www.sabblok.blogspot.com
ਗਿੱਦੜਬਾਹਾ
(ਪੀ ਟੀ ਆਈ ) - ਹਲਕਾ ਇੰਚਾਰਜ ਹਰਦੀਪ ਸਿੰਘ ਡਿੰਪੀ ਢਿੱਲੋਂ ਨੇ ਸੋਮਵਾਰ ਨੂੰ ਹਲਕੇ ਦੇ
ਵੱਖ-ਵੱਖ ਪਿੰਡਾਂ ਦਾ ਦੌਰਾ ਕੀਤਾ ਅਤੇ ਚੋਣ ਜਲਸਿਆਂ ਨੂੰ ਸੰਬੋਧਨ ਕੀਤਾ। ਡਿੰਪੀ ਢਿੱਲੋਂ
ਨੇ ਕਿਹਾ ਕਿ ਅਕਾਲੀ ਦਲ ਬਾਦਲ ਅਮਨ ਸ਼ਾਂਤੀ ਅਤੇ ਈਮਾਨਦਾਰੀ ਨਾਲ ਚੋਣਾਂ ਲੜੇਗਾ ਅਤੇ
ਲੋਕਾਂ ਦੇ ਆਸ਼ੀਰਵਾਦ ਨਾਲ ਜਿੱਤ ਪ੍ਰਾਪਤ ਕਰੇਗਾ। ਡਿੰਪੀ ਢਿੱਲੋਂ ਨੇ ਹਲਕਾ ਗਿੱਦੜਬਾਹਾ
ਦੇ ਵੱਖ-ਵੱਖ ਪਿੰਡਾਂ ਦੇ ਦੌਰੇ ਦੌਰਾਨ ਵਿਰੋਧੀ ਪਾਰਟੀਆਂ 'ਤੇ ਬਿਆਨੀ ਹਮਲਾ ਕਰਦੇ ਹੋਏ
ਕਿਹਾ ਕਿ ਵਿਰੋਧੀ ਪਾਰਟੀਆਂ ਜਾਣ ਬੁੱਝ ਕੇ ਅਕਾਲੀ ਦਲ 'ਤੇ ਧੱਕੇਸ਼ਾਹੀ ਅਤੇ ਗੁੰਡਾਗਰਦੀ
ਦੇ ਜੋ ਦੋਸ਼ ਲਗਾ ਰਹੇ ਹਨ ਉਹ ਰਾਜਨੀਤੀ ਤੋਂ ਪ੍ਰੇਰਿਤ ਹਨ। ਡਿੰਪੀ ਢਿੱਲੋਂ ਨੇ ਕਿਹਾ ਕਿ
ਅਜੇ ਤਾਂ ਚੋਣ ਅਖਾੜੇ ਦੀ ਸ਼ੁਰੂਆਤ ਹੀ ਹੋਈ ਹੈ ਅਤੇ ਵਿਰੋਧੀ ਧਿਰ ਅਕਾਲੀ ਦਲ ਖਿਲਾਫ ਜਾਣ
ਬੁੱਝ ਕੇ ਗਲਤ ਦੋਸ਼ ਲਗਾ ਕੇ ਲੋਕਾਂ ਦੀ ਸੋਚ ਬਦਲਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਨ੍ਹਾਂ
ਦਾਅਵਾ ਜਤਾਇਆ ਕਿ ਅਕਾਲੀ ਦਲ ਚੋਣਾਂ ਵਿਚ ਲੋਕਾਂ ਦਾ ਭਰੋਸਾ ਜਿੱਤ ਕੇ ਜਿੱਤ ਪ੍ਰਾਪਤ ਕਰਨ
ਵਿਚ ਵਿਸ਼ਵਾਸ ਰੱਖਦਾ ਹੈ ਅਤੇ ਰੱਖੇਗਾ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸੁਰਜੀਤ ਸਿੰਘ
ਚੇਅਰਮੈਨ, ਨਵਤੇਜ ਕਾਉਣੀ, ਚੇਅਰਮੈਨ ਗੁਰਚਰਨ ਸਿੰਘ ਭਲਾਈਆਣਾ, ਰੈਸਟੀ ਰੰਧਾਵਾ, ਜਗਤਾਰ
ਸਿੰਘ ਧਾਲੀਵਾਲ ਪੀ. ਏ. ਟੂ ਢਿੱਲੋਂ, ਹਰਵਿੰਦਰ ਕਾਕਾ, ਮਹਿੰਦਰ ਸਿੰਘ ਧਾਲੀਵਾਲ,
ਅਜੀਤਪਾਲ ਸਿੰਘ ਔਲਖ, ਭਗਵੰਤ ਸਰਪੰਚ ਸਮੇਤ ਵੱਡੀ ਗਿਣਤੀ ਵਿਚ ਅਕਾਲੀ ਵਰਕਰ ਅਤੇ ਪਿੰਡ
ਵਾਸੀ ਹਾਜ਼ਰ ਸਨ।
No comments:
Post a Comment