ਡੀਜ਼ਲ ਦੀ ਕੀਮਤ ਇਕ ਰੁਪਏ ਫੀ ਲਿਟਰ ਵਧਾਈ

www.sabblok.blogspot.com

ਨਵੀਂ ਦਿੱਲੀ, 10 ਮਈ
ਡੀਜ਼ਲ ਦੀ ਕੀਮਤ ਵਿਚ ਅੱਜ 1.02 ਰੁਪਏ ਪ੍ਰਤੀ ਲਿਟਰ ਦਾ ਵਾਧਾ ਕਰ ਦਿੱਤਾ ਗਿਆ ਹੈ। ਇਸ ਸਾਲ ਦੌਰਾਨ ਇਹ ਚੌਥੀ ਵਾਰ ਹੈ ਕਿ ਡੀਜ਼ਲ ਦੀਆਂ ਕੀਮਤਾਂ ਵਧਾਈਆਂ ਗਈਆਂ ਹਨ। ਜਨਵਰੀ ਵਿਚ  ਫੈਸਲਾ ਹੋਇਆ ਸੀ ਕਿ ਕੀਮਤ ਵਿਚ ਹਰ ਮਹੀਨੇ 50 ਪੈਸੇ ਪ੍ਰਤੀ ਲਿਟਰ ਦਾ ਵਾਧਾ ਹੋਵੇਗਾ। ਪਰ ਤੇਲ ਕੰਪਨੀਆਂ ਨੇ ਸਰਕਾਰ ਲਈ ਮੁਸ਼ਕਲ ਪੈਦਾ ਨਾ ਕਰਦਿਆਂ ਅਪਰੈਲ ਵਿਚ (ਸੈਸ਼ਨ ਕਾਰਨ) ਕੀਮਤ ਨਹੀਂ ਸੀ ਵਧਾਈ। ਇਸ ਕਰਕੇ ਇਸ ਮਹੀਨੇ ਇਕ ਰੁਪਏ ਦਾ ਵਾਧਾ ਕਰ ਦਿੱਤਾ ਗਿਆ ਹੈ। ਦਿੱਲੀ ਵਿਚ ਹੁਣ ਡੀਜ਼ਲ ਦੀ ਕੀਮਤ 48.67 ਰੁਪਏ ਦੀ ਥਾਂ 49.69 ਰੁਪਏ ਹੋਵੇਗੀ। ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੇ ਬੁਲਾਰੇ ਨੇ ਦੱਸਿਆ ਕਿ ਡੀਜ਼ਲ ਦੀਆਂ ਨਵੀਆਂ ਕੀਮਤਾਂ ਅੱਜ ਅੱਧੀ ਰਾਤ ਤੋਂ ਲਾਗੂ ਹੋ ਜਾਣਗੀਆਂ। ਉਨ੍ਹਾਂ ਕਿਹਾ ਕਿ ਕੀਮਤ ਵਿਚ 90 ਪੈਸੇ ਪ੍ਰਤੀ ਲਿਟਰ ਵਾਧਾ ਕੀਤਾ ਗਿਆ। ਇਸ ਵਿਚ ਵੈਟ ਸ਼ਾਮਲ ਨਹੀਂ ਹੈ। ਡੀਜ਼ਲ ਦੀਆਂ ਕੀਮਤਾਂ ਵਿਚ ਇਸ ਤੋਂ ਪਹਿਲਾਂ 23 ਮਾਰਚ ਨੂੰ ਵਾਧਾ ਕੀਤਾ ਗਿਆ ਸੀ। ਉਦੋਂ ਕੀਮਤ 45 ਪੈਸੇ ਪ੍ਰਤੀ ਲਿਟਰ  (ਟੈਕਸ ਅਲੱਗ) ਵਧਾਈ ਗਈ ਸੀ।
-ਪੀ.ਟੀ.ਆਈ