ਜ਼ਿੰਦਗੀ ਬਰਬਾਦ ਕਰ ਦਿੰਦੈ ਧਨ ਦਾ ਨਸ਼ਾ

 

www.sabblok.blogspot.com

ਲੋਕ ਦੁਨੀਆ ਦਾ ਕਲਿਆਣ ਤਾਂ ਚਾਹੁੰਦੇ ਹਨ ਪਰ ਪਹਿਲਾਂ ਆਪਣਾ ਖੁਦ ਦਾ। ਸ਼ਰਾਬ ਨਾਲੋਂ ਜ਼ਿਆਦਾ ਨਸ਼ਾ ਧਨ ਦਾ ਹੁੰਦਾ ਹੈ। ਸ਼ਰਾਬ ਦਾ ਨਸ਼ਾ ਤਾਂ 2-4 ਘੰਟੇ ਬਾਅਦ ਹੀ ਉਤਰ ਜਾਂਦਾ ਹੈ ਪਰ ਧਨ ਦਾ ਨਸ਼ਾ ਤਾਂ ਜ਼ਿੰਦਗੀ ਬਰਬਾਦ ਕਰਨ ਤੋਂ ਬਾਅਦ ਹੀ ਉਤਰਦਾ ਹੈ। ਧਨ ਦਾ ਹੰਕਾਰ ਕਰਨ ਵਾਲੇ ਹਮੇਸ਼ਾ ਇਸ ਗੱਲ ਦਾ ਧਿਆਨ ਰੱਖਣ ਕਿ ਪੈਸਾ ਕੁਝ ਵੀ ਹੋ ਸਕਦਾ ਹੈ। ਇਹ ਬਹੁਤ ਕੁਝ ਹੋ ਸਕਦਾ ਹੈ ਪਰ ਸਭ ਕੁਝ ਨਹੀਂ ਹੋ ਸਕਦਾ। ਹਰ ਆਦਮੀ ਨੂੰ ਧਨ ਦੀ ਅਹਿਮੀਅਤ ਸਮਝਣੀ ਚਾਹੀਦੀ ਹੈ। ਧਨੀ ਹੋਣ ਤੋਂ ਬਾਅਦ ਵੀ ਜੇ ਲਾਲਚ ਤੇ ਪੈਸਿਆਂ ਦਾ ਮੋਹ ਹੈ ਤਾਂ ਉਸ ਨਾਲੋਂ ਵੱਡਾ ਗਰੀਬ ਹੋਰ ਕੋਈ ਨਹੀਂ ਹੋ ਸਕਦਾ। ਹਰ ਵਿਅਕਤੀ ਲਾਭ ਦੀ ਕਾਮਨਾ ਕਰਦਾ ਹੈ ਪਰ ਉਸ ਦਾ ਉਲਟ ਸ਼ਬਦ ਮਤਲਬ 'ਭਲਾ' ਕਰਨ ਤੋਂ ਦੂਰ ਭੱਜਦਾ ਹੈ।