ਹਾਲੈਂਡ ਦੀ ਪਹਿਲੀ ਪੰਜਾਬੀ ਵੈਬਸਾਈਟ ਨੇ ਪਹਿਲੇ ਮਹੀਨੇ 'ਚ ਹੀ ਲੋਕਾਂ ਦੇ ਮਨਾ 'ਚ ਬਣਾਈ ਥਾਂ : ਹਰਜੋਤ ਸੰਧੂ

www.sabblok.blogspot.com

ਮਲੌਦ, 31 ਮਈ (ਬਲਜਿੰਦਰ ਪਾਲ ਸਿੰਘ) : ਪੰਜਾਬੀ ਮਾਂ-ਬੋਲੀ ਦੀ  ਦੇਸ਼ਾਂ ਵਿਦੇਸ਼ਾਂ 'ਚ  ਮਹਿਕ ਵੰਡਣ ਤੇ ਦੁਨੀਆਂ ਭਰ ਦੇ ਲੋਕਾਂ ਤੱਕ ਪੰਜਾਬੀ ਪਹੁੰਚਾਉਂਣ ਲਈ ਹਰਜੋਤ ਸਿੰਘ ਸੰਧੂ ਹਾਲੈਂਡ ਵਲੋਂ ਬੀਤੇ ਦਿਨੀ ਹਾਲੈਂਡ ਦੀ ਪਹਿਲੀ ਪੰਜਾਬੀ ਵੈਬਸਾਈਟ ''ਪੰਜਾਬੀ ਇਨ ਹਾਲੈਂਡ ਡਾਟ ਕਾਮ'' ਜਾਰੀ ਕੀਤੀ ਗਈ ਸੀ। ਜਿਸ ਨੇ ਪਹਿਲੇ ਮਹੀਨੇ 'ਚ ਹੀ ਲੋਕਾਂ ਦੇ ਮਨਾ 'ਚ ਬਣਾਈ ਥਾਂ ਬਣਾ ਲਈ ਹੈ। ਪੰਜਾਬੀ ਇਨ ਹਾਲੈਂਡ ਦੇ ਸਰਪ੍ਰਸਤ ਤੇ ਸੰਪਾਦਕ ਹਰਜੋਤ ਸੰਧੂ ਵਲੋਂ ਮਿਲੀ ਜਾਣਕਾਰੀ ਅਨੁਸਾਰ ਹੁਣ ਤੱਕ ਲਗਭਗ ਮਹੀਨੇ ਭਰ 'ਚ ਹੀ 15 ਹਜ਼ਾਰ ਲੋਕ ਵੈਬਸਾਈਟ ਤੇ ਨਜ਼ਰ ਮਾਰ ਚੁੱਕੇ ਹਨ। ਸ. ਸੰਧੂ ਹੋਰਾਂ ਦੱਸਿਆ ਕਿ ਵੈਬਸਾਈਟ ਤੇ ਤਾਜ਼ਾ ਖ਼ਬਰਾਂ ਤੋਂ ਇਲਾਵਾ ਹਰ ਪ੍ਰਕਾਰ ਦੀ ਜਾਣਕਾਰੀ ਬਗੈਰ ਲੱਚਰਤਾ ਦੇ ਮੁਹੱਈਆ ਕਰਵਾਉਂਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇਸ ਵੈਬਸਾਈਟ ਨੂੰ ਚਾਰ ਚੰਨ ਲਾਉਂਣ ਲਈ ਇਤਿਹਾਸਕਾਰ ਡਾ. ਹਰਜਿੰਦਰ ਸਿੰਘ ਦਿਲਗੀਰ, ਸ. ਭੁਪਿੰਦਰ ਸਿੰਘ ਹਾਲੈਂਡ, ਸ. ਹਰਜੀਤ ਸਿੰਘ ਹਾਲੈਂਡ, ਗੁਰਸੇਵ ਸਿੰਘ ਹਾਲੈਂਡ, ਵੀਰ  ਮਨਦੀਪ ਖੁਰਮੀ ਇੰਗਲੈਂਡ, ਸ. ਗੁਰਤੀਰਥ ਸਿੰਘ ਪਾਸਲਾ (ਰੇਡੀਓ ਦਿਲ ਆਪਣਾ ਪੰਜਾਬੀ) ਗਿਆਨੀ ਗੁਰਮੁੱਖ ਸਿੰਘ ਸਿੱਖ ਪ੍ਰਚਾਰਕ, ਚਰਨਜੀਤ ਸਿੰਘ ਧਾਲੀਵਾਲ, ਅਮਰੀਕ ਸਿੰਘ ਕੰਡਾ ਮੋਗਾ, ਕਰਮਜੀਤ ਕੌਰ ਕਿਸ਼ਨਵਾਲ, ਗੁਰਦੁਆਰਾ ਕਮੇਟੀ ਹਾਲੈਂਡ ਤੇ ਰੇਡੀਓ ਦਿਲ ਆਪਣਾ ਪੰਜਾਬੀ ਦੀ ਸਮੁੱਚੀ ਟੀਮ ਵਲੋਂ ਆਪੋ ਆਪਣਾ ਭਰਭੂਰ ਯੋਗਦਾਨ ਪਾਇਆ ਜਾ ਰਿਹਾ ਹੈ। ਸ. ਹਰਜੋਤ ਸੰਧੂ ਵਲੋਂ ਸਾਰੇ ਸ਼ਰੋਤਿਆਂ, ਸਮੁੱਚੀ ਟੀਮ ਤੇ ਸਹਿਯੋਗ ਦੇਣ ਵਾਲਿਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ ਹੈ।