ਇਸ ਮਗਰੋਂ ਜਾਦੂ ਦੇ ਟਰਿੱਕ ਚਰਨਜੀਤ ਬਰਾੜ ਵੱਲੋਂ ਪੇਸ਼ ਕੀਤੇ ਗਏ। ਨੱਚਦੀ ਜਵਾਨੀ ਦੀ
ਟੀਮ ਵੱਲੋਂ ਸ਼ਹੀਦ ਭਗਤ ਸਿੰਘ 'ਤੇ ਅਧਾਰਿਤ ਕੋਰਿਓਗ੍ਰਾਫ਼ੀ ਪੇਸ਼ ਕੀਤੀ ਗਈ। ਅਗਲਾ ਨਾਟਕ
'ਸੋ ਕਿਉ ਮੰਦਾ ਆਖੀਐ' ਪ੍ਰੋਫੈਸਰ ਅਜਮੇਰ ਸਿੰਘ ਔਲਖ ਦਾ ਭਰੂਣ ਹੱਤਿਆ ਦੀ ਭੈੜੀ ਅਲਾਮਤ
ਦੇ ਵਿਸ਼ੇ 'ਤੇ ਲਿਖਿਆ ਹੋਇਆ ਸੀ, ਜਿਹੜਾ ਪੰਜਾਬੀਆਂ ਵੱਲੋਂ ਪੁੱਤ ਦੀ ਪ੍ਰਾਪਤੀ ਲਈ
ਅਪਣਾਏ ਜਾਂਦੇ ਹੱਥਕੰਡਿਆਂ ਤੇ ਕੁੜੀਆਂ ਨੂੰ ਕੁੱਖ ਵਿੱਚ ਮਾਰਨ ਦੇ ਚਲਣ 'ਤੇ ਕਰਾਰੀ ਚੋਟ
ਕਰਦਾ ਸੀ। ਇਸ ਨਾਟਕ ਵਿੱਚ 20 ਦੇ ਕਰੀਬ ਕਲਾਕਾਰਾਂ ਨੇ ਜੀ ਜਾਨ ਨਾਲ ਅਦਾਕਾਰੀ ਕੀਤੀ।
ਇਸ ਪ੍ਰੋਗਰਾਮ ਵਿੱਚ ਟੋਰਾਂਟੋ ਖ਼ੇਤਰ ਦੀਆਂ ਨਾਮਵਰ ਸਾਹਿਤਕ ਤੇ ਸਭਿਆਚਾਰਕ ਖ਼ੇਤਰ ਨਾਲ
ਸੰਬੰਧਿਤ ਸ਼ਖਸ਼ੀਅਤਾਂ ਹਾਜ਼ਰ ਸਨ ਜਿਨ੍ਹਾਂ ਵਿੱਚ ਸਰਵਸ੍ਰੀ ਨਵਤੇਜ ਭਾਰਤੀ, ਇਕਬਾਲ
ਰਾਮੂਵਾਲੀਆ, ਜਗਮੋਹਨ ਸੇਖੋਂ, ਕ੍ਰਿਪਾਲ ਸਿੰਘ ਪੰਨੂੰ, ਕੁਲਵਿੰਦਰ ਖ਼ਹਿਰਾ, ਪਿਆਰਾ
ਸਿੰਘ, ਕੁਵਿੰਦਰ ਛੀਨਾ, ਅਮਰਜੀਤ ਰਾਏ, ਡਾ ਸੁਖਦੇਵ ਝੰਡ, ਪ੍ਰੋ. ਗੁਰਬਖ਼ਸ਼ ਭੰਡਾਲ,
ਆਦਿ ਨਾਮ ਵਰਨਣਯੋਗ ਹਨ।
No comments:
Post a Comment