਾਨ ਹੋਵੇਗੀ। ਇਸ ਵਿਚ 20 ਫ਼ੀਸਦੀ ਦੀ ਥਾਂ 25 ਫ਼ੀਸਦੀ ਡਿਸਕਾਊਂਟ ਦਿੱਤਾ ਜਾਵੇਗਾ। ਮਾਸਿਕ ਪਾਸ ਦੀ ਵੈਧਤਾ ਨੂੰ ਪਾਸ ਜਾਰੀ ਹੋਣ ਦੀ ਤਰੀਕ ਤੋਂ ਲੈ ਕੇ 30 ਦਿਨ ਤੱਕ ਮੰਨਿਆ ਜਾਵੇਗਾ। ਮੀਟਿੰਗ ਵਿਚ ਸਥਾਨਕ ਸਰਕਾਰ ਮੰਤਰੀ ਚੂਨੀ ਲਾਲ ਭਗਤ, ਸੈਰ-ਸਪਾਟਾ ਮੰਤਰੀ ਸਰਵਣ ਸਿੰਘ ਫਿਲੌਰ, ਟ੍ਰਾਂਸਪੋਰਟ ਮੰਤਰੀ ਅਜੀਤ ਸਿੰਘ ਕੋਹਾੜ, ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ ਮਦਨ ਮੋਹਨ ਮਿੱਤਲ, ਵਿੱਤ ਅਤੇ ਯੋਜਨਾ ਮੰਤਰੀ ਪਰਮਿੰਦਰ ਸਿੰਘ ਢੀਂਡਸਾ, ਮੁੱਖ ਸਕੱਤਰ ਰਾਕੇਸ਼ ਸਿੰਘ, ਪਮੁੱਖ ਸਕੱਤਰ ਸੈਰ-ਸਪਾਟਾ ਸ਼੍ਰੀਮਤੀ ਗੀਤਿਕਾ ਕੱਲ੍ਹਾ, ਪ੍ਰਮੁੱਖ ਸਕੱਤਰ ਸਥਾਨਕ ਸਰਕਾਰਾਂ ਜਗਪਾਲ ਸਿੰਘ, ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਮੁੱਖ ਮੰਤਰੀ ਗਗਨਦੀਪ ਸਿੰਘ ਬਰਾੜ, ਪ੍ਰਬੰਧਕੀ ਡਾਇਰੈਕਟਰ ਪੀ. ਆਈ. ਡੀ. ਬੀ. ਅਨੁਰਾਗ ਅਗਰਵਾਲ, ਸਕੱਤਰ ਪੀ. ਡਬਲਯੂ. ਡੀ. ਪੀ. ਐੱਸ. ਔਜਲਾ ਅਤੇ ਸਕੱਤਰ ਵਿੱਤ ਸ਼੍ਰੀ ਜਸਪਾਲ ਸਿੰਘ ਤੋਂ ਇਲਾਵਾ ਰਾਜ ਪ੍ਰਸ਼ਾਸਨ ਦੇ ਕਈ ਹੋਰ ਸੀਨੀਅਰ ਅਧਿਕਾਰੀ ਸ਼ਾਮਲ ਸਨ।ਚੰਡੀਗੜ੍ਹ, 29 ਮਈ (ਭੁੱਲਰ)-ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਸੋਧੀ ਹੋਈ ਟੋਲ ਨੀਤੀ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਸ ਦਾ ਉਦੇਸ਼ ਰਾਜ ਵਿਚ ਟੋਲ ਦਰਾਂ ਨੂੰ ਤਰਕਸੰਗਤ ਬਣਾਉਣ ਤੋਂ ਇਲਾਵਾ ਸੜਕਾਂ ਦੀ ਵਰਤੋਂ ਕਰਨ ਵਾਲਿਆਂ ਉੱਤੇ ਬੋਝ ਨੂੰ ਘਟਾਉਣਾ ਹੈ।
ਇਸ ਦਾ ਪ੍ਰਗਟਾਵਾ ਕਰਦੇ ਹੋਏ ਅੱਜ ਇੱਥੇ ਮੁੱਖ ਮੰਤਰੀ ਦਫ਼ਤਰ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਬਾਦਲ ਨੇ ਆਪਣੇ ਨਿਵਾਸ ਸਥਾਨ ਉੱਤੇ ਪੰਜਾਬ ਬੁਨਿਆਦੀ ਢਾਂਚਾ ਵਿਕਾਸ ਬੋਰਡ (ਪੀ. ਆਈ. ਡੀ. ਬੀ.) ਦੀ ਮੀਟਿੰਗ ਦੀ ਪ੍ਰਧਾਨਗੀ ਕਰਦੇ ਹੋਏ ਇਹ ਫ਼ੈਸਲਾ ਲਿਆ ਜਿਸ ਵਿਚ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਵੀ ਹਾਜ਼ਰ ਸਨ। ਸੋਧੀ ਹੋਈ ਟੋਲ ਨੀਤੀ ਅਨੁਸਾਰ ਘੱਟੋ-ਘੱਟ ਸੜਕ ਟੋਲ ਟੈਕਸ ਘਟਾ ਕੇ 15 ਰੁਪਏ ਕੀਤਾ ਜਾਵੇਗਾ ਜੋ ਪਹਿਲਾਂ 31 ਰੁਪਏ ਹੈ। ਇਸੇ ਤਰ੍ਹਾਂ ਹੀ ਢਾਂਚਿਆਂ (ਫਲਾਈਓਵਰ ਜਾਂ ਅੰਡਰਬ੍ਰਿਜਾਂ) ਦੀ ਦਰ ਨੂੰ ਹੁਣ ਢਾਂਚੇ ਦੀ ਲਾਗਤ ਨਾਲ ਜੋੜਿਆ ਗਿਆ ਹੈ ਜੋ ਕਿ ਪਹਿਲਾਂ ਲੰਬਾਈ ਨਾਲ ਜੋੜਿਆ ਗਿਆ ਸੀ। ਇਸ ਨਾਲ ਟੋਲ ਦਰਾਂ ਵੱਡੀ ਪੱਧਰ 'ਤੇ ਘਟਣਗੀਆਂ। ਹਰ ਸਾਲ ਤੋਂ ਬਾਅਦ ਟੋਲ ਦਰਾਂ ਨੂੰ ਸੋਧਦੇ ਹੋਏ ਹੁਣ ਸਿਰਫ਼ ਥੋਕ ਸੂਚਕ ਅੰਕ (ਡਬਲਯੂ. ਟੀ. ਆਈ.) ਦਾ ਸਿਰਫ਼ 40 ਫ਼ੀਸਦੀ ਨੂੰ ਇਸ ਵਾਧੇ ਦੀ ਪ੍ਰਕਿਰਿਆ ਵਿਚ ਹਿੱਸਾ ਬਣਾਇਆ ਜਾਵੇਗਾ। ਇਸ ਤੋਂ ਇਲਾਵਾ ਵਾਧੇ ਵਿਚ ਸਾਲਾਨਾ 3 ਫ਼ੀਸਦੀ ਜੋੜਿਆ ਜਾਵੇਗਾ ਜੋ ਪਹਿਲੀ ਨੀਤੀ ਵਿਚ 10 ਫ਼ੀਸਦੀ ਜੋੜਿਆ ਜਾਂਦਾ ਸੀ। ਮੌਜੂਦਾ ਨੀਤੀ ਵਿਚ ਰੋਜ਼ਾਨਾ ਪਾਸ ਦੀ ਵਿਵਸਥਾ ਇਕ ਕੈਲੰਡਰ ਦਿਨ ਦੇ ਆਧਾਰਿਤ ਹੈ ਅਤੇ ਹੁਣ ਟੋਲ ਸਲਿੱਪ ਜਾਰੀ ਹੋਣ ਤੋਂ ਬਾਅਦ 24 ਘੰਟੇ ਦੇ ਸਮੇਂ ਇਸ ਸਲਿੱਪ ਦੀ ਵੈਧਤਾ ਪ੍ਰਵਾਨ ਹੋਵੇਗੀ। ਇਸ ਵਿਚ 20 ਫ਼ੀਸਦੀ ਦੀ ਥਾਂ 25 ਫ਼ੀਸਦੀ ਡਿਸਕਾਊਂਟ ਦਿੱਤਾ ਜਾਵੇਗਾ। ਮਾਸਿਕ ਪਾਸ ਦੀ ਵੈਧਤਾ ਨੂੰ ਪਾਸ ਜਾਰੀ ਹੋਣ ਦੀ ਤਰੀਕ ਤੋਂ ਲੈ ਕੇ 30 ਦਿਨ ਤੱਕ ਮੰਨਿਆ ਜਾਵੇਗਾ। ਮੀਟਿੰਗ ਵਿਚ ਸਥਾਨਕ ਸਰਕਾਰ ਮੰਤਰੀ ਚੂਨੀ ਲਾਲ ਭਗਤ, ਸੈਰ-ਸਪਾਟਾ ਮੰਤਰੀ ਸਰਵਣ ਸਿੰਘ ਫਿਲੌਰ, ਟ੍ਰਾਂਸਪੋਰਟ ਮੰਤਰੀ ਅਜੀਤ ਸਿੰਘ ਕੋਹਾੜ, ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ ਮਦਨ ਮੋਹਨ ਮਿੱਤਲ, ਵਿੱਤ ਅਤੇ ਯੋਜਨਾ ਮੰਤਰੀ ਪਰਮਿੰਦਰ ਸਿੰਘ ਢੀਂਡਸਾ, ਮੁੱਖ ਸਕੱਤਰ ਰਾਕੇਸ਼ ਸਿੰਘ, ਪਮੁੱਖ ਸਕੱਤਰ ਸੈਰ-ਸਪਾਟਾ ਸ਼੍ਰੀਮਤੀ ਗੀਤਿਕਾ ਕੱਲ੍ਹਾ, ਪ੍ਰਮੁੱਖ ਸਕੱਤਰ ਸਥਾਨਕ ਸਰਕਾਰਾਂ ਜਗਪਾਲ ਸਿੰਘ, ਵਿਸ਼ੇਸ਼ ਪ੍ਰਮੁੱਖ ਸਕੱਤਰ ਮੁੱਖ ਮੰਤਰੀ ਗਗਨਦੀਪ ਸਿੰਘ ਬਰਾੜ, ਪ੍ਰਬੰਧਕੀ ਡਾਇਰੈਕਟਰ ਪੀ. ਆਈ. ਡੀ. ਬੀ. ਅਨੁਰਾਗ ਅਗਰਵਾਲ, ਸਕੱਤਰ ਪੀ. ਡਬਲਯੂ. ਡੀ. ਪੀ. ਐੱਸ. ਔਜਲਾ ਅਤੇ ਸਕੱਤਰ ਵਿੱਤ ਸ਼੍ਰੀ ਜਸਪਾਲ ਸਿੰਘ ਤੋਂ ਇਲਾਵਾ ਰਾਜ ਪ੍ਰਸ਼ਾਸਨ ਦੇ ਕਈ ਹੋਰ ਸੀਨੀਅਰ ਅਧਿਕਾਰੀ ਸ਼ਾਮਲ ਸਨ।

ਅਕਾਲੀ ਵਿਧਾਇਕਾਂ ਵੱਲੋਂ ਕਾਂਗਰਸ ਨੂੰ ਪੁਸਤਕ ਮਾਮਲੇ ਦੀ ਜਾਂਚ ਸੰਯੁਕਤ ਰਾਸ਼ਟਰ ਕੋਲੋਂ ਕਰਵਾਉਣ ਦੀ ਸਲਾਹ

www.sabblok.blogspot.com

ਕਿਹਾ, ਸੁਪਰੀਮ ਕੋਰਟ ਦੀਆਂ ਫਿਟਕਾਰਾਂ ਨਾਲ ਕਾਂਗਰਸੀਆਂ ਦਾ ਦਿਮਾਗੀ ਤਵਾਜ਼ਨ ਵਿਗੜਿਆ
ਪੰਜਾਬ ਕਾਂਗਰਸ ਨੂੰ ਯੂ.ਪੀ.ਏ. ਦੇ ਅਰਬਾਂ ਦੇ ਘੁਟਾਲਿਆਂ ਦੀ ਜਾਂਚ ਵੱਲ ਧਿਆਨ ਦੇਣ ਨੂੰ ਕਿਹਾ

ਚੰਡੀਗੜ੍ਹ, 30 ਮਈ (ਗਗਨਦੀਪ ਸੋਹਲ) : ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕਾਂ ਸ. ਮਨਤਾਰ ਸਿੰਘ ਬਰਾੜ, ਸ੍ਰੀ ਸਰੂਪ ਚੰਦ ਸਿੰਗਲਾ (ਦੋਵੇਂ ਮੁੱਖ ਸੰਸਦੀ ਸਕੱਤਰ), ਸ. ਦਰਸ਼ਨ ਸਿੰਘ ਕੋਟਫੱਤਾ ਤੇ ਸ. ਮਹੇਸ਼ਇੰਦਰ ਸਿੰਘ ਨਿਹਾਲ ਸਿੰਘ ਵਾਲਾ ਨੇ ਕਾਂਗਰਸ ਦੇ ਬੜਬੋਲੇ ਬੁਲਾਰੇ ਸੁਖਪਾਲ ਸਿੰਘ ਖਹਿਰਾ ਨੂੰ ਆੜੇ ਹੱਥੀ ਲੈਂਦਿਆ ਕਿਹਾ ਕਿ ਹੁਣ ਕਾਂਗਰਸੀਆਂ ਨੂੰ ਸੰਵਿਧਾਨਕ ਤੇ ਨਿਆਂਇਕ ਸੰਸਥਾਵਾਂ 'ਤੇ ਵੀ ਵਿਸ਼ਵਾਸ ਨਹੀਂ ਰਿਹਾ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਨੂੰ ਤਾਂ ਸਿਰਫ ਆਪਣੇ ਹੱਥਾਂ ਦੀ ਕਠਪੁਤਲੀ ਬਣਨ ਵਾਲੀ ਸੀ.ਬੀ.ਆਈ. ਹੀ ਰਾਸ ਆਉਂਦੀ ਹੈ।

ਅੱਜ ਇਥੇ ਜਾਰੀ ਸਾਂਝੇ ਪ੍ਰੈਸ ਬਿਆਨ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕਾਂ ਨੇ ਕਿਹਾ ਕਿ ਕਾਂਗਰਸੀ ਆਗੂ ਹੁਣ ਆਪਣੇ ਆਪ ਨੂੰ ਦੇਸ਼ ਦੇ ਸੰਵਿਧਾਨ ਅਤੇ ਨਿਆਂਇਕ ਸੰਸਥਾਵਾਂ ਤੋਂ ਉਪਰ ਸਮਝਣ ਲੱਗ ਪਏ ਹਨ। ਸਿੱਖਿਆ ਵਿਭਾਗ ਦੀਆਂ ਪੁਸਤਕਾਂ ਖਰੀਦਣ ਦੇ ਮਾਮਲੇ ਸਬੰਧੀ ਖਹਿਰਾ ਵੱਲੋਂ ਕੀਤੀ ਜਾ ਰਹੀ ਹੋਛੀ ਰਾਜਨੀਤੀ 'ਤੇ ਬੋਲਦਿਆਂ ਉਨ੍ਹਾਂ ਕਿਹਾ ਕਿ ਕਾਂਗਰਸੀ ਆਗੂ ਹਾਈ ਕੋਰਟ ਦੇ ਸਾਬਕਾ ਜੱਜ ਦੀ ਦਿਆਨਦਾਰੀ ਉਪਰ ਵੀ ਸ਼ੱਕ ਕਰਨ ਲੱਗ ਗਏ ਹਨ ਇਸ ਲਈ ਉਹ ਤਾਂ ਖਹਿਰਾ ਨੂੰ ਇਹ ਹੀ ਸਲਾਹ ਦੇਣਗੇ ਕਿ ਉਹ ਹੁਣ ਸੰਯੁਕਤ ਰਾਸ਼ਟਰ ਤੋਂ ਇਸ ਮਾਮਲੇ ਦੀ ਜਾਂਚ ਦੀ ਮੰਗ ਕਰ ਲੈਣ।

ਉਨ੍ਹਾਂ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਪਰਤਾਪ ਸਿੰਘ ਬਾਜਵਾ ਨੂੰ ਜ਼ਿਲਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਚੋਣਾਂ ਦੇ ਸਦਮੇ ਵਿੱਚੋਂ ਬਾਹਰ ਆਉਣ ਦੀ ਨਸੀਹਤ ਦਿੰਦਿਆਂ ਅਰਦਾਸ ਵੀ ਕੀਤੀ ਕਿ ਉਹ ਚੋਣਾਂ ਦੇ ਸਦਮੇਂ ਤੋਂ ਜਲਦੀ ਬਾਹਰ ਨਿਕਲ ਆਉਣ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਉਹ ਜੇਕਰ ਕੇਂਦਰੀ ਮੰਤਰੀ ਨੂੰ ਮਿਲਣਾ ਹੀ ਚਾਹੁੰਦੇ ਹਨ ਤਾਂ ਕੇਂਦਰ ਸਰਕਾਰ ਵੱਲੋਂ ਕੀਤੇ ਅਰਬਾਂ ਦੇ ਘੁਟਾਲਿਆਂ ਦੀ ਜਾਂਚ ਦੀ ਮੰਗ ਵੀ ਰੱਖ ਲੈਣ।

ਕੋਟਕਪੂਰਾ, ਬਠਿੰਡਾ ਸ਼ਹਿਰੀ ਤੇ ਦਿਹਾਤੀ ਅਤੇ ਬਾਘਾਪੁਰਾਣਾ ਹਲਕੇ ਦੇ ਨੁਮਾਇੰਦਗੀ ਕਰਦੇ ਚਾਰੇ ਵਿਧਾਇਕਾਂ ਨੇ ਕਿਹਾ ਕਿ ਜੇਕਰ ਖਹਿਰਾ ਆਪਣੇ ਆਪ ਨੂੰ ਇੰਨਾ ਹੀ ਦੁੱਧ ਧੋਤਾ ਸਮਝਦਾ ਹੈ ਤਾਂ ਕੇਂਦਰ ਵਿੱਚ ਬੈਠੇ ਕਾਂਗਰਸੀ ਆਗੂਆਂ ਵੱਲੋਂ 2 ਜੀ ਸਪੈਕਟ੍ਰਮ, ਕਾਮਨਵੈਲਥ, ਆਦਰਸ਼ ਸੁਸਾਇਟੀ, ਕੋਲਗੇਟ, ਰੇਲਗੇਟ ਜਿਹੇ ਲੱਖਾਂ-ਕਰੋੜਾਂ ਦੇ ਕੀਤੇ ਘੋਟਾਲਿਆਂ ਵਿਰੁੱਧ ਆਵਾਜ਼ ਬੁਲੰਦ ਕਰੇ। ਉਨ੍ਹਾਂ ਕਿਹਾ ਕਿ ਸੁਪਰੀਮ ਕੋਰਟ ਵੱਲੋਂ ਸੀ.ਬੀ.ਆਈ. ਅਤੇ ਕੇਂਦਰ ਸਰਕਾਰ ਨੂੰ ਦਿੱਤੀਆਂ ਫਿਟਕਾਰਾਂ ਨਾਲ ਕਾਂਗਰਸੀ ਆਗੂਆਂ ਦਾ ਦਿਮਾਗੀ ਤਵਾਜ਼ਨ ਵਿਗੜ ਗਿਆ ਹੈ ਅਤੇ ਹੁਣ ਉਨ੍ਹਾਂ ਨੂੰ ਕਿਸੇ 'ਤੇ ਵੀ ਯਕੀਨ ਨਹੀਂ ਰਿਹਾ

ਲਗਾਤਾਰ ਦੂਜੇ ਦਿਨ ਵੀ ਜਾਰੀ ਰਹੀ ਬਹਿਸ----ਪੰਚਾਇਤੀ ਵਾਰਡਬੰਦੀ ਬਾਰੇ ਹਾਈਕੋਰਟ ਚ ਅੱਜ ਵੀ ਨਹੀਂ ਹੋ ਸਕਿਆ ਕੋਈ ਫੈਸਲਾ

www.sabblok.blogspot.com

ਗਗਨਦੀਪ ਸੋਹਲ

ਚੰਡੀਗੜ੍ਹ, 30 ਮਈ : ਪੰਜਾਬ ਕਾਂਗਰਸ ਵਲੋਂ ਹਾਈਕੋਰਟ ਚ ਪੰਚਾਇਤੀ ਵਾਰਡਬੰਦੀ ਨੂੰ ਚੁਣੌਤੀ ਦਿੰਦੀ ਪਟੀਸ਼ਨ ਤੇ ਅੱਜ ਲਗਾਤਾਰ ਦੂਜੇ ਦਿਨ ਵੀ ਬਹਿਸ ਜਾਰੀ ਰਹੀ ਤੇ ਕੋਈ ਫੈਸਲਾ ਨਹੀਂ ਹੋ ਸਕਿਆ।
ਅੱਜ ਕਾਂਗਰਸ ਪਾਰਟੀ ਦੇ ਵਕੀਲਾਂ ਨੇ ਆਪਣੀ ਜਿਰ੍ਹਾ ਮੁਕੰਮਲ ਕਰ ਲਈ ਹੈ ਤੇ ਹੁਣ ਸ਼ੁੱਕਰਵਾਰ ਨੂੰ ਪੰਜਾਬ ਸਰਕਾਰ ਦੇ ਵਕੀਲ ਬਹਿਸ ਕਰਨਗੇ। ਇਸ ਤਰ੍ਹਾਂ ਅੱਜ ਲਗਾਤਾਰ ਦੂਜੇ ਦਿਨ ਵੀ ਇਸ ਮੁੱਦੇ ਤੇ ਕੋਈ ਫੈਸਲਾ ਨਹੀਂ ਹੋ ਸਕਿਆ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਕੀ ਸ਼ੁੱਕਰਵਾਰ ਨੂੰ ਵੀ ਬਹਿਸ ਹੀ ਜਾਰੀ ਰਹਿੰਦੀ ਹੈ ਜਾਂ ਇਸ ਤੇ ਕੋਈ ਫੈਸਲਾ ਆਉਂਦਾ ਹੈ।

ਪੰਚਾਇਤਾਂ ਦੀ ਵਾਰਡਬੰਦੀ ਮਾਮਲੇ 'ਤੇ ਬਹਿਸ ਅੱਜ ਵੀ ਹੋਵੇਗੀ

www.sabblok.blogspot.com

ਚੰਡੀਗੜ੍ਹ, 30 ਮਈ (ਕੁਲਬੀਰ ਸੇਖੋਂ)-ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਵਕੀਲ ਨੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਕਾਰਜਵਾਹਕ ਮੁੱਖ ਜੱਜ ਜਸਬੀਰ ਸਿੰਘ ਅਤੇ ਜੱਜ ਰਾਕੇਸ਼ ਕੁਮਾਰ ਜੈਨ ਦੇ ਬੈਂਚ ਨੂੰ ਜਾਣੂ ਕਰਵਾਇਆ ਕਿ ਸਿਰਫ਼ ਫ਼ਤਿਹਗੜ੍ਹ ਸਾਹਿਬ ਜ਼ਿਲੇ੍ਹ ਦੇ ਡਿਪਟੀ ਕਮਿਸ਼ਨਰ ਨੇ ਪਿੰਡਾਂ ਦੀ ਵਾਰਡਬੰਦੀ ਸਬੰਧੀ ਜਾਰੀ ਅਧਿਸੂਚਨਾ ਵਿਚ ਵਾਰਡ ਵਿਚ ਸ਼ਾਮਿਲ ਘਰਾਂ ਦੇ ਨੰਬਰ ਅੰਕਿਤ ਕੀਤੇ ਹਨ ਪਰ ਐਡਵੋਕੇਟ ਜਨਰਲ ਦਫ਼ਤਰ ਵੱਲੋਂ ਉਸ ਨੂੰ ਇਮਾਨਦਾਰੀ ਦੀ ਸਜ਼ਾ ਦਿੰਦੇ ਹੋਏ ਬੁਲਾ ਕੇ ਅਜਿਹਾ ਕਰਨ ਲਈ ਖਿਚਾਈ ਕੀਤੀ ਗਈ | 4 ਘੰਟੇ ਲੰਬੀ ਚੱਲੀ ਬਹਿਸ ਦੌਰਾਨ ਪਟੀਸ਼ਨਰ ਦੇ ਵਕੀਲ ਨੇ ਪੰਜਾਬ ਪੰਚਾਇਤੀ ਰਾਜ ਕਾਨੂੰਨ ਦੀ ਧਾਰਾ 10-ਏ ਨੂੰ ਤਰੁਟੀਪੂਰਨ ਦੱਸਿਆ | ਪੰਜਾਬ ਸਰਕਾਰ ਦੇ ਵਕੀਲ ਐਚ. ਐਸ. ਸਿੱਧੂ ਨੇ ਕਿਹਾ ਕਿ ਪਿੰਡਾਂ ਵਿਚ ਪ੍ਰਸ਼ਾਸਕ ਪੱਧਰ 'ਤੇ ਘਰਾਂ ਦੇ ਨੰਬਰ ਨਹੀਂ ਲਗਾਏ ਜਾਂਦੇ ਹਨ | ਸੁਣਵਾਈ ਕੱਲ੍ਹ ਲਈ ਮੁਲਤਵੀ ਕਰਦੇ ਹੋਏ ਬੈਂਚ ਨੇ ਪੰਜਾਬ ਸਰਕਾਰ ਨੂੰ ਬਾਕੀ ਰਹਿੰਦੀ ਬਹਿਸ ਪੂਰੀ ਕਰਨ ਲਈ ਕਿਹਾ ਹੈ | ਲੋਕ ਹਿੱਤ ਰਿੱਟ ਰਾਹੀਂ ਪੰਚਾਇਤੀ ਚੋਣਾਂ ਦੀ ਵਾਰਡਬੰਦੀ ਨੂੰ ਚੁਣੌਤੀ ਦਿੰਦੇ ਹੋਏ ਪ੍ਰਾਰਥਨਾ ਕੀਤੀ ਗਈ ਸੀ ਕਿ ਸਰਕਾਰ ਨੰੂ ਨਿਰਦੇਸ਼ ਦਿੱਤੇ ਜਾਣ ਕਿ ਉਹ ਮੌਜੂਦਾ ਵਾਰਡਬੰਦੀ ਨੂੰ ਰੱਦ ਕਰਕੇ ਨਵੇਂ ਸਿਰਿਉਂ ਵਾਰਡਬੰਦੀ ਕਰਵਾਏ ਕਿਉਂਕਿ ਇਹ ਵਾਰਡਬੰਦੀ ਹਾਕਮ ਧਿਰ ਵੱਲੋਂ ਆਪਣੇ ਚਹੇਤੇ ਉਮੀਦਵਾਰਾਂ ਨੂੰ ਜਤਾਉਣ ਲਈ ਗ਼ਲਤ ਤਰੀਕੇ ਨਾਲ ਕੀਤੀ ਗਈ ਹੈ | ਇਸ ਵਾਰਡਬੰਦੀ ਵਿਚ ਵਾਰਡਾਂ ਵਿਚਲੇ ਘਰਾਂ ਦਾ ਭੂਗੋਲਿਕ ਤੌਰ 'ਤੇ ਜੁੜੇ ਹੋਣ ਦੀ ਸ਼ਰਤ ਦੀ ਉਲੰਘਣਾ ਕੀਤੀ ਗਈ ਹੈ

ਪੰਜਾਬ ਮੰਤਰੀ ਮੰਡਲ ਦੀ ਬੈਠਕ 3 ਨੂੰ

www.sabblok.blogspot.com
ਚੰਡੀਗੜ੍ਹ, 30 ਮਈ (ਐਨ.ਐਸ. ਪਰਵਾਨਾ)-ਪਤਾ ਲੱਗਾ ਹੈ ਕਿ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਨੇ ਆਪਣੇ ਮੰਤਰੀ ਮੰਡਲ ਦੀ ਇਕ ਹੰਗਾਮੀ ਮੀਟਿੰਗ 3 ਜੂਨ ਨੂੰ ਸਵੇਰੇ 10 ਵਜੇ ਇਥੇ ਸਿਵਲ ਸਕੱਤਰੇਤ ਵਿਚ ਬੁਲਾਈ ਹੈ, ਜਿਸ ਵਿਚ ਕਈ ਮਹੱਤਵਪੂਰਨ ਮਾਮਲਿਆਂ 'ਤੇ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ | ਇਸ ਪੱਤਰਕਾਰ ਨੂੰ ਆਲ੍ਹਾ ਮਿਆਰੀ ਸਰਕਾਰੀ ਹਲਕਿਆਂ ਨੇ ਦੱਸਿਆ ਕਿ ਇਸ ਮੀਟਿੰਗ ਵਿਚ ਅਕਾਲੀ-ਭਾਜਪਾ ਸਰਕਾਰ ਦੀ ਨਵੀਂ ਉਦਯੋਗਿਕ ਨੀਤੀ 'ਤੇ ਮੋਹਰ ਲਾਈ ਜਾਵੇਗੀ | ਇਹ ਨੀਤੀ ਭਾਵੇਂ ਤਿਆਰ ਕਰ ਲਈ ਗਈ ਹੈ ਪਰ ਅਜੇ ਤੱਕ ਇਸ ਦਾ ਖੁੱਲ੍ਹਾ ਖੁਲਾਸਾ ਨਹੀਂ ਕੀਤਾ ਗਿਆ | ਉਪ-ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਅਤੇ ਉਦਯੋਗ ਮੰਤਰੀ ਸ੍ਰੀ ਅਨਿਲ ਜੋਸ਼ੀ ਇਹ ਸੰਕੇਤ ਕਰ ਚੁੱਕੇ ਹਨ ਕਿ ਪ੍ਰਸਤਾਵਿਤ ਨਵੀਂ ਉਦਯੋਗ ਨੀਤੀ ਵਿਚ ਸਨਅਤਕਾਰਾਂ ਨੂੰ ਕਈ ਤਰ੍ਹਾਂ ਦੀਆਂ ਸਹੂਲਤਾਂ ਦਿੱਤੇ ਜਾਣ ਦੀ ਸੰਭਾਵਨਾ ਹੈ | ਪੰਜਾਬ ਸਰਕਾਰ ਚਾਹੁੰਦੀ ਹੈ ਕਿ ਵੱਡੇ-ਵੱਡੇ ਉਦਯੋਗਪਤੀ ਸੂਬੇ ਵਿਚ ਨਵੇਂ-ਨਵੇਂ ਪ੍ਰੋਜੈਕਟ ਲਾਉਣ | ਸਰਕਾਰ ਸਨਅਤਕਾਰਾਂ ਨੂੰ ਨਿਕਟ ਭਵਿੱਖ ਵਿਚ ਬਿਜਲੀ ਸਪਲਾਈ ਦੀ ਕੋਈ ਕਮੀ ਨਹੀਂ ਰਹਿਣ ਦੇਣਾ ਚਾਹੁੰਦੀ

ਸਪੈਸ਼ਲ ਟਰੇਨਰ ਅਧਿਆਪਕਾਂ ਵੱਲੋਂ ਚੱਕਾ ਜਾਮ

www.sabblok.blogspot.com

• ਨਹਿਰਾਂ ਦੇ ਪੁਲ ਉੱਪਰ ਧਰਨੇ ’ਤੇ ਬੈਠੇ ਸਪੈਸ਼ਲ ਟਰੇਨਰ ਅਧਿਆਪਕ ਤੇ ਹੋਰ ਜਥੇਬੰਦੀਆਂ ਦੇ ਆਗੂ

ਫ਼ਰੀਦਕੋਟ, 30 ਮਈ
ਇੱਥੇ ਵੱਡੀ ਗਿਣਤੀ ਸਪੈਸ਼ਲ ਟਰੇਨਰ ਅਧਿਆਪਕਾਂ ਨੇ ਹੋਰ ਜੱਥੇਬੰਦੀਆਂ ਦੇ ਸਹਿਯੋਗ ਨਾਲ ਫ਼ਰੀਦਕੋਟ-ਕੋਟਕਪੂਰਾ ਰੋਡ ’ਤੇ ਜੌੜੀਆਂ ਨਹਿਰਾਂ ਦੇ ਪੁਲ ਉੱਪਰ ਚਾਰ ਘੰਟੇ ਤੱਕ ਚੱਕਾ ਜਾਮ ਕੀਤਾ ਜਿਸ ਕਰਕੇ ਸਮੁੱਚੇ ਸ਼ਹਿਰ ਦੀ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ। ਇਸ ਤੋਂ ਪਹਿਲਾਂ ਅਧਿਆਪਕ ਸ਼ਹੀਦ ਭਗਤ ਸਿੰਘ ਪਾਰਕ ਵਿੱਚ ਰੋਸ ਰੈਲੀ ਕਰਨਾ ਚਾਹੁੰਦੇ ਸਨ ਜਿਸ ਨੂੰ ਪੁਲੀਸ ਨੇ ਹੋਣ ਨਹੀਂ ਦਿੱਤਾ।
ਨਹਿਰਾਂ ਉੱਪਰ ਲੱਗੇ ਜਾਮ ਦੌਰਾਨ ਅਧਿਆਪਕਾਂ ਨੇ ਸਪੱਸ਼ਟ ਕੀਤਾ ਕਿ ਉਹ ਪੰਜਾਬ ਸਰਕਾਰ ਦੇ ਅੜੀਅਲ ਰਵੱਈਏ ਅੱਗੇ ਨਹੀਂ ਝੁਕਣਗੇ। ਇਸ ਮੌਕੇ ਧਰਨੇ ਨੂੰ ਸੰਬੋਧਨ ਕਰਦਿਆਂ ਯਾਦਵਿੰਦਰ ਸਿੰਘ, ਨਰਿੰਦਰ ਕੌਰ, ਗੁਰਚਰਨ ਸਿੰਘ, ਗੁਰਪ੍ਰਤਾਪ ਸਿੰਘ ਆਦਿ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ 217 ਅਧਿਆਪਕਾਂ ਨੂੰ ਪੰਜਾਬ ਦੀਆਂ ਵੱਖ-ਵੱਖ ਜੇਲ੍ਹਾਂ ਵਿੱਚ ਨਜ਼ਰਬੰਦ ਕੀਤਾ ਹੋਇਆ ਹੈ। ਆਗੂਆਂ ਨੇ ਕਿਹਾ ਕਿ 1895 ਅਧਿਆਪਕਾਂ ਦੀ ਪੱਕੀ ਭਰਤੀ ਤੱਕ ਸਰਕਾਰ ਖਿਲਾਫ਼ ਸੰਘਰਸ਼ ਜਾਰੀ ਰੱਖਿਆ ਜਾਵੇਗਾ ਅਤੇ ਹਰ ਪੱਧਰ ਦੀ ਲੜਾਈ ਲੜੀ ਜਾਵੇਗੀ। ਪੁਲੀਸ ਲਈ ਉਸ ਸਮੇਂ ਵੱਡੀ ਮੁਸੀਬਤ ਖੜ੍ਹੀ ਹੋ ਗਈ ਜਦੋਂ ਅਧਿਆਪਕਾਂ ਨੇ ਰਾਜਸਥਾਨ ਫੀਡਰ ਵਿੱਚ ਛਾਲ ਮਾਰਨ ਦੀ ਧਮਕੀ ਦੇ ਦਿੱਤੀ। ਇਸ ਧਮਕੀ ਤੋਂ ਬਾਅਦ ਸਮੁੱਚਾ ਪ੍ਰਸ਼ਾਸਨ ਹਰਕਤ ਵਿੱਚ ਆ ਗਿਆ।
ਡਿਪਟੀ ਕਮਿਸ਼ਨਰ ਰਵੀ ਭਗਤ ਨੇ ਅੰਦੋਲਨਕਾਰੀਆਂ ਨੂੰ ਤੁਰੰਤ ਗੱਲਬਾਤ ਦਾ ਸੱਦਾ ਦਿੱਤਾ ਅਤੇ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਸਰਕਾਰ ਉਨ੍ਹਾਂ ਦੀਆਂ ਮੰਗਾਂ ਨੂੰ ਗੰਭੀਰਤਾ ਨਾਲ ਵਿਚਾਰ ਰਹੀ ਹੈ ਅਤੇ ਜਲਦ ਹੀ ਉਨ੍ਹਾਂ ਦੇ ਮਸਲੇ ਦਾ ਹੱਲ ਕੱਢ ਲਿਆ ਜਾਵੇ। ਅਧਿਆਪਕ ਆਗੂ ਦਵਿੰਦਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦੇ ਸਾਥੀਆਂ ਨੂੰ ਬਿਨਾਂ ਸ਼ਰਤ ਰਿਹਾਅ ਕੀਤਾ ਜਾਵੇ ਅਤੇ ਉਨ੍ਹਾਂ ਦੀਆਂ ਮੰਗਾਂ ਨੂੰ ਤੁਰੰਤ ਸਵੀਕਾਰ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਜੇਕਰ ਸਰਕਾਰ ਅਜਿਹਾ ਨਹੀਂ ਕਰਦੀ ਤਾਂ ਅੰਦੋਲਨਕਾਰੀ ਅਧਿਆਪਕ ਆਪਣੀਆਂ ਜਾਨਾਂ ਕੁਰਬਾਨ ਕਰਨ ਤੋਂ ਪਿੱਛੇ ਨਹੀਂ ਹਟਣਗੇ ਅਤੇ ਇਸ ਦੀ ਜ਼ਿੰਮੇਵਾਰੀ ਪੰਜਾਬ ਸਰਕਾਰ ਦੀ ਹੋਵੇਗੀ।

ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਵੱਲੋਂ ਫ਼ੈਸਲੇ ਦਾ ਸਵਾਗਤ

www.sabblok.blogspot.com

ਬਠਿੰਡਾ, 30 ਮਈ (ਹੁਕਮ ਚੰਦ ਸ਼ਰਮਾ)- ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਦੇ ਸਟੇਟ ਪ੍ਰਧਾਨ ਹਾਕਮ ਸਿੰਘ ਤੇ ਸਕਤਰ ਜਨਰਲ ਸੁਕਦੇਵ ਸਿੰਘ ਰਾਣਾ ਨੇ ਮੁੱਖ ਮੰਤਰੀ ਵੱਲੋਂ ਸਕੂਲ ਲਾਇਬਰੇਰੀਆਂ ਨੂੰ ਸਪਲਾਈ ਕੀਤੀਆਂ ਕਿਤਾਬਾਂ ਦੇ ਵਿਵਾਦ ਸੰਬੰਧੀ ਹਾਈਕੋਰਟ ਦੇ ਸੇਵਾਮੁਕਤ ਜੱਜ ਤੋਂ ਅਜਾਦ ਜਾਂਚ ਕਰਾਉਣ ਦੀ ਕਾਰਵਾਈ ਦਾ ਸਵਾਗਤ ਕਰਦਿਆ ਕਿਹਾ ਹੈ ਕਿ ਸਕੂਲਾ ਦੇ ਸਮਾਨ ਤੇ ਕਿਤਾਬਾਂ ਸੰਬੰਧੀ ਛਿੜੇ ਵਿਵਾਦ ਸੰਬੰਧੀ ਸੱਚਾਈ ਸਾਹਮਣੇ ਆ ਜਾਵੇਗੀ | ਪਿੱਛਲੇ ਸਮੇਂ ਤੋਂ ਹੀ ਹਰ ਪ੍ਰਕਾਰ ਦੀ ਸਹੂਲਤ ਸਟੇਟ ਪੱਧਰ ਉੱਪਰ ਸਪਲਾਈ ਕੀਤੀ ਜਾਂਦੀ ਹੈ ਤੇ ਹਰ ਪ੍ਰਕਾਰ ਦੀ ਖਰੀਦੋ ਫਰੋਖਤ ਡੀ.ਪੀ.ਆਈ ਜਾਂ ਡੀ.ਜੀ.ਐਸ.ਈ ਜਾਂ ਸਰਕਾਰ ਪੱਧਰ ਤੇ ਬਣਾਈਆ ਅਜਿਹੀਆਂ ਕਮੇਟੀਆਂ ਦੁਆਰਾ ਕੀਤੀ ਜਾਂਦੀ ਹੈ | ਜਥੇਬੰਦੀ ਮਹਿਸ਼ੂਸ ਕਰਦੀ ਹੈ ਕਿ ਮੁੱਖ ਮੰਤਰੀ ਦੁਆਰਾ ਚੁੱਕੇ ਅਜਿਹੇ ਕਦਮ ਨਾਲ ਵਿਭਾਗ ਦੇ ਇਸ ਗੈਰ ਜਰੂਰੀ ਤੇ ਬੇਲੋੜੇ ਵਿਵਾਦ ਦਾ ਅੰਤ ਹੋਵੇਗਾ | ਉਨ੍ਹਾਂ ਕਿਹਾ ਕਿ ਅਜਿਹੇ ਬੇਲੋੜੇ ਮਸਲਿਆਂ ਨੂੰ ਉੱਠਣ ਤੋਂ ਰੋਕਣ ਲਈ ਵਿਭਾਗੀ ਕੰਮਾ ਨੂੰ ਤਰਕਸ਼ੰਗਤ ਬਣਾਇਆ ਜਾਵੇ | ਰੈਸਨਲਾਈਜੇਸ਼ਨ ਨੂੰ ਕਾਹਲੀ ਵਿਚ ਪੂਰਾ ਨਾ ਕੀਤਾ ਜਾਵੇ ਜ਼ਿਲ੍ਹੇਵਾਰ ਕਮੇਟੀਆਂ ਬਣਾ ਕੇ ਇਸ ਤੋਂ ਪਹਿਲਾਂ ਪ੍ਰਭਾਵਿਤ ਅਧਿਆਪਕ ਨੂੰ ਆਪਣਾ ਪੱਖ ਪੇਸ਼ ਕਰਨ ਦਾ ਮੌਕਾ ਜਰੂਰ ਦਿੱਤਾ ਜਾਵੇ | ਇਸ ਤੋਂ ਇਲਾਵਾ ਲੈਕਚਰਾਰ ਯੂਨੀਅਨ ਨੇ ਮੁੱਖ ਮੰਤਰੀ ਨੂੰ ਅਪੀਲ ਕੀਤੀ ਕਿ ਸਿੱਖਿਆ ਮਹਿਕਮੇ ਦੀ ਅਹਿਮੀਅਤ ਸਮਝਦੇ ਹੋਏ ਇਸ ਸੰਬੰਧੀ ਸਾਰਥਿਕ ਕਦਮ ਚੁੱਕੇ ਜਾਣ

ਸਿੱਖਿਆ ਬੋਰਡ ਮੁਲਾਜ਼ਮਾਂ ਵੱਲੋਂ ਕਾਰਾਂ ਦੀ ਦੁਰਵਰਤੋਂ ਖ਼ਿਲਾਫ਼ ਰੈਲੀ

www.sabblok.blogspot.com

 ਸਿੱਖਿਆ ਬੋਰਡ ਦੇ ਕਰਮਚਾਰੀਆਂ ਵੱਲੋਂ ਕਾਰਾਂ ਦੀ ਦੁਰਵਰਤੋਂ ਖ਼ਿਲਾਫ਼ ਕੀਤੀ ਗਈ ਰੈਲੀ ਦਾ ਦ੍ਰਿਸ਼ (ਫੋਟੋ: ਸੋਢੀ)

ਮੁਹਾਲੀ, 30 ਮਈ
ਪੰਜਾਬ ਸਕੂਲ ਸਿੱਖਿਆ ਬੋਰਡ ਕਰਮਚਾਰੀ ਐਸੋਸੀਏਸ਼ਨ ਨੇ ਸਿੱਖਿਆ ਬੋਰਡ ਦੀਆਂ ਕਾਰਾਂ ਦੀ ਕਥਿਤ ਦੁਰਵਰਤੋਂ ਰੋਕਣ ਲਈ ਵੀਰਵਾਰ ਨੂੰ ਰੈਲੀ ਕੀਤੀ। ਕਰਮਚਾਰੀਆਂ ਨੇ ਬੋਰਡ ਮੈਨੇਜਮੈਂਟ ਤੋਂ ਮੰਗ ਕੀਤੀ ਕਿ ਕਾਰਾਂ ਦੀ ਦੁਰਵਰਤੋਂ ਤੁਰੰਤ ਬੰਦ ਕੀਤੀ ਜਾਵੇ। ਇਸ ਮੌਕੇ ਮੁਲਾਜ਼ਮ ਜਥੇਬੰਦੀ ਦੇ ਪ੍ਰਧਾਨ ਪਰਮਿੰਦਰ ਸਿੰਘ ਖੰਗੂੜਾ ਤੇ ਸੀਨੀਅਰ ਮੀਤ ਪ੍ਰਧਾਨ ਅਮਰ ਸਿੰਘ ਧਾਲੀਵਾਲ ਨੇ ਕਿਹਾ ਕਿ ਬੋਰਡ ਦੀਆਂ ਗੱਡੀਆਂ ਦੀ ਦੁਰਵਰਤੋਂ ਦੇ ਦੋਸ਼ ਅਧੀਨ ਇਕ ਸਾਬਕਾ ਮੰਤਰੀ ਨੂੰ ਜ਼ਿਲ੍ਹਾ ਅਦਾਲਤ ਵੱਲੋਂ ਸਜ਼ਾ ਵੀ ਸੁਣਵਾਈ ਗਈ ਸੀ ਪਰ ਇਸ ਦੇ ਬਾਵਜੂਦ ਅਧਿਕਾਰੀ ਬੇਖ਼ੌਫ਼ ਬੋਰਡ ਦੀ ਗੱਡੀ ਦੀ ਨਾਜਾਇਜ਼ ਵਰਤੋਂ ਕਰ ਰਹੇ ਹਨ।
ਰੈਲੀ ਨੂੰ ਜਥੇਬੰਦੀ ਦੇ ਜਨਰਲ ਸਕੱਤਰ ਪਰਮਜੀਤ ਸਿੰਘ ਪੰਮਾ ਨੇ ਸੰਬੋਧਨ ਕੀਤਾ। ਪ੍ਰੈੱਸ ਸਕੱਤਰ ਲਖਵਿੰਦਰ ਸਿੰਘ ਘੜੂੰਆਂ ਨੇ ਕਿਹਾ ਕਿ ਬੋਰਡ ਮੈਨੇਜਮੈਂਟ ਨੇ ਜੇਕਰ ਬੋਰਡ ਦੀਆਂ ਗੱਡੀਆਂ ਦੀ ਦੁਰਵਰਤੋਂ ਤੁਰੰਤ ਬੰਦ ਨਹੀਂ ਕੀਤੀ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਜਥੇਬੰਦੀ ਵੱਲੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਕੜਾਕੇ ਦੀ ਗਰਮੀ ਦੇ ਬਾਵਜੂਦ ਬੋਰਡ ਮੈਨੇਜਮੈਂਟ ਵੱਲੋਂ ਏਅਰ ਕੂਲਰਾਂ ਵਿੱਚ ਪਾਣੀ ਪਾਉਣ ਦਾ ਕੋਈ ਠੋਸ ਪ੍ਰਬੰਧ ਨਹੀਂ ਕੀਤਾ ਗਿਆ ਹੈ। ਇਸ ਕਾਰਨ ਮੁਲਾਜ਼ਮਾਂ ਨੂੰ ਸ਼ੁੱਧ ਪਾਣੀ ਲਈ ਤਰਸਣਾਂ ਪੈ ਰਿਹਾ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਵਾਟਰ ਕੂਲਰਾਂ ਤੇ ਵਾਟਰ ਫਿਲਟਰਾਂ ਦੀ ਫੌਰੀ ਮੁਰੰਮਤ ਕੀਤੀ ਜਾਵੇ ਤਾਂ ਜੋ ਕਰਮਚਾਰੀਆਂ ਨੂੰ ਠੰਡਾ ਪਾਣੀ ਮਿਲ ਸਕੇ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜੇਕਰ ਉਕਤ ਮੰਗਾਂ ਵੱਲ ਧਿਆਨ ਨਹੀਂ ਦਿੱਤਾ ਗਿਆ ਤਾਂ ਅਗਲੇ ਹਫ਼ਤੇ ਸੰਘਰਸ਼ ਕੀਤਾ ਜਾਵੇਗਾ।

ਮਲੂਕਾ ਤੁਰੰਤ ਸਿੱਖਿਆ ਮੰਤਰੀ ਦਾ ਅਹੁਦਾ ਛੱਡਣ: ਭਗਵੰਤ ਮਾਨ

www.sabblok.blogspot.com

ਸੰਗਰੂਰ, 30 ਮਈ
ਪੀਪਲਜ਼ ਪਾਰਟੀ ਆਫ਼ ਪੰਜਾਬ ਦੇ ਯੂਥ ਵਿੰਗ ਦੇ ਪ੍ਰਧਾਨ ਭਗਵੰਤ ਮਾਨ ਨੇ ਕਿਹਾ ਹੈ ਕਿ ਵਿੱਦਿਆ ਵਿਚਾਰੀ ਤਾਂ ਪਰਉਪਕਾਰੀ ਸੀ ਪਰ ਸਮੇਂ ਦੇ ਹਾਕਮਾਂ ਨੇ ਵਿੱਦਿਆ ਵਿਚਾਰੀ ਸ਼ਰਮ ਦੀ ਮਾਰੀ ਬਣਾ ਕੇ ਰੱਖ ਦਿੱਤੀ ਹੈ। ਅਸ਼ਲੀਲ ਕਿਤਾਬਾਂ ਪੰਜਾਬ ਦੇ ਬੱਸ ਅੱਡਿਆਂ ਤੋਂ ਆਮ ਮਿਲਦੀਆਂ ਹਨ। ਉਹ ਕਿਤਾਬਾਂ ਸਿੱਖਿਆ ਵਿਭਾਗ ਜਦੋਂ ਸਕੂਲੀ ਬੱਚਿਆਂ ਨੂੰ ਗਿਆਨ ਦੇਣ ਲਈ ਸਪਲਾਈ ਕਰੇ ਤਾਂ ਇਸ ਤੋਂ ਵੱਡੀ ਸ਼ਰਮ ਦੀ ਗੱਲ ਹੋਰ ਕੀ ਹੋ ਸਕਦੀ ਹੈ। ਉਨ੍ਹਾਂ ਮੁੱਖ ਮੰਤਰੀ ਪੰਜਾਬ ਵਲੋਂ ਪੁਸਤਕ ਮਾਮਲੇ ਦੀ ਜਾਂਚ ਕਰਾਉਣ ਦੇ ਦਿੱਤੇ ਆਦੇਸ਼ਾਂ ’ਤੇ ਪ੍ਰਤੀਕਰਮ ਪ੍ਰਗਟ ਕਰਦਿਆਂ ਕਿਹਾ ਕਿ ਜਦੋਂ ਮੁੱਖ ਮੰਤਰੀ ਪਹਿਲਾਂ ਹੀ ਸਿੱਖਿਆ ਮੰਤਰੀ ਨੂੰ ਬੇਕਸੂਰ ਦੱਸੀ ਜਾਂਦੇ ਹਨ ਤਾਂ ਫਿਰ ਇਸ ਮਾਮਲੇ ਦੀ ਜਾਂਚ ਕਰਾਉਣ ਦਾ ਕੀ ਫਾਇਦਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਅਹਿਮ ਮਾਮਲੇ ’ਚ ਮਾਣਯੋਗ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਅਤੇ ਚੋਣ ਕਮਿਸ਼ਨ ਨੂੰ ਦਖਲ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਪੁਸਤਕ ਮਾਮਲੇ ’ਚ ਘਿਰੇ ਸਿੱਖਿਆ ਮੰਤਰੀ ਨੂੰ ਤੁਰੰਤ ਅਸਤੀਫ਼ਾ ਦੇ ਦੇਣਾ ਚਾਹੀਦਾ ਹੈ।
ਸ੍ਰੀ ਮਾਨ ਨੇ ਕਿਹਾ ਕਿ ਸਰਕਾਰੀ ਸਕੂਲਾਂ ’ਚ ਗਰੀਬ ਪਰਿਵਾਰਾਂ ਦੇ ਬੱਚੇ ਹੀ ਪੜ੍ਹਦੇ ਹਨ ਪਰ ਲੋਕਾਂ ਦੇ ਚੁਣੇ ਹੋਏ ਨੁਮਾਇੰਦਿਆਂ ਵਲੋਂ ਗਰੀਬ ਲੋਕਾਂ ਦੇ ਬੱਚਿਆਂ ਨਾਲ ਅਜਿਹਾ ਖਿਲਵਾੜ ਅਤਿ ਨਿੰਦਣਯੋਗ ਹੈ। ਉਨ੍ਹਾਂ ਹੈਰਾਨਗੀ ਪ੍ਰਗਟ ਕੀਤੀ ਕਿ ਜਿਨ੍ਹਾਂ ਕਿਤਾਬਾਂ ’ਚੋਂ ਗਰੀਬ ਬੱਚਿਆਂ ਨੂੰ ਗਿਆਨ ਮਿਲਣਾ ਹੈ, ਜਦੋਂ ਉਨ੍ਹਾਂ ’ਚ ਹੀ ਘਪਲਾ ਹੈ ਤਾਂ ਵਿਭਾਗ ਦੇ ਹੋਰ ਕੰਮਾਂ ’ਚ ਪਾਰਦਰਸ਼ਤਾ ਦੀ ਉਮੀਦ ਕਿਵੇਂ ਕੀਤੀ ਜਾ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਸਿੱਖਿਆ ਮੰਤਰੀ ਨੂੰ ਨੈਤਿਕ ਤੌਰ ’ਤੇ ਆਪਣੀ ਜ਼ਿੰਮੇਵਾਰੀ ਕਬੂਲਦਿਆਂ ਅਸਤੀਫ਼ਾ ਦੇ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਆਪਣੀ ਨੂੰਹ ਅਤੇ ਹੋਰ ਚਹੇਤਿਆਂ ਨੂੰ ਉਚ ਅਹੁਦਿਆਂ ’ਤੇ ਲਗਾਉਣਾ ਅਤੇ ਚਹੇਤਿਆਂ ਦੀਆਂ ਫ਼ਰਮਾਂ ਬਣਾ ਕੇ ਕਿਤਾਬਾਂ ਖਰੀਦ ਕਰਨੀਆਂ ਕੋਈ ਛੋਟਾ ਮਾਮਲਾ ਨਹੀਂ ਹੈ।

ਵਫ਼ਦ ਰੈਸ਼ਨੇਲਾਈਜੇਸ਼ਨ ਖਿਲਾਫ਼ ਡੀ. ਈ. ਓ. ਨੂੰ ਮਿਲਿਆ

www.sabblok.blogspot.com

ਲੁਧਿਆਣਾ, 30 ਮਈ (ਰਵਿੰਦਰ ਸਿੰਘ ਨਿੱਝਰ)-ਸਾਂਝਾ ਅਧਿਆਪਕ ਮੋਰਚਾ ਦਾ ਇਕ ਵਫ਼ਦ ਸ੍ਰੀ ਭੂਸ਼ਨ ਖੰਨਾ ਦੀ ਅਗਵਾਈ ਹੇਠ ਸ: ਰਣਜੀਤ ਸਿੰਘ ਮੱਲ੍ਹੀ, ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਐਲੀਮੈਂਟਰੀ) ਨੂੰ ਮਿਲਿਆ ਅਤੇ ਮੰਗ ਕੀਤੀ ਕਿ ਵਿਭਾਗ ਵੱਲੋਂ ਕੀਤੀ ਜਾ ਰਹੀ ਰੈਸ਼ਨੇਲਾਈਜੇਸ਼ਨ ਵਿਚ 98 ਬੱਚਿਆਂ ਤੋਂ ਘੱਟ ਵਾਲੇ ਪ੍ਰਾਇਮਰੀ ਸਕੂਲਾਂ 'ਚ ਪੜ੍ਹਾਉਂਦੇ ਹੈਡ ਟੀਚਰਾਂ ਨੂੰ ਉਥੋਂ ਨਾ ਬਦਲਿਆ ਜਾਵੇ | ਮੰਗ ਪੱਤਰ ਦੇਣ ਵਾਲੇ ਵਫ਼ਦ ਵਿਚ ਸ੍ਰੀ ਭੂਸ਼ਣ ਤੋਂ ਇਲਾਵਾ ਨਰਿੰਦਰ ਸਿੰਘ, ਚਰਨ ਸਿੰਘ, ਸ਼ਿੰਗਾਰਾ ਸਿੰਘ, ਪ੍ਰਵੀਨ ਕੁਮਾਰ, ਜਰਨੈਲ ਸਿੰਘ, ਬਲਵੀਰ ਸਿੰਘ ਤੇ ਕਰਨੈਲ ਸਿੰਘ ਆਦਿ ਵੀ ਸ਼ਾਮਿਲ ਸਨ | ਸ੍ਰੀ ਖੰਨਾ ਨੇ ਦੱਸਿਆ ਕਿ ਇਸ ਸਬੰਧੀ 3 ਜੂਨ ਨੂੰ ਮਿੰਨੀ ਸਕੱਤਰੇਤ ਦੇ ਸਾਹਮਣੇ ਸਾਂਝਾ ਅਧਿਆਪਕ ਮੋਰਚਾ ਵੱਲੋਂ ਰੋਸ ਮੁਜ਼ਾਹਰਾ ਕੀਤਾ ਜਾਵੇਗਾ

ਈ.ਟੀ.ਟੀ. ਅਧਿਆਪਕ ਯੂਨੀਅਨ ਵੱਲੋਂ ਬੀ.ਡੀ.ਪੀ.ਓ. ਦਫ਼ਤਰ ਦਾ ਘਿਰਾਓ ਕਰਨ ਦੀ ਚਿਤਾਵਨੀ

www.sabblok.blogspot.com
ਖਲਵਾੜਾ, 30 ਮਈ (ਮਨਦੀਪ ਸਿੰਘ ਸੰਧੂ)-ਅੱਜ ਈ.ਟੀ.ਟੀ. ਅਧਿਆਪਕ ਯੂਨੀਅਨ ਪੰਜਾਬ ਦੇ ਫਗਵਾੜਾ ਇਕਾਈ ਦੇ ਆਹੁਦੇਦਾਰਾਂ ਤੇ ਮੈਂਬਰਾਂ ਦੀ ਇੱਕ ਮੀਟਿੰਗ ਦਲਜੀਤ ਸਿੰਘ ਸੈਣੀ ਦੀ ਅਗਵਾਈ ਹੇਠ ਹੋਈ | ਮੀਟਿੰਗ ਦੌਰਾਨ ਅਧਿਆਪਕਾਂ ਦੇ ਡੈਪੂਟੇਸ਼ਨ ਲਗਾਉਣ ਦੇ ਸਬੰਧ ਵਿਚ ਚਰਚਾ ਕੀਤੀ ਗਈ | ਜਿਸ ਤੋਂ ਬਾਅਦ ਦਲਜੀਤ ਸਿੰਘ ਸੈਣੀ ਨੇ ਪੈੱ੍ਰਸ ਨੰੂ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਆਰ.ਟੀ.ਈ. ਦੇ ਨਿਯਮਾਂ ਮੁਤਾਬਿਕ ਕਿਸੇ ਵੀ ਅਧਿਆਪਕ ਦੀ ਡੈਪੂਟੇਸ਼ਨ ਨਹੀਂ ਲਗਾਈ ਜਾ ਸਕਦੀ ਪਰ ਬੀ.ਡੀ.ਪੀ.ਓ. ਦਫ਼ਤਰ ਫਗਵਾੜਾ ਵੱਲੋਂ ਬਿਨਾਂ ਵਜ੍ਹਾ ਦੇ ਵਾਰ-ਵਾਰ ਉਨ੍ਹਾਂ ਹੀ ਅਧਿਆਪਕਾਂ ਦੀ ਲਗਾਤਾਰ ਸਕੂਲਾਂ ਵਿਚ ਡੈਪੂਟੇਸ਼ਨ ਲਗਾਈ ਜਾ ਰਹੀ ਹੈ ਜੋ ਪਹਿਲਾਂ ਤੋਂ ਡੈਪੂਟੇਸ਼ਨ 'ਤੇ ਹਨ | ਉਨ੍ਹਾਂ ਦੱਸਿਆ ਕਿ ਅਗਰ ਕੋਈ ਅਧਿਆਪਕ ਕਿਸੇ ਵਜ੍ਹਾ ਕਰਕੇ ਡੈਪੂਟੇਸ਼ਨ 'ਤੇ ਨਹੀਂ ਜਾ ਸਕਦਾ ਤਾਂ ਉਸ ਨੂੰ ਪ੍ਰੇਸ਼ਾਨ ਕੀਤਾ ਜਾਂਦਾ ਹੈ ਜਿਸ ਦੀ ਤਾਜ਼ਾ ਮਿਸਾਲ ਬੀਤੇ ਦਿਨ ਮਿਲੀ ਜਦੋਂ ਇਕ ਮਹਿਲਾ ਅਧਿਆਪਕ ਨੂੰ ਬੀ.ਡੀ.ਪੀ.ਓ. ਦਫ਼ਤਰ ਦੇ ਇਕ ਕਰਮਚਾਰੀ ਵੱਲੋਂ ਟੈਲੀਫੋਨ ਕਰਕੇ ਕਿਹਾ ਗਿਆ ਕਿ ਉਹ ਡੈਪੂਟੇਸ਼ਨ 'ਤੇ ਚਲੇ ਜਾਣ ਪਰ ਮਹਿਲਾ ਅਧਿਆਪਕ ਨੇ ਜਦੋਂ ਆਪਣੀ ਸਿਹਤ ਖ਼ਰਾਬ ਹੋਣ ਸਬੰਧੀ ਦੱਸਿਆ ਤਾਂ ਉਕਤ ਕਰਮਚਾਰੀ ਨੇ ਅੱਗਿਓਾ ਮੰਦਾ ਚੰਗਾ ਆਖਿਆ | ਇਸ ਮੌਕੇ ਦਲਜੀਤ ਸਿੰਘ ਸੈਣੀ, ਰਸ਼ਪਾਲ ਸਿੰਘ, ਇੰਦਰਜੀਤ ਸਿੰਘ, ਜਗਦੇਵ ਸਿੰਘ, ਗੁਰਜੀਤ ਸਿੰਘ ਨੇ ਮੰਗ ਕੀਤੀ ਕਿ ਉਕਤ ਕਰਮਚਾਰੀ ਸੋਮਵਾਰ ਤੱਕ ਆਪਣੀ ਗਲਤੀ ਦਾ ਅਹਿਸਾਸ ਕਰੇ ਨਹੀਂ ਤਾਂ ਬੀ.ਡੀ.ਪੀ.ਓ. ਦਫ਼ਤਰ ਦਾ ਘਿਰਾਓ ਕੀਤਾ ਜਾਵੇਗਾ | ਇਸ ਮੌਕੇ ਮੀਨਾ ਰਾਣੀ, ਅਨੀਤਾ, ਸੁਰਿੰਦਰ ਸਿੰਘ, ਪਰਸ਼ੋਤਮ ਲਾਲ, ਪਰਮਜੀਤ ਸਿੰਘ, ਵਿਕਾਸ, ਸੁਖਨੰਦਨ, ਸੋਨੀਆ, ਮਨਜਿੰਦਰ, ਮਨਜੀਤ ਸਿੰਘ ਅਤੇ ਹਰਜਿੰਦਰ ਸਿੰਘ ਆਦਿ ਹਾਜ਼ਰ ਸਨ | ਇਸ ਸਬੰਧੀ ਜਦੋਂ ਬੀ. ਡੀ. ਪੀ. ਓ. ਫਗਵਾੜਾ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਅਜਿਹੀ ਕਿਸੇ ਵੀ ਗੱਲਬਾਤ ਬਾਰੇ ਜਾਣਕਾਰੀ ਨਹੀਂ ਹੈ ਅਤੇ ਨਾ ਹੀ ਉਕਤ ਅਧਿਆਪਕ ਯੂਨੀਅਨ ਨੇ ਉਨ੍ਹਾਂ ਨੂੰ ਇਸ ਸਬੰਧੀ ਜਾਣੂ ਕਰਵਾਇਆ ਹੈ

ਤਨਖ਼ਾਹ ਘਟਾਉਣ ਦਾ ਫ਼ੈਸਲਾ ਮੰਦਭਾਗਾ-ਰੱਕੜ

www.sabblok.blogspot.com
ਭੱਦੀ, 30 ਮਈ (ਨਰੇਸ਼ ਧੌਲ)- ਸੂਬਾਈ ਮੁਲਾਜ਼ਮ ਆਗੂ ਪ੍ਰੇਮ ਰੱਕੜ ਨੇ ਦੱਸਿਆ ਕਿ ਸੈਂਟਰ ਸਪਾਂਸਰ ਸਕੀਮ ਅਧੀਨ ਕੰਮ ਕਰਦੇ 512 ਹਿੰਦੀ ਅਧਿਆਪਕਾਂ ਨੂੰ ਜਿੱਥੇ ਪਿਛਲੇ 13 ਮਹੀਨਿਆਂ ਤੋਂ ਤਨਖ਼ਾਹ ਨਹੀਂ ਦਿੱਤੀ ਗਈ ਉੱਥੇ ਹੁਣ ਪਿਛਲੇ ਦਿਨੀਂ ਪੰਜਾਬ ਮੰਤਰੀ ਮੰਡਲ ਵੱਲੋਂ ਤੁਗ਼ਲਕੀ ਫ਼ੈਸਲਾ ਲੈਂਦਿਆਂ ਹੋਇਆਂ ਤਨਖ਼ਾਹਾਂ ਦੀ ਦਰ ਵਿਚ ਭਾਰੀ ਕਟੌਤੀ ਕਰਨਾ ਬਹੁਤ ਹੀ ਮੰਦਭਾਗਾ ਹੈ | ਉਨ੍ਹਾਂ ਕਿਹਾ ਕਿ ਇੰਨਾਂ ਅਧਿਆਪਕਾਂ ਨੂੰ ਨਿਯੁਕਤੀ ਵੇਲੇ 17 ਹਜ਼ਾਰ 700 ਰੁਪਏ 'ਤੇ ਰੱਖਿਆ ਸੀ ਪਰ ਹੁਣ ਘਟਾ ਕੇ 10 ਹਜ਼ਾਰ 300 ਰੁਪਏ ਕਰਨ ਨਾਲ ਇੰਨੀ ਮਹਿੰਗਾਈ ਦੌਰਾਨ ਇਹ ਅਧਿਆਪਕ ਜਿੱਥੇ ਤਨਖ਼ਾਹ ਨਾ ਮਿਲਣ ਕਾਰਨ ਪਹਿਲਾਂ ਹੀ ਫ਼ਾਕਾ ਕੱਟ ਰਹੇ ਸਨ ਉੱਥੇ ਹੁਣ ਤਨਖ਼ਾਹ ਘੱਟ ਜਾਣ ਕਾਰਨ ਭਾਰੀ ਮਾਨਸਿਕ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰ ਰਹੇ ਹਨ | ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਸਮੁੱਚੇ ਅਧਿਆਪਕਾਂ ਨੂੰ ਰੈਗੂਲਰ ਕੀਤਾ ਜਾਵੇ ਅਤੇ ਤਨਖ਼ਾਹਾਂ ਦਾ ਪੂਰਾ ਸਕੇਲ ਦਿੱਤਾ ਜਾਵੇ

ਤਨਖਾਹ ਦੀ ਕਾਣੀ ਵੰਡ ਤੋਂ ਅਧਿਆਪਕਾਂ ਵਿਚ ਰੋਸ

www.sabblok.blogspot.com

ਤਲਵੰਡੀ ਸਾਬੋ. ਜ.ਸ. ਰਾਹੀ
30 ਮਈ P ਪ੍ਰੈੱਸ ਨੂੰ ਜਾਰੀ ਇਕ ਲਿਖਤੀ ਬਿਆਨ ਰਾਹੀਂ ਈ.ਟੀ.ਟੀ ਅਧਿਆਪਕ ਯੂਨੀਅਨ ਦੇ ਜ਼ਿਲ੍ਹਾ ਪ੍ਰਧਾਨ ਗੁਰਜੀਤ ਸਿੰਘ ਜੱਸੀ, ਜ਼ਿਲ੍ਹਾ ਕਮੇਟੀ ਮੈਂਬਰ ਜਗਮੇਲ ਸਿੰਘ, ਅਵਤਾਰ ਦਾਸ, ਕੁਲਦੀਪ ਸਿੰਘ, ਹਰਸਿਮਰਨਦੀਪ ਬਰਾੜ ਆਦਿ ਨੇ ਦੱਸਿਆ ਕਿ ਪਹਿਲਾਂ ਤਾਂ ਸਮੁੱਚੇ ਅਧਿਆਪਕ ਮਾਰਚ ਮਹੀਨੇ ਦੀ ਤਨਖਾਹ ਨਾ ਮਿਲਣ ਕਰਕੇ ਕਾਫੀ ਪ੍ਰੇਸ਼ਾਨ ਸਨ ਤੇ ਜਦੋਂ ਸੂਬਾ ਪ੍ਰਧਾਨ ਜਸਵਿੰਦਰ ਸਿੰਘ ਸਿੱਧੂ ਦੀ ਅਗਵਾਈ 'ਚ ਸੰਘਰਸ਼ ਕਰਕੇ ਤਨਖਾਹ ਜਾਰੀ ਕਰਵਾਈ ਗਈ ਤਾਂ ਸਥਾਨਕ ਬੀ. ਡੀ. ਪੀ. ਓ ਦਫਤਰ ਦੇ ਤਨਖਾਹ ਨਾਲ ਸਬੰਧਿਤ ਇਕ ਮੁਲਾਜ਼ਮ ਵੱਲੋਂ ਬਿੱਲ ਗਲਤ ਹੋਣ ਤੋਂ ਬਾਦ ਜਦੋਂ ਅਧਿਆਪਕਾਂ ਨੂੰ ਬੈਂਕ ਵਿੱਚ ਤਨਖਾਹ ਭੇਜੀ ਗਈ ਤਾਂ ਪਤਾ ਲੱਗਾ ਕਿ ਤਨਖਾਹ ਵਾਲੇ ਖਾਤੇ ਗਲਤ ਹੋਣ ਕਾਰਣ ਕਈਆਂ ਨੂੰ ਚਾਰ ਚਾਰ ਪੰਜ ਪੰਜ ਤਨਖਾਹਾਂ ਇਕੱਠੀਆਂ ਮਿਲ ਗਈਆਂ ਤੇ ਕਿਸੇ ਅਧਿਆਪਕ ਨੂੰ ਤਾਂ ਤਨਖਾਹ ਮਿਲੀ ਹੀ ਨਹੀਂ | ਉਨ੍ਹਾਂ ਕਿਹਾ ਕਿ ਅਜਿਹੀਆਂ ਕਾਰਵਾਈਆਂ ਜਾਣਬੁੱਝ ਕੇ ਅਧਿਆਪਕਾਂ ਨੂੰ ਤੰਗ ਪ੍ਰੇਸ਼ਾਨ ਕਰਨ ਦੀਆਂ ਨੀਤੀਆਂ ਤਹਿਤ ਕੀਤੀਆਂ ਜਾ ਰਹੀਆਂ ਅਤੇ ਅਜਿਹੀਆਂ ਨੀਤੀਆਂ ਕਿਸੇ ਧਰਨੇ ਪ੍ਰਦਰਸ਼ਨ ਨੂੰ ਜਨਮ ਦੇ ਸਕਦੀਆਂ ਹਨ

ਸਾਂਝਾ ਅਧਿਆਪਕ ਮੋਰਚਾ ਪੰਜਾਬ ਵੱਲੋਂ ਅਰਥੀ ਫੂਕ ਰੈਲੀਆਂ ਕੱਲ੍ਹ

www.sabblok.blogspot.com

ਅਜੀਤਗੜ੍ਹ, 30 ਮਈ (ਸਿੱ. ਪ੍ਰ)-ਸਾਂਝਾ ਅਧਿਆਪਕ ਮੋਰਚਾ ਪੰਜਾਬ ਦੇ ਕਰਵੀਨਰ ਸ਼ੀਤਲ ਸਿੰਘ ਚਾਹਲ, ਕਰਨੈਲ ਸਿੰਘ ਸੰਧੂ, ਭੁਪਿੰਦਰ ਸਿੰਘ ਵੜੈਚ, ਬਲਕਾਰ ਸਿੰਘ ਵਲਟੋਹਾ, ਪ੍ਰੇਮ ਕੁਮਾਰ ਰੱਕੜ ਅਤੇ ਕੋ-ਕਨਵੀਨਰਜ਼ ਸ਼ਿਵ ਕੁਮਾਰ, ਪਿ੍ੰਸੀਪਲ ਕੇਵਲ ਸਿੰਘ ਰੰਧਾਵਾ, ਕੁਲਵੰਤ ਸਿੰਘ ਗਿੱਲ, ਦਵਿੰਦਰ ਸਿੰਘ ਪੂਨੀਆਂ, ਜਗਮੇਲ ਸਿੰਘ ਪੱਖੋਵਾਲ ਨੇ ਮੀਟਿੰਗ ਉਪਰੰਤ ਪੱਤਰਕਾਰਾਂ ਨੂੰ ਦੱਸਿਆ ਕਿ ਨਵੀਂ ਰੈਸਨੇਲਾਈਜ਼ੇਸ਼ਨ ਨੀਤੀ ਰੱਦ ਕਰਕੇ 2011 ਵਾਲੀ ਲਾਗੂ ਕਰਨ, ਵਿਸ਼ਾਵਾਰ ਸੀਨੀਆਰਤਾ ਦੀ ਨੀਤੀ ਰੱਦ ਕਰਾਉਣ, ਸਾਰੇ ਵਰਗਾਂ ਦੀਆਂ ਤਰੱਕੀਆਂ, ਠੇਕੇ 'ਤੇ ਭਰਤੀ ਬੰਦ ਕਰਕੇ ਰੈਗੂਲਰ ਭਰਤੀ ਕਰਨ, ਸੰਘਰਸ਼ ਕਰ ਰਹੇ ਰਮਸਾ, ਸੀ. ਐਸ. ਐਸ. ਸਰਵ ਸਿੱਖਿਆ ਅਤੇ ਸਪੈਸ਼ਲ ਟਰੇਨਰ ਅਧਿਆਪਕਾਂ ਦੀ ਮੰਗਾਂ ਮਨਜ਼ੂਰ ਕਰਵਾਉਣ ਅਤੇ ਜੇਲ੍ਹਾਂ 'ਚੋਂ ਬਿਨਾਂ ਸ਼ਰਤ ਰਿਹਾਅ ਕਰਵਾਉਣ, ਬਦਲੀਆਂ ਦੇ ਪੱਕੇ ਨਿਯਮ ਬਣਾਉਣ, ਸਕੂਲਾਂ ਨੂੰ ਮਰਜ ਕਰਨ ਦਾ ਫੈਸਲਾ ਵਾਪਿਸ ਕਰਵਾਉਣ ਆਦਿ ਮੰਗਾਂ ਮਨਵਾਉਣ ਲਈ ਸਾਂਝੇ ਅਧਿਆਪਕ ਮੋਰਚੇ ਵੱਲੋਂ 1 ਜੂਨ ਨੂੰ ਸਮੁੱਚੇ ਪੰਜਾਬ ਵਿਚ ਜ਼ਿਲ੍ਹਾ ਪੱਧਰ 'ਤੇ ਡਿਪਟੀ ਕਮਿਸ਼ਨਰ ਦਫਤਰਾਂ ਅੱਗੇ ਧਰਨੇ ਅਤੇ ਅਰਥੀ ਫੂਕ ਰੈਲੀਆਂ ਕੀਤੀਆਂ ਜਾਣਗੀਆਂ

ਅਕਾਲੀ ਵਿਧਾਇਕਾਂ ਵੱਲੋਂ ਕਾਂਗਰਸ ਨੂੰ ਪੁਸਤਕ ਮਾਮਲੇ ਦੀ ਜਾਂਚ ਸੰਯੁਕਤ ਰਾਸ਼ਟਰ ਕੋਲੋਂ ਕਰਵਾਉਣ ਦੀ ਸਲਾਹ

www.sabblok.blogspot.com

ਕਿਹਾ, ਸੁਪਰੀਮ ਕੋਰਟ ਦੀਆਂ ਫਿਟਕਾਰਾਂ ਨਾਲ ਕਾਂਗਰਸੀਆਂ ਦਾ ਦਿਮਾਗੀ ਤਵਾਜ਼ਨ ਵਿਗੜਿਆ
ਪੰਜਾਬ ਕਾਂਗਰਸ ਨੂੰ ਯੂ.ਪੀ.ਏ. ਦੇ ਅਰਬਾਂ ਦੇ ਘੁਟਾਲਿਆਂ ਦੀ ਜਾਂਚ ਵੱਲ ਧਿਆਨ ਦੇਣ ਨੂੰ ਕਿਹਾ
ਚੰਡੀਗੜ੍ਹ, 30 ਮਈ (ਗਗਨਦੀਪ ਸੋਹਲ) : ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕਾਂ ਸ. ਮਨਤਾਰ ਸਿੰਘ ਬਰਾੜ, ਸ੍ਰੀ ਸਰੂਪ ਚੰਦ ਸਿੰਗਲਾ (ਦੋਵੇਂ ਮੁੱਖ ਸੰਸਦੀ ਸਕੱਤਰ), ਸ. ਦਰਸ਼ਨ ਸਿੰਘ ਕੋਟਫੱਤਾ ਤੇ ਸ. ਮਹੇਸ਼ਇੰਦਰ ਸਿੰਘ ਨਿਹਾਲ ਸਿੰਘ ਵਾਲਾ ਨੇ ਕਾਂਗਰਸ ਦੇ ਬੜਬੋਲੇ ਬੁਲਾਰੇ ਸੁਖਪਾਲ ਸਿੰਘ ਖਹਿਰਾ ਨੂੰ ਆੜੇ ਹੱਥੀ ਲੈਂਦਿਆ ਕਿਹਾ ਕਿ ਹੁਣ ਕਾਂਗਰਸੀਆਂ ਨੂੰ ਸੰਵਿਧਾਨਕ ਤੇ ਨਿਆਂਇਕ ਸੰਸਥਾਵਾਂ 'ਤੇ ਵੀ ਵਿਸ਼ਵਾਸ ਨਹੀਂ ਰਿਹਾ। ਉਨ੍ਹਾਂ ਕਿਹਾ ਕਿ ਕਾਂਗਰਸ ਨੂੰ ਤਾਂ ਸਿਰਫ ਆਪਣੇ ਹੱਥਾਂ ਦੀ ਕਠਪੁਤਲੀ ਬਣਨ ਵਾਲੀ ਸੀ.ਬੀ.ਆਈ. ਹੀ ਰਾਸ ਆਉਂਦੀ ਹੈ।

ਅੱਜ ਇਥੇ ਜਾਰੀ ਸਾਂਝੇ ਪ੍ਰੈਸ ਬਿਆਨ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕਾਂ ਨੇ ਕਿਹਾ ਕਿ ਕਾਂਗਰਸੀ ਆਗੂ ਹੁਣ ਆਪਣੇ ਆਪ ਨੂੰ ਦੇਸ਼ ਦੇ ਸੰਵਿਧਾਨ ਅਤੇ ਨਿਆਂਇਕ ਸੰਸਥਾਵਾਂ ਤੋਂ ਉਪਰ ਸਮਝਣ ਲੱਗ ਪਏ ਹਨ। ਸਿੱਖਿਆ ਵਿਭਾਗ ਦੀਆਂ ਪੁਸਤਕਾਂ ਖਰੀਦਣ ਦੇ ਮਾਮਲੇ ਸਬੰਧੀ ਖਹਿਰਾ ਵੱਲੋਂ ਕੀਤੀ ਜਾ ਰਹੀ ਹੋਛੀ ਰਾਜਨੀਤੀ 'ਤੇ ਬੋਲਦਿਆਂ ਉਨ੍ਹਾਂ ਕਿਹਾ ਕਿ ਕਾਂਗਰਸੀ ਆਗੂ ਹਾਈ ਕੋਰਟ ਦੇ ਸਾਬਕਾ ਜੱਜ ਦੀ ਦਿਆਨਦਾਰੀ ਉਪਰ ਵੀ ਸ਼ੱਕ ਕਰਨ ਲੱਗ ਗਏ ਹਨ ਇਸ ਲਈ ਉਹ ਤਾਂ ਖਹਿਰਾ ਨੂੰ ਇਹ ਹੀ ਸਲਾਹ ਦੇਣਗੇ ਕਿ ਉਹ ਹੁਣ ਸੰਯੁਕਤ ਰਾਸ਼ਟਰ ਤੋਂ ਇਸ ਮਾਮਲੇ ਦੀ ਜਾਂਚ ਦੀ ਮੰਗ ਕਰ ਲੈਣ।

ਉਨ੍ਹਾਂ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਪਰਤਾਪ ਸਿੰਘ ਬਾਜਵਾ ਨੂੰ ਜ਼ਿਲਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਚੋਣਾਂ ਦੇ ਸਦਮੇ ਵਿੱਚੋਂ ਬਾਹਰ ਆਉਣ ਦੀ ਨਸੀਹਤ ਦਿੰਦਿਆਂ ਅਰਦਾਸ ਵੀ ਕੀਤੀ ਕਿ ਉਹ ਚੋਣਾਂ ਦੇ ਸਦਮੇਂ ਤੋਂ ਜਲਦੀ ਬਾਹਰ ਨਿਕਲ ਆਉਣ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਉਹ ਜੇਕਰ ਕੇਂਦਰੀ ਮੰਤਰੀ ਨੂੰ ਮਿਲਣਾ ਹੀ ਚਾਹੁੰਦੇ ਹਨ ਤਾਂ ਕੇਂਦਰ ਸਰਕਾਰ ਵੱਲੋਂ ਕੀਤੇ ਅਰਬਾਂ ਦੇ ਘੁਟਾਲਿਆਂ ਦੀ ਜਾਂਚ ਦੀ ਮੰਗ ਵੀ ਰੱਖ ਲੈਣ।

ਕੋਟਕਪੂਰਾ, ਬਠਿੰਡਾ ਸ਼ਹਿਰੀ ਤੇ ਦਿਹਾਤੀ ਅਤੇ ਬਾਘਾਪੁਰਾਣਾ ਹਲਕੇ ਦੇ ਨੁਮਾਇੰਦਗੀ ਕਰਦੇ ਚਾਰੇ ਵਿਧਾਇਕਾਂ ਨੇ ਕਿਹਾ ਕਿ ਜੇਕਰ ਖਹਿਰਾ ਆਪਣੇ ਆਪ ਨੂੰ ਇੰਨਾ ਹੀ ਦੁੱਧ ਧੋਤਾ ਸਮਝਦਾ ਹੈ ਤਾਂ ਕੇਂਦਰ ਵਿੱਚ ਬੈਠੇ ਕਾਂਗਰਸੀ ਆਗੂਆਂ ਵੱਲੋਂ 2 ਜੀ ਸਪੈਕਟ੍ਰਮ, ਕਾਮਨਵੈਲਥ, ਆਦਰਸ਼ ਸੁਸਾਇਟੀ, ਕੋਲਗੇਟ, ਰੇਲਗੇਟ ਜਿਹੇ ਲੱਖਾਂ-ਕਰੋੜਾਂ ਦੇ ਕੀਤੇ ਘੋਟਾਲਿਆਂ ਵਿਰੁੱਧ ਆਵਾਜ਼ ਬੁਲੰਦ ਕਰੇ। ਉਨ੍ਹਾਂ ਕਿਹਾ ਕਿ ਸੁਪਰੀਮ ਕੋਰਟ ਵੱਲੋਂ ਸੀ.ਬੀ.ਆਈ. ਅਤੇ ਕੇਂਦਰ ਸਰਕਾਰ ਨੂੰ ਦਿੱਤੀਆਂ ਫਿਟਕਾਰਾਂ ਨਾਲ ਕਾਂਗਰਸੀ ਆਗੂਆਂ ਦਾ ਦਿਮਾਗੀ ਤਵਾਜ਼ਨ ਵਿਗੜ ਗਿਆ ਹੈ ਅਤੇ ਹੁਣ ਉਨ੍ਹਾਂ ਨੂੰ ਕਿਸੇ 'ਤੇ ਵੀ ਯਕੀਨ ਨਹੀਂ ਰਿਹਾ

ਡੇਰਾ ਸਚਖੰਡ ਬੱਲਾਂ ਦਾ ਪ੍ਰਧਾਨ ਰੰਗਰਲੀਆਂ ਮਨਾਉਦੇ ਅੜਿਕੇ

www.sabblok.blogspot.com

ਮਹਾਨ ਗ਼ਦਰੀ ਗੁਲਾਬ ਕੌਰ---------ਬਰਿੰਦਰ ਕੌਰ-

www.sabblok.blogspot.com

ਸੰਗਰੂਰ ਜ਼ਿਲ੍ਹੇ ਦੇ ਪਿੰਡ ਬਖਸ਼ੀਵਾਲਾ ਵਿੱਚ ਇਕ ਥੁੜ੍ਹਾਂ ਮਾਰੇ ਪਰਿਵਾਰ ਵਿੱਚ ਗੁਲਾਬ ਕੌਰ ਦਾ ਜਨਮ ਹੋਇਆ। ਮਿਹਨਤੀ ਪਰਿਵਾਰ ਦੀ ਉਸ ਜਾਈ ਦਾ ਵਿਆਹ ਪਿੰਡ ਜਖੇਪਲ ਦੇ ਮਾਨ ਸਿੰਘ ਦੇ ਨਾਲ ਹੋਇਆ। ਦੋਵੇਂ ਜੀਅ ਰੋਜ਼ੀ-ਰੋਟੀ ਦੇ ਲਈ ਅਮਰੀਕਾ ਜਾਣ ਲਈ ਮਨੀਲਾ ਪੁੱਜੇ। ਜਿੱਥੇ ਮਿਹਨਤ-ਮਜ਼ਦੂਰੀ ਕਰਦਿਆਂ ਉਨ੍ਹਾਂ ਨੂੰ ਗ਼ਦਰੀ ਇਨਕਲਾਬੀਆਂ ਦੇ ਵਿਚਾਰ ਅਕਸਰ ਸੁਣਨ ਨੂੰ ਮਿਲਦੇ ਸਨ। ਜਿਸ ਤੋਂ ਪ੍ਰਭਾਵਿਤ ਹੋ ਕੇ ਗੁਲਾਬ ਕੌਰ ਤੇ ਉਸ ਦੇ ਪਤੀ ਨੇ ਦੇਸ਼ ਦੀ ਆਜ਼ਾਦੀ ਲਈ ਆਪਣੇ ਨਾਮ ਗ਼ਦਰ ਪਾਰਟੀ ਆਗੂਆਂ ਕੋਲ ਪੇਸ਼ ਕੀਤੇ। ਪਰ ਜਦੋਂ ਦੇਸ਼ ਨੂੰ ਪਰਤਣ ਦੀਆਂ ਘੜੀਆਂ ਆਈਆਂ ਤਾਂ ਗੁਲਾਬ ਕੌਰ ਦੇ ਪਤੀ ਮਾਨ ਸਿੰਘ ਦਾ ਦਿਲ ਡੋਲ ਗਿਆ, ਜਿਸ ’ਤੇ ਗੁਲਾਬ ਕੌਰ ਨੇ ਉਸ ਨੂੰ ਫਿੱਟ ਲਾਹਨਤਾਂ ਪਾਈਆਂ ਤੇ ਉਹ ਮਹਾਨ ਵੀਰਾਂਗਣ ਪਤੀ ਨੂੰ ਛੱਡ ਕੇ ਦੇਸ਼ ਦੀ ਆਜ਼ਾਦੀ ਲਈ ਗ਼ਦਰੀਆਂ ਨਾਲ ਹੋ ਤੁਰੀ। ਪਤੀਵਰਤਾ ਦੀਆਂ ਜ਼ੰਜੀਰਾਂ ਨੂੰ ਤੋੜ ਕੇ ਤੁਰੀ ਉਹ ਸੰਗਰਾਮਣ ਭਾਰਤ ’ਚ ਗ਼ਦਰ ਮਚਾਉਣ ਦੇ ਵਿਚਾਰ ਨੂੰ ਲੈ ਕੇ ਬੇਹੱਦ ਉਤਸ਼ਾਹਿਤ ਸੀ। ਉਹ ਆਪਣੇ ਨਾਲ ਦੇ ਗ਼ਦਰੀ ਸਾਥੀਆਂ ਦੇ ਸਤਿਕਾਰ ਦੀ ਹਮੇਸ਼ਾ ਪਾਤਰ ਰਹੀ। ਗ਼ਦਰੀ ਗੁਲਾਬ ਕੌਰ ਜ਼ੋਸ਼ੀਲੇ ਭਾਸ਼ਣਾਂ ਦੇ ਨਾਲ-ਨਾਲ ਆਪਣੀ ਸੁਰੀਲੀ ਤੇ ਜ਼ੋਸ਼ੀਲੀ ਆਵਾਜ਼ ’ਚ ਗ਼ਦਰ ਦੀ ਗੂੰਜ ਵਿਚੋਂ ਕਵਿਤਾਵਾਂ ਪੜ੍ਹ ਕੇ ਵੀ ਸੁਣਾਉਂਦੀ। ਆਪਣੇ ਜ਼ੋਸ਼ੀਲੇ ਭਾਸ਼ਣਾਂ ਦੌਰਾਨ ਉਹ ਡਰਪੋਕ ਤੇ ਦੁਚਿੱਤੀ ’ਚ ਰਹਿਣ ਵਾਲੇ ਲੋਕਾਂ ਨੂੰ ਆਪਣੇ ਖੱਬੇ ਹੱਥ ਵਿਚੋਂ ਵੰਗਾਂ ਉਤਾਰ ਕੇ ਲਲਕਾਰਦੀ ਕਿ ਇਹ ਚੂੜੀਆਂ ਪਾ ਕੇ ਘਰ ਬੈਠ ਜਾਵੋ। ਅਸੀਂ ਤੀਵੀਆਂ ਤੁਹਾਡੀ ਜਗ੍ਹਾ ਲੜਾਂਗੀਆਂ। ਇਸ ਤਰ੍ਹਾਂ ਉਹ ਕਮਜ਼ੋਰ ਦਿਲਾਂ ’ਚ ਨਿਡਰਤਾ ਦੀ ਇਕ ਨਵੀਂ ਰੂਹ ਫੂਕ ਦਿੰਦੀ। ਦੇਸ਼ ਪਰਤ ਕੇ ਘਰ ਨੂੰ ਅਲਵਿਦਾ ਕਹਿਣ ਵਾਲੀ ਉਹ ਸੰਗਰਾਮਣ ਪਾਰਟੀ ਲਈ ਅਣਥੱਕ ਕੰਮ ਕਰਦੀ ਤੇ ਕਿਸੇ ਵੀ ਤਰ੍ਹਾਂ ਦੇ ਸ਼ੱਕ ਤੋਂ ਬਚਾਅ ਲਈ ਪੁਲੀਸ ਰਿਕਾਰਡ ਵਿੱਚ ਉਸ ਨੇ ਆਪਣਾ ਨਾਂ ਜੀਵਨ ਸਿੰਘ ਦੀ ਪਤਨੀ ਵਜੋਂ ਦਰਜ ਕਰਵਾਇਆ। ਗ਼ਦਰੀਆਂ ਦੇ ਸੁਨੇਹੇ ਇਧਰ-ਉਧਰ ਪਹੁੰਚਾਉਣ ਤੇ ਪੁਲੀਸ ਤੋਂ ਬਚ ਕੇ ਨਿਕਲ ਜਾਣ ਲਈ ਉਹ ਭੇਸ ਬਦਲਣ ਵਿਚ ਮਾਹਿਰ ਸੀ। ਹੁਸ਼ਿਆਰਪੁਰ, ਜਲੰਧਰ ਤੇ ਕਪੂਰਥਲਾ ਗ਼ਦਰੀ ਗੁਲਾਬ ਕੌਰ ਦਾ ਮੁੱਖ ਕਾਰਜ ਖੇਤਰ ਸੀ। ਜਿੱਥੇ ਉਹ ਗੁਪਤ ਮੀਟਿੰਗਾਂ ਵਿਚ ਸ਼ਾਮਲ ਹੁੰਦੀ ਤੇ ਗ਼ਦਰ ਪਾਰਟੀ ਦਾ ਪ੍ਰਚਾਰ ਕਰਨ ਲਈ ਗ਼ਦਰ ਸਾਹਿਤ ਵੀ ਵੰਡਦੀ। ਉਸ ਦੁਆਰਾ ਗ਼ਦਰੀਆਂ ਨੂੰ ਪੁਲੀਸ ਤੋਂ ਬਚਾਉਣ ਦੇ ਅਨੇਕਾਂ ਕਿੱਸੇ ਸੁਣਨ ਨੂੰ ਮਿਲਦੇ ਹਨ। ਗ਼ਦਰੀ ਗੁਲਾਬ ਕੌਰ ਅੰਮ੍ਰਿਤਸਰ ਤੇ ਲਾਹੌਰ ਵਿਚ ਗ਼ਦਰ ਪਾਰਟੀ ਦੇ ਮੁੱਖ ਦਫ਼ਤਰ ਦਾ ਕੰਮਕਾਰ ਕਰਦੀ ਰਹੀ। ਗ਼ਦਰ ਦੇ ਫੇਲ੍ਹ ਹੋ ਜਾਣ ’ਤੇ ਗੁਲਾਬ ਕੌਰ ਪਿੰਡ ਕੋਟਲਾ ਨੌਧ ਸਿੰਘ ਆ ਕੇ ਰਹਿਣ ਲੱਗੀ ਤੇ ਹੁਸ਼ਿਆਰਪੁਰ ਦੇ ਪਿੰਡਾਂ ਵਿਚ ਗ਼ਦਰ ਪਾਰਟੀ ਦਾ ਪ੍ਰਚਾਰ ਕਰਨ ਲੱਗੀ ਜਿੱਥੇ ਹਰਿਆਣਾ ਦੀ ਪੁਲੀਸ ਨੇ ਉਸ ਨੂੰ ਗ੍ਰਿਫਤਾਰ ਕਰਕੇ ‘‘ਹਿੰਦ ਸੁਰੱਖਿਆ ਕਾਨੂੰਨ’’ ਤਹਿਤ ਬਿਨਾਂ ਮੁਕੱਦਮਾ ਚਲਾਏ ਜੇਲ੍ਹ ਬੰਦ ਕਰ ਦਿੱਤਾ। 27 ਸਤੰਬਰ 1916 ਨੂੰ ਉਸ ਨੂੰ ਰਿਹਾਅ ਕਰ ਦਿੱਤਾ ਗਿਆ ਤੇ 1931 ਤੱਕ ਪੁਲੀਸ ਦੀ ਨਿਗਰਾਨੀ ਹੇਠ ਉਸ ਨੂੰ ਜੂਹਬੰਦ ਕਰ ਦਿੱਤਾ ਗਿਆ।
ਇੱਥੇ ਨਜ਼ਰਬੰਦੀ ਹੇਠ ਰਹਿੰਦਿਆਂ ਉਹ ਮਹਾਨ ਸੰਗਰਾਮਣ 1941 ਵਿਚ ਇਸ ਦੁਨੀਆਂ ਤੋਂ ਵਿਦਾ ਹੋ ਗਈ। ਅੱਜ ਮੁਲਕ ਦੀਆਂ ਔਰਤਾਂ ਜਦੋਂ ਅਨੇਕਾਂ ਬੰਦਸ਼ਾਂ, ਲੁੱਟ, ਜਬਰ ਤੇ ਅਨਿਆ ਦਾ ਸਾਹਮਣਾ ਕਰ ਰਹੀਆਂ ਹਨ ਤਾਂ ਦਾਬੇ ਤੇ ਗੁਲਾਮੀ ਹੇਠੋਂ ਉੱਠ ਖੜ੍ਹੇ ਹੋਣ ਲਈ ਉਸ ਮਹਾਨ ਸੰਗਰਾਮਣ ਦੀ ਦ੍ਰਿੜਤਾ ਤੇ ਕੁਰਬਾਨੀ ਦੀ ’ਸਪਿਰਟ ਨੂੰ ਮੁੜ ਤਾਜ਼ਾ’ ਕਰਨ ਲਈ ਔਰਤਾਂ ਨੂੰ ਲਾਜ਼ਮੀ ਹੀ ਅੱਗੇ ਆਉਣਾ ਚਾਹੀਦਾ ਹੈ।

-ਬਰਿੰਦਰ ਕੌਰ-

ਮਲੂਕਾ ਦੀ ਨੂੰਹ ਆਈ ਏ ਐਸ ਬਣੂ

www.sabblok.blogspot.com

---

ਚੰਡੀਗੜ੍ਹ, 30 ਮਈ-ਸਰਵ ਸਿੱਖਿਆ ਅਭਿਆਨ (ਐਸਐਸਏ) ਦੀ ਐਡੀਸ਼ਨਲ ਪ੍ਰਾਜੈਕਟ ਡਾਇਰੈਕਟਰ ਪਰਮਪਾਲ ਕੌਰ, ਜੋ ਕਿ ਪੰਜਾਬ ਦੇ ਸਿੱਖਿਆ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਦੀ ਨੂੰਹ ਹੈ, ਭਾਰਤੀ ਪ੍ਰਸ਼ਾਸਕੀ ਸੇਵਾ (ਆਈਏਐਸ) ਵਿਚ ਨਾਮਜ਼ਦਗੀ ਦੀ ਦਾਅਵੇਦਾਰ ਹੈ। ਗ਼ੈਰ-ਪੀਸੀਐਸ ਅਫਸਰਾਂ ਵਿਚੋਂ ਆਈਏਐਸ ਵਿਚ ਨਿਯੁਕਤੀ ਲਈ ਇਕੋ ਇਕ ਅਸਾਮੀ ਵਾਸਤੇ ਪੰਜਾਬ ਦੇ ਪੇਂਡੂ ਵਿਕਾਸ ਵਿਭਾਗ ਨੇ ਪਰਮਪਾਲ ਕੌਰ ਦਾ ਨਾਮ ਭੇਜਿਆ ਹੋਇਆ ਹੈ। ਇਸ ਅਸਾਮੀ ਲਈ ਅਰਜ਼ੀਆਂ ਭੇਜਣ ਦੀ ਆਖਰੀ ਤਰੀਕ 31 ਮਈ ਹੈ ਜਦੋਂਕਿ ਪਰਮਪਾਲ ਦਾ ਕੇਸ ਪੇਂਡੂ ਵਿਕਾਸ ਵਿਭਾਗ ਦੋ ਮਹੀਨੇ ਪਹਿਲਾਂ ਹੀ ਭੇਜ ਚੁੱਕਾ ਹੈ। ਜ਼ਿਕਰਯੋਗ ਹੈ ਕਿ ਇਹ ਵਿਭਾਗ ਪਰਮਪਾਲ ਕੌਰ ਦਾ ਪਿਤਰੀ ਵਿਭਾਗ ਹੈ। ਇਥੋਂ ਸਰਵ ਸਿੱਖਿਆ ਅਭਿਆਨ ਦੇ ਡੀਜੀਐਸਈ ਦੇ ਦਫਤਰ ਵਿਚ ਡੈਪੂਟੇਸ਼ਨ ’ਤੇ ਉਨ੍ਹਾਂ ਦੀ ਨਿਯੁਕਤੀ ਪਹਿਲਾਂ ਹੀ ਵਿਵਾਦਾਂ ਦੇ ਘੇਰੇ ਵਿਚ ਹੈ। ਸਰਕਾਰੀ ਸੂਤਰਾਂ ਨੇ ਦੱਸਿਆ ਕਿ ਆਈਏਐਸ ਵਿਚ ਨਾਮਜ਼ਦਗੀ ਵਾਸਤੇ ਅਰਜ਼ੀਆਂ ਰਾਜ ਸਰਕਾਰ ਨੂੰ ਭੇਜੀਆਂ ਜਾਂਦੀਆਂ ਹਨ। ਰਾਜ ਸਰਕਾਰ ਅੱਗੋਂ ਇਕ ਪੈਨਲ ਬਣਾ ਕੇ ਕੇਂਦਰ ਸਰਕਾਰ ਕੋਲ ਭੇਜਦੀ ਹੈ। ਕੇਂਦਰ ਇਸ ਪੈਨਲ ਵਿਚੋਂ ਯੋਗ ਉਮੀਦਵਾਰ ਦੀ ਚੋਣ ਕਰਦੀ ਹੈ। ਸ੍ਰੀਮਤੀ ਪਰਮਪਾਲ ਕੌਰ ਤੋਂ ਇਲਾਵਾ ਪੰਜਾਬ ਵਿਧਾਨ ਸਭਾ ਦੇ ਸਾਬਕਾ ਸਪੀਕਰ ਦੇ ਪੁੱਤਰ ਡਾ. ਸ਼ਿਵ ਕਰਨ ਸਿੰਘ ਕਾਹਲੋਂ, ਜੋ ਕਿ ਅੰਮ੍ਰਿਤਸਰ ਵਿਚ ਸੀਨੀਅਰ ਮੈਡੀਕਲ ਅਫਸਰ ਹਨ, ਵੀ ਆਈਏਐਸ ਵਿਚ ਨਾਮਜ਼ਦਗੀ ਦੇ ਦਾਅਵੇਦਾਰ ਹਨ। ਇਸੇ ਦੌਰਾਨ ਇਹ ਤੱਥ ਸਾਹਮਣੇ ਆਇਆ ਹੈ ਕਿ ਪਰਮਪਾਲ ਕੌਰ ਨੂੰ ਪੇਂਡੂ ਵਿਕਾਸ ਵਿਭਾਗ ਵਿਚ ਪਰਤਾਏ ਜਾਣ ਸਬੰਧੀ ਅਜੇ ਕੋਈ ਹੁਕਮ ਜਾਰੀ ਨਹੀਂ ਹੋਏ। ਮੁੱਖ ਮੰਤਰੀ ਉਨ੍ਹਾਂ ਦਾ ਡੈਪੂਟੇਸ਼ਨ ਖੁਦ ਰੱਦ ਕਰ ਸਕਦੇ ਸਨ, ਪਰ ਉਨ੍ਹਾਂ ਨੇ ਮਲੂਕਾ ਨੂੰ ਮੌਕਾ ਦਿੱਤਾ ਹੈ ਕਿ ਪਰਮਪਾਲ ਖੁਦ ਹੀ ਵਾਪਸੀ ਲਈ ਅਰਜ਼ੀ ਦੇ ਦੇਵੇ।

ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜੱਥੇਦਾਰ ਵਲੋਂ ਫੋਟੋਗ੍ਰਾਫਰਾਂ ਨੂੰ ਸਖ਼ਤ ਹਦਾਇਤਾਂ

www.sabblok.blogspot.com

ਅੰਮ੍ਰਿਤਸਰ, 30 ਮਈ (ਸਤਵਿੰਦਰ ਜੱਜ): ਸ਼੍ਰੀ ਅਕਾਲ ਤਖਤ ਸਾਹਿਬ ਦੇ ਜੱਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ ਬੁ¤ਧਵਾਰ ਨੂੰ ਸ਼੍ਰੀ ਅਕਾਲ ਤਖਤ ਸਾਹਿਬ ਦੇ ਸਕੱਤਰੇਤ ‘ਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਸਮੂਹ ਫੋਟੋਗ੍ਰਾਫਰਾਂ ਨੂੰ ਸਖਤ ਆਦੇਸ਼ ਦਿ¤ਤੇ ਹਨ। ਉੁਨ੍ਹਾਂ ਫੋਟੋਗ੍ਰਾਫਰਾਂ ਨੂੰ ਹਦਾਇਤਾਂ ਜਾਰੀ ਕਰਦਿਆਂ ਕਿਹਾ ਕਿ ਫੋਟੋਗ੍ਰਾਫਰ ਆਨੰਦ ਕਾਰਜ ਦੀ ਜਿਹੜੀ ਐਲਬਮ ਬਣਾਉਂਦੇ ਹਨ, ਉਸ ‘ਚ ਦਸ ਗੁਰੂਆਂ ਦੀਆਂ ਤਸਵੀਰਾਂ, ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਤਸਵੀਰ ਅਤੇ ਗੁਰਬਾਣੀ ਦੀਆਂ ਤੁਕਾਂ ਛਾਪਣ ਤੋਂ ਉਹ ਗੁਰੇਜ਼ ਕਰਨ। ਗਿਆਨੀ ਗੁਰਬਚਨ ਸਿੰਘ ਨੇ ਇਹ ਵੀ ਕਿਹਾ ਕਿ ਜੇਕਰ ਭਵਿ¤ਖ ‘ਚ ਕਿਸੇ ਵੀ ਫੋਟੋਗ੍ਰਾਫਰ ਵੱਲੋਂ ਕੋਈ ਅਜਿਹੀ ਕਾਰਵਾਈ ਕੀਤੀ ਜਾਂਦੀ ਹੈ ਤਾਂ ਉਸ ਦੇ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਅਜਿਹੇ ਫੋਟੋਗ੍ਰਾਫਰਾਂ ਖਿਲਾਫ ਧਾਰਮਿਕ ਭਾਵਨਾਵਾਂ ਨੂੰ ਭੜਕਾਉਣ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।

ਇਲੈਕਰੋਨਿਕ ਮੀਡੀਆ ਝੂਠ ਤੂਫਾਨ ਆਮ ਦਰਸ਼ਕ ਭੰਬਲਭੂਸੇ ਚ , ਡਾ ਅਮਰੀਕ ਸਿੰਘ ਕੰਡਾ

www.sabblok.blogspot.com

ਮੋਗਾ(ਡਾ ਅਮਰੀਕ ਸਿੰਘ ਕੰਡਾ)ਗੁਸਤਾਖੀ ਮੁਆਫ ਇਕ ਕਹਾਵਤ ਹੈ ਰਾਈ ਦਾ ਪਹਾੜ ਜਾਂ ਪਹਾੜ ਦੀ ਰਾਈ ਇਹ ਹਿੰਦੋਸਤਾਨ ਦੇ ਇਲੈਕਟਰੋਨਿਕ ਮੀਡੀਏ ਤੇ ਢੁੱਕਦੀ ਹੈ ਉਹਨਾਂ ਨੂੰ ਹਰ ਰੋਜ਼ ਜਿਵੇਂ ਸ਼ੇਰ ਨੂੰ ਸ਼ਿਕਾਰ ਚਾਹੀਦਾ ਹੁੰਦਾ ਹੈ ਬਸ ਇਹਨਾਂ ਨੂੰ ਵੀ ਹਰ ਰੋਜ਼ ਸ਼ਿਕਾਰ ਹੀ ਚਾਹੀਦਾ ਹੈ ਫਿਰ ਚਾਹੇ ਉਹ ਨਕਲੀ ਸੇਹਾ ਹੋਵੇ ਇਹਨਾਂ ਨੂੰ ਹਲਾਲ ਜਾਂ ਝਟਕੇ ਨਾਲ ਕੋਈ ਮਤਲਬ ਨਹੀਂ ਇਹ ਤਾਂ ਬਸ ਲੋਕਾਂ ਨੂੰ ਭੰਬਲਭੂਸੇ ਚ ਪਾਉਣ ਲਈ ਕੋਈ ਨਾ ਕੋਈ ਕਹਾਣੀ ਘੜ ਦਿੰਦੇ ਨੇ ਏਨੀਆਂ ਕਹਾਣੀਆਂ ਤਾਂ ਸ਼ਾਇਦ ਕੋਈ ਕਹਾਣੀ ਕਾਰ ਵੀ ਨਾ ਲਿਖ ਸਕੇ । ਦੇਖੀਏ ਕੈਸੇ ਹੋਤੀ ਹੈ ਵੋ ਔਰਤ ਆਪਕੇ ਸਾਮਨੇ ਰਾਖ ਕੀ ਢੇਰੀ,ਅਗਲਾ ਵੇਖਦਾ ਹੀ ਰਹਿੰਦਾ ਹੈ ਹੁੰਦਾ ਕੁੱਛ ਨਹੀਂ..? ਦੇਖੀਏ ਕੈਸੇ ਪਹੁੰਚੇ ਪਾਂਡਵ ਸਵਰਗ..? ਲੋਕ ਤਿੰਨ ਚਾਰ ਦਿਨ ਵੇਖਦੇ ਰਹੇ ਪਰ ਐਂਵੇਂ ਪਹਾੜ ਜਿਹੇ ਵਿਖਾ ਤੇ ਬਰਫ ਵਿਖਾ ਦਿੱਤੀ ਤੇ ਇਕ ਦਿਨ ਤਾਂ ਇਹਨਾਂ ਨੇ ਕਮਾਲ ਹੀ ਕਰ ਦਿੱਤੀ ਇਕ ਪਹਾੜ ਤੇ ਬਰਫ ਢਾਈ ਤਿੰਨ ਫੁੱਟ ਦਾ ਨਿਸ਼ਾਨ ਸੀ ਜਿਵੇਂ ਕਿਸੇ ਦਾ ਪ੍ਹੈਰ ਹੁੰਦਾ ਰੱਬ ਜਾਨੈ ਇਹਨਾਂ ਨੇ ਆਪ ਹੀ ਬਣਾਇਆ ਹੋਣਾ ਤੇ ਏਹਨਾਂ ਨੇ ਪ੍ਰੋਗਰਾਮ ਸ਼ੁਰੂ ਕਰ ਦਿੱਤਾ ਦੇਖੀਏ ਅਭੀ ਭੀ ਹੈ ਆਦੀ ਮਾਨਵ ਯੇ ਦੇਖੀਏ ਦੋ ਡਾਕਟਰ ਬੁਲਾ ਲਏ ਤਿੰਨ ਘੰਟੇ ਬਾਅਦ ਹੋਇਆ ਕੁੱਝ ਨਹੀਂ ਇਹੋ ਜਿਹੀਆਂ ਹਜ਼ਾਰਾਂ ਉਦਾਹਰਨਾਂ ਨੇ। ਸੈਂਟਰ ਸਰਕਾਰਾਂ ਨੂੰ ਚਾਹੀਦਾ ਹੈ ਕਿ ਇਹਨਾਂ ਤੇ ਨਕੇਲ ਕਸੀ ਜਾਵੇ ਤਾਂ ਆਮ ਬੰਦਾ ਭੰਬਲਭੂਸੇ ਚ ਨਾ ਪਵੇ ਸਗੋਂ ਕੋਈ ਨਾ ਕੋਈ ਡਿਵਲਮੈਂਟ ਦੀਆਂ ਖਬਰਾਂ ਹੀ ਹੋਣ ਸਾਰੀਆਂ ਖਬਰਾਂ ਸ਼ੈਂਸ਼ਰ ਹੋਣੀਆਂ ਚਾਹੀਦੀਆਂ ਨੇ ।

ਮਾਸਟਰ ਨੇ ਵਿਦਿਆਰਥੀਆਂ ਨੂੰ ਮੁਰਗਾ ਬਣਾ ਲਗਾਇਆ ਤੜਕਾ

www.sabblok.blogspot.com

ਚਪੜਾਸੀ ਦੇ ਸਾਇਕਲ ਦੀ ਹਵਾ ਕੱਡਣ ਦੇ ਸਬੰਧ 'ਚ ਮਾਸਟਰ ਨੇ ਅੰਨੇਵਾਹ ਕੁੱਟੇ ਜਵਾਕ ਬਆਦ ਵਿੱਚ ਮੰਗੀ ਮਾਅਫੀ

ਭਦੌੜ/ਸ਼ਹਿਣਾ, 30 ਮਈ, (ਸਾਹਿਬ ਸੰਧੂ) - ਸਥਾਨਿਕ ਸ਼ਹਿਣਾ ਦੇ ਸਰਕਾਰੀ ਸੀਨੀਅਰ ਸੈਕਡੰਰੀ ਸਕੂਲ ਵਿਖੇ ਇੱਕ ਆਧਿਆਪਕ ਵੱਲੋਂ ਕੁੱਝ ਵਿਦਿਆਰਥੀਆਂ ਨੂੰ ਬੇਤਾਸ਼ਾ ਕੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸ਼ਹਿਣਾ ਦੇ ਸਰਕਾਰੀ ਸੀਨੀਅਰ ਸੈਕਡੰਰੀ ਸਕੂਲ ਵਿਖੇ ਇੱਕ ਅਧਿਆਪਕ ਕੁੱਝ ਦਿਨ ਪਹਿਲਾਂ ਹੀ ਨਵਾਂ ਆਇਆ ਸੀ ਤੇ ਬੀਤੀ ਕੱਲ੍ਹ ਕੁੱਝ ਵਿਦਿਆਰਥੀਆਂ ਨੇ ਸਕੂਲ ਦੇ ਪੀਅਨ ਦੇ ਸਾਇਕਲ ਦੀ ਹਵਾ ਕੱਡ ਦਿੱਤੀ ਤੇ ਮਾਸਟਰ ਨੇ ਇਸ ਮਾਮਲੇ ਵਿੱਚ ਸ਼ੱਕ ਦੇ ਅਧਾਰ ਤੇ ਨੌਂਵੀ ਕਲਾਸ ਦੇ ਲੜਕੇ ਵਿਦਿਆਰਥੀਆਂ ਨੂੰ ਮੁਰਗਾ ਬਣਾ ਚੰਗਾ ਕੁੱਟਾਪਾ ਚਾੜ੍ਹਿਆ। ਇਸ ਕੁੱਟਮਾਰ ਵਿੱਚ ਸੁਨੀਲ ਕੁਮਾਰ ਪੁੱਤਰ ਪਵਨ ਕੁਮਾਰ ਦੇ ਸਰੀਰ ਤੇ ਨੀਲ ਪੈ ਗਏ ਤੇ ਉਸ ਨੇ ਆਪਣੇ ਘਰ ਸਿਕਾਇਤ ਕੀਤੀ ਤਾਂ ਪਿੰਡ ਦੇ ਮੋਹਤਬਾਰ ਵਿਅਕਤੀ ਤੇ ਮਾਪੇ ਅਗਲੇ ਦਿਨ ਸਕੂਲ ਪੁੱਜ਼ ਗਏ ਮਾਮਲੇ ਨੇ ਤੂਲ ਫੜ੍ਹ ਲਿਆ ਤੇ ਜਿਆਦਾ ਗੱਲ ਖਿਲਰਦੀ ਦੇਖ ਉਕਤ ਅਧਿਆਪਕ ਨੇ ਮਾਅਫੀ ਮੰਗ ਲਈ ਤੇ ਇਸ ਤਰ੍ਹਾਂ ਮਾਮਲਾ ਸਾਂਤ ਹੋਇਆ। ਜ਼ਿਕਰਯੋਗ ਹੈ ਕਿ ਇਸ ਤਰ੍ਹਾਂ ਦੇ ਘਟੀਆਂ ਕੰਮਾਂ ਪ੍ਰਤੀ ਮਾਸਟਰ ਕਿਸ ਤਰ੍ਹਾਂ ਵਿਦਿਆਰਥੀਆਂ ਨੂੰ ਪਲਾਂ ਵਿੱਚ ਡੰਗਰਾਂ ਵਾਂਗ ਕੁਟਾਪਾ ਚਾੜ੍ਹ ਦਿੰਦੇ ਹਨ ਅਜਿਹੇ ਬੁੱਚੜ ਅਧਿਆਪਕਾਂ ਪ੍ਰਤੀ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ।

 

ਫਿਰ ਫਿਸਲੀ ਮਜੀਠੀਆ ਦੀ ਜ਼ੁਬਾਨ

www.sabblok.blogspot.com

ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਆਪਣੇ ਜਿਸ ਮੰਤਰੀ ਦੀ ਡਿਊਟੀ ਲੋਕਾਂ ਅਤੇ ਮੀਡੀਆ ਨਾਲ ਸੰਬੰਧ ਬਣਾਉਣ ਲਈ ਲਾਈ ਹੈ ਉਹ ਮੰਤਰੀ ਮੀਡੀਆ ਨਾਲ ਕਿਸ ਤਰ੍ਹਾਂ ਦਾ ਵਤੀਰਾ ਕਰਦਾ ਹੈ ਇਸ ਦਾ ਇਕ ਨਜ਼ਾਰਾ ਅੰਮ੍ਰਿਤਸਰ 'ਚ ਦੇਖਣ ਨੂੰ ਮਿਲਿਆ ਜਿੱਥੇ ਪੰਜਾਬ ਦੇ ਲੋਕ ਸੰਪਰਕ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਪੱਤਰਕਾਰ ਦੇ ਸਵਾਲ ਦਾ ਜਵਾਬ ਦੇਣ ਦੀ ਬਜਾਏ ਉਸ ਦੇ ਚੈਨਲ ਨੂੰ ਹੀ ਅੱਗ ਲਾਉਣ ਦੀ ਗੱਲ ਕਰਨ ਲੱਗੇ। ਆਓ ਤੁਹਾਨੂੰ ਵੀ ਸੁਣਾਈਏ ਮਜੀਠੀਆ ਸਾਬ ਦੀ ਬੋਲ ਬਾਣੀ।
ਦਰਅਸਲ ਜ਼ੀ ਟੀ. ਵੀ. ਦਾ ਇਹ ਬਜ਼ੁਰਗ ਪੱਤਰਕਾਰ ਮਜੀਠੀਆ ਪਾਸੋਂ ਪੰਚਾਇਤ ਚੋਣਾਂ ਵਾਲੇ ਦਿਨ ਬਠਿੰਡਾ ਵਿਖੇ ਹੋਈ ਹਿੰਸਾ 'ਤੇ ਸਵਾਲ ਪੁੱਛ ਰਿਹਾ ਸੀ। ਇਸ ਪੱਤਰਕਾਰ ਨੇ ਕਾਂਗਰਸ ਆਗੂ ਮਹੇਸ਼ਇੰਦਰ ਬਾਦਲ ਦੇ ਬਿਆਨ ਦਾ ਹਵਾਲਾ ਦੇ ਕੇ ਪੁੱਛਿਆ ਕਿ ਲੰਬੀ ਵਿਖੇ ਕਾਰਾਂ ਨੂੰ ਅੱਗ ਲਾਉਣ ਵਾਲੇ ਬਾਹਰ ਵਾਲੇ ਵਿਅਕਤੀ ਸਨ ਅਤੇ ਸਰਕਾਰ ਉਨ੍ਹਾਂ ਖਿਲਾਫ ਕੋਈ ਕਾਰਵਾਈ ਨਹੀਂ ਕਰ ਰਹੀ ਤਾਂ ਮਜੀਠੀਆ ਦਾ ਜਵਾਬ ਕੁਝ ਇਸ ਤਰ੍ਹਾਂ ਦਾ ਸੀ।
ਇਸ ਸਾਲ ਦੇ ਸ਼ੁਰੂਆਤ ਵਿਚ ਹੀ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਜਲੰਧਰ ਵਿਖੇ ਐਨ. ਆਰ. ਆਈ. ਸੰਮੇਲਨ ਦੌਰਾਨ ਮਜੀਠੀਆ ਨੂੰ ਖਰੀਆਂ ਖਰੀਆਂ ਸੁਣਾਉਂਦੇ ਹੋਏ ਲੋਕਾਂ ਦੀ ਸੇਵਾ ਕਰਨ ਦੀ ਤਾਕੀਦ ਕੀਤੀ ਸੀ। ਤੁਸੀਂ ਵੀ ਦੇਖੋ ਬਾਦਲ ਦਾ ਉਹ ਬਿਆਨ ਜਿਸ ਵਿਚ ਉਹ ਮਜੀਠੀਆ ਨੂੰ ਲੋਕਾਂ ਦੀ ਸੇਵਾ ਕਰਨ ਦੀ ਸਲਾਹ ਦੇ ਰਹੇ ਹਨ।

ਸ਼ਰਾਬੀ ਭਾਰਤੀ ਨੇ ਕੀਤਾ ਆਰੇਸੋ ਸ਼ਹਿਰ ਵਿਚ ਹੰਗਾਮਾ

www.sabblok.blogspot.com

ਆਰੇਸੋ (ਇਟਲੀ) 30 ਮਈ (ਬਿਊਰੋ) - ਭਾਰਤੀ ਨੌਜਵਾਨ ਵੈਸੇ ਤਾਂ ਆਪਣੇ ਕਾਰਨਾਮਿਆਂ ਕਾਰਨ ਅਕਸਰ ਸਾਰੀ ਦੁਨੀਆ ਵਿਚ ਹੀ ਚਰਚਾ ਦਾ ਵਿਸ਼ਾ ਬਣੇ ਰਹਿੰਦੇ ਹਨ, ਪਰ ਇਟਲੀ 'ਤੇ ਅਜਿਹੇ ਨੌਜਵਾਨ ਕੁਝ ਜਿਆਦਾ ਹੀ ਮਿਹਰਬਾਨ ਹਨ। ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਕੱਲ ਆਰੇਸੋ ਦੇ ਭੀੜਭਾੜ ਅਤੇ ਆਵਾਜਾਈ ਲਈ ਮਸ਼ਹੂਰ ਇਲਾਕੇ ਜਿਸ ਨੂੰ ਇਟਾਲੀਅਨ ਵਿਚ ਚੈਂਤਰਾਲੀਸੀਮੋ ਕੋਰਸੋ ਵੀ ਕਹਿੰਦੇ ਹਾਂ ਵਿਚ ਇਕ 30 ਸਾਲਾ ਐਸ ਸਿੰਘ ਪੰਜਾਬੀ ਭਾਰਤੀ ਦਾਰੂ ਨਾਲ ਰੱਜ ਕੇ ਬੱਕਰੇ ਬੁਲਾਉਂਦਾ ਇਥੋਂ ਦੀ ਇਕ ਬਾਰ ਵਿਚ ਜਬਰੀ ਦਾਖਲ ਹੋ ਕੇ ਗਾਹ ਪਾਉਣ ਲੱਗਾ। ਇਸ ਦੀ ਬਦਤਮੀਜੀ ਅਤੇ ਖੋਰੂ ਪੁਣੇ ਤੋਂ ਬਾਰ ਦੇ ਕਰਿੰਦੇ ਅਤੇ ਗ੍ਰਾਹਕ ਭਾਰੀ ਪ੍ਰੇਸ਼ਾਨੀ ਮਹਿਸੂਸ ਕਰਨ ਲੱਗੇ। ਕੁਦਰਤੀ ਇਸ ਮੌਕੇ ਨੇੜਿਉਂ ਦੀ ਪੇਟਰੋਲਿੰਗ ਕਰਦੀ ਮਿਊਂਸਪਲ ਕਮੇਟੀ ਦੀ ਟ੍ਰੈਫਿਕ ਅਤੇ ਸੁਰੱਖਿਆ ਪੁਲਿਸ ਨੇ ਰੋਲੇ ਨੂੰ ਭਾਂਪਦਿਆਂ ਜਦੋਂ ਬਾਰ ਅੰਦਰ ਦਾ ਮਾਹੌਲ ਵੇਖਿਆ ਤਾਂ ਉਹ ਦੰਗ ਰਹਿ ਗਏ, ਕਿਉਂਕਿ ਇਕ ਚੰਗਾ ਭਲਾ ਭਾਰਤੀ ਨੌਜਵਾਨ ਦਾਰੂ ਪੀ ਕੇ ਦੂਸਰਿਆਂ ਨੂੰ ਪ੍ਰੇਸ਼ਾਨ ਕਰਨ ਤੋਂ ਇਲਾਵਾ ਪੰਜਾਬੀ ਵਿਚ ਕੁਝ ਬੋਲ ਰਿਹਾ ਸੀ, ਜਿਸ ਦੀ ਸਮਝ ਉੱਥੇ ਖੜੇ ਲੋਕਾਂ ਨੂੰ ਨਹੀਂ ਸੀ ਆ ਰਹੀ। ਇਲਾਕੇ ਵਿਚ ਰਹਿੰਦੇ ਭਾਰਤੀਆਂ ਦਾ ਰੱਝ ਕੇ ਮਜਾਕ ਬਨਵਾਉਣ ਵਾਲੇ ਇਸ ਨੌਜਵਾਨ ਦੀ ਜਾਂਚ ਪੜਤਾਲ ਕਰਨ ਤੋਂ ਪੁਲਿਸ ਨੂੰ ਆਪਣੇ ਰਿਕਾਰਡ ਅਤੇ ਸੂਤਰਾਂ ਤੋਂ ਜਾਣਕਾਰੀ ਪ੍ਰਾਪਤ ਹੋਈ ਕਿ ਇਹ ਭਾਰਤੀ ਆਰੇਸੋ ਇਲਾਕੇ ਵਿਚ ਹੀ ਵਿਚਰਣ ਵਾਲਾ ਹੈ, ਪਰ ਇਸ ਕੋਲ ਸਿਰ ਢੱਕਣ ਲਈ ਕੋਈ ਪੱਕਾ ਟਿਕਾਣਾ ਨਹੀਂ, ਮਤਲਬ ਕਿ ਉਹ ਬੇਘਰ ਹੈ ਅਤੇ ਸੜਕਾਂ 'ਤੇ ਸੌਂ ਕੇ ਰਾਤ ਗੁਜਾਰਦਾ ਹੈ। ਇਸ ਤੋਂ ਇਲਾਵਾ ਇਹ ਵੀ ਖੁਲਾਸਾ ਹੋਇਆ ਕਿ ਭਾਰਤੀ ਕੋਲ ਇਟਲੀ ਦੇ ਪੱਕੇ ਪੇਪਰ ਵੀ ਨਹੀਂ ਹਨ। ਪੁਲਿਸ ਨੇ ਫਿਲਹਾਲ ਭਾਰਤੀ ਨੂੰ ਆਮ ਨਾਗਰਿਕਾਂ ਨਾਲ ਬਦਤਮੀਜੀ ਅਤੇ ਸ਼ੋਰਗੁੱਲ ਕਰਨ ਦੇ ਦੋਸ਼ਾਂ ਤਹਿਤ ਗ੍ਰੀਫਤਾਰ ਕਰ ਲਿਆ ਹੈ ਅਤੇ ਅਗਲੀ ਕਾਰਵਾਈ ਲਈ ਜਲਦ ਕੋਰਟ ਵੀ ਹਾਜਰ ਹੋਣ ਦੇ ਸੰਮਣ ਜਾਰੀ ਕੀਤੇ ਜਾਣਗੇ। ਇਸ ਘਟਨਾ ਨੇ ਇਲਾਕਾ ਨਿਵਾਸੀਆਂ 'ਤੇ ਬੇਘਰ ਹੋਏ ਭਾਰਤੀ ਨੂੰ ਸਹਾਰਾ ਨਾ ਦੇਣ ਅਤੇ ਗੈਰ ਜਿੰਮੇਦਾਰਾਨਾ ਕਰਵਾਈ ਲਈ ਸਵਾਲੀਆ ਨਿਸ਼ਾਨ ਜਰੂਰ ਖੜਾ ਕੀਤਾ ਹੈ।

ਹਾਲੈਂਡ ਦੇ ਸ਼ਹਿਰ ਐਮਸਟਰਡਮ ਵਿਖੇ ਪੰਜਾਬ ਓਵਰਸੀਜ਼ ਸਪੋਰਟਸ ਕਲੱਬ ਐਮਸਟਰਡਮ ਵੱਲੋਂ 9ਵਾਂ ਪੰਜਾਬੀ ਮੇਲਾ 2 ਜੂਨ ਨੂੰ ਫੁੱਟਬਾਲ ਦੇ ਮੁਕਾਬਲੇ ਅਤੇ ਓਪਨ ਕਬੱਡੀ ਦਾ ਸ਼ੋਅ ਮੈਚ ਕਰਵਾਏ ਜਾਣਗੇ

www.sabblok.blogspot.com

31 ਮਈ (ਮਨਮੋਹਣ ਸਿੰਘ ਜਰਮਨੀ)-ਹਾਲੈਂਡ ਦੇ ਸ਼ਹਿਰ ਐਮਸਟਰਡਮ ਵਿਖੇ ਪੰਜਾਬ ਓਵਰਸੀਜ਼ ਸਪੋਰਟਸ ਕਲੱਬ,ਐਮਸਟਰਡਮ ਵੱਲੋਂ 9ਵਾਂ ਪੰਜਾਬੀ ਮੇਲਾ ਅਤੇ ਖੇਡ ਟੂਰਨਾਮੈਂਟ 2 ਜੂਨ ਦਿਨ ਐਤਵਾਰ ਨੂੰ SPORTPARK  NIEUW SLOTEN, ZRC/ HERENMARKT SLOTERWEG 1045,1066 CD AMSTERDAM HOLLAND ਵਿਖੇ ਕਰਵਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਕਲੱਬ ਦੇ ਪ੍ਰਬੰਧਕਾਂ ਸੁਰਿੰਦਰ ਸਿੰਘ ਰਾਣਾ ,ਬਲਜੀਤ ਸਿੰਘ ਜੱਸਰ, ਕਰਤਾਰ ਸਿੰਘ ਧਾਲੀਵਾਲ, ਪਿ੍ਥਪਾਲ ਸਿੰਘ ਬੁੱਟਰ ਅਤੇ ਪਾਜੀਨ ਉਰੀਅਨ ਨੇ ਦੱਸਿਆ ਕਿ ਸਵੇਰੇ 9 ਵਜੇ ਤੋਂ ਸ਼ਾਮ ਦੇ 7 ਵਜੇ ਤੱਕ ਕਰਵਾਏ ਜਾ ਰਹੇ ਇਸ ਮੇਲੇ ਵਿਚ ਫੁੱਟਬਾਲ ਦੇ ਮੁਕਾਬਲੇ ਕਰਵਾਏ ਜਾਣਗੇ, ਓਪਨ ਕਬੱਡੀ ਦਾ ਸ਼ੋਅ ਮੈਚ ਕਰਵਾਇਆ ਜਾਵੇਗਾ ਅਤੇ 8 ਤੋਂ 12 ਸਾਲ ਦੇ ਬੱਚਿਆਂ ਦਾ ਫੁੱਟਬਾਲ ਮੈਚ ਹੋਵੇਗਾ  ਉਪਰੰਤ ਸੱਭਿਆਚਾਰਕ ਮੇਲਾ ਕਰਵਾਇਆ ਜਾਵੇਗਾ, ਜਿਸ ਵਿਚ ਪੰਜਾਬ ਤੋਂ ਪਹੁੰਚ ਰਹੇ ਗਾਇਕ ਸੁਰਿੰਦਰ ਲਾਡੀ,ਜਰਮਨੀ ਦੇ ਪ੍ਰਸਿੱਧ ਸਿੰਗਰ ਸ਼ਾਨ ਅਕਾਸ ,ਡੀ ਜੇ ਹਾਲੈਂਡ ਬੱਲੀ ਕਲਸੀ, ਕਲਾਕਾਰ ਮਨੀ ਕੇ. ਅਤੇ ਹਰਜੀਤ ਕੌਰ ਰਾਜਪੂਤ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ ਇਸ ਮੇਲੇ ਦੀ ਕੋਈ ਫੀਸ ਨਹੀ ਹੈ (ਐਨਟਰੀ ਫਰੀ ) ਇਸ ਤੋਂ ਇਲਾਵਾ ਖਾਣਪੀਣ ਦੇ ਸ਼ਟਾਲ ਸਟਾਲ ਵੀ ਲਗਣਗੇ ਅਤੇ ਲੰਗਰ ਦਾ ਸਾਰਾ ਇੰਤਜਾਮ ਪ੍ਰਬੰਧਕ ਕਮੇਟੀ ਨੇ ਕੀਤਾ ਹੈ|ਪ੍ਰਬੰਧਕ ਕਮੇਟੀ ਨੇ ਸਮੂੱਹ ਹਾਲੈਂਡ ਅਤੇ ਯੂਰਪ ਭਰ ਦੀਆਂ ਸੰਗਤਾਂ ਨੂੰ ਬੇਨਤੀ ਕੀਤੀ ਹੈ ਕਿ ਇਸ ਮੇਲੇ ਵਿਚ ਪਰਿਵਾਰ ਸਮੇਤ ਪਹੁੰਚਕੇ ਮੇਲੇ ਦੀਆਂ ਰੌਣਕਾਂ ਵਧਾਉ ਜੀ।

ਬੱਸੀ ਜਲਾਲ ਵਿਖੇ ਛਿੰਜ ਅੱਜ

www.sabblok.blogspot.com
 ਟਾਂਡਾ ਉੜਮੁੜ -- ਹੋਸਿਆਰਪੁਰ ਦੇ ਪਿੰਡ ਬਸੀ  ਜਲਾਲ ਵਿਖੇ ਪੀਰ ਬਾਬਾ ਮਿਆਂ ਮੁਰਾਦ ਸ਼ਾਹ ਦੀ ਜਗਾਹ ਤੇ ਸਲਾਨਾ ਮੇਲੇ ਦੋਰਾਨ ਹਰ ਵਾਰ ਵਾਂਗ ਅੱਜ ਮਿਤੀ 30-05-2013 ਨੂ ਛਿੰਜ ਕਾਰਵਾਈ ਜਾ ਰਹੀ ਹੈ ਛਿੰਜ ਕਮੇਟੀ ਨੇ ਜਾਣਕਾਰੀ ਦਿੰਦੇ ਦਸਿਆ ਕਿ ਇਸ  ਵਿੱਚ ਦੂਰ ਦੂਰ ਤੋਂ ਪਹਲਵਾਨ ਹਿਸਾ ਲੈਣ ਗੇ ਜੇਤੂਆਂ ਨੂ ਵੱਖ ਵੱਖ ਇਨਾਮ ਦਿਤੇ ਜਾਣਗੇ ਮੁੱਖ ਇਨਾਮ ਰੁਮਾਲੀ ਦੀ ਕੁਸ਼ਤੀ ਨੂ ਦਿੱਤਾ ਜਾਵੇਗਾ

ਜੇਲ੍ਹਾਂ ‘ਚ ਨਸ਼ੇ ਰੋਕਣ ਲਈ ਛਾਪਾ ਮਾਰੂ ਦਸਤਾ ਬਣੇਗਾ : ਫਿਲੌਰ

www.sabblok.blogspot.com

  

ਚੰਡੀਗੜ੍ਹ.30 ਮਈ.– ਪੰਜਾਬ ਦੀਆਂ ਜੇਲਾਂ ਅੰਦਰ ਵੱਧ ਰਹੇ ਨਸ਼ੇ ਦੇ ਪ੍ਰਭਾਵ ਨੂੰ ਰੋਕਣ ਲਈ ਡੀ. ਆਈ. ਜੀ.ਪੱਧਰ ਦੇ ਇਕ ਅਧਿਕਾਰੀ ਅਧੀਨ ਸਪੈਸ਼ਲ ਛਾਪਾ ਮਾਰੂ ਦਸਤੇ ਦਾ ਗਠਨ ਕੀਤਾ ਜਾ ਰਿਹਾ ਹੈ।  ਇਹ ਛਾਪਾ ਮਾਰੂ ਦਸਤਾ ਸਮੇਂ-ਸਮੇਂ ‘ਤੇ ਜੇਲਾਂ ‘ਚ ਛਾਪੇ ਮਾਰ ਕੇ ਨਸ਼ਿਆਂ ਦੇ ਪ੍ਰਭਾਵ ਨੂੰ ਰੋਕਣ ਦਾ ਕੰਮ ਕਰੇਗਾ। ਜੇਲ੍ਹ ਮੰਤਰੀ ਸਰਵਣ ਸਿੰਘ ਫਿਲੌਰ ਨੇ ਚੰਡੀਗੜ੍ਹ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਇਸ ਗੱਲ ਦਾ ਖੁਲਾਸਾ ਕਰਦਿਆਂ ਦੱਸਿਆ ਕਿ ਸਰਕਾਰ ਨਸ਼ਿਆਂ ਦੇ ਪ੍ਰਭਾਵ ਨੂੰ ਰੋਕਣ ਲਈ ਹਰ ਜ਼ਰੂਰੀ ਕਦਮ ਚੁੱਕੇਗੀ।
ਪੰਜਾਬ ਦੀਆਂ ਜੇਲਾਂ ‘ਚ ਨਸ਼ਿਆਂਦੇ ਵੱਧਦੇ ਪ੍ਰਭਾਵ ਦੇ ਚਲਦਿਆਂ ਸਰਕਾਰ ਇਸ ਸਮੇਂ ਕਾਂਗਰਸ ਅਤੇ ਰਿਟਾਇਰ ਹੋਏ ਅਧਿਕਾਰੀਆਂ ਦੇ ਨਿਸ਼ਾਨੇ ‘ਤੇ ਹੈ। ਪੰਜਾਬ ਜੇਲ ਵਿਭਾਗ ਦੇ ਸਾਬਕਾ ਡੀ. ਜੀ. ਪੀ. ਸ਼ਸ਼ੀਕਾਂਤ ਪੂਰੇ ਸੂਬੇ ‘ਚ ਦੌਰਾ ਕਰਕੇ ਜੇਲਾਂ ‘ਚ ਚੱਲ ਰਹੇ ਨਸ਼ਿਆਂ ਲਈ ਪੁਲਸ ਦੇ ਅਧਿਕਾਰੀਆਂ ਤੋਂ ਇਲਾਵਾ ਸਿਆਸੀ ਲੋਕਾਂ ਨੂੰ ਜ਼ਿੰਮੇਵਾਰ ਠਹਿਰਾ ਚੁੱਕੇ ਹਨ। ਲਿਹਾਜ਼ਾ ਹੁਣ ਸਰਕਾਰ ਨੂੰ ਇਸ ਮਾਮਲੇ ‘ਚ ਕੋਈ ਕਾਰਵਾਈ ਕਰਨ ਦੀ ਲੋੜ ਮਹਿਸੂਸ ਹੋਈ ਹੈ।

ਕਿਤਾਬ ਖਰੀਦ ਮਾਮਲੇ ਨੂੰ ਕੇਂਦਰ ‘ਚ ਲੈ ਕੇ ਜਾਵੇਗੀ ਕਾਂਗਰਸ

www.sabblok.blogspot.com

  

ਚੰਡੀਗੜ੍ਹ.30 ਮਈ.----- – ਪੰਜਾਬ ਦੇ ਸਿੱਖਿਆ ਵਿਭਾਗ ‘ਚ ਕਿਤਾਬਾਂ ਦੀ ਖਰੀਦ ਨੂੰ ਲੈ ਕੇ ਹੋਏ ਕਥਿਤ ਘੋਟਾਲੇ‘ਚ ਪੰਜਾਬ ਕਾਂਗਰਸ ਹੁਣ ਕੇਂਦਰ ਦੇ ਮਨੁੱਖੀ ਵਸੀਲਿਆਂ ਦੇ ਮੰਤਰੀ ਪੱਲਮ ਰਾਜੂ ਨਾਲ ਸੰਪਰਕ ਕਰਨ ਜਾ ਰਹੀ ਹੈ। ਕਾਂਗਰਸ ਦੇ ਬੁਲਾਰੇ ਸੁਖਪਾਲ ਖਹਿਰਾ ਨੇ ਚੰਡੀਗੜ੍ਹ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਇਸ ਗੱਲ ਦੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਇਸ ਮਾਮਲੇ ‘ਚ ਕੇਂਦਰੀ ਮਨੁੱਖੀ ਵਸੀਲਿਆਂ ਦੇ ਮੰਤਰੀ ਨੂੰ ਮਿਲ ਕੇ ਮਾਮਲੇ ਦੀ ਸੀ. ਬੀ. ਆਈ. ਜਾਂਚ ਕਰਵਾਉਣ ਦੀ ਮੰਗ ਕਰਨਗੇ।
ਕਾਂਗਰਸ ਨੇ ਸਾਫ ਕੀਤਾ ਹੈ ਕਿ ਉਹ ਇਸ ਮਾਮਲੇ ‘ਚ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਕਰਵਾਈ ਗਈ ਜਾਂਚ ਤੋਂ ਸੰਤੁਸ਼ਟ ਨਹੀਂ ਹਨ। ਕਾਂਗਰਸ ਦਾ ਦੋਸ਼ ਹੈ ਕਿ ਇਸ ਮਾਮਲੇ ‘ਚ ਜਿਸ ਜੱਜ ਨੂੰ ਜਾਂਚ ਸੌਂਪੀ ਗਈ ਹੈ ਉਹ ਸਿੱਖਿਆ ਮੰਤਰੀ ਦੇ ਹਲਕੇ ਨਾਲ ਸਬੰਧ ਰੱਖਦਾ ਹੈ ਲਿਹਾਜ਼ਾ ਮਾਮਲੇ ਦੀ ਜਾਂਚ ਹਾਈਕੋਰਟ ਦੇ ਜੱਜ ਵਲੋਂ ਨਿਰਧਾਰਿਤ ਕੀਤੇ ਗਏ ਜੱਜ ਰਾਹੀਂ ਕੀਤੀ ਜਾਣੀ ਚਾਹੀਦੀ ਹੈ।
ਜ਼ਿਕਰਯੋਗ ਹੈ ਕਿ ਕਿਤਾਬ ਖਰੀਦ ਦੇ ਮਾਮਲੇ ‘ਚ ਹੋਏ ਕਥਿਤ ਘੋਟਾਲੇ ਨੂੰ ਲੈ ਕੇ ਕਾਂਗਰਸ ਨੇ ਹਮਲਾਵਰ ਰੁੱਖ ਅਪਨਾਇਆ ਹੋਇਆ ਹੈ। ਮੰਗਲਵਾਰ ਨੂੰ ਪੰਜਾਬ ਭਰ ‘ਚ ਕਾਂਗਰਸ ਵਲੋਂ ਸਿੱਖਿਆ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਦੇ ਪੁਤਲੇ ਫੂਕੇ ਗਏ ਸਨ ਅਤੇ ਹੁਣ ਕਾਂਗਰਸ ਇਸ ਮਾਮਲੇ ਨੂੰ ਕੇਂਦਰ ਤੱਕ ਲੈ ਕੇ ਜਾ ਰਹੀ ਹੈ। ਇਸ ਵਿਚਕਾਰ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਮਲੂਕਾ ਦੇ ਅਸਤੀਫੇ ਤੋਂ ਸਾਫ ਇਨਕਾਰ ਕਰ ਚੁੱਕੇ ਹਨ ਪਰ ਕਾਂਗਰਸ ਇਸ ਮਾਮਲੇ ‘ਚ ਮਲੂਕਾ ਦਾ ਪਿੱਛਾ ਛੱਡਦੀ ਨਜ਼ਰ ਨਹੀਂ ਆ ਰਹੀ।

ਸਾਬਕਾ ਪੁਲਿਸ ਮੁਖੀ ਵੱਲੋਂ ਅਹਿਮ ਖ਼ੁਲਾਸੇ ਰਾਜ ਦੇ ਸਿਆਸੀ ਆਗੂ ਵੀ ਨਸ਼ਿਆਂ ਦੀ ਤਸਕਰੀ 'ਚ ਸ਼ਾਮਿਲ

 

ਜਲੰਧਰ, 29 ਮਈ-ਪੰਜਾਬ ਪੁਲਿਸ ਦੇ ਸੇਵਾ-ਮੁਕਤ ਡਾਇਰੈਕਟਰ ਜਨਰਲ ਤੇ ਨਸ਼ਿਆਂ ਿਖ਼ਲਾਫ਼ ਮੁਹਿੰਮ ਕਾਰਨ ਚਰਚਾ 'ਚ ਰਹੇ ਸ੍ਰੀ ਸ਼ਸ਼ੀ ਕਾਂਤ ਨੇ ਅਹਿਮ ਖ਼ੁਲਾਸੇ ਕਰਦਿਆਂ ਕਿਹਾ ਕਿ ਪੰਜਾਬ ਅੰਦਰ ਨਸ਼ਿਆਂ ਦੀ ਤਸਕਰੀ ਨਾਲ ਪੰਜਾਬ ਦੇ ਕੁਝ ਅਹਿਮ ਸਿਆਸੀ ਆਗੂਆਂ ਦੇ ਤਾਰ ਵੀ ਜੁੜੇ ਹੋਏ ਹਨ | 'ਅਜੀਤ' ਦੇ ਇਸ ਪੱਤਰਕਾਰ ਨਾਲ ਇਕ ਲੰਮੀ ਗੱਲਬਾਤ 'ਚ ਸ੍ਰੀ ਸ਼ਸ਼ੀ ਕਾਂਤ ਨੇ ਅਹਿਮ ਭੇਦ ਖੋਲ੍ਹਦਿਆਂ ਦੱਸਿਆ ਕਿ ਖਾੜਕੂ ਲਹਿਰ ਦੇ ਦੌਰ ਸਮੇਂ ਪਾਕਿਸਤਾਨ ਤੋਂ ਹਥਿਆਰਾਂ ਦੇ ਨਾਲ ਨਸ਼ੀਲੇ ਪਦਾਰਥ ਵੀ ਆਉਣੇ ਸ਼ੁਰੂ ਹੋਏ ਸਨ | ਪਰ ਉਸ ਸਮੇਂ ਕਿਸੇ ਵੀ ਖਾੜਕੂ ਗਰੁੱਪ ਨੇ ਨਸ਼ੀਲੇ ਪਦਾਰਥ ਪੰਜਾਬ ਵਿਚ ਰੱਖੇ ਜਾਂ ਵੇਚੇ ਨਹੀਂ, ਸਗੋਂ ਦੱਸੇ ਗਏ ਅਗਲੇ ਸਥਾਨਾਂ ਉੱਪਰ ਹੀ ਭੇਜ ਦਿੱਤੇ ਜਾਂਦੇ ਰਹੇ ਹਨ ਤੇ ਸਿਰਫ ਹਥਿਆਰਾਂ ਦੀ ਹੀ ਉਹ ਵਰਤੋਂ ਕਰਦੇ ਰਹੇ ਹਨ | ਜਿਉਂ ਹੀ 1991-92 ਤੋਂ ਖਾੜਕੂ ਲਹਿਰ ਲਹਾਅ 'ਚ ਚਲੀ ਗਈ ਤਾਂ ਪਾਕਿਸਤਾਨ 'ਚ ਬਚੇ ਖਾੜਕੂਆਂ ਅਤੇ ਪੰਜਾਬ 'ਚ ਉੱਭਰੇ ਨਵੇਂ ਤਸਕਰਾਂ ਨੇ ¥ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦਾ ਧੰਦਾ ਸ਼ੁਰੂ ਕਰ ਦਿੱਤਾ ਅਤੇ ਹੌਲੀ-ਹੌਲੀ ਸਿਆਸਤਦਾਨਾਂ ਨੇ ਆਪਣੇ ਸਵਾਰਥ ਲਈ ਅਜਿਹੇ ਲੋਕਾਂ ਦੀ ਪੁਸ਼ਤ-ਪਨਾਹੀ ਕਰਨੀ ਸ਼ੁਰੂ ਕਰ ਦਿੱਤੀ | ਇਸ ਤੋਂ ਬਾਅਦ ਹੀ ਪੰਜਾਬ ਅੰਦਰ ਸ਼ਸ਼ੀ ਕਾਂਤ ਦੇ ਕਹਿਣ ਅਨੁਸਾਰ ਨਾਰਕੋ ਪਾਲੇਟਿਕਸ (ਨਸ਼ਿਆਂ ਦੀ ਸਿਆਸਤ) ਦਾ ਆਰੰਭ ਹੋਇਆ | ਉਹ ਆਖਦੇ ਹਨ ਕਿ ਨਸ਼ਿਆਂ ਦੀ ਤਸਕਰੀ 'ਚ ਮਦਦਗਾਰ ਹੋਣ 'ਚ ਪੁਲਿਸ ਦੇ ਥਾਣਾ ਮੁਖੀ ਤੋਂ ਐਸ. ਪੀ. ਰੈਂਕ ਦੇ ਅਧਿਕਾਰੀ ਤੱਕ ਕਾਫੀ ਗਿਣਤੀ ਵਿਚ ਸ਼ਾਮਿਲ ਹਨ | ਪਰ ਪੁਲਿਸ ਅਫ਼ਸਰਸ਼ਾਹੀ 'ਚੋਂ ਕੋਈ ਅਫ਼ਸਰ ਇਸ ਕੰਮ 'ਚ ਸ਼ਾਮਿਲ ਨਹੀਂ ਹੈ ਪਰ ਸ਼ਸ਼ੀ ਕਾਂਤ ਨੇ ਇੰਕਸ਼ਾਫ਼ ਕੀਤਾ ਕਿ ਸਰਹੱਦੀ ਰੇਂਜ ਤੇ ਜਲੰਧਰ ਰੇਂਜ ਦੇ ਬਹੁਤ ਸਾਰੇ ਪੁਲਿਸ ਅਧਿਕਾਰੀ ਜਾਇਦਾਦ ਕਾਰੋਬਾਰ ਦੇ ਧੰਦੇ ਵਿਚ ਪਏ ਹੋਏ ਹਨ | ਕਈ ਅਫ਼ਸਰ ਤਾਂ ਅਫ਼ਸਰ ਘੱਟ ਤੇ ਪ੍ਰਾਪਰਟੀ ਡੀਲਰ ਵਧੇਰੇ ਬਣੇ ਹੋਏ ਹਨ | ਪ੍ਰਾਪਰਟੀ ਡੀਲਰਾਂ ਤੇ ਅਜਿਹੇ ਅਧਿਕਾਰੀਆਂ ਦੇ ਨਾਪਾਕ ਗਠਜੋੜ ਵੱਲੋਂ ਪ੍ਰਵਾਸੀ ਪੰਜਾਬੀਆਂ ਦੀਆਂ ਜਾਇਦਾਦਾਂ ਉੱਪਰ ਵੀ ਕਬਜ਼ੇ ਕੀਤੇ ਜਾਂਦੇ ਹਨ ਤੇ ਕਈ ਝਗੜੇ ਵਾਲੀਆਂ ਮਹਿੰਗੀਆਂ ਜਾਇਦਾਦਾਂ ਉੱਪਰ ਅੱਖ ਰੱਖੀ ਜਾਂਦੀ ਹੈ |

ਸਾਲ ਕੁ ਪਹਿਲਾਂ ਡੀ. ਜੀ. ਪੀ. ਦੇ ਅਹੁਦੇ ਤੋਂ ਫਾਰਗ ਹੋਏ ਤੇ ਪੰਜਾਬ ਤੇ ਦਿੱਲੀ 'ਚ ਖੁਫ਼ੀਆ ਵਿਭਾਗ ਦੇ ਚੋਟੀ ਦੇ ਅਫ਼ਸਰ ਵਜੋਂ ਕੰਮ ਕਰ ਚੁੱਕੇ ਸ਼ਸ਼ੀ ਕਾਂਤ ਨੇ ਇਕ ਹੋਰ ਅਹਿਮ ਖ਼ੁਲਾਸਾ ਕੀਤਾ ਕਿ ਪੰਜਾਬ ਅੰਦਰ ਵੱਡੇ ਫਾਰਮ ਹਾਊਸਾਂ 'ਚ ਹੁੰਦੀਆਂ ਰੇਵ ਪਾਰਟੀਆਂ ਵਿਚ ਨਸ਼ੀਲੇ ਪਦਾਰਥਾਂ ਦਾ ਸੇਵਨ ਆਮ ਹੁੰਦਾ ਹੈ ਤੇ ਇਨ੍ਹਾਂ ਪਾਰਟੀਆਂ ਵਿਚ ਵੱਡੇ ਘਰਾਂ ਦੇ ਕਾਕੇ, ਕਾਕੀਆਂ ਤੇ ਹੋਰ ਲੋਕ ਸ਼ਾਮਿਲ ਹੁੰਦੇ ਹਨ | ਪੰਜਾਬ ਬਾਰੇ ਹੁਣ ਤੱਕ ਕੀਤੇ ਗਏ ਕਈ ਸਰਵੇਖਣਾਂ 'ਚ ਇਹ ਗੱਲ ਸਾਹਮਣੇ ਆਉਂਦੀ ਰਹੀ ਹੈ ਕਿ ਪੰਜਾਬ ਦੇ 70 ਫੀਸਦੀ ਨੌਜਵਾਨ ਕਿਸੇ ਨਾ ਕਿਸੇ ਰੂਪ 'ਚ ਨਸ਼ਿਆਂ ਦਾ ਸੇਵਨ ਕਰਦੇ ਹਨ | 60 ਫੀਸਦੀ ਦੇ ਕਰੀਬ ਸਕੂਲੀ ਬੱਚੇ ਵੀ ਕਿਸੇ ਨਾ ਕਿਸੇ ਸਮੇਂ ਨਸ਼ਿਆਂ ਦਾ ਸੇਵਨ ਕਰ ਚੁੱਕੇ ਹਨ | ਉਨ੍ਹਾਂ ਦੱਸਿਆ ਕਿ ਪਹਿਲਾਂ ਬਾਹਰੋਂ ਨਸ਼ੀਲੇ ਪਦਾਰਥ ਆਉਣ ਦਾ ਰਸਤਾ ਮੁੰਬਈ ਹੀ ਸੀ ਪਰ ਹੁਣ ਦੇਸ਼ ਅੰਦਰ ਅਨੇਕਾਂ ਨਾਕੇ ਇਸ ਹਮਲੇ ਖੁੱਲ੍ਹ ਚੁੱਕੇ ਹਨ। ਜੰਮੂ-ਕਸ਼ਮੀਰ ਰਾਹੀਂ ਨਸ਼ੀਲੇ ਪਦਾਰਥ ਹਿਮਾਚਲ ਪਹੁੰਚ ਰਹੇ ਹਨ। ਨਿਪਾਲ ਤੋਂ ਉਤਰਾਖੰਡ ਦੇ ਤਰਾਈ ਖੇਤਰ ਅਤੇ ਬਿਹਾਰ 'ਚ ਬਕਸਰ ਰਾਹੀਂ ਇਹ ਧੰਦਾ ਸ਼ੁਰੂ ਹੋ ਗਿਆ ਹੈ। ਮੀਆਂਮਾਰ, ਬਰਮਾ ਆਦਿ ਤੋਂ ਬੰਗਲਾਦੇਸ਼ ਤੇ ਫਿਰ ਪੱਛਮੀ ਬੰਗਾਲ 'ਚ ਨਸ਼ੀਲੇ ਪਦਾਰਥ ਪੁੱਜਣ ਦਾ ਰਸਤਾ ਖੁੱਲ੍ਹ ਗਿਆ ਹੈ। ਇਕ ਸੁਆਲ ਦੇ ਜੁਆਬ ਵਿਚ ਉਨ੍ਹਾਂ ਦੱਸਿਆ ਕਿ ਪਾਕਿਸਤਾਨ ਤੋਂ ਸਰਹੱਦ ਰਾਹੀਂ ਨਸ਼ੀਲੇ ਪਦਾਰਥ ਬੇਰੋਕ-ਟੋਕ ਆਉਂਦੇ ਹਨ। ਬੀ. ਐਸ. ਐਫ. ਦੇ ਅਨੇਕਾਂ ਅਧਿਕਾਰੀ ਤੇ ਕਰਮਚਾਰੀ ਇਸ ਸਮੇਂ ਤਸਕਰਾਂ ਨਾਲ ਮਿਲੀਭੁਗਤ ਦੇ ਦੋਸ਼ਾਂ ਹੇਠ ਜੇਲ੍ਹਾਂ 'ਚ ਬੰਦ ਹਨ। ਜਦ ਕਦੇ ਰੌਲਾ ਪੈਂਦਾ ਹੈ ਤਾਂ ਬੀ. ਐਸ. ਐਫ. ਬਰਾਮਦਗੀ ਦਿਖਾ ਦਿੰਦੀ ਹੈ, ਨਹੀਂ ਤਾਂ ਚੁੱਪ-ਚਾਪ ਇਹ ਧੰਦਾ ਚਲਦਾ ਰਹਿੰਦਾ ਹੈ। ਉਨ੍ਹਾਂ ਸੰਕੇਤ ਦਿੱਤਾ ਕਿ ਅੰਮ੍ਰਿਤਸਰ, ਫਿਲੌਰ ਤੇ ਫਿਰੋਜ਼ਪੁਰ 'ਚ ਪਿਛਲੇ ਸਮੇਂ 'ਚ ਫੜੇ ਗਏ ਲੋਕਾਂ ਦੀ ਸਿਆਸਤਦਾਨਾਂ ਵੱਲੋਂ ਪੁਸ਼ਤ-ਪਨਾਹੀ ਕਰਨ ਦੇ ਸਬੂਤ ਸਾਹਮਣੇ ਆਏ ਹਨ। ਨੌਕਰੀ ਦੌਰਾਨ ਦੀਆਂ ਯਾਦਾਂ ਸਾਂਝੀਆਂ ਕਰਦਿਆਂ ਸ਼ਸ਼ੀ ਕਾਂਤ ਨੇ ਦੱਸਿਆ ਕਿ ਪਟਿਆਲਾ ਜ਼ਿਲ੍ਹੇ 'ਚ ਸੁਤਰਾਣਾ ਅਤੇ ਫਿਰੋਜ਼ਪੁਰ 'ਚ ਸ੍ਰੀਗੰਗਾਨਗਰ ਤੋਂ ਆਉਂਦੇ ਰਸਤੇ ਅਜਿਹੇ ਹਨ, ਜਿੱਥੇ ਨਸ਼ਿਆਂ ਦੇ ਭਰੇ ਟਰੱਕ ਹੀ ਸਿੱਧੇ ਲੰਘਾ ਦਿੱਤੇ ਜਾਂਦੇ ਹਨ। ਇਹ ਸਾਰਾ ਕੁਝ ਪੁਲਿਸ ਦੀ ਮਿਲੀਭੁਗਤ ਬਗੈਰ ਨਹੀਂ ਹੋ ਸਕਦਾ। ਜੇਲ੍ਹਾਂ 'ਚ ਨਸ਼ਿਆਂ ਦੇ ਵਰਤਾਰੇ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਦੱਸਿਆ ਕਿ ਜੇਲ੍ਹਾਂ ਦੀ ਹਾਲਤ ਵੇਖ ਕੇ ਤਾਂ ਮੈਂ ਜ਼ਿੰਦਗੀ 'ਚ ਪਹਿਲੀ ਵਾਰ ਹਿੱਲ ਹੀ ਗਿਆ ਸੀ। ਡੀ. ਜੀ. ਪੀ. (ਜੇਲ੍ਹਾਂ) ਸਮੇਂ ਜਦ ਕੇਂਦਰੀ ਜੇਲ੍ਹ ਕਪੂਰਥਲਾ ਵਿਚ ਗੜਬੜ ਹੋਈ। ਮੈਂ ਮੌਕੇ 'ਤੇ ਪੁੱਜਿਆ ਅਤੇ ਦੇਖਿਆ ਕਿ ਨਸ਼ੇ 'ਚ ਧੁੱਤ ਕੈਦੀ ਮੋਢਿਆਂ ਉੱਪਰ ਅੱਗ ਲੱਗੇ ਗੈਸ ਸਿਲੰਡਰ ਚੁੱਕੀ ਭੱਜੇ ਜਾਂਦੇ ਹਨ। ਉਨ੍ਹਾਂ ਨੂੰ ਸੁਰਤ ਹੀ ਨਹੀਂ ਸੀ ਕਿ ਉਹ ਅੱਗ ਨਾਲ ਖੇਡ ਰਹੇ ਹਨ। ਸ੍ਰੀ ਕਾਂਤ ਨੇ ਮੰਨਿਆ ਕਿ ਜੇਲ੍ਹਾਂ ਵਿਚ ਨਸ਼ਿਆਂ ਦੀ ਬਹੁਤ ਖਪਤ ਹੈ ਤੇ ਇਹ ਬੜੀ ਵੱਡੀ ਸਮੱਸਿਆ ਹੈ। ਜੇਲ੍ਹਾਂ 'ਚ ਨਸ਼ਿਆਂ ਦੀ ਆਮਦ ਲਈ ਉਹ ਜੇਲ੍ਹ ਵਾਰਡਨਾਂ ਦੀ ਮਿਲੀ-ਭੁਗਤ ਅਤੇ ਪੇਸ਼ੀਆਂ ਉੱਪਰ ਜਾਣ ਸਮੇਂ ਵਾਪਸੀ ਸਮੇਂ ਨਜ਼ਰਬੰਦਾਂ ਵੱਲੋਂ ਲੁਕੋ ਕੇ ਨਸ਼ੇ ਲਿਆਉਣ ਨੂੰ ਮੁੱਖ ਕਾਰਨ ਮੰਨਦੇ ਹਨ। ਪੰਜਾਬ ਸਰਕਾਰ ਵੱਲੋਂ ਨਸ਼ਿਆਂ ਦੀ ਸਮਗਲਿੰਗ ਨੂੰ ਰੋਕਣ ਲਈ ਚਲਾਈ ਜਾ ਰਹੀ ਮੁਹਿੰਮ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਫਤਹਿਗੜ੍ਹ ਸਾਹਿਬ ਵਿਖੇ ਨਸ਼ਿਆਂ ਦੀ ਬਰਾਮਦਗੀ ਅਤੇ ਦੋਸ਼ੀਆਂ ਦੀ ਗ੍ਰਿਫ਼ਤਾਰੀ ਨੂੰ ਇਕ ਸਾਰਥਕ ਕਦਮ ਕਰਾਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਇਸ ਸਮਾਜ ਵਿਰੋਧੀ ਲਾਹਨਤ ਨੂੰ ਰੋਕਣ ਲਈ ਦ੍ਰਿੜ੍ਹ ਸਿਆਸੀ ਇੱਛਾ ਦੀ ਜ਼ਰੂਰਤ ਹੈ।
ਸ੍ਰੀ ਸ਼ਸ਼ੀ ਕਾਂਤ ਨੇ ਕਿਸੇ ਵੀ ਸਿਆਸੀ ਪਾਰਟੀ ਵਿਚ ਸ਼ਾਮਿਲ ਹੋਣ ਤੋਂ ਇਨਕਾਰ ਕਰਦਿਆਂ ਆਖਿਆ ਕਿ ਉਨ੍ਹਾਂ ਨੂੰ ਹੁਣ ਤੱਕ ਕਾਂਗਰਸ, ਬਹੁਜਨ ਸਮਾਜ ਪਾਰਟੀ ਅਤੇ ਸਮਾਜਵਾਦੀ ਪਾਰਟੀ ਵੱਲੋਂ ਪਾਰਟੀ 'ਚ ਸ਼ਾਮਿਲ ਹੋਣ ਦੀ ਪੇਸ਼ਕਸ਼ ਆ ਚੁੱਕੀ ਹੈ। ਅਕਾਲੀ ਦਲ ਕਿਉਂਕਿ ਹੁਕਮਰਾਨ ਪਾਰਟੀ ਹੈ, ਸ਼ਾਇਦ ਇਸ ਕਰਕੇ ਮੇਰੀ ਸਰਗਰਮੀ ਦਾ ਉਨ੍ਹਾਂ ਨੂੰ ਕੋਈ ਸਿੱਧਾ ਲਾਭ ਨਾ ਹੁੰਦਾ ਹੋਵੇ, ਇਸ ਕਰਕੇ ਉਨ੍ਹਾਂ ਵੱਲੋਂ ਕਿਸੇ ਨੇ ਸੰਪਰਕ ਨਹੀਂ ਕੀਤਾ।

---

ਮਾਮਲਾ ਤਖਤ ਸ਼੍ਰੀ ਕੇਸਗੜ੍ਹ ਸਾਹਿਬ ਨੂੰ ਆਉਂਦੇ ਰਸਤੇ ਬੰਦ ਕਰਨ ਦਾ

www.sabblok.blogspot.com

ਕੈਪਸ਼ਨ-ਸੰਗਤਾਂ ਦੀਆਂ ਗੱਡੀਆਂ ਉਪਰ ਜਾਣ ਤੇ ਪਾਬੰਦੀ ਪਰ ਆਗੁਆਂ ਦੀਆਂ ਗੱਡੀਆਂ ਉਪਰ ਤੱਕ ਖੜੀਆਂ ਹੋਈਆਂ।

  

ਅਨੰਦਪੁਰ ਸਾਹਿਬ.30 ਮਈ..----- – ਪਿਛਲੇ ਲੰਮੇ ਸਮੇ ਤੋ ਤਖਤ ਸ਼੍ਰੀ ਕੇਸਗੜ੍ਹ ਸਾਹਿਬ ਨੂੰਆਉਂਦੇ ਰਸਤੇ ਸ਼੍ਰੋਮਣੀ ਕਮੇਟੀ ਵਲੋ ਬੈਰੀਕੇਡ ਲਗਾ ਕੇ ਬੰਦ ਕਰਵਾ ਦਿਤੇ ਗਏ ਸਨ ਜਿਸ ਕਰਕੇ ਕੋਈ ਵੀ ਵਾਹਨ ਉਪਰ ਨਹੀ ਜਾ ਸਕਦਾ। ਇਥੋ ਤੱਕ ਕੇ ਸਕੂਟਰ ਮੋਟਰਸਾਈਕਲ ਵੀ ਉਪਰ ਲਿਜਾਣ ਤੇ ਪਬੰਦੀ ਲਗਾ ਦਿਤੀ ਗਈ ਹੈ। ਸ਼੍ਰੋਮਣੀ ਕਮੇਟੀ ਦੇ ਇਸ ਫੈਸਲੇ ਨਾਲ ਜਿਥੇ ਕੁੱਝ ਲੋਕ ਖੁਸ਼ ਹਨ ਉਥੇ ਬਜੁਰਗ ਅਤੇ ਅਪੰਗ ਵਿਅਕਤੀਆਂ ਲਈ ਪ੍ਰੇਸ਼ਾਨੀ ਪੈਦਾ ਹੋ ਗਈ ਹੈ। ਹੁਣ ਕਈ ਬਜੁਰਗ ਤੇ ਅਪੰਗ ਜੋ ਤਿੱਖੀ ਚੜਾਈ ਨਹੀ ਚੜ੍ਹ ਸਕਦੇ ਉਹ ਕਈ ਵਾਰ ਬਗੈਰ ਮੱਥਾ ਟੇਕੇ ਹੀ ਵਾਪਸ ਜਾਣ ਲਈ ਮਜਬੂਰ ਹਨ ਅਤੇ ਜਿਹੜੀ ਮਾਇਆ ਗੁਰੂ ਕੀ ਗੋਲਕ ਵਿਚ ਜਾਣੀ ਚਾਹੀਦੀ ਹੈ ਉਹ ਮਾਇਆ ਸਾਧਾਂ ਦੇ ਡੇਰਿਆਂ ਵਿਚ ਜਾ ਪਹੁੰਚਦੀ ਹੈ। ਜਦੋ ਕਿ ਦੁੂਜੇ ਪਾਸੇ ਸ਼੍ਰੋਮਣੀ ਕਮੇਟੀ ਦੇ ਬਹੁਤੇ ਅਧਿਕਾਰੀਆਂ ਤੇ ਇਹ ਫੈਸਲਾ ਲਾਗੁੂ ਨਹੀ ਹੁੰਦਾ। ਸ਼੍ਰੋਮਣੀ ਕਮੇਟੀ ਦੇ ਅਧਿਕਾਰੀ,ਅਕਾਲੀ ਦੱਲ ਤੇ ਭਾਜਪਾ ਦੇ ਬਹੁਤੇ ਅਹੁਦੇਦਾਰ ਬਿਨਾਂ ਰੋਕ ਟੋਕ ਦੇ ਆਪਣੀਆਂ ਗੱਡੀਆਂ ਵਿਚ ਸਿੱਧੇ ਤਖਤ ਸ਼੍ਰੀ ਕੇਸਗੜ੍ਹ ਸਾਹਿਬ ਪਹੁੰਚਦੇ ਹਨ। ਸ਼੍ਰੋਮਣੀ ਕਮੇਟੀ ਵਲੋ ਅਪਣਾਏ ਗਏ ਇਨਾਂ ਦੋਹਰੇ ਮਾਪਦੰਡਾਂ ਕਾਰਨ ਸੰਗਤਾਂ ਵਿਚ ਰੋਸ ਹੈ ਤੇ ਲੋਕ ਆਪ ਮੁਹਾਰੇ ਕਹਿੰਦੇ ਹਨ ਕਿ ਸ਼੍ਰੋਮਣੀ ਕਮੇਟੀ ਵਲੋ ਕੀਤੇ ਗਏ ਫੈਸਲੇ ਸੰਗਤਾਂ ਲਈ ਤਾਂ ਹਨ ਪਰ ਆਪ ਅਧਿਕਾਰੀ ਇਨਾਂ ਫੈਸਲਿਆਂ ਨੂੰ ਕੋਈ ਮਾਨਤਾ ਨਹੀ ਦਿੰਦੇ। ਉਨਾਂ ਕਿਹਾ ਕਿ ਜੇਕਰ ਸੰਗਤਾਂ ਲਈ ਤਖਤ ਸਾਹਿਬ ਤੱਕ ਪੈਦਲ ਆਉਣ ਦਾ ਫੈਸਲਾ ਕੀਤਾ ਗਿਆ ਹੈ ਤਾਂ ਸ਼੍ਰੋਮਣੀ ਕਮੇਟੀ ਦੇ ਅਧਿਕਾਰੀ ਆਪ ਪੈਦਲ ਕਿਉਂ ਨਹੀ ਜਾਂਦੇ। ਜਦੋ ਇਸ ਬਾਰੇ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਅਵਤਾਰ ਸਿੰਘ ਮੱਕੜ੍ਹ ਤੋ ਪੁਛਿਆ ਗਿਆ ਤਾਂ ਉਨਾਂ ਰੱਟਿਆ ਰਟਾਇਆ ਉਤਰ ਦਿੰਦਿਆਂ ਕਿਹਾ ਕਿ ਅਸੀ ਇਸ ਬਾਰੇ ਵਿਚਾਰ ਕਰ ਰਹੇ ਹਾਂ ਤੇ ਜਲਦ ਹੀ ਬਜੁਰਗਾਂ ਤੇ ਅਪੰਗ ਵਿਅਕਤੀਆਂ ਲਈ ਬਦਲਵਾਂ ਪ੍ਰਬੰਧ ਕੀਤਾ ਜਾ ਰਿਹਾ ਹੈ। ਹੁਣ ਦੇਖਣਾ ਇਹ ਹੈ ਕਿ ਇਹ ਵਿਚਾਰ ਕਦੋ ਸਿਰੇ ਚੜੇਗੀ।

ਸਰਕਾਰ ਨੂੰ ਘੇਰ ਰਹੇ ਸ਼ਸ਼ੀਕਾਂਤ ‘ਤੇ ਅਕਾਲੀ ਦਲ ਦਾ ਜਵਾਬੀ ਹਮਲਾ

  

ਚੰਡੀਗੜ੍ਹ.30 ਮਈ.---- – ਪੰਜਾਬ ਦੀਆਂ ਜੇਲਾਂ ‘ਚ ਵੱਧ ਰਹੇ ਨਸ਼ਿਆਂ ਦੇ ਮਾਮਲਿਆਂ ਨੂੰ ਲੈ ਕੇ ਪਿਛਲੇ ਇਕ ਹਫਤੇ ਤੋਂ ਸਰਕਾਰ ‘ਤੇ ਹਮਲੇ ਕਰ ਰਹੇ ਸਾਬਕਾ ਡੀ. ਜੀ. ਪੀ. ਜੇਲ ਸ਼ਸ਼ੀਕਾਂਤ ‘ਤੇ ਅਕਾਲੀ ਦਲ ਨੇ ਜਵਾਬੀ ਹਮਲਾ ਦਾਇਰ ਕਰ ਦਿੱਤਾ ਹੈ। ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਚੰਡੀਗੜ੍ਹ ਵਿੱਖੇ ਕਿਹਾ ਕਿ ਰਿਟਾਇਰਡ ਹੋਏ ਅਫਸਰਾਂ ਨੂੰ ਸਰਕਾਰ ਨਾਲ ਕੁਝ ਗਿਲੇ ਹੁੰਦੇ ਹਨ ਅਤੇ ਇਨ੍ਹਾਂ ਦੇ ਚਲਦਿਆਂ ਹੀ ਸ਼ਸ਼ੀਕਾਂਤ ਸਰਕਾਰ ਖਿਲਾਫ ਬਿਆਨਬਾਜ਼ੀ ਕਰ ਰਹੇ ਹਨ।
ਇਸ ਦੌਰਾਨ ਸ਼ਸ਼ੀਕਾਂਤ ਦੇ ਹਮਲਿਆਂ ਦਾ ਸਾਹਮਣਾ ਕਰ ਰਹੀ ਜੇਲ ਮੰਤਰੀ ਸਰਵਣ ਸਿੰਘ ਫਿਲੌਰ ਨੇ ਕਿਹਾ ਹੈ ਕਿ ਸਰਕਾਰ ਵਲੋਂ ਸ਼ਸ਼ੀਕਾਂਤ ਦੀ ਸੁਰੱਖਿਆ ਵਾਪਸ ਲਏ ਜਾਣ ਕਾਰਨ ਹੀ ਉਹ ਇਸ ਤਰ੍ਹਾਂ ਦੇ ਦੋਸ਼ ਲਗਾ ਰਹੇ ਹਨ। ਫਿਲੌਰ ਨੇ ਕਿਹਾ ਕਿ ਹਾਲਾਂਕਿ ਸ਼ਸ਼ੀਕਾਂਤ ਵਲੋਂ ਲਾਏ ਗਏ ਦੋਸ਼ ਉਨ੍ਹਾਂ ਦਾ ਆਪਣਾ ਪੱਖ ਹੋ ਸਕਦੇ ਹਨ ਪਰ ਸਰਕਾਰ ਜੇਲ੍ਹਾਂ ‘ਚ ਨਸ਼ਿਆਂ ਦੇ ਪਸਾਰ ਨੂੰ ਰੋਕਣ ਲਈ ਵਚਨਬੱਧ ਹੈ।
ਸ਼ਸ਼ੀਕਾਂਤ ਵਲੋਂ ਪੰਜਾਬ ਭਰ ‘ਚ ਇਹ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਕਿ ਪੰਜਾਬ ਦੇ ਪੁਲਸ ਵਿਭਾਗ ਦੇ ਕਈ ਅਧਿਕਾਰੀ ਸੂਬੇ ‘ਚ ਫੈਲ ਰਹੇ ਨਸ਼ਿਆਂ ਲਈ ਜ਼ਿੰਮੇਵਾਰ ਹਨ। ਫਿਲੌਰ ਨੇ ਕਿਹਾ ਕਿ ਡੀ. ਜੀ. ਪੀ. ਸ਼ਸ਼ੀਕਾਂਤ ਉਨ੍ਹਾਂ ਦੇ ਮੰਤਰੀ ਰਹਿੰਦਿਆਂ ਕਾਫੀ ਘੱਟ ਸਮੇਂ ਲਈ ਜੇਲ੍ਹ ਵਿਭਾਗ ਦੇ ਨਿਰਦੇਸ਼ਕ ਸਨ ਅਤੇ ਜੇਕਰ ਕੋਈ ਅਜਿਹੀ ਗੱਲ ਸੀ ਤਾਂ ਉਨ੍ਹਾਂ ਨੂੰ ਇਹ ਜਾਣਕਾਰੀ ਸਰਕਾਰ ਤੱਕ ਪਹੁੰਚਾਉਣੀ ਚਾਹੀਦੀ ਸੀ।

www.sabblok.blogspot.com

ਮੁਆਫ਼ ਕਰੀਂ ਬਾਈ ਭਗਤ ਸਿਹਾਂ------

www.sabblok.blogspot.com

ਸੂਲੀ ਚੜਨ ਤੋਂ ਪਹਿਲਾਂ ਭਗਤ ਸਿੰਘ ਪੜ ਰਿਹਾ ਸੀ ਮਹਾਨ ਲੈਨਿਨ ਦੀ ਕਿਤਾਬ
ਅਵਾਜ ਪਈ ਤਾਂ ਉਸ ਵਰਕਾ ਮੋੜਿਆ ਤੇ ਜਲਾਦ ਦੇ ਮਗਰ ਹੋ ਲਿਆ
ਜਿਵੇਂ ਕਿ ਉਸਨੇ ਉਹ ਕਿਤਾਬ ਫਿਰ ਆ ਕੇ ਪੜਣੀ ਹੋਵੇ
ਜਾਂ ਛੱਡ ਗਿਆ ਹੋਵੇ ਸੁਨੇਹਾ ਸਾਡੇ ਲਈ
ਕਿ ਇਸ ਤੋਂ ਅਗਾਂਹ ਹੁਣ ਇਹ ਕਿਤਾਬ ਤੁਸੀਂ ਪੜਿਓ
ਉਸ ਕਿਤਾਬ ਦਾ ਵਰਕਾ ਅਜੇ ਵੀ ਮੁੜਿਆ ਹੋਇਆ ਹੈ
ਕਿਉਂਕਿ ਅਸੀਂ ਤਾਂ ਖੋਹਲ ਕੇ ਹੀ ਦੇਖੀ ਮਹਾਨ ਲੈਨਿਨ ਦੀ ਉਹ ਕਿਤਾਬ
ਅਸਾਨੂੰ ਕ੍ਰਿਕਟ ਦੇ ਸੱਟੇ ਬਾਜ ਮੈਚ ਦੇਖਣ ਅਤੇ ਕਿਸਸਮਤ ਵਾਦੀ ਬਾਬਿਆਂ ਦੇ ਪ੍ਰਵਚਨ
ਸੁਨਣ ਤੋ ਹੀ ਵਿਹਲ ਨਹੀਂ ਮਿਲੀ
ਹੁਣ ਤਾਂ ਘੋੜੇਬਾਜ ਸੱਟੇਬਾਜੀ ਅਤੇ ਸਿੱਧੀ ਲਾਟਰੀ ਦੇ ਕੈਸੀਨੋ ਵੀ
ਖੋਹਲਣ ਦਾ ਐਲਾਨ ਕਰ ਦਿਤਾ ਹੈ ਪੰਥਕ ਸਰਕਾਰ ਨੇ
ਦੂਰ ਦਰਸ਼ਨ ਚੈਨਲ ਕਿਸਮਤ ਵਾਦੀ ਬਾਬਿਆਂ ਅਤੇ ਜੋਤਸ਼ੀਆਂ ਲਈ ਹਨ
ਕਾਮਿਕ ਫਿਲਮਾਂ ਅਤੇ ਚੁੰਮਨਾ ਦੀ ਭਰਮਾਰ ਵਾਲੇ ਸੀਰੀਅਲ ਆਮ ਹਨ
ਸਾਡੇ ਕੋਲ ਕਿਥੇ ਵਿਹਲ ਹੈ ਭਗਤ ਸਿੰਘ ਦੀ ਵਰਕਾ ਮੋੜੀ ਹੋਈ ਕਿਤਾਬ ਪੜਣ ਦੀ
ਨਾਲੇ ਭਗਤ ਸਿੰਘ ਤਾਂ ਕਮਲਾ ਸੀ ਸਰਫ਼ਰੋਸ਼ੀ ਦੇ ਗੀਤ ਗਾਉਣ ਵਾਲਾ
ਅਸੀਂ ਤਾਂ ਅਜੇ ਮਾਇਆ ਦੇ ਢੇਰ ਇਕੱਠੇ ਕਰਨੇ ਹਨ
ਆਉਣ ਵਾਲੀਆਂ ਪੀੜੀਆਂ ਲਈ
ਜੇ 85 ਕਰੋੜ ਲੋਕ ਭੁੱਖੇ ਮਰਦੇ ਐ ਤਾਂ ਮਰੀ ਜਾਣ, ਸਾਨੂੰ ਕੀ
ਉਹਨਾਂ ਦੀ ਕਿਸਮਤ ਵਿਚ ਹੀ ਇੰਜ ਲਿਖਿਆ ਹੋਣੈ
ਮੁਆਫ ਕਰਂੀਂ ਬਾਈ ਭਗਤ ਸਿਹਾਂ
ਅਸੀਂ ਤੇਰੇ ਕਰਜ਼ਦਾਰ ਹਾਂ, ਆਪਣੀ ਜ਼ਮੀਰ ਦੇ ਗ਼ਦਾਰ ਹਾਂ
ਸਿਰਫ ਕੋਸੇ ਅਥਰੂ ਵਹਾਉਣ ਤੋਂ ਸਿਵਾ ਕੁਝ ਵੀ ਨਹੀਂ ਕਰ ਸਕਦੇ
ਕੁਝ ਵੀ ਨਹੀਂ ਕਰ ਸਕਦੇ--------ਅਮਰਜੀਤ ਢਿੱਲੋਂ

ਦੁਕਾਨ ਨੂੰ ਅੱਗ ਲੱਗੀ

www.sabblok.blogspot.com

ਨਕੋਦਰ, -------ਮਈ (ਟੋਨੀ)-ਸਥਾਨਕ ਦੱਖਣੀ ਅੱਡਾ ਕਪੂਰਥਲਾ ਰੋਡ 'ਤੇ ਪੁਰੀ ਟਰੇਡਿੰਗ ਕੰਪਨੀ ਨੂੰ ਅੱਗ ਲੱਗਣ ਕਾਰਨ ਕਰੋੜ ਰੁਪਏ ਤੋਂ ਵੱਧ ਸਾਮਾਨ ਸੜ ਕੇ ਸਵਾਹ ਹੋ ਗਿਆ | ਜਾਣਕਾਰੀ ਅਨੁਸਾਰ ਦੁਕਾਨ ਨੂੰ ਅੱਗ ਲੱਗਣ ਦੀ ਸੂਚਨਾ ਸਵੇਰੇ ਤੜਕੇ 5 ਵਜੇ ਦੁਕਾਨ ਦੇ ਮਾਲਕ ਕੁਲਦੀਪ ਰਾਏ ਪੁਰੀ ਤੇ ਰਾਜਿੰਦਰ ਕੁਮਾਰ ਪੁਰੀ ਨੂੰ ਮਿਲੀ | ਜਦ ਉਨ੍ਹਾਂ ਨੇ ਦੁਕਾਨ ਨੂੰ ਅੱਗ ਲੱਗੀ ਦੇਖੀ ਤਾਂ ਉਨ੍ਹਾਂ ਨੇ ਤੁਰੰਤ ਫਾਇਰ ਬਿ੍ਗੇਡ ਤੇ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ | ਅੱਗ ਲੱਗਣ ਦੀ ਖ਼ਬਰ ਫੈਲਦੇ ਹੀ ਲੋਕ ਸਵੇਰੇ ਭਾਰੀ ਗਿਣਤੀ ਵਿਚ ਇਕੱਠੇ ਹੋ ਗਏ ਤੇ ਦੁਕਾਨ ਦੇ ਸ਼ਟਰ ਤਾਂ ਤਾਲਾ ਖੋਲ੍ਹ ਕੇ ਸ਼ਟਰ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਪਰ ਦੁਕਾਨ ਦੇ ਅੰਦਰੋਂ ਵੀ ਕਿਸੇ ਸ਼ਰਾਰਤੀ ਅਨਸਰ ਵਲੋਂ ਤਾਲੇ ਲਗਾਏ ਹੋਣ ਕਾਰਨ ਸ਼ਟਰ ਚੁੱਕਣ ਵਿਚ ਕਾਫ਼ੀ ਦੇਰੀ ਹੋ ਗਈ | ਅੱਗ ਇੰਨੀ ਭਿਆਨਕ ਸੀ ਕਿ ਕੁਝ ਹੀ ਸਮੇਂ ਵਿਚ ਸਾਰਾ ਸੈਨੇਟਰੀ ਤੇ ਦੁਕਾਨ ਦਾ ਫ਼ਰਨੀਚਰ ਸਵਾਹ ਹੋ ਗਿਆ | ਫਾਇਰ ਬਿ੍ਗੇਡ ਦੀਆਂ ਤਿੰਨ ਗੱਡੀਆਂ ਨੂੰ ਅੱਗ 'ਤੇ ਕਾਬੂ ਕਰਨ ਲਈ ਕਾਫ਼ੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ | ਦੁਕਾਨ ਦੀ ਬੇਸਮੈਂਟ ਸਮੇਤ ਤਿੰਨ ਹਿੱਸਿਆਂ 'ਚ ਸਾਮਾਨ ਜੋ ਸਾਰਾ ਹੀ ਸੜ ਕੇ ਸਵਾਹ ਹੋ ਗਿਆ |

ADD------ਚੌਥਾ ਮਹਾਨ .ਕੀਰਤਨ ਸੰਤ ਸੰਗ ਸਮਾਗਮ

www.sabblok.blogspot.com
ਪੰਥ ਦੇ ਮਹਾਨ ਵਿਦਵਾਨ ਭਾਈ ਗੁਰਦਾਸ ਜੀ ਦੀ ਯਾਦ ਵਿਚ ਮੀਰੀ ਪੀਰੀ ਨੌਜਵਾਨ ਸੁਖਮਨੀ ਸਿਮਰਨ ਸੇਵਾ ਸੁਸਾਇਟੀ ਵਲੋ..ਚੌਥਾ ਮਹਾਨ .ਕੀਰਤਨ ਸੱਤ ਸੰਗ ਸਮਾਗਮ ਮਿਤੀ 2 ਜੂਨ 2013 ਐਤ ਵਾਰ ਸ਼ਾਮ ਨੰੂ ਗੁਰਦੁਆਰਾ ਗੁਰੂ ਨਾਨਕ ਦੇਵ ਜੀ ਵਿਖੇ ਹੇਠ ਲਿਖੇ ਪ੍ਰੋਗਰਾਮ ਅਨੁਸਾਰ ਮਨਾਇਆ ਜਾ ਰਿਹਾ ਹੈ ਆਪ ਜੀਆ ਪਾਸ ਬੇਨਤੀ ਹੈ ਪ੍ਰਵਾਰ ਸਹਿਤ ਹਾਜ਼ਰੀ ਭਾਰ ਕੇ ਇਲਾਹੀ ਬਾਣੀ ਦਾ ਰੱਸ ਮਾਣੋ ਜੀ
। ਪ੍ਰੋਗਰਾਮ
ਸ਼ੁਕਰ ਵਾਰ 31 ਮਈ 2013 ਅਰੰਭ ਿਸ਼੍ਰੀ ਅਖੰਡ ਸਾਹਿਬ 8-00 ਵਜੇ ਰਾਤ
ਐਤ ਵਾਰ 2 ਜੂਨ 2013
6.30ਤੋ7.30ਪਾਠ ਰਹਿਰਾਸ ਸਾਹਿਬ

7.30ਤੋ7.50ਕੀਰਤਨ ਇੰਦਰਜੀਤ ਸਿੰਘ
7.50ਤੋ8.05 ਸਮਾਪਤੀ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੀ ਹਰਿੰਦਰ ਸਿੰਘ ਨੰਗਪਾਲ. 8.05ਤੋ 8.30ਕੀਰਤਨ ਮਹਿੰਦਰ ਸਿੰਘ
8.30ਤੋ9.00 ਕੀਰਤਨ ਵਡਹੰਸ ਸਿੰਘ
9.00ਤੋ10.0 ਕੀਰਤਨ ਅਮਰਜੀਤ ਸਿੰਘ ਪਟਿਆਲਾ
10.00ਤੋ11.00ਗੁਰਬਾਣੀ ਵੀਚਾਰ ਵੀਰ ਭੁਪਿੰਦਰ ਸਿੰਘ u s a ਵਾਲੇ
1100 ਤੋ11.15 ਕੀਰਤਨ mpnssss
11.15 ਤੋ12.15ਕੀਰਤਨ ਮਨਪ੍ਰੀਤ ਸਿੰ ਕਾਨਪੁਰੀ
ਉਪਰੰਤ ਅਰਦਾਸ ਅਤੇ ਸਮਾਪਤੀ
ਗੁਰੂ ਕਾ ਲੰਗਰ ਅਤੁਟ ਵਰਤੇਗਾ .....
ਸਹਿਯੋਗੀ-ਪ੍ਰਬੰਦਕ ਕਮੇਟੀ ਗੁਰਦੁਆਰਾ ਸ੍ਰੀ ਗੁਰੂ ਨਾਨਕ ਦੇਵ ਜੀ ਮਨੋਹਰ ਨਗਰ ਅਉਟਰ ਰਿੰਗ ਰੋਡ ਵਿਕਾਸ ਪੁਰੀ ਨਵੀ ਿਦਲੀ 110018
011 25990372 9871737511

ਸਿਖਾਂ ਨੂੰ ਬਦਨਾਮ ਕਰਨ ਅਤੇ ਸਿਖਾਂ ਦੇ ਵਿਰੁਧ ਫੇਸ੍ਬੂਕ ਤੇ ਹੋ ਰਿਹਾ "ਨਫਰਤ" ਦਾ ਕੂੜ ਪ੍ਰਚਾਰ

www.sabblok.blogspot.com
ਇਕ ਦਿਨ ਬਾਅਦ 1ਜੂਨ ਹੈ ਤੇ 29 ਸਾਲ ਹੋ ਗਏ ਹਨ ਹਰ ਸਾਲ ਇਸ ਮਹੀਨੇ ਦੇ ਚੜਦੇ ਸਾਰ ਹੀ ਹਰ ਨਾਨਕ ਨਾਮ ਲੇਵਾ ਦਾ ਮੰਨ ਦੁਖ ਨਾਲ ਪਸੀਜ ਉਠਦਾ ਹੈ ,ਜਿਵੇ ਕੋਈ ਪੁਰਾਣਾ ਜਖਮ ਕਿਸੇ ਖੁਰੇਦ ਦਿੱਤਾ ਹੋਵੇ.. ਇਸਤੋ ਵੀ ਕੀਤੇ ਜਿਆਦਾ ... 84 ਵੇਲੇ ਮੈਂ ਛੋਟਾ ਸੀ ਤੇ ਮੇਨੂ ਪਤਾ ਵੀ ਨਹੀਂ ਸੀ ਉਸ ਵੇਲੇ ਕੇ ਕੀ ਹੋ ਰਿਹਾ ਹੈ ... ਮੈ ਦੁਬਈ ਵਿਚ ਸੀ ..ਨਾ ਹੀ ਮੇਰੇ ਕਿਸੇ ਪਾਰਿਵਾਰਿਕ ਨਾ ਹੀ ਕਿਸੇ ਦੂਰ ਦੇ ਰਿਸ਼ਤੇਦਾਰ ਨੇ ਉਸ ਦਰਦ ਨੂੰ ਹੰਡਾਇਆ ... ਪਰ ਫੇਰ ਵੀ ਹਰ ਸਾਲ ਇਸ ਮਹੀਨੇ ਦੇ ਚੜਦੇ ਸਾਰ ਹੀ ਮੰਨ ਵਿਚ ਚੀਜ਼ ਪੈਣ ਲੱਗ ਜਾਂਦੀ ਹੈ ..
ਪਰ ਫੇਰ ਸੋਚਦਾ ਕੇ ਇਹ ਸਬ ਹੋਇਆ ਕਿਓਂ ... ਕੀ ਕਾਰਨ ਸੀ.. ਕਿਸਦੇ ਕਰਕੇ ਹੋਇਆ .. ਤੇ ਜਿੰਨਾ ਕੁਛ ਇਤਿਹਾਸ ਬਾਰੇ ਜਾਣਕਾਰੀ ਮਿਲ ਸਕੀ ਉਸ ਤੋ ਮੇਹਸੂਸ ਹੋਇਆ ਕੇ ਇਹ ਸੱਬ ਨਫਰਤ ਦੇ ਕਾਰਨ ਹੋਇਆ ...
ਸਿਖ ਹਮੇਸ਼ਾ ਹੀ ਸ਼ਾਂਤ ਸੁਬਹ ਤੇ ਪਰਮਾਤਮਾ ਨੂੰ ਮੰਨਣ ਵਾਲੇ ਰਹੇ ਨੇ.. ਹਥਿਆਰ ਸਿਰਫ ਉਸ ਵੇਲੇ ਹੀ ਚੁੱਕੇ ਗਏ ਜੱਦ ਜੁਲਮ ਦੀ ਹੱਦ ਮੁੱਕ ਗੇਈ... 1947 ਤੋ ਬਾਅਦ ਪੰਜਾਬ ਨੂੰ ਇਸਦਾ ਬਣਦਾ ਹੱਕ ਨਾ ਮਿਲਿਆ ਤਾਂ ਸਾਰੇ ਪੰਜਾਬੀ ਇਸਦੇ ਵਿਰੁਧ ਖੜੇ ਹੋਏ .. ਇਹ ਇਕ ਆਮ ਜੇਹੀ ਗੱਲ ਸੀ ਕੇ ਪੰਜਾਬ ਵਿਚ ਜਿਆਦਾ ਗਿਣਤੀ ਸਿਖਾਂ ਦੀ ਸੀ ਤੇ ਇਸ ਲੇਇ ਜਿਆਦਾ ਸਿਖ ਹੀ ਇਸ ਕਾਣੇ ਵੰਡੇ ਦੇ ਵਿਰੁਧ ਖੜੇ ਹੋਏ ... ਉਸ ਵੇਲੇ ਬੋਹਤ ਹਿੰਦੂ ਵੀਰ ਵੀ ਸਨ ਨਾਲ.. ਪਰ ਸਰਕਾਰ ਨੂੰ ਇਹ ਮਨਜੂਰ ਨਾ ਹੋਇਆ ਤੇ ਸਿਖਾ ਨਾਲ "ਨਫਰਤ" ਵਸ਼ ਸਰਕਾਰ ਨੇ ਏਹੋ ਜੇਹੇ ਕਾਰੇ ਕਰਨੇ ਸ਼ੁਰੂ ਕਰ ਦਿਤੇ ਅਫਵਾਹਾ ਉਦਾਨਿਆ ਸ਼ੁਰੂ ਕਰ ਦਿਤੀਆ ਕੇ ਹਿੰਦੂ ਸਿਖ ਆਪਸ ਵਿਚ ਵੱਟ ਜਾਂ ਤੇ ਪੰਜਾਬ ਦੇ ਹੱਕਾ ਦਾ ਮਸਲਾ ਧਾਰਮਿਕ ਮਸਲਾ ਬਣਕੇ ਰਹ ਜਾਵੇ... ਤੇ ਅਫਸੋਸ ਹੋਇਆ ਵੀ ਇਸਸੇ ਤਰਾਂ... 1950-60 ਦੀ ਮਰਦਮ ਸ਼ੁਮਾਰੀ ਵਿਚ ਵਿਚ ਬੋਹੁਤ ਸਾਰੇ ਹਿੰਦੂ ਪੰਜਾਬੀਆ ਨੇ ਆਪਣੇ ਭਾਸ਼ਾ ਹਿੰਦੀ ਲਿਖਾਈ ... ਜਿਸਦੇ ਕਾਰਨ ਪੰਜਾਬ ਦਾ ਬੋਹ੍ਤਾ ਇਲਾਕਾ ਹਰਿਆਣਾ ਤੇ ਹਿਮਾਚਲ ਵਿਚ ਚਲਾ ਗਿਆ...

ਗੱਲ ਇਥੇ ਹੀ ਮੁੱਕੀ ਨਹੀਂ ਸਿਖਾ ਨਾਲ "ਨਫਰਤ" ਕੀਤੀ ਜਾਂ ਲੱਗੀ... ਸਿਖਾਂ ਨੂੰ ਜਰਾਇਮ ਪੇਸ਼ਾ ਕੋਯਮ ਕਿਹਾ ਜਾਂ ਲੱਗਾ ... ਸਿਖਾਂ ਨੇ ਸਰਕਾਰ ਵਲੋਂ ਲਗਾਈ ਏਮੇਰ੍ਜੇਨ੍ਸੀ ਦਾ ਵਿਰੋਧ ਕੀਤਾ ਤੇ ਫੇਰ ਸਰਕਾਰ ਦੇ ਮੰਨ ਵਿਚ ਸਿਖਾਂ ਲੇਇ ਹੋਰ "ਨਫਰਤ" ਵਧ ਗੇਈ .. ਤੇ ਸਰਕਾਰ ਸਿਖਾਂ ਨੂ ਸਬਕ ਸਿਖਾਉਣ ਬਾਰੇ ਸੋਚਣ ਲੱਗੀ ਜਿਸਦੇ ਫਲਸਰੂਪ ਸਰਕਾਰੀ ਏਜੇਂਸੀਆ ਵਲੋਂ ਸਿਖ ਇਤਿਹਾਸ ਤੇ ਗੁਰੂ ਸਾਹਿਬਾਨਾ ਵਿਰੁਧ ਕੂੜ ਪ੍ਰਚਾਰ ਕੀਤਾ ਗਿਆ ਲੋਕਾਂ ਨੂੰ ਸਿਖਾਂ ਦੇ ਖਿਲਾਫ਼ ਭੜਕਾਇਆ ਗਿਆ ਤਾਂ ਜੋ ਲੋਕਾਂ ਵਿਚ ਸਿਖਾ ਪ੍ਰਤੀ "ਨਫਰਤ" ਵਧੇ .. ਤਾਂ ਜੋ ਸਰਕਾਰ ਆਪਣੀ ਕੋਝੀ ਚਾਲ ਸੋਖਿਆ ਚਲ ਸਕੇ//// ਤੇ ਫੇਰ 84 ਆਯੀ ਤੇ ਇਸਨੇ ਪੂਰੀ ਦੁਨਿਆ ਨੂੰ ਹਿਲਾ ਕੇ ਰਖ ਦਿੱਤਾ ..
ਅਫਸੋਸ ਹੈ ਕੇ "ਨਫਰਤ " ਦਾ ਇਹ ਖੇਡ ਹਜੇ ਵੀ ਅੱਜ ਤੱਕ ਵੀ ਖੇਡਿਆ ਜਾ ਰਿਹਾ ਹੈ .. ਹੁਣ ਇਸ ਖੇਡ ਦੇ ਅਸੂਲ ਬਦਲ ਗਏ ਹਨ... ਅੱਜਕਲ ਇਹ "ਨਫਰਤ" ਦਾ ਖੇਡ ਫੇਸਬੁਕ ਉੱਤੇ ਖੇਡਿਆ ਜਾ ਰਿਹਾ ਹੈ ਤੇ ਬੜੇ ਹੋ ਕੋਝੇ ਤਰੀਕੇ ਨਾਲ ਹੋ ਰਿਹਾ ਹੈ ... ਅੱਜ ਤੁਹਾਨੂ ਬੋਹੁਤ ਸਾਰੀਆ ਏਹੋ ਜੇਹੇ ਪੇਜ ਤੇ ਗਰੁਪ ਮਿਲ ਜਾਣਗੇ ਫੇਸ੍ਬੂਕ ਤੇ ਜੋ ਪੂਰੇ ਜੋਰ ਨਾਲ ਸਿਖਾ ਦੇ ਵਿਰੁਧ ਨਫਰਤ ਫੈਲਾ ਰਹੇ ਹਨ... ਜਿਨ੍ਹਾ ਵਿਚੋ ਅੱਜ ਹੀ ਮੈਂ ਇਕ ਆਈ ਦੀ ਦੇਖੀ .. ਜਿਸਦਾ ਨਾਮ ਹੈ "ਸਿਖ ਮੁਕਾਓ ,ਹਿੰਦੂ ਬਚਾਓ" ਜਿਸਦਾ ਅਸਲ ਮਕਸਦ ਆਪ ਨੂੰ ਇਸਦੇ ਨਾਮ ਤੋਂ ਹੀ ਪਤਾ ਲਗ ਜਾਂਦਾ ਹੈ ... ਇਸਦੇ ਪਿਛੇ ਕੋਉਣ ਹੈ ? ਓਹ ਕੀ ਚਾਹੰਦਾ ਹੈ ? ਇਸਦਾ ਜਵਾਬ ਅਸੀਂ ਸਾਰੀਆ ਨੇ ਮਿਲਕੇ ਲਬਣਾ ਹੈ .. ਤੇ ਬਾਕੀ ਜੋ ਹੋਰ ਵੀ ਪੇਜ ਯਾ ਗਰੂਪ ਹਨ ਜੋ ਨਫਰਤ ਫੈਲਾ ਰਹੇ ਹਨ ਸਾਨੂ ਉਨ੍ਹਾ ਤੋ ਸੁਚੇਤ ਰਿਹਣ ਦੀ ਲੋੜ ਹੈ.. ਤੇ ਆਪਣੇ ਆਪ ਨੂੰ ਸ਼ਾਂਤ ਚਿਤ ਰਹ ਕੇ ਇਨ੍ਹਾ ਨੂ ਰੋਕਣਾ ਹੈ ... ਤਾਂ ਜੋ ਆਣ ਵਾਲੇ ਸਮੇ ਵਿਚ ਕੋਈ ਵੀ ਏਹੋ ਜਿਹਾ ਨਾ ਹੋ ਸਕੇ ਜੋ ਅਸੀਂ ਪਿਛੇ ਹੰਡਾ ਚੁੱਕੇ ਹਾਂ.. ਅੱਜ ਲੋੜ ਹੈ ਗੁਰੂ ਦੀ ਮੱਤ ਲੈ ਕੇ ਨਫਰਤ ਦੇ ਬੀਜ ਬੀਜਣ ਵਾਲਿਆ ਦੀ ਪੇਹ੍ਚਾਨ ਕਰਨ ਦੀ ..  
ਮੇਨੂ ਕਿਸੇ ਨਾਲ ਨਫਰਤ ਨਹੀਂ ਕਰਨੀ ਚਾਹੀਦੀ ,, ਓਹ ਗਲ ਅਲਗ ਹੈ ਕੇ ਕੋਈ ਮੇਨੂ ਪਸੰਦ ਨਹੀਂ .. ਪਰ ਮੇਨੂ ਉਸ ਨਾਲ ਨਫਰਤ ਨਹੀਂ ਕਰਨੀ ਚਾਹੀਦੀ

ਕਸਬਾ ਬੀਜਾ ਦਾ ਨੌਜਵਾਨ ਕੈਨੇਡਾ ਵਿਚ ਭੇਦਭਰੀ ਹਾਲਤ 'ਚ ਗੁੰਮ

www.sabblok.blogspot.com

30ਮਈ-- ਕਸਬਾ ਬੀਜਾ ਦੇ 36 ਸਾਲਾ ਨੌਜਵਾਨ ਦੇ ਕੈਨੇਡਾ 'ਚ ਭੇਦ ਭਰੀ ਹਾਲਤ 'ਚ ਗੁੰਮ ਹੋ ਜਾਣ ਦੀ ਖਬਰ ਮਿਲੀ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਸਬਾ ਬੀਜਾ ਦਾ ਨੌਜਵਾਨ ਗੁਰਪ੍ਰੀਤ ਸਿੰਘ ਪੁੱਤਰ ਗੁਰਦਿਆਲ ਸਿੰਘ ਪਿਛਲੇ 12 ਸਾਲ ਤੋਂ ਕੈਨੇਡਾ ਦੇ ਸ਼ਹਿਰ ਬੀ. ਸੀ. ਸਰੀ ਵਿਖੇ ਰਹਿ ਰਿਹਾ ਸੀ ਤੇ ਸਾਲ ਦੋ ਸਾਲ ਬਾਅਦ ਆਪਣੀ ਪਤਨੀ ਅਤੇ ਲੜਕੇ ਸਮੇਤ ਬੀਜਾ ਆਉਂਦਾ ਰਹਿੰਦਾ ਸੀ | ਹੁਣ ਵੀ ਢਾਈ ਮਹੀਨੇ ਪਹਿਲਾਂ ਦੋ ਮਹੀਨੇ ਦੀ ਛੁੱਟੀ ਕੱਟ ਕੇ ਵਾਪਸ ਕੈਨੇਡਾ ਗਿਆ ਸੀ | ਅੱਜ ਆਪਣੇ ਗ੍ਰਹਿ ਕਸਬਾ ਬੀਜਾ ਵਿਖੇ ਗੁਰਪ੍ਰੀਤ ਸਿੰਘ ਦੇ ਪਿਤਾ ਗੁਰਦਿਆਲ ਸਿੰਘ, ਭਰਾ ਕੁਲਵੰਤ ਸਿੰਘ ਅਤੇ ਨਜ਼ਦੀਕੀ ਰਿਸ਼ਤੇਦਾਰ ਸੁਖਵੰਤ ਸਿੰਘ ਨੇ ਦੱਸਿਆ ਕਿ ਗੁਰਪ੍ਰੀਤ ਸਿੰਘ ਦੀ ਪਤਨੀ ਰਵਿੰਦਰਜੀਤ ਕੌਰ ਨੇ ਕੈਨੇਡਾ ਤੋਂ ਫੋਨ 'ਤੇ ਦੱਸਿਆ ਕਿ ਗੁਰਪ੍ਰੀਤ ਸਿੰਘ 18 ਮਈ ਨੂੰ ਅਚਾਨਕ ਟੈਕਸੀ ਕਰਕੇ ਸਮੁੰਦਰ ਬਰਿਜ ਜੋ ਵੈਨਕੂਵਰ ਅਤੇ ਸਰੀਂ ਪੁਲ ਨੂੰ ਜੋੜਦਾ ਹੈ 'ਤੇ ਚਲਾ ਗਿਆ ਤੇ ਟੈਕਸੀ ਵਾਲਾ ਉਸਨੂੰ ਉਥੇ ਛੱਡ ਕੇ ਵਾਪਿਸ ਆ ਗਿਆ | ਉਸਦੇ ਘਰ ਜਾਣ ਤੋਂ ਇਕ ਘੰਟੇ ਬਾਅਦ ਉਸਦਾ ਮੋਬਾਈਲ ਫੋਨ ਬੰਦ ਆਉਣ ਲੱਗ ਪਿਆ | ਕੈਨੇਡਾ ਪੁਲਿਸ ਨੇ ਟੈਕਸੀ ਡਰਾਇਵਰ ਤੋਂ ਪੁੱਛਗਿੱਛ ਕੀਤੀ ਹੈ ਅਤੇ ਉਸਨੇ ਪੁਲਿਸ ਨੂੰ ਦੱਸਿਆ ਕਿ ਗੁਰਪ੍ਰੀਤ ਸਿੰਘ ਨੇ ਸਮੁੰਦਰ 'ਚ ਛਾਲ ਮਾਰ ਦਿੱਤੀ ਹੈ, ਪ੍ਰੰਤੂ ਕੈਨੇਡਾ ਪੁਲਿਸ ਨੇ ਅਜੇ ਤੱਕ ਛਾਲ ਮਾਰਨ ਦੀ ਪੁਸ਼ਟੀ ਨਹੀਂ ਕੀਤੀ |

ਕਾਲ ਗਰਲ ਨਾਲ ਰੰਗਰਲੀਆਂ ਮਨਾਉਂਦੇ ਫੜੇ ਗਏ ਸੰਤ ,

www.sabblok.blogspot.com

ਅਹਿਮਦਾਬਾਦ:¸ ਗੁਜਰਾਤ ਦੇ ਗਾਂਧੀ ਨਗਰ ਨੇੜੇ ਕਲੋਲ ਤਹਿਸੀਲ ਦੇ ਸਈਜ ਪਿੰਡ ਦੇ ਸਵਾਮੀ ਨਾਰਾਇਣ ਵਿਸ਼ਵ ਮੰਗਲ ਗੁਰੂਕੁਲ ਦੇ ਸਵਾਮੀ ਨੀਲਕੰਠ ਦੀ ਕਾਲ ਗਰਲ ਨਾਲ ਅਸ਼ਲੀਲ ਕਲਿਪਿੰਗ ਸਾਹਮਣੇ ਆਈ ਹੈ। ਸਵਾਮੀ ਨੀਲਕੰਠ 'ਤੇ ਦੋਸ਼ ਹੈ ਕਿ ਉਹ ਆਸ਼ਰਮ ਵਿਚ ਹਰ ਹਫਤੇ ਨਵੀਂ ਕਾਲ ਗਰਲ ਨੂੰ ਬੁਲਾਇਆ ਕਰਦੇ ਸਨ ਅਤੇ ਦਲਾਲ ਨੂੰ 10 ਹਜ਼ਾਰ ਰੁਪਏ ਦਿੰਦੇ ਸਨ। ਦਸਿਆ ਜਾਂਦਾ ਹੈ ਕਿ ਉਕਤ ਅਸ਼ਲੀਲ ਕਲਿਪਿੰਗ ਗੁਰੂਕੁਲ ਦੇ ਕਲਾਸ ਰੂਮ ਵਿਚ ਬਣਾਈ ਗਈ ਹੈ। ਬੀਤੇ ਮਹੀਨੇ 3 ਨੌਜਵਾਨਾਂ ਨੇ ਲੜਕੀ ਸਪਲਾਈ ਕਰਨ ਵਾਲੀ ਇਕ ਦਲਾਲ ਨਾਲ ਗੰਢਤੁੱਪ ਕਰ ਕੇ ਸਵਾਮੀ ਨੀਲਕੰਠ ਦੀ ਅਸ਼ਲੀਲ ਸੀ. ਡੀ. ਤਿਆਰ ਕਰ ਲਈ ਅਤੇ ਆਸ਼ਰਮ ਦੇ ਮੁਖ ਸਵਾਮੀ ਨੂੰ ਇਹ ਕਲਿਪਿੰਗ ਦਿਖਾ ਕੇ ਇਹ ਨੌਜਵਾਨ ਉਨ੍ਹਾਂ ਨੂੰ ਬਲੈਕਮੇਲ ਕਰ ਕੇ 50 ਲੱਖ ਰੁਪਏ ਹਥਿਆਉਣਾ ਚਾਹੁੰਦੇ ਸਨ। ਪੁਲਸ ਨੇ ਇਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ ਜੋ ਰਿਮਾਂਡ 'ਤੇ ਹਨ। ਪੁਲਸ ਅਨੁਸਾਰ ਅਸ਼ਲੀਲ ਸੀ. ਡੀ. ਫੋਰੈਂਸਿਕ ਲੈਬ 'ਚ ਭੇਜੀ ਗਈ ਹੈ ਅਤੇ ਇਸ ਦੀ ਸੱਚਾਈ ਸਾਹਮਣੇ ਆਉਣ ਤੋਂ ਬਾਅਦ ਸਵਾਮੀ ਖਿਲਾਫ ਮਾਮਲਾ ਦਰਜ ਕੀਤਾ ਜਾਵੇਗਾ।  

ਵਿਧਾਇਕ ਨੇ ਰੱਖਿਆਂ ਸੜਕ ਦਾ ਨੀਂਹ ਪੱਥਰ

www.sabblok.blogspot.com 

ਮਾਨਸਾ ( ਸਫਲਸੋਚ )ਲੋਕ ਸਭਾ ਮੈਂਬਰ ਬੀਬਾ ਹਰਸਿਮਰਤ ਕੌਰ ਬਾਦਲ ਦੀ ਦੇਖਰੇਖ ਹੇਠ ਮਾਨਸਾ ਜ਼ਿਲ੍ਹੇ ਵਿੱਚ ਹੋਏ ਬੇਮਿਸਾਲ ਵਿਕਾਸ ਕਾਰਜਾਂ ਦੇ ਚੱਲਦਿਆਂ ਮਾਨਸਾ ਜ਼ਿਲ੍ਹਾ ਜਿੱਥੇ ਵਿਕਾਸ ਦੀਆਂ ਬੁਲੰਦੀਆਂ ਵੱਲ ਲਗਾਤਾਰ ਵੱਧ ਰਿਹਾ ਹੈ ਉੱਥੇ ਵਿਕਾਸ ਕਾਰਜਾਂ ਦੀ ਇਸੇ ਲੜੀ ਨੁੰ ਅੱਗੇ ਤੋਰਦਿਆ ਹਲਕਾ ਮਾਨਸਾ ਤੋਂ ਵਿਧਾਇਕ ਪ੍ਰੇਮ ਮਿੱਤਲ ਨੇ ਸੜਕ ਵਾਰਡ ਨੰਬਰ 13 ਵਿੱਚ ਲੜਕੀਆਂ ਦੇ ਸਰਕਾਰੀ ਸਕੂਲ ਦੇ ਅੱਗੋਂ ਨਿਕਲਣ ਵਾਲੀ ਡਾਕਖਾਨੇ ਤੋਂ ਡਾਕਟਰ ਸੁਨੀਤ ਜਿੰਦਲ ਵਾਲੀ ਸੜਕ (ਜਿਸਦੀ ਲੰਬਾਈ 1000 ਫੁੱਟ ਦੇ ਕਰੀਬ ਹੈ ਤੇ ਕਰੀਬ 18 ਲੱਖ 73 ਹਜਾਰ ਰੂਪੈ ਖਰਚ ਹੋਣਗੇ) ਦਾ ਨੀਂਹ ਪੱਥਰ ਰੱਖਿਆ। ਇਸ ਮੌਕੇ ਹਾਜਰ ਹੋਏ ਵਾਰਡ ਵਾਸੀਆਂ ਅਤੇ ਆਮ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਵਿਧਾਇਕ ਪ੍ਰੇਮ ਮਿੱਤਲ ਨੇ ਕਿਹਾ ਕਿ ਬੀਬਾ ਹਰਸਿਮਰਤ ਕੌਰ ਬਾਦਲ ਵੱਲੋਂ ਇਸ ਹਲਕੇ ਦੇ ਵਿਕਾਸ ਲਈ ਦਿਖਾਈ ਜਾ ਰਹੀ ਦਿਲਚਸਪੀ ਕਾਰਣ ਕੋਈ ਵੀ ਵਿਕਾਸ ਕੰਮ ਬਾਕੀ ਨਹੀਂ ਰਹੇਗਾ।ਉਹਨਾਂ ਕਿਹਾ ਕਿ ਆਉਣ ਵਾਲੇ ਕੁੱਝ ਹੀ ਦਿਨਾਂ ਵਿੱਚ ਸ਼ਹਿਰ ਦੇ ਵਾਰਡ ਨੰਬਰ ਇੱਕ, ਵਾਰਡ ਨੰਬਰ 16,ਵਾਰਡ ਨੰਬਰ 5,ਵਾਰਡ ਨੰਬਰ 12 ਅਤੇ ਠੂਠਿਆਂ ਵਾਲੀ ਰੋੜ ਤੇ ਸੜਕਾਂ ਦੇ ਨਿਰਮਾਣ ਲਈ ਕੰਮ ਸ਼ੁਰੂ ਕੀਤੇ ਜਾਣਗੇ।ਉਹਨਾਂ ਕਿਹਾ ਕਿ ਸਰਕਾਰ ਨੇ ਕੁੱਝ ਦਿਨ ਪਹਿਲਾਂ ਮਾਨਸਾ ਅਤੇ ਭੀਖੀ ਮਾਰਕਿਟ ਕਮੇਟੀ ਅਧੀਨ ਆਉਂਦੀਆਂ 125 ਕਿਲੋਮੀਟਰ ਦੇ ਕਰੀਬ ਸੜਕਾਂ ਦੇ ਨਵੀਨੀਕਰਣ ਲਈ ਗ੍ਰਾਂਟਾਂ ਜਾਰੀ ਕੀਤੀਆਂ ਹਨ। ਇਸ ਮੌਕੇ ਉਹਨਾਂ ਦੇ ਨਾਲ ਨਗਰ ਕੌਂਸਲ ਮਾਨਸਾ ਦੇ ਪ੍ਰਧਾਨ ਆਤਮਜੀਤ ਸਿੰਘ ਕਾਲਾ,ਯੂਥ ਅਕਾਲੀ ਆਗੂ ਨਰੇਸ਼ ਮਿੱਤਲ, ਐਮ.ਸੀ.ਤਰਸੇਮ ਫੱਤਾ, ਐਮ.ਸੀ.ਸੀਤਾ ਰਾਮ ਚੂੰਨੀਆਂ, ਐਮ.ਸੀ.ਭਗਵਾਨ ਕਾਲਾ,ਡਾਕਟਰ ਲਖਵਿੰਦਰ ਸਿੰਘ ਮੂਸਾ, ਪ੍ਰਿੰਸੀਪਲ ਪਦਮਿਨੀ ਅਤੇ ਸਮੂਹ ਸਟਾਫ, ਸੁਰਿੰਦਰ ਪਿੰਟਾ,ਸੱਜਣ ਕੁਮਾਰ ਮੰਗਲਾ, ਸੰਜੇ ਮਿੱਤਲ, ਡਾਕਟਰ ਪ੍ਰਸ਼ੋਤਮ ਗੋਇਲ, ਚੰਦਰ ਸ਼ੇਖਰ ਨੰਦੀ, ਵਿਜੈ ਪ੍ਰਕਾਸ਼, ਸੁਰਿੰਦਰ ਸਿੰਗਲਾ,ਗੁਰਵਿੰਦਰ ਬਾਹੀਆ, ਮਾਸਟਰ ਦਿਵਾਂਸ਼ੂ ਅੱਗਰਵਾਲ,ਵਿੱਕੀ ਸ਼ਰਮਾਂ ਅਤੇ ਬਲਰਾਜ ਸਿੰਗਲਾ ਲਾਹੌਰੀ ਤੋਂ ਇਲਾਵਾ ਪਾਰਟੀ ਵਰਕਾਰ ਹਾਜਰ ਸਨ।

ਭਗਤ ਸਿੰਘ ਨੂੰ ਲਾਹੌਰ ਰੇਲਵੇ ਸਟੇਸ਼ਨ ਤੋਂ ਬਾਹਰ ਨਿਕਲਦਿਆਂ ਗ੍ਰਿਫਤਾਰ ਕਰ ਲਿਆ ਗਿਆ

www.sabblok.blogspot.com
ਮਲਵਿੰਦਰ ਜੀਤ ਸਿੰਘ ਵੜੈਚ
29 ਮਈ 1927 ਨੂੰ ਸ਼ਾਮੀਂ ਭਗਤ ਸਿੰਘ ਨੂੰ ਲਾਹੌਰ ਰੇਲਵੇ ਸਟੇਸ਼ਨ ਤੋਂ ਬਾਹਰ ਨਿਕਲਦਿਆਂ ਗ੍ਰਿਫਤਾਰ ਕਰ ਲਿਆ ਗਿਆ ਸੀ। ਇਸ ਗ੍ਰਿਫਤਾਰੀ ਬਾਰੇ ਆਪਣੀ ਲਿਖਤ ‘ਮੈਂ ਨਾਸਤਕ ਕਿਉਂ ਹਾਂ?’ ਵਿੱਚ ਭਗਤ ਸਿੰਘ ਲਿਖਦਾ ਹੈ: ‘‘ਮਈ, 1927 ਵਿੱਚ ਮੈਨੂੰ ਲਾਹੌਰ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ। ਮੇਰੇ ਲਈ ਇਹ ਗ੍ਰਿਫਤਾਰੀ ਇੱਕ ਹੈਰਾਨੀ ਵਾਲੀ ਘਟਨਾ ਸੀ। ਮੈਨੂੰ ਨਹੀਂ ਸੀ ਪਤਾ ਕਿ ਪੁਲੀਸ ਮੈਨੂੰ ਫੜਨਾ ਚਾਹੁੰਦੀ ਸੀ। ਅਚਾਨਕ ਹੀ ਇੱਕ ਬਾਗ ਵਿੱਚੋਂ ਲੰਘਦਿਆਂ ਮੈਨੂੰ ਸਿਪਾਹੀਆਂ ਨੇ ਘੇਰ ਲਿਆ। ਮੈਂ ਸ਼ਾਂਤ ਸਾਂ ਅਤੇ ਆਪਣੇ ਧੀਰਜ ਤੇ ਮੈਨੂੰ ਆਪ ਨੂੰ ਹੈਰਾਨੀ ਹੋਈ, ਨਾ ਮੈਨੂੰ ਕੋਈ ਚਿੰਤਾ ਸੀ ਨਾ ਹੀ ਘਬਰਾਹਟ। ਪੁਲੀਸ ਨੇ ਮੈਨੂੰ ਹਿਰਾਸਤ ਵਿੱਚ ਲੈ ਲਿਆ ਅਤੇ ਅਗਲੇ ਦਿਨ ਮੈਨੂੰ ਰੇਲਵੇ ਪੁਲੀਸ ਦੀ ਹਵਾਲਾਤ ਵਿੱਚ ਬੰਦ ਕਰ ਦਿੱਤਾ ਗਿਆ, ਜਿਥੇ ਮੈਂ ਪੂਰਾ ਇੱਕ ਮਹੀਨਾ ਗੁਜ਼ਾਰਿਆ। ਪੁਲੀਸ ਅਫਸਰਾਂ ਵੱਲੋਂ ਕਈ ਵਾਰ ਪੁਛਤਾਛ ਕਰਨ ਤੋਂ ਮੈਂ ਅਨੁਮਾਨ ਲਾਇਆ ਕਿ ਉਨ੍ਹਾਂ ਕੋਲ ਕਾਕੋਰੀ ਕਾਂਡ ਨਾਲ ਮੇਰੇ ਸਬੰਧਾਂ ਬਾਰੇ ਅਤੇ ਇਨਕਲਾਬੀ ਕਾਰਵਾਈਆਂ ਵਿੱਚ ਮੇਰੀ ਸ਼ਮੂਲੀਅਤ ਬਾਰੇ ਕੁਝ ਸੂਚਨਾ ਸੀ।
ਸੱਚਮੁਚ ਹੀ ਭਗਤ ਸਿੰਘ ਐਚ.ਆਰ.ਏ. ਦੀਆਂ ਹੋਰ ਕਾਰਵਾਈਆਂ ਤੋਂ ਇਲਾਵਾ, ਪਾਰਟੀ ਵੱਲੋਂ ਇਲਾਹਾਬਾਦ ਜ਼ਿਲ੍ਹੇ ਦੇ ਪਿੰਡ ਚਿਲੌਲੀ ’ਚ 1923-24 ਦੌਰਾਨ ਡਾਕੇ ਦੇ ਅਸਫ਼ਲ ਜਤਨ ਵਿੱਚ ਸ਼ਾਮਲ ਸੀ- (ਹਵਾਲਾ: ਸਰਕਾਰੀ ਗਵਾਹ ਨੰ. 456 ਛੱਤਰਪਾਲ ਸਿੰਘ ਦਾ ਬਿਆਨ) ਉਨ੍ਹਾਂ ਨੇ ਮੈਨੂੰ ਦੱਸਿਆ ਕਿ ਕਾਕੋਰੀ ਮੁਕੱਦਮੇ ਦੇ ਮੁਜਰਿਮਾਂ ਦੀ ਅਦਾਲਤੀ ਸੁਣਵਾਈ ਦੌਰਾਨ ਮੈਂ ਲਖਨਊ ਵਿੱਚ ਸਾਂ।
ਜੋਗੇਸ਼ ਚੈਟਰਜੀ ਅਨੁਸਾਰ ਉਸ ਨੇ ਵਾਕਈ ਇੱਕ ਦਿਨ ਭਗਤ ਸਿੰਘ ਨੂੰ ਸੈਸ਼ਨ ਅਦਾਲਤ ਅੰਦਰ ਪੂਰੀ ਠਾਠ ਨਾਲ, ਤਿੱਲੇਦਾਰ ਪਗੜੀ, ਜੋਧਪੁਰੀ ਬਿਰਜੱਸ ਪਹਿਨਿਆਂ ਸਾਰਾ ਦਿਨ ਅਦਾਲਤ ਦੀ ਕਾਰਵਾਈ ਸੁਣਦਿਆਂ ਵੇਖਿਆ ਸੀ ਅਤੇ ਉਨ੍ਹਾਂ ਕੈਦੀਆਂ ਦੀ ਰਿਹਾਈ ਲਈ ਮੈਂ ਇੱਕ ਵਿਉਂਤ ਬਣਾਈ ਸੀ।
ਬੇਸ਼ਕ ਪਾਰਟੀ ਦਾ ਕਾਨਪੁਰ ਕੇਂਦਰ ਬਿਸਮਿਲ ਨੂੰ ਜੇਲ੍ਹ ’ਚੋਂ ਛੁਡਾਉਣ ਲਈ ਤਿਆਰੀਆਂ ਵਿੱਚ ਜੁਟਿਆ ਹੋਇਆ ਸੀ ਤੇ ਇਸ ਮਕਸਦ ਲਈ ਭਗਤ ਸਿੰਘ ਅਤੇ ਸੁਖਦੇਵ ਨੂੰ ਉਚੇਚਾ ਕਾਨਪੁਰ ਬੁਲਾਇਆ ਵੀ ਗਿਆ ਸੀ ਅਤੇ ਉਨ੍ਹਾਂ ਇਨਕਲਾਬੀਆਂ ਦੀ ਸਹਿਮਤੀ ਨਾਲ ਅਸੀਂ ਕੁਝ ਬੰਬ ਪ੍ਰਾਪਤ ਕੀਤੇ ਸਨ। ਇਨ੍ਹਾਂ ਬੰਬਾਂ ਵਿੱਚੋਂ ਇੱਕ ਬੰਬ ਨੂੰ ਪਰਖਣ ਲਈ ਅਸੀਂ 1926 ’ਚ ਦੁਸਹਿਰੇ ਦੇ ਮੌਕੇ ਭੀੜ ’ਤੇ ਇੱਕ ਬੰਬ ਸੁੱਟਿਆ ਸੀ। ਉਨ੍ਹਾਂ ਨੇ ‘ਮੇਰੇ ਹਿਤ ਵਿੱਚ’ ਮੈਨੂੰ ਇਹ ਵੀ ਦੱਸਿਆ ਕਿ ਜੇ ਮੈਂ ਇਨਕਲਾਬੀ ਪਾਰਟੀ ਦੀਆਂ ਕਾਰਵਾਈਆਂ ਸਬੰਧੀ ਉਨ੍ਹਾਂ ਨੂੰ ਕੋਈ ਬਿਆਨ ਜਿਹਾ ਦੇ ਦਿਆਂ ਤਾਂ ਉਹ ਮੈਨੂੰ ਹਿਰਾਸਤ ਵਿੱਚ ਨਹੀਂ ਰੱਖਣਗੇ ਅਤੇ ਉਹ ਮੈਨੂੰ ਸਿਰਫ਼ ਬਰੀ ਹੀ ਨਹੀਂ ਕਰ ਦੇਣਗੇ, ਸਗੋਂ ਇਨਾਮ ਵੀ ਦੇਣਗੇ ਅਤੇ ਮੁਕੱਦਮੇ ਵਿੱਚ ਮੈਨੂੰ ਵਾਅਦਾ-ਮੁਆਫ਼ ਗਵਾਹ ਵਜੋਂ ਪੇਸ਼ ਵੀ ਨਹੀਂ ਕਰਨਗੇ। ਮੈਂ ਉਨ੍ਹਾਂ ਦੀ ਬੇਤੁਕੀ ਤਜਵੀਜ਼ ’ਤੇ ਹੱਸ ਪਿਆ। ਮੈਂ ਕਿਹਾ ਕਿ ਇਨਕਲਾਬੀ ਵਿਚਾਰਾਂ ਵਾਲੇ ਲੋਕ ਕਦੇ ਵੀ ਆਪਣੇ ਭੋਲੇ-ਭਾਲੇ ਲੋਕਾਂ ’ਤੇ ਬੰਬ ਨਹੀਂ ਸੁੱਟਦੇ।
‘‘ਅਚਾਨਕ ਇੱਕ ਸੁਹਾਵਣੀ ਸਵੇਰ ਨੂੰ ਸੀ.ਆਈ.ਡੀ. ਦਾ ਸੀਨੀਅਰ ਸੁਪਰਡੈਂਟ, ਮਿਸਟਰ ਨਿਊਮੈਨ ਮੇਰੇ ਕੋਲ ਆਇਆ ਅਤੇ ਮੇਰੇ ਨਾਲ ਹਮਦਰਦੀ ਭਰੀਆਂ ਗੱਲਾਂ ਕਰਨ ਪਿੱਛੋਂ ਕਹਿਣ ਲੱਗਾ ਕਿ ਜੇ ਮੈਂ ਉਸ ਦੀ ਇੱਛਾ ਅਨੁਸਾਰ ਉਨ੍ਹਾਂ ਨੂੰ ਕੋਈ ਬਿਆਨ ਨਹੀਂ ਦਿੰਦਾ ਤਾਂ ਉਹ ਮਜਬੂਰ ਹੋ ਕੇ ਮੇਰੇ ’ਤੇ ਦੁਸਹਿਰੇ ਦੇ ਅਵਸਰ ’ਤੇ ਬੰਬ ਸੁੱਟਣ ਦੀ ਸਾਜ਼ਿਸ਼ ਦਾ ਦੋਸ਼ ਲਾ ਕੇ ਮੁਕੱਦਮਾ ਚਲਾਉਣ ਲਈ ਮਜਬੂਰ ਹੋਣਗੇ। ਉਸ ਨੇ ਇਹ ਵੀ ਦੱਸਿਆ ਕਿ ਮੈਨੂੰ ਦੋਸ਼ੀ ਸਿੱਧ ਕਰਨ ਅਤੇ ਫਾਂਸੀ ਦੀ ਸਜ਼ਾ ਦਿਵਾਉਣ ਲਈ ਉਨ੍ਹਾਂ ਕੋਲ ਸਾਰੇ ਲੋੜੀਂਦੇ ਸਬੂਤ ਮੌਜੂਦ ਸਨ। ਉਸ ਵੇਲੇ ਆਪਣੇ ਨਿਰਦੋਸ਼ ਹੋਣ ਦੇ ਬਾਵਜੂਦ ਮੈਂ ਜਾਣਦਾ ਸਾਂ ਕਿ ਜੇ ਪੁਲੀਸ ਚਾਹੁੰਦੀ ਤਾਂ ਉਸ ਨੇ ਸਭ ਕੁਝ ‘ਸਾਬਤ’ ਕਰ ਵਿਖਾਉਣਾ ਸੀ। ਉਸੇ ਦਿਨ ਮਗਰੋਂ ਕਈ ਪੁਲੀਸ ਅਫਸਰ ਮੈਨੂੰ ਕਹਿਣ ਲੱਗ ਪਏ ਕਿ ਮੈਂ ਦਿਨ ਵਿੱਚ ਦੋ ਵਾਰ ਪਰਮਾਤਮਾ ਅੱਗੇ ਅਰਦਾਸ ਕਰਿਆ ਕਰਾਂ, ਪਰ ਮੈਂ ਤਾਂ ਨਾਸਤਕ ਸਾਂ। ਮੈਂ ਆਪਣੇ ਆਪ ਨਾਲ ਇਹ ਫੈਸਲਾ ਕਰਨਾ ਚਾਹੁੰਦਾ ਸਾਂ ਕਿ ਕੀ ਮੈਂ ਆਪਣੀ ਜ਼ਿੰਦਗੀ ਦੇ ਸੌਖੇ ਸਮਿਆਂ ਵਿੱਚ ਹੀ ਨਾਸਤਕ ਹੋਣ ਦੀਆਂ ਫੜ੍ਹਾਂ ਮਾਰਨੀਆਂ ਹਨ ਜਾਂ ਜ਼ਿੰਦਗੀ ਦੀਆਂ ਔਖੀਆਂ ਘੜੀਆਂ ਵਿੱਚ ਵੀ ਆਪਣੇ ਅਸੂਲਾਂ ਅਤੇ ਵਿਚਾਰਾਂ ’ਤੇ ਪਹਿਰਾ ਦੇਣਾ ਹੈ। ਲੰਮੀ ਸੋਚ-ਵਿਚਾਰ ਅਤੇ ਚਿੰਤਨ ਉਪਰੰਤ, ਮੈਂ ਇਸ ਨਤੀਜੇ ’ਤੇ ਪਹੁੰਚਿਆ ਕਿ ਮੈਂ ਕਿਸੇ ਰੱਬ ਅੱਗੇ ਅਰਦਾਸ ਨਹੀਂ ਕਰਨੀ!’’
ਗ਼ੌਰਤਲਬ ਹੈ ਕਿ ਆਪਣੀ ਰਿਹਾਈ ਤੋਂ ਕੁਝ ਕੁ ਚਿਰ ਪਿੱਛੋਂ ਉਹਦੇ ਵੱਲੋਂ ਅਮਰੀਕਾ ਰਹਿੰਦੇ ਦੋਸਤ ਅਮਰ ਚੰਦ ਨੂੰ ਲਿਖੇ ਖ਼ਤ ਵਿੱਚ ਦੋ ਵਾਰ ‘ਖ਼ੁਦਾ’ ਅਤੇ ਇੱਕ ਵਾਰ ‘ਰੱਬ’ ਦਾ ਹਵਾਲਾ ਦਿੱਤਾ ਗਿਆ ਹੈ!
ਭਗਤ ਸਿੰਘ ਨੂੰ ਲਾਹੌਰ ਵਿੱਚ 25 ਅਕਤੂਬਰ 1926 ਨੂੰ ਦੁਸਹਿਰੇ ਦੇ ਜਲੂਸ ’ਤੇ ਬੰਬ ਸੁੱਟਣ ਦੇ ਦੋਸ਼ ਵਿੱਚ ਤਫ਼ਤੀਸ਼ ਦੇ ਬਹਾਨੇ ਗ੍ਰਿਫਤਾਰ ਕੀਤਾ ਗਿਆ ਸੀ। ਇਸ ਵਹਿਸ਼ੀਆਨਾ ਘਟਨਾ ਵਿੱਚ ਨੌਂ ਵਿਅਕਤੀ ਮਾਰੇ ਗਏ ਅਤੇ 50 ਜ਼ਖਮੀ ਹੋਏ ਸਨ। (ਹਵਾਲਾ: ‘ਟ੍ਰਿਬਿਊਨ’, 27 ਅਕਤੂਬਰ 1926)। ਪੰਜਾਬ ਸਰਕਾਰ ਨੇ ਦੋਸ਼ੀਆਂ ਦੀ ਸੂਹ ਦੇਣ ਵਾਲੇ ਨੂੰ ਪੰਜ ਹਜ਼ਾਰ ਰੁਪਏ ਦਾ ਇਨਾਮ ਦੇਣ ਦਾ ਐਲਾਨ ਕੀਤਾ ਸੀ (‘ਟ੍ਰਿਬਿਊਨ’, ਮਿਤੀ 30 ਅਕਤੂਬਰ 1926)। ਕੋਈ ਵੀ ਸੂਝ-ਸਮਝ ਵਾਲਾ ਵਿਅਕਤੀ ਅਜਿਹੀ ਘਿਨਾਉਣੀ ਕਰਤੂਤ ਸਬੰਧੀ ਇਨ੍ਹਾਂ ਨੌਜਵਾਨਾਂ ’ਤੇ ਸ਼ੱਕ ਨਹੀਂ ਸੀ ਕਰ ਸਕਦਾ। ਹੋਰ ਤਾਂ ਹੋਰ ਘਟਨਾ ਅਤੇ ਇਸ ਗ੍ਰਿਫਤਾਰੀ ਵਿੱਚ ਸੱਤ ਮਹੀਨੇ ਦਾ ਵਕਫ਼ਾ ਸਪਸ਼ਟ ਕਰਦਾ ਸੀ ਕਿ ਇਹ ਗ੍ਰਿਫਤਾਰੀ ਕਿਸੇ ਵੀ ਤਰ੍ਹਾਂ ਉਸ ਨਾਲ ਸਬੰਧਤ ਨਹੀਂ ਸੀ।
ਇਹ ਨਿਰੋਲ ਸੰਜੋਗ ਹੀ ਸੀ ਕਿ ਦੋ ਸਾਲ ਬਾਅਦ ਲਾਹੌਰ ਵਿੱਚ 23 ਅਕਤੂਬਰ 1928 ਨੂੰ ਦੁਸਹਿਰੇ ’ਤੇ ਹੀ ਅਜਿਹਾ ਬੰਬ ਫਟਣ ਦਾ ਹਾਦਸਾ ਫਿਰ ਹੋਇਆ ਸੀ; ਇਸ ਬੰਬ-ਧਮਾਕੇ ਦੇ ਅਸਿੱਧੇ ਨਤੀਜੇ ਵਜੋਂ ਅਪਰੈਲ 1929 ਵਿੱਚ ਪੁਲੀਸ ਨੇ ਇਨਕਲਾਬੀਆਂ ਦੇ ਬੰਬ ਬਣਾਉਣ ਵਾਲੇ ਅੱਡੇ ਦਾ ਪਤਾ ਲਾ ਲਿਆ ਸੀ। ਸੰਨ 1928 ਵਿੱਚ ਦੁਸਹਿਰੇ ਦੇ ਮੌਕੇ ਹੋਏ ਬੰਬ ਧਮਾਕੇ ਦੀ ਤਫ਼ਤੀਸ਼ ਨਾਲ ਸਬੰਧਤ ਇੱਕ ਹੈੱਡ ਕਾਂਸਟੇਬਲ ਨੂਰ ਸ਼ਾਹ ਜਦੋਂ ਰੋਜ਼ ਵਾਂਗ ਇੱਕ ਲੁਹਾਰ ਦੀ ਦੁਕਾਨ ’ਤੇ ਗਪਸ਼ਪ ਮਾਰ ਰਿਹਾ ਸੀ ਤਾਂ ਉਸ ਨੇ ਵੇਖਿਆ ਕਿ ਉਹ ਲੁਹਾਰ ਕੁਝ ਖੋਲ ਤਿਆਰ ਕਰ ਰਿਹਾ ਸੀ। ਇਹ ਖੋਲ ਇਨਕਲਾਬੀਆਂ ਲਈ ਤਿਆਰ ਕੀਤੇ ਜਾ ਰਹੇ ਸਨ। ਕਾਂਸਟੇਬਲ ਨੂੰ ਸ਼ੱਕ ਹੋਇਆ ਅਤੇ ਇਸ ਸ਼ੱਕ ਦੇ ਆਧਾਰ ’ਤੇ ਹੀ ਇਨਕਲਾਬੀਆਂ ਦੇ ਛੁਪਣ ਵਾਲੀ ਕਸ਼ਮੀਰ ਬਿਲਡਿੰਗ ’ਤੇ 14 ਅਪਰੈਲ 1929 ਨੂੰ ਛਾਪਾ ਮਾਰਿਆ ਗਿਆ। ਇਹ ਹੈਡ ਕਾਂਸਟੇਬਲ ਸਰਕਾਰੀ ਧਿਰ ਦੇ ਗਵਾਹ ਨੰਬਰ 132 ਅਤੇ ਉਕਤ ਲੁਹਾਰ, ਜਲਾਲਦੀਨ ਗਵਾਹ ਨੰਬਰ 130 ਵਜੋਂ ਟ੍ਰਿਬਿਊਨਲ ਦੀ ਅਦਾਲਤ ਵਿੱਚ 18 ਜੁਲਾਈ 1930 ਨੂੰ ਪੇਸ਼ ਹੋਏ ਸੀ ਅਤੇ ਇਨ੍ਹਾਂ ਨੇ ਇਨ੍ਹਾਂ ਤੱਥਾਂ ਦੀ ਪੁਸ਼ਟੀ ਕੀਤੀ ਸੀ। ਕੇਸ ਰਿਕਾਰਡ ਦੀ ਮੂਲ ਦਸਤਾਵੇਜ਼ ਦੀ ਫੋਟੋ ਕਾਪੀ ਦੇ ਹਾਸ਼ੀਏ ’ਤੇ ਸ਼ਹੀਦ ਸੁਖਦੇਵ ਨੇ ਜਲਾਲ ਦੀਨ ਦੀ ਗਵਾਹੀ ਸਬੰਧੀ ਇਹ ਟਿੱਪਣੀ ਦਰਜ ਕੀਤੀ ਸੀ: ‘‘ਕਿਤਨਾ ਅਜੀਬ ਇਤਫ਼ਾਕ ਸੀ! ਇਤਫ਼ਾਕਨ ਗੱਲਬਾਤ ਅਤੇ ਵਿਹਲੀਆਂ ਗੱਪਾਂ ਦਾ ਸਿੱਟਾ ਵੇਖੋ!’’
ਇਵੇਂ ਲਾਹੌਰ ਵਿੱਚ ਇੱਕੋ ਜਿਹੇ ਮੌਕਿਆਂ ’ਤੇ ਹੋਏ ਦੋ ਬੰਬ ਧਮਾਕੇ, ਜਿਨ੍ਹਾਂ ਦਾ ਇਨਕਲਾਬੀਆਂ ਨਾਲ ਦੂਰ ਦਾ ਵਾਸਤਾ ਵੀ ਨਹੀਂ ਸੀ, ਇਨਕਲਾਬੀਆਂ ਦੀ ਲਹਿਰ ਵਿੱਚ ਗੜਬੜੀ ਮਚਾ ਗਏ।
ਬੇਸ਼ੱਕ ਭਗਤ ਸਿੰਘ ਦੇ ਹਿੰਦੁਸਤਾਨ ਰਿਪਬਲਿਕਨ ਐਸੋਸੀਏਸ਼ਨ ਨਾਲ ਨੇੜਲੇ ਸਬੰਧਾਂ ਬਾਰੇ ਕਿਸੇ ਸ਼ੱਕ ਦੀ ਗੁੰਜਾਇਸ਼ ਨਹੀਂ ਸੀ; ਅਤੇ ਸਰਕਾਰ ਦੀ ਖੁਫ਼ੀਆ ਏਜੰਸੀ ਨਾ ਕੇਵਲ ਉਸ ਦਾ ਪਿੱਛਾ ਕਰ ਰਹੀ ਸੀ ਬਲਕਿ 1926 ਵਿੱਚ ਉਸ ਦਾ ਉਨ੍ਹਾਂ 35 ਵਿਅਕਤੀਆਂ ਦੀ ਸੂਚੀ ਵਿੱਚ ਵੀ ਨਾਂ ਦਰਜ ਸੀ, ਜਿਨ੍ਹਾਂ ਦੀ ਡਾਕ ਨੂੰ ਖੁਫ਼ੀਆ ਏਜੰਸੀ ਜਾਂਚ ਰਹੀ ਸੀ। ਇਸ ਸੂਚੀ ਵਿੱਚ ਭਗਤ ਸਿੰਘ ਦਾ ਸੋਲ੍ਹਵਾਂ ਨੰਬਰ ਹੈ ਅਤੇ ਇਸ ਵਿੱਚ ਦਰਜ ਹੈ: ‘ਭਗਤ ਸਿੰਘ ਜਿਹੜਾ ਮੂਲ ਰੂਪ ’ਚ ਜਲੰਧਰ ਜ਼ਿਲ੍ਹੇ ਦਾ ਵਾਸੀ ਹੈ ਅਤੇ ਜਿਹੜਾ ਹੁਣ ਪਿੰਡ ਖਵਾਸਰੀਆਂ, ਡਾਕਖਾਨਾ ਮੋਜ਼ੰਗ, ਲਾਹੌਰ ਦਾ ਰਹਿਣ ਵਾਲਾ ਹੈ।’
ਇਹ ਨਿਸ਼ਚੇ ਨਾਲ ਨਹੀਂ ਕਿਹਾ ਜਾ ਸਕਦਾ ਹੈ ਕਿ ਗ੍ਰਿਫਤਾਰੀ ਸਮੇਂ ਭਗਤ ਸਿੰਘ ਨੂੰ ਆਪਣੀ ਡਾਕ ਦੇ ਸੈਂਸਰ ਕੀਤੇ ਜਾਣ ਬਾਰੇ ਪਤਾ ਸੀ ਜਾਂ ਨਹੀਂ, ਪਰ ਉਸ ਨੂੰ ਇਹ ਜ਼ਰੂਰ ਪਤਾ ਸੀ ਕਿ ਜ਼ਮਾਨਤ ਦੇ ਵਕਫ਼ੇ ਦੌਰਾਨ ਉਸ ਦੀ ਡਾਕ ਸੈਂਸਰ ਕੀਤੀ ਜਾ ਰਹੀ ਸੀ। ਮਿਤੀ 4 ਜੁਲਾਈ 1927 ਨੂੰ ਆਪਣੀ ਰਿਹਾਈ ਮਗਰੋਂ ਉਸ ਨੇ ਅਮਰੀਕਾ ਵਿੱਚ ਰਹਿੰਦੇ ਆਪਣੇ ਇੱਕ ਮਿੱਤਰ ਅਮਰ ਚੰਦ ਨੂੰ ਲਿਖੀ ਚਿੱਠੀ ਵਿੱਚ ਇਸ ਗੱਲ ਦਾ ਉਲੇਖ ਕੀਤਾ ਸੀ।
ਆਪਣੇ ਪੁੱਤਰ ਦੀ ਰਿਹਾਈ ਲਈ ਲਾਹੌਰ ਹਾਈ ਕੋਰਟ ਦਾ ਦਰਵਾਜ਼ਾ ਖਟਕਾਉਣ ਦੀ ਜ਼ਿੰਮੇਵਾਰੀ ਕਿਸ਼ਨ ਸਿੰਘ ਦੀ ਸੀ ਤੇ ਜਿਹੜੀ ਗ੍ਰਿਫਤਾਰੀ 29 ਮਈ ਨੂੰ ਕੀਤੀ ਗਈ ਸੀ, ਉਸ ਦੀ ਜ਼ਮਾਨਤ 4 ਜੁਲਾਈ 1927 ਨੂੰ ਜਾ ਕੇ ਮਨਜ਼ੂਰ ਹੋਈ ਸੀ। ਇਸ ਕੇਸ ਦੀ ਫਾਈਲ ਦੇ ਵੇਰਵਿਆਂ ਤੋਂ ਪਤਾ ਲੱਗਦਾ ਹੈ ਕਿ ਇਹ ਗ੍ਰਿਫਤਾਰੀ ਭਾਰਤੀ ਦੰਡਾਵਲੀ ਦੀ ਧਾਰਾ 302 ਅਧੀਨ ਕਤਲ ਦੇ ਦੋਸ਼ ਵਿੱਚ ਕੀਤੀ ਗਈ ਸੀ।
ਰਿਹਾਈ ਲਈ 60,000 ਰੁਪਏ ਦੀ ਜ਼ਮਾਨਤ ਮੰਗੀ ਗਈ ਸੀ ਅਤੇ 1927 ਵਿੱਚ ਇਹ ਇੱਕ ਬੜੀ ਭਾਰੀ ਰਕਮ ਸੀ। ਵਰਿੰਦਰ ਅਨੁਸਾਰ, ‘‘ਇਹ ਕਿਸ਼ਨ ਸਿੰਘ ਦੇ ਲਾਹੌਰ ਦੇ ਦੋਸਤਾਂ, ਬੈਰਿਸਟਰ ਦੁਨੀ ਚੰਦ ਅਤੇ ਦੌਲਤ ਰਾਮ ਦੀ ਮਿਹਰਬਾਨੀ ਸੀ ਕਿ ਉਨ੍ਹਾਂ ਨੇ ਅੱਧੀ-ਅੱਧੀ ਜ਼ਮਾਨਤ ਦੀ ਜ਼ਿੰਮੇਵਾਰੀ ਚੁੱਕ ਲਈ, ਜਿਨ੍ਹਾਂ ’ਚੋਂ ਦੌਲਤ ਰਾਮ ਅਸਲ ਵਿੱਚ ਸਰਕਾਰ ਦਾ ਹਮਾਇਤੀ ਸੀ ਪਰ ਉਸ ਨੇ ਆਪਣੀ ਆਤਮਾ ਦੀ ਆਵਾਜ਼ ਸੁਣ ਕੇ ਹੀ ਇਹ ਕਦਮ ਚੁੱਕਿਆ ਸੀ।’’
ਆਪਣੇ ਪੁੱਤਰ ਨੂੰ ਜ਼ਮਾਨਤ ’ਤੇ ਰਿਹਾਅ ਕਰਵਾਉਣ ਮਗਰੋਂ, (ਜਿਵੇਂ ਕਿ ਮਾਤਾ ਵਿਦਿਆਵਤੀ ਨਾਲ ਮੁਲਾਕਾਤ ਵਿੱਚ ਪਹਿਲਾਂ ਦੱਸਿਆ ਜਾ ਚੁੱਕਾ ਹੈ), ਕਿਸ਼ਨ ਸਿੰਘ ਨੇ ਬੇਟੇ ਦਾ ਲਾਹੌਰ ਵਾਲੇ ਆਪਣੇ ਦਫ਼ਤਰ ਵਿੱਚ ਖੂੰਡੇ ਨਾਲ ‘ਸੁਆਗਤ’ ਕੀਤਾ ਸੀ।
ਭਗਤ ਸਿੰਘ ਤੇ ਉਹਦੇ ਦਰਿਆ-ਦਿਲ ਜ਼ਾਮਨਾਂ ਨੇ ਸੁਖ ਦਾ ਸਾਹ ਫਰਵਰੀ 1928 ’ਚ ਜਾ ਕੇ ਹੀ ਲਿਆ ਹੋਣੈ, ਜਦੋਂ ਏਸ ਜ਼ਮਾਨਤ-ਨਾਮੇ ਨੂੰ ਖਾਰਜ ਕੀਤਾ ਗਿਆ ਸੀ।
ਭਗਤ ਸਿੰਘ ਨੇ, ਜ਼ਮਾਨਤ ਦੌਰਾਨ, ਅਮਰੀਕਾ ਰਹਿ ਰਹੇ ਆਪਣੇ ਪਿੰਡ ਦੇ ਆਪਣੇ ਇੱਕ ਦੋਸਤ ਨੂੰ ਉਰਦੂ ਵਿੱਚ ਹੇਠਾਂ ਦਿੱਤੀ ਚਿੱਠੀ ਲਿਖੀ ਸੀ:—
ਪਿਆਰੇ ਭਾਈ ਅਮਰ ਚੰਦ
ਨਮਸਤੇ
ਸਮਾਚਾਰ ਇਹ ਹੈ ਕਿ ਇਸ ਵਾਰੀ ਮੈਂ ਮਾਂ ਦੇ ਅਚਾਨਕ ਬੀਮਾਰ ਪੈਣ ਕਾਰਨ ਪਿੰਡ ਆਇਆ ਸਾਂ ਅਤੇ ਆਪ ਜੀ ਦੀ ਮਾਤਾ ਜੀ ਨੂੰ ਮਿਲਣ ਦਾ ਸੁਭਾਗ ਵੀ ਮਿਲਿਆ ਸੀ। ਅੱਜ ਮੈਂ ਤੁਹਾਡਾ ਖ਼ਤ ਪੜ੍ਹਿਐ। ਆਪ ਜੀ ਦੀ ਮਾਤਾ ਵੱਲੋਂ ਜਵਾਬ ਲਿਖਦਿਆਂ ਮੈਨੂੰ ਵੀ ਕੁਝ ਲਿਖਣ ਦਾ ਮੌਕਾ ਮਿਲਿਆ ਹੈ। ਮੈਂ ਕੀ ਲਿਖਾਂ! ਕਰਮ ਸਿੰਘ ਇੰਗਲੈਂਡ ਚਲਾ ਗਿਆ ਹੈ, ਉਸ ਦਾ ਪਤਾ ਭੇਜ ਰਿਹਾ ਹਾਂ। ਅਜੇ ਤੱਕ ਤਾਂ ਉਸ ਦਾ ਪ੍ਰੋਗਰਾਮ ਹੋਰ ਪੜ੍ਹਾਈ ਕਰਨ ਦਾ ਹੈ, ਪਰ ਉਹ ਅਗਲੇਰੀ ਪੜ੍ਹਾਈ ਕਿਵੇਂ ਕਰੇਗਾ, ਖ਼ੁਦਾ ਹੀ ਜਾਣÎਦਾ ਹੈ। ਪੜ੍ਹਾਈ ਦੇ ਖਰਚੇ ਬੜੇ ਹਨ। ਭਾਈ ਸਾਹਿਬ, ਪੜ੍ਹਾਈ ਵਾਸਤੇ ਵਿਦੇਸ਼ ਜਾਣ ਦੀ ਮੇਰੀ ਖਾਹਿਸ਼ ਰੁਲ–ਖੁਲ ਗਈ ਹੈ। ਮੇਰੀਆਂ ਸ਼ੁਭ ਇਛਾਵਾਂ ਤੁਹਾਡੇ ਲਈ ਹਾਜ਼ਰ ਹਨ। ਜੇ ਸੰਭਵ ਹੋਵੇ ਤਾਂ ਮੈਨੂੰ ਕੁਝ ਚੰਗੀਆਂ ਕਿਤਾਬਾਂ ਭੇਜਣਾ। ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਅਮਰੀਕਾ ਵਿੱਚ ਚੰਗੇ ਸਾਹਿਤ ਦੀ ਭਰਮਾਰ ਹੈ। ਇਸ ਵੇਲੇ ਤੁਸੀਂ ਆਪਣੀ ਪੜ੍ਹਾਈ ਵਿੱਚ ਰੁੱਝੇ ਹੋਵੋਗੇ।
ਸਾਨ-ਫਰਾਂਸਿਸਕੋ ਦੇ ਨੇੜੇ-ਤੇੜੇ ਸਰਦਾਰ ਜੀ (ਸਰਦਾਰ ਅਜੀਤ ਸਿੰਘ) ਬਾਰੇ ਸ਼ਾਇਦ ਕੋਈ ਥਹੁ-ਪਤਾ ਲੱਗ ਜਾਵੇ, ਜ਼ਰੂਰ ਕੋਸ਼ਿਸ਼ ਕਰਨੀ। ਸਾਡੇ ਲਈ ਇਤਨਾ ਹੀ ਕਾਫੀ ਹੈ, ਜੇ ਉਨ੍ਹਾਂ ਦੇ ਜਿਉਂਦੇ ਹੋਣ ਦੀ ਤਸਦੀਕ ਹੋ ਜਾਵੇ। ਹਾਲ ਦੀ ਘੜੀ ਮੈਂ ਲਾਹੌਰ ਜਾ ਰਿਹਾ ਹਾਂ। ਜੇ ਸੰਭਵ ਹੋਵੇ ਤਾਂ ਮੈਨੂੰ ਖ਼ਤ ਲਿਖਣਾ। ਮੇਰਾ ਪਤਾ ਹੈ: ਸੂਤਰ ਮੰਡੀ, ਲਾਹੌਰ।
ਨੋਟ: ਸ. ਅਜੀਤ ਸਿੰਘ ਨੇ ਆਪਣੀ ਆਤਮ-ਕਥਾ ਵਿੱਚ ਜ਼ਿਕਰ ਕੀਤਾ ਹੋਇਆ ਹੈ ਕਿ ਭਗਤ ਸਿੰਘ ਨੇ ਆਪਣੇ ਦੋਸਤ ਅਮਰ ਚੰਦ ਨੂੰ ਮੇਰਾ ਪਤਾ ਕਰਨ ਲਈ ਲਿਖਿਆ ਸੀ, ਜਿਸ ਦਾ ਬਾਪ ਮਾਧੋ ਰਾਮ ਗ਼ਦਰ ਪਾਰਟੀ ਦਾ ਮੈਂਬਰ ਸੀ, ਤੇ ਮੇਰੇ ਸੰਪਰਕ ਵਿੱਚ ਸੀ। ਉਸ ਨੇ ਮੈਨੂੰ ਭਗਤ ਸਿੰਘ ਦਾ ਸੁਨੇਹਾ ਪੁਚਾਇਆ ਤੇ ਮੇਰੀ ਰਜ਼ਾਮੰਦੀ ਨਾਲ ਸਾਡਾ ਪੱਤਰ-ਵਿਹਾਰ ਸ਼ੁਰੂ ਹੋ ਗਿਆ ਸੀ।
ਹੋਰ ਮੈਂ ਕੀ ਲਿਖਾਂ! ਮੇਰੀ ਤਕਦੀਰ ਹੀ ਅਜੀਬ ਹੈ, ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅੰਤ ਨੂੰ ਕੇਸ ਵਾਪਸ ਲੈ ਲਿਆ ਗਿਆ ਸੀ (ਸ਼ਾਇਦ 1924-25 ਦੇ ਗ੍ਰਿਫਤਾਰੀ ਦੇ ਵਾਰੰਟਾਂ ਵੱਲ ਇਸ਼ਾਰਾ ਹੈ) ਮੈਂ ਫਿਰ 1927 ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸਾਂ ਅਤੇ ਸੱਠ ਹਜ਼ਾਰ ਦੀ ਜ਼ਮਾਨਤ ’ਤੇ ਰਿਹਾਅ ਕੀਤਾ ਗਿਆ ਸਾਂ। ਅੱਜੇ ਤੱਕ ਮੇਰੇ ਵਿਰੁੱਧ ਕੋਈ ਕੇਸ ਦਰਜ ਨਹੀਂ ਹੋਇਆ ਅਤੇ ਖ਼ੁਦਾ ਨੇ ਚਾਹਿਆ ਤਾਂ ਹੋਵੇਗਾ ਵੀ ਨਹੀਂ। ਭਾਵੇਂ ਇੱਕ ਸਾਲ ਗੁਜ਼ਰ ਗਿਆ ਹੈ ਪਰ ਅਜੇ ਮੈਂ ਜ਼ਮਾਨਤ ਤੋਂ ਮੁਕਤ ਨਹੀਂ ਹੋਇਆ। ਜੋ ਰੱਬ ਦੀ ਮਰਜ਼ੀ! ਭਾਈ ਸਾਹਿਬ, ਆਪਣੀ ਪੜ੍ਹਾਈ ਦਿਲ-ਜਾਨ ਨਾਲ ਜਾਰੀ ਰੱਖਣਾ।
ਤੁਹਾਡਾ ਆਗਿਆਕਾਰ
ਭਗਤ ਸਿੰਘ
ਕਾਗਜ਼ ਦੇ ਉਪਰਲੇ ਹਾਸ਼ੀਏ ’ਤੇ ਅਮਰ ਚੰਦ ਦੀ ਮਾਤਾ ਵੱਲੋਂ ਲਿਖਵਾਇਆ ਗਿਆ ਹੈ: ‘‘ਮੈਨੂੰ ਆਪਣੀ ਸੁਖ-ਸਾਂਦ ਬਾਰੇ ਅੱਗੋਂ-ਪਿਛੋਂ ਲਿਖਦੇ ਰਹਿਣਾ ਨਹੀਂ ਤਾਂ ਫਿਕਰ ਲੱਗ ਜਾਂਦਾ ਹੈ। ਅਸੀਸਾਂ ਨਾਲ ਆਪ ਦੀ ਮਾਤਾ, ਅਰੂੜੀ।’’
ਖ਼ਤ ਦੇ ਦੂਜੇ ਸਿਰੇ ਲਿਖਿਆ ਹੈ: ‘‘ਮੈਂ ਹੋਰ ਕੀ ਲਿਖਾਂ, ਸਰਕਾਰ ਮੇਰੇ ’ਤੇ ਸ਼ੱਕ ਕਰਦੀ ਹੈ। ਖੁਫ਼ੀਆ ਮਹਿਕਮੇ ਵੱਲੋਂ ਮੇਰੀਆਂ ਚਿੱਠੀਆਂ ਖੋਲ੍ਹ ਕੇ ਪੜ੍ਹੀਆਂ ਜਾਂਦੀਆਂ ਹਨ। ਸਮਝ ਨਹੀਂ ਆਉਂਦੀ ਕਿ ਮੇਰੇ ’ਤੇ ਇਤਨਾ ਸ਼ੱਕ ਕਿਉਂ ਕੀਤਾ ਜਾ ਰਿਹਾ ਹੈ। ਭਾਈ ਸਾਹਿਬ ਅੰਤ ਨੂੰ ਸੱਚਾਈ ਪ੍ਰਗਟ ਹੋ ਜਾਏਗੀ ਅਤੇ ਸੱਚਾਈ ਦੀ ਹੀ ਜਿੱਤ ਹੋਵੇਗੀ।’’
ਸ਼ਹੀਦਾਂ ਦਾ ਦੀਵਾਨਾ ਭਗਤ ਸਿੰਘ
ਵਰਿੰਦਰ ਨੇ ਇੱਕ ਵੱਖਰੇ ਕਾਂਡ ‘ਡੇਅਰੀ ਅਤੇ ਡਾਇਰੀ’ ਵਿੱਚ ਲਾਹੌਰ ਨੇੜੇ ਆਪਣੀ ਰਿਹਾਇਸ਼ ਵਿਖੇ ਭਗਤ ਸਿੰਘ ਨੂੰ ਡੇਅਰੀ ਦੇ ਕੰਮ-ਧੰਦੇ ਵਿੱਚ ਰੁਝੇ ਦੱਸਿਆ ਹੈ। ਇਸ ਦੌਰ ’ਚ ਉਸ ਨੇ ਇਸ ਡੇਰੇ ਨੂੰ ਆਪਣੇ ਸਾਥੀਆਂ ਨਾਲ ਮੇਲ-ਮਿਲਾਪ ਲਈ ਵਰਤਿਆ ਸੀ। ਭਗਤ ਸਿੰਘ ਨੇ ਸ਼ਹੀਦਾਂ ਅਤੇ ਇਨਕਲਾਬੀ ਲਹਿਰਾਂ ਸਬੰਧੀ ਇਸ ਸਮੇਂ ਦੌਰਾਨ ਖੋਜ ਵੀ ਕੀਤੀ ਅਤੇ ਲਿਖਿਆ ਵੀ ਸੀ; ਇਹ ਉਸ ਦਾ ਮਨਭਾਉਂਦਾ ਖੇਤਰ ਸੀ। ਇਸ ਵਿਸ਼ੇ ’ਤੇ ਉਸ ਦੀਆਂ ਬਹੁਤੀਆਂ ਲਿਖਤਾਂ 1927 ਦੇ ਅੰਤਲੇ ਅਤੇ 1928 ਦੇ ਮੁੱਢਲੇ ਮਹੀਨਿਆਂ ਵਿੱਚ ਲਿਖੀਆਂ ਗਈਆਂ ਸਨ, ਜੋ ਪਹਿਲਾਂ ਪੰਜਾਬੀ ਦੇ ‘ਕਿਰਤੀ’ ’ਚ ਅਤੇ ਮਗਰੋਂ ਹਿੰਦੀ ਰਸਾਲੇ ‘ਚਾਂਦ’ ਦੇ ‘ਫਾਂਸੀ ਅੰਕ’ ਵਿੱਚ ਛਪੀਆਂ ਸਨ।
ਨਵੰਬਰ 1928 ਦੀ ਦੀਵਾਲੀ ਮੌਕੇ ਪ੍ਰਕਾਸ਼ਿਤ ਹੋਇਆ ‘ਫਾਂਸੀ ਅੰਕ’ ਚਾਂਦ ਰਸਾਲੇ ਦਾ ਵਿਸ਼ੇਸ਼ ਅੰਕ ਸੀ, ਜੋ ਛਪਦਿਆਂ ਹੀ ਇਤਿਹਾਸਕ ਦਸਤਾਵੇਜ਼ ਬਣ ਗਿਆ। ਇਹ 10,000 ਦੀ ਗਿਣਤੀ ਵਿੱਚ ਛਾਪਿਆ ਗਿਆ ਸੀ ਤੇ 6/7 ਦਸੰਬਰ ਨੂੰ ਇਹਦੀ ਜ਼ਬਤਗੀ ਦੇ ਆਦੇਸ਼ ਜਾਰੀ ਹੋਣੋਂ ਪਹਿਲਾਂ ਹੀ ਵੱਡੀ ਗਿਣਤੀ ਵਿੱਚ ਥਾਉਂ ਥਾਈਂ ਵੰਡਣ ਲਈ ਭੇਜ ਦਿੱਤਾ ਗਿਆ ਸੀ।
ਭਾਵੇਂ ਕਿ ਇਸ ’ਚ ਆਜ਼ਾਦੀ ਸੰਗ੍ਰਾਮ ਅਤੇ ਸ਼ਹੀਦਾਂ ਦੇ ਲੇਖ ਹੀ ਸਨ, ਜੋ ਕਿਸੇ ਵੀ ਤਰ੍ਹਾਂ ਦੇ ‘ਭੜਕਾਊ ਜਾਂ ਉਕਸਾਊ’ ਸੰਕੇਤਾਂ ਤੋਂ ਪੂਰੀ ਤਰ੍ਹਾਂ ਮੁਕਤ ਸਨ, ਪਰ ਫੇਰ ਵੀ ਸਰਕਾਰ ਇਸ ਤੋਂ ਐਨੀ ਭੈ-ਭੀਤ ਕਿਉਂ ਹੋਈ, ਇਸ ਬਾਰੇ ਕੁਝ ਕਹਿਣਾ ਜ਼ਰੂਰੀ ਹੈ:
ਇਸ ਗੁੱਥੀ ਨੂੰ ਸੁਲਝਾਉਣ ਲਈ ਸਿਰਫ਼ ਇੱਕ ਮਿਸਾਲ ਹੀ ਕਾਫ਼ੀ ਹੋਵੇਗੀ-ਸਾਲ 1918 ਦੀ ਬਦਨਾਮ ਰੌਲਟ-ਕਮੇਟੀ ਦੀ ਰਿਪੋਰਟ ਵਿੱਚ (ਜਿਸ ਦੇ ਆਧਾਰ ’ਤੇ ਰੌਲਟ-ਬਿਲ ਤਿਆਰ ਕੀਤਾ ਗਿਆ ਸੀ) ਨਿਰੋਲ ਪਿਛਲੀਆਂ ਇਨਕਲਾਬੀ ਕਾਰਵਾਈਆਂ ਦਾ ਉਲੇਖ ਹੀ ਸੀ, ਜਿਸ ਨੂੰ ਕ੍ਰਾਂਤੀਕਾਰੀ ਨਵੇਂ ਨੌਜਵਾਨਾਂ ਨੂੰ ਪ੍ਰਭਾਵਿਤ ਕਰਨ ਲਈ ਪੜ੍ਹਨ ਨੂੰ ਦਿਆ ਕਰਦੇ ਸੀ, ਤੇ ਇਹ ਰਿਪੋਰਟ ਐਚ.ਐਸ.ਆਰ.ਏ. ਦੀ ਲਾਇਬ੍ਰੇਰੀ ਵਿੱਚ ਵੀ ‘ਸੁਸ਼ੋਭਤ’ ਸੀ: ਸਿਰਫ ਇੱਕ ਹੋਰ ਰਚਨਾ, ਸ਼ਚਿੰਦਰ ਸਾਨਿਆਲ ਦਾ ‘ਬੰਦੀ ਜੀਵਨ’ ਹੀ ਇਸ ਤੋਂ ਪਹਿਲਾਂ ਪੜ੍ਹਨ ਨੂੰ ਦਿੱਤੀ ਜਾਂਦੀ ਸੀ।
ਸੋ ਪਿਛਲੇ ਸ਼ਹੀਦਾਂ ਦਾ ਪ੍ਰਚਾਰ ਹੀ ਇਨਕਲਾਬੀਆਂ ਦਾ ਮੁੱਖ ਪ੍ਰਚਾਰ ਸਾਧਨ ਰਿਹਾ ਹੈ।
‘ਚਾਂਦ’ ਦੇ ‘ਫਾਂਸੀ ਅੰਕ’ ਵਿੱਚ ਸ਼ਹੀਦਾਂ ਬਾਰੇ ਕੁੱਲ 53 ਲੇਖ ਸਨ, ਜਿਨ੍ਹਾਂ ਵਿੱਚੋਂ 41 ਇਕੱਲੇ ਭਗਤ ਸਿੰਘ ਦੇ ਲਿਖੇ ਹੋਏ ਸਮਝੇ ਜਾਂਦੇ ਹਨ, ਜਿਹੜੇ ਵੱਖੋ-ਵੱਖ ਫ਼ਰਜ਼ੀ ਨਾਵਾਂ ਹੇਠ ਪ੍ਰਕਾਸ਼ਤ ਹੋਏ ਸਨ ਤੇ ਜਿਨ੍ਹਾਂ ਦੀ ਖ਼ੂਬਸੂਰਤੀ ਇਨ੍ਹਾਂ ਨੂੰ ਪੜ੍ਹ ਕੇ ਹੀ ਮਹਿਸੂਸ ਕੀਤੀ ਜਾ ਸਕਦੀ ਹੈ। ਜਿਵੇਂ ਭਗਤ ਸਿੰਘ ਦੀਆਂ ਰਾਜਸੀ ਲਿਖਤਾਂ ਉਹਦੀ ਸੋਚ ਨੂੰ ਦਰਸਾਉਂਦੀਆਂ ਹਨ, ਐਨ ਉਸੇ ਤਰ੍ਹਾਂ ਇਹ ਰਚਨਾਵਾਂ ਧੁਰ ਅੰਦਰਲੇ ਭਗਤ ਸਿੰਘ ਨੂੰ ਪ੍ਰਗਟਾਉਂਦੀਆਂ ਹਨ।
ਭਗਤ ਸਿੰਘ ਦੀ ਵੱਡੀ ਖ਼ੂਬੀ ਇਹ ਹੈ ਕਿ ਉਹ ਸਾਰੇ ਸ਼ਹੀਦਾਂ ਦਾ, ਭਾਵੇਂ ਉਹ ਕੂਕੇ ਹੋਣ, ਕਾਕੋਰੀ ਵਾਲੇ ਜਾਂ ਉਹਦਾ ਹੀਰੋ ਸਰਾਭਾ, ਉਹ ਸਾਰਿਆਂ ਦਾ ਇੱਕੋ ਜਿਹਾ ਹੀ ਦੀਵਾਨਾ ਨਜ਼ਰ ਆਉਂਦਾ ਹੈ।
* ਸੰਪਰਕ: 0172-2556314