ਕੈਨੇਡਾ 'ਚ ਰੂਪੋਸ਼ ਹੋਏ ਲੁਧਿਆਣੇ ਦੇ ਰਾਗੀ ਦੀ ਪੁਲਿਸ ਨੇ ਪੈੜ ਨੱਪੀ ,

www.sabblok.blogspot.com

ਵੈਨਕੂਵਰ, 31 ਮਈ (ਗੁਰਵਿੰਦਰ ਸਿੰਘ ਧਾਲੀਵਾਲ)-ਨਵੰਬਰ 2012 ਨੂੰ ਕੈਨੇਡਾ ਦੇ ਗੁਰਦੁਆਰਾ ਕਲਗੀਧਰ ਦਰਬਾਰ ਐਬਟਸਫੋਰਡ ਦੀ ਰਾਹਦਾਰੀ 'ਤੇ ਮਹੀਨਿਆਂ ਲਈ 'ਕੀਰਤਨ' ਕਰਨ ਆਏ ਇਕ ਰਾਗੀ ਗੁਰਨਾਮ ਸਿੰਘ ਦੇ ਭੇਦਭਰੀ ਹਾਲਤ 'ਚ ਗੁੰਮ ਹੋ ਜਾਣ ਦਾ ਨਾਟਕ ਉਸ ਵੇਲੇ ਖਤਮ ਹੋ ਗਿਆ,
ਜਦੋਂ ਐਬਟਸਫੋਰਡ ਪੁਲਿਸ ਨੇ ਰੂਪੋਸ਼ ਹੋਏ ਉਕਤ ਵਿਅਕਤੀ ਦੇ ਕੈਲਗਿਰੀ ਚਲੇ ਜਾਣ ਸਬੰਧੀ ਜਾਣਕਾਰੀ ਦਿੱਤੀ | ਪੁਲਿਸ ਦੇ ਬੁਲਾਰੇ ਸਿਪਾਹੀ ਇਆਨ ਮੈਕਡਾਨੋਲਡ ਅਨੁਸਾਰ 29 ਅਪ੍ਰੈਲ ਨੂੰ 30 ਸਾਲਾ ਵਿਅਕਤੀ ਦੇ ਗੁਆਚਣ ਵਾਲੀ ਫਾਈਲ ਬੰਦ ਕਰ ਦਿੱਤੀ ਗਈ ਹੈ, ਕਿਉਂਕਿ ਉਸ ਨੇ ਪੁਲਿਸ ਨੂੰ ਦੱਸਿਆ ਹੈ ਕਿ ਕੈਨੇਡਾ 'ਚ ਰਹਿਣ ਲਈ ਉਹ ਵੀਜ਼ਾ ਵਧਾਉਣ ਵਾਸਤੇ ਯਤਨ ਕਰ ਰਿਹਾ ਹੈ ਅਤੇ ਹੁਣ ਇਹ ਮਾਮਲਾ ਸਬੰਧਿਤ ਵਿਅਕਤੀ ਅਤੇ ਕੈਨੇਡਾ ਦੀ ਇੰਮੀਗਰੇਸ਼ਨ ਵਿਚਕਾਰ ਹੈ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਲੁਧਿਆਣਾ ਦੇ ਕਲਗੀਧਰ ਗੁਰਦੁਆਰਾ ਸਾਹਿਬ 'ਚ ਕੀਰਤਨ ਕਰਨ ਵਾਲੇ ਭਾਈ ਰਜਿੰਦਰ ਸਿੰਘ ਦਾ ਸਾਥੀ ਗੁਰਨਾਮ ਸਿੰਘ ਪੁੱਤਰ ਰਘਬੀਰ ਸਿੰਘ ਪ੍ਰੀਤ ਵਿਹਾਰ ਨਗਰ, ਚੂਹੜਪੁਰ ਰੋਡ ਨੇੜੇ ਜਗਤਪੁਰ ਚੌਕੀ ਲੁਧਿਆਣਾ ਦਾ ਰਹਿਣ ਵਾਲਾ ਹੈ, ਜਿਸ ਦਾ ਅਸਲੀ ਪਿੰਡ ਖੇੜੀ ਗੁਲਾਮ ਅਲੀ, ਤਹਿਸੀਲ ਗੋਹਲਾ, ਜ਼ਿਲ੍ਹਾ ਕੈਥਲ ਹਰਿਆਣ ਸੂਬੇ 'ਚ ਹੈ | ਐਬਟਸਫੋਰਡ ਗੁਰਦੁਆਰਾ ਕਮੇਟੀ ਦੇ ਮੁੱਖ ਸੇਵਾਦਾਰ ਜੀਤ ਸਿੰਘ ਸਿੱਧੂ ਅਨੁਸਾਰ ਉਨ੍ਹਾਂ ਸਰੀ ਵਾਸੀ ਪਿਆਰਾ ਸਿੰਘ ਨੱਤ ਦੀ ਸਿਫਾਰਿਸ਼ 'ਤੇ ਉਕਤ ਜਥੇ ਲਈ ਸਪੌਾਰਸਸ਼ਿਪ ਭੇਜੀ ਸੀ ਪ੍ਰੰਤੂ ਗੁਰਨਾਮ ਸਿੰਘ ਦੇ ਦੌੜਨ ਕਾਰਨ ਹੋਈ ਨਾਮੋਸ਼ੀ ਕਰਕੇ ਹੁਣ ਕਮੇਟੀ ਵੱਲੋਂ ਹੀ ਉਸਨੂੰ ਕੈਨੇਡਾ ਤੋਂ ਡਿਪੋਰਟ ਕਰਨ ਅਤੇ ਸਜ਼ਾ ਦੇਣ ਦੀ ਮੰਗ ਕੀਤੀ ਜਾ ਰਹੀ ਹੈ |