ਦਲਜੀਤ ਸਿੰਘ |
ਮਹਾਤਮਾ ਬੁੱਧ ਦੇ ਚੇਲੇ ਨੇ ਅੱਜ ਤੋਂ ਹਜ਼ਾਰਾਂ ਸਾਲ ਪਹਿਲਾਂ, ਬੁੱਧ ਨੂੰ ਇਕ ਸਵਾਲ ਕੀਤਾ ਸੀ, ਕਿ ਤੁਹਾਡੇ ਕੋਲ ਕੋਈ ਭੀੜ ਨਹੀਂ ਹੈ ਜਦੋਂਕਿ ਹੋਰਨਾਂ ਜੋਗੀਆਂ ਆਦਿ ਦੇ ਡੇਰਿਆਂ ਤੇ ਕਾਫ਼ੀ ਭੀੜ ਹੈ। ਕਾਰਨ? ਮਹਾਤਮਾ ਬੁੱਧ ਨੇ ਬੜਾ ਬ-ਕਮਾਲ ਜਵਾਬ ਦਿੱਤਾ, ''ਬਹੁਤ ਭੀੜ ਵਿਚ ਕੋਈ ਚੰਗੇ ਮਨੁੱਖ ਨਹੀਂ ਹੁੰਦੇ ਅਤੇ ਚੰਗਿਆਂ ਮਨੁੱਖਾਂ ਦੀ ਕਦੇ ਭੀੜ ਨਹੀਂ ਹੁੰਦੀ।'' ਇਸੇ ਤਰ੍ਹਾਂ ਅੱਜ ਵੀ ''ਗੁਰੂ ਗ੍ਰੰਥ ਸਾਹਿਬ ਜੀ'' ਦੇ ਬਰਾਬਰ ਕਈ ਬਾਬੇ, ਸਾਧ, ਸੰਤ ਅਤੇ ਨਕਲੀ ਗੁਰੂ ਪੈਦਾ ਹੋ ਗਏ ਹਨ। ਗੁਰਮਤਿ ਦੇ ਉਲਟ ਕਈ ਕਿਸਮ ਦੀਆਂ ਇਨ੍ਹਾਂ ਸਾਧਾਂ ਸੰਤਾਂ ਨੇ ਮਨਮੱਤਾਂ, ਗੁਰਮਤਿ ਦੇ ਸਿਰਲੇਖ ਹੇਠ ਚਲਾਈਆਂ ਹੋਈਆਂ ਹਨ, ਕਾਰ ਸੇਵਾ ਦੇ ਪੜਦੇ ਥੱਲੇ ਵਾਪਾਰ ਸੇਵਾ ਹੋ ਰਹੀ ਹੈ। ਇਨ੍ਹਾਂ ਸਾਧਾਂ-ਸੰਤਾਂ ਵਲੋਂ ਸਦਾ ਇਹੀ ਕੋਸ਼ਿਸ਼ ਰਹੀ ਹੈ ਕਿ ਲੋਕ ਗੁਰਮਤਿ ਤੋਂ ਦੂਰ ਰਹਿਣ ਅਤੇ ਇਨ੍ਹਾਂ ਦੀਆਂ ਦੁਕਾਨਾਂ ਚਲਦੀਆਂ ਰਹਿਣ, ਪਰ ਗੁਰੂ ਦੇ ਸਿੱਖ ਹਮੇਸ਼ਾ ਗੁਰੂ ਗ੍ਰੰਥ ਅਤੇ ਗੁਰੂ ਪੰਥ ਦੇ ਹੋ ਕੇ ਰਹਿØੰਦੇ ਹਨ। ਉਹ ਆਪਣੇ ਜੀਵਨ ਵਿਚ ਹਰ ਤਰ੍ਹਾਂ ਦੀ ਅਗਵਾਈ 'ਗੁਰੂ ਗ੍ਰੰਥ ਸਾਹਿਬ' ਤੋਂ ਲੈਂਦੇ ਹਨ, ਹੋਰ ਕਿਸੇ ਸਾਧ ਸੰਤ, ਦੇਹਧਾਰੀ ਦੇ ਡੇਰੇ ਵੱਲ ਉਹ ਝਾਕਦੇ ਵੀ ਨਹੀਂ ਹਨ।
No comments:
Post a Comment