ਅਡਵਾਨੀ ਨੇ ਅਸਤੀਫਾ ਲਿਆ ਵਾਪਸ ---ਅਡਵਾਨੀ ਨੂੰ ਮਨਾਉਣ ਦੀ ਜ਼ਿੰਮੇਵਾਰੀ ਬਾਦਲ ਨੂੰ ਵੀ ਸੌਂਪੀ ਗਈ ਸੀ

www.sabblok.blogspot.com


 
ਨਵੀਂ ਦਿੱਲੀ/ਚੰਡੀਗੜ੍ਹ- ਅ.ਬ., ਹਰੀਸ਼ ਚੰਦਰ ਬਾਗਾਂ ਵਾਲਾ-ਬੀ. ਜੇ.ਪੀ. ਦੇ ਸਾਰੇ ਅਹੁਦਿਆਂ ਤੋਂ ਅਸਤੀਫਾ ਦੇਣ ਵਾਲੇ ਐਲ.ਕੇ.ਅਡਵਾਨੀ ਨੂੰ ਮਨਾਉਣ ਦੀਆਂ ਕੋਸ਼ਿਸ਼ਾਂ ਤੋਂ ਬਾਅਦ ਭਾਜਪਾ ਪ੍ਰਧਾਨ ਰਾਜਨਾਥ ਸਿੰਘ ਨੇ ਦਾਅਵਾ ਕੀਤਾ ਹੈ
ਕਿ ਉਹ ਪਾਰਟੀ ਦਾ ਫੈਸਲਾ ਮੰਨਣ ਦੇ ਲਈ ਤਿਆਰ ਹੋ ਗਏ ਹਨ। ਅਡਵਾਨੀ ਦੇ ਘਰ ’ਤੇ ਹੋਈ ਪ੍ਰੈਸ ਕਾਨਫਰੰਸ ਵਿੱਚ ਰਾਜਨਾਥ, ਨਿਤਿਨ ਗਡਕਰੀ, ਸ਼ੁਸਮਾ ਸਵਰਾਜ ਅਤੇ ਓਮਾ ਭਾਰਤੀ ਮੀਡੀਆ ਦੇ ਸਾਹਮਣੇ ਆਏ । ਅੱਜ ਸ਼ਾਮ ਰਾਜਨਾਥ ਅਤੇ ਅਡਵਾਨੀ ਦੇ ਵਿਚਕਾਰ ਮੁਲਾਕਾਤ ਹੋਈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਅਡਵਾਨੀ ਦੇ ਘਰ ’ਤੇ ਹੀ ਪ੍ਰੈਸ ਕਾਨਫਰੰਸ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਅਡਵਾਨੀ ਨੇ ਪਾਰਟੀ ਦਾ ਫੈਸਲਾ ਮੰਨਣ ’ਤੇ ਰਜ਼ਾਮੰਦੀ ਦੇ ਦਿੱਤੀ ਹੈ। ਅਡਵਾਨੀ ਦੇ ਮੀਡੀਆ ਦੇ ਸਾਹਮਣੇ ਨਾ ਆਉਣ ਦੇ ਸਵਾਲ ’ਤੇ ਬੀ.ਜੀ.ਪੀ. ਪ੍ਰਮੁੱਖ ਰਾਜਨਾਥ ਸਿੰਘ ਨੇ ਕਿਹਾ ਕਿ ਅਡਵਾਨੀ ਉਨ੍ਹਾਂ ਦੀ ਬਗਲ ਵਿੱਚ ਬੈਠ ਕੇ ਪ੍ਰੈਸ ਕਾਨਫਰੰਸ ਸੁੱਟਦੇ ਤਾਂ ਇਹ ਸ਼ਿਸ਼ਟਾਚਾਰ ਦੇ ਖਿਲਾਫ ਹੁੰਦਾ। ਇਸ ਲਈ ਉਨ੍ਹਾਂ ਨੇ ਅਡਵਾਨੀ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਪ੍ਰੈਸ ਕਾਨਫਰੰਸ ਵਿੱਚ ਆਉਣ ਦੀ ਜ਼ਰੂਰਤ ਨਹੀਂ ਹੈ। ਰਾਜਨਾਥ ਸਿੰਘ ਨੇ ਦੱਸਿਆ ਕਿ ਆਰ.ਐਸ.ਐਸ. ਪ੍ਰਮੁੱਖ ਮੋਹਨ ਭਾਗਵਤ ਨੇ ਅਡਵਾਨੀ ਨਾਲ ਗੱਲ ਕੀਤੀ ਅਤੇ ਉਨ੍ਹਾਂ ਨਾਲ ਬੇ.ਜੀ.ਪੀ. ਸੰਸਦੀ ਕਮੇਟੀ ਦਾ ਪ੍ਰਸਤਾਵ ਸਵੀਕਾਰ ਕਰਨ ਨੂੰ ਕਿਹਾ ਅਤੇ ਅਡਵਾਨੀ ਇਸ ਗੱਲ ਨੂੰ ਮੰਨ ਗਏ। ਰਾਜਨਾਥ ਸਿੰਘ ਦਾ ਕਹਿਣਾ ਸੀ ਕਿ ਅਡਵਾਨੀ ਨੂੰ ਪਾਰਟੀ ਦੀ ਫੰਕਸ਼ਨਿੰਗ ਨੂੰ ਲੈ ਕੇ ਭਵਿੱਖ ਵਿੱਚ ਜੋ ਵੀ

ਸ਼ਿਕਾਇਤ ਹੋਵੇਗੀ ਉਹ ਖੁਦ ਉਨ੍ਹਾਂ ਨਾਲ ਗੱਲ ਕਰਨਗੇ। ਭਾਜਪਾ ਆਲਾਕਮਾਨ ਨੇ ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਨੇਤਾ ਅਤੇ ਮੁੱਖ ਮੰਤਰੀ ਪੰਜਾਬ ਸ. ਪ੍ਰਕਾਸ਼ ਸਿੰਘ ਬਾਦਲ ਨੂੰ ਭਾਜਪਾ ਨੇਤਾ ਲਾਲ ਕ੍ਰਿਸ਼ਨ ਅਡਵਾਨੀ ਨੂੰ ਮਨਾਉਣ ਦੀ ਜ਼ਿੰਮਵਾਰੀ ਸੌਂਪੀ ਸੀ। ਲਾਲ ਕ੍ਰਿਸ਼ਨ ਅਡਵਾਨੀ ਦੇ ਅਸਤੀਫੇ ਤੋਂ ਬਾਅਦ ਉਨ੍ਹਾਂ ਨੂੰ ਮਨਾਉਣ ਲਈ ਪਾਰਟੀ ਨੇ ਆਪਣੀ ਸਾਰੀ ਤਾਕਤ ਝੋਕ ਦਿੱਤੀ ਸੀ। ਪਾਰਟੀ ਸੂਤਰਾਂ ਮੁਤਾਬਿਕ ਭਾਰਤੀ ਜਨਤਾ ਪਾਰਟੀ ਨੇ ਰਾਸ਼ਟਰੀ ਪ੍ਰਧਾਨ ਰਾਜਨਾਥ ਸਿੰਘ ਕੋਲ ਅਸਤੀਫਾ ਆਉਣ ਤੋਂ ਤੁਰੰਤ ਬਾਅਦ ਹੀ ਉਨ੍ਹਾਂ ਐਨ.ਡੀ.ਏ ਦੀਆਂ ਸਹਿਯੋਗੀ ਪਾਰਟੀਆਂ ਦੇ ਅਜਿਹੇ ਨੇਤਾਵਾਂ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਸੀ, ਜਿਨ੍ਹਾਂ ਦੇ ਲਾਲ ਕ੍ਰਿਸ਼ਨ ਅਡਵਾਨੀ ਨਾਲ ਚੰਗੇ ਤੇ ਨਿੱਜੀ ਸਬੰਧ ਹਨ। ਇਸੇ ਦੌਰਾਨ ਭਾਜਪਾ ਨੇਤਾਵਾਂ ਨੇ ਪ੍ਰਧਾਨ ਰਾਜਨਾਥ ਸਿੰਘ ਪਾਸ ਪੰਜਾਬ ਦੇ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਦਾ ਨਾਂ ਸੁਝਾਅ ਦਿੱਤਾ। ਇਸ ਤੋਂ ਪਹਿਲਾਂ ਦੀ ਰਿਪੋਰਟ ਮੁਤਾਬਕ ਰਾਮ ਰਾਜ ਨੂੰ ਸਾਕਾਰ ਕਰਨ ਦੀ ਇੱਛਾ ਰੱਖਣ ਵਾਲੀ ਪਾਰਟੀ ਵਿੱਚ ਪੂਰੀ ਤਰ੍ਹਾਂ ਰਮਾਇਣ ਦਾ ਐਪੀਸੋਡ ਚੱਲ ਰਿਹਾ ਹੈ। ਆਪਣੀਆਂ ਮੰਗਾਂ ਮਨਵਾਉਣ ਦੇ ਲਈ ਕੈਕੇਈ ਦਾ ਕੇਂਦਰੀ ਭਵਨ ਜਾਣਾ ਤੁਹਾਨੂੰ ਯਾਦ ਹੀ ਹੋਵੇਗਾ। ਇਸ ਵਾਰ ਰਾਮ ਦੇ ਸਹਾਰੇ ਰਾਜਨੀਤੀ ਕਰਨ ਵਾਲੀ ਪਾਰਟੀ ਵਿੱਚ ਦਸ਼ਰਥ ਹੀ ਕੋਪ ਭਵਨ ਵਿੱਚ ਚਲੇ ਗਏ ਹਨ। ਮੋਦੀ ਨੂੰ ਚੋਣ ਪ੍ਰਚਾਰ ਕਮੇਟੀ ਦੀ ਕਮਾਨ ਸੌਂਪੀ ਗਈ ਤਾਂ ਅਡਵਾਨੀ ਬਿਮਾਰ ਹੋ ਗਏ। ਉਨ੍ਹਾਂ ਦੇ ਬਿਮਾਰ ਪੈਂਦੇ ਹੀ ਉਨ੍ਹਾਂ ਦੀ ਟੀਮ ਉਨ੍ਹਾਂ ਦੀਆਂ ਭਾਵਨਾਵਾਂ ਦੇ ਮੁਤਾਬਕਿ ਸੰਗੀਤ ਦੇਣ ਲੱਗੀ। ਜਸਵੰਤ ਸਿੰਘ, ਓਮਾ ਭਾਰਤੀ, ਯਸ਼ਵੰਤ ਸਿਨਹਾ, ਸ਼ਤਰੂਘਨ ਸਿਨਹਾ ਨੇ ਆਪਣੀ ਭੂਮਿਕਾ ਪੂਰੀ ਤਰ੍ਹਾਂ ਨਾਲ ਨਿਭਾਈ। ਕਾਂਗਰਸ ਦੀ ਤਰ੍ਹਾਂ ਬੀ.ਜੇ.ਪੀ. ਵਿੱਚ ਕਿਸੇ ਇਕ ਬਾਂਸਰੀ ’ਤੇ ਸਾਰੇ ਤਾ-ਤਾ ਥਈਆ ਨਹੀਂ ਕਰਦੇ ਹਨ, ਇਹ ਹੀ ਕਾਰਨ ਹੈ ਕਿ ਪੇਸ਼ਰ ਟੇਕਸਿਟ ਦੀ ਖੂਬ ਝਲਕ ਦਿਖਦੀ ਹੈ। ਉਂਝ ਅਡਵਾਨੀ ਕੋਈ ਪਹਿਲੀ ਵਾਰ ਕੇਂਦਰੀ ਭਵਨ ਵਿੱਚ ਨਹੀਂ ਗਏ ਹਨ। ਅਜਿਹਾ ਉਹ ਪਹਿਲੇ ਵੀ ਕਈ ਵਾਰ ਕਰ ਚੁੱਕੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ 2002 ਵਿੱਚ ਇਸੇ ਗੋਆ ਵਿੱਚ ਹੋਏ ਪਾਰਟੀ ਦੇ ਸੰਮੇਲਨ ਵਿੱਚ ਅਡਵਾਨੀ ਨੇ ਆਪਣੀ ਇੱਜ਼ਤ ਦਾਅ ’ਤੇ ਲਗਾ ਕੇ ਆਪਣੇ ਚੇਲੇ ਦੀ ਮੁੱਖ ਮੰਤਰੀ ਦੀ ਕੁਰਸੀ ਬਚਾਈ ਸੀ। ਅਟਲ ਬਿਹਾਰੀ ਵਾਜਪੇਈ ਹਟਾਉਣ ਦੇ ਪੱਖ ਵਿੱਚ ਸਨ ਤਾਂ ਅਡਵਾਨੀ ਉਸ ਸਮੇਂ ਵੀ ਅੜ੍ਹ ਗਏ ਸਨ। ਇਕ ਵਾਰ ਫਿਰ ਇਤਿਹਾਸ ਖੁੱਦ ਹੀ ਦੁਹਰਾ ਰਿਹਾ ਹੈ। ਅਡਵਾਨੀ ਗੋਆ ਵਿੱਚ ਮੋਦੀ ਨੂੰ ਪ੍ਰਚਾਰ ਕਮੇਟੀ ਦਾ ਪ੍ਰਧਾਨ ਬਣਾਉਣ ਦੇ ਫੈਸਲੇ ’ਤੇ ਇੰਨੇ ਨਾਰਾਜ਼ ਹੋਏ ਕਿ ਬੀ.ਜੇ.ਪੀ. ਦੇ ਮਹੱਤਵਪੂਰਨ ਅਹੁਦਿਆਂ ਤੋਂ ਅਸਤੀਫੇ ਦੀ ਪੇਸ਼ਕਸ਼ ਕਰ ਦਿੱਤੀ। ਉਪ ਪ੍ਰਧਾਨ ਮੰਤਰੀ ਬਣਨ ਦੇ ਲਈ ਵੀ ਅਡਵਾਨੀ ਨੇ ਖੁੱਦ ਨੂੰ ਸਰਕਾਰ ਦੇ ਕੰਮਕਾਜ ਤੋਂ ਅਲੱਗ ਕਰ ਲਿਆ ਸੀ। ਇਸ ਕਦਰ ਕੇਂਦਰੀ ਭਵਨ ਵਿੱਚ ਚਲੇ ਗਏ ਸਨ ਕਿ ਅਟੱਲ ਬਿਹਾਰੀ ਨੂੰ ਇਨ੍ਹਾਂ ਨੂੰ ਉਪ ਪ੍ਰਧਾਨ ਮੰਤਰੀ ਬਣਾਉਣਾ ਪਿਆ। ਜਿਨਾਂ ਪ੍ਰਕਰਨ ਦੇ ਦੌਰਾਨ ਵੀ ਸੰਘ ਦਾ ਲਗਾਤਾਰ ਦਬਾਅ ਬਣਿਆ ਰਿਹਾ , ਤਦ ਜਾ ਕੇ ਅਸਤੀਫਾ ਦਿੱਤਾ। ਮਹੀਨਿਆਂ ਤੱਕ ਇਨ੍ਹਾਂ ਦੇ ਰੁੱਸਣ ਅਤੇ ਮਨਾਉਣ ਦਾ ਦੌਰ ਚਲਿਆ।