www.sabblok.blogspot.com
ਨਵੀਂ ਦਿੱਲੀ, 24 ਮਈ (sb)- ਕਾਰਪੋਰੇਟ ਮਾਮਲਿਆਂ ਦੇ ਮੰਤਰਾਲੇ ਨੇ
ਸ਼ੱਕੀ, ਜਾਅਲੀ ਤੇ ਗੈਰ-ਕਾਨੂੰਨੀ ਲੈਣ ਦੇਣ ਲਈ ਸਾਬਕਾ ਰੇਲਵੇ ਮੰਤਰੀ ਪਵਨ ਬਾਂਸਲ ਦੀ
ਮਾਲਕੀ ਵਾਲੀਆਂ 105 ਕੰਪਨੀਆਂ ਦੀ ਪੜਤਾਲ ਕਰਨ ਦੇ ਹੁਕਮ ਦਿੱਤੇ ਹਨ। ਮੰਤਰਾਲਾ
ਚੰਡੀਗੜ੍ਹ, ਚੇਨਈ, ਹਿਮਾਚਲ ਪ੍ਰਦੇਸ਼, ਦਿੱਲੀ, ਬੰਗਲੌਰ ਅਤੇ ਕੋਲਕਾਤਾ ਦੇ ਖੇਤਰੀ ਦਫਤਰਾਂ
ਨੂੰ ਇਹ ਹੁਕਮ ਦੇ ਚੁੱਕਾ ਹੈ ਕਿ ਉਨ੍ਹਾਂ ਅਧੀਨ ਕੰਪਨੀਆਂ ਦੇ ਸਾਰੇ ਰਜਿਸਟਰਾਂ ਦੀ ਜਾਂਚ
ਕੀਤੀ ਜਾਵੇ ਅਤੇ ਇਨ੍ਹਾਂ ਦੀਆਂ ਬੈਲੇਂਸ ਸ਼ੀਟਾਂ ਦੀ ਟੈਕਨੀਕਲ ਜਾਂਚ ਰਿਪੋਰਟ ਇਕ ਮਹੀਨੇ
ਅੰਦਰ ਪੇਸ਼ ਕਰੇ। ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਇਹ ਜਾਂਚ ਕੰਪਨੀਜ਼ ਐਕਟ ਦੀ ਧਾਰਾ
234 ਹੇਠ ਕੀਤੀ ਜਾਵੇਗੀ, ਜਿਹੜੀ ਕੰਪਨੀਆਂ ਦੇ ਰਜਿਸਟਰਾਰ ਨੂੰ ਅਧਿਕਾਰ ਦਿੰਦੀ ਹੈ ਕਿ
ਜਿਨ੍ਹਾਂ ਕੰਪਨੀਆਂ ਵਿਰੁੱਧ ਸ਼ਿਕਾਇਤਾਂ ਮਿਲੀਆਂ ਹਨ, ਉਨ੍ਹਾਂ ਦੇ ਦਸਤਾਵੇਜ਼ ਜ਼ਬਤ ਵਿੱਚ ਲੈ
ਲਏ ਜਾਣ। ਇਹ ਕਾਰਵਾਈ ਭਾਜਪਾ ਨੇਤਾ ਕੀਰਤੀ ਸੋਮੱਈਆ ਵਲੋਂ ਦੋਸ਼ਾਂ ਦੇ ਆਧਾਰ ‘ਤੇ ਕੀਤੀ
ਜਾ ਰਹੀ ਹੈ।
No comments:
Post a Comment