www.sabblok.blogspot.com
ਬਲਾਤਕਾਰ ਹੀ ਤਾਂ ਹੋਇਆ ਹੈ
ਫਿਰ ਕੀ ਹੋਇਆ
ਕਿਹੜਾ ਇੰਦਰਾ ਗਾਂਧੀ ਮਰੀ ਹੈ
ਜੋ ਸਰਕਾਰੀ ਸ਼ਹਿ ਤੇ
ਕਤਲੇਆਮ ਦੀ
ਇਜਾਜਤ ਦੇ ਦੇਈਏ।
ਉਹ ਕਿਹੜਾ
ਉਸ ਮਨਮੋਹਨ ਸਿੰਘ ਦੀ ਧੀ ਸੀ
ਜਿਹੜਾ ਕਹਿੰਦਾ ਐ
ਕਿ ਮੈਂ ਵੀ ਧੀਆਂ ਵਾਲਾ ਹਾਂ।
ਏਥੇ ਤਾਂ ਏਦਾਂ ਹੀ ਹੁੰਦਾ ਐ
ਏਥੇ ਤਾਂ ਏਦਾਂ ਹੀ ਹੋਣਾ ਐ
ਜਿੰਨੀਆਂ ਮਰਜ਼ੀ ਕੈਂਡਲਾਂ ਫੂਕ ਲਵੋ
ਜਿੰਨੀਆਂ ਮਰਜ਼ੀ ਛਾਤੀਆਂ ਪਿੱਟ ਲਵੋ
ਉਦੋਂ ਤੱਕ ਕੁੱਝ ਨਹੀਂ ਹੋਣਾ
ਜਦੋਂ ਤੱਕ
ਪ੍ਰਿਅੰਕਾ ਗਾਂਧੀ ਸੁਰੱਖਿਅਤ ਹੈ
ਜਦੋਂ ਤੱਕ
ਅਸੰਬਲੀ ਵਿੱਚ
ਅਸ਼ਲੀਲ ਫਿਲਮਾਂ
ਵੇਖਣ ਵਾਲਿਆਂ ਦੀਆਂ
ਧੀਆਂ ਦੀ ਹਿਫਾਜਤ
ਸਾਡੇ ਪੁੱਤ ਕਰਦੇ ਹਨ
ਤੇ ਅਪਣੀਆਂ ਧੀਆਂ ਨੂੰ
ਛੱਡ ਦਿੰਦੇ ਹਨ
ਹਾਲਾਤ ਦੇ ਆਧਾਰ ਤੇ
ਉਦੋਂ ਤੱਕ ਕੁੱਝ ਨਹੀਂ ਹੋਣਾ।
ਸਾਡੀਆਂ ਤਾਂ
ਲੇਖਾਂ ਵਿੱਚ ਹੀ ਲਿਖਵਾ ਕੇ ਆਈਆਂ ਨੇ
ਮੈਲ਼ੀਆਂ ਨਜ਼ਰਾਂ
ਤੇ ਮਾਸੂਮ ਸ਼ਕਸੀਅਤਾਂ।
ਇਹ ਉਹ ਦੇਸ਼ ਹੈ
ਜਿੱਥੇ ਔਰਤ ਨੂੰ ਦੇਵੀ ਆਖ ਕੇ
ਉਸ ਦਾ ਸ਼ੋਸ਼ਣ ਕੀਤਾ ਜਾਂਦੈ
ਤੇ ਮਾਡਲ ਆਖ ਕੇ
ਉਸ ਦੇ ਸਰੀਰ ਦੀ ਨੁਮਾਇਸ਼ ਲਾਈ ਜਾਂਦੀ ਹੈ
ਏਥੇ ਤਾਂ ਏਦਾਂ ਹੀ ਹੋਊ।
ਛੱਡ ਯਾਰ
ਤੂੰ ਕਾਹਨੂੰ ਸਿਰ ਫੜਿਐ
ਬਲਾਤਕਾਰ ਹੀ ਤਾਂ ਹੋਇਆ ਹੈ
ਕਿੱਡੀ ਕੁ ਵੱਡੀ ਖਬਰ ਐ
ਕਿਹੜਾ ਕਿਸੇ ਮੰਤਰੀ ਦਾ ਕੁੱਤਾ ਗੁਆਚਿਆ ਹੈ।
No comments:
Post a Comment