ਜਬਰ ਜਨਾਹ ਦੇ ਮਾਮਲੇ 'ਚ ਬਸਪਾ ਸੰਸਦ ਮੈਂਬਰ ਧਨੰਜੇ ਸਿੰਘ ਖਿਲਾਫ਼ ਕੇਸ ਦਰਜ

 

ਨਵੀਂ ਦਿੱਲੀ, 14 ਨਵੰਬਰ (ਏਜੰਸੀ)-ਬਸਪਾ ਸੰਸਦ ਮੈਂਬਰ ਧਨੰਜੇ ਸਿੰਘ ਹੁਣ ਇਕ ਨਵੀਂ ਮੁਸੀਬਤ 'ਚ ਫਸ ਗਏ ਹਨ | ਆਪਣੀ ਨੌਕਰਾਣੀ ਨੂੰ ਤਸੀਹੇ ਦੇਣ ਅਤੇ ਉਸ ਦੀ ਹੱਤਿਆ ਦੇ ਮਾਮਲੇ ਵਿਚ ਜੇਲ੍ਹ ਵਿਚ ਬੰਦ ਧਨੰਜੇ ਦੇ ਵਿਰੁੱਧ ਹੁਣ ਜਬਰ ਜਨਾਹ ਦਾ ਮਾਮਲਾ ਵੀ ਦਰਜ ਹੋ ਗਿਆ ਹੈ | ਸਰਕਾਰੀ ਕਰਮਚਾਰੀ ਇਕ ਮਹਿਲਾ ਨੇ ਧਨੰਜੇ ਦੇ ਵਿਰੁੱਧ ਪੂਰਬੀ ਦਿੱਲੀ ਦੇ ਪਾਂਡਵ ਨਗਰ ਪੁਲਿਸ ਥਾਣੇ ਵਿਚ ਐਫ. ਆਈ. ਆਰ. ਦਰਜ ਕਰਵਾਈ ਹੈ | ਇਸ ਮਹਿਲਾ ਨੇ ਧਨੰਜੇ 'ਤੇ ਬੰਦੂਕ ਦੀ ਨੋਕ 'ਤੇ ਜਬਰ ਜਨਾਹ ਕਰਨ ਦਾ ਦੋਸ਼ ਲਗਾਇਆ ਹੈ | ਪੁਲਿਸ ਸੂਤਰਾਂ ਅਨੁਸਾਰ ਇਸ ਮਹਿਲਾ ਨੇ ਧਨੰਜੇ ਸਿੰਘ 'ਤੇ 2005 ਤੋਂ 2009 ਦੇ ਦਰਮਿਆਨ ਸਰੀਰਕ ਸ਼ੋਸ਼ਣ ਕਰਨ ਦੋਸ਼ ਲਗਾਇਆ ਹੈ | ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਪਹਿਲੇ ਇਸ ਲਈ ਸਾਹਮਣੇ ਨਹੀਂ ਆਈ ਕਿਉਂਕਿ ਧਨੰਜੇ ਨੇ ਉਸ ਨੂੰ ਇਸ ਬਾਰੇ ਦੱਸਣ 'ਤੇ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਸੀ |

www.sabblok.blogspot.com