ਬਾਦਲ ਦੀ ਅਗਵਾਈ ‘ਚ ਉੱਚ ਸਿੱਖਿਆ ਕੌਂਸਲ ਦਾ ਗਠਨ

www.sabblok.blogspot.com

ਮਲੂਕਾ ਹੋਣਗੇ ਉਪ ਚੇਅਰਮੈਨ, ਸਮੂਹ ਯੂਨੀਵਰਸਿਟੀਆਂ ਦੇ ਵੀ. ਸੀ. ਮੈਂਬਰਾਂ ‘ਚ ਸ਼ਾਮਲ

 

ਚੰਡੀਗੜ੍ਹ, (ਭੁੱਲਰ) – ਪੰਜਾਬ ਸਰਕਾਰ ਨੇ ਨੈਸ਼ਨਲ ਉੱਚ ਸਿੱਖਿਆ ਕੌਂਸਲ ਦਾ ਗਠਨ ਕੀਤਾ ਹੈ। ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਇਸ ਮਿਸ਼ਨ ਦੇ ਚੇਅਰਮੈਨ ਹਨ।  ਪੰਜਾਬ ਦੇ ਸਿੱਖਿਆ ਅਤੇ ਭਾਸ਼ਾ ਮੰਤਰੀ ਸਿਕੰਦਰ ਸਿੰਘ ਮਲੂਕਾ ਇਸ ਕੌਂਸਲ ਦੇ ਵਾਈਸ ਚੇਅਰਮੈਨ ਅਤੇ ਡਾ. ਰੋਸ਼ਨ ਸੁੰਕਾਰੀਆ ਆਈ. ਏ. ਐੱਸ., ਪ੍ਰਿੰਸੀਪਲ ਸਕੱਤਰ ਹਾਇਰ ਐਜੂਕੇਸ਼ਨ ਅਤੇ ਭਾਸ਼ਾ ਪੰਜਾਬ ਚੀਫ ਐਗਜ਼ੀਕਿਊਟਿਵ ਅਫਸਰ ਹੋਣਗੇ। ਵੱਖ-ਵੱਖ ਖੇਤਰਾਂ (ਆਰਟ, ਸਾਇੰਸ, ਤਕਨਾਲੋਜੀ, ਸਿਵਲ ਸੋਸਾਇਟੀ ਤੇ ਉਦਯੋਗ) ਦੇ ਸੱਤ ਮੈਂਬਰ ਨਾਮਜ਼ਦ ਕੀਤੇ ਹਨ ਜੋ ਕਿ ਡਾ. ਕੇ. ਕੇ. ਤਲਵਾੜ, ਸਲਾਹਕਾਰ ਪੰਜਾਬ ਸਰਕਾਰ ਸਿਹਤ ਤੇ ਮੈਡੀਕਲ ਸਿੱਖਿਆ, ਡਾ. ਜੀ. ਐੱਸ. ਕਾਲਕਟ ਚੇਅਰਮੈਨ ਪੰਜਾਬ ਸਟੇਟ ਕਿਸਾਨ ਕਮਿਸ਼ਨ, ਚੰਦਰ ਮੋਹਨ, ਪਾਲ ਓਸਵਾਲ ਚੇਅਰਮੈਨ ਕਮ ਐੱਮ. ਡੀ. ਵਰਧਮਾਨ ਗਰੁੱਪ, ਰਜਿੰਦਰ ਗੁਪਤਾ ਚੇਅਰਮੈਨ ਟ੍ਰਾਈਡੈਂਟ ਗਰੁੱਪ ਸੰਘੇੜਾ, ਨੀਨਾ ਟਿਵਾਣਾ ਚੇਅਰਮੈਨ ਹਰਪਾਲ ਟਿਵਾਣਾ ਫਾਊਂਡੇਸ਼ਨ ਅਤੇ ਡਾ. ਧਰਮਿੰਦਰ ਸਿੰਘ ਉਭਾ ਡਾਇਰੈਕਟਰ ਸਿੱਖਿਆ ਐੱਸ.ਜੀ.ਪੀ.ਸੀ. ਹਨ।

ਜ਼ਿਕਰਯੋਗ ਹੈ ਕਿ ਅਰੁਣ ਕੁਮਾਰ ਵਾਈਸ ਚਾਂਸਲਰ  ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ, ਡਾ. ਜਸਪਾਲ ਸਿੰਘ ਵੀ. ਸੀ. ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ, ਡਾ. ਅਜਾਇਬ ਸਿੰਘ ਵੀ.ਸੀ. ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ, ਡਾ. ਐੱਸ. ਐੱਸ. ਗਿੱਲ ਵੀ. ਸੀ. ਬਾਬਾ ਫਰੀਦ ਯੂਨੀਵਰਸਿਟੀ ਆਫ ਹੈਲਥ ਸਾਇੰਸਿਜ਼ ਫਰੀਦਕੋਟ, ਰਜਨੀਸ਼ ਅਰੋੜਾ ਵੀ.ਸੀ. ਪੰਜਾਬ ਤਕਨੀਕੀ ਯੂਨੀਵਰਸਿਟੀ ਜਲੰਧਰ ਅਤੇ ਅੰਜਲੀ ਭਾਵੜਾ ਆਈ. ਏ. ਐੱਸ., ਪ੍ਰਮੁੱਖ ਸਕੱਤਰ ਸਿੱਖਿਆ ਪੰਜਾਬ ਨੂੰ ਵਿਸ਼ੇਸ਼ ਮੈਂਬਰਾਂ ਵਜੋਂ ਸ਼ਾਮਲ ਕੀਤਾ ਗਿਆ ਹੈ।