ਭਾਰਤ ਮੌਸਮ ਵਿਭਾਗ ਦੇ ਵਿਗਿਆਨੀ ਐਮ. ਮਹਾਪਾਤਰ ਅਨੁਸਾਰ ਹਵਾਵਾਂ ਦੀ ਰਫਤਾਰ ਘੱਟ ਕੇ 160-170 ਕਿਲੋਮੀਟਰ ਪ੍ਰਤੀਘੰਟੇ ਹੋਣ ਨਾਲ ਐਤਵਾਰ ਦੀ ਸਵੇਰੇ ਸਾਢੇ ਪੰਜ ਵਜੇ ਤੋਂ ਚੱਕਰਵਾਤ ਦੀ ਰਫਤਾਰ ਘੱਟ ਹੋਣ ਦੇ ਸੰਕੇਤ ਮਿਲਣ ਲਗੇ। ਸ਼ਕਤੀਸ਼ਾਲੀ ਚੱਕਰਵਾਤ ਫੈਲੀਨ 1999 ਵਿਚ ਆਏ ਵਿਨਾਸ਼ਕਾਰੀ ਤੂਫਾਨ ਦੇ ਬਾਅਦ ਤੋਂ ਆਇਆ ਸਭ ਤੋਂ ਖਤਰਨਾਕ ਤੂਫਾਨ ਦੱਸਿਆ ਜਾ ਰਿਹਾ ਹੈ। ਫੈਲੀਨ ਸ਼ਨੀਵਾਰ ਦੀ ਰਾਤ ਨੂੰ 200 ਕਿਲੋਮੀਟਰ ਪ੍ਰਤੀਘੰਟੇ ਦੀ ਰਫਤਾਰ ਨਾਲ ਜ਼ਿਆਦਾ ਤੇਜ਼ ਹਵਾਵਾਂ ਨਾਲ ਓਡੀਸ਼ਾ ਦੇ ਤੱਟ ‘ਤੇ ਪਹੁੰਚਿਆ।
ਰੈੱਡੀ ਨੇ ਕਿਹਾ ਕਿ ਗੋਪਾਲਪੁਰ ਤੋਂ ਕਰੀਬ 20 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਬਲਰਾਮਪੁਰ ਵਿਚ ਐਤਵਾਰ ਦੀ ਸਵੇਰ ਨੂੰ 8 ਵਜੇ ਹਵਾਵਾਂ ਦੀ ਰਫਤਾਰ 70 ਤੋਂ 80 ਕਿਲੋਮੀਟਰ ਪ੍ਰਤੀਘੰਟਾ ਸੀ। ਉਨ੍ਹਾਂ ਨੇ ਦੱਸਿਆ, ”ਗੰਜਾਮ ਅਤੇ ਬਰਿਹਮਪੁਰ ਜ਼ਿਲਿਆਂ ਵਿਚ ਦਰੱਖਤਾਂ, ਬਿਜਲੀ ਦੇ ਖੰਭਿਆਂ, ਟੈਲੀਫੋਨ ਟਾਵਰਾਂ ਦੇ ਡਿੱਗਣ ਅਤੇ ਕੱਚੇ ਘਰਾਂ ਦੇ ਨੁਕਸਾਨ ਹੋਣ ਦੀਆਂ ਖ਼ਬਰਾਂ ਹਨ। ਸੰਚਾਰ ਸੇਵਾਵਾਂ ‘ਚ ਵੀ ਠੱਪ ਹਨ।” ਉਨ੍ਹਾਂ ਨੇ ਕਿਹਾ ਕਿ ਗੋਪਾਲਪੁਰ ‘ਚ 95 ਫੀਸਦੀ ਆਬਾਦੀ ਨੂੰ ਬਾਹਰ ਕੱਢ ਲਿਆ ਗਿਆ ਹੈ ਜਿਸ ਕਾਰਣ ਪ੍ਰਸ਼ਾਸਨ ਨੂੰ ਘੱਟ ਨੁਕਸਾਨ ਹੋਣ ਦੀ ਉਮੀਦ ਹੈ।
No comments:
Post a Comment