ਵਿੰਦੂ ਦਾਰਾ ਸਿੰਘ ਰੰਧਾਵਾ ਨੇ ਅਪਣਾ ਗੁਨਾਹ ਕਬੂਲ ਕੀਤਾ, ਭਰਾ ਅਨੁਸਾਰ ਵਿੰਦੂ ਨਿਰਦੋਸ਼

www.sabblok.blogspot.com

ਸਟੋਰੀਆਂ ਨਾਲ ਸਬੰਧਾ ਦੇ ਮਾਮਲੇ ‘ਚ ਫੜੇ ਗਏ ਅਦਾਕਾਰ ਵਿੰਦੂ ਦਾਰਾ ਸਿੰਘ ਦੇ ਭਰਾ ਅਮਰੀਕ ਸਿੰਘ ਨੇ ਮੁੰਬਈ ਰਵਾਨਾ ਹੋਣ ਤੋਂ ਪਹਿਲਾਂ ਹਵਾਈ ਅੱਡੇ ‘ਤੇ ਪੱਤਰਕਾਰਾਂ ਨੂੰ ਕਿਹਾ ਕਿ ਉਹ ਇਹ ਕਦੇ ਵੀ ਵਿਸ਼ਵਾਸ਼ ਨਹੀਂ ਕਰ ਸਕਦੇ ਕਿ ਵਿੰਦੂ ਇਸ ਮਾਮਲੇ ਸ਼ਾਮਲ ਹਨ ਅਤੇ ਵਿੰਦੂ ਬਿਲਕੁਲ ਪਾਕਿ ਸਾਫ ਨਿਕਲੇਗਾ। ਅਮਰੀਕ ਸਿੰਘ ਨੇ ਕਿਹਾ ਕਿ ਬਿੱਗ ਬਾਸ ਭਾਗ ਤੀਜੇ ਦਾ ਵਿਜੇਤਾ ਵਿੰਦੂ ਮੁੰਬਈ ‘ਚ ਜਾਣਿਆਂ ਪਹਿਚਾਣਿਆਂ ਨਾਮ ਹੈ। ਉਸ ਨੂੰ ਸਾਰੀ ਮੁੰਬਈ ਜਾਣਦੀ ਹੈ ਅਤੇ ਇਸ ਦਾ ਇਹ ਮਤਲਬ ਨਹੀਂ ਹੈ ਕਿ ਇਹ ਅਪਰਾਧਿਕ ਚੀਜ਼ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਮਾਤਮਾ ਦਾ ਦਿੱਤਾ ਹੋਇਆ ਉਨ੍ਹਾਂ ਕੋਲ ਸਭ ਕੁਝ ਹੈ ਅਤੇ ਉਨ੍ਹਾਂ ਦਾ ਪਰਿਵਾਰ ਜਾਂਚ ਏਜੰਸੀਆਂ ਨੂੰ ਪੂਰਾ ਸਹਿਯੋਗ ਦੇਵੇਗਾ
ਆਈ. ਪੀ. ਐਲ-6 ਸਪਾਟ ਫਿਕਸਿੰਗ ਮਾਮਲੇ ‘ਚ ਵੱਡਾ ਖੁਲਾਸਾ ਹੋਇਆ ਹੈ ਕਿ ਅਦਾਕਾਰ ਵਿੰਦੂ ਦਾਰਾ ਸਿੰਘ ਨੇ ਅਪਣਾ ਜੁਰਮ ਕਬੂਲ ਕਰ ਲਿਆ ਹੈ। ਉਨ੍ਹਾਂ ਦੇ ਘਰ ਤੋਂ 2 ਮੋਬਾਈਲ ਅਤੇ ਇਕ ਲੈਪਟਾਪ ਬ੍ਰਾਮਦ ਕੀਤਾ ਗਿਆ ਹੈ। ਪੁਲਿਸ ਇਸ ਮਾਮਲੇ ‘ਚ ਬੂਕੀ ਸੰਜੇ ਅਤੇ ਪਵਨ ਦੀ ਤਲਾਸ਼ ਕਰ ਰਹੀ ਹੈ ਅਤੇ ਪੁਲਿਸ ਮੁਤਾਬਿਕ ਇਹ ਦੋਵੇਂ ਵਿੰਦੂ ਨਾਲ ਜੁੜੇ ਹੋਏ ਹਨ ਅਤੇ ਕਿਹਾ ਜਾ ਰਿਹਾ ਹੈ ਕਿ ਇਸ ਮਾਮਲੇ ‘ਚ 4 ਹੋਰ ਬਾਲੀਵੁੱਡ ਹਸਤੀਆਂ ਸ਼ੱਕ ਦੇ ਘੇਰੇ ‘ਚ ਹਨ। ਗੌਰਤਲਬ ਹੈ ਕਿ ਸਪਾਟ ਫਿਕਸਿੰਗ ‘ਚ ਵਿੰਦੂ 19ਵੇਂ ਵਿਅਕਤੀ ਹਨ ਜਿਨ੍ਹਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।